სტიქიით დაზარალებულთა დახმარების კვალდაკვალ

მთავარი თემა

სტიქიით დაზარალებულთა დახმარების კვალდაკვალ

19 ივნ. 2013, 11:59:02

მუნიციპალიტეტს სარეაბილიტაციო მასალებით დახმარება საქველმოქმედო ფონდმა "ქართუმ" და ფინანსთა სამინისტროს მომსახურების სააგენტომ გაუწიეს.

ჩვენ მიერ გამგეობიდან გამოთხოვილი ოფიციალური დოკუმენტების საფუძველზე ირკვევა, რომ 2013 წლის 23 მარტს, ოზურგეთის მუნიციპალიტეტში, სტიქიით გამოწვეული ზარალის სალიკვიდაციო სამუშაოების გახორციელებისთვის გამოყოფილი იქნა 2 000 ლიტრი დიზელი, რომლითაც, როგორც დოკუმენტშია ნათქვამი, სამშენებლო მასალების ტრანსპორტირება გახორციელდა და ასევე, 1 000 ლიტრი ბენზინი, რომელიც, დოკუმენტის თანახმად, ზარალის დამთვლელი კომისიის მოძრაობას მოხმარდა.

# 497 ბრძანების საფუძველზე, 2013 წლის 23 მარტს, ოზურგეთის მუნიციპალიტეტში სტიქიის შედეგად დაზიანებული საცხოვრებელი სახლების მდგომარეობის შესასწავლად, საგანგებო სიტუაციათა მართვის დროებითი კომისია შეიქმნა.

კომისიის თავმჯდომარეა კონსტანტინე შარაშენიძე, ოზურგეთის მუნიციპალიტეტის გამგებლის მოვალეობის შემსრულებელი, თავმჯდომარის მოადგილე _ გიორგი ღურჯუმელიძე, გამგებლის მოადგილე; წევრები: თემურ გიორგაძე, ეკონომიკისა და საინვესტიციო გარემოს განვითარების განყოფილების უფროსი, გელა ჭანუყვაძე, გამგეობის ზედამხედველობის სამსახურის უფროსი, ალეკო ბერიძე, საფინანსო _ საბიუჯეტო სამსახურის უფროსი.

ოფიციალური დოკუმენტის თანახმად, დროებით კომისიას უნდა შეესწავლა დაზიანებული ოჯახების მდგომარეობა, შეედგინა სადეფექტო აქტები და წარმოედგინა ხარჯთაღრიცხვა.

ბრძანებას ხელს მუნიციპალიტეტის გამგებლის მოვალეობის შემსრულებელი კონსტანტინე შარაშენიძე აწერს.

ოზურგეთის მუნიციპალიტეტის გამგებლის მოვალეობის შემსრულებელმა კოტე შარაშენიძემ ჟურნალისტებთან გამართულ პრესკონფერენციაზე განაცხადა, "ოზურგეთის მუნიციპალიტეტში 23 მარტის სტიქიის შედეგების სალიკვიდაციოდ, ეტაპობრივად მიმდინარეობდა დაზარალებულთა დახმარება. მუნიციპალიტეტის გამგეობას 400-მდე დაზარალებულმა მომართა. ამ დროისათვის 220 დაზარალებულ ოჯახს სამშენებლო მასალებით დახმარება გაეწია, ხოლო 50 სახლი სრულად იქნა გადახურული."

ჩვენ შევეცადეთ, გადაგვემოწმებინა ეს ინფორმაცია და რეალურად გვენახა, არიან თუ არა დაკმაყოფილებულები ის ოჯახები, რომლებიც სტიქიით დაზარალებულთა სიაში მოხვდნენ, ვისი სახლები გადაიხურა და ვინ ვერ მოხვდა დახმარების სიაში, რა კრიტერიუმებით შეირჩა ის ოჯახები, რომლებსაც გამგეობამ დახმარება გაუწია, ადევს თუ არა პროცესებს პოლიტიკური სარჩული და იყო თუ არა ვალდებული გამგეობა, ის განცხადებები, რომელიც შემოვიდა, შეძლებისდგავარად დაეკმაყოფილებინა.

გაგაცნობთ რამდენიმე ოჯახის პრობლემებს, რომლებმაც "გურია ნიუსს" მომართეს _ მათ სტიქიამ საცხოვრებელი სახლები მნიშვნელოვნად დაუზიანა, აქვთ განცხადებები შეტანილი გამგეობაში, რომლითაც დახმარებას ითხოვდნენ, თუმცა, ეს დახმარება დღემდე არ მიუღიათ. როგორც ისინი აცხადებენ, კომისია მივიდა ადგილზე, შეისწავლა ვითარება, დაპირდა მათ, რომ აუცილებლად დაეხმარებოდნენ, თუმცა, მას შემდეგ მესამე თვე გადის და მოსახლეობას უკვე იმედი გადაეწურა.

ოზურგეთში ი. ჯავახიშვილის ქუჩის #27-ში მცხოვრები ლედი ინწკირველი და თამაზ ხუხუნაიშვილი "გურია ნიუსთან" ამბობენ, რომ არ ეგონათ, თუ დღევანდელი ხელისუფლების პირობებში ასე უყურადღებოდ დატოვებდნენ: _ საშინელი შეგრძნება იყო _ სტიქიის დღეს სულ ჩამოგვიყარა ფანჯრები, დაგვილეწა ყველაფერი, ოთახებში თავზე გვაწვიმს. სულ დაზიანებულია სახლი. საშინელ სიტუაციაში ვართ. მოვიდნენ გამგეობიდან, აზომეს, დაგვპირდნენ, რომ აუცილებლად გაგვიკეთებდნენ. ორი თვეა დავდივარ და გამგებლის ნახვა არ მოხერხდა _ ზუსტი, კონკრეტული პასუხი ვერავისგან ვერ გავიგე. ორი დღის წინ ვიყავი მისული, მაჩვენეს კომპიუტერში, რომ ნამდვილად ვარ შეყვანილი სიაში, თუმცა, კონკრეტული პასუხი მაინც ვერ გამცეს, დამეხმარებოდნენ თუ არა, _ გვითხრა ლედი ინწკირველმა.

უფრო მძიმე სიტუაციაა ოზურგეთის მუნიციპალიტეტის სოფელ ლიხაურში მცხოვრები ნუნუ კალანდაძის ოჯახში.

_ 72 წლის მოხუცი პენსიონერი ვარ, დიაბეტიანი, გულით ავადმყოფი. 6 წლის განმავლობაში ვითხოვ დახმარებას. ნახეთ, როგორ ოჯახში ვცხოვრობ. შვილები უმუშევრები მყავს, გვახრჩობს წყალი _ ზევიდან, ქვევიდან. ნახეთ, გეხვეწებით, გადაიღეთ _ იქნებ, ვინმე დამეხმაროს. წინა ხელისუფლება მატყუებდა, აღარ მეგონა თუ ახალი ხელისუფლებაც ყურადღებას არ მომაქცევდა. დავდივარ მოხუცებული ადამიანი წინ და უკან. ჩემი ათასი განცხადება დევს გამგეობაში, რომლითაც დახმარებას ვითხოვდი. ახლა ამ სტიქიამ სულ გადააძრო სახურავი სახლს, კედლები დააზიანა. სოციალურ დახმარებას რომ ჩემნაირს მოუხსნის, ეს სახელმწიფოა? გადაიღეთ ფოტოები, ყველამ ნახოს, რა პირობებში ვცხოვრობ, _ გვითხრა ნუნუ კალანდაძემ.

იურისტი ია მემარნიშვილი "გურია ნიუსთან" აცხადებს, რომ ძალიან ბევრი ოჯახი დარჩა დახმარების გარეშე: _ სტიქიით დაზარალებულთა დასახმარებლად შეიქმნა ფონდი, სადაც ხდებოდა ამ ოჯახების აღრიცხვა. საქმეს შეისწავლიდა შესაბამისი კომისია. მიუხედავად ამისა, იმ ადამიანების რიცხვი, რომლებიც დახმარების გარეშე დარჩნენ, კვლავ დიდია. ჩვენ უამრავი მოქალაქე მოგვმართავს და შველას ითხოვს. ისმის კითხვა _ რამდენად სამართლიანად იქცევა ადგილობრივი თვითმმართველობა? როგორც ვიცი, სტიქიით დაზარალებულთა დახმარება უკვე დამთავრდა თუ შეჩერდა ისე, რომ ზოგიერთ დაზარალებულ ოჯახში კომისიაც არ შესულა. ასევე, გაჩნდა საფუძვლიანი ეჭვი იმისა, რომ რეალურად ამ ქმედებებს ადევს პოლიტიკური სარჩული. საინტერესოა, რა კრიტერიუმებით შეარჩია კომისიამ ის ოჯახები, ვისაც დახმარება გაეწია? რატომ დარჩა უკიდურესად გაჭირვებული ოჯახები დახმარების გარეშე?

ოზურგეთის მუნიციპალიტეტის გამგებლის მოვალეობის შემსრულებელი კოტე შარაშენიძე "გურია ნიუსთან" აცხადებს, რომ შესაბამისი დახმარება ყველა დარჩენილ ოჯახს გაეწევა: _ ჩვენ აბსოლუტურად ყველა დაზარალებულ ოჯახს დავეხმარეთ, ვეხმარებით და დავეხმარებით კიდეც. ყველაფერი უცებ და ერთბაშად არ და ვერ გაკეთდება.

_ ბატონო კოტე, რამდენი ოჯახი დარჩა დახმარების გარეშე?

_ ზუსტ ციფრს ვერ გეტყვით, თუმცა, კი არიან დარჩენილები...

_ თქვენ იყავით კომისიის თავმჯდომარე. რა კრიტერიუმებით შეარჩიეთ ის ოჯახები, ვისაც გადაუხურეთ სახლები? ამბობენ, რომ ეს ნათესაური კავშირებით მოხდა. ასევე, უმეტესად, "ნაციონალებს" გაეწიათ დახმარება. ასევე ამბობენ, რომ ოჯახებს, რომლებსაც მხოლოდ ორი შიფერი აუძრო ქარმა, თქვენ სულ გადაუხურეთ, იმიტომ, რომ თქვენი ახლობელი იყო.

_ ჩემთვის მნიშვნელობა არ აქვს, ვინ ვინაა. ვისაც დაუზიანდა სახლი სტიქიის დროს და დაზარალდა, ყველას დავეხმარე. ამას ძირითადად ჩასაფრებული ადამიანები ამბობენ, კი იცით, ამ ბოლოს როგორც მოქმედებენ.

_ თქვენი კომისიის მიერ ხდებოდა თუ არა დაზიანებული სახლების დასურათება, ვინ რა კატეგორიით დაზარალდა? ასევე, კეთდებოდა თუ არა შესაბამისი ხარჯთაღრიცხვა, სადეფექტო აქტები? აგრეთვე, გვაინტერესებს იმ ინდმეწარმეების ვინაობა, რომლებმაც ეს სამუშაოები შეასრულეს.

_ ყველაფერი კეთდებოდა კანონიერად. შეგიძლიათ, ამოიღოთ დოკუმენტები, რომელიც დევს გამგეობაში. ჩემი თხოვნაა, ვინც ინფორმაციები მოგაწოდათ, რომ მე თითქოს რაიმე არაკანონიერად გავაკეთე, მოვიდნენ თქვენთან ერთად და მითხრან, რა სურთ. დამიდონ ფაქტები და ვისაუბრებ მხოლოდ ფაქტებზე დაყრდნობით.

_ გაუწევს თუ არა მუნიციპალიტეტი შესაბამის დახმარებას თამაზ ხუხუნაიშვილისა და ნუნუ კალანდაძის ოჯახებს?

_ რა თქმა უნდა, გაუწევს.


სტატია მომზადებულია ფონდის"ღია საზოგადოება _ საქართველოს" მიერ დაფინანსებული პროექტის _ "დათვალე საკუთარი ფული!", ფარგლებში და მასში გამოთქმული მოსაზრება არ გამოხატავს ფონდის პოზიციას.




 ახალი ამბები
  • ხანძარი ჩოხატაურში- ცეცხლმა ხვიჩა გელოვანის საცხოვრებელი სახლი გაანადგურახანძარი ჩოხატაურში- ცეცხლმა შუა სურებში ერთ-ერთი მოსახლის საცხოვრებელი სახლი გაანადგურა. როგორც "გურია ნიუსს" მერის წარმომადგენელმა შუა სურების ადმინისტრაციულ ერთეულში, განუცხადა, დამწვარია ხვიჩა გელოვანის საცხოვრებელი სახლი.  შემთხვევის ადგილზე ამ დრომდე იმყოფებიან მეხანძრე-მაშველები. როგორც საგანგებო სიტუაციების მართვის სამსახურში ამბობენ, შემთხვევის ადგილას მობილიზებულია 3 სახანძრო ეკიპაჟი. ხანძრის შედეგად არავინ ... ...
  • უბედური შემთხვევა თბილისში- ერთ წლამდე ბავშვი მე-14 სართულიდან გადავარდაერთ წლამდე ბავშვი მე-14 სართულიდან დღეს, გამთენიისას გადავარდა და ადგილზე გარდაიცვალა. უბედური შემთხვევა თბილისში, ფონიჭალის დასახლებაში მოხდა. შინაგან საქმეთა სამინისტროს ინფორმაციით, უბედური შემთხვევის დროს ბავშვის მშობლები სახლში იმყოფებოდნენ. მომხდარზე გამოძიება სისხლის სამართლის კოდექსის 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს. ... ...
  • იმოგზაურე მატარებლით და აღმოაჩინე საქართველო რკინიგზასთან ერთად! (R)ძვირფასო მგზავრებო! ორშაბათს, 10 აგვისტოს თბილისი-ფოთის რეისზე მარიკა ბაკურაძე დაგემგზავრებათ.  ჩვენი გზამკვლევი მოგიყვებათ რა ისტორია ინახება ფოთის მუზეუმში, რომელიც ,,გერმანულ სახლში" მდებარეობს, რაზე მოგვითხრობს ლეგენდა პალიასტომის ტბის შესახებ, რომელ ტყეს ადარებენ უცხოელები ამაზონის ტყეს და როგორია კოლხეთის ნაკრძალი, რომელიც აუცილებლად მოსანახულებელ ადგილთა სიაში შედის - ეს ჩვენი ე.წ. გიდის ამბების მხოლოდ მოკლე ჩამონათვალია.  დაგვემგზავრეთ ფოთის რეისზე და ჩვენ საინტერესო თავგადასავალს გპირდებით.   შეგახსენებთ, რომ მგზავრობის პროცესში ჩვენი გადამღები ჯგუფი აწარმოებს გადაღებას, მოგვიანებით კი მოვამზადებთ საინფორმაციო ვიდეო რგოლს, რადგან სხვა ადამიანებსაც მოვასმენინოთ ჩვენი გზამკვლევების მიერ მოყოლილი ამბები. იმოგზაურე მატარებლით და აღმოაჩინე საქართველო რკინიგზასთან ერთად! ... ...
  • მეუფე მელქისედეკი - საქართველოს ომი არ დაუწყია"ცნობილი გამოთქმა - ,,დათვი რომ მოგერევა, ბაბაია დაუძახეო“ არათუ ქართული არაა, არამედ ანტიქართულია და მხოლოდ იმისკენაა მიმართული, რომ ჩვენს ხალხში მონური სულისკვეთება გააღვივოს", - ასე გამოეხმაურა, აგვისტოს ომის 12 წლისთავს, მარგვეთის და უბისის ეპისკოპოსი მელქისედეკი (ხაჩიძე). მეუფეს თქმით, რუსეთ-საქართველოს ომი 2008 წელს არ დაწყებულა და არც დასრულებულა. როგორც მღვდელმთავარი აღნიშნავს, საქართველოს ომი არ დაუწყია და რუსეთი არის ოკუპანტი. ,,გურია ნიუსი“ მღვდელმთავრის წერილს, რომელიც სოციალურ ქსელში გავრცელდა, უცვლელად გთავაზობთ: ,,ქრისტესმიერ საყვარელო ძმანო და დანო, კიდევ ერთხელ გვიწევს რუსეთ-საქართველოს შორის მომხდარი, 2008 წლის აგვისტოს თარიღის გახსენება. ჩვენი და ჩვენი ჩრდილოელი მეზობლის დაპირისპირებაზე საუბრისას, კონკრეტული თარიღი ალბათ უფრო პირობითი ტერმინია. დიახ, რუსეთს საქართველოს თავისუფლებისა და სუვერენიტეტის წინააღმდეგ ომი 2008 წელს არც დაუწყია და არც დაუმთავრებია, გვებრძოდა მანამ და გვებრძვის იმის მერეც, ოღონდ განსხვავებული საშუალებებით, იქნება ეს ეკონომიკური ემბარგო, მავთულხლართები, ჰიბრიდული ომი, ცრუ ინფორმაციების გავრცელება თუ სხვა საზარელი მეთოდები, რომლებითაც, სამწუხაროდ, უფრო მეტად იფლობა ოკუპაციის მომაკვდინებელ და დამღუპველ ცოდვაში. აგვისტოს ომმა თითოეულ ჩვენგანს უამრავი ტკივილი მოგვაყენა, მაგრამ თუ კარგად დავფიქრდებით ვნახავთ, რომ ის საგმირო საქმეები, რაც ჩვენმა თანამემამულეებმა 2008 წლის აგვისტოში გამოიჩინეს, წაუშლელ კვალს დატოვებს ქართველი ერის მეხსიერებაში. რად ღირს შინდისის გმირების, გიორგი ანწუხელიძის თუ სხვათა (თუნდაც დღემდე უცნობი) ქართველების გაბედულების გახსენება, რომლებმაც საკუთარი თავი გასწირეს, რათა ჩვენთვის ესწავლებინათ, რომ მტერს, თუნდაც ურიცხვს, არ შეიძლება უფლება მივცეთ, რომ სისხლით მონაპოვარი დამოუკიდებლობა დაგვათმობინოს. ფილოლოგი არ ვარ, მაგრამ მგონია, რომ ცნობილი გამოთქმა - ,,დათვი რომ მოგერევა, ბაბაია დაუძახეო“ არათუ ქართული არაა, არამედ ანტიქართულია და მხოლოდ იმისკენაა მიმართული, რომ ჩვენს ხალხში მონური სულისკვეთება გააღვივოს. აგვისტოს ომის გმირების ისტორიის კარგად შესწავლა ამ პრობლემასაც აგვაცილებს თავიდან. ჩვენი მოქალაქეებისა და მეომრების ისტორიის გახსენებასთან ერთად, ამ საკითხზე საუბრისას, არ შეიძლება უცხოელი მეგობრებისა და პარტნიორების ამაგის დაუფასებლობა, რომ არაფერი ვთქვათ იმ დიპლომატიურ ომზე, რაც მსოფლიოს საერთაშორისო ორგანიზაციების ტრიბუნებზე იყო გაჩაღებული და ჩვენი უმთავრესი სტრატეგიული პარტნიორის, ამერიკის შეერთებული შტატების დახმარებაზე, ცალკე უნდა გამოვყოთ აღმოსავლეთ ევროპის სახელმწიფოების თანადგომა და მათი მეთაურების საოცარი გაბედულება, რომლებმაც, საკუთარი სიცოცხლის საფრთხეში ჩაგდების სანაცვლოდ დატოვეს კომფორტული სამუშაო კაბინეტები, ჩამოვიდნენ საქართველოში და გვერდში დაგვიდგნენ. უფალმა დაუფასოს მათ და მათ სახელმწიფოებს ეს ამაგი. და ბოლოს, მსურს კიდევ ერთხელ შევავედრო ყოვლადმოწყალე უფალს აგვისტოს ომში აღსრულებული, როგორც მშვიდობიანი მოსახლეობის, ასევე ქართველი მეომრების უკვდავი სულები და შევთხოვო, რომ მისი სარწმუნოების ერთგულ ქართველ, მშვიდობისმოყვარე ერს, ააცილოს სამომავლოდ ის აგრესია, რაც 2008 წელს ოკუპანტმა რუსეთმა ჩვენი სახელმწიფოს წინააღმდეგ გამოიჩინა. საქართველოს ომი არ დაუწყია! რუსეთი ... ...
  • ლანჩხუთში 2008 წლის ომში დაღუპული გმირების ხსოვნას პატივი მიაგესდღეს ლანჩხუთის მუნიციპალიტეტის ხელმძღვანელობამ პატივი მიაგო 2008 წლის ომში დაღუპული გმირების ხსოვნას. ამ ომმა ლანჩხუთიდან სამი ვაჟკაცის სიცოცხლე შეიწირა- ემზარ წილოსანი და რუსლან წულაძე შინდისის ბრძოლაში დაეცნენ, ვასილ სმირნოვი კი გორის გზაზე დაბომბვას ემსხვერპლა.  ლანჩხუთის მუნიციპალიტეტის მერმა, ალექსანდრე სარიშვილმა საკრებულოს თავმჯდომარე ბესიკ ტაბიძემ და ადგილობრივი ხელისუფლების სხვა წარმომადგენლებმა გმირების საფლავები ყვავილებით შეამკეს. "დღეს 12 წელი გავიდა იმ ავბედითი თარიღიდან, მაგრამ რა დროც უნდა გავიდეს, ჩვენ გმირებს დავიწყება არ უწერიათ. ქედს ვიხრით მათ წინაშე", - აღნიშნა მუნიციპალიტეტის მერმა, ალექსანდრე სარიშვილმა.  ივერიის ღვთისმშობლის ხატის სახელობის ეკლესიაში მამა დავითმა (წულაძემ) გმირთა სულების მოსახსენებელი პანაშვიდი ... ...

არქივი

ტესტები

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...