კუჭით ნააზრევი სახეზეა!

მკითხველი

კუჭით ნააზრევი სახეზეა!

2011 მარ 29 07:48:10

გზას ჩვეული ფიქრით მივყვები.

_ გადირევა კაცი, აბა არ გადირევა? _ მომწვდა გაკვირვებული ხმა.

უკან მოვიხედე _ ორი საკმაოდ ხანდაზმული მამაკაცი საუბრით მოყვებოდნენ გზას.

_ რა გადარევაზე ლაპარაკობ? _ ჩაეკითხა მეორე.

_ ასე რაფერ დეემსგავსა ყველა მინისტრი გურულებს!?

_ ვეფერს ვერ მივხთი. კარქათ მითხარი, რას ჩივი.

_ რას და... ხომ უსმინე ტელევიზორში, რეებს ამბობენ? ეკონომიკა კარგათააო, ელექტრონს ვყიდითო, წამლების ფასებმა დაიკლოო...

_ ჩვენი მინისტრებისგან გეიგონე მაი? _ გაიკვირვა მეორემ.

ორთავეს დაკვირვებით შევხედე _ საღი, გლეხური, იუმორშეპარული აზროვნება!

მიწის შვილები! _ გავიფიქრე, _ ესენი ხომ მიწაზე მყარად დგანან (თუ იდგნენ?!), დგანან მტკიცედ, თანაც ისე, რომ მიწას არ ამძიმებენ, ზოგნი კი... საშინელებაა, როცა ადამიანი მიწას ამძიმებს, არადა, დღეს რამდენი ამძიმებს მიწას!

პარლამენტში გამართული დებატები გამახსენდა.

ტრაბახა მინისტრებიო! _ მიწის შვილმა.

როგორ განმარტავს სულხან-საბა სიტყვას _ ტრაბახი?! _ "ნამეტნავი სიტყვა ამპარტავნული!"

თავად ამპარტავანი?! _ "ესე არს თვისის ნაქმარის მამწონებელი და უმსგავსო დიდების მოყვარე, გულმაღალი და სწავლის მოთაკილე" (სულხან-საბა).

გვახსენდება ეს განმარტება, როცა ტელეეკრანიდან ვუსმენთ დეპუტატებს: ცისკარიშვილს, გაბაშვილს, წიკლაურს.

რას ვხედავთ? გამკაცრებული სახე და ტონი, დამცინავი მზერა, ბოღმიანი ხმა... მტკიცება იმისა, რომ მსოფლიო ჩვენი წარმატებებით გაკვირვებულია (?!).

არადა, გაკვირვებული ჩვენ ვართ, ჩვეულებრივი ადამიანები! რა გვიკვირს? _ უმრავლესობის მოსაწონს არასდროს არაფერს ამბობს უმცირესობა? როგორ შეიძლება, უმრავლესობაში ყველა ასე ერთნაირად აზროვნებდეს? ხალხს რატომ არ ეუბნებიან სიმართლეს?

მინისტრები? _ საღად მოაზროვნე ადამიანს შეიძლება მოწონებოდა ფინანსთა მინისტრის კახა ბაინდურაშვილის გამოსვლა, ან სიცილის რა ჟინმა შეიპყრო ქობალია?

რითი გვაწონებთ თავს? ეგებ იმით, რომ მსოფლიოში საქართველო იმათ სიაშია, სადაც წიგნი არ უყვართ! რომ ქვეყნის მცხოვრებთა 50% ღარიბი და უღარიბესია! რომ ათასობით ბავშვი ქუჩაში ნაშოვნით ცხოვრობს?!

არაფერს ვამბობ უმუშევრობასა და სურსათის სიძვირეზე, არაფერს ვამბობ დაპირებების შერულებაზე (პრეზიდენტის თქმით ხომ პენსიონერებს შარშან უნდა გვქონოდა 100 დოლარი პენსია?!).

მხოლოდ ერთ საკითხს გამოვყოფ _ საქართველოს საგარეო ვალებს!

ჯერ იმან გამაკვირვა, ჩვენი ქვეყნის ვალებით სომხეთი რომ დაინტერესდა. ინფორმაციას ჩავყევი და... თურმე, სომხეთის ვალი გვქონია 16 მილიონ 636 ათასი ამერიკული დოლარი (ალბათ, ფიქრობს, როგორ და როდის გადაგვიხდიანო)?!

2011 წლის მარტის მონაცემებით "საქართველოს შიდა და საგარეო ვალი 4 მილიარდ 21 მილიონ 210 ათასი ამერიკული დოლარია (?!).

ვისი ვალი არ გვქონია: თურქმენეთის, აზერბაიჯანის, თურქეთის, უზბეკეთის, ჩინეთის, მსოფლიო ბანკის, საერთაშორისო სავალუტო ფონდის, ევროკავშირის, ევროპის საინვესტიციო ბანკის... (ჩამოთვლას ვწყვეტ!).

გამოკვეთილად გამოვყოფ რუსეთის ვალს: 115 მილიონ 99 ათასი ამერიკული დოლარი (რუსეთთან როგორღა დავიმცირეთ თავი?!).

ქვეყნის ამაყი პრეზიდენტი, მთავრობა სამათხოვროდ გაწვდილი ხელებით... გამსესხებლები "ჰუმანურები" არიან, მაგრამ ქვეყნის ბედზე, მომავალზე თუ ფიქრობენ მათხოვარ-მსესხებლები?!

მსოფლიო მიხეილის საპრეზიდენტო მოღვაწეობით მოხიბლულ-აღტაცებულია!

ჩვენ _ ქართველები? გაკვირვებულ-გაოცებულები: ვის და რას მოხმარდა ნამათხოვარ-ნასესხები დოლარები?!

აი, მოტრაბახე და ამპარტავანი, ერთნაირად მოაზროვნე კრებულის წლებისმიერი ღვაწლი _ ქვეყნის მცხოვრებთა უმრავლესობა მშიერია, უმცირესობა _ გამძღარი ანაც ზედმეტადაც მაძღარი.

საშინელებაა კუჭით აზროვნება!

რას იტყვი, მკითხველო, ჩვენ _ ღარიბ-უღარიბესები, ვაზროვნებთ კუჭით თუ გამძღარ-მაძღარნი?!

არადა, კუჭით ნააზრევი სახეზეა!

ეთერ ქადეიშვილი




 ახალი ამბები
  • კახა სიორიძე ოზურგეთში „ლელოს“ უხელმძღვანელებს„გურია ნიუსის“ ინფორმაციით, ოზურგეთში საზოგადოებრივი მოძრაობის „ლელოს“ ოფისის გახსნა იგეგმება. ჩვენს მიერ მოპოვებული ინფორმაციით, ოზურგეთში ახალდაფუძნებულ მოძრაობას შპს “ასკანგელ ალიანსის“ ყოფილი გენერალური დირექტორი კახა სიორიძე უხელმძღვანელებს. კახა სიორიძემ ჩვენს მიერ მოპოვებული ინფორმაცია დაადასტურა. „დიახ გიდასტურებთ, რომ “ლელოს“ ოფისი იხსნება ოზურგეთში. დანარჩენი დეტალები შემდეგ კვირაში იქნება  ცნობილი“,_გვითხრა კახა სიორიძე. „ლელოს“ ახალი ოფისის გახსნა ოზურგეთში შემდეგ კვირაშია დაგეგმილი. სწორედ გახსნის დროს გახდება ცნობილი ვინ იქნება კახა სიორიძესთან ... ...
  • სამტრედიაში მომხდარ მკვლელობის ფაქტზე მუხლი გადაკვალიფიცირდასამტრედიაში მომხდარ მკვლელობის ფაქტზე მუხლი გადაკვალიფიცირდა. მამაკაცს, რომელმაც სამტრედიაში ცოლი მოკლა,17-წლამდე პატიმრობა ელის. შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის სამტრედიის სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1992 წელს დაბადებული გ.ა. სამტრედიაში, ოჯახის წევრის მიმართ დამამძიმებელ გარემოებაში ჩადენილი განზრახ მკვლელობის ბრალდებით დააკავეს. ინფორმაციას შსს ავრცელებს. უწყების ცნობით,გამოძიებით დადგინდა, რომ ბრალდებულმა სამოქალაქო რეესტრის სააგენტოს სამტრედიის ფილიალის მოქალაქეთა მომსახურების დარბაზში, განქორწინების პროცედურის დაწყებამდე, ცოლს - 1994 წელს დაბადებულ ს.ბ.-ს ცივი იარაღით სასიკვდილო ჭრილობები მიაყენა. დაჭრილი ქალი შემთხვევის ადგილზე გარდაიცვალა. სამართალდამცველებმა გ.ა. მომხდარიდან მალევე, ცხელ კვალზე, სამოქალაქო რეესტრის სააგენტოს სამტრედიის ფილიალის მოქალაქეთა მომსახურების დარბაზშივე დააკავეს. პოლიციამ დანაშაულის ჩადენის იარაღი - დანა შემთხვევის ადგილიდან ნივთმტკიცებად ამოიღო. გამოძიება ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის ფაქტზე, საქართველოს სსკ-ის 11 პრიმა 109-ე მუხლის მე-2 ნაწილის „ვ“ ქვეპუნქტით მიმდინარეობს. აღნიშნული დანაშაული 13-დან 17 წლამდე ვადით თავისუფლების აღკვეთას ... ...
  • სიახლე ოზურგეთში _ დასაქმების ბირჟამ ფუნქციონირება დაიწყოახლახან, ოზურგეთელმა ნუგზარ რუხაძემ შრომის ბირჟა გახსნა. ის არაერთ ხელმძღვანელ თანამდებობაზეა ნამუშევარი და როგორც თავად ამბობს, კარგად ერკვევა , თუ რა პროფესიის ადამიანები სჭირდება ქალაქს და როგორ დაასაქმოს ისინი ისე, რომ მოსახლეობას მლესავის, ელექტროშემდუღებლის თუ უბრალოდ, დამხმარე მუშის საჭირობის დროს, პრობლემა არ შეექმნას. _ ხშირად გვესმის, რომ ხალხი სამუშაოს ეძებს და დასაქმების შანსი არ არის. არადა, ბევრჯერ პირიქითაა: ადამიანები ეძებენ ელექტრომონტიორს, კაფელის ხელოსანს თუ მლესავს და ვერ პოულობენ. ამიტომ დავისახე მიზნად, თავი მოვუყარო მაღალი კლასის და დავასაქმო  საჭიროების  მიხედვით. ჩვენ უკვე აღრიცხვაზე ავიყვანეთ სანტექნიკოსები, დურგლები, მეთუნუქეები, ელექტროშემდუღებლები, მღებავები, სახლის მშენებლები, პიანინოს ამწყობები,  უბრალოდ, ტვირთის გადამზიდავები და მიწის დამბარავებიც კი. ზოგს აწი მივიღებთ. მთავარია, თავის პროფესიაში ერკვეოდნენ კარგად და  შესაბამისად, დასაქმებისას კარგ ანაზღაურებასაც მიიღებენ, ჩვენ უკვე დავიწყეთ მუშაობა, _ თქვა „გურია ნიუსთან“ ინდმეწარმე ნუგზარ რუხაძემ. დასაქმების ბირჟა ოზურგეთში, რკინიგზის სადგურში, პირველ სართულზეა განთავსებული და მასში უკვე ბევრი სხვადასხვა პროფესიის ადამიანი გაწევრიანდა.      ... ...
  • ჩოხატაურელი მხატვარი გურამ მიქაძე გარდაიცვალაჩოხატაურელი მხატვარი გურამ მიქაძე გარდაიცვალა, _ ამის შესახებ ფეისბუქის საკუთარ გვერდზე  ჩოხატაურის სამხატვრო სკოლის დირექტორმა მზია კვინტრაძემ დაწერა. "წავიდა ჩვენგან უნიჭიერესი მხატვარი, უანგარო და ერთგული მეგობარი გურამ მიქაძე. ღმერთმა ნათელში ამყოფოს მისი სული", _ წერს გურამ მიქაძის ... ...
  • მკვლელობა სამტრედიაში _ მამაკაცს, რომელმაც ცოლი მოკლა,15-წლამდე პატიმრობა ელის სამტრედიაში მომხდარ მკველობასთან დაკავშირებით შსს-მ გამოძიება სსკ-ის 108-ე მუხლით (განზრახ მკველობა) დაიწყო, _ ამის შესახებ "გურია ნიუსს" უწყების პრესსამსახურში განუცხადეს. მათივე ინფორმაციით, სავარაუდო ბრალდებული უკვე დაკავებულია. ბრალის დამტკიცების შემთხვევაში, მამაკაცს 7-დან 15-წლამდე პატიმრობა ელის. შეგახსენებთ, მკველობა სამტრედიაში ცოტა ხნის წინ მოხდა. ახალგაზრდა მამაკაცმა ცოლს სასიკვდილო ჭრილობა ცივი იარაღით რამდენჯერმე ... ...

არქივი

ზაფრანი

სიზმრის ახსნა

ორსულობა სიზმრები ორსულობის შესახებ შეიძლება...

მკურნალი პროდუქტები

დამწვრობისას გიშველით ალოე ვერა. დღეში...

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...

ლუდი გონების სამსახურში

როგორც ამერიკელმა და ახალზელანდიელმა მეცნიერებმა...

ბრიტანელები ჰიტლერის ფოტოებით დაინტერესდნენ

ცოტა ხნის წინ, ამერიკის შეერთებულ...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...