გაქცეულ დეპუტატს დადევნებული ამომრჩევლის ფიქრები

მკითხველი

გაქცეულ დეპუტატს დადევნებული ამომრჩევლის ფიქრები

30 ივნ. 2016, 12:50:34

"ქალბატონო რუსუდან! თქვენით მიყვარს გურია და გურულები... იმედიანი შემოდგომის მოლოდინით და უღრმესი პატივისცემით, თემურ ჭკუასელი, 2012 ზაფხული," _ ამ წარწერით მაჩუქა ბატონმა თეიმურაზ ჭკუასელმა თავისი წიგნი _ "კვამლის სინდრომი", რომელიც ჯერ სულმოუთქმელად გადავათვალიერე, მერე სულდათქმულად წავიკითხე და ისე მომეწონა, ჩემს სასასთუმლე წიგნებთან მივუჩინე ბინა. არავის ვათხოვე, არ დამიკარგონ-მეთქი. ისე, შუკაში გამრებთ ვაჩერებდი და ადგილებს ვუკითხავდი ამ წიგნიდან. ახლა? ახლა კარადის ბოლო უჯრის ბინადარია და თუ შესაძლებლობა მომეცა, მინდა ავტორს საჯაროდ დავუბრუნო! რა მოხდა? იკითხავთ, ალბათ.

ეს ამბავი ასე დაიწყო...

"მოროდს" (მეორე თოხი) ამთავრებდნენ მიდღემჩი თოხზე გადაკიდული და ხშირად მაინც უჭადოდ დარჩენილი გურულები, ხალხი რომ ღამეული ჩურჩულით "ჩამეიწვიენ", "ოცნების" ხალხი მოდის და გამოით ცენტრშიო! მეც მიმიწვიეს! მერე რა? რა და, წინა ხელისუფლებამ კეთროვანივით მომიძულა, როგორც "ანტი!" ხალხში არ "მაჩენდნენ", მაგრამ ეს ისევ მათთვის დარჩა წამგებიანი! მე ჩემს სათქმელს "გურია ნიუსით" უზარმაზარ აუდიტორიას ვაწვდი. იმდენი სიკეთე მე და თქვენც, "ცხრაწლიანებო", რამდენი "ვითომ აფერიო", მარა, დიდი ინტერესით კითხულობდით ჩემს სტატიებს. ჰოდა, იმას გეუბნებოდით,"შიშლოურეთ" გამოძვრა სოფლის ორღობეებიდან ხალხი და სტუმრებიც მოგვადგნენ.

ჰოი, საოცრებავ! გივი ჭიჭინაძე, თეიმურაზ ჭკუასელი, ზურა... ვიშოვე ნანატრი ასპარეზი და გადმოვალაგე ხალხის სატკივარი. თქვენი თითოეული სიტყვა ბიძინასთან მიგვაქვსო, _ გვითხრეს და მეც "დავაბარე" გივის და თემურს _ გადაეცით ბიძინას, უპირველესად განქართველების გზის დასასრულს მისულ ქართულ სკოლას უშველოს და "ახალი ქართველის" გამოყვანის პროცესი შეაჩეროს,-მეთქი.

_ მე თქვენ შეგახვედრებთ ბიძინას და თავად უთხარით თქვენი სათქმელი! _ ორჯერ გაიმეორა ჭკუასელმა.

ხალხიც გაშეშდა და მეც!

_ სად ცხოვრობთ? _ მკითხა.

_ აქვე ახლოს! _ ვუპასუხე.

_ მე თქვენთან სახლში მოვალ, _ მითხრა და მალევე შეასრულა.

საუბარი სისტემის შეცვლას, სკოლის და აღმოსავლეთ გურიის დიალექტის გადარჩენას ეხებოდა. წასვლისას ჩემი ნაწერიც გავატანე (მწარედ მეღიმება ახლა), მაგრამ უპოლიტიკოდ მაინც როგორ გავუშვებდი?!

_ ქალბატონო რუსუდან! მე პოლიტიკის არაფერი გამეგება, არაა მაგი ჩემი საქმე! მე დიდი ნაცნობობა მყავს და მხოლოდ ამ გზით შემიძლია ჩოხატაურს დავეხმარო... და გადაიარა "კარაბიაზე".

პირკატა მეცა!!! პარლამენტში უნდა შევიდეს კაცი და პოლიტიკის არაფერი გამეგებაო?!!! აგი რაფერ იქნება?! ვთქვათ და, ამ დიდი ნაცნობებით დაეხმარა ჩოხატაურს, იმ რაიონებმა რა ქნან, ვისი დეპუტატიც არ იცნობს მინისტრებს? აგია სამართალი? ანდა, თბილისიდან ბათუმს მიმავალი კაცი რას იტყვის, რომ ნახავს ამ აყვავილებულ ჩოხატაურს, ყველას დასაქმებულს, ყველას დაპურებულს, ყველა ავადმყოფს _ მორჩენილს, არ შეშურდება?! არ ვხუმრობ _ ასეთ ჭკუაზე ვიყავი მაშინ!

არჩევნებამდე

არჩევნებამდე, გზადაგზა ბევრი უხერხულობა იქმნებოდა, ერთმანეთში აზელილ ჭორ-მართალს, ხალხის "საოცნებოდ" მობილიზება სჭირდებოდა. მე კალმის გარდა, სხვა იარაღი არასდროს მქონია და "გეილია" აგი კალამი ჭკუასელის "სადიდებელი" სტატიების წერაში.

და სადაც ფეხი და კალამიც კი არ წვდებოდა, შვილებს ვაგზავნიდი.

არ გეშინოდაო, მკითხავთ, ალბათ, ძვირფასო მკითხველო! ვაღიარებ, მეშინოდა! მიუხედავად იმისა, რომ ბუნებით ნამდვილად არ ვარ მშიშარა.

სექტემბრის დასასრულს, ბრძოლა გამძაფრდა სოფლებში, სადღეღამისო რეჟიმში რიგდებოდა ფული სიმწრით ნაშოვი. მართლა "საოცნებო" ხმები უკან დაითრიეს, ვინ ვალებს იხდიდა, ვინ ზამთრისთვის ემზადებოდა... შევშინდი და კორდინატორის თანხლებით ჭკუასელს ოფისში ვეწვიე. ავუხსენი საშიშროების შესახებ.

დაუძახეთ "ინფო 9"-ს, გადაუღეთ და მასალებს მიეცით მსვლელობა, _ იყო გულგრილი პასუხი. დავინახე, რომ ეს კაცი წაგებისთვის არ მოიკლავდა თავს და მე მერე რა უნდა მექნა?! ამას ემატებოდა შეუწყვეტელი სატელეფონო ზარები, მუქარა შვილიშვილების დაჭერით, ავტოავარიით. რაც უნდა მოხდეს, იმ სიტყვებს მუქარისას არასოდეს გავიმეორებ.

...და ჩამობრძანდა ივანიშვილი

გაბედულები ტრიბუნასთან იკრიბებოდნენ, გაუბედავები _ ფანჯრებიდან "იჭიტინებოდნენ". ამდენი თვის მანძილზე "ოცნების" მაისური ვერ ვიშოვე. კახა თედორაძემ მათხოვა თავისი (ამჟამად ერკეთის გამგებელი), ამიტომ დამაგვიანდა რაიონში ჩასვლა.

10 წუთში მოვა ბიძინა, თქვენ უნდა წარადგინოთო, _ მომნახა "ალეიაში" ბატონმა თემურმა. აქ ვჩერდები... დანარჩენი თქვენც გემახსოვრებათ, ძვირფასო მკითხველო!

"ნაბიძინარს" და ნაარჩევნალს

მიხეილ ჯავახიშვილის "გივი შადური" ბევრ თქვენგანს ექნება წაკითხული, ჯერ კიდევ სკოლის ასაკიდან დამდევს ეს "ბედი მდევარი" და მომაკითხა "ნაბიძინარმაც". უცნაურ უხერხულობაში გავიხლართე _ კაი, ბატონო, ტელეფონს არ უპასუხებ ადამიანი, მაგრამ ჭიშკართან მომდგარ მანქანებს, ღამეულ სიგნალებს რას მოუხერხებ? არა მარტო ახლობელ-ნაცნობ-ნათესავები, სრულიად უცნობებიც მთხოვდნენ ბიძინასთან "საქმის ჩაწყობას". თურმე, ცოტაც დაიცადე! ნაარჩევნალიც ასეთი ტექსტით მოდიოდნენ _ თუ ბიძინასთან ვერა, ჭკუასელთან მაინც გამიკეთე საქმეო!!!

და ეს "პატარა" საქმეები სახსენებელიც არაა იმასთან, რაც ჩემს ოჯახს სასიცოცხლო პრობლემად ექცა, სულ მალე, არჩევნების შემდეგ და გრძელდებოდა სამი წელი! იცის ეს ამბები ჩოხატაურმა. ... და დავრჩით ასე გათიშულები.

დიდხანს ვცდილობდი წონასწორობის შენარჩუნებას, რადგან მე თქვენ ძალიან მჭირდებოდით, ბოლოწვეთგადაწურული სიცოცხლის შესანარჩუნებლად. როგორც იქნა, გამოჩნდით. 2013 წლის 4 მარტს, დაახლოებით, 100 კაცს შორის მეც ვიდექი დეპუტატის მისაღებში. ოთახიდან თქვენი ხმადაბალი ყვირილი ისმოდა. ქალბატონები ლანძღვა-გინებით და ჩვენებური წყევლა-კრულვით გამოცვივდნენ გარეთ.

მალე თქვენც გააღეთ კარები _ უი, ქალბატონი რუსუდანიც აქ ყოფილაო, უკანვე შებრუნდით, მერე ისევ გამობრუნდით, არც შემომხედეთ და თითქმის, გაიქეცით გამგებლის კაბინეტისკენ. დაგედევნეთ, დავძლიე სიამაყე ცხოვრებაში ერთხელ, კარებთან მისულს დაგეწიეთ, ბუნდოვანი პასუხით მომიშორეთ და გამგებლის კაბინეტს შეეფარეთ.

მხრებჩამოყრილი ხალხი მორჩილად დაიშალა. თქვენ მალე გაემართეთ სადღაც, როგორც ხალხს დაუბარეთ, საავადმყოფოს საკითხზე. მე უკან გამოგყევით ჩუმად. თქვენ სადილზე შებრძანდით ერთ ოჯახში. გურულს ვინ ასწავლის მასპინძლობას და არც უსადილობა იქნება. სუფრაზე ჩემზე წამოჭრილი საუბრის თქვენეულ შეფასებას არ გავიმეორებ, თუ ძალიან არ გამიჭირდა. ახლა თავს იმართლებთ, თურმე, ხომ ვიყავი სერგეენკოსთანო... არ არის ასე. თქვენ დიმიტრი ხუნდაძემ შეგაგდოთ ნამუსზე, მოგიყვანათ გონს. მასთან ერთად იყავით მინისტრთან, თუმცა, მე არავითარი სახის დახმარება არ მიმიღია, მაგრამ გმადლობთ მაინც, ადამიანური მოპყრობისათვის, ბატონო დიმიტრი!

მალე აუცილებელი გახდა თქვენთან დარეკვა, გაჭირვებამ გულში ჩამიბრუნა წყენა და სიამაყე _ დაგირეკეთ.

_ თქვენ ნუ შეწუხდებით, მე თვითონ დაგირეკავთო,_ ასე მომიშორეთ!

არ დამირეკეთ! ვერ მომინელებია, რომ ისევ მე დაგირეკეთ. მთელი კვირა ასე გრძელდებოდა, ზარი გადიოდა, არ იღებდით! სხვისი ტელეფონით ვცადე. აიღეთ, მაგრამ მე გავთიშე!

... და დავრჩით ასე გათიშულები _ დეპუტატი თემურ ჭკუასელი და მე, ოღონდ, არა რუსუდან ბერიშვილი, არამედ ერთ-ერთი ამომრჩეველი, რომელმაც მთელი ოჯახი _ მეუღლე, შვილები, შვილიშვილები და საკუთარი თავი "ოცნებას" მიუძღვნა. გმადლობთ, უფალო, რომ ადამიანთაგან განწირული შენ არ გამიმეტე და ხელი შემაშველე! ეს ყველაფერი იყო! წარსულში იყო!

ახლა რა უნდა იყოს?

პოლიტსაბჭოში აგირჩიეს, ბატონო თემურ, მაგრამ როგორც "გურია ნიუსიდან" შევიტყვეთ, "თურმე" დეპუტატობაზეც "დათანხმებდით", თუ ჩოხატაურელები და ლანჩხუთლები, არც მეტი, არც ნაკლები _ "შეგეხვეწებიან"!

როგორც გურულები იტყვიან, აი ამბავი, მართლა აფერს არ გავს!

სხვის საქმეში ვერ ჩავერევი, მაგრამ მე გავდივარ ამ შემხვეწებელთა კატეგორიიდან ყველა იმ ჩოხატაურელთან ერთად, რომლებმაც, თუნდაც ჩემი და ჩემნაირთა ხათრით (და არა გავლენით!) მხარი დაგიჭირეთ 2012-ში. არც ის დაგავიწყდეთ, "ოცნების" მაშინდელი უზარმაზარი რეიტინგის მიუხედავად, თქვენ 51,1% მიიღეთ ხმებისა, მანანა ჯინჭარაძემ კი _ 46,7%. ჩემს სოფელში მხოლოდ 23 ხმით აჯობეთ ჯინჭარაძეს და ეს ხმები "ფრჩხილით და ჭვანკითაა" მოპოვებული ქალაქიდან ჩამოსული ჩემი ყოფილი მოსწავლეებისაგან და სხვებისგანაც. კაი გული მოგცეთ ღმერთმა, თუ მართლა ისევ აპირებთ დეპუტატობას, თანაც თუ შეგეხვეწებით!

რასაც ვწერ, ამას შურისძიება არ ჰქვია, ეს საშინელი გულისტკივილია, რადგან "ეროვნული ფორუმი" (რომლის ერთ-ერთი დამფუძნებელი მეც ვარ) და "ოცნება" ჩემთვის დედა-შვილობას წააგავს. ახლა კი? ყრილობა ჩატარდა, ვინ ჩაანაცვლა "ოცნებელები"? ამ მოვლენას (დიახ, ამას მოვლენას ვუწოდებდი) ვერ მოვუნახე სათანადო სახელი. როცა ასე "ვიჭედები", წიგნებში ვეძებ შველას. "გრძნობა, განცდა, რომელსაც იწვევს რაიმე უხერხული, სათაკილო მდგომარეობა; საძრახისი, შეუფერებელი საქციელის ჩადენის შეგნება" (ქართული ენის განმარტებითი ლექსიკონი, ტ. VI გვ. 1064). ეს განმარტება ქართულ სიტყვას _ "უსირცხვილოს" ნიშნავს. კიდევ კარგი, ძალიან ბევრი არ იმსახურებს ასეთ შეფასებას. ბევრი განრისხდება, ეს რა გვაკადრესო! ვინც თავის თავს ამოიცნობს უსირცხვილოთა ჯოგში, მეტიც ეკადრება!

აბა, რა უნდა უწოდო კაცს ან ქალს, რომელმაც ყველაფერი იკადრა 2012-ში, ნაარჩევნალს კი, პირველსავე დილას გადაიცვა მაისური და 5-დან 41-მდე ახტა!

მერე რაო, გაიკვირვეს კიდეც! ჩვენ იატაქვეშ ვმუშაობდითო! ყველა რევოლუცია იატაქვეშეთიდან იწყება, მაგრამ მითხარით "იატაქვეშეთელები" რას აკეთებდით ჩვენს ფერხთ ქვევით? გვირაბს ხომ არ თხრიდით?! თქვენ რა გითხარით მე, რაფერი ხათრიანები ხართ!!!

 უმადურობა დიდი ცოდვაა და უნამუსობაც. ცოდვილი და უნამუსო უნდა იყოს ადამიანი, რომ არ დაინახოს უდიდესი სიკეთე, რაც ბატონმა ბიძინამ გაუკეთა საქართველოს ჩვენი დახმარებით. მიწა არ მზიდავს, რომ არ დავინახო დიდი მცდელობა და მონდომება ჩვენი რაიონის ხელმძღვანელობისგან... და მაინც უმძიმეს დღეშია ხალხი! "ოცნება" ძლიერი კი არა, უძლიერესი ძალა იყო 2012-ში, მაგრამ მალე იწყო დაბლა სვლა.

ისევ თავიდან აყროლდა თევზი! კოჰაბიტაციისთვის გზა არ უნდა მიგვეცა, ეს დასაწვავი სავარძლები ხომ მაგიურ ძალებს ფლობენ ყველა ხელისუფლებაში. კლანები, ჯიპები, რესტორნები და პრემიები _ არაფრის კეთებისთვის გაცემული სოლიდური თანხები. ამას ისევ უმუშევრობა, სამართლის ვერაღდგენაც დაემატა და ეს ყველაფერი სოციალური დახმარების მოხსნით "დაგვირგვინდა", ნაშრომ-ნაომარი ხალხი კედელზე მიაჭყლიტეს, ისევ უღირსნი წამოყელყელავდნენ და ცინიკურადაც კი უყურებენ წარსულს, რადგან, თურმე, "ყველაფერი სულერთი ყოფილა"!

ამ ყველაფრის ერთ-ერთი კანონმდებელი და წინამძღოლი თქვენც ხართ, ბატონო თემურ! მენანებით! დღეს თქვენი წიგნები ამოვიღე ბოლო უჯრიდან, კიდევ გადავხედე და ვიფიქრე _ ამათი დამწერი მართლა ეს კაცია? სიმღერა რად გინდათ, "ხასანბეგურაზე" დაწერილი სტატია სიმღერა არაა?!

მე ორ თემურ ჭკუასელს ვიცნობ _ ერთი უზომოდ ნიჭიერი კალმოსანი და განსაკუთრებით გურულებისთვის საყვარელი მწერალია (თუმცა, მის წიგნებს ნაკლებად იცნობენ); სიმღერაზე რაღა ვთქვა, კარგი იუმორი ხომ აქვს და აქვს! მეორე? მეორე თემურ ჭკუასელი (ჩემი აზრით) ის კაცია, რომელზედაც ამდენი ხანია გესაუბრებით. უცნაური კონტრასტია ამ ორ კაცს შორის, რის მიზეზიც, ქართული პოლიტიკის ტრადიციული და დაუსრულებელი შეცდომაა _ არაპროფესიონალიზმი! თოფი მეთოფემ უნდა ისროლოს, პური მეპურემ უნდა გამოაცხოს, მწერალმა კი წეროს, მომღერალმა _ იმღეროს და ნინუცა ბებიას შეგონებები ასწავლოს გურულებს.

ერთსაც ვიტყვი _ თუ ჩოხატაურსა და ლანჩხუთში "ოცნება" წაიჩოქებს, ან ვინ იცის და სულაც დაიჩოქებს, ამაში ლომის წილი თქვენ გექნებათ, ბატონო თემურ, თუ დეპუტატობის გზას ისევ დაადგებით!

...და იმ წიგნზე წარწერას დავუბრუნდები _ ვერ დავინახე თქვენი სიყვარული ამომრჩევლისადმი, შემოდგომა კი 2012 -ში მართლა ბარაქიანი დაგიდგათ.

ახლა ერთი უსახლკარო შეყვარებულის ფანჯარასთან ატუზული ბიჭის სიმღერა გამახსენდა _ არაფერი გამაჩნია, მაგრამ მაინც გადმოდიო, _ გოგოს რომ ეუბნებოდა. იმ ბიჭისა არ იყოს, არ ვიცი, სად წაიყვანს "ოცნება" ხალხს.

რუსუდან ბერიშვილი,
ჩოხატაური, ერკეთი

რედაქციისგან: ჩვენ უცვლელად და უკომენტაროდ ვაქვეყნებთ ჩვენი მკითხველის ­­_ ქალბატონი რუსუდან ბერიშვილის წერილს. სურვილის შემთხვევაში, ბატონ თემურ ჭკუასელს საპასუხოდ დავუთმობთ შესაბმისს საგაზეთო ფართს.




 ახალი ამბები
  • "დედა-შვილი საავადმყოფოში ამ დრომდე მძიმე მდგომარეობაში არიან"ბაღდათში, სოფელ დიმში მომხდარი ავტოსაგზაო შემთხვევის შედეგად დაშავებული დედა-შვილის მდგომარეობა ამ დრომდე მძიმეა. ამის შესახებ "გურია ნიუსს" ოჯახის ნათესავი ესაუბრა: "გოგონას ოპერაცია უკვე ჩაუტარდა და ვლოცულობთ, რომ გადარჩეს. რაც შეეხება დედას, ის აპარატზეა შეერთებული. უბედურება მოხდა და ფაქტობრივად, ოჯახი განადგურდა”. შეგახსენებთ, ავტოსაგზაო შემთხვევა სოფელ დიმში 25 ოქტომბერს მოხდა _ ავტომობილი, რომელშიც ოჯახის წევრები ისხდნენ, სავალი გზის ნაწილიდან გადავარდა. მომხდარის შედეგად, ოთხი მგზავრი ადგილზე გარდაიცვალა, ორი კი მძიმედ ... ...
  • “აი ია, ძია იაკობ, აი იაო” _ დღეს იაკობ გოგებაშვილის დაბადების დღეაიაკობ სიმონის ძე გოგებაშვილი, ქართველი პედაგოგი, მეცნიერული პედაგოგიკის ფუძემდებელი საქართველოში, პუბლიცისტი, საბავშვო მწერალი და საზოგადო მოღვაწე 1840 წლის 27 ოქტომბერს, სოფელ ვარიანში, ღარიბი მღვდლის ოჯახში დაიბადა. იაკობი ჯერ გორის, შემდეგ თბილისის სასულიერო სასწავლებელში სწავლობდა. 1855 წელს შევიდა თბილისის სასულიერო სემინარიაში, 1861 წელს კი — კიევის სასულიერო აკადემიაში. პარალელურად უნივერსიტეტში საბუნებისმეტყველო დისციპლინებში ისმენდა ლექციებს, მაგრამ ჯანმრთელობის მდგომარეობის გამო, იძულებული გახდა 1863 წელს სამშობლოში დაბრუნებულიყო. 1864 წელს გოგებაშვილი თბილისის სასულიერო სასწავლებლის მასწავლებლად, ხოლო 1868 წელს მის ინსპექტორად დაინიშნა. ამავე დროს, იგი აქტიურად ჩაება ეროვნულ-განმათავისუფლებელ მოძრაობაში, რომელსაც ილია ჭავჭავაძე და აკაკი წერეთელი მეთაურობდნენ. გოგებაშვილის პროგრესულმა პედაგოგიურმა მოღვაწეობამ სინოდისა და მეფის ხელისუფალთა უკმაყოფილება გამოიწვია და 1874 წელს, იგი, როგორც პოლიტიკურად არასაიმედო, მოხსნეს თანამდებობიდან. ამის შემდეგ, გოგებაშვილი სახელმწიფო სამსახურში აღარ შესულა და მთელი სიცოცხლე საზოგადო მოღვაწეობას მიუძღვნა. გოგებაშვილი დაუღალავად იბრძოდა სახალხო სკოლების შექმნა-დამკვიდრებისათვის საქართველოში. იცავდა რეალური განათლების უპირატესობას ფორმალურთან შედარებით. განსაკუთრებით დიდია ღვაწლი ქართველთა შორის წერა-კითხვის გამავრცელებელი საზოგადოების დაარსებასა და საქმიანობაში. იაკობ გოგებაშვილის პირადი არქივი დაცულია საქართველოს ხელნაწერთა ეროვნულ ცენტრში გოგებაშვილის პედაგოგიური მოძღვრება ქართული კულტურის წიაღში საზღვარგარეთისა და რუსეთის პროგრესული პედაგოგიკის მემკვიდრეობის ათვისებისა და შემოქმებითად გადამუშავების შედეგად აღმოცენდა; მსოფლმხედველობა რუსეთის რევოლუციურ-დემოკრატიული იდეების გავლენით ჩამოყალიბდა. მისთვის, როგორც კონსტანტინე უშინსკისათვის რუსეთში, მთავარი პედაგოგიკის პრინციპი იყო ხალხურობის პრინციპი, რომელიც ერის ინტერესების შესაბამის სახალხო განათლებას, ეროვნული კულტურის აღორძინებასა და მშობლიურ ენაზე სწავლებას გულისხმობდა, ამასთან რუსული ენის შესწავლის აუცილებლობასაც. გოგებაშვილმა ჩვენში პირველმა წამოაყენა აღმზრდელობითი სწავლების იდეა, ხოლო სწავლების პრინციპებად — შეგნებულობა და აქტიურობა, სისტემატურობა და თანამიმდევრობა, მისაწვდომობა და თვალსაჩინოება. პედაგოგიკისა და ცალკეულ საგანთა მეთოდიკის ყველა მნიშვნელოვანი პრობლემა განხილულია გოგებაშვილის შრომებში: „ბურჯი ეროვნებისა“, „ხე ნაყოფით იცნობება“, „ახალი ნაბიჯი ხალხის განათლებაში“, „ბრმა წინამძღოლობა ხალხის განათლებაში“, „ახალი სამოსწავლო გეგმის შესახებ“, „სახალხო მასწავლებლის ღვაწლი და უკიდურესი გაჭირვება მისი“, „განათლების მდგომარეობა საქართველოში“, „მშობლიურ ენაზე სწავლების საკითხები“ და სხვა. განსაკუთრებით აღსანიშნავია გოგებაშვილის სასკოლო სახელმძღვანელოები. „ქართული ენის ანბანი და პირველი საკითხავი წიგნი მოსწავლეთათვის“ (1865), „ბუნების კარი“ (1868), „დედა ენა“ (1876), „რუსკოე სლოვო“ (1887), რომლებმაც დიდი როლი ითამაშეს ახალი ქართული სალიტერატურო ენის განვითარებასა და დამკვიდრებაში და რომელთა პრინციპზეა შედგენილი ქართული სკოლების დაწყებითი კლასებში მოქმედი ქართული და რუსული ენის სახელმძღვანელოები. მოზარდებს სამშობლოსათვის თავდადებასა და სიყვარულს შთააგონებს, ცნობილი მოთხრობა „იავნანამ რა ჰქნა“ (1890) ჰუმანიზმს, პატრიოტიზმს, ხალხთა მეგობრობას ქადაგებს. 1910 წელს გამოვიდა მწერლის რჩეულ პედაგოგიკის და პუბლიცისტურ თხზულებათა ერთტომეული. თავისი საბავშვო მოთხრობებით და კრიტიკული მიმოხილვებით გოგებაშვილმა დიდი ამაგი დასდო საყმაწვილო ჟურნალებს „ნობათს“, „ჯეჯილსა“ და „ნაკადულს“. გოგებაშვილი არ იშურებდა სახსრებს სახალხო განათლებისათვის; იგი მატერიალურად ეხმარებოდა ღარიბ მოსწავლეებს, ცალკეულ საზოგადო მოღვაწეებს, პოეტებს, მწერლებს და სხვება, სისტემატურად უგზავნიდა ფულს რუსეთსა და საზღვარგარეთის უმაღლეს სასწავლებლებში მოსწავლე ქართველ სტუდენტებს, ციმბირში გადასახლებულ საზოგადოებრივ-პოლიტიკურ მოღვაწეებს. სიკვდილის წინ მან მთელი თავისი ქონება ქართველთა შორის წერა-კითხვის გამავრცელებელ საზოგადოებას გადასცა. “დედა ენა” ის წიგნია, რომლითაც ქართველი ბავშვი წერა-კითხვის სწავლას იწყებს არა ანბანის ათვისებით, როგორც ეს სხვა ენებს ახასიათებს, არამედ ორად ორი ასო-ბგერით და პირველივე წუთებიდან ბავშვი არა მხოლოდ სიტყვის, არამედ სრული წინადადების შედგენას იწყებს. ეს ჯადოსნური ასოებია “ა” და “ი”. არსებობს ლეგენდა. იაკობ გოგებაშვილს დიდხანს უფიქრია, როგორი უნდა ყოფილიყო წიგნი, რომლითაც ბავშვი ცოდნის სამყაროს ეზიარებოდა. ადრე გაზაფხულის ერთ მშვენიერ დღეს, როდესაც მწერალი მდელოზე იჯდა და ფიქრს მისცემოდა, პატარა გოგონას ხმა გაუგონია, რომელიც მისკენ ყვავილით ხელში მირბოდა: – “აი ია, ძია იაკობ, აი იაო”, – იძახდა გოგონა. “დიდი სიხარულით მივეცით პირველი ადგილი სიტყვას “ია” თავი სურათით. იმიტომ, რომ ანბანის სწავლის დაწყებისათვის მეტად მოხერხებული სიტყვაა და ბევრი ღირსება აქვს. პირველი ღირსება ის გახლავთ, რომ ეს სიტყვა შედგება ორის ხმოვნის ასოსაგან, რომელიც გამოსათქმელად ადვილნი არიან, დასაწერად არა ძნელნი და შემდეგი გაკვეთილებისათვისაც ფრიად საჭირონი, რადგანაც ამ ასოების შემწეობით ადვილად სდგება სიტყვები და ფრაზები და უამათოდ კი მათი შედგენა შეუძლებელი იქნებოდა, მეორე ღირსება ის არის, რომ მარტო ამ ორის ასოების შემწეობით ადვილად სდგება ორი სიტყვა და მათგან ფრაზა. ამის გამო ბავშვი პირველსავე გაკვეთილიდან სწავლობს არა მარტო ორ ასოსა, არამედ მაშინვე ჰკითხულობს სიტყვებს და ფრაზას, ამ ასოებისგან შემდგრას. ამის გამო ეს უძვირფასესი რამ არის ანბანის დაწყებისათვის. ბევრი ენა მოკლებულია ამ გვარს მოხერხებულ სიტყვას…”, – წერს გოგებაშვილი. წყარო: ... ...
  • ქვეყანა კატასტროფულ მდგომარეობაშია, უმძიმესი ზამთარი და გაზაფხული გველოდება _ ჭიჭინაძექვეყანა კატასტროფულ მდგომარეობაშია, უმძიმესი ზამთარი და გაზაფხული გველოდება, _ ამის შესახებ პოლიტიკური გაერთიანება "ტრიბუნას" ლიდერმა, დავით ჭიჭინაძემ განაცხადა. "ხალხი ყოველდღე ღარიბდება, „ოცნების“ ხელისუფლება კი, სახელმწიფო სახსრების ხარჯზე, იმ „ შავი“ ფულით, რომელსაც ბიუჯეტიდან იპარავენ, საარჩევნო კამპანიას ატარებს. „ოცნება“ თავად ითვისებს და საარჩევნო კამპანიაზე ხარჯავს იმ დახმარებასაც, რასაც უცხოელი პარტნიორები ხალხისთვის გზავნიან. ტენდერში გამარჯვებული ე.წ. შემომწირველების   შემოწირულობებიც სახელმწიფოს ფულით არჩევნების ჩატარების ერთ-ერთი გზაა. მოკლედ, სწორედ ასეთი უაზრო ხარჯვების  და მოსყიდვების გამო,  არჩევნების შემდეგ, უმძიმესი პერიოდი დადგება და ამას თითოეული ჩვენთაგანი საკუთარ თავზე , საკუთარ შემოსავალზე, საკუთარ მაცივარზე იგრძნობს, _ აცხადებს „ტრიბუნას“ ლიდერი დავით ჭიჭინაძე. ... ...
  • მუხაშავრია: “ქართული ოცნების” წარმომადგენელი ნაძალადევის ოლქში გასაიდუმლოებულ შეხვედრებს ატარებს (R)“ქართული ოცნების”  წარმომადგენელი ნაძალადევის ოლქში, მიხეილ ყაველაშვილი, დახურულ, გასაიდუმლოებულ შეხვედრებს  ატარებს ამ ოლქში მდებარე სკოლებში და საბავშვო ბაღებში და  დაწესებულებების პერსონალს - სკოლის მასწავლებლებს, საბავშვო ბაღის აღმზრდელებს,  მზარეულებს -ავალდებულებს იარონ კარდაკარ და ამომრჩევლები  დაარწმუნონ რომ შემოხაზონ მხოლოდ 41. მიხეილ ყაველაშვილი ასევე პირადად ხვდება ხანდაზმულ ადამიანებს და მათ სოციალური დახმარების დანიშვნას სთავაზობს, მაშინაც კი, როდესაც მათ ასეთი არ სჭირდებათ. ასევე პირადად მაწვდიან ინფორმაციებს იმის თაობაზე, რომ საგანმანათლებლო დაწესებულების თანამშრომლები ძალიან აქტიურად არიან ჩაბმული კანონსაწინააღმდეგო პოლიტიკურ საქმიანობაში, რაც მოგეხსენაბათ არალეგალური და დაუშვებელია. თან, ეს ყველაფერი  ხდება ძალიან ინტენსიური ტემპით და  მოსახლეობა ამით შეწუხებულია. მივმართავ განათლების მინისტრს, ბატონ მიხეილ ჩხენკელს, დაუყოვნებლივ გასცეს განკარგულება რათა შეწყდეს საგანმანათლებლო დაწესებულებების თანამშრომელთა პოლიტიკურ ღონისძიებებში მონაწილეობა და მათი საარჩევნო კამპანიაში ჩართვა, თუ რა თქმა უნდა მისი განკარგულებით არ ხდება ეს უკანონობა.  ჩემის მხრივ კი, გპირდებით ყველას, რომ მსგავსი უკანონო საქციელებისთვის პასუხს მოვთხოვთ ყველას, ამა წლის პირველი ნოემბრიდან“,_ აცხადებს ლია მუხაშავრია, პოლიტიკური მოძრაობა „დავით ჭიჭინაძე - ტრიბუნას“ წევრი. (R) ... ...
  • როდის გახსნის პანდემიის გამო დახურულ ქუთაისის ბაზას WizzAir "ქუთაისის ბაზას, რომელიც პანდემიის ფონზე დავხურეთ, მომდევნო წლის ზაფხულის სანავიგაციო სეზონზე გავხსნით“, - ამის შესახებ BMG-ს უნგრული ავიაკომპანია WizzAir-ის კორპორატიული კომუნიკაციების მენეჯერმა ანდრაშ რადომ განუცხადა. ცნობისთვის: ზაფხულის სანავიგაციო სეზონი მარტის ბოლოს იწყება და ოქტომბრის ბოლომდე გრძელდება. მისი თქმით, ავიაკომპანია ბაზის გახსნას და ოპერირების განახლებას ზამთრის სეზონზე აპირებდა, თუმცა ამის შესაძლებლობა არ მიეცათ. „ფრენების აღდგენა არ არის დამოკიდებული მხოლოდ ჩვენზე ან ერთ რომელიმე ქვეყანაზე, ეს არის ორმხრივი პროცესი და ყველას პირობა, როგორც - საქართველოს, ასევე მეორე ქვეყნის უნდა დაკმაყოფილდეს. ჩვენი მხრიდან მზაობა იმისა, რომ გავზარდოთ ფრენების სიხშირე და მიმართულებები, რა თქმა უნდა, არის და ვიფრენთ, როგორც კი ამის შესაძლებლობა გვექნება. ვმუშაობთ კიდევაც რეისების გაზრდასა და დამატებაზე მათ შორის საქართველოში, თუმცა პროცესებს სჭირდება დრო და ძველი პოზიციების დაბრუნებას ეტაპობრივად ვეცდებით”, - აღნიშნა ანდრაშ რადომ. ამასთან, როგორც BMG-ისთან ინტერვიუში ავიაკომპანიის კორპორატიული კომუნიკაციების მენეჯერმა თქვა, მათ რამდენიმე ქვეყანაში სტრატეგია შეცვალეს და ფოკუსი შიდა ფრენებზე გააკეთეს, მათ შორისაა იტალია, სადაც ყველაზე დიდი მოთხოვნა სწორედ შიდა გადაადგილებაზე მოდის, ამიტომაც ზოგიერთ ქვეყანაში დაიხურა ბაზა, ზოგან კი, პირიქით - მეორე და მესამე გაიხსნა. „პანდემიის ფონზე ფრენების უმეტესობა შიდა გადაადგილებაზე მოდიოდა და ამიტომ დადგა საჭიროება, გაგვეხსნა ახალი ბაზები; ასევე, ჩვენ მუდმივად ძიებაში ვართ ახალი მიმართულებების და სწორედ ამის მიზეზია ახალი ბაზის გახსნა სხვადასხვა ქვეყანაში, მათ შორის იტალიაში, გერმანიასა და საბერძნეთში, ხოლო გაუქმებული ფრენების გამო, ქუთაისის ბაზის დროებითი დახურვის გადაწყვეტილება მივიღეთ, თუმცა არ ვაპირებთ გაჩერებას; ახლაც და შემდეგაც ვიფრენთ იმდენს, რამდენის უფლება და საშუალებაც გვექნება. რაოდენობის გაზრდაზე კი, მუდმივად ვმუშაობთ. მეორე მხრივ, ვმუშაობთ ახალი თვითმფრინავების შეძენა-მომარაგების მიმართულებით, ვაახლებთ ავიაპარკს და როცა დასრულდება პანდემია და დაიწყება როგორც საავიაციო, ასევე, ტურიზმის სექტორის აღდგენა, მზარდ მოთხოვნას მომზადებულები დავხვდებით “, - აღნიშნა WizzAir-ის კორპორატიული კომუნიკაციების მენეჯერმა ანდრაშ რადომ. ცნობისთვის: დაბალბიუჯეტიანი ავიაკომპანია Wizz Air-ი ევროპის სხვადასხვა მიმართულებებიდან ქუთაისის საერთაშორისო აეროპორტის მიმართულებით რეისების ეტაპობრივად ანახლებს. ავიაკომპანიამ რიგა-ქუთაისი-რიგას საჰაერო ხაზზე ოპერირება რამდენიმე კვირის უკან განაახლა, ხოლო ნოემბრიდან ფრენებს დორტმუნდი-ქუთაისი-დორტმუნის და ვილნიუსი-ქუთაისი-ვილნიუსის საჰაერო ხაზებზე განაახლებს. ბილეთები ავიაკომპანიის ვებგვერდზე უკვე ხელმისაწვდომია. შეგახსენებთ: უნგრულმა ავიაკომპანია Wizz Air-მა ქუთაისში ბაზა 2016 წლის სექტემბერში გახსნა. 2020 წლის ივლისში, BMG-ის ავიაკომპანიის კორპორატიული კომუნიკაციების უფროსმა ანდრაშ რადომ განუცხადა, რომ ბაზამ საქმიანობა 2020 წლის გაზაფხულზე შეაჩერა და ავიაკომპანიამ მასში არსებული თვითმფრინავების რეალოკაცია მოახდინა. მაშინ ავიაკომპანიაში თქვეს, რომ ქუთაისის ბაზას საქართველოში ფრენების განახლებისთანავე არ აღადგენდნენ და ეს მხოლოდ სიხშირეების მატების შემდეგ მოხდებოდა. უფრო ვრცლად აღნიშნულის შესახებ შეგიძლიათ წაიკითხოთ ბმულზე. წყარო: ... ...

არქივი

ტესტები

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ ყველაზე, ყველაზე...

იცი თუ არა გეოგრაფია

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...