აქტუალური ფეისბუქ სტატუსები

მკითხველი

აქტუალური ფეისბუქ სტატუსები

2016 თებ 2 13:41:35

სოციალური ქსელი ყოველდღე უფრო პოპულარული ხდება _ აქ წაიკითხავთ ახალ ამბებს, იხილავთ საინტერესო ვიდეოებს, პოლიტიკოსების, მაღალი თანამდებობის პირების, საჯარო მოხელეების და რიგითი ადამიანების ძალიან საინტერესო სტატუსებს.

როგორც ფსიქოლოგები ამბობენ, ადამიანები ყველაზე გულწრფელები სოციალურ ქსელში არიან.

დღეიდან "გურია ნიუსი" იწყებს წერილების ახალ ციკლს _ "ფეისბუქსტატუსები". ყოველ ორშაბათს სოციალური ქსელის ყველაზე აქტუალურ სტატუსებს "გურია ნიუსის" საშუალებით გაეცნობით.

გასულ კვირას, სანდრო გირგვლიანის სასტიკი მკვლელობიდან 10 წელი გავიდა. საქართველოს თავდაცვის მინისტრმა თინა ხიდაშელმა გირგვლიანის საფლავი ყვავილებით შეამკო.

აი, რას წერს ამაზე "ნაციონალური მოძრაობის" ლანჩხუთის ორგანიზაციის ხელმძღვანელი კახა ასკურავა:

"თავდაცვის მინისტრს, რომელიც კრიმინალის საფლავს გვირგვინით ამკობს (მიუხედავათ ყველაფრისა, მას ჰქონდა სიცოცხლის უფლება), არ აქვს უფლება გაუძღვეს ეროვნულ არმიას!"

"ერთიანი ნაციონალური მოძრაობა" პარლამენტში ახალ ფრაქციას, "ნაციონალური მოძრაობა ერთიანი საქართველოსთვის" ქმნის, რომელსაც გიორგი ღვინიაშვილი უხელმძღვანელებს. ახალი ფრაქციის შექმნა პარლამენტის ბიუჯეტიდან დამატებითი თანხების გამოყოფას მოითხოვს, თუმცა, ჯერჯერობით, თანხის ზუსტი ოდენობა უცნობია.

ახალ ფრაქციაში ერთიანდებიან აზერ სულეიმანოვი, კობა ნაყოფია, გიორგი ღვინიაშვილი, როლანდ ახალაია, შოთა მალაშხია და ნიკა ყიფშიძე.

ამ ფაქტს სოციალურ ქსელში, პარლამენტის თავმჯდომარის დავით უსუფაშვილის თანაშემწე ზვიად კირტავა ასე გამოეხმაურა:

"დეპუტატები, რომლებიც პრაქტიკულად არ ესწრებიან პარლამენტის სხდომებს, ახალ ფრაქციას ქმნიან. ამ დეპუტატების შენახვა კი, პარლამენტის ბიუჯეტს დაახლოებით 150 ათასი ლარი დაუჯდება."

კირტავა იქვე განმარტავს, რომ "სამწუხაროდ, არავითარი მექანიზმი არ არსებობს, გამცდენ დეპუტატებს ფრაქციის შექმნა აუკრძალო":

"პარლამენტის თავმჯდომარემ სპეციალურ გამოსვლაში აღნიშნა, რომ არასწორად მიაჩნია პრაქტიკა, როცა "ოჯახური მიზეზებით" სხდომის გაცდენა საპატიოდ ითვლება და ამას რიგითი დეპუტატები ბოროტად იყენებენ. სამწუხაროდ, რეგლამენტში ამ საკითხის ჩასწორებას მრავალი დეპუტატი მხარს არ უჭერს", _ წერს კირტავა.

გასულ კვირას, უკრაინულმა ტელეკომპანიამ გაავრცელა ვიდეოკადრები, სადაც ქართველი მსახიობი მიშა მესხი ნარკოტიკული ზემოქმედების ქვეშ იმყოფება. კადრებში ჩანს, როგორ ეხმარება მესხს პოლიცია და როგორ გადაჰყავთ სასწრაფო დახმარების ბრიგადებს საავადმყოფოში. ამ ვიდეოს სოციალურ ქსელში ბევრი გამოხმაურება მოჰყვა _ საზოგადოების ნაწილმა მესხი ამის გამო მკაცრად გააკრიტიკა, თუმცა, ბევრმა დაიცვა კიდეც, მათ შორის იყო არქიმანდრიტი ანთიმოზი (ივერიელი): "ადამიანი კინაღამ გარდაიცვალა. როგორ ლანძღავთ და აგინებთ?! იმის მაგივრად, რომ გვერდზე დაუდგეთ, გაამხნევოთ. არა, თქვენ ადამიანები არა ხართ, იქედნას ნაშობნი ხართ!" _ წერს მამა ანთიმოზი ფეისბუქის საკუთარ გვერდზე.

ოზურგეთში, "ლიბერთი ბანკის" ფილიალის გაძარცვა და წაღებული 28 ლარი ფეისბუქის მომხმარებლებისთვის რამდენიმე დღის განმავლობაში აქტუალური თემა იყო. შემთხვევას ბევრი კომენტარი და გამოხმაურება მოჰყვა.

"ოზურგეთში, სოფელ კონჭკათში "ლიბერთი ბანკის" ფილიალი რომ გატეხეს და 28 ლარი წაიღეს, მაგნები თუ დაიჭირეს, ციხეზე რომ შევლენ, რას იტყვიან _ ბანკის გატანის გულობიზა ვზივართო?! უსათუოდ გინესის წიგნში რომ უნდა ჩაიწეროს, ისეთი ამბავია!" _ წერს ფეისბუქის საკუთარ გვერდზე პუბლიცისტი ვასილ მაღლაფერიძე.

სოციალურ ქსელში საკმაოდ აქტიურია გარემოს დაცვის მინისტრი გიგლა აგულაშვილი. გასულ კვირას მინისტრის მიერ გამოქვეყნებულ ფოტოს, რომელზეც ასახულია, თუ როგორ გადააქვთ მსუბუქი ავტომანქანით უკანონოდ მოჭრილი ხე, ბევრი გამოხმაურება მოჰყვა.

"1,5 მეტრი სიგრძის უკანონოდ მოპოვებული სამასალე მორის გადაზიდვის მცდელობა მსუბუქი ავტომობილით," _ ასეთ წარწერას აკეთებს ფოტოზე გიგლა აგულაშვილი.

სოციალურ ქსელში ერთ-ერთი აქტუალური თემა ლარის გაუფასურებაა. ამ საკითხზე ბევრი ექპერტის კომენტარის წაკითხვაა შესაძლებელია _ ფინანსისტი რომან გოცირიძე წერს, რომ "ბიუროკრატიამ შეჭამა ლარი":

"2014 წელს საქართველოში შემოვიდა 715,1 მილიონი დოლარის ღირებულების მსუბუქი ავტომობილი და გავიდა 517,8 მილიონი დოლარის ღირებულების, ანუ ქვეყანაში დარჩა 197,3 მილიონი დოლარის ღირებულების მსუბუქი ავტომობილი.

გასულ, 2015 წელს შემოვიდა 461,3 მილიონი დოლარის ღირებულების და გავიდა 179,6 მილიონი დოლარის ღირებულების, ანუ ქვეყანაში დარჩა 281, 7 მილიონი დოლარის ღირებულების მსუბუქი ავტომობილი.

როგორც ვხედავთ, შარშან საქართველოში 84,4 მილიონი დოლარით მეტი მსუბუქი ავტომობილი გაიყიდა, ვიდრე 2014 წელს.

რა დასკვნა შეიძლება გამოვიტანოთ აქედან?

განა სავალუტო კრიზისში მყოფ ქვეყანაში მსუბუქი ავტომობილების ადგილზე რელიზების ამ მოცულობით მატება შესაძლებელი იქნებოდა კერძო სექტორის მეშვეობით? რა თქმა უნდა, არა. მათი ძირითადი შემსყიდველი სახელმწიფო სექტორი იყო: სამინისტროები (იბიარდი და მსგავსი ღონისძიებები), პარლამენტი, თბილისის მერია და მისი სამსახურები, მმართველობისა და თვითმმართველობის ორგანოები, სხვა სახელმწიფო დაწესებულებები (საჯარო სამართლის იურიდიული პირები) და სახელმწიფოს მიერ დაფუძნებული არაკომერციული იურიდიული პირები, სახელმწიფო საწარმოები( რკინიგზა და მსგავსი სხვა კორპორაციები) და ასე შემდეგ.

ეს მრავალი ათეული მილიონი დახარჯულია არა მანქანებზე, როგორ წარმოების საშუალებებზე, არამედ მსუბუქ ავტომობილებზე, როგორც ფუფუნების საგნებზე.

მერე გაკვირვებით კითხულობენ, თუ რატომ გაედინება ქვეყნიდან ფული, თუ რატომ ეცემა ლარი!

ბიუროკრატიამ შეჭამა ლარი!" _ წერს ეკონომიკის ექსპერტი.

და კვირის ყველაზე მთავარი თემა _ დიდთოვლობა, ყინვა, სიცივე. ამ თემაზე ფეისბუქში ბევრი რამის ნახვა შეგიძლიათ. მათ შორის, კონკრეტული რჩევების _ მაგალითად, როგორ მოვუაროთ ასეთ დროს ოთახის მცენარეებს, ოთხფეხა ცხოველებს, ონკანებს და ა.შ.

საავტომობილო ფედერაციის პრეზიდენტმა შალვა ოგბაიძემ მძღოლებს რჩევა მისცა, თუ როგორ უნდა ამუშაონ მანქანა ყინვის დროს:

"ჭირდება თუ არა ავტომობილის ძრავას "გახურება"? _ ამ კითხვით ძალიან ბევრმა მომმართა და გადავწყვიტე მცირე კომენტარი გავაკეთო მათთვის, ვისთვისაც სულერთი არ არის საკუთარი ფინანსები, ავტომობილის ძრავას რესურსი და გარემოს დაცვა.

მაშ ასე, მცირეოდენი "თეორია": თანამედროვე შიგაწვის ძრავების ოპტიმალურ სამუშაო რეჟიმად ითვლება ის მდგომარეობა, როდესაც გამაგრილებელი სითხის ტემპერატურა 92-95 გრადუსს მიაღწევს. უფრო დაბალ ტემპერატურაზე არსებულ რეჟიმს "ცივ ძრავას" უწოდებენ.

დავიმახსოვროთ: ცივ მდგომარეობაში ძრავის ელემენტები ცვდება!

და მნიშვნელობა არა აქვს ავტომობილი ადგილზე დგას თუ დადის.

მთავარია, როგორი ბრუნთა რიცხვი გააჩნია ძრავს. ანუ, რამხელა ე.წ. "აბაროტი" აქვს. ანუ, ცვეთის ინტენსივობა დამოკიდებულია არა დატვირთვაზე (დადის თუ დგას), არამედ რა ბრუნთა რიცხვი აქვს ძრავს. ამასთანავე, გასათვალისწინებელია, რომ ცივი ძრავი (ეს განსაკუთრებით ძველი მოდელის მექანიკურ ჰაერმისაფარიან ძრავებზე ითქმის) მოიხმარს "მდიდარ" სამუშაო ნარევს, რაც ხელს უწყობს ცილინდრის კედლებზე არსებული ზეთის აფსკის ჩამორეცხვას, რაც თავის მხრივ ზეთის გათხელებას (და შესაბამისად სწრაფად "დაძველებას") იწვევს, რაც თავის მხრივ, ძრავის მოხახუნე დეტალების (განსაკუთრებით ცილინდრის და დგუშ-ბარბაცას ჯგუფის) რესურსის შემცირების წინაპირობაა.

რა ვქნათ? ავტომობილს დილით რომ "დავქოქავთ"(უფროს გამართულად, რომ ვთქვათ -"გავუშვებთ"), მხოლოდ ის დროც, რაც საჭიროა უსაფრთხოების ღვედების შესაკრავად, ელექტრო-ხელსაწყოებზე და მაჩვენებლებზე თვალის გადასავლებად, სრულებით საკმარისია, რომ თითქმის "უგაზოდ", დაბალი სიჩქარით და რაც მთავარია დაბალი ბრუნთა რიცხვით დავიწყოთ მოძრაობა. უსაფრთხო მგზავრობას გისურვებთ!" _ წერს ოგბაიძე.




 ახალი ამბები
  • მკვლელობა და ყაჩაღობა წალკაში-პოლიციამ დამნაშავეები დააკავაშინაგან საქმეთა სამინისტრომ წალკაში მომხდარი ყაჩაღობისა და მკვლელობის ფაქტი გახსნა. შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, წალკაში მომხდარი ყაჩაღობისა და მკვლელობის ფაქტზე, ორი პირი: 1979 წელს დაბადებული, წარსულში მრავალჯერ ნასამართლევი მ.შ. და 1993 წელს დაბადებული ნ. ბ. დააკავეს. ჩადენილი დანაშაულები 8-დან 15 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ბრალდებულები წალკის მუნიციპალიტეტის სოფელ არწივანში, ღამით, ყაჩაღურად თავს დაესხნენ 1934 წელს დაბადებულ ა.ა.-ს საცხოვრებელ სახლს და მას ფული მოსთხოვეს. წინააღმდეგობის გაწევის შემდეგ, ერთ-ერთმა თავდამსხმელმა ა.ა.-ს ბლაგვი საგნის გამოყენებით თავის არეში დაზიანებები მიაყენა, რის შედეგადაც იგი ადგილზე გარდაიცვალა. სამართალდამცველებმა მ.შ. წალკაში, ნ. ბ. კი რუსთავში დააკავეს. მ.შ.-ს ბრალი ედება განზრახ მკვლელობასა და ჯგუფურად ჩადენილ ყაჩაღობაში, ნ.ბ.-ს კი - ჯგუფურად ჩადენილ ყაჩაღობაში. გამოძიება მიმდინარეობს სისხლის სამართლის კოდექსის 108-ე მუხლისა და და 179-ე მუხლის მე-2 და მე-3 ნაწილების „ბ“ ... ...
  • ხმაური პარლამენტთან-აქციაზე რამდენიმე ადამიანი დააკავესდილიდან ხმაურია თბილისში, პარლამენტის შენობასთან. უზენაესი სასამართლოს მოსამართლეობის კანდიდატების კენჭისყრა აქციის ფონზე მიმდინარეობს. პარლამენტის შესასვლელთან დილიდან აქციის მონაწილეები არიან შეკრებილები. პიკეტირების დროს „ახალი საქართველოს“ ლიდერ გიორგი ვაშაძესა და სამართალდამცველებს შორის სიტყვიერი დაპირისპირება მოხდა, რის შემდეგაც, გიორგი ვაშაძე და რამდენიმე ადამიანი, მათ შორის გურამ ჩალაგაშვილი და გიორგი თევდორაძე ადგილიდან გაიყვანეს. დაპირისპირება მოხდა მოძრაობა "ლელოსა" და პოლიციას შორისაც. ოპოზიციის აქციის 10-ზე მეტი  მონაწილე დააკავეს. საპროტესტო აქციას მართავს იუსტიციის უმაღლესი საბჭოს არა მოსამართლე წევრი ანა დოლიძეც. აქციის ლოზუნგია "სია უნდა ჩავარდეს“. პოლიციას პარლამენტთან კორდონი აქვს გაკეთებული.   ... ...
  • “ბებიაჩემი ყველასგან გამორჩეული ინდივიდია“ - ინტერვიუ “მხოლოდ ქართულის“ კონკურსანტთანლალო ქართველიშვილს ეს სახელი ბებიას საპატივცემულოდ დაარქვეს. ჩვენი რესპონდენტის თქმით, ბებიასთან თავს ყველაზე დაცულად და თბილად გრძნობს. ლალო “მთავარი არხის“ მუსიკალური პროექტის “მხოლოდ ქართულის“ 2019 წლის მონაწილე იყო. როდესაც, მის შესახებ ვიდეო მოამზადეს ის ოზურგეთში ცხოვრობდა. ახლა კი სტუდენტია,  უმაღლეს განათლებას თბილისში იღებს. “ვინ ელოდება გურიიდან ყველაზე მეტად თქვენს შედეგს?“ - ამ კითხვით მას ჟიურის ერთ-ერთმა წევრმა, სოფო ნიჟარაძემ მიმართა. პასუხი უცნაური აღმოჩნდა ჟიურის წევრებისთვის: “მარტოდ ვცხოვრობ... კატასთან და ძაღლთან ერთად,“ - თქვა  ლალომ. დედა და მამა საბერძნეთში წავიდნენ. სახლში ბებია და შვილიშვილი დარჩა. "ფინანსურად არც ისე კარგად ვიყავით და ისიც წავიდა საზღვაგარეთ სამუშაოდ. ბებიაჩემი არის ჩემთვის ყველაზე უძვირფასესი ადამიანი და მინდა ვუთხრა მას, ყველა იმედს გავუმართლებ,“_ თქვა პრომო ვიდეოში 18 წლის მომღერალმა. “მხოლოდ ქართულის“ შესარჩევ ტურში მან ვაჟა აზარაშვილის “გზები“ შეასრულა. “გურია ნიუსი“ გთავაზობთ ინტერვიუს ლალო ქართველიშვილთან. _ ლალო, როდის დაიწყე სიმღერა? _ ბებოს თქმით, სამი წლიდან ვმღერი. _ ეს პირველი მცდელობა იყო კუნკურსში მონაწილეობის? _ არა...რამდენჯერმე ვიყავი “იქს-ფაქტორში“ და “ნიჭიერში“, თუმცა, უშედეგოდ. _ თქვენი აზრით, რა არის ამის მიზეზი? _ალბათ, ისევ მე და ჩემი ნაკლებად აქტიურობა. _ კიდევ აპირებ მუსიკალურ კონკურსში მონაწილეობას? ან რამე შემოთავაზება ხომ არ იყო თქვენი გამოსვლის შემდეგ? _ რა თქმა უნდა ვაპირებ! ზედმეტად მიზანდასახული ვარ იმისთვის, რომ ამ ნაბიჯის შემდეგ გავჩერდე. რაც შეეხება შემოთავაზებას,  არა, არ ყოფილა. _ რამდენად სამართლიანად მოიქცა ჟიური, რომ ათეულში ვერ მოხვდი? _ ჟიური სამართლიანად მოიქცა.  ჩემი ფსიქოლოგიური მომენტების გამო, არც კი წავსულვარ ათეულის შერჩევაზე. _ ლალო, მოგვიყევი თქვენს შესახებ, რომ უფრო გაგიცნოთ საზოგადოებამ. _ ოზურგეთის ერთ პატარა უბანში ,,ზვანში''ვცხოვრობდი.  დავამთავრე #3 საჯარო სკოლა. ძირითადად დაკავებული ვიყავი სიმღერით და ზოგადად მუსიკით, როგორც ახლა. _ლალო, რამდენი წელი ცხოვრობდი მარტო და როგორი იყო შენი ყოველდიურობა? არ, არის მარტო ცხოვრება სიძნელებთან დაკავშირებული? _ ვსწავლობ სეუში, ჟურნალისტიკის ფაკულტეტზე. წელიწადნახევარი ვცხოვრობდი მარტო. რა თქმა უნდა რთულია, თუმც,  ჩემთვის ნაკლებად, ბავშვობიდანვე დამოუკიდებლობას მიმაჩვია ბებომ. _ ბებია და შვილიშვილის ურთიერთობაზე რას გვეტყოდით? _ ვფიქრობ, ბებიაჩემი ყველასგან გამორჩეული იდივიდია. ჩვენი ურთიერთობა,სიყვარული ყველაზე დიდი და ღრმაა. ჩვენ თითქოს ერთმანეთს ვავსებთ. შეუძლებელია, ამ ყველაფრის ენით ან სხვა საშუალებით აღწერა. _ როგორ მოხდა თქვენი დროებით დაშორება? _ ჩემმა აბიტურიენტობამ განაპირობა ბებოს საზღვარგარეთ წასვლა... _ როგორც ვიდეოში ამბობთ ძაღლთან და კატასთან მოგიწია ცხოვრება? _ მათთან ერთად ცხოვრება დიდი ბედნიერებაა. _ ახლა, ვისთან დატოვე შენი საყვარელი ძაღლი და კატა? _ ჩემი ძაღლი ჩემს ბიძაშვილ ნინის დავუტოვე. ბინაში, რომ არ შემეზღუდა, რაც შეეხება ზოის აქ მყავს ჩემთან, თავის 3 კნუტთან ერთად. _ ლალო, რას გეგმავ  მომავალში? _ ვგეგმავ სწავლის თეატრალურში გაგრძელებას. სხვაგან ვერ წარმომიდგენია თავი. მინდა ვიყო შემდგარი მუსკომედიის მსახიობი. ჰოლივუდიც კი შედის ჩემს დიდ ოცნებებში რაც არ უნდა ამბიციური ნათქვამი იყოს. ვფიქრობ, მთავარი მიზანდასახულობაა. ვინატრებდი იმას, რომ ბებო სამუდამოდ ჩემთან იყოს. _ ჟურნალისტობაზე არ ოცნებობ? _ არა,  მომწონს ეს პროფესია, მაგრამ ჩემი არაა. შემთხვევით მოვხვდი სეუში. თეატრალურის ტურზე, ვერ მოვახერხე ჩამოსვლა მაშინ თბილისში. _ ლალო, როგორია სტუდენტების ცხოვრება? _ სტუდენტების ცხოვრება საკმაოდ დამღლელია, მაგრამ ამავდროულად საინტერესო. _ და ბოლოს, დედ-მამასთან გაქვს კონტაქტი? _ კი, როგორ არა და ძალიან მწყინს ცუდ რაღაცებს რომ წერენ მათზე...კი ყოველთვის მაკლდა ერთიც და მეორეც, თუმცა მაინც ვერ ვიტყვი იმას, რომ ისინი ცუდები არიან. _ და ვინ გწერთ ან გეუბნება ამას? _ იმ, ხალხის, რაღაც ნაწილი, რომელმაც ჩემი გამოსვლა ნახა. _შენ, რას ფიქრობ მათ ასეთ რეაქციაზე? _ ნუ დიდად არ მიკვირს. ქართველებს სხვისი კრიტიკა ყველაზე კარგად გამოგვდის სამწუხაროდ, რასაც სათავეში გაუნათლებლობა უდგას. _ ლალო, შეგეხმიანეს მშობლები შენი გამოსვლის შემდეგ? _ რა თქმა უნდა. ძალიან გახარებულები არიან. “გურია ნიუსი“ წარმატებებს უსურვებს ლალო ... ...
  • ჩხუბი პარლამენტთან-პოლიციამ 2 პირი დააკავაგვიან ღამით, პარლამენტის შენობასთან დაპირისპირება მოხდა. როგორც პარლამენტის წინ, კარვებში მყოფი ადამიანები ამბობენ, ნასვამ მდგომარეობაში მყოფი ორი მამაკაცი მივიდა, რომლებმაც სიტყვიერი შეურაცხყოფა მიაყენეს და აგრესიით გამოირჩეოდნენ. პოლიციამ აღნიშნული ორი პირი პარლამენტის მიმდებარე ტერიტორიიდან განარიდა, თუმცა ისინი ტერიტორიაზე კვლავ დაბრუნდნენ, რის შემდეგაც ფიზიკური დაპირისპირება მოხდა. როგორც შსს-ში აცხადებენ, პარლამენტის შენობასთან მომხდარ ფაქტზე გამოძიება დაიწყო საქართველოს სისხლის სამართლის კოდექსის 126-ე მუხლით, რაც ძალადობას გულისხმობს. მათივე ინფორმაციით, ადგილზე დაკავებულია ორი პირი ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (ხულიგნობა) ... ...
  • რომელი მოსწავლეები მონაწილეობენ გურიიდან “ინფორმატიკის ოლიმპიადა ყველასათვის“ ფინალში საქართველოს უნივერსიტეტის ორგანიზებით და თაოსნობით სკოლის მოსწავლეებისთვის გამართულ კონკურსში “ინფორმატიკის ოლიმპიადა ყველასათვის“ (OLYINFO) ფინალში გურიის სამივე მუნიციპალიტეტის რამდენიმე სკოლის მოსწავლეები მოხვდნენ. “გურია ნიუსმა“  გაგაცნოთ ინფორმაცია, რომ ლიხაურის საჯარო სკოლიდან ოთხი მოსწავლე გადავიდა ფინალში. ახლა კი გაგაცნობთ ჩოხატაურის და ლანჩხუთის სკოლის მოსწავლეების სია, რომლებიც თბილისში გასამართ ფინალში მიიღებენ მონაწილეობას. თამთა ყაჭეიშვილი, დავით სიხარულიძე, ლაშა-გიორგი სიხარულიძე, იური ყაჭეიშვილი, საბა ჩანტლაძე  არიან  სსიპ ჩოხატაურის მუნიციპალიტეტის სოფელ შუა ამაღლების საჯარო სკოლის მოსწავლეები; ნიკოლოზ ცინცაძე,  ანა კალანდაძე-  სსიპ ჩოხატაურის მუნიციპალიტეტის სოფელ  იანეულის   საჯარო    სკოლის მოსწავლეები; ანტონ  სიხარულიძე    სსიპ ჩოხატაურის მუნიციპალიტეტის სოფელ  ბუკისციხის  საჯარო სკოლის მოსწავლე. ელენე გვარჯალაძე და მარიამ ცინცაძე არიან მესამე საჯარო სკოლის მოსწავლეები; ლია ბოლქვაძე, ლინდა ჭაღალიძე, ბარბარე მორჩილაძე, ანასტასია გოგელია -სსიპ ლანჩხუთის მუნიციპალიტეტის გია ტრაპაიძის სახელობის სოფელ ქვემო აკეთის საჯარო სკოლაში სწავლობენ. ამავე თემაზე: ... ...

არქივი

ზაფრანი

სამკაულები, რომლებსაც უბედურება მოაქვს

ზოგიერთ სამკაულს თავისი მფლობელისთვის წარუმატებლობის...

2020 წლის ჩინური ჰოროსკოპი

ჩინური ჰოროსკოპი ცხოველთა 12 ნიშანს...

იცით თუ არა, რომ...

ადამიანები, რომლებიც დიდი რაოდენობით ტესტოსტერონს...

რა გავლენას ახდენს მოწევა ტვინზე

მოწევა არა მხოლოდ ფილტვებს, არამედ...

რატომ უნდა მიირთვათ ვაშლი ყოველდღე

ვაშლი დაბერებას აფერხებს; ვაშლი უჯრედისით...

შეიძლება თუ არა სველი თმით დაძინება

სახლში სამსახურიდან დაქანცული ბრუნდებით, აბაზანას...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...