ფრთხილად, წინ საშიში წარსულია! _ ვალსი პეჩორაზე და სუფსას გაყოლილი ცოდვის ცრემლი

მკითხველი

ფრთხილად, წინ საშიში წარსულია! _ ვალსი პეჩორაზე და სუფსას გაყოლილი ცოდვის ცრემლი

1 ოქტ. 2018, 12:01:09

გვიანი შემოდგომის ერთ საღამოს, არავინ იცის, როგორ ჩამოაღწია ჩოხატაურამდე ახალგაზრდა, ძალიან ლამაზმა, სიფრიფანა ქალმა ორი ბავშვით დაა ძველისძველი ხის ჩემოდნით ხელში. გამვლელებმა უთხრეს, სურებლებს ბაზართან ნახავო. ივლიანე ჯინჭარაძის სახლთან შემოაღამდა უმწეო ქალს. თეკლემ (ივლიანეს მეუღლე და ცნობილი მეტყევის _ კარლო ჯინჭარაძის დედა) სახლში შეიყვანა გათოშილი ქალი და ბავშვები. ღამე გაათევინა, უმასპინძლა და დილით სურებიდან ჩამოსული ჩალანდრებიც გააცნო.

ახლა არავინ იცის, ვინ იყო ის ხალხი, რომლებმაც დაიმგზავრეს უცხო ქალი, მაგრამ გზაში, საუბარს შეყოლილებმა, რომ გაიგეს, ვინც იყო, დამუნჯდნენ! შუასურებში "ასახოვი" ხელით მიანიშნეს და გზა გააგრძელეს.

ეს ქალი, ნესტორ ბერიშვილის ერთ-ერთი ვაჟის, გერონტის მეუღლე _ ეთერი იყო. გერონტის მაშინ 25 წელი მიუსაჯეს, მიუხედავად იმისა, რომ აგრონომი იყო, სურების ბუნების მეცნიერულ კვლევაზე მუშაობდა და არასოდეს, არავითარი პოლიტიკური შეხება ძმებთანაც კი არ ჰქონია.

დაპატიმრებისთანავე მისი ცოლ-შვილი შუაღამისას ქუჩაში გამოყარეს. ეთერი გორში წავიდა მშობლებთან. სულ მალე დაიჭირეს ეთერის მამა და ძმა. სახლიც წაართვეს, საქონელიც და მიწაც. მეზობლებს მიადგნენ, მაგრამ ჩვენც დაგვიჭერენ, შვილოო და ეთერი სურებში წამოვიდა. ის გურიაში ნამყოფიც არ იყო (ვერ მოასწრეს). გავერანებულ ეზოში პატარა სახლი დახვდა. ქალს არაფერი გააჩნდა! ერთი დღე-ღამე მშივრები იყვნენ. მესამე დილას "დოშკანში" ჭადი და ყველი დახვდა "ტოფსიკით" ჩამოკონწიალებული. ასე ხდებოდა ყოველ დილით. მერე ღამღამობით უკანა კარებიდან იწყეს ქალებმა შემოპარვა.

მოვიდა გაზაფხული. ეთერი სოფლის პირველკაცთან მივიდა, შვილებიც მიიყვანა და მორიდებულად სთხოვა, წართმეული მიწებიდან მცირე ნაწილი მიეცათ, რომ დაემუშავებინა და ბავშვებს ჭადი ჰქონოდათ.

_ ა, რავაა საქმე? მოგშივდენ, თქვე ძაღლისშვილებო? წაი, ახლა და მოთხუე ჭადი შენს მენშევიკ ქმარს და მაზლებს! არ გვინდა ბოლშევიკებიო? გაჭამონ ახლა მენშევიკებმა!

...მე კარგად მახსოვს ეს კაცი. სოფელშიც მინახავს და ჩვენს ეზოშიც. წითელი ტყავის პალტო და გალიფე შარვალი ეცვა, "ცარსკებზე" მათრახს იტყლაშუნებდა, ტყავის პალტო წითლად პრიალებდა.

ეთერის არასოდეს გაუგია, ვინ დაუბა სახლის უკან თიკნიანი თხა! ეს ბედნიერება იყო! ერთი კვირის შემდეგ თხა დაიკარგა! მარტის თოვლჭყაპში ეძება ქალმა შუაღამემდე, დასველდა, გაცივდა, სიცხე არ იკლებდა! ზემოსურებში ზაქრო მეგრელიშვილი მუშაობდა ექიმად! გაბედა და თავს დაადგა მომაკვდავს. ვერ მოერია ტვინის ანთებას უწამლოდ. ეს ექიმისგან გმირობა იყო!!!

დასაფლავებაზე ხალხი ცოტა იყო. სახლის ზემოთ, "კოდმეზე" დაასაფლავეს ეთერი. მახსოვს ის დღე _ დედას ხელში ვეჭირე. მე მის თმაზე "გრებეშოკს" ვათამაშებდი. კუბოც მახსოვს, გაბმული მოთქმაც შეუსვენებლად, მაგრამ რა ხდებოდა, არ ვიცოდი! არც ბებიას მიკრული ნანული (ნინო) ტიროდა, არც ზურიკო! მეორე დღეს ბებიამ გორში წაიყვანა ბავშვები. ვერ შეძლო მათი შენახვა, _ ყველა ციხეში იყო! ზურიკო და ნანული ბებიამ იქ მიაბარა, სადაც ანა იზრდებოდა, _ "პრიუტში"!!! ("ვალსი პეჩორაზე")

ლანა ღოღობერიძის ამ ფილმს რომ ვუყურებ, ანას (ნანას _ ანას გარდაცვლილ დას), ზურიკოს და ნანულის ერთად ვხედავ! ისინი ერთად ცეკვავენ ვალსს! მათ სიცოცხლე უხარიათ! ისინი დედებს ელოდებიან! მამებსაც! უცებ მუსიკა წყდება! ანა ბედნიერია _ დედა მოვიდა! დედა უბედურია _ ნანა არ დახვდა! ზურიკო და ნანული? მათ დედა არ ჰყავთ და არასოდეს მოვა! ისინი არასოდეს იქნებიან ბედნიერები!

დიდხანს იწვა ეთერი სურების მიწაში, არავინ ჰყავდა მიმკითხავი! ბავშვობაში, დედასთან ერთად მის საფლავთან გავლილს, ძალიან უცნაური ფერის ულამაზესი ყვავილი მხვდებოდა თვალში. იქაურობის უდაბურებას სუფსის სიოზე მისი აქეთ-იქეთ რწევა არღვევდა მხოლოდ. ვაკვირდებოდი სხვის ეზოებს ასეთი ყვავილი არსად არ იყო! დამრგველი ვინ უნდა ყოფილიყო?! რაღა საკითხავია _ თავად ამოვიდოდა!

დიდი ხნის მერე, როცა მე და ნანული სკოლას ვამთავრებდით, იმ საფლავთან, გადაჭრილი ჭანჭურის და კორკიმელის ჯირკებზე ვსხდებოდით და ვმეცადინეობდით. ნიავი არწევდა იმ უცნაურ ყვავილს. ხანდახან ახედავდა ნანული საფლავს! არაფერს ვამბობდით!

მოუვიდა საფლავს პატრონი. გერონტის 6 წელი "აპატიეს". თვრამეტწლიანი პატიმრობა, ტანჯვა და წამება, სტალინის სიკვდილით დასრულდა! 1985 წელს გარდაიცვალა გერონტი ბერიშვილი. მისმა ძმამ, ნოემ და ძმისშვილმა ასმათმა, თბილისში ჩემოდნით წაიღეს ეთერის ნეშტის ნაწილები და ქმრის გვერდით დაკრძალეს!

დღეს ზურიკო ცოცხალი აღარაა! ნანული ამერიკაშია. ამდენ ვაებას გადარჩენილი ნაგრამიდან მხოლოდ ორი ვაჟია _ მამია ბერიშვილის შვილიშვილები, რომლებიც საფრანგეთში ცხოვრობენ. დანარჩენები, ასევე, მცირე ნაწილი, გოგონებია და, ბუნებრივია, მათი შვილები ბერიშვილები არ არიან!

... და ვინც არიან, უცხოეთში აპირებენ წასვლას. ახლა ვიფიქროთ _ ეს ხალხი რა ბედისანი დარჩნენ ასეთი, რომ არც ერთ დროში არ ეღირსათ მშობელ მიწაზე ცხოვრება? რომელი წასვლა იყო საჭირო და რომელი უფრო მძიმე, მაშინდელი თუ დღევანდელი?

ადრე, 1921-ში, ამ ხალხის წინაპრები სრულ განადგურებას განერიდნენ ის წასვლა (გნებავთ, გაქცევა _ როგორც ამის წინათ, ერთმა გასკდომამდე მისულმა ჩინოსანმა უწოდა), ქართული სულის გადარჩენას ნიშნავდა. წასვლის მიზანი, ისევ საქართველოს დამოუკიდებლობა იყო!

ახლა წასვლა? ეს ფიზიკური არსებობის, ოჯახის გადარჩენისთვის წასვლაა. საჭმლის საშოვნელად წასვლაა და ამას საქართველოს დაცემა ჰქვია!

საქართველო უმძიმეს დღეშია! მუდმივად ჩამესმის პატრიარქის უნუგეშო სიტყვები _ "ღმერთმა მიგვატოვა!".

ამ დღისთვის გაიწირნენ ჩვენი სახელოვანი წინაპრები? ყური დავუგდოთ პეჩორის გაყინულ ნაპირებზე დაცემული ქართველი ქალების უსასოო კვნესას. როცა ისინი ყინულის საფლავებში სამუდამოდ იძინებდნენ, აქ, სურებელი ქალები, ხმამაღალი მოთქმით ასაფლავებდნენ ახალგაზრდა ქალს და სუფსას უერთდებოდა მათი ცოდვის ცრემლი.

ისევ წასვლა? ისევ უცხო მიწაზე? უცხო ზეცა? ისევ უარესზე ფიქრი?

წინ მართლაც საშიში წარსულია!

P.S. ვიცოდი და დამავიწყდა ეთერის გვარი! დიდი ხანია ვეძებ. დავამთავრე ამ წერილის წერა და დამირეკეს, ეთერი შუღლიაშვილი იყო! კიდევ ბევრი ვინმეა მოსაძებნი და მოსაგონებელი...

 რუსუდან ბერიშვილი




 ახალი ამბები
  • "ადვოკატმა კობაიძემ უარი განაცხადა მის მიერ გამოთქმული ბრალდებების დამადასტურებელი რაიმე მტკიცებულების მოწოდებაზე " (R)სპეციალური პენიტენციური სამსახური განცხადებას ავრცელებს N8 პენიტენციური დაწესებულების დირექტორის შესახებ ადვოკატ ალექსანდრე კობაიძის მიერ გავრცელებულ ინფორმაციასთან დაკავშირებით და განმარტავს, რომ ადვოკატმა არ ისურვა წარმოედგინა მის მიერ გამოთქმული ბრალდებების დამადასტურებელი რაიმე სახის მტკიცებულება. შეგახსენებთ, 2020 წლის 24 სექტემბერს ტელეკომპანია „ფორმულამ“ გაავრცელა ინფორმაცია, თითქოს N8 პენიტენციური დაწესებულების ოთხმა პატიმარმა თვითდაზიანებები მიიყენა იმიტომ, რომ მათ დაწესებულების დირექტორი სექსუალური ძალადობით დაემუქრა. ტელეკომპანია „ფორმულას“ მიერ გავრცელებულ ინფორმაციაში გამოყენებული იყო ადვოკატ ალექსანდრე კობაიძის ინტერვიუ, სადაც მან განაცხადა: "ნასვამ მდგომარეობაში მყოფი ბატონი ქინქლაძე (დაწესებულების დირექტორი) ეჩხუბა პატიმრებს იმის გამო, რატომ არ მოსწონდათ ჩაი და ამის გამო უთხრა, რომ მას გააუპატიურებდა. რაზეც ადეკვატური პასუხი ჰქონდათ პატიმრებს". ინფორმაციის გავრცელებისთანავე სპეციალური პენიტენციური სამსახურის მონიტორინგის დეპარტამენტმა დაიწყო სამსახურებრივი შემოწმება ადვოკატის მიერ გამოთქმულ ბრალდებებთან დაკავშირებით. სამსახურებრივი შემოწმების ფარგლებში მონიტორინგის დეპარტამენტი დაუკავშირდა ადვოკატ კობაიძეს და მიიწვია იგი იმისთვის, რომ თუკი მას გააჩნდა მის მიერ დაწესებულების დირექტორის მისამართით გამოთქმული ბრალდებების დამადასტურებელი რაიმე მასალა, მოეწოდებინა ეს ინფორმაცია მონიტორინგის დეპარტამენტისთვის. ადვოკატს შეეთავაზა 25 სექტემბერს 11:00 საათზე გამოცხადებულიყო სპეციალურ პენიტენციურ სამსახურში, რაზეც მან განაცხადა უარი მოუცლელობის მიზეზით და ამის სანაცვლოდ შესთავაზა მონიტორინგის დეპარტამენტის წარმომადგენელს, რომ 25 სექტემბერს საღამოს საათებში მივიდოდა პენიტენციურ სამსახურში, ხოლო ადგილზე მისვლის ზუსტ დროს შუადღისას დაასახელებდა. დღეს, 25 სექტემბერს ადვოკატმა კობაიძემ, იმ დროს, როდესაც ვერ მოიცალა მონიტორინგის დეპარტამენტში გამოცხადებისთვის, აქცია გამართა N8 პენიტენციურ დაწესებულებასთან. აღსანიშნავია, რომ ადვოკატის ორგანიზებულ აქციაზე მხოლოდ თავად კობაიძე და კიდევ ორი ადამიანი იმყოფებოდა, თუმცა ამან არ შეუშალა ადვოკატს ხელი, რომ პენიტენციური დაწესებულების დირექტორის მისამართით კვლავ გაეკეთებინა ცილისმწამებლური განცხადებები. 25 სექტემბერს, დაახლოებით 14:00 საათზე, როდესაც მონიტორინგის დეპარტამენტის წარმომადგენელი კვლავ დაუკავშირდა ადვოკატ კობაიძეს, რათა მისი პენიტენციურ სამსახურში მისვლის დრო დაეზუსტებინა, ადვოკატმა მისვლაზე უარი განაცხადა, რაც აბსოლუტურად გაუგებარია, ვინაიდან თუკი იგი ფლობს რაიმე მტკიცებულებას, როგორც თავად აღწერს, ასეთი საგანგაშო ფაქტის შესახებ, მისი, როგორც უფლებადამცველის ინტერესში უნდა იყოს, რომ ამაზე ჭეშმარიტება დადგინდეს. ადვოკატთან მონიტორინგის დეპარტამენტის წარმომადგენლის ორივე საუბარზე შედგენილია შესაბამისი ოქმები. ეს ოქმებიც და მონიტორინგის დეპარტამენტის ხელთ არსებული სხვა დოკუმენტაციაც გადაეგზავნება სახელმწიფო ინსპექტორის სამსახურს. სპეციალური პენიტენციური სამსახური იმედს გამოთქვამს, რომ სახელმწიფო ინსპექტორის სამსახური დაადგენს ჭეშმარიტებას და ამ თემაზე ერთხელ და სამუდამოდ დასრულდება ყოველგვარი სპეკულაციები. ... ...
  • რომან გოცირიძე - მთავრობას ლარიც გაექცა და ვირუსიცპარლამენტის ფრაქცია „ნაციონალური მოძრაობის" თავმჯდომარე, რომან გოცირიძე ეკონომიკასთან მიმართებით ხელისუფლების პოლიტიკას აკრიტიკებს და მთავრობას მოუწოდებს, ქვეყანაში არსებული მძიმე ეკონომიკური ვითარებიდან გამოსასვლელად ქმედითი ნაბიჯები გადადგას. „მთავრობამ ყველაფერი გააკეთა იმისთვის, რომ წინასაარჩევნოდ გამოეყენებინა 5 მილიარდი ფული საარჩევნო მანიპულირებისთვის, ნაცვლად ხალხის მხარდაჭერისა. მთავრობას, რომელსაც დიდი დრო და რესურსი ჰქონდა უცხოეთის დახმარების სახით, ვერც ლარს მოუარა და ვერც პანდემია აიცილა თავიდან, ლარიც გაექცა და ვირუსიც. ეს არის ხელისუფლების მიერ გადადგმული პოლიტიზირებული ნაბიჯების შედეგი. დღეს, თუ სასწრაფოდ არ მიიღებს მთავრობა რადიკალურ ზომებს, თუ არ შეკვეცს კორუფციულ და უსარგებლო ხარჯებს, რომელიც „ქართულ ოცნებასა" და მასთან მიტმასნილ ბიზნესს ემსახურება, თუ არ გამკაცრდება პოლიტიკა, ამ შემთხვევაში, ლარი მიაღწევს ისეთ ნიშნულს, როდესაც ეკონომიკა გაჩერდება და მოქალაქეების შემოსავალი კატასტროფულად დაიკლებს. პირველ რიგში, მოვუწოდებთ მთავრობას, შეწყვიტოს ფულის ფლანგვა მათი პოლიტიკური ინტერესების შესაბამისად. მოვუწოდებთ ეროვნულ ბანკს, დაანებოს თავი უსაზღვრო ოდენობით რეფინანსირების სესხის გაცემას, მართოს ჯერ კიდევ მის ხელთ არსებული ბერკეტით ეს პროცესი“, - განაცხადა ... ...
  • „დავასახელებთ მომსყიდველების ვინაობას“ : " ჩვენი საქართველო, სოლიდარობის ალიანსი"-ს ბრიფინგი ოზურგეთშიოზურგეთში „ჩვენი საქართველო- სოლიდარობის ალიანსი"-ს  შტაბში , ბრიფინგი გამართეს. ბრიფინგის წამყვანმა, შტაბის წარმომადგენელმა ლელა ნაცვალაძემ განაცხადა, რომ გურიის მაჟორიტარი დეპუტატობის კანდიდატი ნინოშეწირული-გობრონიძე იქნება და სწამს, რომ ის გამრჯვებას მიაღწევს ამ საპარლამენტო არჩევნებში. __ჩვენ ვაპირებთ პატიოსან საარჩევნო კამპანიას. არ გვაქვს ფუფუნება, ვინმეს დავურიგოთ   კარტოფილი ან კვერცხი, თუმცა ჩვენ მზად ვართ, ვიბრძოლოთ ადამიანების პრობლემების მოსაგვარებლად და ჩვენი ხმა  გვქონდეს პარლამენტში, - თქვა ბრიფინგის წამყვანმა, შტაბის წარმომადგენელმა ლელა ნაცვალაძემ. მან თქვა, რომ ადგილი აქვს ამომრჩეველთა მოსყიდვის მცდელობას, როცა მათ პირდებიან ფულს, ასევე ოზურგეთის სპორტის სახლში ახლახან შეიტანეს დიდი ტრაილერით ბურღულეული, მათთვის დასარიგებლად, _ თქვა ნაცვალაძემ. ჟურნალისტების კითხვაზე, დაესახელებინა კონკრეტული პირები, ვინ ვის სთავაზობს ქრთამს, ნაცვალაძემ თქვა, რომ ამჯერად თავს იკავებს, თუმცა მალე დაასახელებს მათ ვინაობას. დეპუტატობის კანდიდატმა,    ნინო შეწირულმა ისაუბრა საარჩევნო კამპანიის თაობაზე, რომ  ამომრჩევლებს, კერძოდ, მის ნათესავებს და  ოჯახის წევრებს, ახლობლებს, „ქართული ოცნების“ წარმომადგენლები   ფულით მოსყიდვას უპირებენ, ჰპირდებიან თანხას, ოღონდაც კი  მათ მხარეს გადავიდნენ. _დღეს არ ვასახელბ მათ  გვარებს, თუმცა ამ ბრიფინგით  ვაფრთხილებთ   მათ. თუ კვლავ   გაგრძელდება მათი მხრიდან ასეთი საქციელი, აუცილებლად გადმოგცემთ   მათ სიას, სათანადო მტკიცებულებით, - უთხრა მან ... ...
  • სამტრედიაში ახალი სპორტული მოედანი საზეიმო ვითარებაში გაიხსნასამტრედიაში, კოსტავას ქუჩაზე, მრავალბინიანი კორპუსების მიმდებარედ ხელოვნურსაფარიანი სპორტული მოედანი მოეწყო. ახალი სპორტული მოედანი საზეიმო ვითარებაში დღეს გაიხსნა. ადგილობრივი მოსახლეობის თხოვნის საფუძველზე სამუშაოები მუნიციპალიტეტის მერიამ დააფინანსა. "მუნიციპალიტეტის მერია ინტენსიურად ახორციელებს სპორტული მოედნების მოწყობა-რეაბილიტაციას, რაც ხელს უწყობს ჯანსაღი ცხოვრების წესის დანერგვას, პოპულარიზაციას და განვითარებას", _ განაცხადა ,,გურია ნიუსთან" კომენტარში სამტრედიის მუნიციპალიტეტის მერის მოადგილემ, დავით ... ...
  • საზოგადოებრივი მაუწყებლის დირექტორად თინათინ ბერძენიშვილი აირჩიესსაზოგადოებრივი მაუწყებლის სამეურვეო საბჭომ გენერალურ დირექტორად თინათინ ბერძენიშვილი ღია კენჭისყრით აირჩია. ბერძენიშვილის კანდიდატურას სამეურვეო საბჭოს რვა წევრმა დაუჭირა მხარი. საზოგადოებრივი მაუწყებლის გენერალური დირექტორის თანამდებობა ვაკანტური მას შემდეგ გახდა, რაც ვასილ მაღლაფერიძემ თანამდებობა დატოვა. მაღლაფერიძის მტკიცებით, გადადგომის მიზეზი ის არის, რომ არ სურს წინასაარჩევნო პერიოდში გაჩნდეს კითხვები არხის მიკერძოებულობასთან დაკავშირებით. კონკურსის მეორე ტურში გადავიდნენ თინათინ ბერძენიშვილი, ირმა სოხაძე, ხათუნა ლაგაზიძე და ალექსანდრე ვახტანგოვი. თუმცა, ვახტანგოვმა კანდიდატურა მოხსნა და მხარი ბერძენიშვილს ... ...

არქივი

ტესტები

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls