ჩავხედოთ სიმართლეს თვალებში

მკითხველი

ჩავხედოთ სიმართლეს თვალებში

1970 იან 1 04:00:00

თაობათა შორის უკმაყოფილება ანტიკური ხანიდან მოდის _ სოკრატეს წერილებიდან ჩანს, ფილოსოფოსის აზრით, თუ რა კარგი იყო მისი თაობა, ახალი კი უარესდებოდა. ეს ეხებოდა როგორც პატრიოტიზმს, ასევე ზრდილობას და პატიოსნებას.

ჩვენს ეპოქაში, ნომერი პირველი პრობლემა იყო და არის თანამდებობა და თანამდებობის პირი.

ჯერ კიდევ სოფელში ცხოვრებიდან მახსოვს ისეთი პატარა თანამდებობის გარშემო შექმნილი პრობლემები, როგორიც იყო სოფლის ბრიგადირი. მოხსნიდნენ ერთს (იმ მოტივით, რომ ვიღაცას რაღაც გამოუწერაო), დანიშნავდნენ მეორეს, მაგრამ ძალიან მალე ირკვეოდა, რომ ის მოხსნილი ჯობდა ახალდანიშნულს.

რაც ეხებოდა თავმჯდომარეებს, რაიკომის მდივნებს, რაიაღმასკომის თავმჯდომარეებს და რა თქმა უნდა, ცენტრალური კომიტეტის მდივნებსაც, გურიის რეგიონის მცხოვრებნი, ალბათ, დამეთანხმებიან, რომ შევარდნაძის მიერ გადაყენებულ რაიკომის პირველ მდივანს ალექსანდრე თოიძეს ვერაფრით ჯობნიდა მის ადგილზე დანიშნული ენვერ მალაზონია, აკაკი გობრონიძეს _ ოთარ თენეიშვილი, ისევე, როგორც, თავად შევარდნაძე ვერაფრით ჯობდა ვასილ მჟავანაძეს.

დღეს მთელი საზოგადოება პოლიტიზირებულია, მაგრამ არც თუ ისე სწორი მიმართულებით. თუ დაინახავთ სამ მოსაუბრეს, იქ აუცილებლად წყდება პრეზიდენტის გადაყენების საკითხი. მაგრამ პრობლემა იმაშია, რომ ვერ თანხმდებიან შემცვლელზე. ხშირად გაიგონებთ მოსაზრებას, რომ მეოთხედ შეცდომის უფლება აღარ გვაქვსო.

რა თქმა უნდა, თქვენი მონა-მორჩილიც პოლიტიზირებულია. მაგრამ სხვებისგან განსხვავებით, მე ვხედავ ღირსეულ კანდიდატს.

მართალია, მას არ დაუმთავრებია კოლუმბიის უნივერსიტეტი (სახელმწიფო მართვა-გამგეობის ხაზით) და არც ქუთაისის პედაგოგიური ინსტიტუტის ისტორიის ფაკულტეტი, მაგრამ საქმეში, რომელსაც ის ემსახურება (მსოფლიო მასშტაბით), აქვს ღვთაებრივი ნიჭი, განათლება და მსოფლიოს ხალხის სიყვარული, ავტორიტეტი და პატივისცემა.

ჯერჯერობით, მის ვინაობას არ დავასახელებ, რადგან ზოგიერთებმა მოულოდნელობისგან დაფეთება იციან. ამიტომ, ჯერ შევეცდები, ამ ხელისუფლების სათაყვანებელ აშშ-ს ისტორიაში გავაკეთო პატარა ექსკურსი, ჩავიხედოთ ქვეყნის მამა-დამაარსებლის ბიოგრაფიაში, რითაც შევამსუბუქებთ დაფეთების შედეგად კისრის მოტეხვის საშიშროებას.

ჯორჯ ვაშინგტონი იყო ჩვეულებრივი ფერმერი. ქვეყანაში მიმდინარე პროცესებმა გადააწყვეტინა სამხედრო სამსახური და შემდეგ პოლიტიკოსობა, ყოველგვარი აკადემიების გარეშე; აბრაამ ლინკოლნი დუხჭირმა ცხოვრებამ აიძულა გამხდარიყო ჯერ მიწათმომწყობი, შემდგომში _ თვითგანათლება მიღებული ადვოკატი.

არ მაქვს მონაცემები ჰამილტონზე და ჯეფერსონზე, მაგრამ ცხადია, რომ არც მათ უსკდებოდათ თავები საუნივერსიტეტო განათლებით. აქედან გამომდინარე, მთავარი ყოფილა არა განათლება (ხშირ შემთხვევაში შიშველი დიპლომი), არამედ, სადაც შობილა, გაზრდილა, იმ მიწა-წყლის სიყვარული და პატიოსნება. ჩვენ ხომ დაგვარწმუნა ჩვენმა ე.წ ხელისუფლებამ, რომ უსიყვარულოდ არაფერი სერიოზული არ აშენდება?

მახსენდება, საბჭოთა კავშირის ნგრევის პერიოდში, შვედეთში ხელისუფლების პირველი პირი გახდა 42 წლის მამაკაცი, განათლებით ექიმი. ერთი წლის შემდეგ რუსმა ჟურნალისტმა ვლადიმერ მოლჩანოვმა დაუსვა შეკითხვა: "თქვენს ცხოვრებაში არაფერი შეცვლილა. ნუთუ პრეზიდენტობის გამო რაიმე შეღავათები და პრივილეგიები არ გეკუთვნით?" და მიიღო ჩემთვის გამაოგნებელი პასუხი: "ძალიან ბევრიც კი მეკუთვნის, მაგრამ იმდენი პრობლემები დამხვდა ქვეყანაში, რომ ამ პრივილეგიების გამოყენება ჯერჯერობით უხერხულად მიმაჩნია!" როგორი დასაჯერებელია, რომ შვედეთში მას დახვდა მეტი პრობლემები, ვიდრე სააკაშვილს საქართველოში? მარტო მისი მილიარდად ღირებული რეზიდენციის აშენება რად ღირს ამ საყოველთაო სიღატაკის ფონზე! ან კანადაში სეირნობის დროს, ღამის კლუბში გაცნობილი ლამაზი ქობალია ყოველგვარი ცერემონიის გარეშე მინისტრად რომ დაგვინიშნა, რით არის ეს ისტორია კალიგულას მიერ თავისი ცხენის სენატორად დანიშვნაზე ნაკლები?

ვისაც ჩემი აზრი აინტერესებს, ვეტყვი, რომ მე უფრო ის გამიკვირდებოდა, სააკაშვილს ყოველივე ეს არ გაეკეთებინა. ვინაიდან ჩვენ რომ მართლა ღირსეული ერი ვიყოთ, სააკაშვილი ქვეყნის პრეზიდენტისთვის უღირს ქმედებებს არც იკადრებდა და ვერც გაბედავდა.

ახლა იმის შესახებ, ვინ არის, ჩემი ღრმა რწმენით, პრეზიდენტობის ღირსეული კანდიდატი, რომელსაც ძალუძს გახლეჩილი საქართველოს გამთლიანება, მისი აბუჩად აგდების შეწყვეტა და უახლოეს მომავალში აღორძინება _ ეს გახლავთ პაატა ბურჭულაძე.

ღრმად ვარ დარწმუნებული იმაში, რომ თუ ეს ჩემი ნააზრევი გახდება ცნობილი ბატონი პაატასთვის, ის ნამდვილად არ დარჩება აღფრთოვანებული, ვინაიდან ის იმდენს აკეთებს ქვეყნისთვის, რომ პრეზიდენტის პოსტი მისთვის "კატორღა" იქნება. ნუ გვექნება იმის ილუზია, რომ ის აიტაცებს ამ იდეას და დაიწყებს არჩევნებისთვის მზადებას. არა, ბატონებო. ის მაშინ აღარ იქნება პაატა ბურჭულაძე!

ამიტომ, ჩვენ, ხალხმა უნდა ვთხოვოთ პატრიარქს, პატრიარქმა კი დაავალოს პაატა ბურჭულაძეს იკისროს ეს მძიმე ტვირთი მის ძლიერ მხრებზე. ერთი საპრეზიდენტო ვადაც კი, ჩემი აზრით, მისთვის საკმარისი იქნება, ყველას დაუმტკიცოს, რომ ქვეყნის გადასარჩენად მიმართული პოლიტიკა და პოლიტიკოსობა არის პრესტიჟული და საამაყო საქმე. ხოლო ვინც ამტკიცებს, რომ პოლიტიკა ბინძური საქმეა, დაიმახსოვროს _ პოლიტიკა ბინძურია მათთვის, ვინც თავად არის ბინძური!

და ბოლოს, თუ მხედველობაში მივიღებთ იმას, რომ 72 წლის რონალდ რეიგანი არც თუ ისე დიდი მსახიობი, შემდგომში ორი ვადით იყო ზესახელმწიფოს პრეზიდენტი და თანაც ძალიან წარმატებული, როგორ ვიფიქროთ ის, რომ ასეთი პატარა სახელმწიფოს პატრონობას ვერ შეძლებს ჯან-ღონით სავსე და მსოფლიო ავტორიტეტის მქონე, სისხლით ხორცამდე ქართველი პაატა ბურჭულაძე???

გვაქვს ასეთი შანსი, გვყავს ასეთი კაცი, გადავარჩინოთ ქვეყანა!

გ. მამინაშვილი, ოზურგეთი




 ახალი ამბები
  • ქართული ცეკვის დედოფლის ჩუმად ჩავლილი დაბადების დღე19 იანვარი ქართული ცეკვის დედოფლის, ნინო რამიშვილის დაბადების დღეა. "მე სულ ვცეკვავდი, სულ", _ ამბობდა ნინო, _ "ეს ჩემში ადრეული ბავშვობიდან იდო. დედა ხედავდა ამას და საბალეტო სტუდიაში მიმაბარა...  როდესაც პერინის სტუდიაში მივდიოდი, ხშირად სრული სერიოზულობით  მიფიქრია, ალბათ, რა მოსაწყენია ცხოვრება იმათთვის, ვინც არ ცეკვავს". ნინო  რამიშვილმა მეუღლესთან - ილიკო სუხიშვილთან ერთად 1945 წელს შექმნა საქართველოს ხალხური ცეკვის სახელმწიფო ანსამბლი, აღადგინა, შექმნა, დადგა დღეს ასე საამაყო ქართული ცეკვების  ფეიერვერკი.... მისი უდიდესი დამსახურებაა, რომ დღემდე, თაობიდან თაობას გადაეცემა ქართული ცეკვის ჯადოსნური ხიბლი, ცეკვის, რომლითაც მთელი მსოფლიო გვიცნობს და აღფრთოვანებული გვიკრავს ტაშს.....  “ეროვნული ბალეტის“ ყველაზე ცეცხლოვანი ვარსკვლავის - ნინო რამიშვილის სახელი ცოტა ხნის წინ მიენიჭა მის მშობლიურ ჩოხატაურში ხელოვნების სასახლეს, თუმცა, სამწუხაროდ, ჭეშმარიტად დიდი ხელოვანის დაბადების დღის და 110 წლის იუბილეს აღნიშვნა  კულტურის სფეროში მომუშავე მრავალრიცხოვან მოხელეებს არც კი გახსენებიათ.  გთავაზობთ ვიდეოჩანაწერს, რომელშიც ქალბატონი ნინო თავად გვიამბობს მისი ცხოვრების მნიშვნელოვანი ეპიზოდების შესახებ. წყარო: სუხიშვილები - ... ...
  • ლანჩხუთში საჯარო მოხელეებისთვის ხელფასების მატება იგეგმებალანჩხუთის საკრებულოში ამ ეტაპისთვის განხილვის სტადიაშია საკითხი, რომელიც მერიასა და საკრებულოში დასაქმებულთათვის თანამდებობრივი სარგოს გაზრდას ითვალისწინებს. როგორც გაირკვა, პროექტების მიხედვით, იგეგმება პირველი რანგის პირველადი სტრუქტურული ერთეულის ხელმძღვანელებისა და მესამე რანგის პირველი კატეგორიის უფროსი სპეციალისტების სახელფასო ფონდის მოწესერიგება კანონის შესაბამისად. დღის წესრიგის შესაბამისად, სწორედ აღნიშნული საკითხები განიხილეს ოპოზიციური ფრაქციის ,,ძალა ერთობაშიას“ სხდომაზე. როგორც ფრაქციის ხელმძღვანელმა, ლელა ჩახვაძემ  „გურია ნიუსთან“ გაკეთებულ კომენტარში აღნიშნა, ის და მისი ფრაქციის წევრები არანაირი მატების წინააღმდეგი არ არიან და მიაჩნიათ, რომ ხელფასების მატება სხვა კატეგორიებსაც უნდა შეეხოთ. „წარმოდგენილი პროექტის მიხედვით, იგეგმება ხელფასების მატება მერიასა და საკრებულოში სამსახურების უფროსებისა და მთავარი სპეციალისტებისთვის. როგორც ვიცი, სამსახურის უფროსის ხელფასი, რომელიც ახლა 1500 ლარითაა განსაზღვრული, ფრაქციის თავმჯდომარეთა თანამდებობრივ სარგოს უნდა გაუთანაბრდეს, რომელიც 1700 ლარს შეადგენს. ჩვენი ფრაქცია, ქვეყანაში არსებული მძიმე სოციალური მდგომარეობიდან გამომდინარე, არაა წინააღმდეგი ამ მატების, თუმცა, აქვე დავაყენეთ საკითხი, რომ კანონის შესაბამისად, მეოთხე რანგის პირველი კატეგორიის უმცროსს სპეციალიტებსაც შეეხოთ სახელფასო ფონდის მოწესრიგება. ასევე, აუცილებლობად მიგვაჩნია, რომ  საბავშვო ბაღში დასაქმებულებს: აღმზრდელებს, მზარეულობს, ძიძებს და ყველა აქ მომუშავეს გაეზარდოთ ანაზღაურება“, _ ამბობს ლელა ჩახვაძე, რომლის თქმითაც, ლანჩხუთელი საჯარო მოხელეებისთვის თანამდებობრივი სარგოს გაზრდა თებერვლიდან იგეგმება, მანამდე კი საკითხზე საკრებულოში ... ...
  • თბილისის დავით აღმაშენებლის სასწავლო უნივერსიტეტის ავტორიზაციის გაუქმებას დასაბუთება აკლიაორგანიზაცია „ახალგაზრდა ადვოკატები“ განათლების ხარისხის განვითარების ეროვნული ცენტრის მხრიდან შპს თბილისის დავით აღმაშენებლის სასწავლო უნივერსიტეტისთვის ავტორიზაციის გაუქმების გადაწყვეტილებაზე მეტ საჯაროობას, მიღებული გადაწყვეტილების დასაბუთებას და გამჭვირვალობას მოითხოვს, რათა გამოირიცხოს მიკერძოებისა და შერჩევითი დამოკიდებულების სავარაუდო ნიშნები. „ახალგაზრდა ადვოკატებმა“ 2019 წელს განათლების ხარისხის განვითარების ეროვნული ცენტრის საქმიანობის შესწავლის შედეგებზე დაყრდნობით განაცხადეს, რომ ადგილი აქვს საგანმანათლებლო დაწესებულებების მიმართ უკანონო გადაწყვეტილებების მიღებას, მათი საგანმანათლებლო და კომერციული ინტერესების დაზიანებას, წაგებული დავების საფუძველზე სახელმწიფო ბიუჯეტისთვის მიყენებულ ზიანს, რაც მენეჯმენტის პოლიტიკის კრიზისზე მეტყველებს. ორგანიზაციის მიერ შესწავლილი მასალის თანახმად, 2017 წელს აკრედიტაცია მიენიჭა 75 საგანმანათლებლო პროგრამას. 2018 წლის 01 იანვრიდან 01 მარტამდე 173 საგანმანათლებლო პროგრამას მიენიჭა აკრედიტაცია, ხოლო 47 საგანმანათლებლო პროგრამას მიენიჭა პირობითი აკრედიტაცია. ამასთან, 2017 წელს მონიტორინგის გზით, 1 საგანმანათლებლო პროგრამას გაუუქმდა აკრედიტაცია. ამასთან, 2017 წელს არცერთ დაწესებულებას არ მინიჭებია უმაღლესი საგანმანათლებლო დაწესებულების სტატუსი, ხოლო ავტორიზაცია გაუუქმდა 1 დაწესებულებას. 2018 წელს ავტორიზაცია მიენიჭა 24 დაწესებულებას და ავტორიზაცია გაუუქმდა 6 უმაღლეს საგანმანათლებლო დაწესებულებას. 2019 წელს ავტორიზაცია მიენიჭა 2 დაწესებულებას და 1 დაწესებულებას გაუუქმდა ავტორიზაცია. რაც შეეხება 2017 წლის 01 იანვრიდან 2018 წლის 31 დეკემბრის ჩათვლით პერიოდს, მოგახსენებთ, რომ საერთო სასამართლოებში მოსარჩელის, მოპასუხის ან/და მესამე პირის სტატუსით ცენტრი ჩართულია 382 სასამართლო დავაში, რომელთაგან 11 საქმე შეეხება საგანმანათლებლო დაწესებულებათა აკრედიტაციის/ავტორიზაციის მინიჭების ან/და გაუქმების საკითხებს. ამასთან, 2017 წლის 01 იანვრიდან 2018 წლის 31 დეკემბრის ჩათვლით პერიოდში, ცენტრის მიერ აღსრულდა სულ 139 საქმე. საქართველოს სახელმწიფო ბიუჯეტს ცენტრის მენეჯმენტის მიერ მიღებული უკანონო გადაწყვეტილებების აღსრულება, მთლიანობაში 210934.85 ლარი დაუჯდა. ცენტრის მიერ სასამართლო გადაწყვეტილებების საფუძველზე, მხოლოდ ბოლო ორი წლის განმავლობაში, გადახდილი თანხები ასე გამოიყურება: 2017 წელს - 9940.33 ლარი, 2018 წელს - 199,532.52 ლარი, ხოლო 2019 წლის პირველი სამი თვის მონაცემით - 1462.00 ლარი. ორგანიზაცია აღნიშნავს, რომ საერთო სასამართლოებში არსებობდა დავები, სადაც ავტორიზაციის საბჭოს გადაწყვეტილებების მოქმედება შეჩერდა. ორგანიზაცია აქცენტს აკეთებს წამოებაში არსებულ ერთ-ერთ საქმეზეც, სადაც სასამართლომ ავტორიზაციის საბჭოს 2018 წლის 25 სექტემბრის გადაწყვეტილების მოქმედება შეაჩერა, რომლითაც უმაღლეს საგანმანათლებლო დაწესებულებას, 2019-2020 სასწავლო წლისთვის, სტუდენტების მიღებას უკრძალავდა. თბილისის სააპელაციო სასამართლოს 2018 წლის 12 დეკემბრის განჩინებით, გაუქმდა თბილისის საქალაქო სასამართლოს ადმინისტრაციულ საქმეთა კოლეგიის გასაჩივრებული განჩინება და სრულად დაკმაყოფილდა მოთხოვნა, რომლითაც საქმეზე საბოლოო გადაწყვეტილების გამოტანამდე, უნივერსიტეტს უფლება ერთმეოდა მიეღო სტუდენტების ნაკადი. სააპელაციო სასამართლომ მიიჩნია, რომ არსებობდა სადავო აქტის მოქმედების შეჩერების გადაუდებელი აუცილებლობა და გასაჩივრებული აქტის მოქმედების შეუჩერებლობა არსებით ზიანს აყენებდა უნივერსიტეტს. ... ...
  • მამა-შვილი, სავარაუდოდ, ბუნებრივი აირის ნამწვით დაიღუპამამა-შვილი, სავარაუდოდ, ბუნებრივი აირის ნამწვით გარდაიცვალა. შემთხვევა რუსთავში მოხდა. გარდაცვლილები ბინაში ოჯახის წევრმა ნახა. მომხდარზე გამოძიება სსკ-ის 240-ე პრიმა მუხლით მიმდინარეობს, რაც გულისხმობს გაზის, ობიექტზე უსაფრთხოების წესის დარღვევას, რამაც ადამიანის სიცოცხლის მოსპობა ... ...
  • ოზურგეთის მერი: „მოდით აგერ, საქმეზე ვარ მოსული, საარჩევნო შეხვედრა კი არაა!“სოფლის მხარდასაჭერი პროგრამის გასახორციელებლად ოზურგეთის მუნიციპალიტეტის სოფლებში კრებები იმართება, სადაც მოსახლეობა პრიორიტეტებზე  საუბრობს. დღეს, სოფელ მელექედურში, სოფლის  ადმინისტრაციულ შენობაში,  კრებაზე ოზურგეთის მუნიციპლიტეტის მერი, კოტე შარაშენიძე მივიდა: _ სად დადიხართ, მოდით აგერ, საქმეზე ვარ მოსული, ეს საარჩევნო შეხვედრა კი არაა, _ უთხრა მან მელექედურელებს, რომლებიც  გვერდი-გვერდ მდებარე ოთახებში  ერთმანეთთან გადასალაპარაკებლად დადიოდნენ. _ აგერ ახლა, გაიგონა მარინამ და დაწერს, აბა, სხვას კი არ დეინახავს არაფერს, _  თქვა მერმა „გურია ნიუსის“ ჟურნალისტის მისამართით, _  რაზეც თავაზიანად მივუგეთ, რომ მართალია, დღის ფრაზას ხელიდან არ გავუშვებდით, ხოლო სტატიას სხვა დანარჩენის შესახებ, რაც შეხვედრაზე დავინახეთ და მოვისმინეთ, ჩვენს მკითხველს მალე ... ...

არქივი

ზაფრანი

დილით დასვენებულმა რომ გაიღვიძოთ

ორგანიზმი ძილის დროს ახალგაზრდავდება, დუნდება...

ფინანსური სტაბილურობა და ასტროლოგია

გთავაზობთ იმ ნიშნების ჩამონათვალს, რომლებიც...

როგორ დავგეგმოთ წარმატებული კვირა

ვედურ ასტროლოგიაში არსებობს კონკრეტული რჩევები...

შეყვარებულის ყოლა ასუქებს…

ქუინსლენდის უნივერსიტეტში ჩატარებული კვლევის ფარგლებში...

უვარგისი ქმრები და ასტროლოგია

წარმოგიდგენთ უსაქმურობისკენ მიდრეკილი და ინერტული...

იუმორი და ასტროლოგია

ვერძი - მუშაობს პრობლემური სესხების...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...