წამმზომი ჩართულია!

მკითხველი

წამმზომი ჩართულია!

20 თებ. 2012, 07:47:47
ამერიკის შეერთებულ შტატებში, "გურია ნიუსის" ვებ-გვერდის მეშვეობით. ყოველდღიურად ვეცნობი, თუ რა ხდება გურიაში. ამდენად, გავეცანი ფიქრია ბეღელაძის მიერ მომზადებულ, "გურია ნიუსში" გამოქვეყნებულ სტატიასაც, რომელიც აღწერდა ჩოხატაურის მუნიციპალიტეტში, სოფელ წიფნარში არსებულ რეალობას. სოფლის სკოლის ხის კედლები ხავსს და სუროს დაუფარავს, დაზიანებულია სასკოლო ინვენტარი, თითქმის ყველა ოთახში წყალი ჩამოდის, გახსნილია კედლები... ბიბლიოთეკაში წიგნები ლპება. ქალბატონი ნუნუ ანდღულაძის დიდი დამსახურებაა, რომ წიფნარის დაწყებითი სკოლა, 80-იანი წლების ბოლოს, გაუქმებას გადაარჩინა; დაუღალავი შრომით იმასაც მიაღწია, რომ დანგრეული სკოლა საჯარო სკოლად გადააქცია და სამიდან 9-კლასამდე გაზარდა. ქალბატონი ნუნუ რომ არა, დღეს ის სკოლა საერთოდ არ იარსებებდა.

მინდა მოგახსენოთ, რომ სანამ სოფლის რწმუნებულად იქნება ისეთი ადამიანი, როგორიც უჩა კიკვაძეა და უბნის ინსპექტორი, პოლიციელი ვახტანგ მამეიშვილია, სოფელს არაფერი ეშველება. და თუ რატომ, ახლავე მოგახსენებთ: სოფელ წიფნარში დავიბადე და ვიზრდებოდი 14-წლამდე. აშშ-ში უკვე 15 წელია ვცხოვრობ. ვარ როგორც საქართველოს, ისე ამერიკის მოქალაქე. 2010 წლის აგვისტოში ვიყავი სტუმრად ჩამოსული მშობლიურ წიფნარში. რაც ყველაზე თვალშისაცემი იყო, ბურნათიდან წიფნარამდე გზაზე ზუსტად იგივე ორმოები დამხვდა, 15 წლის წინ რომ დავტოვე. სოფლის ცენტრში კი, ისევ ის გაპარტახებული მაღაზია, კანტორა, ბიბლიოთეკა, კლუბი, სკოლა, ნახევრად წაქცეული დენის ბოძები...

წიფნარის რწმუნებული უჩა კიკვაძე განსაკუთრებულ ყურადღებას იჩენდა ჩემს მიმართ. რამდენჯერმე სოფელში გამაფრთხილეს, რომ ეს კაცი ყველა მთავრობას მოერგო და ფრთხილად იყავიო. მიამბეს, როგორ იცავდა კბილებით შევარდნაძის მთავრობას, მაგრამ როცა ნაციონალებმა გაიმარჯვეს, ვითომ, მთელი ცხოვრება შევარდნაძის მტერი იყო ისე მოაქვს თავი. როგორც სოფლის რწმუნებულს ვკითხე კიდეც, ნუთუ ასე ძნელია სოფელში თუნდაც გზის გაკეთება-მეთქი. მან თქვა, რომ ყურადღებას არავინ გვაქცევს, ყველა ფულის საკეთებლად არის მოსული ვერავისთან მიხვალო. შემდეგ უჩამ მითხრა ასეთი რამ: ტრაქტორი იყიდება 1500 დოლარად, თუმცა, მისი ფასი 3-ჯერ მეტიაო. 500 მაქვს, 1000-იც რომ მაშოვნინა, სოფელს ეშველება, თორემ, ამ მთავრობის იმედზე ჩემი მტერი იყოსო. მეც ამოვიღე ჯიბიდან 1000 დოლარი და მივეცი, თუ სოფელს ეშველება-მეთქი. უჩამ მომცა ასეთი პირობა: 2011 წლის 5 სექტემბრამდე, ერთ წელიწადში ამ გზას ჩემი ეზოდან ბურნათამდე გააკეთებდა, იმ ფულს დამიბრუნებდა, ტრაქტორი კი ჩემი სახელით ეყოლებოდა სოფელს და ყველა გლეხს დაეხმარებოდა.

რამდენიმე დღის შემდეგ დამირეკა უჩამ და მითხრა, რომ თავისი 500 დოლარი შემოეხარჯა და თუ სასწრაფოდ არ დავეხმარებოდი, ტრაქტორს დაკარგავდა. მე თბილისში ვიყავი, ამერიკაში მივფრინავდი, უცებ მოვძებნე რუსთავი-ჩოხატაურის მიკროავტობუსის მძღოლი და ის ფულიც გავატანე. უჩამ ფული მიიღო, დამირეკა, მადლობაც გადამიხადა და შემპირდა: ჩამოხვალ სოფელში და ნახავ, რა გზას დაგახვედრებო.

უკვე მეორე ზაფხული მოდის _ არც გზაა, არც კვალი. და რაც მთავარია, ირწმუნება, ჯართი ჩავაბარე და ტრაქტორი იმით ვიყიდეო. უჩამ კარგად იცის, რომ ჩემს მანქანაში ვიდეოთვალია დაყენებული და ყველაფერი ფიქსირდება. როცა 1000 დოლარი მივეცი, ის მაშინ ჩემს მანქანაში იჯდა. მიკროავტობუსის მძღოლის იმედიც ნუ ექნება _ ის ტყუილს არ იტყვის, უპატიოსნესი ბიჭია.

ასევე, მე და ჩემს კუთხეს, დაუპირისპირდა სოფელში აჭარიდან ჩამოსახლებული ირაკლი შავაძე, რომელიც, არც თუ სახარბიელო წარსულის მქონე პიროვნებაა; მან, ჩემი ამერიკაში წამოსვლის შემდეგ, ჩემზე საჩივარი შეიტანა პოლიციაში, თითქოს მის ოჯახს ვაშანტაჟებდი. ეს საქმე დაევალა წიფნარის უბნის ინსპექტორს, პოლიციელ ვახტანგ მამეიშვილს. მე დავურეკე და საქმის კურსში ჩავაყენე სოფლის რწმუნებული უჩა კიკვაძე. მამეიშვილსაც დავურეკე და ვუთხარი, თუ საჭირო იყო, სასწრაფოდ ჩამოვფრინდებოდი საქართველოში, რათა სიმართლე გარკვეულიყო. მამეიშვილი მეუბნებოდა, რომ საჭირო არ ვიყავი, რადგან თითონვე, თავისი ამერიკული იარაღით, ვინჩესტერით, რომელიც სახლში აქვს, გაუსწორდებოდა შავაძეს. პარალელურად, იბარებდა ირაკლის და ეუბნებოდა, გოჩა მოკალი და რაიონი დაგაფასებსო. ერთხელ მამეიშვილმა ტელეფონში მითხრა, რომ მან "კაი ბიჭებში" იკითხა ჩემზე და ყველამ თქვა, ირაკლიმ გოჩას ტყვიით შუბლი უნდა გაუხვრიტოსო. მამეიშვილს მაშინვე დაურეკა შინაგან საქმეთა სამინისტროს თანამშრომელმა და უთხრა, რას ბედავო, რადგან, მე ისინი წინასწარ საქმის კურსში მყავდა ჩაყენებული. მამეიშვილმა იმ წუთშივე დაიწყო ბოდიშის მოხდა _ მაპატიეთ, რაღაც დაუფიქრებლად წამომცდაო. მამეიშვილი ფიქრობდა, რომ გოჩას რაღაცაში "გავჭედავ" და ფულს გავაკეთებო. როგორც ვიცი, მანქანის ყიდვას აპირებდა "ჩემი ხარჯით". თავის მხრივ, სოფლის რწმუნებული, უჩა კიკვაძეც ფიქრობდა, კარგია, ტრაქტორის მომკითხავი ჩამომშორდებაო. როგორც მულტფილმში _ "სოფლის მაშენებელი", მესამე ხმის მოძებნა დაიწყეს და მოძებნეს პოლიციელი მამალაძე, რომელიც, კიკვაძის თქმით, თურმე, ჩემზე ყოფილა გაბრაზებული. მე მას ტელეფონით ვესაუბრე და მერე კიკვაძესაც მოვასმენინე მისი საუბარი. ხელთ იმის ჩანაწერიც მაქვს, თუ როგორ აგინებს კიკვაძე პოლიციელებს. მათთვის თავზარდამცემი აღმოჩნდა, რომ ჩემს ადვოკატს ყველაფერი ჩაწერილი აქვს. მამეიშვილი ოზურგეთის პოლიციაში იყო დაბარებული ახსნა-განმარტების მისაცემად. ამიტომ ეშინია მამეიშვილს ფაქტების. მე არავითარი პრეტენზია არ მაქვს საქმეში ჩართულ სხვა პოლიციელებთან, მაგალითად, ვალოდია დოლიძესთან, თუნდაც გამომძიებელ მარინა ბერაძესთან ან სხვებთან. იმიტომ, რომ ამ პოლიციელებმა ჩემთან საუბარში გამოავლინეს კულტურის უმაღლესი დონე, არც ერთი ქუჩური სიტყვა არ უხმარიათ, სულ თქვენობით მელაპარაკებოდნენ, მომისმინეს და იმოქმედეს კანონის ფარგლებში. მამეიშვილი კი, ყოველთვის ქუჩურად, "ძველბიჭურად" მელაპარაკებოდა.

როცა ჩვენ ძალიან ღარიბები ვიყავით და "უპერსპექტივოებად" გვთვლიდნენ, ჩემს ძმებს კიკვაძემ ფული "შეაწერა" და როგორც მაშინ ამბობდნენ, "წამმზომი ჩაურთო". ეს ძველი ამბების გახსენება კი არა, ისტორიაა. არადა, სოფელში ყველაფერი მისახედია _ ოჯახებიდან საქონელს იპარავენ, დროებით დაკეტილ სახლებში კი პატრონებს საწოლი, თეფში და ტაფაც კი არ ხვდებათ. კიკვაძე კი ყოვლად უფუნქციო სოფლის კანტორის სახურავს ცვლის, როდესაც, სკოლა და ბიბლიოთეკა სადაცაა ჩამოინგრევა.

სოფელს, ასევე, ისეთი ინსპექტორი სჭირდება, რომელიც ნაპერწკლიდან ცეცხლს არ გააჩენს და კვირაში ერთხელ მაინც რომ მოვა სოფელში.

არ იქნებოდა ურიგო, მამეშვილს სოფელში ეკითხა, გოჩა რამდენ გაჭირვებულს დაეხმარა, რამდენს _ მიცვალებული დაამარხვინა, წამლის თუ სწავლის ფული გადაუხადა; რა საჩუქარი გაუკეთა სკოლას; როგორ დააფინანსა ჩოხატაურის თეატრის მსახიობები; თუ როგორ ედგა გოჩა სოფელს გვერდში რაიონულ თუ რეგიონულ თეატრალურ ფესტივალებზე; თუ როგორ შეიყვანა სოფელი წიფნარი ოქროს ასოებით მსოფლიო სპორტის ისტორიაში... თუნდაც, იმ ირაკლი შავაძეს ჰკითხოს, როგორ ვეხმარებოდი ფინანსურად საოჯახო ბიზნესის გაუმჯობესებაში, როცა კი რამე დასჭირვებია.

იკითხოს, თუ რატომ არიან დაინტერესებულები ამერიკის კინოსტუდიები გადაიღონ ჩემი ცხოვრების შესახებ დოკუმენტური ფილმი, რომლის სათაური უკვე შერჩეულია, "ჩინჩხოლადან-დელივერამდე"; ჩინჩხოლა პატარა ღელეა, ჩემს სოფელში; დელივერი კი მდინარე, რომელიც ამერიკის პირველმა პრეზიდენტმა, ვაშინგტონმა ლაშქრით გადალახა.

იმედი მაქვს, ჩემს წერილს წაიკითხავს ჩოხატაურის მუნიციპალიტეტის გამგებელი ქალბატონი ლელა იმედაშვილი და პოლიციის უფროსი ლევან სიხარულიძე და სწორ გადაწყვეტილებას მიიღებენ; თუ პოლიციელ მამეიშვილის საქმე არ იქნება ადგილზე განხილული, იძულებული ვიქნები, ჩემი ადვოკატის მიერ შეგროვებული ყველა მასალა გადავუგზავნო საქართველოს შინაგან საქმეთა მინისტრს ივანე მერაბიშვილს, მივმართო უზენაეს სასამართლოს.

მოვითხოვ უჩა კიკვაძისგან, ის ტრაქტორი მოახმაროს სოფელს და არა მარტო თავის თავს; ამასთან, აღიაროს პოლიციაში, თუ როგორ იყიდა ის ტრაქტორი სამჯერ იაფად და რა კანონდარღვევებით გააფორმა იგი; აღიაროს, ასევე, რაც ოცი წლის მანძილზე სოფლის აღმშნებელობისთვის გამოყოფილი ფული შეუჭამა სოფელს. ეს მას შეუმსუბუქებს სასჯელს. ასე, რომ დრო შეიცვალა, უჩა _ ახლა შენი საქმიანობის წამმზომი ჩაირთო!

პატივისცემით, გოჩა ფასეიშვილი,

ნიუ იორკი, 20 იანვარი.

წერილი იბეჭდება მნიშვნელოვანი შემოკლებით

რედაქციისგან: მკითხველს და წერილის ავტორს შევახსენებთ, რომ ჩვენთვის პრინციპულად მიუღებელია მხოლოდ ერთი მხარის არგუმენტების მიწოდება მკითხველისთვის; წერილის დიდი მოცულობის გამო, ვაქვეყნებთ გოჩა ფასეიშვილის წერილს და მომავალ ნომერში აუცილებლად გამოვაქვეყნებთ მასში მოხსენიებული ყველა პირის მოსაზრებებს.




 ახალი ამბები
  • წულუკიანი: ციხეში, პატიმრის და თანამშრომლის უფლებები, ისეა დაცული, როგორც არასდროს (R)ვიცეპრემიერმა, იუსტიციის მინისტრმა თეა წულუკიანმა, სამინისტროს რვაწლიანი საქმიანობის ანგარიში წარადგინა და პენიტენციურ სისტემაში არსებულ მიღწევებზეც ისაუბრა. „დღეს მე თამამად შემიძლია ვთქვა, რომ ქართულ ციხეში არა მხოლოდ პატიმრის უფლებებია უფრო მაღალი ხარისხით დაცული, ვიდრე იყო ოდესმე, არამედ თანამშრომლის ღირსებაც არის დაცული და პატივცემული. ჩვენ უნდა ვაღიაროთ, რომ ჩვენი ხელისუფლების პირველ პერიოდში სწორედ ციხეში სუსტი თანამშრომელი იყო ჩვენი გამოწვევა, რომელიც დღეს აღარ არსებობს. თანამშრომელი დღეს ციხეში აღარ არის სუსტი და დაუცველი. ღიად ვიტყვი, მას აღარ ენატრება წარსული, მას ძალიან მოსწონს აწმყო და ელის კიდევ უფრო კარგ მომავალს, რომელიც, სხვათა შორის, 1-ელ ნოემბერს დადგება“, - განაცხადა თეა წულუკიანმა მისი თქმით, სუსტი თანამშრომელი ციხეში ნიშნავს პატიმრის უფლებების ნაკლები ხარისხით დაცვას და სწორედ ამის გამოსწორება იყო ბოლო დროის მიზანი და პრიორიტეტი. თეა წულუკიანმა აღნიშნა, რომ დღეს გლდანის ციხე არის სამაგალითო დაწესებულება ყველა სხვა დაწესებულებასთან ერთად და მიმართა პენიტენციური დაწესებულებების დირექტორებს, რომ საარჩევნო კამპანიის პერიოდში მათზე უსაფუძვლო დარტყმებია მოსალოდნელი. „ძვირფასო პენიტენციური დაწესებულებების დირექტორებო, ელოდეთ წინასაარჩევნო კამპანიისას უსაფუძვლო დარტყმებს, ელოდეთ კრიტიკას, რადგან მავანი ფიქრობს, რომ რასაც თავად აკეთებდა, იმის სხვისთვის დაბრალებით მოიგებს პატიმრების გულს და დაბრუნდება ხელისუფლებაში. საქართველოს პატიმრებმა, ვადიანებმა და უვადოებმა, ყველამ კარგად იცის, რომ მათი ყველაზე დიდი გულშემატკივარი არის ეს გუნდი - ქართული ხელისუფლების პოლიტიკური გუნდი, იუსტიციის სამინისტრო და პენიტენციური სამსახური. მადლობა თქვენ, პენიტენციური სისტემის თანამშრომლებს, ბატონ გენდირექტორს, ჩემს მოადგილეებს და ყველას შრომისა და მოთმინებისთვის.“, - აღნიშნა თეა წულუკიანმა. ... ...
  • ასპირინის ათტაბლეტიანი ფირფიტა ერთ ლარად: „ამის ფასიც კორონამ გაზარდა?“ ოზურგეთში , ძირითადად კი სხვადასხვა წვრილმანის ჯიხურებსა და დახლებთან, ასპირინის ათტაბლეტიან ფორფიტას,  ერთ ლარად ყიდიან. გამყიდველები  ასევე  თეთრი ფერის „ლისტებს“ მოარბენინებენ და  ამბობენ, რომ ცოტა იაფად, სამი ფირფიტა 2 ლარად, მხოლოდ ასეთი იყიდება _წითელწარწერიანი ერთი ლარია და თეთრიც არ დააკლდება! _ ამბობენ ისინი. რაც შეეხება სოციუმს _  ქუჩაში, მაღაზიებში, სოფლის ავტობუსებსა და ზოგადად, ნებისმიერ კერძო საუბარში, ამბობენ, რომ „კორონავირუსის   კვლავ მოძალების შემდეგ,  ხალხში ხმა გავრცელდა, რომ ეს საწინააღმდეგო ანტიბიოტიკია. _ამიტომ დაიტაცეს. ასე იყო გაზაფხულზეც, _  თავიდან რომ გავრცელდა ეს ვირუსი.   ჯერ პირბადეებზე იყო წეწვა-გლეჯა, მერე ნიორზე - ერთი კილოგრამის ფასი 22 ლარზე რომ აიყვანეს. რა ვიცით, ხალხი ხშირად „ხამობს“ - გვეუბნებიან ოზურგეთის ქუჩებში მოსიარულე ადამიანები. ნაწილი მომხმარებლებისა ამტკიცებს, რომ შემოდგომაა და  ქალბატონები, როგორც წესი,  საზამთროდ  შესანახ კერძებში ურევენ და ამიტომ არის ნაკლებობა.  აფთიაქებში კი ასპირინი საერთოდ არ არის. „არ შემოდის, არ ვიცით, რატომ“ _ მოკლე პასუხი   აქვს ყველა ... ...
  • სუხიშვილებიდან დირიჟორობამდე _ ჩოხატაურელი ჩოხოსანი გოგონას არჩევანიანი დოლიძემ, რომელიც პატარა ასაკიდან ოცნებობდა, ჩოხატაურის საამაყო შვილი და მოცეკვავე გამხდარიყო, არჩევანი შეიცვალა და სუხიშვილებიდან დირიჟორობის გზას დაადგა. ჩვენ ვესაუბრეთ ანის და გთავაზობთ გზას, რომელიც გოგონამ სუხიშვილებიდან დირიჟორობამდე გაიარა._ ანი, რა ასაკიდან დაიწყე ცეკვის შესწავლა და გარდა ცეკვისა, რით იყავი კიდევ ბავშვობაში დაკავებული?_ 4 წლის ასაკში სუხიშვილების სტუდიაში ჩავირიცხე (ელო წერეთლის) ჯგუფში, 18-წლამდე ვიცეკვე და საოცრად საინტერესო ოჯახურ გარემოში ვიყავი. 9 წლის ასაკში, ხალხური სიმღერის შესრულებისას ბატონ გურამ შენგელიას მოწონება დავიმსახურე (ჩოხოსანთა საზოგადოების უხუცესთა საბჭოს წევრი, რომელსაც ასევე დიდი წვლილი მიუძღვის პატრიარქის ნათლულთა გუნდის ჩამოყალიბებაში) და პარალელურად, დავიწყე ხალხური სიმღერების შესწავლა.ბატონი გურამის გვერდით დიდ დროს ვატარებდი და დღემდე, ჩემი გრაფიკიდან გამომდინარე, მაინც ვცდილობ, ხშირად ვიყო მასთან. როგორც საკუთარი შვილიშვილი, ისე ვყავარ. ამაყი ვარ, რომ თუკი სადმე ღონისძიება იმართებოდა, სადაც ბატონი გურამი და ჩოხოსნები იყვნენ, მეც აუცილებლად მათ გვერდით ვიყავი. სწორედ მაშინ მოვხვდი წიგნში,,ცოტნეიდელი’’ (ტომი IX, ნაწილი II, გვერდი 387-388). 12 წლისამ პატრიარქთან შევასრულე სიმღერა, სადაც ასევე წარდგენილი იყო ანსამბლი ,,საგალობელი’’ (8-9 წლის ასაკში ჩემი ძმა ბექაც ამ ანსამბლის წევრი იყო და მე, პატარა, დედის კალთაში ვიჯექი და იქიდან ვღიღინებდი). _ ვისი დამსახურებაა, რომ სიმღერისადმი სიყვარული ასე გაგიღრმავდა და გაგიძნელდა თუ არა არჩევანის გაკეთება სიმღერასა და ცეკვას შორის?_ ანსამბლის ხელმძღვანელმა ქალბატონმა მაია მიქაბერიძემ (ანსამბლ ,,მართვეს’’ ერთადერთი სოლისტი და ამჟამად, ასევე, ,,პატრიარქის ნათლულთა’’ გუნდის ხელმძღვანელი და თეატრალური უნივერსიტეტის ასოცირებული პროფესორი) ხელი მომკიდა და თქვა _ ,,ეს ჩემი გოგოა’’ და დღემდე მის გვერდით ვარ. სწორედ საქმისადმი მისმა ასეთმა სიყვარულმა გამიღრმავა სიმღერის სიყვარული. პროფესიის არჩევის დრო როცა დადგა, ცეკვა იმდენად მიყვარს დღემდე და სიმღერაც, გამიჭირდა გადაწყვეტილების მიღება. _ ალბათ, მშობლები ღელავდნენ მისაღები გადაწყვეტილების გამო..._ დედა სულ ნერვიულობდა, რადგან პედაგოგები _ მუსიკისაც და ცეკვისაც თავიანთ სფეროში მხედავდნენ მომავალში. თუმცა, ჩემი გადაწყვეტილება, საბოლოოდ, მივიდა მუსიკამდე _ გადავწყვიტე თეატრალურში ჩამებარებინა. _ დასახულ მიზნამდე მისვლა ძნელი იყო?_ მიზანთან მისვლამდე ბევრი ვიშრომე, მაგრამ მიზანს მივაღწიე, 2019 წელს გავხდი თეატრალური უნივერსიტეტის სტუდენტი (ქართული-ხალხური და საეკლესიო გუნდის დირიჟორი-ლოტბარი), სადაც შემდგომში დაფინანსებაც მოვიპოვე. _ რამე თუ გინანია?_ ნიჭიერთა ათწლედში ვისწავლე 4 წელი და ვნანობ, რომ არ დავამთავრე. თუმცა, სუხიშვილების გამო ვეღარ ვასწრებდი სიარულს და მიზეზიც სწორედ ეს გახლდათ.მაქვს უამრავი სიგელი, დიპლომი ცეკვის და მუსიკის სფეროში. _ სამომავლო გეგმებზე რას გვეტყვი?_ მინდა ძლიერი და მყარი ვიყო ჩემს პროფესიაში, რისთვისაც ყველაფერს გავაკეთებ. ბევრი შრომა არის ამისათვის საჭირო. თუმცა, ვფიქრობ, არასდროს არ უნდა დანებდე, სანამ საბოლოოდ არ დარწმუნდები საკუთარ თავში და შესაძლებლობებში. ბედნიერი ვარ, რომ მყავს თავისი საქმის პროფესიონალი ლექტორები. ისეთები, როგორების არიან: ქალბატონი მაია მიქაბერიძე, ნინო სიხარულიძე, ბატონი დათო ცინცაძე, თორნიკე მანწკავა და სხვები... და რა თქმა უნდა ოჯახი, რომლის მხარდაჭერის გარეშე ძალიან გამიჭირდებოდა.ჩემი ოჯახის ყველა წევრი მღერის: დედა, მამა, ძმა. ჩემი საყვარელი გურული ბებო, რომელიც ახლა 80 წლისაა. მისი გამორჩეული ხმის ტემბრი დღემდე მხიბლავს. დღეს ანი დოლიძე იუბილარია _ მას 20 წელი შეუსრულდა.ჩვენი ახალგაზრდული გაზეთი ულოცავს ანის დაბადების დღეს და წარმატებულ, ბედნიერ მომავალს ... ...
  • „ნაციონალური მოძრაობის" მხრიდან ძალადობა არ წყდება- მდინარაძე საპარლამენტო უმრავლესობის ლიდერი, მამუკა მდინარაძე მარნეულის მუნიციპალიტეტში საოლქო საარჩევნო კომისიის შენობასთან  "ენმ"-სა და "ოცნების" წარმომადგენლებს შორის მომხდარ დაპირისპირებას გამოეხმაურა. „კრიმინალური და მავნებელი ძალის, „ნაციონალური მოძრაობის" მხრიდან პროვოკაციები და ძალადობა არ წყდება. ამჯერად, არსებული ინფორმაციით, მარნეულის მუნიციპალიტეტში, ნაციონალური მოძრაობის პარტიული აქტივის წარმომადგენლები მივიდნენ ცესკოს საოლქო კომისიის შენობასთან, რომლის მიმდებარე ტერიტორიაზეც არის ჩვენი ოფისიც, ,,ქართული ოცნების" შტაბი, საიდანაც მძიმე შეურაცხყოფის ფონზე აპირებდნენ ჩვენი შტაბის წევრების პროვოკაციაზე წამოგებას, თუმცა ჩვენ, როგორც იცით, ჩაშლილი გვაქვს მკაცრი დირექტივა პარტიაში, რომ პარტიულმა აქტივმა მაქსიმალურად უნდა შეიკავოს თავი მსგავს მავნებლობაზე. ამიტომ, ,,ნაციონალური მოძრაობის" მხრიდან პროვოკაციის პირველი მცდელობა დასრულდა უშედეგოდ.  ამის შემდეგ, ცესკოს საოლქო ორგანიზაციის შენობაში შეუშვეს მათი აქტივისტი და ცენტრალური საარჩევნო კომისიის წევრი ნაციონალური მოძრაობიდან ( ეს პირი იდენტიფიცირებულია და შეგნებულად არ ვამბობ სახელს და გვარს) ,  რომელმაც ფიზიკური შეურაცხყოფა მიაყენა და მაისური შემოახია ცესკოს თანამშრომელს, რასაც მოჰყვა მცირე ფიზიკური დაპირისპირება. შენობასთან შეკრებილმა „ნაციონალური მოძრაობის" წარმომადგენლებმა და აქტივისტებმა აღნიშნულზე დაიწყეს ხმაური და სიტყვიერი შეურაცხყოფა, სიტუაციის თავის სასარგებლოდ გამოსაყენებლად. „ნაციონალური მოძრაობის" წევრები უკვე რამდენიმე დღეა და თქვენ ეს ფაქტები ყველამ მშვენივრად იცით, ცდილობენ „ქართული ოცნების" წევრების პროვოკაციაზე წამოგებას, თუმცა, დღეს, როდესაც ჩვენი გუნდის წევრების მიმართ მათი ასეთი მცდელობები წარუმატებელი აღმოჩნდა, ისინი უკვე ცესკოს თანამშრომელზე გადავიდნენ და აღნიშნული პიროვნება მათი ძალადობის მსხვერპლი გახდა. ამჟამად, როგორც ჩვენ ინფორმაცია გვაქვს, ადგილზე იმყოფება პოლიცია და  დაწყებულია გამოძიება. ყველას კარგად მოეხსენება, რომ ეს ადამიანები ყველაფერზე არიან წამსვლელები, რადგან მათ არჩევნებში იციან, რომ წარმატების არანაირი შანსი არ აქვთ და მხოლოდ პერმანენტულ ძალადობაზე, მუდმივ პროვოკაციაზე არიან გადასულები. კიდევ ერთხელ, დაბეჯითებით მოვუწოდებთ საქართველოს ყველა მოქალაქეს, არა მხოლოდ ჩვენს აქტივისტებს და განსაკუთრებით ჩვენი პარტიის წევრებს და აქტივისტებს,  მაქსიმალურად შეიკავეთ თავი „ნაციონალური მოძრაობის" წარმომადგენლების პროვოკაციაზე რეაგირებისგან. როგორც ჩანს უკვე მათ აქვთ თავისი პარტიის წინასაარჩევნო კამპანიის მთავარ ხაზად განსაზღვრული პროვოკაციები, ამიტომ ჩვენ ყველას გვმართებს, რომ პროვოკაციებზე არ წამოვეგოთ. სრული მობილიზება მოვახდინოთ ყველა მიმართულებით, რადგან ასევე აქვს საქართველოს მოსახლეობას უნიკალური შანსი, რომ ,, ნაციონალური მოძრაობის" რეიტინგი არჩევნების შედეგებში იყოს  ისტორიულ მინიმუმზე. ასევე, მოვუწოდებთ  საერთაშორისო პარტნიორებს და სამოქალაქო სექტორის წარმომადგენლებს, რომ „ნაციონალური მოძრაობის" მხრიდან საარჩევნო პროცესში დესტრუქციის შემოტანაზე შესაბამისი რეაგირება მოახდინონ. ხაზგასმით ვაცხადებთ, რომ ყველა კანონდარღვევას, ძალადობის ყველა ფაქტს სახელმწიფოს მხრიდან შესაბამისი, მკაცრი პასუხი მოჰყვება და დესტაბილიზაციის საშუალება არავის მიეცემა“,_ განაცხადა ... ...
  • სოფლის ცენტრში, ტუალეტში ბამბუკია ამოსული : „გაკეთებული საქმეების „მშვენება“ “ოზურგეთის მუნიციპალიტეტის სოფელ დვაბზუს მოსახლეობის უმთავრესი პრობლემა წყალსადენის მშენებლობაა, რომლის  პროექტირებაც  უკვე  დაწყებულია. აქაურები ითხოვენ  სოფლის ყველა უბანში გზის გაკეთებას, რომლის მოასფალტება შეუძლებელია თუ ჯერ წყლის გაყვანა არ მოხდა. „გურია ნიუსი“ სოფელს ეწვია. ჩვენ  გავეცანით  აქაურთა პრობლემებს. ადგილობრივები ამბობენ, რომ ბოლო წლებში ბევრი საქმე  გაკეთდა, განსაკუთრებით  კი  დვაბზუსა და გაღმა დვაბზუს შორის, მდინარე  მაღელაზე  ხიდის  აგებისთვის,  გამოთქვამენ კმაყოფილება, სომელიც მუნიციპალიტეტის მერიის მხარდაჭერით  აიგო.  მათივე თქმით, ძველი დროიდან მოყოლებული, ერთ დიდი პრობლემას წარმოადგენდა. სოფლის ცენტრში, საბავშვო  ბაღის შენობის  მიმდებარედ, სადაც ასევე სამედიცინო უბანია განთავსებული,   ტერიტორიის მოზრდილი ფართობია, რომლის უკანა კუთხე ეკალ-ბარდითაა დაფარული.  ხოლო იქვე მდგარ, ამჯერად უფუნქციოდ დარჩენილ ტუალეტში , ბამბუკის ხეებია ამოსული.   ბარდები და  და ჭინჭარია ასევე  ამოსული სამედიცინო უბნის კედლების გასწვრივ. ჩვენს კითხვაზე, თუ   რატომ არის  აქ ასეთი მდგომარეობა და შესაძლებელია თუ არა აქვე მომუშავეთა მიერ,  დასუფთავების დღის მოწყობა,  ადგილობრივებმა გვითხრეს, რომ   სოფელში გაკეტებული ბევრი კარგი სქმის „მშვენება“, ნამდვილად არ უნდა იყოს ცენტრში ასეთი ანტისანიტარიული  ადგილი. _მოვახერხებთ, დავალაგოთ და მოვაწესრიგოთ აქაურობა, - გვითხრეს მათ.   ჩვენის მხრივ, ვიტყვით, რომ აქაურობის იერ-სახეზე, დასუფთავებასა და მოვლაზე,  ხელისუფლების ადგილობრივ წარმომადგენლებს , დეპუტატს  თუ აქვე , სხვადასხვა სფეროში მომუშავეებს, ერთნაირად  უნდა შესტკიოდეთ   გული და საკუთარი ინიციატივით უნდა აწყობდნენ „დასუფთავების დღეებს“. _აქ მალე სკვერი უნდა გაკეთდეს. ზოგადად, კოორდინირებული მუშაობით, ადგილობრივ ხელისუფლებასთან და ჩვენს მოსახლეობასთან ერთად, ბევრი რამის გაკეთება შევძელით _ გვითხრა მუნიციპალიტეტის  მერის წარმომადგენელმა სოფელში, მამუკა გოგოუაძემ. დვაბზუს მცხოვრებთაგან, დღეისთვის სამ მცხოვრებს აღმოაჩნდა კორონა ვირუსი (ისინი ქობულეთის ფაბრიკის, „აჭარა ტექსტილის“ თანამშრომლები არიან)  და ყველა გადაყვანილია ბათუმში. „გურია  ნიუსი“ ვრცლად,  დვაბზუში  არსებული პრობლემების თუ   გაკეთებული საქმეების ირგვლივ, საგაზეთო სტატიაში ... ...

არქივი

ტესტები

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ ყველაზე, ყველაზე...

იცი თუ არა გეოგრაფია

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls