ჩაერია თუ არა საკრებულო შტატების დანიშვნაში

მთავარი თემა

ჩაერია თუ არა საკრებულო შტატების დანიშვნაში

2013 ივნ 29 21:05:41

ამაში, ერთი შეხედვით, ცუდი არაფერია _ დასაქმებას შეეწყო ხელი, მაგრამ მეორეს მხრივ, მოსახლეობის უმეტესი ნაწილი მიიჩნევს, რომ აბაშაში დასაქმება ნაცნობ-მეგობრობით და ნათესაობით ხდება.

ყველაზე მეტი საშტატო ერთეული ა(ა)იპ აბაშის მუნიციპალიტეტის კულტურის ცენტრში შეიქმნა. 2013 წელს 13 ახალი თანამშრომელი მიიღო კულტურის სახლმა, აქედან 12 _ თებერვალსა და მარტში, ხოლო ერთი ახალი თანამშრომელი მაისში დაინიშნა.

ჩვენ კულტურის ცენტრის დირექტორს, რევაზ მიქაძეს ვესაუბრეთ.

_ ბატონო რევაზ, 2013 წლიდან თქვენ 13 ახალი თანამშრომელი მიიღეთ. მოსახლეობის ნაწილი ამბობს, კულტურის სახლში ისედაც "გაბერილი" იყო შტატები და ახალი შტატების დაშვებას პოლიტიკური მოტივით ხსნის, ზოგი კი ამბობს, რომ კადრები საკრებულოს მითითებით შეირჩნენ.

_ ჩვენს დაქვემდებარებაში შემოვიდა სიმონ ჩიქოვანის სახელობის სახლ-მუზეუმიც და ამ 13 საშტატო ერთეულიდან ოთხი სწორედ ამ მუზეუმის თანამშრომელია, დანარჩენები კულტურის სახლში მუშაობენ. რაც შეეხება "გაბერილ შტატებს", მე სხვანაირად მესმის ეს ტერმინი _ "გაბერილია" მაშინ, როცა არსებობს შტატი და არ არსებობს თანამშრომელი. ასეთ შემთხვევას ადგილი ნამდვილად არ აქვს. სხვა საკითხია, რამდენად გვჭირდება ესა თუ ის საშტატო ერთეული. ჩემთვის, მაგალითად, გაუგებარია, თუ კულტურის ცენტრი საკრებულოს დაქვემდებარებაშია და უკვე წლებია ასეთი სტრუქტურით მოქმედებს, რა საჭიროა დავუშვათ იურისტი ან კულტურის ცენტრში ეკონომიკური განყოფილება არსებობდეს ცალკე, როცა საკრებულოს აქვს ეს შტატები და საჭიროების შემთხვევაში შეგვიძლია მათ მივმართოთ. მაგრამ ამას ჩვენ არ ვწყვეტთ და კიდევ გიმეორებთ, ასეთი სტრუქტურა უკვე წლებია, ჩამოყალიბდა.

_ პოლიტიკურ მოტივზე რას იტყვით?

_ ვერც ამაში დავეთანხმები იმ ადამიანებს, რომლებიც ამას ლაპარაკობენ. მოდით, გადავხედოთ სიას. მაკალათია ბელა „ნაციონალური მოძრაობის“ ოფისში მუშაობდა, რუსია ზურაბი _ კოალიციის შტაბში. გამოდის _ ერთი ნაციონალია, მეორე _ "ოცნება". სად ხედავთ აქ პოლიტიკურ სარჩულს? თუ იმას იტყვიან, რომ ახალი ხელისუფლების წარმომადგენლებს ასაქმებენ მხოლოდო, მაგალითი აგერ გვაქვს _ ბელა მაკალათია. თუ პირიქით იტყვიან, მაინც არ გამოდის. ასე რომ, დამერწმუნეთ, პოლიტიკური შეხედულება აქ არაფერ შუაშია.

_ არც ის არის მართალი, რომ საკრებულოს თავმჯდომარის უშუალო მითითებით იქნა რამდენიმე თანამშრომელი დანიშნული?

_ მითითება და ბრძანება არ ყოფილა. საკრებულოს თავმჯდომარემ რეკომენდაცია გაუწია სამ ადამიანს _ თენგიზ ჭანტურიას, ხათუნა კაჭარავას და ზურაბ რუსიას . მისი თხოვნით და ურთიერთშეთანხმებით მოხდა მათი დანიშვნა.

_ გამოდის, მაინც ყოფილა საკრებულოს ფაქტორი. ბატონო რევაზ, მოსახლეობის ნაწილის თქმით, ადრე კულტურის სახლში რაიმე კონცერტის ან საქველმოქმედო აქციის ჩატარება თუ უნდოდა გარეშე პირს, კულტურის სახლის დირექტორი ყოველთვის საკრებულოს თავმჯდომარესთან ათანხმებდა ყველა ნაბიჯს ან თვითონ საღამოს ორგანიზატორებს უწევდათ საკრებულოში სხვადასხვა საკითხების გასარკვევად მისვლა. თქვენი დანიშვნის შემდეგ თუ შეიცვალა სიტუაცია?

_ მიუხედავად იმისა, რომ ჩვენ ანგარიშვალდებულები ვართ საკრებულოს წინაშე და ვიმყოფებით მის დაქვემდებარებაში, ასეთ შემთხვევას ადგილი არ ჰქონია. შემიძლია გითხრათ, რომ საკრებულო ნამდვილად არ ერევა ჩვენს საქმიანობაში და ვერც ჩაერევა, რადგან კანონის უზენაესობა ყველაფერზე მაღლა დგას და ჩვენ ყველამ უნდა ვისწავლოთ კანონის მორჩილება. ვერავინ მიბრძანებს კანონის საწინააღმდეგო გავაკეთო რამე, სულ დავტოვებ თანამდებობას და მერწმუნეთ, კანონის ფარგლებს არ გადავალ. იყო ერთი ასეთი შემთხვევა _ ერთ-ერთმა მაღალი თანამდებობის პირმა მოგვთხოვა, არ გასულიყო აპარატურა ერთ-ერთ საღამოზე, მაგრამ მე უარი ვუთხარი და ახლაც ხმამაღლა ვიტყვი, რომ ყველა იმ საქმეს, რომელიც რაიონის სასიკეთოდ კეთდება, ჩვენ დავუდგებით გვერდით და საერთოდ არ მაინტერესებს ამა თუ იმ მაღალჩინოსნის პირადი შეხედულებები და დამოკიდებულება. უკვე ვიცი შემდეგი კითხვა რა იქნება და მოდით ამ ეტაპზე ნუ დავკონკრეტდებით, ვინ იყო ეს ჩინოვნიკი და როდის მოხდა ეს ფაქტი.

_ დანამდვილებით შემიძლია გითხრათ, რომ წინასაარჩევნოდ კულტურის ცენტრი და ყველა მისი თანამშრომელი აბსოლუტურად პოლიტიზირებული იყო და ყოველთვის უარს ეუბნებოდნენ სხვა პარტიების თუ განსხვავებული აზრის მქონე ჯგუფებს დარბაზის დათმობაზე. ახლა „ნაციონალური მოძრაობა“ უკვე ოპოზიციაშია, მე საქართველოს მასშტაბებს ვგულისხმობ, თორემ აბაშაში სწორედ ისინი არიან გამარჯვებული ძალები. ახლა რომ თქვენთან „ნაციონალური მოძრაობა“ მოვიდეს და დარბაზი გთხოვოთ, დაუთმობთ?

_ რა თქმა უნდა. გადაიხადონ კანონით გათვალისწინებული გადასახადი და დარბაზი დაეთმობათ. კულტურა აბსოლუტურად გამიჯნული უნდა იყოს პოლიტიკიდან. მე, როგორც დირექტორი, ვერც ერთ თანამშრომელს ვერ დავუშლი მისთვის სასურველ პარტიაში გაწევრიანებას და სამუშაოს გარეთ, რაც უნდა ის აკეთოს. მაგრამ კულტურის ცენტრი, დამერწმუნეთ, ახლა უკვე ნამდვილად აპოლიტიზირებულია. ბიძინა ივანიშვილიც რომ ჩამობრძანდეს და დარბაზის დათმობა ითხოვოს, მანაც უნდა გადაიხადოს ის გადასახადი, რაც ტარიფშია მითითებული.

_ კულტურის სფეროში, ისევე როგორც ყველა დარგში, პროფესიონალები უნდა მუშაობდნენ. ადამიანები უკმაყოფილებას გამოთქვამენ იმის გამო, რომ არც კი იცოდნენ არსებული ვაკანსიების შესახებ, ბევრი მართლაც პროფესიონალი ადამიანი ზის სახლში, რომლებსაც ნამდვილად შეუძლიათ კულტურის სფეროში საკუთარი სიტყვა თქვან და წინა პლანზე წამოწიონ რაიონის კულტურული ცხოვრება.

_ მაგაში გეთანხმებით. სულ ვფიქრობ ამაზე და მივაღწიე კიდეც შეთანხმებას, რომ ატესტაციები ჩატარდეს, კონკურსი გამოცხადდეს და ისე შეირჩნენ თანამშრომლები. ალბათ, უკვე მალე გვექნება ამის შესაძლებლობა.

_ თქვენი დანიშვნის შემდეგ საკმაოდ გახშირდა კონცერტები, რაც ადრე არ ხდებოდა.

-კი, საკმაოდ ხშირად ტარდება როგორც ადგილზე, ისე გასვლითი კონცერტები. ჯერ ერთი, თუ მუშაობ და ხარ კულტურის სფეროში, უნდა იმუშაო, კონცერტიც ჩაატარო, საღამოც. მეორე _ როცა კულტურისა და ხელოვნების ცენტრი გაიყო, ჩვენ დაგვრჩა მხოლოდ სახელფასო ფონდი, დანარჩენი, აპარატურის შეკეთებაა ეს თუ ახალი აპარატურის ან ინსტრუმენტის შეძენა, ჩვენი სახსრებით უნდა შევძლოთ, გასვლითი კონცერტების შემდეგ აპარატურა შევაკეთეთ, ხალხური საკრავები შევიძინეთ. რაც მთავარია კულტურული ცხოვრება გააქტიურდა. ძალიან დიდი სურვილი მაქვს და რომ არ შემიძლია, არ ვთქვა _ ბავშვები კონცერტებზე უმეტესად უცხოურ სიმღერებს ასრულებენ. მინდა ფოლკლორი განვითარდეს და ამ კუთხითაც გვაქვს უკვე დაწყებული მუშაობა.

_ ბატონო რევაზ, მართლა ოთხი მოადგილე გყავთ?

_ არა, სამი მოადგილე მყავს.

_ და საჭიროა კი მოადგილის სამი შტატი?

_ პირადად ჩემი აზრი თუ გაინტერესებთ, მოადგილეები საერთოდ არ არის საჭირო. უნდა იყოს როგორც თეატრებშია _ სამხატვრო ხელმძღვანელი, ქორეოგრაფიული ხელმძღვანელი და ისეთი შტატები, რომელიც კულტურის სფეროს გამოადგება. თუმცა, სტრუქტურა, რომელიც ახლა გვაქვს წლების წინ ჩამოყალიბდა და ალბათ, შეიცვლება რამე. ამ სიაში, ახლა წინ რომ გიდევთ, ჩემთვის ყველაზე საჭირო შტატი ამათგან, რადისტია.

_ სოფლებში კლუბები უმოქმედოდ არიან. მესმის, თქვენ ჩადიხართ და ატარებთ კონცერტებს, მაგრამ სამომავლოდ მაინც თუ გაიხსნება ადგილზე სხვადასხვა წრეები, თუ იქნება ადგილზე საშტატო ერთეულები?

_ კლუბების მთავარი სპეციალისტების ხელფასი მიზერულია _ 150 ლარს არ აღემატება. ადგილზე არც ერთი კლუბი არ ფუნქციონირებს, თუმცა, მალე გადმოვლენ ჩვენს დაქვემდებარებაში და ამ კუთხითაც შევძლებთ, ალბათ, რამე გავაკეთოთ.




 ახალი ამბები
  • ექიმი ვაჟა გაფრინდაშვილი ,,საზღვრის" გადაკვეთის ბრალდებას არ აღიარებსცხინვალის იზოლატორში მოთავსებული ექიმი ვაჟა გაფრინდაშვილი ,,საზღვრის" გადაკვეთას არ აღიარებს, - ინფორმაციას qartli.ge ავრცელებს. ამის შესახებ ყოფილი პატიმრები ყვებიან, რომლებიც 14 ნოემბერს დე-ფაქტო სამხრეთ ოსეთის სასამართლომ ჯარიმის სანაცვლოდ გაათავისუფლა. ყოფილმა პატიმრებმა ახალგორის იზოლატორში 3 დღე გაატარეს. ისინი 11 ნოემბერს დააკავეს, ხოლო ვაჟა გაფრინდაშვილი - 9 ნოემბერს. საქართველოს მოქალაქეები (სულ 4-ნი) ერთმანეთს საპატიმროში შეხვდნენ. 14 ნოემბერს 3 მოქალაქე ერგნეთის გამშვებ პუნქტზე საქართველოს ხელისუფლებას გადასცეს. 15 ნოემბერს ექიმებმა მოინახულეს. ,,პროფესიული საქმიანობიდან გამომდინარე მოგვიწია ცხინვალის იზოლატორიდან გათავისუფლებულ ადამიანებთან გასაუბრება. მათი თქმით, საქმე არის შემდეგში: ერთადერთ რამეს ითხოვენ ვაჟა გაფრინდაშვილისაგან - აღიაროს საზღვრის გადაკვეთა, რაზედაც ბატონი ვაჟა კატეგორიულ უარს აცხადებს და ამბობს, რომ იმყოფება საქართველოში, ქართულ მიწაზე. ვერ გაჭრა თურმე ვერც ქართველ თანასაკნელთა ხვეწნამ და შეგონებამ",  - აღნიშნავს ექიმი დავით ღვინიაშვილი. ყოფილმა პატიმრებმა qartli.ge- სთან საუბარში განაცხადეს, რომ ექიმი თავს კარგად ... ...
  • საქართველო ენერგეტიკაში კანონების მიღებას აგვიანებს - ევროპის ენერგოგაერთიანების გაფრთხილებასაქართველო ევროპის ენერგეტიკული გაერთიანების წევრის სტატუსით აღებული ვალდებულებების შესრულებას აგვიანებს - ასეთია ენერგეტიკული გაერთიანების სამდივნოს დირექტორის იანეზ კოპაჩის შეფასებებიდან ძირითადი დასკვნა.როგორც იანეზ კოპაჩიმ ამ თემაზე გამართულ პრესკონფერენციაზე ჟურნალისტებს განუცხადა, საქართველომ დედლაინი დაარღვია. საუბარია, ენერგეტიკის სექტორში ახალი კანონების მიღების ვადებზე.„დარჩენილია, როგორც შედარებით პრიორიტეტული საკითხები, ასევე ისეთი ცვლილებებიც, რომელთა მნიშვნელობაც შედარებით ნაკლებია. ამ დროისთვის ყველაზე მნიშვნელოვანი და საჩქარო არის შენობა-ნაგებობების ენერგოეფექტურობის მიმართულებით შესაბამისი ზომების მიღება, ასევე ენერგოეფექტურობის ევროდირექტივასთან თავსებადობის უზრუნველყოფა.ასეთივე პრიორიტეტულია ჩვენთვის ელექტროენერგიისა და ბუნებრივი გაზის ბაზრების ევროდირექტივის მოთხოვნებთან თავსებადობის შექმნა. ამ ცვლილებების შედეგად, საქართველომ ენერგობაზრებს გახსნის უფლება უნდა მისცეს. ეს არ არის მხოლოდ ენერგოგაერთიანების აღებული ვალდებულებაა, არამედ ის სასიკეთოა თავად საქართველოს მოქალაქეებისთვისაც. ჩვენ იმედი გვაქვს, რომ ბაზრის ლიბერალიზაცია და სხვა ვალდებულებების შესრულება სწრაფად მოხდება.მიზეზები, რომელთა გამოც ეს ცვლილებები გაიჭედა და გაჩერდა, სხვადასხვაა. ენერგოეფექტურობის ნორმების კუთხით, ჩვენ როგორც გვითხრეს, ცვლილების გაჭიანურების მიზეზი დროში გაწელილი და უშედეგო დისკუსია იყო იმის შესახებ, თუ როგორ უნდა ჩამოყალიბებულიყო შესაბამისი მარეგულირებელი ორგანო - უნდა ყოფილიყო ის ცალკე არსებული სააგენტო, თუ - სამინისტროში შემავალი დეპარტამენტი. ეს თავის მხრივ. არც თუ ისე მნიშვნელოვანი საკითხი იყო, თუმცა როგორც ჩანს, ის იქცა ბარიერად, რის გამოც ქვეყანას ამ დრომდე არ აქვს შესაბამისი კანონმდებლობა.ბუნებრივი გაზის, წყლისა და ელექტროენერგიის ბაზრების ლიბერალიზაციის მიმართულებით, ჩვენ არ ვიცით რატომ არ არის ეს ცვლილებები მიღებული. მე ვიცი, რომ იყო დისკუსია იმის თაობაზე, თუ რა შედეგებს გამოიწვევდა მისი მიღება და ამოქმედება, როგორ შეცვლიდა ის ამ ბაზრებზე სამომხმარებლო ფასებს. იმედი მაქვს, რომ ამ მიმართულებით პოლიტიკოსთა შიშები დასრულებულია და ისიც მალევე იქნება მიღებული და ათვისებული“, - განაცხადა კოპაჩიმ.დღეის მდგომარეობით, "ენერგეტიკისა და წყალმომარაგების შესახებ" და განახლებადი ენერგიის თაობაზე კანონპროექტების განხილვა პარლამენტში, მეორე მოსმენის ეტაპზეა.შეგახსენებთ, რომ ევროკავშირთან ასოცირების ხელშეკრულებისა და ენერგეტიკული გაერთიანების დამფუძნებელ ხელშეკრულებასთან საქართველოს მიერთების შესახებ ოქმით (2016 წლის 14 ოქტომბერი) გაწერილი ვალდებულებების შესაბამისად, ეკონომიკისა და მდგრადი განვითარების სამინისტრო, ევროკავშირის სამართლებრივ ნორმებთან ჰარმონიზაციის მიზნით, ენერგეტიკის სექტორში რიგ მნიშვნელოვან საკანონმდებლო ინიციატივაზე მუშაობს. აღნიშნული პროცესი ისეთ საკითხებ მოიცავს, როგორიცაა ლიბერალიზებული ენერგეტიკული ბაზრის შექმნა, მიწოდების უსაფრთხოების ამაღლება, ენერგოეფექტურობის განვითარება, განახლებადი ენერგიების ათვისების ხელშეწყობა და ენერგეტიკული სტატისტიკის ნორმების გაუმჯობესება და სხვა. წყარო: ... ...
  • ქარელში 11 წლის ბავშვი გარდაცვლილი იპოვესქარელის მუნიციპალიეტეტის სოფელ ყინწვისში 11 წლის ბავშვი საკუთარ სახლში გარდაცვლილი იპოვეს. ,,დიანიუსის" ინფორმაციით, შემთხვევა გვიან ღამით მოხდა. მომხდარზე გამოძიება სისხლის სამართლის კოდექსის 115 -ე მუხლით ... ...
  • "ქარიშხალი ჭიქაში არ უნდა შეიქმნას" - ირაკლი კობახიძე ქარიშხალი ჭიქაში არ უნდა შეიქმნას, _ ასე გამოეხმაურა "ქართული ოცნების“ ოფისში გამართული შეხვედრის შემდეგ ირაკლი კობახიძე, შენობის გარეთ განვითარებულ მოვლენებს “მე ვუყურებდი ერთ-ერთი ტელევიზიის ეთერს და რეალურად, გარეთ იყო შეკრებილი პარტიის ოფისთან 2-3 ათეული ადამიანი და ისეთი შთაბეჭდილება შეგვექმნებოდა ადამიანს, რომელიც არ იყო უშუალოდ ამ ყველაფრის მომსწრე, რომ იქ ხდებოდა რაღაც უბედურება. ქარიშხალი ჭიქაში არ უნდა შეიქმნას. ყველაფერი იქნება მშვიდად და ისინი თუ გააგრძელებენ რადიკალური ნაბიჯების გადადგმას, ჩვენი ოპონენტები, ისინი კიდევ უფრო მეტს წააგებენ შემდეგი არჩევნებისთვის... თუ ვინმე დაშავდა, ამით უნდა დავინტერესდეთ და ეს ძალიან სამწუხაროა. ერთი რესურსი გვაქვს და ამაში ყველა დარწმუნდება, როდესაც სამომავლოდ, კანდიდატები დასახელდება. ვიდრე რადიკალურ ნაბიჯებს გეგმავენ და ახორციელებენ ჩვენი ოპონენტები, ჩვენ ვესაუბრებით ხალხს. ჩვენ დამატებით ქულებს ვიწერთ არჩევნებისთვის და ისინი კარგავენ რესურსს არჩევნებისთვის. ამიტომ, მათ მოვუწოდებ, ისინიც დაკავდნენ ამით, ესაუბრონ ხალხს და ნუ ესაუბრებიან ერთმანეთს“, - აცხადებს ... ...
  • ეს გურიაა _ რეზო ცქვიტინიძის ფოტორეპორტაჟიგურული სული და გარემო, განსაკუთრებით, გურიის ბუნებისთვის, ადგილობრივ კოლორიტთათვის ფოტოობიექტივში ადგილის მიჩენა, რომ მერე ეს ყოველივე, ირგვლივ ყველას და ყველაფერს უკიდეგანო პოზიტივად მიმოაპნიოს _ ასეთია ოზურგეთელი პროფესიონალი ფოტოგრაფის, რევაზ ცქვიტინიძის მუშაობის სტილი, თითქმის 50 წლის მანძილზე. სიცოცხლის სამოსახლოა ჩემი პატარა გურია გურია ბახმარო ბახმაროს იალაღებზე გაზაფხულია გურული მწყემსი ბახმაროს იალაღებზე ოზურგეთი, ექადია, წმიდა გიორგის ეკლესია მწყემსთა სახლები გომისმთაზე საყორნია ასკანა აცანის ჩანჩქერი ასკანელი გურულის ღობე მჭედელი მჭედლის კლიენტი ... ...

არქივი

ზაფრანი

როგორ გამოვავლინოთ ნიჭიერი ბავშვი

არ დაგეგმოთ შვილებს მომავალი შეეცადეთ...

აუცილებელი წასაკითხი მამებისთვის

ახალშობილს უნდა ეძინოს დედის საწოლში...

ბეკონი ჯანმრთელობისთვის სახიფათო ყოფილა

შვედი მეცნიერების მტკიცებით, ბეკონის საკვებად...

როგორ დავალევინოთ წამალი პატარას

წამლის დალევა პატარებს არ უყვართ,...

მერილინ მონროს სილამაზის საიდუმლო

 რა იყო ის საიდუმლო, რომლის...

რატომ უნდა ვხატოთ

ცოტა ხნის წინ, ამერიკელმა ფსიქოლოგებმა...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

დარწმუნებული ხართ თუ არა, რომ სასმელად ვარგის წყალს მოიხმართ?