მე, მანდარინი და პოლიტიკა

მკითხველი

მე, მანდარინი და პოლიტიკა

1970 იან 1 04:00:00

გაზეთ "გურია ნიუსის" 95-ე ნომერში დაიბეჭდა სტატია სათაურით: "ფაფუ, სამმართველო გაუქმებულა! მანდარინი კი სირცხვილისგან გაშავებულა" _ ჟურნალისტი სოფლის მეურნეობის სამმართველოს გაუქმებასა და მანდარინის მოსავლის გაუარესებაზე ესაუბრება გურიის სოფლის მეურნეობის ყოფილ უფროსს, თამაზ სალუქვაძეს.
წელს, მართლაც არასახარბიელო სეზონი იყო მეციტრუსეებისთვის _ წინა წლებთან შედარებით, მოსვლის გაცილებით მეტი ნაწილი დაზიანდა, როგორც წერილშია აღნიშნული "გაშავდა და დალაქავდა." მიზეზებსა და მდგომარეობიდან გამოსვლის გზებზე, მართლაც, აუცილებელია საუბარიც და ქმედითი ღონისძიებების გატარებაც. მითუმეტეს, როცა ხარისხის გაუარესებამ, მეციტრუსეები გამოაფხიზლა და მათი მხრიდან ამ საკითხებით დაინტერესება საგრძნობლად გაიზარდა.
არასამთავრობო ორგანიზაცია "სასოფლო სამეურნეო პროგრესის ცენტრი" შპს "ხელხვავთან" ერთად, ბოლო წლებია მთელი რეგიონის მასშტაბით ახორციელებს "ციტრუსების მავნებელ-დაავადებებისგან დაცვის პროგრამას." პროგრამით უკვე წარმატებით ისარგებლა ათეულობით მეციტრუსემ, დავაგროვეთ საინტერესო გამოცდილება, მზად ვართ პასუხი გავცეთ ამ პრობლემის შესახებ წარმოშობილ ნებისმიერ შეკითხვას. ფერმერთა მზარდი ინტერესების დასაკმაყოფილებლად ახალი წლიდან ვაპირებთ პროგრამის კიდევ უფრო გააქტიურებას და ფართო მასშტაბის საინფორმაციო კამპანიის წარმართვას მეციტრუსეებისთვის.
მანამდე კი არ შემიძლია, არ გამოვეხმაურო ზემოთ ხსენებულ სტატიას. მსგავსი არაკომპეტენტურობა და უპასუხისმგებლობა საჯარო მოხელიდან დიდი ხანია არ გამიგია. მეტიც, საქმე გვაქვს დანაშაულებრივ უპასუხისმგებლობასთან, რომლის რეაგირების გარეშე დატოვება ასევე დანაშაული იქნებოდა. ამიტომაც ავიღე კალამი.
ყოფილი სამმართველოს უფროსი აცხადებს, რომ მანდარინის გაშავება "რამ გამოიწვია ზუსტ პასუხს ვერავინ მიაგნო".
მინდა იცოდეს, რომ არა თუ ზუსტი პასუხი უკვე არსებობს, იგი არც ახლაა აღმოჩენილი, არამედ კარგა ხნის წინ აიწერა, გამოკვლეული იქნა, დაიწერა და რეკომენდაციები გაიცა ანუ განვლილი და გათელილი თემაა.
კიდევ, ბატონი უფროსი აცხადებს, რომ თურმე "სადაც შეწამლეს, იქ უფრო გაშავდა და უარესი შედეგი მიიღეს". მას უნდა ჰქონდეს ინფორმაცია იმის შესახებ, რომ უამრავმა მეციტრუსემ, ვინც ყურადღებით მოეკიდა სპეციალისტების რჩევა-დარიგებებს და მათი რეკომენდირებული შეწამვლების სქემა გამოიყენა, საუკეთესო მოსავალი მიიღო.
საინტერესოა, ამაზე რატომ არ საუბრობს სამმართველოს ყოფილი უფროსი? განა შეიძლება ცალკეული შემთხვევები განვაზოგადოთ და ამით შეცდომაში შევიყვანოთ ადამიანები?
რაც შეეხება სამმართველოს ყოფილი უფროსის პასუხს, რომ თურმე ციტრუსების გაშავების მიზეზი კივის დამტვერვის შედეგი არის თუ არა, ჯერ არავინ იცისო, ამჯერად უფრო "მოწყალე" ვიქნები და ამას ხუმრობაში ჩავთვლი. მაგრამ გვაქვს კი საქმე სახუმაროდ?!
ასე რომ, ბატონებო, ციტრუსებში არსებული მდგომარეობის შესახებ ყველა აქტუალურ საკითხზე უკვე არსებობს პასუხი. მთავარია, გვეყოს პასუხისმგებლობა არ დავიზაროთ, პროფესიონალებს ვკითხოთ და დავუჯეროთ.
აქვე მიჩნდება კითხვები, რატომ არ ახსენებს სამმართველოს უფროსი ამ საქმეში დიდი ტრადიციების მქონე ანასეულის სამეცნიერო კვლევით ინსტიტუტს ან არასამთავრობო ორგანიზაციას "სასოფლო-სამეურნეო პროგრესის ცენტრს" ან შპს "ხელხვავს", რომელთა არსებობასაც და მოღვაწეობასაც თავის რეგიონში ნებისმიერი მეურნე და სოფლის მეურნეობის დარგის მესვეური ინატრებდა?
მახსენდება ამასწინათ გურიის ტელევიზიის ეთერით გასული გადაცემა, სადაც სტუდიაში მოწვეული იყვნენ ოზურგეთის ადგილობრივი ხელისუფლების წარმომადგენლები. ციტრუსების ხარისხზე საუბრისას, არც ერთ მათგანს "არ გახსენებია" ზემოთ ხსენებული ორგანიზაციები, მაშინ, როდესაც ისინი, მაგალითად, შპს "ხელხვავის" აქტიური კლიენტები არიან და თავიანთ ბაღ-ბოსტნებს წარმატებით უვლიან აქ მიღებული სასოფლო-სამეურნეო საშუალებებითა და კონსულტაციებით.
როცა გევალება იცოდე და არ იცი _ ეს ერთი ცოდვაა, მაგრამ როცა იცი და ადამიანებს გზას არ უჩვენებ _ ეს უკვე დანაშაულია.
რასთან გვაქვს საქმე? _ იქნებ ძაღლის თავი სხვაგან არის დამარხული? იქნებ სახელმწიფო მოხელეებს ეკრძალებათ ცალკეული პიროვნებებისა და ორგანიზაციების საჯაროდ ხსენება და კეთილგანწყობის გამოხატვა, მაგალითად, ჩემი და ჩემი მეუღლის _ ტიფო მიქატაძის?!
მე ზემოხსენებული არასამთავრობო ორგანიზაციის გამგეობის თავმჯდომარე ვარ, ტიფო კი _ შპს "ხელხვავის" დირექტორი, ორთავე კი ხელისუფლების პოლიტიკური ოპონენტები, "რესპუბლიკური პარტიის" ხელმძღვანელები.
მკითხველი იკითხავს, რა შუაშია აქ პოლიტიკა?
ნუთუ ისეთ "უწყინარ" თემას, როგორიც სოფლის მეურნეობაა პოლიტიკასთან რამე შეხება აქვს?
ეჭვიანად რომ არ ჩამთვალოთ, ერთ მაგალითს მოგიყვანთ უახლოესი წარსულიდან: რამდენიმე თვის წინ, მუნიციპალიტეტის აგრონომობის შესარჩევ კონკურსში მივიღე მონაწილეობა. ჯერ თითქოს არ მინდოდა, რადგან ვიცოდი სახელმწიფო სამსახურში დამლაგებლებიც კი პოლიტიკური ნიშნით ინიშნებიან, მაგრამ შემდგომ მაინც ჩავერთე _ მაინტერესებდა რა ფორმით მეტყოდნენ უარს; როგორც იტყვიან, "ნანახმა ყოველგვარ მოლოდინს გადააჭარბა" _ არ გაითვალისწინეს ჩემი კონკურენტუნარიანობის არც ერთი ნიშანი და პირდაპირ, მოურიდებლად, თავხედურად მითხრეს _ სანამ ტიფო მიქატაძე პოლიტიკას თავს არ დაანებებს, არც იოცნებოო!
ეს არის ჩვენი სამწუხარო რეალობა! ყველა საკითხის გადაწყვეტა პოლიტიკურ მიზანშეწონილობას "ეწირება". ეს დანაშაულია!
ამიტომაც, ყველა სამმართველოს ყველა უფროსი, ყოფილი თუ მოქმედი, ჯერ "ნაცმოძრაობის" აქტივისტია, შემდეგ კი _ მოხელე. უფრო სწორად, მოხელე იმიტომაა, რომ აქტივისტია და ბოლოს, თუ კი ადგილობრივი ხელისუფლება რეალურად არის დაინტერესებული მეციტრუსეობის პრობლემების გადაწყვეტით, ჩვენ მას ვთავაზობთ პარტნიორობას და თანამშრომლობას.
შესაბამისი წერილი უკვე გაეგზავნა ოზურგეთის მუნიციპალიტეტის საკრებულოს.
ვნახოთ, აღმოჩნდება თუ არა ამჯერად პოლიტიკური მიზანშეწონილობა გადამწყვეტი ფაქტორი.

მარინე სუნგულია, ბიოლოგიის მეცნიერებათა ასოცირებული დოქტორი




 ახალი ამბები
  • ურეკის წყალსადენის რეზერვუარში წყლის დებეტის კლებას დავით ცერცვაძე უარყოფს„გურია ნიუსი“ ახლახან წერდა, ოზურგეთის მუნიციპალიტეტში, კურორტ ურეკის წყალსადენის რეზერვუარში წყლის დებეტის კლების შესახებ, რაზეც ბოლო პერიოდში აქტიურად საუბრობენ. ჩვენი წყარო ამბობს, რომ მართალია, ეს ხდება ახლომდებარე კარიერზე, მდინარე ნატანების კალაპოტში, ინერტული მასალების მოპოვების გამო, რაც სტანდარტის სრული იგნორირებით ხდება, თუმცა, ჯერჯერობით ასაიდუმლოებენ, რომ ბიძინა ივანიშვილის ყურამდე რ მივიდეს და ახერხებენ, სინამდვილე შეფუთონ. _ გეტყვიან, არ არის კლებაო, თუმცა, იცით, რომ არ არის? ოფიციალურად, რაიმე მტკიცებულება, ვიზუალური ან დოკუმენტური გაქვთ ნანახი? მერე, მოგვიანებით, ატყდება გნიასი, ვიღაც თავს გამოიდებს და ირბენს წყალსადენის ირგვლივ... ასეთ თემებზე გრანტის წერაც მოდაშია _ იტყვიან, რომ ეს „აღმოჩენა“ მავანს ეკუთვნის, რის გამოც უნდა დაჯილდოვდეს, _ გვეუბნება  წყარო. როგორც ვწერდით, აღნიშნულის თაობაზე „გურია ნიუსი“ საქართველოს გაერთიანებული წყალმომარაგების კომპანიის, გურიის რეგიონული ფილიალის ხელმძღვანელს, დავით ცერცვაძეს დაუკავშირდა. მან კი კომპანიის პრესსამსახურთან გადაგვამისამართა. _წყლის დებეტის კლება, ზოგადად, საქართველოში იყო კლიმატური პირობების გამოც. არ იყო თოვლი. არა მარტო გურიაში, სხვა რეგიონებშიც შეიმჩნეოდა კლება. მაგალითად, ასე იყო გუდაურსა და ბაკურიანში. ეს პირველი პრეცედენტი არ არის. თუმცა, კონკრეტულად ურეკის შესახებ, ასეთი რამ არ ვიცი. მე აუცილებლად გადავამოწმებ ინფორმაციას, ყველაფერს გავიგებ და მე თვითონ გაცნობებთ, _ გვითხრა მაშინ წყალმომარაგების კომპანიის პრესსამსახურიდან ლელა კიკალეიშვილმა, თუმცა, იმ დღეებში პასუხი არ მოგვწერა და არც სატელეფონო ზარს პასუხობდა. ქალბატონი ლელა სამი დღის შემდეგ დაგვიკავშირა, მოიბოდიშა, რომ ავად იყო და ამჯერად გვითხრა, რომ დავკავშირებოდით საქართველოს გაერთიანებული წყალმომარაგების კომპანიის, გურიის რეგიონული ფილიალის ხელმძღვანელს, დავით ცერცვაძეს, რომელიც დაზუსტებულ პასუხს მოგვცემდა. _ ურეკის წყალმომარაგებასთან დაკავშირებით გეტყვით, რომ დღიდან გაბურღვისა, დებეტი იგივეა და არ შემცირებულა. დებეტის შემოწმება არ ხდება, თუმცა, წყალი არ შემცირებულა _ რაც იყო, იგივეა, _ გვითხრა დავით ... ...
  • რამდენ აბონენტს ეხება კომუნალურ გადასახადებზე შეღავათიდღევანდელი მონაცემებით, ელექტროენერგიის გადასახადზე შეღავათი 1 200 000 აბონენტს, ხოლო გაზის გადასახადზე – 650 000 აბონენტს ეხება. ამის შესახებ საქართველოს პირველ არხს საქართველოს მთვარობის ადმინისტრაციაში განუცხადეს. საქართველოს პრემიერ-მინისტრმა, გიორგი გახარიამ უწყებათაშორისი საბჭოს სხდომაზე დღეს განაცხადა, რომ მთავრობამ მიიღო გადაწყვეტილება, თითოეულ მოქალაქეს, ვინც თვის განმავლობაში მოიხმარს 200 კილოვატზე ნაკლებ ელექტროენერგიას და ასევე, 200 კუბურ მეტრზე ნაკლებ ბუნებრივ აირს, სამი თვის განმავლობაში გადასახადებს სრულად დაუფინანსებს. საუბარია მარტის, აპრილისა და მაისის გადასახადებზე. ამასთან, აღსანიშნავია,  რომ შეღავათი ეხება დასუფთავებისა და წყლის გადასახადსაც. წყარო:პირველი ... ...
  • მარნეულში სასურსათო მაღაზიიდან ნისიების რვეული მოიპარესკარანტინის ზონად გამოცხადებულ მარნეულში სასურსათო მაღაზია გაქურდეს - წაღებულია თანხა, ნისიების რვეული და პროდუქტი. შემთხვევა გუშინ მოხდა. მაღაზიის მეპატრონის თქმით, უცნობმა პირებმა მაღაზიის შუშები ჩაამსხვრიეს და ისე შევიდნენ. როგორც მაღაზიის მეპატრონე „მთავარ არხთან“  ამბობს, პოლიცია შემთხვევის ადგილზე დაგვიანებით ... ...
  • ვის დაუფინანსდება კომუნალური გადასახადები _ მთავრობის გადაწყვეტილებამთავრობამ მიიღო გადაწყვეტილება, საქართველოს თითოეულ მოქალაქეს, ყველას, ვინც თვის განმავლობაში მოიხმარს 200 კილოვატზე ნაკლებ ელექტროენერგიას და, ასევე, 200 კუბურ მეტრზე ნაკლებ ბუნებრივ აირს, სამი თვის განმავლობაში – მარტში, აპრილსა და მაისში სრულად დაუფინანსებს გადასახადებს, – ამის შესახებ საქართველოს პრემიერ-მინისტრმა გიორგი გახარიამ კორონავირუსთან დაკავშირებით მოქმედი უწყებათაშორისი საბჭოს სხდომაზე განაცხადა. როგორც მთავრობის მეთაურმა აღნიშნა, დაფინანსება აგრეთვე მოიცავს დასუფთავებისა და წყლის გადასახადსაც. „აქ შედის როგორც დასუფთავების, ასევე, წყლის გადასახადიც. ეს დახმარება არის პირდაპირ მიმართული თითოეულ მოქალაქეზე, რომელიც ჩვენ მთავრობის ფარგლებში მივიღეთ და გვესმის, რომ ეს არ იქნება საკმარისი. რა თქმა უნდა, გვესმის, რომ ჩვენ უნდა მოვახდინოთ თითოეული მოქალაქის იდენტიფიცირება, რომელმაც დაკარგა სამსახური და ამის შემდგომ ჩვენ გვექნება სპეციალური ღონისძიებები მათი პირდაპირი დახმარებისთვის,“- განაცხადა ... ...
  • ეკონომიკის პირდაპირი დახმარებისთვის 2 მილიარდი ლარი გამოიყომთავრობის გადაწყვეტილებით, ეკონომიკის პირდაპირი დახმარებისთვის 2 მილიარდი ლარი გამოიყო. ეკონომიკის მხარდაჭერის გეგმის ძირითად მიმართულებებზე პრემიერ-მინისტრმა გიორგი გახარიამ უწყებათაშორისი საკოორდინაციო საბჭოს დღევანდელ სხდომაზე ისაუბრა. უშუალოდ კორონავირუსთან ბრძოლის ღონისძიებებისთვის კი, მთავრობის მეთაურის განცხადებით, კრიზისულ ბიუჯეტში 351 მილიონი ლარია ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...