კიდევ ერთი "საჩუქარი" მოსახლეობას

მთავარი თემა

კიდევ ერთი "საჩუქარი" მოსახლეობას

2011 აპრ 22 22:38:49

"სოკარის" ინვესტიციების მოცულობა საქართველოში 2011 წელს, 50 მილიონ დოლარს გადააჭარბებს. დღეისთვის "სოკარი" საქართველოს ბაზარზე აქტიურად მუშაობს ავტოგასამართი სადგურების მშენებლობისა და 31 გაზის მეურნეობის გაზიფიკაციის პროგრამებზე. საქართველოს რეგიონების გაზიფიკაციის პროცესი ამ დროისთვისაც გრძელდება. აღნიშნული პროგრამის მეორე წლის (რომელიც იანვრის ბოლოს დასრულდება) შედეგად, ახალი აბონენტების რაოდენობა 100 ათასს მიაღწევს", _ აღნიშნულია კომპანიის ოფიციალურ საიტზე 2010 წლის 29 დეკემბერს გამოქვეყნებულ განცხადებაში.

აზერბაიჯანის რესპუბლიკის სახელმწიფო ნავთობკომპანია "სოკარი", მსოფლიოში ერთ-ერთ უდიდეს კომპანიად მიიჩნევა. სწორედ მისი შვილობილი კომპანიაა შპს "სოკარ ჯორჯია გაზი", რომელიც 2007 წლის ივნისში დაფუძნდა. იმავე წელს, კომპანიამ გაიმარჯვა საქართველოს ეკონომიკური განვითარების სამინისტროს მიერ გამოცხადებულ კონკურსში _ "სახელმწიფოს საკუთრებაში არსებული გაზის სადისტრიბუციო კომპანიების პრივატიზაციის შესახებ" (საქართველოს პრეზიდენტის 2008 წლის 13 მაისის Ж306 განკარგულება) და დაეკისრა, როგორც გაზის დისტრიბუცია (განაწილება), ისე გაზიფიკაციის მასშტაბური პროგრამის (გაზგამანაწილებელი ქსელების მშენებლობა) რეალიზაცია 30-მდე ქალაქსა და რაიონში.

უშუალოდ საქართველოს პრეზიდენტის, მიხეილ სააკაშვილის ბრძანებით, ქვეყნის 29 რეგიონში, მოქმედი გაზის სადისტრიბუციო ქსელი "სოკარის" მმართველობაში გადმოვიდა. ამ რეგიონებს შორისაა გურიაც, სადაც "სოკარ ჯორჯია გაზს" რამდენიმე ასეული აბონენტი ჰყავს.

საქართველოს და გურიის ხელისუფლება ერთ-ერთ მთავარ პრიორიტეტად გაზმომარაგებას ასახელებს. თუმცა, როგორც მოვიკვლიეთ, ამ კუთხით, პრობლემები ძალიან ბევრია. ეს ის შემთხვევაა, როცა "გასაკეთებელი" მართლა "ბევრია" და ამ ლოზუნგის მხოლოდ წინასაარჩევნო პლაკატებზე გაკვრა ვერაფერი ხეირია _ დაპირებული გაზიფიკაცია ბევრ ქუჩასა და სოფელში დღემდე შორეულ პერსპექტივად ითვლება.

გურიის ვერც ერთი მუნიციპალიტეტის ხელმძღვანელობა ვერ გვპასუხობს დაზუსტებით, თუ რა რაოდენობის გაზიფიცირებული მოსახლე იქნება გურიაში მიმდინარე წლის ბოლოს. თუმცა, ამბობენ, რომ "ბევრი"(?!).

სანამ ხელისუფლება პროგნოზებს აკეთებს და ჩვეულ დაპირებებს იძლევა, მოსახლეობის თქმით, "სოკარ ჯორჯია გაზი _ გურია" აბონენტებს "ატყავებს" _ საქმე იმაშია, რომ ყოველგვარი გაფრთხილების და ინფორმაციის გავრცელების გარეშე, კომპანიამ გაზის მრიცხველები ქუჩაში გამოიტანა:

_ მოვიდნენ კომპანიიდან და მითხრეს, რომ მრიცხველი ქუჩაში უნდა გამეტანა. ცუდი არაფერი მიფიქრია. მით უმეტეს, რომ ყველაფერი საკუთარი სახსრებით გააკეთეს. ერთი კვირის შემდეგ კი მითხრეს, რომ ჩემი მრიცხველი გაფუჭებული იყო და 250-ლარიანი ახალი მრიცხველი უნდა შემეძინა. ხალხის ასე გატყავება გაგონილა?! აღარ იციან, ფული რა ხერხებით ამოიღონ ხალხიდან, _ გვითხრა "სოკარ გურია გაზის" ერთ-ერთმა აბონენტმა, რომლის ვინაობას ჩვენ შეგნებულად არ ვასახელებთ.

ჩვენი რესპონდენტის მსგავს დღეში გურიაში ბევრი ადამიანია. როგორც ჩვენი წყარო ამბობს, ოზურგეთში, ჩოხატაურსა და ლანჩხუთში ათობით ოჯახს ახალი მრიცხველის შეძენა დაავალეს. მათ შორის ისეთებიც არიან, რომლებმაც გაზი სულ რამდენიმე დღის წინ შეიყვანეს, და დალუქულ, "პლომბირებულ" მრიცხველში 140 ლარი უკვე გადაიხადეს.

ამ ინფორმაციას კატეგორიულად უარყოფს "ჩოხატაურ გაზის" ხელმძღვანელი ელიოტ ხაბეიშვილი და ამბობს, რომ ქუთაისში მრიცხველის წაღების წინ ყველა აბონენტს აფრთხილებენ.

_ რა თქმა უნდა, ვაფრთხილებთ. გაურთხილებლად არავის მრიცხველი არ წაგვიღია. იცვლება ის მრიცხველები რომლებსაც კორექტორი არ აქვს. კორექტორიანი მრიცხველები კი, პირდაპირ გამოაქვთ ეზოს გარეთ.

_ ამ ეტაპზე რამდენი დაზიანებული მრიცხველი აღმოაჩინეთ ჩოხატაურში?

_ ჯერჯერობით, არც ერთი. ასე რომ, "სოკარი" მრიცხველებს ხალხს საჩუქრად აძლევს.

_ რა არის საჩუქარი? რამდენიმე თვის წინ 140 ლარი რომ გადაიხადეს და ის მრიცხველი გარეთ გამოაქვთ?

_ ვისიც არ არის კორექტორიანი, ანუ ვერ ახდენს ტემპერატურის ცვალებადობის დაფიქსირებას, გამოსაცვლელია.

_ ჩვენ გვითხრეს, რომ აბონენტებს ახალი მრიცხველის შესაძენად 250 ლარი მოსთხოვეს...

_ ვინც ეს გითხრათ, ის კარგად ვერ იგებს, რა ხდება. არ იცის რამდენია 250 და რამდენი _ 160.

_ ახალი მრიცხველი 160 ლარი ღირს?

_ დიახ. 6 თვის განმავლობაში უნდა გადაიხადონ ეს თანხა, თუ მათი მრიცხველი ლაბორატორიული დასკვნის საფუძველზე აღმოჩნდება უვარგისი.

_ ახლა არ მითხარით, "სოკარი" აბონენტებს ჩუქნის მრიცხველებსო?

_ დიახ. თუ უვარგისია, იხდის, და თუ კარგია, ჩუქნის.

_ ეს პრეზიდენტის "საჩუქარზე" _ დენის და სურსათის ვაუჩერზე უფრო უცნაური საჩუქარია, ბატონო ელიოტ...

_ ასეა, და...

ხაბეიშვილის ამ განცხადების საწინააღმდეგოდ, ჩოხატაურის მოსახლეობის ნაწილი ამბობს, რომ "ჩოხატაურგაზის" თანამშრომლებს მრიცხველი ქუთაისში აბონენტებთან შეუთანხმებლად მიაქვთ:

_ ვინ იცის, იქნებ, არც კი მიაქვთ და თავად ამბობენ, რომ გაფუჭებულია? არავის აძლევენ შემოწმების საშუალებას. თვითონ ხსნიან, მიაქვთ და უვარგისობის დასკვნასაც თავად წერენ. თუ ასე არ არის, რატომ არ ასწრებენ მოსახლეობას შემოწმების პროცესს? ან რატომ დაიწყეს მრიცხველების ქუჩაში გამოტანა ისე, რომ ამის შესახებ წინასწარ არ გააკეთეს განცხადება? _ აღნიშნავენ ჩოხატაურელები ჩვენთან საუბრისას.

ჩვენს წყაროს ინფორმაციით, მრიცხველების გარეთ გამოტანის და აბონენტების "დასჯის" მიზეზი ის არის, რომ გურიაში "სოკარს" გაზის დიდი დანაკარგი აქვს. ყველასთვის ცნობილია, რომ დაზიანებული მილებიდან კარგა ხანია, გაზი ჟონავს, თუმცა, როგორც ჩანს, ამ დანაკარგის ანაზღაურება "სოკარს" მოსახლეობის ხარჯზე სურს. ამ მოსაზრებას არ ეთანხმება "სოკარ ჯორჯია გაზი _ გურიას" ხელმძღვანელი ლადი ჟღენტი. მისი თქმით, მრიცხველების ქუჩაში გამოტანა ტექნიკურმა სიახლეებმა განაპირობა:

_ მრიცხველების გარეთ გატანა კომპანიის ხელმძღვანელების გადაწყვეტილებაა. ეს ძალიან კარგია, რადგან ინკასატორს არ უწევს ეზოებში შესვლა და ადამიანების შეწუხება. შემოდის უახლესი ტექნიკა _ ხელსაწყო, რომელიც თავად აღრიცხავს მოხმარებული გაზის საფასურს, _ აღნიშნა ჟღენტმა.

_ ბატონო ლადი, მოსახლეობა ამბობს, რომ მრიცხველები ქუჩაში ყოველგვარი გაფრთხილების გარეშე გაგაქვთ და ასევე გაფრთხილების გარეშე მიგაქვთ შესამოწმებლად ქუთაისში...

_ ასე ვერ ვისაუბრებთ _ კონკრეტული აბონენტების სახელები უნდა მითხრათ. ყოველი შემოწმებისას, ადგილზე უნდა იმყოფებოდეს უბნის მიერ მინდობილობით აღჭურვილი პირი, რომელიც პირადად აკონტროლებს შემოწმების პროცესს ყოველგვარი ეჭვების გასაქარწყლებლად. თუკი არსებობს საწინააღმდეგოს დამადასტურებელი ფაქტი, მტკიცებულებების წარმოდგენის შემდეგ, ამის ჩამდენი პიროვნება სამსახურიდან დაუყონებლივ გათავისუფლდება.

_ ეს მრიცხველები ხომ სულ ახალი დადგმულია? რამ განაპირობა ხელახალი გადამოწმება?

_ არის მრიცხველები, რომლებიც დაზიანებულია.

_ ანუ აბონენტი მეტს მოიხმარდა და ნაკლებს იხდიდა?

_ დიახ. იყო რამდენიმე ასეთი შემთხვევა. თუმცა, ეს არავის ბრალი არ ყოფილა და აბონენტს ძალით არ გაუკეთებია _ მრიცხველი იყო გაფუჭებული.

_ და ამით კომპანია ზარალდებოდა?

_ რა თქმა უნდა.

_ როგორც ჩვენმა წყარომ გვითხრა, გურიაში კომპანიის ზარალი საკმაოდ დიდია, ოღონდ არა მოსახლეობის ე.წ. გაფუჭებული მრიცხველების, არამედ დაზიანებული ცენტრალური მილების გამო. ალბათ, დამეთანხმებით, რომ გურიაში ბევრ ადგილზე, მაგისტრალისთვის ძველი, დაცხავებული მილებია გამოყენებული, ბევრგან დგას გამოჟონილი გაზის სუნი და ხშირია ავარიის შემთხვევები, რომ არაფერი ვთქვათ ცენტრალურ მაგისტრალზე რამდენჯერმე გაჩენილ ხანძარზე. წყაროს ინფორმაციით, ახალი მრიცხველების შეძენით, კომპანია სწორედ ცენტრალური მილსადენებზე მომხდარი ავარიების გამო მიყენებული ზარალის ანაზღაურებას ცდილობს.

_ ეს არ არის სწორი ინფორმაცია.

_ ამ ეტაპისთვის ოზურგეთში რამდენი დაზიანებული მრიცხველი აღმოაჩინეთ?

_ ერთ უბანში გვქონდა შემთხვევა, როცა 35 აბონენტიდან 19(?!) აბონენტის მრიცხველი დაზიანებული აღმოჩნდა, _ გვითხრა ჟღენტმა.

რადგან ბატონი ლადი დედაქალაქში იმყოფებოდა, ეს საუბარი ტელეფონით შედგა. ამ თემაზე ვრცელ კომენტარს "სოკარ ჯორჯია გაზი _ გურიას" ხელმძღვანელი ოზურგეთში დაბრუნებისთანავე დაგვპირდა.




 ახალი ამბები
  • "ამასაც მოვესწარით _ ცერცვის და ყველის ფასი თითქმის გათანაბრდა!"ოზურგეთში, წინასააღდგომო ბაზრობა, გასულ წლებთან შედარებით, მეტი სიძვირით გამოირჩევა. აღდგომამდე ერთი კვირით ადრე, სხვადასხვა პროდუქტზე თუ ცოცხალ შინაურ ფრინველსა და ცხოველზე ფასები უკვე დილიდან საღამომდეც კი იცვლება და მაღლა იწევს. აგრარულ ბაზარში, სადაც შინაური ფრინველით და ცხოველით მოვაჭრეთათვის სპეციალური ფართია გამოყოფილი, გამყიდველთა უკმაყოფილება პიკს აღწევს. კითხვაზე, თუ რატომ და ვისზე ბრაზობენ ისინი, გამყიდველი ქალბატონები ამბობენ, რომ სოფლებიდან მოსული მეურნე ადამიანები ძალიან ძვირად ყიდიან კვერცხს, რძის ნაწარმს, შინაურ ფრინველს თუ ცხოველს, თვით ცერცვსაც კი. _ ასეთი რამ გაგიგიათ? დღეს, დილით ერთი კილოგრამი ცერცვი 5 ლარი ღირდა. ყველი კი _ 6 ლარი. შუადღისკენ ყველის ფასი კიდევ აიწია ერთი ლარით. ცერცვის ფასიც მოიმატებს, ალბათ. ამასაც მოვესწარით, ცერცვის და ყველის ფასი, თითქმის, გათანაბრდა. ასეთი არაფერი გვახსოვს, _ ამბობენ ისინი. ოზურგეთის ბაზარში ახლა ინდაურს, რომელიც ათ კილოგრამს იწონის, ას ლარს აფასებენ. ახალი ქათამი _ 25 ლარი, ხოლო შედარებით დიდი, რასაც ძველ დედალს ეძახიან _ 35-40 ლარი ღირს. ერთი კილოგრამი ყველი აქამდე ექვსი ლარი ღირდა, 19 აპრილისთვის კი უკვე შვიდი ლარი გახდა და ვარაუდობენ, რომ აღდგომამდე დარჩენილ ერთ კვირაში საკმაოდ მოიმატებს. ერთი კილოგრამი ცოცხალი გოჭის ფასი 9-10 ლარია. ხორცი 15 ლარი ღირს. ყველაზე აუცილებელი სააღდგომო ატრიბუტის _ კვერცხის ფასი 50 თეთრია. _ შინაური, სახლის ქათმის კვერცხის ფასი აუცილებლად მოიმატებს აღდგომამდე, რადგან შარშან ამ დროს ჩაბარება 35 თეთრი ღირდა. ახლა კი უკვე 45 თეთრად ვიბარებთ და რა აზრი აქვს 50 თეთრად გაყიდვას? შემთხვევით ორი ცალი რომ გაგიტყდეს, უკვე ზარალში ვარდები. ასეთი სიძვირე სოფლის ქათამსა და კვერცხზე, ბოლო წლებში არ მახსოვს, _ გვეუბნება ბაზარში მოვაჭრე თამუნა კინწურაშვილი. ბაზარში კი ყოველდღე ხალხმრავლობაა _ ადამიანები წინასწარ ყიდულობენ სადღესასწაულო სანოვაგეს და ცდილობენ, ცოტა უფრო იაფად შეიძინონ ესა თუ ის პროდუქტი. ამბობენ, რომ სოფლის ქათმის თუ კვერცხის ფასი იმიტომ კი არ აწეულა, რომ ზოგადად, ფასების ზრდა ხდება, არამედ, რაც დრო გადის, მით უფრო ცოტა ადამიანი მისდევს შინა მეურნეობას. წარსულში წარმატებული აგრონომი, ამჟამად პენსიონერი ელდარ თავაძე "გურია ნიუსთან" საუბრობს: _ რაც დრო გადის, სოფელში უფრო და უფრო ნაკლებ ოჯახს ჰყავს შინაური ცხოველი, ფრინველი. წელს, სამასკომლიან სოფელში ბევრს არ დაუთესავს სიმინდი. ეს უკუსვლის სტატისტიკა საგანგაშოა. ბუნებრივია, ფასების ზრდაც აქედან გამომდინარე ხდება და არა იმიტომ, რომ გლეხის შრომას ფასი დაედო. ყველას რომ ჰყავდეს შინ ფრინველი, ცხოველი, ჰქონდეს კვერცხი, რძე, ყველი, იქნება სიძვირე? ჯობს, იაფი იყოს და ყველას ჰქონდეს. მე რომ მკითხო, ხელისუფლება უნდა სწავლობდეს ამ სტატისტიკას. დავცინით კომუნისტებს, მაგრამ მათ ასეთი რამ ყურადღების მიღმა არ რჩებოდათ. ერთსაც გირჩევთ, თუ არ მიწყენთ _ შეისწავლეთ ჟურნალისტებმა რამდენიმე სოფელი, გააკეთეთ სტატისტიკა. ნახავთ, რაოდენ ნელა, მაგრამ შესამჩნევად, თავს ანებებს ხალხი შინამეურნეობას, ყანას... სულ თუ ვიწუწუნეთ, სხვა არაფერს გაგვიკეთებს. რის საშუალებაც არის, ბევრი იმასაც არ აკეთებს. სიმინდი როგორ არ უნდა დათესო? ერთი ტარო 200 მარცვალს გაძლევს. მოსავალი რომ მიიღო, 10-15 დღე მუშაობა სჭირდება. არ გვინდა? მომავალ აღდგომას სამი ლარი ეღირება კილოგრამი ფქვილი, ქათამი კი, ალბათ, _ 40-50 ლარი, საყანე ფართობები აქვს ხალხს და უმრავლესობამ ტყედ გაუშვა, _ გვითხრა ელდარ თავაძემ და კიდევ ერთხელ შეგვახსენა, თუ მომავალი წლის აღდგომამდე ფასები ისევ გაიზარდა, ეს ქვეყნის უკუსვლას ნიშნავს. რაც შეეხება ბოსტნეულს, ოზურგეთის ბაზარში მწვანილეული შედარებით იაფია. თუმცა, აგრარული კულტურებიდან, ცერცვის შემდეგ, კომბოსტოს ფასია მაღალი _ ერთი კილოგრამი ორი ლარი ღირს, რაზეც, ასევე, გაკვირვებით საუბრობენ გამყიდველები და ამბობენ, რომ მსგავსი ფასი ბოლო წლების განმავლობაში არ ახსოვთ. ძვირია, ასევე, ბადრიჯანი _ ერთი კილოგრამი ოთხი ლარი ღირს, იგივე ფასი აქვს ბულგარულ წიწაკას. რაც შეეხება კვერცხის საღებავს, ბუნებრივი ენდრო, პატარა კონა ერთი ლარი ღირს. დაქუცმაცებული სახით კი ერთ ჭიქასაც ერთ ლარად ... ...
  • "ჰაერში გამოკიდებული ვასო"ოზურგეთის მუნიციპალიტეტის ოთხ სოფელში (დვაბზუ, ძიმითი, ლაითური და მერია) დღემდე არ არის დანიშნული მერის წარმომადგენელი. "გურია ნიუსი" ამის შესახებ რამდენჯერმე წერდა, რასაც თან ახლდა მერიიდან არაერთხელ მიღებული პასუხი, რომ უახლოეს მომავალში დაინიშნებოდა, თუმცა, დღემდე არც ერთ ამ სოფელში წარმომადგენელი დანიშნული არ არის. ახლახან, ოზურგეთის მუნიციპალიტეტის საკრებულოს მიერ გამართულ ღია კარის დღეზე, სოფელ დვაბზუს მცხოვრებმა ლია ღლონტმა ღიად განაცხადა, რომ სოფელში არ ნიშნავენ წარმომადგენელს და თუ ეს საკითხი მალე არ გადაწყდება, საპროტესტო აქციას მოაწყობენ და გზას გადაკეტავენ. _ რატომ არ დაინიშნა დღემდე დვაბზუში მერის წარმომადგენელი?! რა დავაშავეთ?! მოვალეობას ასრულებს ვასო ღლონტი _ არ გვინდა ეს ჰაერში გამოკიდებული ვასო. ჩვენ გვჭირდება ადგილზე გამგებელი, წარმომადგენელი, რომელსაც ვეტყვით ჩვენს გასაჭირს, მოგვისმენს და აქ არ ვიქნებით ყოველ წუთს სარბენი. დროზე დაგვინიშნონ დვაბზუში წარმომადგენელი, თორემ მოვაწყობთ საპროტესტო აქციას და გადავკეტავთ გზას, _ თქვა მაშინ სოფელ დვაბზუს მკვიდრმა ლიკა ღლონტმა. "გურია ნიუსი" ვასო ღლონტს ესაუბრა, რომელიც ახლა სოფელ დვაბზუში წარმომადგენლის ფუნქციას ითავსებს. _ ბატონო ვასო, თქვენ წინააღმდეგ თანასოფლელებმა პროტესტი გამოთქვეს. "გურია ნიუსთან" კერძო საუბარში ისინი ამბობენ, რომ ხშირად ხართ ალკოჰოლის ზემოქმედების ქვეშ:  "შვიდჯერ მარტო მძღოლის მართვის მოწმობა ჩამოართვეს. ასევე, არ აქვს უმაღლესი განათლება და ამიტომ, როგორც მუნიციპალიტეტის მერის ფავორიტმა, ვერ შეძლო წარმომადგენელი გამხდარიყო", _ ეს თქვენი თანასოფლელების სიტყვებია. რას იტყვით ამ ბრალდების შესახებ? _ დვაბზუს გამგეობაში კარი სულ ღიაა. ვინც მოდის, ყველას პასუხს ვცემ და ვეხმარები. ვინც მაგას ამბობს, არის ვიღაცისგან დაქოქილი, დააპროგრამეს და ათქმევინეს რაღაც. თუ დვაბზუს მოსახლეობა იტყვის, რომ მე არ ვუნდივარ, იმ დღესვე წავალ. ყველაზე ძალიან მე მინდა, რომ დაინიშნოს წარმომადგენელი. ორი კაცი უფრო მეტ საქმეს არ ვიზამთ?! _ უმაღლესი განათლება გაქვთ? _ მე ჩავაბარე, რა გამოცდაც იყო ჩასაბარებელი _ საკონკურსო და ვმუშაობ აგერ. შეთავსებით რომ ვარ, საქმე მეტი მაქვს საკეთებელი. პირადული თემაა, როცა ვიღაც ამბობს, რომ თითქოს, მე ვარ რამეში დამნაშავე. _ მართვის მოწმობა მართლა შვიდჯერ ჩამოგართვეს? _ მაგათ უყურებთ? მე აქ ყველას პატივს ვცემ. მარტო დვაბზუში კი არ არის დაუნიშნავი წარმომადგენელი, სხვა სოფლებშიც არის და ნელ-ნელა შეივსება ყველგან... მარტში, ოზურგეთის მუნიციპალიტეტის საკრებულოს სხდომაზე, სადაც მერიის სამსახურების ანგარიშები მოისმინეს, ადმინისტრაციული სამსახურის უფროსმა გიორგი ინწკირველმა აღნიშნა, რომ რამდენიმე სოფელში არ არის დანიშნული წარმომადგენელი: "ვფიქრობთ, ვსაუბრობთ, არის შეხვედრები, რომ დაინიშნონ..." _ თქვა მაშინ გოგი ინწკირველმა, რის პასუხადაც საკრებულოს აპარატის თანამშრომელმა გივი ყაზაიშვილმა ჩაილაპარაკა _ "ფიქრი მერის უფლებამოსილების გასვლამდე..." კითხვაზე, თუ როდის დაინიშნება დვაბზუში, ლაითურში, ძიმითსა და მერიაში მერის წარმომადგენლები, მუნიციპალიტეტის მერიის პრესსამსახურიდან, წინა პასუხების მსგავსი პასუხი მივიღეთ: "ახლო მომავალში დაიწყება საკონკურსო პროცედურა აღნიშნულ ოთხ სოფელში მერის წარმომადგენელთა ... ...
  • „მამუკა ბახტაძისა და კობახიძის შეცვლა გარდაუვალია“_ ვაჟა ბერიძე „ცვლილებების განხორციელება რომ აუცილებელია, აღნიშნულს შესახებ თავად ბიძინა ივანიშვილიც საპრეზიდენტო  არჩევნების პირველი ტურის შემდეგ საუბრობდა. მან დაპირება მისცა საზოგადოებას იმის შესახებ, რომ არა მარტო ყველაფერს საკუთარ სახელს დაარქმევდა, არამედ პირდაპირ მნიშვნელოვან საკადრო გადაადგილებებს განახორციელებდა. აღნიშნულს, ჯერჯერობით, ვერ ვხედავთ, არადა, კარგად უნდა გავაცნობიეროთ, რომ ხელისუფლების ყველა შტო, როგორც საკანონმდებლო, აღმასრულებელი, ისე სასამართლო  დასუსტდა. აქედან გამომდინარე, პირველი პირების დონზე საკადრო ცვლილებების განხორციელება სასიცოცხლოდ აუცილებელია. განსაკუთრებით ვგულისხმობ პრემიერ-მინისტრსა და პარლამენტის თავმჯდომარეს, რომლებიც პოზიტივზე მეტად, ნეგატივთან ასოცირდებიან“, _ აღნიშნა “გურია ნიუსთან“ პოლიტიკის ექსპერტმა ვაჟა ბერიძემ. მისივე განცხადებით, თანამდებობიდან მამუკა ბახტაძისა და ირაკლი კობახიძის გადაყენება გარდაუვალია. ექსპერტის აზრით, ერთადერთი კანდიდატი, რომელიც, შესაძლოა, პრემიერის თანამდებობაზე მოიაზრებოდეს, შს მინისტრი გიორგი გახარიაა. „პიროვნულად მამუკა ბახტაძისა და ირაკლი კობახიძის პროფესიონალიზმს, ინტელექტსა და გაწეულ საქმიანობას ვხედავ, მაგრამ მათი შეცვლა გარდაუვალია. პრემიერის პოსტზე გამოუცდელი პოლიტიკოსი არ უნდა დანიშნო, რაც საზოგადოების აბუჩად აგდებასა და აღნიშნული პიროვნების დაღუპვას ნიშნავს. პარლამენტის თავმჯდომარე პრინციპული და თანმიმდევრული ადამიანია, მაგრამ მას პოლიტიკური ადეკვატურობა აკლია. ამ ადამიანებისთვის უმჯობესია, რომ სხვა ადამიანებს თავის გამოჩენის საშუალება მისცენ. ერთადერთი კანდიდატი, რომელიც პრემიერად უნდა განვიხილოთ, ეს არის გიორგი გახარია, რომელსაც ბევრი შეცდომა დააშვებინეს, თუმცა, აღნიშნულის მიუხედავად, თავი ყოველთვის ღირსეულად უჭირავს“, _ აღნიშნა ბერიძემ. ჩვენ, ასევე, ექსპერტს ვკითხეთ, პოლიტიკაში, დაახლოებით, ორი თვის წინ დაბრუნებულმა  ირაკლი ღარიბაშვილმა, ამ დრომდე შეძლო თუ არა „ქართულ ოცნებაში“ არსებული მწვავე შიდაპარტიული პროცესების დალაგება. ექსპერტი მიიჩნევს, რომ მისმა დაბრუნებამ შიდაპარტიულ ცხოვრებაში არსებითი ძვრები ვერ მოახდინა. „პოლიტიკაში ღარიბაშვილის დაბრუნება კარგია, მაგრამ მისმა დაბრუნებამ შიდაპარტიულ ცხოვრებაში არსებითი ძვრები ვერ მოახდინა, რაც ძალიან სამწუხაროა. ამ ფონზე, საზოგადოების წარმომადგენლები 2020 წლის საპარლამენტო არჩევნებზე დავფიქრდებით და „ქართულ ოცნებას“ ან გავუშვებთ ხელისუფლებიდან ან თუ აზრი ექნება, კვლავ ხელისუფლებაში დავტოვებთ“_ აღნიშნა ... ...
  • სპეციალური პენიტენციური სამსახური, აღდგომის დღესასწაულთან დაკავშირებით, ამანათების მიღებას იწყებს (R) სპეციალური პენიტენციური სამსახურის დაქვემდებარებაში არსებული ყველა პენიტენციური დაწესებულება ბრალდებულების/მსჯავდებულებისთვის, აღდგომის დღესასწაულთან დაკავშირებით, ამანათების მიღებას იწყებს. პენიტენციურ დაწესებულებებში ამანათების მიღება 25-26 აპრილს დილის 9:00 საათიდან დაიწყება და 20:00 საათამდე გაგრძელდება. ხოლო შაბათს, 27 აპრილს, ამანათების მიღება 09:00 საათიდან 15:00 საათამდე იქნება შესაძლებელი. სპეციალური პენიტენციური სამსახური ამანათების მიღების პროცესის შეუფერხებლად წარმართვას უზრუნველყოფს, რისთვისაც მსჯავრდებულების/ბრალდებულების ახლობლებმა თან უნდა იქონიონ ID ბარათი, პასპორტი ან მართვის მოწმობა, რომელზეც მოქალაქის პირადი ნომერი არის დატანილი. ამანათის შეგზავნის უფლება აქვს მხოლოდ სრულწლოვან პირს. ასევე, ამანათის შიგთავსის განსაზღვრის მიზნებისათვის, სპეციალური პენიტენციური სამსახური შეახსენებს პატიმართა ოჯახებსა და ახლობლებს, რომ წელს, ყველა პატიმრისათვის „გუდვილი“-ს მიერ გადაცემული იქნება სააღდგომო პასკა და წითელი კვერცხები. „გუდვილი“-ს მიერ ყველა პენიტენციურ დაწესებულებაში მოცემული ძღვენის შეტანა დაიწყება მიმდინარე კვირის შაბათ დღეს. ... ...
  • მანანა ქოჩლაძე: “ჰიდროენერგეტიკული ობიექტები ვერანაირ სტანდარტს ვერ აკმაყოფილებენ“ „ძირითადი პრობლემა, რაც ჰესების მშენებლობასთან დაკავშირებით არსებობს, ეს არის მშენებლობის სწორად დაგეგმვის არარსებობა. დღეს საქართველოს თითქმის ყველა მდინარეზე ჰიდროელექტროსადგურების მშენებლობა ისეა დაგეგმილი, რომ მათი სიმძლავრეები ხელოვნურად არის განსაზღვრული. ქვეყანაში არსებული ჰიდროენერგეტიკული ობიექტები ვერანაირ სტანდარტს ვერ აკმაყოფილებენ“,_ აღნიშნავს “გურია ნიუსთან“ “მწვანე ალტერნატივის“ თავმჯდომარე მანანა ქოჩლაძე. რაც შეეხება ჰესის მშენებლობასთან დაკავშირებულ რეკომენდაციებს, ქოჩლაძე აცხადებს,  რომ პირველ ეტაპზე მდინარის წლის დინება კარგად უნდა იქნას შესწავლილი, რის შემდეგ შესაძლებელია, სწორად გავთვალოთ გარკვეულ ადგილზე რამდენი მეგავატიანი ჰესის მშენებლობა არის შესაძლებელი. „საქართველოში ჰესის მშენებლობა მხოლოდ იმ შემთხვევაში უნდა იყოს დასაშვები, თუ ის მდინარის ეკოსისტემას არ დააზიანებს. ჯერ მდინარის წლის დინება კარგად უნდა იქნას შესწავლილი, რის შემდეგ შესაძლებელია, სწორად გავთვალოთ, გარკვეულ ადგილზე რამდენი მეგავატიანი სადგურის მშენებლობა არის შესაძლებელი. საქართველოში პირიქით ხდება, ჯერ ინვესტორი კონკრეტული სიმძლავრის ჰიდროელექტროსადგურის მშენებლობის შესახებ მემორანდუმს აფორმებს, რის შემდეგ გარემოზე ზემოქმედების შეფასებების შესწავლა მიმდინარეობს, რაც დიდი პრობლემაა“. მისივე განცხადებით, აუცილებელია საქართველოში შეიქმნას ენერგეტიკის განვითარების გეგმა, რომელშიც აისახება ენერგეტიკის მხრივ  ქვეყანაში რა მოთხოვნილებები არსებობს. “აუცილებელია მოხდეს ენერგეტიკის განვითარების გეგმის შედგენა, რომელშიც მთლიანად აისახება საქართველოში ენერგეტიკის მხრივ რა მოთხოვნილებები არსებობს. ქვეყანაში ენერგეტიკის მოხმარება იზრდება, მაგრამ რის ხარჯზე?! ეს მაინც ხომ უნდა ვიცოდეთ?! სამინისტროს წარმომადგენლები ამტკიცებენ, რომ ენერგეტიკის განვითარების სტრატეგია არსებობს. ეს სტრატეგია 2016 წლის სექტემბერშია გამოქვეყნებული, რომელშიც ამ დრომდე ერთი სიტყვაც არ შეცვლილა და რაც ყველაზე მნიშვნელოვანია, აღნიშნული დამტკიცებული არ არის“, _ ამბობს ქოჩლაძე. “მწვანე ალტერნატივის“ თავმჯდომარე აღნიშნავს, რომ საქართველოში არსებული სტანდარტის მიხედვით, ჰესის მშენებლობის შემდეგ, მდინარეში 10% წყლის დარჩენა საკმარისია იმისთვის, რომ მდინარემ იფუნქციონიროს, რაც კრიტიკას ვერ უძლებს. „შესაბამისი სტრუქტურები გარკვეული ჰესის გარემოზე ზემოქმედების გეგმას შედგენის პროცესში მარტივად ამბობენ, რომ  მდინარეში 10% წყლის დარჩენა საკმარისია იმისთვის, რომ მდინარემ იფუნქციონიროს, რაც კრიტიკას ვერ უძლებს. უფრო მეტიც, ამერიკის შეერთებულ შტატებში არსებული სტანდარტის მიხედვით, თუ მდინარეში 30% ზე ნაკლებ წყალი დარჩება, ეს აპრიორი მათთვის არაობიექტური სტანდარტია. შესაბამისად, ამ მხრივ საქართველოში დიდი პრობლემა არსებობს“,_ აცხადებს ქოჩლაძე. ... ...

არქივი

ზაფრანი

თამაში თუ რეალობა...

ქალს შეუძლია, თავის შესახებ ყველაფერი...

„სასწრაფო” დიეტა

თუ გსურთ, მოკლე დროში კილოგრამების...

რაში ხარჯავს ქალი ყველაზე მეტ დროს ფუჭად?

რაში ხარჯავს ქალი ყველაზე მეტ...

სვით მაყვლის ფოთლების ჩაი

მაყვალი სამკურნალო მცენარეა. სამკურნალოდ გამოიყენება...

რა მოსწონთ ქალებს მამაკაცებში ცეკვის დროს

ცოტა ხნის წინ ბრიტანელმა სწავლულებმა...
კარმიდამო ჩემი

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...

ნუ ეხუმრებით გაციებას!

გაციება სიცივის დადგომისთანავე ვლინდება. ბევრი...