"გადაგიხდი, რამიშვილო!!!"

მკითხველი

"გადაგიხდი, რამიშვილო!!!"

2014 დეკ 10 18:13:15

ჩოხატაურის სოფელ დიდი ვანის დაწყებითი სკოლა, ოზურგეთის სასულიერო სემინარია, დორპატის უნივერსიტეტის იურიდიული ფაკულტეტიდან გარიცხვა;

1902 წელი _ გურიის "სოციალ-დემოკრატიული" პარტიის შექმნა;

1904 წელი _ ჭიათურაში სტალინთან გამართული დისკუსიის მოგება;

1908 წელი _ ჟენევაში რსდმპ ცკ-ს სხდომაზე დისკუსიებში სტალინის მწარედ დამარცხება.

...და დაითესა უზარმაზარი ბოლშევიკური შიში დიდ ბელადში _ ერთადერთი კაცი, ვისიც სტალინს ეშინოდა, ნოე რამიშვილი იყო.

რკინის კაცი, მისი ჯიში, მთელი გურია სძულდა სტალინს. რამიშვილების და სურებლების განადგურება ჩაიდო გულში და ნაწილობრივ, შეასრულა კიდეც.

პირველკაცობაში მოცილეობის შიშმა კინაღამ იმსხვერპლა ემიგრაციაში მიმავალი ნოე რამიშვილი. ეს შიში ედგა კვალში 1930 წლის 7 დეკემბრამდე, ვიდრე პარიზის ქუჩაში მიმავალი, მოსყიდული ქართველის ხელით არ დაეცა, ქართველების სამარცხვინოდ და საუბედუროდ.

ქართველს ისევ ქართველი თუ მოერევა, მაგრამ, რომ ვერ მოერია, დაგვანახა ამ ტრაგედიის შემდგომმა დრომ და თანამედროვეობამაც.

ნოე რამიშვილი სტალინისა და ბერიას პირადი დაპირისპირების მსხვერპლი გახდა.

2002 წლის აგვისტოში ნოე რამიშვილის დისშვილი, მამია ბერიშვილი, საქართველოში უკანასკნელად იმყოფებოდა. იგი იგონებს: "ბიძაჩემმა ნოემ და სტალინმა გაარტყეს ერთმანეთს. რამიშვილი ხმელი იყო, მარა მაგას ცალი ხელი სტკიოდა. რო გაარტყა, ქე წეიქცა და... რამიშვილო, გადაგიხდი მაგასო, მიაძახა და ქეც გადოუხადა"" (გელა სულაძე, ქართული ანტისაბჭოთა ემიგრაცია და სპეცსამსახურები, გვ.232, 2012 წ)...

სტალინი რომ დღემდე ამოუცნობი ფენომენი და დაუსრულებელი მსჯელობის საგანია, ამის დასტურად ისიც კმარა, მისი ძეგლის მოგზაურობა რომ აღარ მთავრდება მოძულეთაგან, მაგრამ გადაცემაში "გაიცინე და მოიგე" რა სიყვარულით წაგვიკითხა გორელმა კაცმა ლექსი სტალინზე? ესეც ხომ საპირისპიროს აჩვენებს?!

გვაკვირვებს სტალინზე დატაკებული ერთი სურებელი ბიჭის სიმაღლე და სიდიადე. სტალინს თუ ფოლადს ადარებდნენ, ნოე რამიშვილს რკინის კაცი შეარქვეს.

უმკაცრესი ორთაბრძოლა 1930 წლის 7 დეკემბერს პარიზის ქუჩებში დასრულდა. ემიგრანტთა შეკრებაზე მიმავალ ნოეს ჭანუყვაძემ ესროლა და მოკლა. უცხო მიწაზე სრულიად უმწეო მდგომარეობაში დარჩა ნოეს ცოლ-შვილი. ნოეს უფროსი ვაჟი, აკაკი 1999 წელს გარდაიცვალა. მან შვილს, მიშელს ანდერძად დაუტოვა, ენახა ბაბუას ნაფეხური მიწა.

უკვე სამი წელია, ყოველ ზაფხულს, მიშელ რამიშვილი 3 ათას კილომეტრს გამოივლის და ჩოხატაურში ჩამოდის. მასთან შეხვედრა არაა მარტო სისხლის ყივილი _ ეს ჯიშის, გვარის, მიწის და გადარჩენილი სიცოცხლის ზეიმია. ეს სურებისეულ ღობეში გაკვეხებული, სუფსიდან მონაბერი ცრემლიანი ნიავის სლუკუნია, ნაბუხრალზე ამოსული ველური, უცნაური სილამაზის და სურნელის ყვავილთა წყნარი ცეკვაა.

გასულ ზაფხულს, ეს ყვავილები პარიზს წაიღო მიშელ რამიშვილმა ბაბუას საფლავზე დასადებად. მერე რა, თუ დამჭკნარს ჩაიტანს, სურების მიწის სუნს მაინც გაიყოლებს.

ნაეზოვარის გაეზოვებაზე ოცნებობს მიშელ რამიშვილი; ნასახლარზე სახლის აგებაზე და მუზეუმად ქცევაზე ფიქრობს.

მას, ალბათ, ვერც წარმოუდგენია, როგორ უჭირს მისი ბაბუას სამშობლოს, მაგრამ ჩვენ მაინც გვინდა, ავუსრულოთ ეს ოცნება. ძნელია, შიშველი ხელით და გაფხეკილი ჯიბით შეება დიდ საქმეს.

ახლახან, რამიშვილები დიდი ვანიდან, რაიონის ხელმძღვანელობას ეწვივნენ დახმარების სათხოვნელად. გაჩნდა იმედი! დავინახეთ, რომ გული გულობს და ეს, თითქმის, ყველაფერია.

გასულ ზაფხულს მიშელ რამიშვილს წიგნის გამოცემასაც დავპირდით. ახლა ვნანობთ, ენამ გაგვისწრო _ მეტად ძნელი საქმეა ეს. მაგრამ, იქნებ, ვინმემ ისურვოს დახმარება!

ძვირფასო მკითხველო! ეს თემა მუდმივად დაუსრულებელი და საძიებელია. წითელმა რეჟიმმა ხომ ყველაფერი მოსპო და გაანადგურა, რაც მენშევიკებთან იყო დაკავშირებული. მხეცადქცეულმა ბელადმა თავად რუხაძის ხელით აღასრულა გაუგონარი განაჩენი _ ნოეს 87 წლის და, მართა ბერიშვილი გადაასახლა და მის 12 შვილს დედის საფლავი დაუკარგა.

ამიტომ, გთხოვთ, თუ ვინმეს რაიმე სახის მასალა გაგაჩნიათ მათ შესახებ, მოგვაწოდეთ. თუმცა, ყველაზე დიდ საძებნელს ეძებენ რამიშვილები _ ნოეს მამა, ბესარიონ მახაბელის ძე რამიშვილი "უსტა კაცი" იყო. იგი უნიკალური ჩუქურთმის აივნებით ამთავრებდა სახლების მშენებლობას. ასეთივე, ყურძნის მტევან-ბაბილოთი იყო მოქარგული მისი ექვსი შვილის გამზრდელი "დაკარსალებული" წაბლის ოდასახლი, რომელიც დაშალეს, ჩოხატაურში ჩამოიტანეს და როგორც ერთნი ამბობენ, შიგ მილიცია განათავსეს. არის ვერსია, რომ ან შენობაში ფოსტა იყო და იდგა ძველი რაიკავშირის ადგილას (რომელიც დაიწვა). ეს შენობა გაყიდულა და ვინმე მეგრელიშვილს შეუძენია სოფელ ფარცხმაში.

დიდია ამ შენობის შეძენის და უკან, თავის ადგილზე დაბრუნების სურვილი _ თუ ვიპოვით და შევთანხმდებით.

გთხოვთ, გამოგვეხმაუროთ. თქვენ შეუფასებელ სამსახურს გაუწევთ საქართველოს, გურიის და სურების ისტორიას.

ნოე რამიშვილი და მასთან დაკავშირებული, თითქმის, დაკარგული წარსული ხომ საამაყოა ყოველი ჩვენგანისთვის.

ახლა, შვიდ დეკემბერს, 85 წელი სრულდება ნოე რამიშვილის მკვლელობიდან. ამ თარიღის აღნიშვნა უნდა გადავწიოთ ზაფხულამდე _ მაშინ მიშელ რამიშვილი შეძლებს ჩამოსვლას მოზრდილი ამალით, როგორც თვითონ დაგვპირდა.

გამოგიტყდებით, ძვირფასო მკითხველო _ ყველა გზა ჩვენი მცდელობისა, ერთი მიზნისკენ მიდის _ გადავარჩინოთ "სულდაღაფული" სურების ხეობა სრული გავერანებისაგან. ეს შესაძლებელია!

სტალინმა მუქარა შეუსრულა ნოე რამიშვილს. კაცის მკვლელს კაცი მოკლავსო, _ ასე ამბობს ქართული სიბრძნე. არსთა გამრიგემ უცნაური სიკვდილი არგუნა სტალინს _ იგი ბერიამ ვირთხის საწამლავით მოწამლა. ასე უხდიდნენ ვალებს ერთმანეთს ბოლშევიკები.

ჩვენც გვაქვს ვალი და ის უნდა გადავუხადოთ ნოე რამიშვილს. მამულიშვილს, რომელსაც შეეძლო სამშობლოსთვის შვილები გაეწირა. ეს ვალი მისი ხსოვნის და სურების ხეობის გადარჩენით გადაიხდება!




 ახალი ამბები
  • კახა სიორიძე ოზურგეთში „ლელოს“ უხელმძღვანელებს„გურია ნიუსის“ ინფორმაციით, ოზურგეთში საზოგადოებრივი მოძრაობის „ლელოს“ ოფისის გახსნა იგეგმება. ჩვენს მიერ მოპოვებული ინფორმაციით, ოზურგეთში ახალდაფუძნებულ მოძრაობას შპს “ასკანგელ ალიანსის“ ყოფილი გენერალური დირექტორი კახა სიორიძე უხელმძღვანელებს. კახა სიორიძემ ჩვენს მიერ მოპოვებული ინფორმაცია დაადასტურა. „დიახ გიდასტურებთ, რომ “ლელოს“ ოფისი იხსნება ოზურგეთში. დანარჩენი დეტალები შემდეგ კვირაში იქნება  ცნობილი“,_გვითხრა კახა სიორიძე. „ლელოს“ ახალი ოფისის გახსნა ოზურგეთში შემდეგ კვირაშია დაგეგმილი. სწორედ გახსნის დროს გახდება ცნობილი ვინ იქნება კახა სიორიძესთან ... ...
  • სამტრედიაში მომხდარ მკვლელობის ფაქტზე მუხლი გადაკვალიფიცირდასამტრედიაში მომხდარ მკვლელობის ფაქტზე მუხლი გადაკვალიფიცირდა. მამაკაცს, რომელმაც სამტრედიაში ცოლი მოკლა,17-წლამდე პატიმრობა ელის. შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის სამტრედიის სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1992 წელს დაბადებული გ.ა. სამტრედიაში, ოჯახის წევრის მიმართ დამამძიმებელ გარემოებაში ჩადენილი განზრახ მკვლელობის ბრალდებით დააკავეს. ინფორმაციას შსს ავრცელებს. უწყების ცნობით,გამოძიებით დადგინდა, რომ ბრალდებულმა სამოქალაქო რეესტრის სააგენტოს სამტრედიის ფილიალის მოქალაქეთა მომსახურების დარბაზში, განქორწინების პროცედურის დაწყებამდე, ცოლს - 1994 წელს დაბადებულ ს.ბ.-ს ცივი იარაღით სასიკვდილო ჭრილობები მიაყენა. დაჭრილი ქალი შემთხვევის ადგილზე გარდაიცვალა. სამართალდამცველებმა გ.ა. მომხდარიდან მალევე, ცხელ კვალზე, სამოქალაქო რეესტრის სააგენტოს სამტრედიის ფილიალის მოქალაქეთა მომსახურების დარბაზშივე დააკავეს. პოლიციამ დანაშაულის ჩადენის იარაღი - დანა შემთხვევის ადგილიდან ნივთმტკიცებად ამოიღო. გამოძიება ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის ფაქტზე, საქართველოს სსკ-ის 11 პრიმა 109-ე მუხლის მე-2 ნაწილის „ვ“ ქვეპუნქტით მიმდინარეობს. აღნიშნული დანაშაული 13-დან 17 წლამდე ვადით თავისუფლების აღკვეთას ... ...
  • სიახლე ოზურგეთში _ დასაქმების ბირჟამ ფუნქციონირება დაიწყოახლახან, ოზურგეთელმა ნუგზარ რუხაძემ შრომის ბირჟა გახსნა. ის არაერთ ხელმძღვანელ თანამდებობაზეა ნამუშევარი და როგორც თავად ამბობს, კარგად ერკვევა , თუ რა პროფესიის ადამიანები სჭირდება ქალაქს და როგორ დაასაქმოს ისინი ისე, რომ მოსახლეობას მლესავის, ელექტროშემდუღებლის თუ უბრალოდ, დამხმარე მუშის საჭირობის დროს, პრობლემა არ შეექმნას. _ ხშირად გვესმის, რომ ხალხი სამუშაოს ეძებს და დასაქმების შანსი არ არის. არადა, ბევრჯერ პირიქითაა: ადამიანები ეძებენ ელექტრომონტიორს, კაფელის ხელოსანს თუ მლესავს და ვერ პოულობენ. ამიტომ დავისახე მიზნად, თავი მოვუყარო მაღალი კლასის და დავასაქმო  საჭიროების  მიხედვით. ჩვენ უკვე აღრიცხვაზე ავიყვანეთ სანტექნიკოსები, დურგლები, მეთუნუქეები, ელექტროშემდუღებლები, მღებავები, სახლის მშენებლები, პიანინოს ამწყობები,  უბრალოდ, ტვირთის გადამზიდავები და მიწის დამბარავებიც კი. ზოგს აწი მივიღებთ. მთავარია, თავის პროფესიაში ერკვეოდნენ კარგად და  შესაბამისად, დასაქმებისას კარგ ანაზღაურებასაც მიიღებენ, ჩვენ უკვე დავიწყეთ მუშაობა, _ თქვა „გურია ნიუსთან“ ინდმეწარმე ნუგზარ რუხაძემ. დასაქმების ბირჟა ოზურგეთში, რკინიგზის სადგურში, პირველ სართულზეა განთავსებული და მასში უკვე ბევრი სხვადასხვა პროფესიის ადამიანი გაწევრიანდა.      ... ...
  • ჩოხატაურელი მხატვარი გურამ მიქაძე გარდაიცვალაჩოხატაურელი მხატვარი გურამ მიქაძე გარდაიცვალა, _ ამის შესახებ ფეისბუქის საკუთარ გვერდზე  ჩოხატაურის სამხატვრო სკოლის დირექტორმა მზია კვინტრაძემ დაწერა. "წავიდა ჩვენგან უნიჭიერესი მხატვარი, უანგარო და ერთგული მეგობარი გურამ მიქაძე. ღმერთმა ნათელში ამყოფოს მისი სული", _ წერს გურამ მიქაძის ... ...
  • მკვლელობა სამტრედიაში _ მამაკაცს, რომელმაც ცოლი მოკლა,15-წლამდე პატიმრობა ელის სამტრედიაში მომხდარ მკველობასთან დაკავშირებით შსს-მ გამოძიება სსკ-ის 108-ე მუხლით (განზრახ მკველობა) დაიწყო, _ ამის შესახებ "გურია ნიუსს" უწყების პრესსამსახურში განუცხადეს. მათივე ინფორმაციით, სავარაუდო ბრალდებული უკვე დაკავებულია. ბრალის დამტკიცების შემთხვევაში, მამაკაცს 7-დან 15-წლამდე პატიმრობა ელის. შეგახსენებთ, მკველობა სამტრედიაში ცოტა ხნის წინ მოხდა. ახალგაზრდა მამაკაცმა ცოლს სასიკვდილო ჭრილობა ცივი იარაღით რამდენჯერმე ... ...

არქივი

ზაფრანი

სიზმრის ახსნა

ორსულობა სიზმრები ორსულობის შესახებ შეიძლება...

მკურნალი პროდუქტები

დამწვრობისას გიშველით ალოე ვერა. დღეში...

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...

ლუდი გონების სამსახურში

როგორც ამერიკელმა და ახალზელანდიელმა მეცნიერებმა...

ბრიტანელები ჰიტლერის ფოტოებით დაინტერესდნენ

ცოტა ხნის წინ, ამერიკის შეერთებულ...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...