დამოუკიდებელი ექსპერტი: "თუ დაღუპულებს შინაგანი ორგანოები არ აღმოაჩნდებათ, კრიმინალი იქნება"

მთავარი თემა

დამოუკიდებელი ექსპერტი: "თუ დაღუპულებს შინაგანი ორგანოები არ აღმოაჩნდებათ, კრიმინალი იქნება"

2013 მაი 9 00:09:51

სალამ ზაურბეკოვის, ასლან მარგოშვილისა და ბაჰაუდინ ბაღაკაშვილის ცხედრები თბილისში გადაიტანეს და როგორც ვარაუდობენ, ექსპერტიზის დასკვნა დაახლოებით 3 დღეში იქნება მზად.

"ერთხელ მიწას მიბარებული მუსულმანის ამოთხრა ჩვენს რელიგიურ წესებს ეწინააღმდეგება, მაგრამ გამოძიების ინტერესებიდან გამომდინარე, ამ კომპრომისზე წავედით. ბოლოს და ბოლოს გვინდა გავიგოთ, რა ვითარებაში დაიღუპნენ ჩვენი შვილები. მართლა ისე მოხდა ყველაფერი, როგორც ამას ყოფილი ხელისუფლება გვიმტკიცებდა? შეიძლება სულაც საკუთარმა თანამებრძოლებმა ესროლეს ზურგიდან. იმედი მაქვს, რომ ექსპერტიზა ყველა კითხვას გასცემს პასუხს და საბოლოოდ გაირკვევა, ვინ იყვნენ ჩვენი შვილები _ ტერორისტები, მკვლელები თუ უბრალოდ მოტყუებუბული ახალგაზრდები, რომლებიც ღალატის მსხვერპლნი გახდნენ."_ უთხრა "გურია ნიუსს" ბაჰაუდინ ალდამოვის მამამ ასლუდინ ალდამოვმა.

დილიდან ვრცელდებოდა ინფორმაცია, რომ გვამების ექსჰუმაციასთან დაკავშირებით დუისელთა  ერთ ნაწილს განსხვავებული პოზიცია ჰქონდა, თუმცა საფლავების გახსნის პროცესმა ექსცესების გარეშე ჩაიარა.

ადგილობრივი იმამის მამამ ომარ ხანგოშვილმა "გურია ნიუსს" უთხრა, რომ პირადად არ ეთანხმება ერთხელ მიწას მიბარებული მუსულმანის ამოთხრის იდეას, მაგრამ პროტესტის გამოხატვას არ აპირებს.
"ჩემი შვილი რომ იყოს, რა თქმა უნდა, ამოთხრის ნებას არ მივცემდი, მაგრამ რა უფლება მაქვს მშობლებს მისი შვილის ამოთხრა დავუშალო. მათ ინტერესი აქვთ და უნდა გაარკვიონ რა მოხდა, რა ვითარებაში დაიღუპნენ ბიჭები, ამაში ხელს მათ ვერავინ შეუშლის".

რა შედეგს მოიტანს რვა თვის შემდეგ გვამების ექსჰუმაცია და გაეცემა თუ არა პასუხი ყველა იმ კითხვას, რაც დაღუპულთა ოჯახებს აინტერესებთ.

"გურია ნიუსმა" კომენტარისათვის დამოუკიდებელ სამედიცინო ექსპერტს ალექსანდრე გეჯაძეს მიმართა.

_ დაკრძალვიდან 8 თვე გავიდა. რა პერსპექტივა შეიძლება ჰქონდეს ექსპერტიზას?


_ წინასწარ შედეგებზე საუბარი რთულია, ყველაფერს მნიშვნელობა აქვს: ნიადაგს, სადაც ეს გვამები იყო დაკრძალული, მის სინესტეს. ყოფილა შემთხვევები, როდესაც 6-8 თვის მიცვალებული კარგად ყოფილა შენახული. ამ შემთხვევაში, თუ ცეცხლსასროლ ჭრილობებზეა საუბარი, თავის ქალასა და ძვლებზე ცალსახად შეიძლება განისაზღვროს, თუ რომელია ტყვიის შესავალი ხვრელი და რომელია გამოსავალი. ასევე ცალსახად შეიძლება საუბარი ტყვიის მიმართულებაზე. შეიძლება პრობლემა გახდეს სროლის მანძილის დადგენა, რადგან ის დგინდება იმ შემთხვევაში, თუ კანზე მკაფიოდ არ არის განვითარებული ლპობის პროცესი. ასევე ძალიან მნიშვნელოვანი იქნება იმ ტანსაცმლის კვლევა, რომელიც ადამიანს ჭრილობების მიყენების დროს ეცვა.

_ დაღუპულების ახლობლები შიშობენ, რომ შესაძლოა რბილი ქსოვილები შორსწასული ლპობის გამო არ იძლეოდეს არანაირ ინფორმაციას, იმასაც ამბობენ,რომ შესაძლოა გვამებს შინაგანი ორგანოები პირველი ექსპერტიზის დროს ამოაცალეს.

_ წესით და კანონით, გვამის გამოკვლევის შემდეგ, შინაგანი ორგანოები ბრუნდება ისევ გვამში. თუ ამ შემთხვევაში ექსპერტმა შინაგანი ორგანოები ვერ აღმოაჩინა, ეს იმას ნიშნავს, რომ ადგილი ჰქონდა კრიმინალს. გვამების ექსჰუმაციას თუნდაც ამ ფაქტის დასადგენად აქვს მნიშვნელობა.

_ გავრცელებული ინფორმაციით გვამების გამოკვლევის პირველი შედეგები დაკარგულია, რაც მათი ამოთხრის მიზეზად სახელდება.

_ საერთოდ, საექსპერტო პრაქტიკაში მიღებულია, რომ ექსპერტიზა იბეჭდება ორ ეგზემპლარად, ერთი მიაქვს დამკვეთს _ საგამოძიებო ორგანოს თუ სხვა ნებისმიერ დამკვეთს, მეორე პირი რჩება საექსპერტო დაწესებულებაში .თუ ორივე დასკვნა დაკარგულია, მაშინ კრიმინალს ჰქონია ადგილი.

_ შეუძლია თუ არა ექსპერტიზას დაადგინოს რა ვითარებაში მოხდა ადამიანის მოკვლა. დაღუპულების ოჯახები ფიქრობენ, რომ ახალგაზრდები ძილის დროს ზურგიდან მიპარვით ჩახოცეს.

_ ძილის დროს მოხდა ეს თუ საბრძოლო გადაადგილების დროს, ამის გარკვევა რთული საქმე იქნება. ფაქტობრივად, ამას ექსპერტი ვერ დაადგენს, ეს გამოძიების გასარკვევია. მაგრამ ექსპერტს შეუძლია თქვას, რა დაზიანება იყო, სად იყო ის განლაგებული და ეს იმ შემთხვევაში, თუ რბილი ქსოვილები და განსაკუთრებით კანი არ არის ისეთი ლპობის პროცესში ,რომ რაიმეს გარჩევა შეუძლებელი იყოს.

საერთოდ ყურადსაღებია გარემოება: ეს გვამები ადრე გაკვეთილი იყო თუ არა. ამბობენ, რომ დასკვნა დაწერილია, მაგრამ არავის უნახავს არც დასკვნა და არც გაკვეთილი გვამი. საექსპერტო ბიურო რამდენადაც  ვიცი, კომენტარს არ აკეთებს, ეს არის სახელმწიფო საექსპერტო დაწესებულება და უნდა თქვას, გვამები იყო თუ არა გაკვეთილი და შესაბამისად ინახება თუ არა მათთან დასკვნა. მათი მხრიდან დუმილი მეტ ეჭვს აჩენს.

"გურია ნიუსის" ინფორმაციით დანარჩენ ოთხ საფლავს შინაგან საქმეთა სამინისტრო ეტაპობრივად გახსნის. როდის გახდება ან გახდება თუ არა საჯარო ექსპერტიზის დასკვნები, ძნელი სათქმელია. საქმეს "გრიფით საიდუმლო" ადევს.

დღესვე სახალხო დამცველმა ალტერნატიული ექსერტიზის ჩატარების აუცილებლობაზე იმსჯელა, რომელშიც დამოუკიდებელი ექსპერტები მიიღებენ მონაწილეობას.




 ახალი ამბები
  • საფრთხის მიუხედავად, მოქალაქეების ნაწილი აკრძალვებს არ ემორჩილება სოფელ ქვემო ბოლნისში გადაადგილება რამდენიმე საათის წინ სრულად შეჩერდა. ეს ადგილი ქვეყანაში ახლა ყველაზე მკაცრი საკარანტინო ზონაა. მაღალი ეპიდემიოლოგიური საფრთხის გამო, სოფელში შესვლა მხოლოდ ძალოვანი და ჯანდაცვის სამინისტროს თანამშრომლებს შეუძლიათ. კონტროლის გამკაცრების გადაწყვეტილება მას შემდეგ მიიღეს, რაც ადგილობრივების და მარნეულში დაინფიცირებული ქალის კონტაქტები დადასტურდა. საყოველთაო კარანტინის ფარგლებში, ქვემო ქართლში, ამ დროისთვის, 16 ბლოკ-პოსტია განთავსებული. მუნიციპალიტეტის ტერიტორიაზე გადაადგილება მკაცრი შემოწმების შედეგად ხდება. სპეციალისტები ამოწმებენ ყველა მოქალაქეს, რომლიც მუნიციპალიტეტში შედის. კონტროლი გამკაცრებულია საღამოს 9 საათიდან დილის 6 საათამდეც, მაშინ, როდესაც ქვეყანაში კომენდანტის საათი იწყება. დადგენილი შეზღუდვების და ვირუსის გავრცელების საფრთხის მიუხედავად, მოქალაქეები რეგულაციებს მაინც არ ემორჩილებიან. საყოველთაო კარანტინის გამოცხადების მიუხედავად, დღეს დილიდან ოზურგეთის ცენტრში ხალხმრავლობა იყო. სოციალური დისტანციის დაცვის აუცილებლობას ვერ ხედავენ გურიის აგრარულ ბაზარში, ათეულობით ადამიანი დგას ბანკების, სასურსათო მაღაზიების და აფთიაქების წინ. ადგილზე იმყოფებიან მოხალისეთა ჯგუფები, ისინი, ვინც ადამიანებს დისტანციის დაცვას სთხოვენ. თუმცა აცხადებენ, რომ მათი მოწოდება არასაკმარისია და ადგილზე ძალოვანი უწყების წარმომადგენლების მისვლის და კონტროლის ზომების გამკაცრების აუცილებლობაზე საუბრობენ. როგორც „რუსთავი 2“-თან საუბრისას, მოხალისე ტიტე ბაქანიძე ამბობს: „გვიჭირს არ გვიჯერებენ. ხშირ შემთხვევაში ცოტა უთანხმოებებიც მოგვდის. ძალიან ძნელია. რატომ არ ვიცი. ვერ გეტყვით.“ ოზურგეთის მუნიციპალიტეტის მერის მოადგილე, ირაკლი სირაძე კი აღნიშნავს, რომ „გავაძლიერეთ მოხალისეთა ჯგუფები ბაზარში. ხშირ შეთხვევაში ამან გაამართლა და გატვირთვა მოხდა, მაგრამ ხშირ შემთხვევაში იწვევს ადამიანების უკმაყოფილებას“. საგანგებო რეჟიმის რეგულაციების დარღვევაზე დღეს განცხადება შინაგან საქმეთა მინისტრმაც გააკეთა. გომელაური დღეს ერგნეთში საოკუპაციო ხაზთან და გორის რაიონში იმ დროებით ბლოკ-პოსტებზე იმყოფებოდა, სადაც მოქალაქეებს თერმოსკრინინგი უტარდებათ. ძალოვანი უწყების პირველი პირი აცხადებს, რომ კომენდანტის საათის დარღვევისთვის ქვეყნის მასშტაბით 17 მოქალაქე დაჯარიმდა. მოქალაქეებს რეგულაციების წესის დაცვისკენ მოუწოდებენ აჭარასა და კახეთის რეგიონშიც, სადაც დილიდან ქუჩაში ხალხმრავლობაა, თუმცა ე.წ კომენდანტის საათის დარღვევის ფაქტი ადგილობრივი ხელისუფლების განმარტებით არ გამოვლენილა. მუშაობს ცხელი ხაზიც, სადაც ხანდაზმულებს საჭიროების შემთხვევაში საკვებით მუნიციპალიტეტი მოამარაგებს. ორივე რეგიონში მუშაობს დროებითი ბლოკპოსტები, სადაც მოქალაქეებს სპეციალური შემოწმება უტარდებათ. საგანგებო მდგომარეობა ქვეყანაში 21 აპრილამდე მოქმედებს. სამედიცინო პერსონალთან ერთად, დროებით ბლოკ-პოსტებზე იმყოფებიან ძალოვანი უწყების დანაყოფები და სამხედრო ექიმებიც. წყარო: ... ...
  • „გთხოვთ, მიიღოთ შემდეგი რჩევა"_ ილია მეორესაქართველოს კათოლიკოს-პატრიარქი ილია მეორე მრევლისადმი საგანგებო მიმართვას ავრცელებს: „ნებისმიერი ადამიანი განსაცდელის ჟამს ეძიებს ხსნას და ნუგეშს. დღეს, როცა მსოფლიოში გავრცელებული ახალი ინფექცია საფრთხეს უქმნის მოსახლეობის სიცოცხლეს, ბუნებრივია, მრევლი განსაკუთრებულ სასოებას ღმერთზე ამყარებს და მიილტვის ტაძრისკენ. მორწმუნეთათვის სულიერი საზრდო ისეთივე მნიშვნელოვანი და აუცილებელია, როგორც ხორციელი საკვები; ამიტომ ტაძრის კარის დახურვა შეუძლებელია და იგი ღია იქნება მათთვის, ვინც ეკლესიაში მისვლას მოისურვებს, რათა მიიღოს მადლი ღვთისა და სულიერად განმტკიცდეს. სასულიერო პირთათვის ღვთისმსახურების აღსრულება სამღვდელო მოვალეობის განუყოფელი ნაწილია და მას უდიდესი მნიშვნელობა აქვს მთელი ერისთვის. შექმნილი მდგომარეობიდან გამომდინარე, მინდა მოგმართოთ, ჩვენო სულიერო შვილებო, და გთხოვოთ, მიიღოთ შემდეგი რჩევა: – ვიდრე განსაცდელი გაივლის, შეასრულეთ სათანადო მითითებები: – ადამიანებთან ურთიერთობისას, მათ შორის, ტაძარში და ტაძრის ეზოში ყოფნისას, დაიცავით დადგენილი დისტანცია; – საღმრთო ლიტურგიის (და სხვა საზოგადო მსახურებათა) შესრულებისას ეკლესიაში დარჩნენ სასულიერო პირები, მგალობლები და სტიქაროსნები, ხოლო დიდ საკათედრო ტაძრებში – შეზღუდული რაოდენობით მრევლიც; – საერთოდ, რეკომენდებულია, მრევლი იყოს ეკლესიის ეზოში, ანუ ღია სივრცეში და ასე მიიღოს ლოცვითი მონაწილეობა წმიდა მსახურებაში; – მცირე ზომის ტაძრებში დასაშვებია ასევე, წირვა-ლოცვა აღსრულდეს ღია ცის ქვეშ დროებით მოწყობილ ტრაპეზზე; – სასულიერო პირებსა და ტაძრის მსახურთ, კონკრეტული ვითარების გათვალისწინებით, მიეცემათ დამატებითი რჩევები; – მორწმუნეთა ის ნაწილი, რომელიც ასაკის ან უძლურების გამო რისკის ჯგუფს მიეკუთვნება, აგრეთვე ისინი, ვინც განსაკუთრებულ სიფრთხილეს იჩენენ ვირუსით დასნებოვნების გამო, დარჩნენ სახლში. სურვილის ან გადაუდებელი აუცილებლობის შემთხვევაში მათ თავისი მოძღვარი ადგილზე ჩაუტარებს საჭირო მსახურებას და ლოცვით კანონსაც განუსაზღვრავს. ყოვლადწმინდა სამება, ყოვლადწმინდა ღვთისმშობელი და წმინდათა დასი შეეწიოს ჩვენს ქვეყანას და მსოფლიოს, განსაცდელში მყოფ თითოეულ ადამიანს. ილოცეთ და გაძლიერდით! „უფალმან ძალი ერსა თვისსა მოსცეს, უფალმან აკურთხოს ერი თვისი მშვიდობით“,- აღნიშნულია პატრიარქის ... ...
  • პირველი ახალშობილი კომენდანტის საათებში შემოქმედელ ოჯახს შეეძინა იოვანე ჩხარტიშვილი პირველი ახალშობილია, რომელიც კომენდანტის საათის პირობებში დაიბადა. 31 მარტს, როცა მთელი საქართველოს მასშტაბით კომენდანტის საათი ახალი ამოქმედებული იყო, პატრულმა ოზურგეთიდან ბათუმის მიმართულებით მოძრავი RAV4-ის მარკის ავტომობილი გააჩერა. გაირკვა, რომ მძღოლს ზურაბ ჩხარტიშვილს ფეხმძიმე მეუღლე ბათუმის სამედიცინო ცენტრში სამშობიაროდ მიჰყავდა. შინაგან საქმეთა სამინისტროს საპატრულო პოლიციის დეპარტამენტის აჭარის მთავარი სამმართველოს უფროსმა უზრუნველყო, რომ ავტომობილი დაუბრკოლებლად და დროულად მისულიყო სამშობიარომდე. ქალის მდგომარეობიდან გამომდინარე, საჭირო იყო დროის მოგება… ფეხმძიმე ქალბატონმა კლინიკაში მიყვანიდან მალევე იმშობიარა. 31-ში გვიან ღამით კომენდანტის პირველივე საათებში აჭარაში პირველი ბიჭი – იოვანე ჩხარტიშვილი დაიბადა. იოვანეს სახლში, სოფელ შემოქმედში უფროსი და, 2 წლის მარიამი ელოდება. ზურაბ ჩხარტიშვილს სამშობიაროს ეზოში აჭარის საპატრულოს თანამშრომლები გულშემატკივრობდნენ და მამამ პირველი მილოცვებიც მათგან მიიღო. ... ...
  • Euronews-მა გიგი წერეთლის სტატია გამოაქვეყნაEuronews-ი ეუთო-ს საპარლამენტო ასამბლეის პრეზიდენტის, საქართველოს პარლამენტის წევრის, გიგი წერეთლის სტატიას აქვეყნებს, რომელიც, კორონავირუსის პანდემიასთან დაკავშირებული საერთაშორისო რეაგირების, პოლიტიკურ ინტიტუტების თანამშრომლობის და პარლამენტების აქტიური ფუნქციონირების საკითხებს ეხება. „კორონავირუსით გამოწვეული  კრიზისის დროს, ცხადი გახდა, რომ საზოგადოების მხრიდან თანამშრომლობის დონე   მთავრობებისა და ექსპერტების რეკომენდაციების გასათვალისწინებლად, მჭიდრო კავშირშია  დემოკრატიული ინსტიტუტების ნდობასთან. იმისათვის, რომ ამ ინსტიტუტების მიმართ ნდობა გაძლიერდეს, აღმასრულებელ და საკანონმდებლო შტოებს  სჭირდებათ უპრეცედენტო თანამშრომლობა,    ხშირად, პოლიტიკური განსხვავებების  გვერდზე გადადებით. მიუხედავად იმისა, რომ  მთავრობებს აქვთ წამყვანი როლი საზოგადოებრივი ჯანმრთელობის მხრივ  რეაგირებაზე და  უმეტეს შემთხვევაში იმოქმედეს გადამწყვეტად და ეფექტურად,   უნდა არსებობდეს მჭიდრო კოორდინაცია პარლამენტებთან, და ისინიც, შესაბამისად, ფუნქციონალურნი  უნდა იყვნენ ამ კრიზისულ  პერიოდში. პარლამენტები რჩებიან ერთერთ  მთავარ ინსტიტუტად, რომლებიც ამ პერიოდის განმავლობაში ნორმალიზაციის გარემოს ქმნიან.  ისინი უზრუნველყოფენ ზედამხედველობას , რომ  საგანგებო ღონისძიებები სწორად არის განხორციელებული, რომ მოსახლეობის  ეკონომიკური დახმარებისთვის ფინანსები გაიცემა  საჭიროებისამებრ, რომ თავისუფლების შეზღუდვა პროპორციულია და დროებითი,  რომ დაცული იყოს უსაფრთხოება და სტაბილურობა. ამ სამუშაოს შეჩერება შეუძლებელია."-აცხადებს გიგი წერეთელი. „დღეს, მთავარ რისკებს სამედიცინო პერსონალი იღებს და ყველაფერი უნდა გაკეთდეს მათ დასაცავად, ასევე პოლიცია და სამხედროები, სასურსათო მაღაზიების,მომუშავე საწარმოების, მიწოდების ქსელების თანამშრომლები, ყველა ვინც სასიცოცხლო ფუნქციებს ასრულებს. ეუთო-ს საპარლამენტო ასამბლეა მხარს უჭერს ყველა საერთაშორისო ორგანიზაციას და ინსტიტუტს, რომლებიც ერთად მუშაობენ.  ახლა ერთიანობის დროა და არა პოლიტიკური ან ინსტიტუციური დაყოფის. ეუთოს საპარლამენტო ასამბლეის ლიდერები რეგულარულად აწყობენ ონლაინ ფორუმებს, რათა დაეხმარონ კრიზისზე საერთაშორისო რეაგირებას,  სოლიდარობისა და პასუხისმგებლობის გაზიარებას, რომ ექიმები და სამედიცინო აღჭურვილობა განთავსდეს იქ, სადაც ყველაზე მეტად სჭირდებათ,  რომ მიგრანტებმა და კონფლიქტში ზონებში მყოფმა ადამიანებმა მიიღონ  საჭირო დახმარება. ჩვენ ასევე უნდა ვებრძოლოთ დეზინფორმაციას, ხელი შევუწყოთ საკვებსა და წყლის უსაფრთხოებას და ადამიანის უფლებების დაცვას. რეაგირების ციმისათვის, რომ ეს  პასუხი იყოს ყოვლისმომცველი და ლეგიტიმური, პარლამენტარებმა უნდა ბრძოლის წინა ხაზზე  და შეასრულონ თავიანთი მთავარი ვალდებულება-ემსახურონ ხალხს!" - ნათქვამია ... ...
  • ქვემო ბოლნისში დამატებითი საკონტროლო გამშვები პუნქტები მოეწყო საქართველოს მთავრობის მიერ საგანგებო მდგომარეობის ფარგლებში ზომების მნიშვნელოვანი გამკაცრების შესახებ მიღებული გადაწყვეტილების მოთხოვნების აღსრულების მიზნით, ქვემო ბოლნისში დამატებითი საკონტროლო გამშვები პუნქტები მოეწყო. პირთა გადაადგილების კონტროლისა და მოქალაქეთა ჯანმრთელობის მდგომარეობის შემოწმების მიზნით, ადგილზე შინაგან საქმეთა სამინისტროს 24 საათიან რეჟიმში შეზღუდვების კონტროლს განახორციელებენ. პოლიცია ქალაქების ადმინისტრაციულ საზღვრებზე პირთა გადაადგილებას და საგანგებო მდგომარეობის გამკაცრებული პირობების შესრულებას უზრუნველყოფენ. ადგილობრივ მოსახლეობას შინაგან საქმეთა სამინისტროს თანამშრომლები რეგულარულად, განუმარტავენ საკარანტინო შეზღუდვებს და საჭიროების შემთხვევაში მაქსიმალურად დაეხმარებიან. საქართველოს ტერიტორიაზე მყოფი ყველა პირი ვალდებულია, დაემორჩილოს საზოგადოებრივი ჯანმრთელობის სფეროში მოქმედ საქართველოს კანონმდებლობის მოთხოვნებს. საგანგებო მდგომარეობის ფარგლებში მიღებული გადაწყვეტილების მოთხოვნების აღსრულების მიზნით, თბილისის, ბათუმის, ქუთაისის, რუსთავის, ზუგდიდის, ფოთის, გორის, თელავის და ახალციხის შესასვლელებში საკონტროლო გამშვები პუნქტები უკვე ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...