გიხაროდენ _ კაბინეტებში ანგელოზები სხედან!

მთავარი თემა

გიხაროდენ _ კაბინეტებში ანგელოზები სხედან!

17 აპრ. 2011, 23:48:42
რამიშვილმა შეკითხვა მხოლოდ ნაციონალ დეპუტატებს დაუსვა და იგი ასე ჟღერდა: "რა ნაკლი აქვს მიხეილ სააკაშვილს?"

როგორც მოსალოდნელი იყო, დეპუტატთა უმეტესობამ მესიანური პათოსით განაცხადა, რომ საქართველოს აბსოლუტურად უნაკლო პრეზიდენტი ჰყავს. მათ შორის იყო ჩოხატაურის მაჟორიტარი დეპუტატი კორნელი კუკულავაც: _ რა ნაკლი, რის ნაკლი?! რა თქმა უნდა, უნაკლო პრეზიდენტი გვყავს!!! _ ასეთი იყო ჩოხატაურელთა რჩეულის პასუხი.

საზოგადოება, როგორც ჩანს, სტერეოტიპებს ამსხვრევს _ აქამდე, უნაკლო და უზადო მორწმუნეთათვის მხოლოდ ღმერთი იყო ზეცაში; თუმცა, აღმოჩნდა, რომ ასე ბევრი აღარ ფიქრობს _ როგორც გავარკვიეთ, გურიასაც უნაკლო ხელისუფლება ჰყავს და კაბინეტებში ნამდვილი ანგელოზები სხედან!

ლევან ჩხიკვაძე, ჩოხატაურის მუნიციპალიტეტის გამგეობის ეკონომიკის სამსახურის უფროსი: _ ჩვენი გამგებელი უნაკლოა. ყოველ შემთხვევაში, ნაკლი მე ვერ აღმოვუჩინე.

დოდო მამალაძე, ჩოხატაურის მუნიციპალიტეტის კულტურის სამსახურის უფროსი: _ საერთოდ არ მიყვარს ადამიანის ნაკლზე საუბარი, თუმცა არც მგონია გიას რაიმე ნაკლი ჰქონდეს.

დავით ჯინჭარაძე, ჩოხატაურის გამგეობის საორგანიზაციო სამსახურის უფროსი: _ აქვს თუ არა ნაკლი გიორგაძეს, ვერ გეტყვით, რადგან ამაზე არასოდეს მიფიქრია.

გია გიორგაძის უნაკლობა სოფლის რწმუნებულებმაც დაგვიდასტურეს. გამგებლის თუნდაც ერთ, პაწია ნაკლს ვერც მისი მოადგილე დიმიტრი კორიფაძე ასახელებს.

საკრებულოს თავმჯდომარის, ანტონ ხუნდაძის ნაკლის დასახელება იურისტმა ედიშერ ჯიბუტმა კატეგორიულად იუარა: _ რას მერჩით, რა გინდათ, მაინცდამაინც ჩემგან გინდათ გაიგოთ?! არ ვიცი მე არავის ნაკლი!

ამ უწყინარმა შეკითხვამ საჯარო სამსახურებში მომუშავე ადამიანები ისე შეაშინა, რომ ბევრი კაბინეტშიც კი ჩაიკეტა.

ეთიკისა და საპროცედურო საკითხთა კომისიის თავმჯდომარემ, თამაზ ურიდიამ განგვიმარტა, რომ ხუნდაძე "ნამდვილად უნაკლოა". ხელმძღვანელის ნაკლის შესახებ საუბარი არც ერეკლე მრელაშვილმა და ზაზა ბასილიამ ისურვეს.

სოციალურ საკითხთა კომისიის თავმჯდომარემ, ზაურ ოსეფაიშვილმა გვითხრა, რომ ხუნდაძეს მხოლოდ ერთი ნაკლი აქვს: _ სუფრაზე, როცა თამადობს, ანტონი ბევრს ლაპარაკობს, _ აღნიშნა ოსეფაიშვილმა.

არც საკუთარ და არც სხვის ნაკლზე არ უსაუბრია თავად ხუნდაძეს. კითხვაზე, რა ნაკლი აქვს გურიის გუბერნატორს, გვიპასუხა: "ჩვენ ძალიან კარგი გუბერნატორი გვყავს, რომელსაც ნაკლს ვერ მოუძებნი!"

ჩოხატაურის გამგებლის გია გიორგაძის თქმით, გუბერნატორის ნაკლი "მისი ლმობიერებაა".

ჩოხატაურის მსგავსად, ვერც ოზურგეთის მუნიციპალიტეტის გამგეობაში ვიპოვეთ ისეთი ადამიანი, რომელიც ოზურგეთის გამგებლის, გია ტაკიძის ნაკლის შესახებ გვეტყოდა რამეს. გამგებლის მოადგილემ, მიხეილ გოგოტიშვილმა თანამშრომლების მოსაზრება, ტაკიძის უნაკლობის შესახებ დაგვიდასტურა.

_ გიას არანაირი ნაკლი არ აქვს, ჩვენ ხელში გაზრდილი ბიჭია, _ გვითხრა ოზურგეთის გამგეობის სტაჟიანმა თანამშრომელმა, მზევინარ სალუქვაძემ.

_ ქალბატონო მზევინარ, ყველა გამგებელი, რომელიც თქვენი აქ მუშაობის მანძილზე მოვიდა და წავიდა, ტაკიძის მსგავსად უნაკლო იყო?

_ წასულებზე ვერაფერს გეტყვით. მათი აქ მუშაობისას რომ გეკითხათ, გიპასუხებდით.

_ ახლა გვითხარით, თუნდაც ტაკიძის წინამორბედის _ ავთო მექვაბიშვილს ნაკლი რა იყო?

_ არ ვიცი ავთოს ნაკლის შესახებ, _ აღნიშნა სალუქვაძემ.

სხვა ჩინოვნიკებისგან განსხვავებით, საკუთარ თავზე საკმაოდ გულახდილად ისაუბრა გია ტაკიძემ:

_ მე ძალიან ბევრი ნაკლი მაქვს _ უნაკლო ადამიანი ქვეყნად არ არსებობს. უყურადღებო ვარ და ამის გამო, საკუთარ თავს ხშირად ვსაყვედურობ. ბევრჯერ ყოფილა შემთხვევა, როდესაც ბევრი საქმის და გადატვირთული რეჟიმის გამო, ვიღაც უყურადღებოდ დამიტოვებია და ეს შემდეგ ძალიან, ძალიან მაწუხებს...

თუმცა, თვითკრიტიკულმა ოზურგეთის გამგებელმა გუბერნატორის ნაკლზე საუბარი არ ისურვა: _ ძალიან გთხოვთ, სხვის ნაკლზე საუბარს ნუ მომთხოვთ, _ გვითხრა ტაკიძემ.

ოზურგეთის მუნიციპალიტეტის საკრებულოს მმართველი ფრაქციის თავმჯდომარის თეიმურაზ მოქიას თქმით, ოზურგეთს უნაკლო საკრებულოს თავმჯდომარე ჰყავს. მოქიას, ლეგალიზაციის კომისიის თავმჯდომარე პეტრე სალუქვაძეც დაეთანხმა.

_ მე და ალეკო ბავშვობის მეგობრები ვართ და თამამად შემიძლია გითხრათ, რომ ნამდვილად უნაკლოა, _ გვითხრა საკრებულოს აპარატის უფროსმა, პაატა ბურჭულაძემ.

ოზურგეთის საკრებულოს თავმჯდომარემ, "უნაკლო" ალეკო მამეშვილმა ჩვენი მიღება პრესსამსახურის წარმომადგენლის გარეშე არ ისურვა, ის კი ადგილზე არ აღმოჩნდა. მიუხედავად იმისა, რომ საკრებულოს საზოგადოებასთან ურთიერთობის სამსახურში ორი ადამიანი დაგვხვდა, არავის აღმოაჩნდა იმის კომპეტენცია, საკრებულოს თავმჯდომარესთან ჩვენი "აუდიენცია" უზრუნველეყო. მაგრამ ჩვენ მაინც მოვახერხეთ მამეშვილის ნახვა და ჩაწერა საკრებულოს აპარატის უფროსის, პაატა ბურჭულაძის კაბინეტში. ოზურგეთის საკრებულოს თავმჯდომარეს გუბერნატორის ნაკლის დასახელება ვთხოვეთ:

_ ასეთ დროს პირველად მთხოვეს კომენტარი და არ ვიცი რა გიპასუხოთ...(?!) ახლა სამუშაო საათები დამთავრებულია და...(?!)

_ ბატონო ალეკო, უფროსის ნაკლის დასახელება მხოლოდ სამუშაო საათებშია ნებადართული?! თან, ექვსს მხოლოდ ოთხი წუთი გადასცდა...

_ ხო, მაგრამ...

_ აბა, სამუშაო საათებში პრესსამსახურის გარეშე არ მიგვიღეთ!

_ ასეთია ბრძანება (ნეტავ, რომელი "უნაკლო" უფროსის ბრძანებაა?! ავტ.)...

_ ბატონო ალეკო, თქვენს, როგორც ხელმძღვანელის ნაკლზე ხომ არ მეტყველებს ამასწინანდელი ფაქტი _ როგორც კი საზღვარგარეთ წახვედით, თქვენი თანამშრომლები სამუშაო საათებში რესტორანში, რბილად რომ ვთქვათ, შეზარხოშდნენ?

_ მართლა არ მინდა ამაზე საუბარი და ამაზე მე რეაგირება მოვახდინე.

_ არც ის გინდათ გვითხრათ, რა ნაკლი აქვს ვალერი ჩიტაიშვილს?

_ ჩიტაიშვილს ნაკლი არ აქვს!

_ როგორ, მთლად უნაკლოა?!!

_ კი, ნამდვილად უნაკლოა!

გურიის გუბერნატორს, ვალერი ჩიტაიშვილს ვთხოვეთ, რეგიონული მართვის მინისტრის რამაზ ნიკოლაიშვილის ნაკლის შესახებ ესაუბრა:

_ ეს რა შეკითხვაა?!! მე მირჩევნია თქვენ ნაკლზე ვისაუბრო, _ "დაბალი ღობე" იპოვა ჩიტაიშვილმა.

_ თქვენი ხელმძღვანელი რომ არ ვარ?! თუმცა, მაინც ძალიან საიტერესოა, თქვით და აუცილებლად დავბეჭდავთ.

_ ამაზე როცა მოვიცლი, მაშინ გესაუბრებით, _ გვითხრა ქვეშევრდომებისგან ანგელოზივით უნაკლოდ შერაცხულმა გუბერნატორმა და ტელეფონი ნაკლით დახუნძლული ჩინოვნიკივით გაგვითიშა.

როცა ამ გამოკითხვას ვამზადებდი, რამდენიმე რესპონდენტმა კითხვა უკან დამიბრუნა: _ შენი ხელმძღვანელის ნაკლზე რომ გკითხონ, რა, უპასუხებო?! კი, ვუპასუხებ და თანაც, დარწმუნებული ვარ, ამის გამო, სამსახურიდან არავინ გამაგდებს: მას, როგორც ყველა ადამიანს, აქვს ნაკლი _ მიუხედავად იმისა, რომ მშვიდი და დამყოლი ნატურა ჩანს, საკმაოდ ფიცხია და გაბრაზებულს თავშეკავება უჭირს; თუ მისი ყვირილი ისმის, აუცილებლად ჯობია დაიმალო _ ყველამ ვიცით, რომ ეს სულ ცოტა ხანს გასტანს. ზედმეტი მოთმინებაც მისი ნაკლია _ უჭირს უმაქნისი ან არაკვალიფიციური თანამშრომლის მიმართ გადამჭრელი ზომების მიღება; ეს კი საქმეს ვნებს ან აფერხებს. ჩემი მრავალი ნაკლიდან კი, მხოლოდ ერთს გაგიმხელთ: მე რომ გაზეთის რედაქტორი ვყოფილიყავი, ჟურნალისტის მოსაზრებას ჩემი ნაკლის შესახებ არ დავბეჭდავდი!




 ახალი ამბები
  • შაქარაშვილის საქმე- დამამძიმებელ გარემოებებში ჯგუფურად განხორციელებული განზრახ მკვლელობა გიორგი შაქარაშვილის გარდაცვალების საქმეზე ექსპერტიზის დასკვნის შემდგომ უკვე არსებულ კლასიფიკაციას  დაემატა დამამძიმებელ გარემოებებში ჯგუფურად განხორციელებული განზრახ მკვლელობა, დანაშაული გათვალისწინებული საქართველოს სისხლის სამართლის კოდექსის 109-ე მუხლის მე-2 ნაწილის „ე“ ქვეპუნქტით და გამოძიება გიორგი შაქარაშვილის გარდაცვალების ნაწილში წარიმართება აღნიშნული კვალიფიკაციით. შეგახსენებთ, რომ ფეხბურთელი მცხეთაში, დაბადების დღის აღსანიშნავ წვეულებაზე წავიდა, შემდეგ კი გაუჩინარდა. მაშველებმა მის ცხედარს რამდენიმე დღიანი ძებნის შემდეგ მდინარეში მიაგნეს. ექსპერტიზის დასკვნის თანახმად, გიორგი შაქარაშვილის სიკვდილის მიზეზია ასფიქსია წყალში დახრჩობით. ამავდროულად, გიორგი შაქარაშვილის ცხედარზე აღინიშნება სიკვდილის წინა ახლო პერიოდში მკვრივი-ბლაგვი საგნის მოქმედებით მიყენებული, სიცოცხლისდროინდელი დაზიანებები შუბლის/თავის, ორივე თვალბუდის, ზედა და ქვედა ტუჩის მიდამოებში, მარჯვენა იდაყვის სახსრისა და მარჯვენა წინამხრის მიდამოებში, აგრეთვე მუცლის, საზარდულის, ბოქვენის, წელისა და ორივე დუნდულოს მიდამოებში. ექსპერტიზის დასკვნის მიხედვით, აღნიშნული დაზიანებები, იზოლირებულად აღებული, ატარებენ სხეულის დაზიანებათა მსუბუქი ხარისხის ნიშნებს“, - ნათქვამია პროკურატურის ... ...
  • რა სახელდება ექსპერტიზის დასკვნით შაქარაშვილის გარდაცვალების მიზეზად"მაღალი საჯარო ინტერესის გათვალისწინებით, გვსურს საზოგადოებას მივაწოდოთ ინფორმაცია გიორგი შაქარაშვილის გარდაცვალების ფაქტზე, შინაგან საქმეთა სამინისტროში მიმდინარე გამოძიების ფარგლებში ჩატარებული სასამართლო-სამედიცინო ექსპერტიზის შედეგების შესახებ და, აქედან გამომდინარე, მიღებული სამართლებრივი გადაწყვეტილების თაობაზე. ექსპერტიზის დასკვნის თანახმად, გიორგი შაქარაშვილის სიკვდილის მიზეზია ასფიქსია წყალში დახრჩობით. ამავდროულად, გიორგი შაქარაშვილის ცხედარზე აღინიშნება სიკვდილის წინა ახლო პერიოდში მკვრივი-ბლაგვი საგნის მოქმედებით მიყენებული, სიცოცხლისდროინდელი დაზიანებები შუბლის/თავის, ორივე თვალბუდის, ზედა და ქვედა ტუჩის მიდამოებში, მარჯვენა იდაყვის სახსრისა და მარჯვენა წინამხრის მიდამოებში, აგრეთვე მუცლის, საზარდულის, ბოქვენის, წელისა და ორივე დუნდულოს მიდამოებში. ექსპერტიზის დასკვნის მიხედვით, აღნიშნული დაზიანებები, იზოლირებულად აღებული, ატარებენ სხეულის დაზიანებათა მსუბუქი ხარისხის ნიშნებს. სასამართლო-სამედიცინო ექსპერტიზის დასკვნისა და საქმეში არსებული სხვა მტკიცებულებების ერთობლივი ანალიზის საფუძველზე, საქართველოს გენერალურმა პროკურატურამ მიიღო გადაწყვეტილება გიორგი შაქარაშვილის გარდაცვალების საქმეზე კვალიფიკაციის დაზუსტების შესახებ. კერძოდ, სისხლის სამართლის საქმის უკვე არსებულ კვალიფიკაციას დაემატა დამამძიმებელ გარემოებებში ჯგუფურად განხორციელებული განზრახ მკვლელობა, დანაშაული გათვალისწინებული საქართველოს სისხლის სამართლის კოდექსის 109-ე მუხლის მე-2 ნაწილის „ე“ ქვეპუნქტით და გამოძიება გიორგი შაქარაშვილის გარდაცვალების ნაწილში წარიმართება აღნიშნული კვალიფიკაციით. საქმეზე შინაგან საქმეთა სამინისტროში გრძელდება ინტენსიური გამოძიება. მიღებული ექსპერტიზის დასკვნიდან გამომდინარე, მაქსიმალურად სწრაფად და ეფექტიანად ჩასატარებელია მთელი რიგი საგამოძიებო და საპროცესო მოქმედებები, მათ შორის, შესაბამისი საექსპერტო კვლევით დასადგენია დასკვნაში აღნიშნულ დაზიანებათა წარმოშობის მექანიზმები და სხვა მნიშვნელოვანი გარემოებები. ამავდროულად, მისაღებია ბიოლოგიური, ქიმიური, ტრასოლოგიური, საინფორმაციო-ტექნოლოგიური და სხვა პირთა სასამართლო-სამედიცინო ექსპერტიზის დასკვნები. უწყვეტ რეჟიმში მიმდინარეობს მოწმეთა გამოკითხვები და უკვე მოპოვებული ინფორმაციის ანალიზი. მოპოვებული მტკიცებულებების საფუძველზე, პროკურატურის მიერ მიღებული იქნება შესაბამისი სამართლებრივი გადაწყვეტილება, რის შესახებაც გიორგი შაქარაშვილის ოჯახს და საზოგადოებას პერიოდულად მიეწოდება დეტალური ინფორმაცია. საქართველოს პროკურატურა აღნიშნულ საქმეზე არსებული მაღალი საზოგადოებრივი ინტერესის გათვალისწინებით, მომავალშიც მიაწვდის საზოგადოებას დეტალურ ინფორმაციას, რის შესახებაც წინასწარ აუცილებლად გაიმართება კონსულტაცია გიორგი შაქარაშვილის ოჯახთან. საქმის სირთულის და სენსიტიურობის გათვალისწინებით, პროკურატურა სთხოვს ყველას თავი შეიკავონ გადაუმოუწმებელი ინფორმაციის გავრცელებისგან, რათა საქართველოს შინაგან საქმეთა სამინისტროს მიეცეს შესაძლებლობა სრულყოფილი გამოძიების ჩასატარებლად და შესაბამისად, პროკურატურას სამართლებრივი გადაწყვეტილებების მისაღებად, რათა აღნიშნულ საქმეზე დადგინდეს ჭეშმარიტება და დანაშაულის ჩამდენმა პირებმა სრული სიმკაცრით აგონ პასუხი კანონის წინაშე. ასევე, მაღალი საზოგადოებრივი ინტერესიდან გამომდინარე, საქართველოს პროკურატურა ასაჯაროებს სასამართლო-სამედიცინო ექსპერტიზის დასკვნას თემის სენსიტიურობიდან გამომდინარე ფოტოვიზუალური ნაწილის გარეშე", - ნათქვამია პროკურატურის განცხადებაში, რომელიც შაქარაშვილის გარდაცვალებასთან ჩატარებული ექსპერტიზის შედეგების გასაჯაროების შესახებ ... ...
  • ყველასთვის ხელმისაწვდომი და უფასო ენერგოწყარო, რომელსაც არ ვიყენებთმზის ენერგიის გამოყენების სარგებლიანობისა და საქართველოში მისი მაღალი პოტენციალის შესახებ ბევრი იწერება, ბევრი გადაცემაც მომზადდა და სამოდელო პროექტებიც გახორციელდა საქართველოს თითქმის ყველა რეგიონში. მიუხედავად ამისა, მზეს ცხელი წყლის ან/და ელექტროენერგიის მისაღებად მხოლოდ რამდენიმე ასეული ოჯახი იყენებს ქვეყანაში. საქსტატის მონაცემების მიხედვით, 2018 წელს საქართველოს ენერგომოხმარების მხოლოდ 0.5% შეადგინა მზის, ქარის და გეოთერმული ენერგიების ჯამურმა წილმა. მოდით, კიდევ ერთხელ გავიაზროთ, ღირს თუ არა დახმარების გარეშე და საკუთარი სახსრებით დავიწყოთ მზის ენერგიის გამოყენება. რამდენად მზიანია საქართველო საქართველოში მზის ენერგიის გამოყენების პოტენციალი გაცილებით მაღალია, ვიდრე მაგალითად ცენტრალური ევროპის ქვეყნებში. შედარებისთვის: მზიანი დღეების რაოდენობა საქართველოში 250-280-ია, ევროპის ქვეყნებში კი 200-მდე. საქართველოში, წლის განმავლობაში მზე ანათებს 2000-დან 2200 საათის განმავლობაში. იგივე მონაცემი გერმანიისთვის 1800-1900 საათია. ბევრად მაღალია მზის გამოსხივება ერთ კვადრატულ მეტრზე. ეს მაჩვენებელი საქართველოში საშუალოდ 1550 კვტ/საათია, ხოლო გერმანიაში _ 1000 კვტ/სთ-მდეა. უფრო კონკრეტულად: ჩვენს ტერიტორიაზე მზის წლიური ჯამური ენერგია რეგიონების მიხედვით 1 კვადრატულ მეტრ ფართობზე მერყეობს 1250-1800 კვტ/სთ დიაპაზონში, ხოლო საშუალო ენერგია, იგივე 1 კვადრატულ მეტრ ფართობზე უტოლდება 4.2 კვტ/სთ დღეში. ანუ, თეორიულად, ერთი საშუალო ოჯახისთვის სამყოფ ენერგიას (ელექტროენერგია და ბუნებრივი ან თხევადი გაზი) მზე აფრქვევს დედამიწის 1.5-2 კვ.მ. ფართობზე. მზის ენერგიის გამოყენება შეარბილებდა ისეთ მნიშვნელოვან ადგილობრივ და გლობალურ პრობლემებს როგორიცაა: ენერგოსიღარიბე, ენერგოდამოუკიდებლობა, ადგილობრივი მიკროკლიმატის და გლობალური კლიმატის ცვლილება. ენერგოსიღარიბე: საქართველო ენერგეტიკულად ღარიბი ქვეყანაა. ჩვენს მიერ მოხმარებული ყველა სახის ენერგიის 65-67% იმპორტირებულია და ნავთობისა და გაზის შესყიდვაზე ყოველწლიურად ვიხდით ასეულობით მილიონ ლარს. თუ გავითვალისწინებთ ნავთობზე და ბუნებრივ გაზზე ფასების მკვეთრად გაზრდის პერსპექტივას, ადვილი წარმოსადგენია როგორ გაიზრდება ეს თანხები უახლოეს პერიოდში და ყოველწლიურად. ენერგოდამოუკიდებლობა: დღეს იმპორტირებული ნავთობისა და გაზის ერთადერთი მომწოდებელი აზერბაიჯანია, რაც ქვეყნის ენერგეტიკულ, ეკონომიკურ და თუ გნებავთ პოლიტიკურ დამოუკიდებლობას უდიდეს საფრთხეს უქმნის. ენერგოდამოუკიდებლობის მისაღწევად სახელმწიფო ერთადერთ გზად ჰიდროელექტროსადგურების მშენებლობას სახავს და მის აგრესიულ ლობირებას ეწევა. ამავე დროს დუმილს ამჯობინებს იმ ფაქტზე, რომ ჰესების მშენებლობას დადებით მხარეებთან შედარებით პროპორციულად დიდი უარყოფითი მხარეებიც აქვს ბუნებრივი და ადგილობრივი მოსახლეობის საცხოვრებელი გარემოს დეგრადაციისა და რისკის ქვეშ დაყენების სახით. ჰესების ნაცვლად მზის ენერგიის გამოყენების ხელშეწყობა იქნებოდა გარანტია ნამდვილი ენერგოდამოუკიდებლობისა კონკრეტული ოჯახების თუ სახელმწიფოს დონეზე, გარემოს მნიშვნელოვანი დაზიანების გარეშე. წყლის ენერგიისგან განსხვავებით, მზის ენერგიის გამოყენება ფაქტობრივად ყველა მსურველს შეუძლია. ყველას, ვისაც საკმარისი ფართობი აქვს სახურავზე ან ეზოში, სადაც მზე ანათებს, შეუძლია მზისგან (ფინანსური) სარგებელი მიიღოს და ამავდროულად გარემოს დაცვას შეუწყოს ხელი. ამ გზით შესაძლებელია თითოეულმა ოჯახმა შექმნას სუფთა ენერგია, გამოიყენოს ან/და გაყიდოს იგი. სწორედ ამგვარად არის შესაძლებელი ენერგოდამოუკიდებლობის გაუმჯობესება ოჯახების თუ სახელმწიფოს დონეზე. როგორ შემიძლია გავხდე უფრო ენერგოდამოუკიდებელი მზის ენერგიის გამოყენებით? მზის ენერგიას ყველაზე ხშირად ცხელი წყლის მისაღებად და ელექტროენერგიის გამოსამუშავებლად იყენებენ. ასევე ეფექტურია მზის ენერგიის გამოყენება, მაგალითად, ხილისა და ბოსტნეულის საშრობები. წინამდებარე სტატიაში გვინდა ყურადღება დავუთმოთ მზის ენერგიით ცხელი წყლის მიღებას და შესაბამის მოწყობილობას, რომელიც მზის კოლექტორების სახელითაა ცნობილი. მზის წყალგამაცხელებლებში, ანუ მზის კოლექტორებში მზის სითბური გამოსხივება აცხელებს წყალს, რომლის გამოყენებაც შესაძლებელია შხაპისთვის, სამზარეულოში და სხვა საყოფაცხოვრებო დანიშნულებით. მზის წყალგამაცხელებლების ფასი განსხვავდება ხარისხის მიხედვით. ქართველ მომხმარებელს უკვე შეუძლია არჩევანი გააკეთოს სხვადასხვა ხარისხის იმპორტირებულ თუ ადგილობრივი წარმოების პროდუქციას შორის. თუმცა, კვალიფიციურ მონტაჟსა და საგარანტიო მომსახურებას მხოლოდ ცალკეული კომპანიები სთავაზობენ. აღნიშვნის ღირსია ადგილობრივი წარმოების მზის კოლექტორები, რომლებიც ხანგრძლივი ექსპლუატაციის ვადითა და საგარანტიო სერვისით გამოირჩევა. ამ სახის მზის კოლექტორების აგება და შეკეთება შედარებით მარტივია, მიეკუთვნება რა ე.წ. "low tech" ტიპს.  სხვადასხვა ორგანიზაცია სთავაზობს ტრენინგებს კოლექტორების ამ ტიპის აგების შესასწავლად. არსებობს სახელმძღვანელოებიც, რომელთა გამოყენებით მინიმალური დანახარჯებით ტექნიკური უნარ-ჩვევების (მაგ. შედუღება) მქონე პირები დამოუკიდებლად შეძლებენ მის აგებას.  მზის ამ ტიპის კოლექტორი არის კარგად იზოლირებული, მინით დაფარული შავი ფილა, რომელშიც განთავსებულია წყლის მილები. კოლექტორი შთანთქავს მზის გამოსხივებას, გარდაქმნის მას თბურ ენერგიად და ათბობს წყალს, რომელიც გროვდება თბოიზოლირებულ ავზში. ზაფხულის თვეებში კოლექტორები წყალს 70-80 გრადუს ცელსიუსამდე ათბობენ, ზამთრობით _ 35-50 გრადუსამდე. კვლევების თანახმად, ცხელი წყლის მისაღებად გაწეული ხარჯი  3-5-სულიანი ოჯახების ენერგობიუჯეტში საშუალოდ 11%-ს შეადგენს. მზის წყალგამაცხელებელი სისტემა 75-85%-ით ფარავს მომხმარებლის წლიურ მოთხოვნას ცხელ წყალზე. შესაბამისად, წყლის გაცხელების დანახარჯებიც იგივე თანაფარდობით მცირდება. 24-36 თვეში შესაძლებელი ხდება შესაბამისი დანადგარის საფასურის ანაზღაურება და მომდევნო წლებში (სულ ცოტა 8-10 წელი) უკვე უფასოდ, სრულიად მზის ხარჯზე გააცხელებთ წყალს. მზის წყალგამაცხელებლის დამონტაჟება შესაძლებელია არა მხოლოდ საცხოვრებელ სახლებში, არამედ საზოგადოებრივ დაწესებულებებშიც, სადაც დიდი რაოდენობით ცხელ წყალს მოიხმარენ, რაც საბოლოოდ მნიშვნელოვან ენერგეტიკულ დანაზოგს მოგვცემს. თანაც, ეს ეკოლოგიური თვალსაზრისითაც გამართლებულია _ მცირდება გამონაბოლქვი აირები. მზის წყალგამაცხელებლების გავრცელების ხელშესაწყობად საქართველოში ძირითადად საზოგადოებრივი ორგანიზაციები  მუშაობენ. მათ შორისაა არასამთავრობო ორგანიზაცია "მწვანე რეგიონები", რომელიც ამჟამად ფონდ "ურბისის" ფინანსური მხარდაჭერით ჩოხატაურისა და ხონის მუნიციპალიტეტებში განახლებადი ენერგიების და გარემოს დამზოგველი ენერგოტექნოლოგიების პოპულარიზების მორიგ პროექტს ახორციელებს. პროექტის ფარგლებში, სამიზნე მუნიციპალიტეტებში განახლებადი ენერგიებით დაინტერესებული ადამიანების ე.წ. "მზის ელჩებად" გადამზადება ხდება, რომლებიც სამომავლოდ მზის ენერგიის გამოყენების შესახებ ადგილობრივ მოსახლეობაში ცნობიერების ამაღლებაზე იმუშავებენ. მოეწყობა სადემონსტრაციო ობიექტები, სადაც ადგილობრივებს შეეძლებათ პირადად გაეცნონ მზის წყალგამაცხელებლების მუშაობის პრინციპს და დარწმუნდნენ მის ეფექტიანობაში.   მზის ტექნოლოგიების დანერგვითა და გავრცელებით შესაძლებელი გახდება ხე-ტყის საწვავად გამოყენების, ტყის გაჩეხვისა და სათბურის გაზების ემისიების შემცირება, ადგილობრივი ბუნებრივი გარემოს შენარჩუნება და კლიმატის ცვლილების შემარბილებელ ღონისძიებებში წვლილის შეტანა. სტატია მომზადებულია პროექტის "განახლებადი ენერგიების გამოყენების ხელშეწყობა  ჩოხატაურისა და ხონის მუნიციპალიტეტებში მზის ტექნოლოგიის შესახებ ცნობიერების ამაღლებითა და ფინანსური ხელშეწყობის მექანიზმებით" ფარგლებში, რომელსაც ახორციელებს არასამთავრობო ორგანიზაცია "მწვანე რეგიონები", ფონდ "ურბისის" ფინანსური ... ...
  • „ახლა კარგად ვარ“ : გურიის სამაშველო სამსახურის უფროსი ავარიის შემდეგ გვპასუხობსოზურგეთში, ავტოსაგზაო ავარიის შედეგად, გურიის სამაშველო სამსახურის უფროსი, პაატა ლომთაძე დაშავდა. გავრცელებული ინფორმაციით,   სამაშველო სამსახურის ავტომანქანა და ცემენტმზიდი ერთმანეთს შეეჯახა, რაც ცემენტმზიდის მიზეზით  მოხდა.  პაატა ლომთაძე, რომელსაც ფეხის არეში ჰქონდა დაზიანება,   საავადმყოფოში გადაიყვანეს. _ახლა კარგად ვარ, ყველაფერი კარგადაა, ცოტა ხნის შემდეგ გესაუბრებით,  _ თქვა „გურია ნიუსთან“ გურიის სამაშველო სამსახურის უფროსმა, პაატა ... ...
  • აბიტურიენტებმა გამოცდაზე „შეცურეს“- რა ხდება ფოთშიუამინდობის გამო ფოთის საგამოცდო ცენტში შესვილისას აბიტურიენტებს პრობლემები შეექმნათ. როგორც etaloni.ge-ს ერთ-ერთმა აბიტურიენტის მშობელმა განუცხადა, მისმა შვილმა და სხვა აბიტურიენტებმა გამოცდაზე „შეცურეს“. მშობლის თქმით, მისი გოგონა ფეხშიშველი და მთლიანად სველი შევიდა ტესტირებაზე. ასე, რომ აბიტურიენტებს ფაქტობრივად დატბორილ ქუჩაში, წყალში გავლის შემდეგ მოუხდათ ტესტების დასაწერად შესვლა. ცნობისთვის, ძლიერი წვიმის შედეგად ფოთში ცენტრალური ქუჩები დაიტბორა. სტიქიის გამო, გადაადგილება უჭირდათ, როგორც ქვეითად მოსიარულეებს, ისე მსუბუქ ავტომანქანებს. წყალმა შეაღწია ... ...

არქივი

ტესტები

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...