შუა სურებში, ლომისკარელის ეკლესიის ეზოში მალაქია ბერიშვილი გველოდება!

მკითხველი

შუა სურებში, ლომისკარელის ეკლესიის ეზოში მალაქია ბერიშვილი გველოდება!

7 მაი. 2019, 14:35:33

დიდად პატივცემულო, ბატონო ნოე!

თუ ძალიან არ შეწუხდებით, გთხოვთ, მომწეროთ თქვენი უფროსი ძმის (მალაქიას) შესახებ! როდის დაიბადა, რა განათლება მიიღო, სად მუშაობდა, როდის დაიწყო ბრძოლა და სხვა.

განსაკუთრებით მაინტერესებს კოჯრის ფრონტის ბრძოლა (1921 წლის თებერვალში), რომელ დღეს დაიღუპა და როგორ (თუ გაგიგონიათ) დაკრძალვის ცერემონია, სად დაკრძალეს, ჰყავდა ოჯახი თუ არა (თუ ჰყავდა ამიწერეთ), რაც შეიძლება ვრცლად მომწერეთ, როგორც გახსოვთ.

პატივისცემით, იური სიხარულიძე

პ.ს. იქნებ, სხვაც ვინმე მონაწილეობდა დემოკრატიული საქართველოს ბრძოლებში თქვენი ახლობლებიდან და ნაცნობებიდან. თუ მათზეც მომწერთ, დიდად დამავალებთ.

23.09.89, თბილისი

ამ წერილის ავტორს წარდგინება არ სჭირდება, ძვირფასო მკითხველო! ბატონი იური სიხარულიძე წარსულის თავდადებული მაძებარი და გადამრჩენია. აბა, ვიფიქროთ, რა შერჩებოდა ხელში ჩოხატაურს თავისი ისტორიიდან, უფალს რომ მისთვის იური სიხარულიძე არ მოევლინა? წერილის ადრესატი კი ერთი მრავალტანჯული სურებელი გლეხის ნესტორ მარკოზის ძე ბერიშვილისა და მისი მეუღლის, მართა ბესარიონის ასული რამიშვილის თორმეტშვილიანი ოჯახის ერთ-ერთი ვაჟი ნოე ბერიშვილია, რომელსაც ეს სახელი ბიძის (დედის ძმის) _ ნოე რამიშვილის პატივსაცემად დაარქვეს. ვწუხვარ, რომ ამ ოჯახზე ერთი პატარა წიგნის გამოცემა ვერ მოვახერხე, მით უფრო, ახლა, როცა ხელთ მაქვს, მრავალწლიანი, მართლაც სიმწრით მოპოვებული დოკუმენტური და ფოტომასალა თითოეულ მათგანზე. კოშმარულ გულისტკივილს ამძაფრებს ისიც, რომ სუფსის ხეობაში დაიკეტა გამორჩეულად შეუდარებელი ტრაგიკული ისტორიის მქონე ოჯახის კარი და "კერიიდან ფუტის ამომშობი"  ბოლო ნაშიერი, ლუკმა-პურის საშოვნელად უცხოეთში წავიდა!

გავიცნოთ ეს ოჯახი:

სურების საზოგადოების სოფელ დიდი ვანის მცხოვრები მართა ბესარიონის ასული რამიშვილი დაქორწინდა შუასურებელ შეძლებულ გლეხზე ნესტორ ბერიშვილზე.1893 წელია. პატარძლის ექვს ძმათა შორის არის 12 წლის კოჟორე (ნოე რამიშვილი). ქორწილი მთის წესების დაცვით, მართლა სამაგალითოდ და დიდხანს სალაპარაკოდ ჩატარდა.

1894 წელს დაიბადა პირველი ვაჟი _ მალაქია. 1895 წელს ოჯახს ქალიშვილი, ოლია შეემატა. ოლია ამთავრებს სამედიცინო ინსტიტუტს და გაზეთ "კომუნისტის" რედაქციაში იწყებს ექიმად მუშაობას. მეუღლე ექიმი ვლადიმერ ხვედელიძე ცოლისძმებთან ერთად შედის დიდ პოლიტიკაში. იგი აქტიურად მონაწილეობს ჭიათურის მოვლენებში. სურებში, მთაში დაყვება არალეგალურად გადმოსულ ცოლისძმებს, რის გამოც დაიჭირეს, მაგრამ არ ისურვა ჯალათის ხელით სიკვდილი და ციხეში თავი მოიწამლა.

ოლია ყაზახეთში გადაასახლეს 10 წლით. სასჯელი სრულად მოიხადა. დაბრუნებულმა არ ისურვა ძველ ადგილზე მუშაობა. სიცოცხლის ბოლომდე თბილისის მეცხრე პოლიკლინიკის ექიმი იყო.

შალვა ბერიშვილი _ ოჯახის მეორე ვაჟი, 1899 წელს დაიბადა. ის იყო 1924 წლის აჯანყების ერთ-ერთი ლიდერი, ბიძის _ ნოე რამიშვილის ყველაზე სანდო, უცვლელი და უცდომელი ემისარი. ის ერთადერთია ნათესავთაგან, ვინც პარიზის ქუჩაში ტყვიადახლილი ბიძის ცხედართან სამძიმარს იღებდა. ერთი დიდი წიგნი ვერ დაიტევს შალვა ბერიშვილის მართლა საოცარ ისტორიას. მას 25 წელი ჰქონდა მისჯილი. მრავალი ციხის პატიმარი, ბოლოს სამშობლოს ცის ქვეშ მიიცვალა 1989 წელს 90 წლის ასაკში.

ტიტე ბერიშვილი _ უნიჭიერესი მათემატიკოსი ჭიათურაში მასწავლებლად მუშაობდა, ემიგრაციის გზამ ვარშავაში ჩაიყვანა, სადაც 1939 წელს დახვრიტეს გერმანელებმა. ისიც, როგორც სხვა მრავალი, ქართველის დასმენით და ღალატით დაიღუპა. ეს ამბავი დღესაც საიდუმლო თემაა!

ბიკენტი ბერიშვილი _  ტყვეობაში დაიღუპა 1943 წელს, რუმინეთში. მასზე ყველაზე მცირე ცნობარი მოგვეპოვება. გარდა იმისა, რაც მამაჩემის სადღეგრძელოებიდან მომისმენია ოჯახურ, მცირე წრეში. მაშინ, როცა ყველას ეგონა, რომ მეორე ოთახში მეძინა.

ნინო ბერიშვილი _ ოჯახის ყველაზე მწარე ტკივილი იყო და დარჩა ბოლომდე, სანამ მათ შორის ვინმე ცოცხალი გადარჩა! ნინოს შესახებ ამ გაზეთში იყო ჩემი წერილი _ "ის იქცეოდა ძალიან ცუდად..." ახლა აღარაფერს გავიმეორებ. ნინო თავად რუხაძემ დაახრჩო საკუთარი ხელით. წამებისას შემოაკვდა! ვერ გატეხეს მთის შვილი. მან არ გასცა ძმები!!!

ნოე ბერიშვილი _ იგი სოფელში უვლიდა ოჯახს და ცდილობდა, არ ჩარეულიყო პოლიტიკაში. ასეთი იყო და-ძმების სურვილიც, რომ ვიღაცა ერთი მაინც გადარჩენილიყო. ნოემ, სრულიად უდანაშაულომ, სამარყანდში გაატარა 10 წელი, დაბრუნებულმა ააღორძინა დაქცეული ოჯახი. სწორედ მისი სახლის კარი დაიკეტა ახლახან, რაზედაც ზემოთ მოგახსენებდით.

გერონტი ბერიშვილი _ აგრონომი იყო, სამეცნიერო მოღვაწეობას ეწეოდა და პოლიტიკაში არ ერეოდა, მაგრამ ვინ აპატიებდა ნოე რამიშვილის დისშვილობას?! მას 20 წელი ჰქონდა მისჯილი. მის მეუღლეს, გორელ გოგონას, ეთერ შუღლიაშვილს, თბილისის ბინიდან გამოგდებულს, გორშიც დაურბიეს სახლ-კარი, მამა და ძმა კი გადაუსახლეს. სურებს მოადგა ჩვილი ბავშვებით (ზურაბ და ნინო ბერიშვილები),  იქაც ავიწროებდნენ. ვერ შეძლო ფიზიკური შრომა სუსტმა გოგონამ და მენინგიტით გარდაიცვალა. დაკრძალეს სურებში, ეზოში. ბავშვები "პრიუტში" იზრდებოდნენ. ნინო 9-10 კლასებში ჩემი თანაკლასელი იყო. ერთად დავამთავრეთ შუა სურების საშუალო სკოლა.

მამია ბერიშვილი _ ოჯახის მეთორმეტე შვილი. მასზე ბევრი რამ არის ცნობილი. მხოლოდ იმას ვიტყვი, რომ მის უმძიმეს ბიოგრაფიას ასრულებს ქართველთა ასოციაციის თავმჯდომარეობა ლევილში, სადაც იგი გარდაიცვალა და არ შეუსრულდა ნატვრა, ქართულ მიწაში დამარხულიყო!

ამ ოჯახის სამი შვილი ადრევე გარდაიცვალა. ერთი ვაჟი (სავარაუდოდ, ვასილი რქმევია), 10-12 წლისა ტყეში დამარცხებულა, ორი გოგონა კი ადრეულ ასაკში ბატონებს მიურთმევია.

ახლა კი ოჯახის პირველ შვილს, მალაქიას მივუბრუნდეთ. მალაქია ძალიან ნიჭიერი ყოფილა და ახალგაზრდა ბიძას, ნოე რამიშვილს გაუწალდავს მისი გზა განათლების მისაღებად. მალე ჩვენ, ალბათ, შევძლებთ არქივიდან მოვიპოვოთ მასზე ცნობები, რის იმედსაც მაძლევს ბატონ იური სიხარულიძესთან ხანგრძლივი სატელეფონო საუბრები. დასაწყისში გაგაცანით მისი თხოვნა ნოე ბერიშვილისადმი. ბატონი იური ადასტურებს, რომ მიიღო ვრცელი პასუხი ამ თხოვნაზე, რომელიც დიდხანს ინახებოდა მის ოჯახში. ამ ბოლო ჟამს, მან სახელმწიფო არქივს ჩააბარა ეს ყველაფერი და ახლა საჭიროა მისი მოძებნა, რის საშუალებაც არსებობს.

ისევე, ბატონ იურის უნდა ვუმადლოდეთ ამ პიროვნების სახელის გაჟღერებას პირველად (და როგორც აღმოჩნდა, უკანასკნელად დღემდე), როცა გამოსცა წიგნი "ნოე რამიშვილი" (2009 წ. გვ. 74).

მალაქია და მისი ძმა შალვა ბერიშვილი იყვნენ თბილისის უნივერსიტეტის პირველი მიღების სტუდენტები სიბრძნისმეტყველების ფაკულტეტზე. 1921-ის თებერვალში, ივანე ჯავახიშვილის მოწოდებას (და არა დავალებას),  მიშველებოდნენ საქართველოს, ძმები უყოყმანოდ გაყვნენ და, ბუნებრივია, ბიძის, ნოე რამიშვილის გვერდით დადგნენ. შალვა რჩება ბიძასთან, მალაქია კი კოჯორთან უერთდება სტუდენტობას, სადაც დაიჭრა და ბათუმში გადმოიყვანეს. ბათუმში მომჯობინებული მალაქია აგრძელებს ბრძოლას, მაგრამ ტიფი დაემართა და გარდაიცვალა. რეპრესიები ჯერ კიდევ ვერ მძლავრობდა და ამ მიზეზით სურებლებმა შეძლეს მისი ოჯახში ასვენება. დაკრძალეს ზახტოურზე, ლომისკარელის ეკლესიის ეზოში, მამამისის დარგული ხის ძირში. შემდგომი მოვლენები ცნობილია. ბოლშევიკური რეპრესიები მძლავრად მოედო სურებს. დედა ღამით იპარებოდა სასაფლაოზე და უხმოდ დასტიროდა შვილს.

განადგურებული ოჯახიდან აღარავინ დარჩა მის საფლავზე მიმსვლელი. მისი ხსოვნა უხმოდ შეინახა სოფელმა. მოვიდა დრო და ოჯახის უმცროს შვილს, მამია ბერიშვილს, მიეცა უფლება სამშობლოში დაბრუნებისა. პირველად მან ძმის საფლავი მოინახულა და დაადასტურა, რომ მათი მამის მიერ დარგული ხის ქვეშ განისვენებს სამშობლოს თავისუფლებას შეწირული ვაჟკაცი, რომელიც 99 წელია გველოდება ჩვენ, ადამიანებს, დამოუკიდებელი ქვეყნის მცხოვრებთ.

გასულ ზაფხულს მისი სამუდამო საყუდარი მოინახულეს "გურია ნიუსის" რედაქტორმა გიორგი სიხარულიძემ, ჟურნალისტებმა. საქმის კურსში არიან ქალბატონი ია მამალაძე, ბატონი იური სიხარულიძე, შსს-ს არქივისა და რაიონის ხელმძღვანელობა და ვფიქრობ, გაკეთდება უპირველესად გასაკეთებელი საქმე და მალაქია ბერიშვილი მიიღებს იმ კუთვნილ პატივს, რომელსაც სამშობლოსთვის თავდადებული ადამიანები იმსახურებენ.

 რუსუდან ბერიშვილი




 ახალი ამბები
  • კობახიძე: ერთ მხარეს იყო აბსოლუტურად უსაგნო კრიტიკა, ხოლო მეორე მხარეს - საქმე და შედეგები"დავასრულეთ ბრძოლის პირველი ეტაპი და ამ ეტაპზე ერთ მხარეს იდგა ქართული საზოგადოება, ექიმები და საქართველოს ხელისუფლება, ხოლო მეორე მხარეს იდგა კორონავირუსი, ოპოზიცია და მათი ტელევიზიები, რომლებიც უპრეცენდენტო მასშტაბის სიცრუის ტირაჟირებას ახდენდნენ მთელი ამ პერიოდის განმავლობაში. ამ ბრძოლაში გაიმარჯვა ქართულმა საზოგადოებამ",- ამის შესახებ საქართველოს პარლამენტის წევრმა, ირაკლი კობახიძემ განაცხადა. დეპუტატმა ექიმებს, საერთაშორისო პარტნიორებს და კორონავირუსთან ბრძოლაში ჩართულ ყველა ადამიანს მადლობა გადაუხადა და განაცხადა, რომ კოვიდ 19-თან ბრძოლაში მიღწეული შედეგები მრავალი ადამიანის დამსახურებაა. მისივე თქმით, ერთადერთი სუბიექტი, რომელიც საერთო საზოგადოებრივი ერთიანობის მიღმა დარჩა, რადიკალური ოპოზიციაა. „სამწუხაროდ, ერთადერთი სუბიექტი, რომელიც დარჩა საერთო საზოგადოებრივი ერთიანობის მიღმა, იყო რადიკალური ოპოზიცია თავისი ფეიქ ტელევიზიებით. სამწუხაროდ, ეს იყო ერთადერთი სუბიექტი. ერთადერთი, რითიც მათ გამოიჩინეს თავი, ეს იყო სრულიად უსაგნო კრიტიკა და თქვენ გახსოვთ მთელი ამ პერიოდის განმავლობაში, აბსოლუტურად უსაგნო კრიტიკა ისეთ თემებზე, როგორიც არის შეზღუდვების დაწესება, მაგალითად, ისინი აკრიტიკებდნენ აბსოლუტურად ყველა შეზღუდვას, გახსოვთ, რომ ისინი ითხოვდნენ ეკლესიების წინააღმდეგ ძალის გამოყენებას, ერთადერთი, ის არ მოუთხოვიათ, რომ სატვირთო მანქანებით შევვარდნილიყავით ეკლესიებში. ეს არის მათი სულისკვეთება. ისინი მძიმედ აკრიტიკებდნენ ეროვნული წარმოების პირბადეებს და სხვა სამედიცინო საშუალებებს, ითხოვდნენ 4 მილიონი ადამიანის გატესტვას, რაზეც დღეს ყველას ეცინება, საქართველოს ყავდა ათი ათასობით ინფიცირებული მათი სტატისტიკის მიხედვით და ასე შემდეგ. ყველა დეტალს, ბუნებრივია, არ ჩამოვთვლით, მაგრამ ეს ყველაფერი მიანიშნებს იმ აბსოლუტურად მძიმე ბუნებაზე, რომლითაც ხასიათდება ჩვენი ოპოზიცია. განსაკუთრებით მძიმე იყო ის თავდასხმები, რომლითაც ოპოზიცია გამოირჩეოდა ექიმების და ეპიდემიოლოგების წინააღმდეგ. ეს არის უმძიმესი მოვლენა, რომელიც, დარწმუნებული ვარ, 200 სახელმწიფოდან არცერთისთვის არ იყო დამახასიათებელი ამ მძიმე პერიოდის განმავლობაში. ერთ მხარეს იყო აბსოლუტურად უსაგნო კრიტიკა, ხოლო მეორე მხარეს არის საქმე და შედეგები. დღეს უკვე გამოჯანმრთელებული ადამიანების რაოდენობა სამჯერ აღემატება აქტიური შემთხვევების რაოდენობას, რომელიც 166-მდე არის უკვე შემცირებული, ორთვენახევრის შემდეგ უკვე თითქმის სრულად იხსნება უკვე ეკონომიკა და ივლისში უკვე საერთაშორისო ტურიზმიც კი გაიხსნება. ეკონომიკას და ადამიანების სოციალურ მდგომარეობას მიადგა მინიმალური ზიანი, რაც შეიძლებოდა, მიყენებული ყოფილიყო ამ მძიმე ვითარების - პანდემიის პირობებში, განხორციელდა უპრეცენდენტო სახსრების მობილიზება საერთაშორისო პარტნიორებისგან, რაც არის მთავრობის და კონკრეტულად, ფინანსთა სამინისტროს განსაკუთრებული დამსახურება. შედეგად, მოქალაქეები და ეკონომიკური სუბიექტები მიიღებენ სამ მილიარდ ლარზე მეტი ოდენობის დახმარებას, რაც არის ძალიან რაციონალურად გაწერილი. საქართველო არის საერთაშორისო მასშტაბით აღიარებული ლიდერი კოვიდ-19-თან ბრძოლის თვალსაზრისით. ვიდრე ვისმენდით ოპოზიციის უსაგნო კრიტიკას ამ სამი თვის განმავლობაში, „ქართული ოცნების" წარმომადგენლებმა გაიღეს საკუთარი სახსრები კრიზისთან საბრძოლველად, შეგახსენებთ, რომ პარტიის თავმჯდომარემ გაიღო 100 მილიონი და ჩარიცხა კოვიდის ფონდში, დეპუტატებმა შეწირეს საკუთარი რამდენიმე თვის ხელფასის ერთი მესამედი კოვიდის ფონდს. აქაც თქვენ გახსოვთ, რომ ეს ასი მილიონიც კი გახადეს ქილიკის თუ კრიტიკის საგანი და ეჭვქვეშ დააყენეს ეს ყველაფერი იმ ფონზე, როდესაც მე გადავამოწმე და მხოლოდ ერთი დეპუტატია, თუ არ ვცდები, ამ „ნაციონალების" კლასტერიდან, რომელმაც კოვიდის ფონდში ჩარიცხა თანხა. კეთილი გენებათ და თქვენ გამოგეჩინათ საკუთარი პასუხისმგებლობა საზოგადოების წინაშე, მაგრამ მთელი ეს პერიოდი თქვენ იყავით დაკავებული საზოგადოებასთან ბრძოლით. დავასრულეთ ბრძოლის პირველი ეტაპი. ეს არის ბრძოლის პირველი ეტაპი. ამ ბრძოლის პირველ ეტაპზე ერთ მხარეს იდგა ქართული საზოგადოება, ექიმები და საქართველოს ხელისუფლება, ხოლო მეორე მხარეს იდგა კორონავირუსი, ოპოზიცია და მათი ტელევიზიები, რომლებიც უპრეცენდენტო მასშტაბის სიცრუის ტირაჟირებას ახდენდნენ მთელი ამ პერიოდის განმავლობაში. ამ ბრძოლაში, რა თქმა უნდა, გაიმარჯვა ბოროტზე კეთილმა, გაიმარჯვა ქართულმა საზოგადოებამ, გაიმარჯვა საქართველოს ხელისუფლებამ, გაიმარჯვა „ქართულმა ოცნებამ", რომელიც არა პოლიტიკური ქულების დაწერაზე, არამედ მთლიანად ქვეყანასა და საზოგადოებაზე ზრუნვაზე იყო კონცენტრირებული. განსაკუთრებული მადლობა ამ ბრძოლაში ეკუთვნის პრემიერმინისტრს, რომელიც დღეს წარდგა ანგარიშით. ეს იყო არა ანგარიში, არამედ ეს იყო მასტერკლასი, რომელიც ჩაგიტარათ თქვენ, გოიმური ოპოზიციის წარმომადგენლებს, პრემიერმინისტრმა. ეს იყო ჩვეული დამაჯერებელი გამოსვლა, რომლითაც კიდევ ერთხელ განიმარტა ის ნაბიჯები, რომლებმაც ამ ბრძოლაში მოგვიტანა ჩვენ დამაჯერებელი წარმატება",- განაცხადა ირაკლი კობახიძემ. პარლამენტის წევრმა პრემიერ-მინისტრს და სამთავრობო გუნდს შესრულებული სამუშაოსთვის მადლობა კიდევ ერთხელ გადაუხადა „ეს იყო მთელი გუნდის განსაკუთრებული დამსახურება, თუმცა, განსაკუთრებული მადლობა ეკუთვნის სამთავრობო გუნდის ლიდერს, გიორგი გახარიას რომლის კრიზისის მენეჯმენტის უნარები ყველამ თვალსაჩინოდ ვიხილეთ მთელი ამ სამი თვის განმავლობაში",- განაცხადა ირაკლი ... ...
  • პრემიერმა მასტერკლასი ჩაგიტარათ გოიმური ოპოზიციის წარმომადგენლებს- კობახიძე"ეს არ იყო ანგარიში, ეს იყო მასტერკლასი, რომელიც პრემიერმა  ჩაგიტარათ თქვენ, გოიმური ოპოზიციის წარმომადგენლებს",_ აღნიშნული განცხადება გააკეთა  "ქართული ოცნების" აღმასრულებელმა მდივანმა ირაკლი კობახიძემ პრემიერ-მინისტრ გიორგი გახარიას ანგარიშის შეფასებისას. ირაკლი კობახიძემ ასევე ხაზი გაუსვა სახელმწიფო სტრუქტურებისა და სამინისტროების ეფექტურ მუშაობას კრონავირუსის წინააღმდეგ ... ...
  • ტრანსპორტის გახსნის გადაწყვეტილება გახარიამ პოლიტიკური ქულების ჩასაწერად მიიღო- ბაქრაძე„გიორგი თარგამაძის ფორმულაში“ „ევროპული საქართველოს“ ლიდერი დავით ბაქრაძე, პრემიერ მინისტრის მიერ მიღებულ გადაწყვეტილებას ეხმიანება, რომლის მიხედვითაც 29 მაისიდან ყველა სახის საზოგადოებრივი ტრანსპორტის მუშაობა აღდგება. მისი განცხადებით, ეს გიორგი გახარიამ პოლიტიკური ქულების ჩასაწერად გააკეთა. მისივე განცხადებით, საზოგადოებრივი ტრანსპორტის მუშაობა რიგითი ადამიანების გადაადგილების ერთადერთი საშუალებაა და მუნიციპალური ტრანსპორტის გარეშე ვერანაირი ეკონომიკური გახსნა ვერ მოხდება. „დღევანდელი დღის მთავარ შედეგად ალბათ უნდა ჩაითვალოს ის განცხადება, რომელიც პრემიერმა პარლამენტში მოსვლამდე გააკეთა საზოგადოებრივი ტრანსპორტის გახსნის შესახებ. ამ თემაზე უკვე დიდი ხანია არსებობს საზოგადოებივი ზეწოლა და მოთხოვნა, რომ ტრანსპორტის გახსნის გარეშე ვერანაირი ეკონომიკური გახსნა ვერ მოხდება იმიტომ, რომ საზოგადოებრივი ტრანსპორტი ეს არის რიგითი ადამიანებისთვის გადაადგილების პრაქტიკულად ერთადერთი საშუალება. როგორც ჩანს პრემიერმა გადაწყვიტა, რომ სწორედ პარლამენტში მოსვლის წინ გაეხმოვანებინა ეს გადაწყვეტილება. ეს გახარიამ პოლიტიკური ქულების ჩასაწერად გააკეთა და იმისთვის, რომ კიდევ ერთი თავმოსაწონებელი განცხადება ჰქონოდა პარლამენტში, რაც თავისთავად ძალიან ცუდი ნიშანია, არა იმიტომ, რომ თავს იწონებს, თუ ეს შეძლო პარლამენტში მოსვლამდე ერთი საათით ადრე გაეკეთებინა, ეს ნიშნავს, რომ პოლიტიკური გადაწყვეტილება მიიღო და არა ექსპერტული, რომელიც ჯანდაცვის კუთხიდან იქნებოდა აუცილებელი“, - განაცხადა დავით ბაქრაძემ. წყარო: ... ...
  • ზაზა გაბუნია ოპოზიციას- თქვენ უნდა შეეშვათ თავისუფლებაზე და ჰუმანიზმზე საუბარს „ზოგიერთმა ოპოზიციონერმა რამდენიმე დიდი მწერლის ციტატა მოიყვანა თავის პოზიციის განმტკიცებისთვის, მაგრამ არაფერი ისე არ უხდება ოპოზიციის  დიდი ნაწილის დღევანდელ გამოსვლებს, როგორც თომას მანის სიტყვები „დოქტორ ფაუსტუსიდან", რომ „არსებობს ხალხი, ვისაც ხმა არ ამოეღება  თავისუფლებაზე  და ჰუმანურობაზე. ჰიგიენური თვალსაზრისით მათ თავის უნდა დაანებონ ამაზე ქაქანს". ეს არის მისი ციტატა და დიახ, თქვენ უნდა შეეშვათ თავისუფლებაზე და ჰუმანიზმზე საუბარს. ადამიანები, რომლებიც გუშინ ამბობდით, რომ არ გახსოვთ რა ჩაიდინეთ 2016 წლის 26 მაისს. უნდა შეეშვათ, რადგან ეს თქვენი პოლიტიკური ილეთები უკვე ყავლგასულია და არაფერზე აღარ მეტყველებს და აღარ საუბრობს",_ განაცხადა საპარლამენტო უმრავლესობის წევრმა, რეგიონული პოლიტიკისა და თვითმართველობის კომიტეტის თავმჯდომარემ ზაზა გაბუნიამ პლენარულ სხდომაზე, პრემიერ- მინისტრის მიერ ანგარიშის  წარდგენის შემდეგ, ოპოზიციის კრიტიკის საპასუხოდ. ზაზა გაბუნიას განცხადებით, ოპოზიციისგან ისმის პოპულისტური გამოსვლები და უსაგნო კრიტიკა. „რა ისმის ასეთ დროს თქვენგან? პოლიტიკური ენიგმა, დიადი და უპრეცედენტო შეთავაზებების სახით, რა თქმა უნდა, პოპულისტული, რომ ბევრი ფული უნდა იქნას გაცემული დახმარების სახით, მაგრამ არ ვიცით საიდან. ეს არის თქვენი პათოსი. რა ლოგიკაზეა საუბარი, როდესაც მთელი კვირაა ვანო მერაბიშვილის პოლიტიკურ მომავალზე მარჩიელობდით. მე არ ვიცი, არ მესმის ამ ხალხს, ოპოზიციის ამ ნაწილს რა ადეკვატურობაზე უნდა ველაპარაკოთ. ესაა სრულიად უსაგნო კრიტიკა და ეს ხდება სურათის გაბუნდოვანებისთვის და სოლიდური დისკუსიის შესაძლებლობის მოსპობისთვის, თორემ მაშინ ამგვარად არ უნდა წარემართა ოპოზიციას აქ დისკუსია და ასე არ უნდა ელაპარაკა, მათ შორის, ისეთ მნიშვნელოვან საკითზე, როგორიც არის ეკონომიკა. რადგან ისეთი ქვეყნებისთვის, რომლის მთლიანი შიდა პროდუქტის მოცულობას განაპირობებს ისეთივე ეკონომიკური საქმიანობა, როგორიც ეს საქართველოს შემთხვევაშია, რა თქმა უნდა, კოვიდ-19-მა მოახდინა თავისი გავლენა და არ თუ ჩვენი ეკონომიკის მსგავს ქვეყნებზე, შტატებშიც კი უმუშევრობამ 1930 წლის შემდეგ მიაღწია ყველაზე მაღალ 14 პროცენტიან ნიშნულს, ხოლო საერთაშორისო ექსპერტები ამბობენ, რომ ამ პანდემიას იქ ექნება ისეთივე გავლენა, როგორც ქონდა „დიდი დეპრესიის" დროს. და რას აკრიტიკებს ოპოზიცია არ მესმის ჩვენი გადაწყვეტილებების შემთხვევაში. იმდენად უსაგნო იყო კრიტიკა, რომ ვერ გავიგე რა იყო ის, რასაც გვთავაზობენ",_ განაცხადა გაბუნიამ. მისივე თქმით, სოციალური პოლიტიკის და ანტიკრიზისული პოლიტიკის არსებული მასშტაბი, მისასალმებელია და ამასთან ერთად, უნდა მოხდეს მისი ზრდა, რაზეც მთავრობას ექნება სამუშაო. ზაზა გაბუნიას შეფასებით, მთავრობის მიერ შესრულებული სამუშაო არის ეფექტური, სწრაფი, დროული და შესაძლებლობების მაქსიმუმი. „პროაქტიური და ეფექტური, პროგნოზირებადი, სწრაფი და დროული, შესაძლებლობების მაქსიმუმი. ეს ის სიტყვებია, რომელიც არის ასოციაციური შესრულებულ სამუშაოსთან მიმართებით და ვისაც სურს ეს სამუშაო დაინახოს, ის დაინახავს კიდეც, რადგან შესრულებული სამუშაო არის ჩვენს წინაშე",_ განაცხადა ზაზა ... ...
  • შსს-მ ბათუმში მომხდარი ხულიგნობის ფაქტის ამსახველი კადრები გაასაჯაროვამაღალი საზოგადოებრივი ინტერესიდან გამომდინარე, შინაგან საქმეთა სამინისტრო ასაჯაროებს კადრებს, სადაც ასახულია ხულიგნობის ფაქტი, რის საფუძველზეც, მიმდინარე წლის 7 მაისს, აჭარის პოლიციის დეპარტამენტის თანამშრომლებმა ბათუმში 2 პირი დააკავეს, ხოლო 4 პირს წარედგინა ბრალდება, საქართველოს სისხლის სამართლის კოდექსის 239-ე მუხლით. დაკავებულები ამ დროისთვის იმყოფებიან წინასწარ პატიმრობაში. დღეს, დაკავებულების ოჯახის წევრებმა და ახლობლებმა, ბრალდებულების გათავისუფლების მოთხოვნით, ბათუმში საპროტესტო აქცია გამართეს, რომლის მსვლელობისას შეეცადნენ ცენტრალური გზის გადაკეტვას. პოლიციის არაერთი კანონიერი მოთხოვნის მიუხედავად, აქციის მონაწილეებმა განაგრძეს საზოგადოებრივი წესრიგის დაარღვევა და ძალადობრივი მეთოდებით შეეცადნენ გზის გადაკეტვას. პოლიციის მიერ, ბათუმში მიმდინარე აქციის დროს, ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (წვრილმანი ხულიგნობა) მუხლებით გათვალისწინებული სამართალდარღვევებისთვის სულ დაკავებულია 30 ... ...

არქივი

ტესტები

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

რას ფიქრობთ სოფლის მეურნეობის დახმარების პროგრამაზე?