ფრთხილად, წინ საშიში წარსულია! _ "მაგი რომ გეცოდინება, ვეღარ შეძლებ აქ ცხოვრებას!"

მკითხველი

ფრთხილად, წინ საშიში წარსულია! _ "მაგი რომ გეცოდინება, ვეღარ შეძლებ აქ ცხოვრებას!"

2018 სექ 17 13:23:06

ათი წელიც და საუკუნე-ნახევარი გახდება მას შემდეგ, რაც იმ ადამიანებმა, რომლებზედაც ამ ბოლოს ხშირად ვსაუბრობ თქვენთან, ძვირფასო მკითხველო, მშობელი ქვეყნის თავისუფლებისთვის ბრძოლა დაიწყეს. დაიწყეს, მოიგეს, სამ წელიწადში კი უდიდესი მონაპოვარი დაკარგეს.

სხვადასხვა ფორმით, დღესაც გრძელდება ეს ბრძოლა, მაგრამ  ბრძოლას თავისი წესები აქვს _ მისაღები და მიუღებელი; ბრძოლაში გამარჯვებასაც თავისი ღირსება აქვს (თუმცა, ზოგჯერ უღირსი წესებით მოგებულს) და დამარცხებასაც. ბრძოლაში გამარჯვების წყურვილი რას არ მოაფიქრებინებს ადამიანს _ ღირსეულ საქმესაც და უღირსსაც.

1921-ში დამარცხდა საქართველო. სწორედ უღირსმა ძალამ გაიმარჯვა მაშინ. მაგრამ ეს კიდევ არაფერი _ რამდენი ავი საქმე დამართეს შემდგომ ისევ ქართველებმა ჩვენს ქვეყანას და მის ღირსეულ შვილებს; მეტიც _ მოძმე მეზობელმა, ნათესავმა, ცივი ჭადის ნატეხის მოზიარემ და მისი დედის ძუძუს ნაწოვარმა.

"გურია ნიუსმა" ბევრს გაუხსნა წინაპრის ჭრილობა _ არც ისე ცოტანი აღმოჩნდნენ ასაკოვანი ადამიანები, რომელთა ხსოვნაში ამოტივტივდა ბაბუა-პეპერების სხვისგან მონაყოლი ამბები. მოყვებიან ამ ამბებს დანჯღრეული ხმით და ბოლოს აყოლებენ: _ მაი არ დაწერო, ცა!

_ არა, არ დავწერ, რაღა დაწერა უნდა! ვაი, სიკვდილო და თავის მოჭრავ, ამას ქვია ჭირმა თავი არ დამალაო.

ჩემზე 10 წლით უფროსი ახლობელი მიყვება მონასმენ ამბებს. ვიწყებთ ნაფაცხვარიდან (ადგილია შუასურების დასაწყისში) და ავდივართ სოფლის ცენტრამდე. ამ უბანს საბერიშვილო ქვია.

_ მაი რაფერ იყო, მე ნენედან ვიცი. აქვსენტიზე გიყობი. ხეი მოუჭრია ზედა მხარეს მის ეზოში, ვერ მუუზომავს და ხის წვერი გზაზე მავთულს დაცემია. გამწყდარა აი მავთული. ამ ხანში ქი დაღამებულა. ვეღარ გადუუბამს. დილას გადავაბამო, უფიქრია და გამთენიეს ხანს ქე წოუყვანიენ.

გადაირბინა ჩემმა ბავშვობამ აქვსენტის ეზოში. მუდამ სახეჩამომტირალ თამარა ბიცოლას შუბლი სულ ცახოცით ჰქონდა შეკრული. მიდღემჩი თოხი ეჭირა ხელში. სამი შვილი სანაქებოდ გაზარდა და დააკვალიანა  _ დარეჯან, ოტია, ფიქრია ბერიშვილები. სიკვდილს მარტო შეხვდა. ჭიშკრისკენ მოცქირალი სახლი ახლაც დგას. "მედანოსე" ახლობელი იყო.

აქვსენტი ბერიშვილის სახლის ბოლოს სოფლის გზა გადის. გზის ქვემოდან ჯაბულო ბერიშვილის ნასახლარია! ჰო, ნასახლარია! ჯაბულომ რვა შვილი გაზარდა. მიწები წაართვეს, საქონელიც მიაყოლეს. ჯავრს გადაყვა! მისი შვილი დომენტი შუასურების  სკოლის მასწავლებელი იყო. დაიჭირეს. ათი წლის მერე მოვიდა დათრგუნული. იცოდა, ვინ იყო "მედანოსე" _ შემომაკვდება და კიდევ ციხეს აქედან წასვლა მირჩევნიაო. წავიდა კიდეც. იძულებული იყო წასულიყო.

გავყვეთ ახლა შარაგზას, რომელიც პავლე ილიას ძე ბერიშვილის ჭიშკართან მიგვიყვანს. ერთი შვილი ჰყავდა პავლეს _ ილია ერქვა, ცნობილი აგრონომი იყო. დაიჭირეს პავლე. რას მერჩითო, იკითხა, თურმე. შენ არაფერს, შენს გვარს ვერჩითო. პავლეს მეუღლე _ ნინა ბებია არასოდეს მინახავს გაღიმებული. ისიც მარტოობაში წავიდა.

უკვე სტუდენტი ვიყავი, არდადეგებზე ჩამოსულს ჩვენს ზემოთ, გორაზე სახლის ადგილას ბუხარიღა დამხვდა.

_ რე იქნა ბაბუა აგენი?

_ წევიდენ, ბაბუა, გადასახთენ!

_ რეიზა, ბაბუა?

_ რეიზა და ვეღარ იყარენ ჭიჭვი პავლიეს მერე, შევიცვლით ადგილსო, _ ცრემლი ჩაყლაპა ბაბუამ.

ეს მეორე პავლე ბერიშვილის ოჯახი იყო, ბაბუას ძმის.

_ შალიკო ბერიშვილი რომ გამევიდა გრანიციდან, ჩაატარა კრება. პავლიეც იქინე იყო, საქონელი ყავდა, ვახშამზე მონატრებულმა ახლობლებმა ადღეგრძელეს შალიკო. პავლიამ, თურმე, ქუდი ისროლა ცაში, მევიდნენ მენშევიკები, აგია და გოუმარჯოს მაგენსო! დილას პავლიამ სხვას დაუტოვა საქონელი, სახში ჩევირბენ, ხვალე თვარა, ზეგე, დილას აქანე ვიქნებიო. აღარც ხვალ მისულა, აღარც ზეგ და არც არასოდეს! (ბაბუას ნაამბობი)

იმავე ღამეს წაიყვანეს, სახლში ახალშესული.

_ რას მერჩითო, _  უკითხავს.

_ არაფერს, იმის საკითხავად მევედით, ქუდს რეიზა ისროდი ცაშიო!

პავლეს მეუღლე, მამაჩემის ბიცოლა, ექვთერი რამიშვილი, ნოე რამიშვილის მკვიდრი ბიძაშვილი იყო!

შარაგზიდან აღმა რომ ავუყვეთ ბილიკებს (და ასეც ვაპირებ, თუ ძალიან არ შეგაწყინეთ თავი, ძვირფასო მკითხველო), იქაც ყველა ნასახლარი და (უფრო მეტი ნასახლარებია) მართლა "საიანცარო" ამბები ამოვარდება. ალბათ, ამიტომ იყო, რომ ჩემი თაობის (და მომდევნოსი კიდევ უფრო მეტად) ბავშვობა ზედმეტად დაფიქრებული, უჩინარი ტვირთით დამძიმებული იყო, რაც უფროსებისგან გვქონდა გადმოდებული. ამიტომაც, ჩვენ ომის დროს და ომის შემდგომ დაბადებულებსაც, სიხარული ნამდვილად გვაკლდა.

ყველა ბრძოლა, რაც კაცობრიობას გადაუხდია, მსტოვრის, ჯაშუშის და ჯალათის გარეშე არ წარმოებულა.

ენის მიმტანს და მაბეზღარას გურიაში "მედანოსე" ერქვა. "დანოსი" ფარულ ღალატს ნიშნავს.

გურიაში დღეს აღარ ისმის ეს სიტყვა. "უდანოსენ" და დაიჭირენ, _ ასე ერქვა ღალატს, მაგრამ "მედანოსენი" "ჩამშვების" სახელით არსებობენ. ეს უმძიმესი საქმეა, რომელსაც არ უხერხდება მიტევება.

1949 წელს ბერიშვილების ოჯახში დატრიალებულ ტრაგედიაზე მოგახსენებდით. 1950 წელს, მოძმის ღალატით გამწარებული მამია ბერიშვილი არალეგალურად გადმოვიდა საზღვარზე და პირდაპირ "მედანოსე" მეტყევის ოჯახს მიადგა (სახლში აღარავინ ჰყავდა სანახავი). ნიგოზს ამოეფარა ასაფეთქებლად მომზადებული ხელყუმბარით. სიბნელეში ფანჯარას ეძებდა და... "ისივლა" ბავშვმა. აინთო ლამპა. ოჯახის წევრები აივანზე დარბოდნენ "გადაჩიჩინებული" ბავშვის მოსაბრუნებლად. როგორც იქნა, ბავშვმა სული მოითქვა და... მამია ეზოდან გადმოვიდა!!!

ასმათ ბერიშვილი: "როცა მამია ბიძია პირველად გვესტუმრა სურებში და მამასთან საუბრობდა, ვუთხარი: _ მითხარით, ვინ იყო ეს ხალხი. თქვენ მოხუცები ხართ, მე აქ ხომ უნდა ვიცხოვრო და ხომ უნდა ვიცოდე, ვინაა ჩვენი მტერი?

_ შენ მართალი ხარ, ბიძია, მარა მაგი რომ გეცოდინება, ვეღარ შეძლებ აქ ცხოვრებას".

აი, კიდევ ერთი საოცარი გმირობა, რომელიც ჩვეულებრივი ადამიანის შესაძლებლობას აღემატება.

მომავალ შეხვედრამდე, ძვირფასო მკითხველო. ერთს კი გკითხავთ მორიდებით: ვერ ნახავთ სოფელს, რომელსაც არ ჰყავდეს უდანაშაულოდ დაღუპული ადამიანები. რატომ დუმხართ? ისინი ძალიან საბრალონი არიან. მოგონებებში მაინც გავაცოცხლოთ მცირე ხნით. მონატრებულ სამშობლოში დავანახოთ საქართველოს ცა.

 რუსუდან ბერიშვილი




 ახალი ამბები
  • გარდაცვლილ ხუთ მგზავრს შორის, ერთ-ერთი 30 წლის ქალიასამტრედიაში მომხდარი ავტოსაგზაო შემთხვევისას დაღუპულთა შორის, ერთ-ერთი 30 წლის ქალია. ჩვენ ხელთ მანამდე არსებული ინფორმაციით, იგი სენაკის მუნიციპალიტეტის სოფელ ძველ სენაკის მკვიდრი იყო. ინფორმაციის დასაზუსტებლად მერის წარმომადგენელს ალექსანდრე ჯანჯღავას დავუკავშირდით, რომელიც "გურია ნიუსთან" საუბრისას ამბობს, რომ თითქმის ექვსი წელია, ოჯახი ძველ სენაკში აღარ ცხოვრობს: "უკვე თითქმის ექვსი წელია ეს ოჯახი ჩვენს სოფელში აღარ ცხოვრობს. მათ სახლი გაყიდეს და როგორც ვიცი, საცხოვრებლად თბილისში გადავიდნენ", _ განუცხადა "გურია ნიუსს" ალექსანდრე ჯანჯღავამ. შეგახსენებთ, ავტოსაგზაო შემთხვევა სამტრედიაში რამდენიმე საათის წინ მოხდა. ერთმანეთს "მინივენი" და ტრაილერი შეეჯახა. როგორც "გურია ნიუსს" ერთ-ერთმა თვითმხილველმა განუცხადა, შეჯახება იმდენად ძლიერი, იყო რომ "მინივენში" მსხდომი ხუთივე მგზავრი ადგილზე დაიღუპა. რა გახდა ავტოსაგზაო შემთხევის ზუსტი მიზეზი, ჯერჯერობით, უცნობია. შსს-მ გამოძიება სსკ-ის 276-ე მუხლის მერვე ნაწილით ... ...
  • ვინ არიან სამტრედიაში საზარელი ავარიის დროს დაღუპულებიდღეს, საზარელი ავტოსაგზაო შემთხვევა მოხდა  სამტრედიაში, სანავარდოს ქუჩაზე  გამავალ სამტრედია-ლანჩხუთი- სუფსა- გრიგოლეთის ს/გზის მე-2 კმ-ზე, სატვირთო აავტომანქანა “მერსედეს-ბენცი“, რომელსაც თურქეთის მოქალაქე მართავდა,  შეეჯახა შემხვედრი მიმართულებით  მოძრავ მინივენს.   შეჯახების შედეგად შემთხვევის ადგილზე გარდაიცვალნენ მინივენის მძღოლი, ჩოხატაურში, სოფელ ბუკნარში მცხოვრები 1976 წელს დაბადებული ენვერი ირემაძე და მისი მგზავრები: ბათუმში, თოდოგაურის დასახლებაში მცხოვრები, თ. შ., ქუთაისში მაისურაძის ქუჩაზე მცხოვრები ქ. ., სენაკში, სოფ. ძველ სენაკში მცხოვრები თ. ჯ. მე-5 მგზავრის მონაცემები დგინდება. მიმდინარეობს გამოძიება სსკ 276-VIII ... ...
  • სამტრედიაში ავარიის შედეგად დაღუპულთა შორის ერთ-ერთი ჩოხატაურელია _ დეტალები შემთხვევის ადგილიდანსამტრედიაში, ცოტა ხნის წინ მომხდარი ავტოსაგზაო შემთხვევის დროს დაღუპულთა შორის ერთ-ერთი წარმოშობით ჩოხატაურელია, _ აღნიშნულის შესახებ ''გურია ნიუსს'' სამტრედიის მერმა ვალერიანე ფოცხვერიამ განუცხადა. ,,როგორც საპატრულო პოლიციის თანამშრომლებმა მითხრეს, მინივენი, რომელიც ბათუმის მხრიდან მოდიოდა, სამტრედიის შესასვლელში მოცურდა და საპირისპირო მხრიდან მოძრავ ტრაილერს შეეჯახა, რის შედეგადაც მინივენის ხუთივე მგზავრი ადგილზე დაიღუპა. მინივენის მძღოლი ჩოხატაურელია, ტრაილერს კი თურქეთის მოქალაქე მართავდა", _ გვითხრა ფოცხვერიამ.   ... ...
  • გომის მთას დასახლების სტატუსი ენიჭებადღეს ოზურგეთის მუნიციპალიტეტის საკრებულოს  ბიურომ განიხილა: "ოზურგეთის მუნიციპალიტეტის ადმინისტრაციულ საზღვრებში მდებარე ტერიტორიაზე - დასახლების (დაბა) გომის მთის შექმნის თაობაზე, ოზურგეთის მუნიციპალიტეტის მერის მიერ წარმოდგენილი წინადადების მოწონების შესახებ", განკარგულების პროექტი. დეპუტატმა ლავრენტი ბიგვავამ ისაუბრა გომის მთის, როგორც უნიკალური კურორტის შესახებ, რომელიც უკვე მსოფლიოს ყურადრების ცენტრში მოექცა და საუკეთესო კურორტების რეიტინგულ სიაში მოხვდა. _ ჩვენთან უშუალოდ მერის წინადადება  არის წარმოდგენილი, რომ გომის მთას მიენიჭოს  დასახლების  სტატუსი. მთავრია,  დაიძრას  ეს საკითხი. როცა სტატუსი მიენიჭება,  ეს იქნება უდიდესი  საქმე კურორტის  გეგმაზომიერი განვითარებისთვის. საკრებულოს  თავმჯდომარემ,  დავით დარჩიამ განაცხადა, რომ გომის მთისთვის დასახლების კატეგორიის მინიჭება,   აქ  არსებული ვითარების  კანონის ფარგლებში მოქცევას ნიშნავს, რაც კურორტის თანმიმდევრულ, გეგმაზომიერ განვითარებას შეუწყობს ხელს.  _დღეს მართლაც მნიშვნელოვანი, ისტორიული დღეა, - განაცხადა მუნიციპალიტეტის მერის პირველმა მოადგილემ,  ალექსანდრე სურგულაძემ. ხვალ, 26 თებერვალს,  ოზურგეთის მუნიციპალიტეტის საკრებულო,  თავის რიგგარეშე  სხდომაზე, რომელიც სწორედ გომის მთის საკითხს ეხება, მიიღებს გადაწყვეტილებას, მოიწონოს წინადადება, გომის მთას მიენიჭოს დასახლების სტატუსი.   ხოლო აღნიშნული განკარგულების მიღების შემთხვევაში, საკრებულოს თავმჯდომარე დავით დარჩია  საქართველოს მთავრობას შუამდგომლობით მიმართავს,  რომელმაც  უნდა განსაზღვროს  გომის მთისთვის დასახლების სტატუსის ... ...
  • ბიჭს, რომელიც მიუსაფარ ძაღლებზე ზრუნავს, მანქანა აჩუქესბიჭს, რომელიც უსახლკარო ძაღლებისთვის სახლებს ამზადებს და ნათხოვარი მანქანებით სხვადასხვა რაიონში უსასყიდლოდ არიგებდა, #ალუტეცჰGეორგია-მ და #ინნგროუპ-მა ავტომობილი აჩუქა, _ ამის შესახებ რადიო "პალიტრას" საინფორმაციო სამსახურის უფროსი ანა მარშანია ფეისბუქის საკუთარ გვერდზე წერს და ფოტოსაც აქვეყნებს. შეგახსენებთ, რომ „SAPG – უსახლკარო ცხოველების პროექტი საქართველოში“ საქველმოქმედო გაერთიანების ერთ-ერთი დამფუძნებელი ზაქარია დოლიძე, ცოტა ხნის წინ საქართველოს მასშტაბით მოგზაურობდა. გზად შემხვედრ თითოეულ მიუსაფარ ცხოველთან აჩერებდა „კეთილ მანქანას“ აპურებდა და საჭიროების შემთხვევაში მედიკამენტებით ეხმარებოდა. ტურნე საქართველოს მასშტაბით ნაქირავები ავტომობილით თბილისიდან დაიწყო და ცოტა ხნის წინ გურიაში იმყოფებოდა, საიდანაც გეზი აჭარისკენ აიღო. თუმცა, "კეთილმა მანქანამ" გზად უმტყუნა და ქობულეთიდან დედაქალაქში დაბრუნება მოუწია. მიუხედავად ამისა,  მიუსაფარი ცხოველები უყურადღებოდ არ დაუტოვებია და მათთვის განკუთვნილი საკვები გაუგზავნა.  როდის გაუჩნდა მიუსაფარი ცხოველების დახმარების სურვილი, სად უფრო კრიტიკული სურათი შეხვდა მოგზაურობის დროს და როგორ უნდა მოხდეს მდგომარეობის გამოსწორება_ ამ საკითხების შესახებ ზაქარიამ „გურია ნიუსთან“, ჩოხატაურში სტუმრობის დროს ... ...

არქივი

ზაფრანი

„დავიწყებული“ ჰოლივუდელები

ჯესიკა ალბა ჯესიკა ალბას გარღვევად...

როდის გრძნობთ თავს ყველაზე კარგად

ზამთარი – მშვილდოსნის, კუროსა და...

ქალი, ბიზნესი … ასტროლოგია

ქალწული - ზოდიაქოს კიდევე რთი...

15 შეცდომა რეცხვის დროს, რომელიც სარეცხს და მანქანას აზიანებს

ხშირად ვამბობთ, რომ ტანსაცმელს აფუჭებს...

რატომ უნდა მიირთვათ ბევრი შოკოლადი

შოკოლადის მირთმევის შედეგად ადამიანის ბედნიერების...

ჰოლივუდელი მარტოხელა მამები

ალ პაჩინო - მსახიობი სამი...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...