რეპორტაჟი თურქეთიდან

მთავარი თემა

რეპორტაჟი თურქეთიდან

2013 ივლ 1 15:44:15
შემდეგ საკუთარს ადარებ, აღმოჩენილი უპირატესობით კმაყოფილი ხარ, თუმცა, იმასაც კარგად ხედავ, რა არის შენს ქვეყანაში შესაცვლელი და გასაუმჯობესებელი.

საქართველოდან თურქეთში გადასულს, თავდაპირველად, მხოლოდ საბაჟოს გადაკვეთა გახვედრებს, რომ სხვა ქვეყანაში ხარ _ ბუნება, მთები, გარემო იგივეა... პირველივე ქალაქში შესვლისას ეროვნული სიმბოლოების, განსაკუთრებით დროშების სიმრავლე ხვდება თვალის, შემდეგ კი, ის, რომ თითქმის ყველა დასახლებაში, სახლების სახურავებზე მზის ბატარეებია დამონტაჟებული. ბატარეებს მეჩეთების თავზეც შეხვდებით. თურქეთი, რომელიც დღეს ელექტრო ენერგიას ყიდულობს, ენერგიის ამ არატრადიციულ სახესაც აქტიურად იყენებს. ასე, რომ ტექნიკური პროგრესი ცენტრიდან ერთ-ერთ ყველაზე დაშორებულ რეგიონში, ტაო-კლარჯეთშიც კარგად იგრძნობა.

ცნობილია, რომ თურქეთს, სამომავლოდ, მსოფლიო ბაზარზე ენერგომონოპოლისტობა აქვს გადაწყვეტილი; ამიტომ, მდინარე ჭოროხზე როგორც პატარა, ისე დიდი ჰესების მშენებლობას შეუჩერებლად აწარმოებს.

ჰესების მშენებლობის გამო, განუწყვეტელი ფუსფუსია გზებზე _ სამშენებლო მასალების გადაზიდვები, კლდეების აფეთქებები გვირაბების გასაყვანად, რამდენიმე საათით ამის გამო შეჩერებული მგზავრობა და ა.შ. პროცესისთვის თვალის დევნება შეუძლია ყველას, ვინც ტაო-კლარჯეთში ხვდება. ყველაფერ ამას კი პროფესიონალიზმის კვალი ამჩნევია. აფეთქებების გამო 45 წუთით გაჩერებულ საგზაო მოძრაობას ზუსტად 45 წუთში ანახლებენ. დროებითი სარგებლობისთვის გამოყოფილი გზების მშენებლობას ისეთივე გულისყურით უდგებიან, როგორც - გვირაბებში გამავალს.

ართვინისა და იუსუფელის რეგიონებში ყველაზე დიდი კაშხლების მშენებლობა იგეგმება. ამიტომ, ამ ტერიტორიაზე უზარმაზარ მანძილზეა წყალი შეგუბებული. აგუბებენ არამარტო ჭოროხის წყალს, არამედ - სხვა მდინარეებისასაც, რომლებიც მას ერთვის.

ცნობილია, რომ ართვინიდან იუსუფელისკენ მიმავალი გზის გარკვეულ ნაწილს მომავალში წყალი დაფარავს. მასშტაბური მშენებლობების გამო ამგვარ არაერთ შემთხვევას აქვს ადგილი. სამაგიეროდ, გზა მაღლა იწევს. კლდეებში გვირაბები კეთდება და ახლო მომავალში იმ გზის დანახვაც არ იქნება შესაძლებელი, სადაც ახლა ტრანსპორტი მოძრაობს.

წყლის დაგუბების გამო სოფელ პორტაში მდებარე ხანძთის მონასტრისკენ მიმავალი სამანქანო გზაც დატბორილია. უფრო სწორად, წყალი გზასთან ძალიან ახლოსაა და იქ გავლა საშიშია.

კაშხლის მშენებლობის გამო დატბორვა ემუქრება დაბა იუსუფელსაც, თუმცა ეს განწყობა ქალაქში ნამდვილად არ იგრძნობა. აქ გამალებული მშენებლობაა გაჩაღებული. როგორც ადგილობრივები ამბობენ, რაც უფრო მაღალი შენობების დატოვება მოუწევთ, კომპენსაცია მით უფრო მაღალი იქნება.

საერთოდ, თურქეთის ჩრდილო-აღმოსავლეთ მხარეში, რომელსაც ქართველები ისტორიულ ტაო-კლარჯეთს ვეძახით, მშენებლობების ბუმია. აქ ერთმანეთის გვერდით უწევს არსებობა უძველეს ისტორიული ძეგლებს და ახალ ნაგებობებს. კურაპალატების ზეობის ხანაში აგებული დიდებული ქართული ტაძრები, რომლებსაც მასშტაბებით დღევანდელ საქართველოში მხოლოდ სამება, ბაგრატი და ალავერდი თუ გაუტოლდება, თანამედროვე არქიტექტურის ფონზე, მართლაც შთამბეჭდავად გამოიყურება.

ამ კლდოვან მხარეში, საუკუნეების წინ აგებული უზარმაზარი ტაძრები და ციხეები უფრო იწვევს გაოცებას და შეიძლება ითქვას, "კულტურულ შოკსაც", ვიდრე ის ახალი შენობები, რომლებიც ათეული წლებიც კი არაა, რაც აშენდა.

საკვირველი ის არის, ცად აღმართულ მთებს შორის როგორ ააგეს ეს ტაძრები მეუდაბნოე ბერებმა, რა თქმა უნდა, ქართველი მეფეების და დიდებულების მატერიალური შემწეობით, თორემ დღევანდელი ტექნიკური პროგრესი ნამდვილად იძლევა იმის საშუალებას, ყველაფერი ახალი და კარგი დაინერგოს ამა თუ იმ ქვეყანაში, რასაც თურქები კარგად ახერხებენ.

თუმცა, ისე ჩანს, თითქოს ქართული ცივილიზაციის დიდება ტაო-კლარჯეთის ძეგლებში გაიყინა და წინ ვერ მივდივართ, თურქებივით ვერ ვუწყობთ ფეხს ტექნიკურ პროგრესს და ისიც გვენგრევა თვალსა და ხელს შუა, რითაც ასე ვამაყობთ.

თურქეთში ჩასული ტურისტი მომსახურების მხრივ დისკომფორტს არ განიცდის. გარდა იმისა, რომ მოწესრიგებულია გზები, ინფრასტრუქტურა, დახვეწილია სასტუმროებში კლიენტთა მომსახურების პირობები. ერთი ღამის გათევის ფასი 20 დოლარიდან იწყება და ქალაქებში 55 დოლარამდე ადის. ფასში შედის ასევე საუზმე და ვახშამი. მოწესრიგებულია სველი წერტილებიც. ტუალეტების პრობლემა, რაც საქართველოში ასე აქტუალურია, თურქეთში არ იგრძნობა. თითქმის ყველა ტურისტული მნიშვნელობის ობიექტთანაა საპირფარეშოები და იქ არც თანხაა გადასახდელი.

თურქები საოცარი კეთილგანწყობით ხვდებიან უცხოელებს. აინტერესებთ, საიდან არიან, უსვამენ კითხვებს, ცხადია, უმეტესად თურქულად, თუმცა, ქვეყნის ამ ნაწილში ბევრი ქართულად და ინგლისურადაც საუბრობს... მთავარი კი ის არის, რომ ღიმილი არ შორდებათ სახეზე, რაც, სამწუხაროდ, ასე დეფიციტურია ჩვენთან...

ცისანა შერგილაშვილი, სპეციალურად "გურია ნიუსისთვის" თურქეთიდან




 ახალი ამბები
  • ავტოსაგზაო შემთხვევა ზუგდიდში - არის დაშავებულიზუგდიდის ცენტრში  ავტოსაგზაო შემთხვევა მოხდა. თვითმხილველების ინფორმაციით, ერთმანეთს მსუბუქი და სატვირთო ავტომობილები შეეჯახნენ. ავარიის შედეგად ახალგზარდა ქალი დაშავდა, რომელიც მსუბუქ ავტომობილს მართავდა. ავტოსაგზაო შემთხვევის შედეგად დაშავებული ამ დროისთვის ზუგდიდის რეფერალურ  ჰოსპიტალშია გადაყვანილი. მედიკოსების შეფასებით, პაციენტის სოცოცხლეს საფრთხე არ ემუქრება. რა გახდა ავტოსაგზაო შემთხევის მიზეზი, ჯერჯერობით, უცნობია.   შინაგან საქმეთა სამინისტრომ მომხდარ ფაქტზე გამოძიება სსკ-ის 276-ე მუხლით ... ...
  • სამტრედიელი გოგონა მოსკოვში, აჭარულის ცეკვის დროს გარდაიცვალა20 წლის გოგონა თავის დაბადების დღეზე, მოსკოვში, აჭარულის ცეკვის დროს გარდაიცვალა. მომხდარის შესახებ ინფორმაციას სოციალურ ქსელში გარდაცვლილის ოჯახის ახლობელი ავრცელებს. „ანა ენგიბარიანს საშინელმა ბედისწერამ მოსკოვში საკუთარ დაბადების დღეზე  აჭარულის ცეკვისას მოუსწრო. ამ შემზარავმა და დაუჯერებელმა ფაქტმა შავებით შემოსა გარი ენგიბარიანის ლამაზი სამშვილიანი ოჯახი. წარმოშობით სამტრედიელი გოგონა ასე მძიმედ დაემშვიდობა მოსკოვს სადაც ბავშვობა გაატარა და ახლა მშობლიური სამტრედია ჩაიხუტებს მის ცხედარს..“_ წერს ის. გარდაცვალების მიზეზი უცნობია, ახლობლების თქმით, გოგონა სიცოცხლეში არაფერს უჩიოდა. ანა ენგიბარიანი წარმოშობით სამტრედიელია. მისი ოჯახი საცხოვრებლად მოსკოვში, დაახლოებით, 15 წლის წინ გადავიდა. ენგიბარიანები მშობლიურ სამტრედიას ხშირად სტუმრობდნენ. გარდაცვლილ   გოგონას საქართველოში ხვალ ჩამოასვენებენ. ... ...
  • მოძველებული ინფრასტრუქტურა, სანიტარულ-ჰიგიენური პირობები_ რა ხდება “თბილისის ფსიქიკური ჯანმრთელობის ცენტრში“2020 წლის 14 თებერვალს სახალხო დამცველმა ნინო ლომჯარიამ შპს „თბილისის ფსიქიკური ჯანმრთელობის ცენტრი“ მოინახულა. სახალხო დამცველმა დაათვალიერა დაწესებულების ქალთა და კაცთა განყოფილებები, სასადილო სივრცე; შეხვდა და გაესაუბრა სტაციონარში მყოფ პაციენტებს და ცენტრის პერსონალს. ვიზიტის შესახებ ინფორმაციას სახალხო დამცველის აპარატი ავრცელებს. მათ მიერ გავრცელებულ ინფორმაციაში წერია, რომ პრობლემურია დაწესებულების მოძველებული ინფრასტრუქტურა, გადატვირთულობა და სანიტარულ-ჰიგიენური პირობები. ცენტრში არსებული მდგომარეობა არ ქმნის ხელსაყრელ თერაპიულ გარემოს. პაციენტები არ არიან უზრუნველყოფილი სათანადო საყოფაცხოვრებო პირობებით. არ აქვთ პირადი ნივთების შესანახი კარადები. განყოფილებებში არ დგას სკამები, რბილი ავეჯი. თამბაქოს მოსაწევი ადგილი არ არის იზოლირებული განყოფილების საერთო სივრციდან. შენობაში დგას მძაფრი სპეციფიური სუნი. პაციენტები მოკლებული არიან ყოველდღიური გასეირნების შესაძლებლობას. სველ წერტილებში არ მოდის ცხელი წყალი, რის გამოც მათ პირადი ჰიგიენის დაცვა ცივი წყლის გამოყენებით უწევთ. სტაციონარისთვის არსებული დაფინანსება აბრკოლებს პაციენტთა სათანადოდ მოვლის, ფსიქო-სოციალური რეაბილიტაციის ხარისხს. ბენეფიციართა შორის ხშირია კონფლიქტისა და ძალადობის შემთხვევები. არ ხდება ასეთი შემთხვევების სათანადო მართვა, არ ხორციელდება ძალადობის პრევენციისთვის საჭირო ღონისძიებები. დაწესებულებას არ ჰყავს საკმარისი რაოდენობის პერსონალი. ამასთან, არც დასაქმებულებს აქვთ სათანადო სამუშაო პირობები. სახალხო დამცველი მოუწოდებს სახელმწიფო უწყებებს გააძლიერონ ღონისძიებები ფსიქიკური ჯანმრთელობის სფეროში ადამიანის უფლებების დაცვის მაღალი სტანდარტის უზრუნველყოფის მიმართულებით. დროულად მოხდეს სფეროს დეინსტიტუციონალიზაციის სტრატეგიის შემუშავება, თემზე დაფუძნებული და ფსიქო-სოციალური რეაბილიტაციის სერვისების რაოდენობის ... ...
  • „ახალგაზრდობა,რომელიც მამების თაობას უმოქმედობას არ აპატიებს“_ სამტრედიის მერი მოსწავლეებს შეხვდა,,მე რომ მუნიციპალიტეტის მერი ვიყო"- ამ ფორმატში დიალოგი შედგა დღეს სამტრედიის მუნიციპალიტეტის მერიის სააქტო დარბაზში. მოსწავლე-ახალგაზრდობის სახლის მოსწავლეთა პარლამენტის წევრები სამტრედიის მუნიციპალიტეტის მერთან იმ ინიციატივებით შევიდნენ, რომლის განხორციელებაც ახალგაზრდების ინტერესში შედის. მოსწავლეების მიერ შეთავაზებული პროექტები  მოიწონა მერმა, ვალერიანე ფოცხვერიამ, განსაკუთრებით აქტუალურად მიიჩნია ქალაქში მომრავლებული მაწანწალა ძაღლების საკითხის მოგვარება და სპორტის სასახლის აშენება. მოსწავლეთა პარლამენტის წევრები ქალაქში დასუფთავების მიზნით ურნების დამატებას ითხოვენ. მათ გაუმართლებლად მიაჩნიათ ქალაქში საზოგადოებრივი ტუალეტის არ ქონა. მერმა შეხვედრაზე აღნიშნა, რომ წინა წლებში ხელშეკრულება ჰქონდათ გაფორმებული, კონტრაქტორს გაყავდა ძაღლები, აცრიდნენ, ყურზე ბირკას ადებდნენ და უკან აბრუნებდნენ, რასაც  მისახლეობისთვის სასურველი ეფექტი არ მოუტანია. ფოცხვერიას განცხადებით, ძაღლის კბენის ეშინია მოსახლეობას და უკან დაბრუნებული, თუნდაც აცრილი, კბენის საშიშროებისგან ვერ იცავს ქუჩაში მოსიარულეებს ,,ოპოზიცია რომ იყოთ, ვიცით, რა პასუხსაც გაგცემდით, მათი ხელისუფლებაში ყოფნის დროს მაწანწალა ძაღლების პრობლემა ,,მოგვარებული" ჰქონდათ, შუაგულ ქუჩაში ხოცავდნენ ძაღლებს. სრულიად სამართლიანია თქვენი მოთხოვნა, თქვენი თვალით დანახული პრობლემები. ვეცდებით,  გავითვალისწინოთ და დროულად მოვაგვაროთ. მოდის ახალგაზრდობა, რომელიც მამების თაობას უმოქმედობას არ აპატიებს,“_  განაცხადა ... ...
  • ოზურგეთის საკუთრებაში არსებული მიწის ნაკვეთი „ბლექსი არენას“ უსასყიდლოდ გადეცემადღეს ოზურგეთის მუნიციპალიტეტის საკრებულოს  სხდომაზე განიხილეს საკითხი: „ოზურგეთის მუნციპალიტეტის საკუთრებაში არსებული უძრავი ქონების სახელმწიფოსთვის საკუთრებაში გადაცემის შესახებ. საკითხის ირგვლივ მუნიციპალიტეტის მერიის შესაბამისი სამსახურის წარმომადგენელმა, პელაგია  კალანდაძემ ისაუბრა და თქვა, რომ ოზურგეთის მუნიციპალიტეტის საკუთრებაში არსებული 3724 კვ. მ და 502 კვ.მ. არასასოფლო-სამეურნეო დანიშნულების მიწის ნაკვეთები გადაეცეს უსასყიდლოდ  საკუთრებაში სახელმწიფოს შემდგომში   შპს „ბლექსი არენას ჯორჯიას“-სთვის  გადაცემის მიზნით. საკრებულოს დეპუტატებმა იკითხეს, რა დანიშნულებისთვის სჭირდება,რატომ უნდა გადაეცეს ეს მიწა „ბლექ სი არენას“. პელაგია კალანდაძემ უპასუხა, რომ ეს მიწის ფართი  იქ პარკირებისთვის ... ...

არქივი

ზაფრანი

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...

ლუდი გონების სამსახურში

როგორც ამერიკელმა და ახალზელანდიელმა მეცნიერებმა...

ბრიტანელები ჰიტლერის ფოტოებით დაინტერესდნენ

ცოტა ხნის წინ, ამერიკის შეერთებულ...

საუკეთესო თეთრ ღვინოებს შორის

Chateau d'Yquem მსოფლიოში ერთ–ერთი ყველაზე ...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...