1125 ლარი ბიუჯეტიდან "ნინოს შვილ გიორგის" და არათანაბარ პირობებში ჩაყენებული სტუდენტები

მთავარი თემა

1125 ლარი ბიუჯეტიდან "ნინოს შვილ გიორგის" და არათანაბარ პირობებში ჩაყენებული სტუდენტები

11 მაი. 2018, 10:35:15

როგორც "გურია ნიუსი" წერდა, ოზურგეთის მუნიციპალიტეტის მერმა, კონსტანტინე შარაშენიძემ შვიდ ოზურგეთელ სტუდენტს სწავლის საფასურის გარკვეული ნაწილი (ზოგს _ 1125, ზოგს _ 500 ლარი) ერთჯერადად დაუფინანსა.

ჩვენი წყარო ამბობდა, რომ აღნიშნული სტუდენტები შარაშენიძის ფავორიტი სწორედ ნათესაობის და მშობლების მიერ, მისადმი არჩევნებზე გამოჩენილი მხარდაჭერის გამო გახდნენ.

"გურია ნიუსის" ჟურნალისტმა მარინე ჩიხლაძემ მუნიციპალიტეტის მერიიდან შესაბამისი საჯარო ინფორმაცია რამდენიმე დღის წინ გამოითხოვა, რომელშიც აღნიშნულია:

"2018 წელს ოზურგეთის მუნიციპალიტეტის მერიამ 7 სტუდენტს სასწავლო გრანტის სრული რაოდენობის ნაწილი ერთჯერადად დაუფინანსა. მათ შორის იყვნენ სოციალურად დაუცველი და, ასევე, წარჩინებული სტუდენტები, რომლებიც გამოირჩევიან მაღალი აკადემიური მოსწრებით, განსაკუთრებული სასწავლო მიღწევებით, როგორც საქართველოში, ასევე, ქვეყნის ფარგლებს გარეთ; ორიენტირებული არიან თვითგანვითარებასა და სრულფასოვანი უმაღლესი განათლების მიღებაზე, არიან საერთაშორისო სტუდენტურ-ახალგაზრდული პროგრამების მონაწილე და წარმოდგენილი აქვთ ამის დამადასტურებელი დოკუმენტაცია.

სტუდენტების დაფინანსება გახორციელებულია მერის სარეზერვო ფონდიდან ბრძანებით გამოყოფილი თანხით, ზოგადი განათლების ხელშეწყობის მუხლიდან".

მერიამ, იმის გამო, რომ დაფინანსებული სტუდენტების შესახებ ინფორმაცია პერსონალურ მონაცემებს შეიცავდა, სახელების და გვარების გასაჯაროებაზე უარი გვითხრა.

"გურია ნიუსმა" უწყებიდან დამატებით გამოითხოვა ინფორმაცია. უფრო კონკრეტულად, ოზურგეთის მუნიციპალიტეტის მერს ვთხოვეთ, საქართველოს ზოგადი ადმინისტრაციული კოდექსის 40-ე მუხლის შესაბამისად, ეპასუხა ჩვენთვის, რა დოკუმენტაციის საფუძველზე, ბიუჯეტის რომელი მუხლიდან და რომელ სასწავლებელში გადაერიცხა თანხა კონკრეტულ სტუდენტს. გარდა ამისა, მერს, ასევე, ვთხოვეთ შესაბამისი ბრძანება და გადარიცხვის დამადასტურებელი ქვითარი მოეწოდებინა.

ჩვენს მიმართვაზე, ოზურგეთის მერიის სტატისტიკის და ადგილობრივი არქივის განყოფილებებიდან მოგვწერეს, რომ საქართველოს ზოგადი ადმინისტრაციული კოდექსის "საქართველოს კანონის 28-ე მუხლის პირველი ნაწილის, 44-ე მუხლის და "პერსონალურ მონაცემთა დაცვის შესახებ "საქართველოს კანონის მე-2 მუხლის "ა" პუნქტის თანახმად, განეკუთვნება პერსონალურ ინფორმაციას" და ამის შესაბამისად, ოზურგეთის მუნიციპალიტეტის მერია ვერ მოგვაწვდიდა ინფორმაციას "იმ პირთა შესახებ, ვის მიმართაც მერიის მხრიდან გაწეული იქნა ფინანსური დახმარება სწავლის საფასურის დაფარვის თაობაზე":

"რაც შეეხება ინფორმაციას იმის შესახებ, თუ რა დოკუმენტაციის საფუძველზე იქნა მერიის მიერ გადარიცხული სწავლის საფასური, წარმოგიდგენთ დანართის სახით" _ აღნიშნულია წერილში, რომელსაც ხელს მზია გაგუა აწერს.

დანართებში კი, მხოლოდ ბრძანებები, გადარიცხვის ქვითრები და ოზურგეთის მუნიციპალიტეტის საკრებულოს ის დადგენილება იყო, რომელთაც ოზურგეთის მუნიციპალიტეტის ბიუჯეტი დამტკიცდა.

მიუხედავად იმისა, რომ მერიამ ბრძანებები დაშტრიხული სახით მოგვაწოდა, წარმოდგენილ საგადასახადო დავალებებში ერთ-ერთი დაფინანსებული სტუდენტის ყველა პერსონალური მონაცემი იყო.

ამ დოკუმენტის საფუძველზე, ჩვენ ადვილად შევძელით დაგვედგინა, რომ სტუდენტი, რომელსაც შარაშენიძემ 1 125 ლარი პირად ანგარიშზე ჩაურიცხა, ოზურგეთელი არ არის _ ის თბილისშია რეგისტრირებული და როგორც მისმა მამამ ჩვენთან სატელეფონო საუბრისას განაცხადა, სკოლაც დედაქალაქში დაამთავრა:

_ 15 წელზე მეტია, თბილისში ცხოვრობს. იქ დაამთავრა ამერიკული სკოლა და ახლა ესტონეთში აგრძელებს სწავლას. კარგი მოსწავლეა და ამიტომ დააფინანსეს, _ გვითხრა სტუდენტის მამამ ალექსანდრე გ.-მ.

მისივე თქმით, ინფორმაცია იმის შესახებ, რომ ოზურგეთის მერია სტუდენტების სწავლას აფინანსებდა თბილისში, სამსახურში გაიგო:

_ არ მახსოვს, ვინ მითხრა, მაგრამ თბილისში, სამსახურში მითხრეს და შევიტანეთ განცხადება, _ ამბობს ალექსანდრე გ. ჩვენთან საუბრისას.

კითხვაზე იყო თუ არა ის კონსტანტინე შარაშენიძის მხარდამჭერი ადგილობრივი თვითმმართველობის ორგანოების არჩევნებში, ჩვენი რესპონდენტი გვპასუხობს, რომ არჩევნებზე მხარი არავისთვის დაუჭერია. თუმცა, მას შემდეგ, რაც ვუთხარით, რომ არსებობდნენ მოწმეები, რომლებსაც ის არაერთხელ ჰყავდათ ნანახი შარაშენიძის საარჩევნო კამპანიაში აქტიურად ჩართული, გვიპასუხა, რომ შეიძლება ასეც იყო: "რა ვიცი, რა მახსოვს. შეიძლება, ვინმემ მთხოვა და ვიყავი" .

როგორც უკვე აღვნიშნეთ, პირი, რომელსაც თანხა ჩაერიცხა, ოზურგეთში არ ცხოვრობს, თუმცა, #1566 ბრძანებაში, რომელიც 2018 წლის 28 მარტით არის დათარიღებული, ვკითხულობთ:

"ოზურგეთის მუნიციპალიტეტის ლიხაურის ადმინისტრაციულ ერთეულში მცხოვრები ნინო ს.-ს შვილს, გიორგი გ.-ს სწავლის საფასურის დასაფინანსებლად ოზურგეთის მუნიციპალიტეტის 2018 წლის ბიუჯეტით გათვალისწინებული სწავლის საფასურის დასაფინანსებლად გამოიყოს 1 125 ლარი".

ამავე ბრძანებაში მითითებულია ნინო ს.-ს _ გიორგი გ.-ს დედის პირადი ნომერიც, რომლის საშუალებითაც მარტივად დავადგინეთ, რომ გიორგი გ.-ს მსგავსად არც ის არის ოზურგეთის მცხოვრები და ეს გიორგი გ.-ს მამამ _ ალექსანდრე გ.-მაც დაგვიდასტურა.

რაც შეეხება სხვა სტუდენტებს _ მიუხედავად მერიის მტკიცებისა, რომ თანხა სოციალურად დაუცველ და წარჩინებულ სტუდენტებს ჩაურიცხა, შესაბამისი დოკუმენტაცია ვერ წარმოგვიდგინეს. უფრო მეტიც, "გურია ნიუსმა" შვიდივე სტუდენტის მონაცემების გადამოწმება მოახერხა და აღმოჩნდა, რომ მათგან მხოლოდ ერთია სოციალურად დაუცველი პირი.

ჩვენ, ასევე, შევეცადეთ გაგვერკვია, რის მიხედვით გადაწყვიტა ოზურგეთის მერმა, ვისთვის რა თანხა ჩაერიცხა, თუმცა უშედეგოდ _ კონსტანტინე შარაშენიძემ "გურია ნიუსის" სატელეფონო ზარებს არც ამჯერად უპასუხა.

როგორც გაირკვა, აღნიშნულის შესახებ სტუდენტებსაც არ აქვთ ინფორმაცია. ჩვენთან საუბრისას, ნინო ბ.-მ, რომელსაც მერმა 500 ლარი ჩაურიცხა, აღნიშნა, რომ მას რეალურად მეტი თანხა სჭირდებოდა:

_ 500 ლარი ჩარიცხეს უნივერსიტეტში. რეალურად მეტი მჭირდებოდა. განცხადებაში მივუთითე, რომ იმ თანხით დამხმარებოდნენ, რის საშუალებაც ბიუჯეტში ჰქონდათ და 500 ლარი ჩარიცხეს. სხვა დეტალი არ ვიცი, _ გვითხრა ნინო ბ.-მ, რომლის თქმით, მართალია სოციალურ დახმარებას არ იღებენ, თუმცა, მის ოჯახს ძალიან უჭირს:

_ ადრე, ბეგლარ სიორიძის მერობის დროსაც გამიწიეს დახმარება _ მაშინ, ერთჯერადად მოგვცეს თანხა, რომელიც მე უნივერსიტეტში შევიტანე. იმ დროს ეს დახმარება ძალიან მჭირდებოდა და ასე იყო ახლაც. რაც შეეხება იმას, რატომ 500 ლარი, ვერ გეტყვით. მოხარული ვიქნებოდი, თუ მეტს ჩამირიცხავდნენ, რადგან დიპლომი მაქვს დასაცავი და 850 ლარი მაკლდება, _ აღნიშნა ჩვენთან საუბრისას ნინო ბ.-მ.

ის, რომ სტუდენტების დახმარება კარგი საქმეა, ამაზე არავინ დავობს, თუმცა, როგორც ოზურგეთში ამბობენ, ეს დახმარება შერჩევითი არ უნდა იყოს და მხოლოდ ახლობლებს და მხარდამჭერებს არ უნდა აფინანსებდნენ.

_ ბატონმა კონსტანტინემ თანხა დედის დეიდაშვილის შვილსაც კი ჩაურიცხა. თუ იმსახურებს, კარგია, რატომაც არა, მაგრამ რა დააშავეს ჩვენმა შვილებმა?! მხოლოდ მათმა ახლობლებმა უნდა ისარგებლონ ბიუჯეტით, რომელსაც ჩვენც ვავსებთ? _ აღნიშნავენ ოზურგეთელები.

თუმცა, ეს ერთადერთი პრობლემა არ არის _ როგორ გაირკვა, ოზურგეთის მერს კანონი არ აძლევდა უფლებას სხვა მუნიციპალიტეტში მცხოვრები პირი დაეფინანსებინა. გარდა ამისა, როგორც ახალგაზრდა იურისტთა ასოციაციის ოზურგეთის ოფისის ხელმძღვანელი, თამაზ ტრაპაიძე ამბობს, "ზოგადი განათლების ხელშეწყობა არ წარმოადგენს თვითმმართველობის საკუთარ უფლებამოსილებას":

_ საქართველოს საბიუჯეტო კოდექსის შესაბამისად, ადგილობრივი თვითმმართველი ერთეულის ბიუჯეტში გაუთვალისწინებელი გადასახდელების დასაფინანსებლად იქმნება სარეზერვო ფონდი, საიდანაც თანხებს მერის გადაწყვეტილების საფუძველზე, რომელიც მოიცავს ინფორმაციას თანხის ოდენობისა და მიზნობრიობის შესახებ, გამოყოფს საფინანსო ორგანო. პრაქტიკულად, იგივეს ამბობს საქართველოს ორგანული კანონი _ ადგილობრივი თვითმმართველობის კოდექსი.

სარეზერვო ფონდიდან თანხის გაცემისას ყველაზე მნიშვნელოვანი მიზნობრიობის დასაბუთებაა. ზოგადი განათლების ხელშეწყობა არ წარმოადგენს თვითმმართველობის საკუთარ უფლებამოსილებას. ნებისმიერი თანხა, მათ შორის სარეზერვო ფონდიდან, რომელიც თვითმმართველობის არასაკუთარი უფლებამოსილების გახორციელებისთვის ბიუჯეტიდან გაიცემა (გარდა დელეგირებული ან მიზნობრივი ტრანსფერისა), საჭიროებს მისი ხარჯვის განსაკუთრებულ დასაბუთებას, სადაც აღნიშნული უნდა იყოს არამარტო პრობლემის გადაჭრის აუცილებლობა, არამედ სავარაუდო, მოსალოდნელი შედეგიც. სამწუხაროდ, ასეთი სახის დასაბუთებას მერები უმეტეს შემთხვევაში არ აკეთებენ.

კონკრეტულ შემთხვევაში რთულია განვსაზღვროთ, თუ რა სოციალური ეფექტის მომტანი იქნება აღნიშნული ხარჯი, რადგან ერთ შემთხვევაში იგი დახმარების სახითაა გაცემული სოციალურად დაუცველი სტუდენტებისთვის, მეორე შემთხვევაში კი ჯილდოა წარჩინებული სტუდენტებისთვის. ამასთან, ოზურგეთის მუნიციპალიტეტში რეგისტრირებული ასეთი სტუდენტი, შესაძლოა, მრავალი იყოს და ისინი არაინფორმირებულობის გამო არათანაბარ პირობებში არიან. ამასთან, მათაც რომ მიმართონ მერს, შეძლებს კი ყველას გაწვდეს სარეზერვო ფონდი?!

_ ბატონო თამაზ, ჩვენ დავადგინეთ, რომ ერთ-ერთი სტუდენტი, რომელზეც თანხაა გაცემული, არ არის ოზურგეთის მუნიციპალიტეტში რეგისტრირებული. შეიძლება ოზურგეთის ბიუჯეტიდან გასული თანხა სხვა მუნიციპალიტეტში მცხოვრებს მოხმარდეს?

_ არა. ადგილობრივი ბიუჯეტი ადგილობრივი პრობლემების გადაჭრას უნდა მოხმარდეს, სოციალური პაკეტითაც ადგილობრივმა მცხოვრებლებმა უნდა ისარგებლონ, _ აღნიშნა "გურია ნიუსთან" საუბრისას თამაზ ტრაპაიძემ.

P. S. აღსანიშნავია კიდევ ერთი დეტალი _ მიუხედავად იმისა, რომ მერიიდან ჩვენ კონკრეტულ დოკუმენტაციას ვითხოვდით იმის შესახებ, თუ ვის რის საფუძველზე ჩაერიცხა თანხები, მსგავსი დოკუმენტი ვერ მივიღეთ. იქიდან გამომდინარე, რომ შესაბამისი დასაბუთება არც მერის ბრძანებაში იყო, რასაც კანონიც ითვალისწინებს, ოზურგეთის მერიის საზოგადოებასთან ურთიერთობის განყოფილების ხელმძღვანელს ეკატერინე მგელაძეს ვთხოვეთ, მოეწოდებინა დამატებითი ინფორმაცია ან კონკრეტულად ეცნობებინა, ჰქონდათ თუ არა მერიაში სტუდენტების სტატუსის, მათი მიღწევების და აკადემიური მოსწრების შესახებ დოკუმენტაცია, რაზეც ისინი თავდაპირველად გამოგზავნილ წერილში მიუთითებდნენ და რაც მათი არგუმენტით დაფინანსების მიზეზი გახდა. თუმცა, რამდენიმე ზარის და დაპირების მიუხედავად, რომ დოკუმენტებს მოძებნიდნენ და მოგვაწოდებდნენ, ეს არ მოხერხდა _ მერიამ კანონის შესრულებას დუმილი ამჯობინა.




 ახალი ამბები
  • სპეციალური პენიტენციური სამსახური აგრძელებს თანამშრომლების ღია კონკურსით მიღებას (R)სპეციალური პენიტენციური სამსახური თანამშრომლების ღია კონკურსის წესით მიღებას აგრძელებს. ამჯერად ღია კონკურსი სპეციალური პენიტენციური სამსახურის რესოციალიზაცია-რეაბილიტაციის დეპარტამენტში 27 პოზიციაზე არსებულ 65 ვაკანტურ ადგილზე გამოცხადდა. განაცხადების მიღების ბოლო ვადა არის 2020 წლის 12 ოქტომბერი. მიუხედავად იმისა, რომ თავისი საქმიანობის სპეციფიკიდან გამომდინარე, საქართველოს კანონი "საჯარო სამსახურის შესახებ" პენიტენციურ სამსახურზე არ ვრცელდება, მას შემდეგ, რაც პენიტენციური სისტემა იუსტიციის სამინისტროს მმართველობის სფეროში გადავიდა, კარგი მმართველობის პრინციპებიდან გამომდინარე, პენიტენციურ სამსახურში დაინერგა მიდგომა, რომლის მიზანიც თანამშრომლების ღია კონკურსის გზით შერჩევაა. ამ ეტაპზე კონკურსი გამოცხადებულია სოციალური მუშაკის (შემთხვევის მმართველი) 36 პოზიციაზე, სოციალური მუშაკის (შემთხვევის ადმინისტრატორი) 12 პოზიციაზე და ფსიქოლოგის 17 პოზიციაზე. ვაკანსიებზე განაცხადების მიღება შემდეგ ბმულებზე მიმდინარეობს: 1. მსჯავრდებულთა რესოციალიზაცია-რეაბილიტაციის დეპარტამენტის N2 პენიტენციური დაწესებულების სოციალური მუშაკი (შემთხვევის ადმინისტრატორი) (2 პოზიცია) https://www.hr.gov.ge/JobPro.../UserOrgVaks/Details/62247... 2.მსჯავრდებულთა რესოციალიზაცია-რეაბილიტაციის დეპარტამენტის N2 პენიტენციური დაწესებულების სოციალური მუშაკი (შემთხვევის მმართველი) (3 პოზიცია) https://www.hr.gov.ge/JobPro.../UserOrgVaks/Details/62248... 3. მსჯავრდებულთა რესოციალიზაცია-რეაბილიტაციის დეპარტამენტის N3 პენიტენციური დაწესებულების სოციალური მუშაკი (შემთხვევის ადმინისტრატორი) (1 პოზიცია) https://www.hr.gov.ge/JobPro.../UserOrgVaks/Details/62251... 4. მსჯავრდებულთა რესოციალიზაცია-რეაბილიტაციის დეპარტამენტის N3 პენიტენციური დაწესებულების სოციალური მუშაკი (შემთხვევის მმართველი) (1 პოზიცია) https://www.hr.gov.ge/JobPro.../UserOrgVaks/Details/62254... 5.მსჯავრდებულთა რესოციალიზაცია-რეაბილიტაციის დეპარტამენტის N5 პენიტენციური დაწესებულების სოციალური მუშაკი (შემთხვევის მმართველი) (3 პოზიცია) https://www.hr.gov.ge/JobPro.../UserOrgVaks/Details/62255... 6.მსჯავრდებულთა რესოციალიზაცია-რეაბილიტაციის დეპარტამენტის N6 პენიტენციური დაწესებულების სოციალური მუშაკი (შემთხვევის მმართველი) (4 პოზიცია) https://www.hr.gov.ge/JobPro.../UserOrgVaks/Details/62260... 7. მსჯავრდებულთა რესოციალიზაცია-რეაბილიტაციის დეპარტამენტის N8 პენიტენციური დაწესებულების სოციალური მუშაკი (შემთხვევის ადმინისტრატორი) (1 პოზიცია) https://www.hr.gov.ge/JobPro.../UserOrgVaks/Details/62263... 8.მსჯავრდებულთა რესოციალიზაცია-რეაბილიტაციის დეპარტამენტის N8 პენიტენციური დაწესებულების სოციალური მუშაკი (შემთხვევის მმართველი) (7 პოზიცია) https://www.hr.gov.ge/JobPro.../UserOrgVaks/Details/62264... 9. მსჯავრდებულთა რესოციალიზაცია-რეაბილიტაციის დეპარტამენტის N10 პენიტენციური დაწესებულების სოციალური მუშაკი (შემთხვევის მმართველი) (1 პოზიცია) https://www.hr.gov.ge/JobPro.../UserOrgVaks/Details/62269... 10. მსჯავრდებულთა რესოციალიზაცია-რეაბილიტაციის დეპარტამენტის N12 პენიტენციური დაწესებულების სოციალური მუშაკი (შემთხვევის მმართველი) (4 პოზიცია) https://www.hr.gov.ge/JobPro.../UserOrgVaks/Details/62270... 11. მსჯავრდებულთა რესოციალიზაცია-რეაბილიტაციის დეპარტამენტის N14 პენიტენციური დაწესებულების სოციალური მუშაკი (შემთხვევის ადმინისტრატორი) (1 პოზიცია) https://www.hr.gov.ge/JobPro.../UserOrgVaks/Details/62272... 12. მსჯავრდებულთა რესოციალიზაცია-რეაბილიტაციის დეპარტამენტის N14 პენიტენციური დაწესებულების სოციალური მუშაკი (შემთხვევის მმართველი) (3 პოზიცია) https://www.hr.gov.ge/JobPro.../UserOrgVaks/Details/62273... 13.მსჯავრდებულთა რესოციალიზაცია-რეაბილიტაციის დეპარტამენტის N15 პენიტენციური დაწესებულების სოციალური მუშაკი (შემთხვევის ადმინისტრატორი) (4 პოზიცია) https://www.hr.gov.ge/JobPro.../UserOrgVaks/Details/62275... 14.მსჯავრდებულთა რესოციალიზაცია-რეაბილიტაციის დეპარტამენტის N15 პენიტენციური დაწესებულების სოციალური მუშაკი (შემთხვევის მმართველი) (3 პოზიცია) https://www.hr.gov.ge/JobPro.../UserOrgVaks/Details/62276... 15. მსჯავრდებულთა რესოციალიზაცია-რეაბილიტაციის დეპარტამენტის N16 პენიტენციური დაწესებულების სოციალური მუშაკი (შემთხვევის მმართველი) (3 პოზიცია) https://www.hr.gov.ge/JobPro.../UserOrgVaks/Details/62278... 16. მსჯავრდებულთა რესოციალიზაცია-რეაბილიტაციის დეპარტამენტის N17 პენიტენციური დაწესებულების სოციალური მუშაკი (შემთხვევის ადმინისტრატორი) (3 პოზიცია) https://www.hr.gov.ge/JobPro.../UserOrgVaks/Details/62280... 17. მსჯავრდებულთა რესოციალიზაცია-რეაბილიტაციის დეპარტამენტის N17 პენიტენციური დაწესებულების სოციალური მუშაკი (შემთხვევის მმართველი) (3 პოზიცია) https://www.hr.gov.ge/JobPro.../UserOrgVaks/Details/62281... 18. მსჯავრდებულთა რესოციალიზაცია-რეაბილიტაციის დეპარტამენტის N18 ბრალდებულთა/მსჯავრდებულთა სამკურნალო დაწესებულების სოციალური მუშაკი (შემთხვევის მმართველი) (1 პოზიცია) https://www.hr.gov.ge/JobPro.../UserOrgVaks/Details/62283... 19. მსჯავრდებულთა რესოციალიზაცია-რეაბილიტაციის დეპარტამენტის N2 პენიტენციური დაწესებულების ფსიქოლოგი (2 პოზიცია) https://www.hr.gov.ge/JobPro.../UserOrgVaks/Details/62250... 20. მსჯავრდებულთა რესოციალიზაცია-რეაბილიტაციის დეპარტამენტის N5 პენიტენციური დაწესებულების ფსიქოლოგი (2 პოზიცია) https://www.hr.gov.ge/JobPro.../UserOrgVaks/Details/62257... 21. მსჯავრდებულთა რესოციალიზაცია-რეაბილიტაციის დეპარტამენტის N6 პენიტენციური დაწესებულების ფსიქოლოგი 1 პოზიცია https://www.hr.gov.ge/JobPro.../UserOrgVaks/Details/62262... 22. მსჯავრდებულთა რესოციალიზაცია-რეაბილიტაციის დეპარტამენტის N8 პენიტენციური დაწესებულების ფსიქოლოგი (5 პოზიცია) https://www.hr.gov.ge/JobPro.../UserOrgVaks/Details/62265... 23. მსჯავრდებულთა რესოციალიზაცია-რეაბილიტაციის დეპარტამენტის N12 პენიტენციური დაწესებულების ფსიქოლოგი (1 პოზიცია) https://www.hr.gov.ge/JobPro.../UserOrgVaks/Details/62271... 24. მსჯავრდებულთა რესოციალიზაცია-რეაბილიტაციის დეპარტამენტის N14 პენიტენციური დაწესებულების ფსიქოლოგი (1 პოზიცია) https://www.hr.gov.ge/JobPro.../UserOrgVaks/Details/62274... 25. მსჯავრდებულთა რესოციალიზაცია-რეაბილიტაციის დეპარტამენტის N15 პენიტენციური დაწესებულების ფსიქოლოგი (2 პოზიცია) https://www.hr.gov.ge/JobPro.../UserOrgVaks/Details/62277... 26. მსჯავრდებულთა რესოციალიზაცია-რეაბილიტაციის დეპარტამენტის N16 პენიტენციური დაწესებულების ფსიქოლოგი (1 პოზიცია) https://www.hr.gov.ge/JobPro.../UserOrgVaks/Details/62279... 27. მსჯავრდებულთა რესოციალიზაცია-რეაბილიტაციის დეპარტამენტის N17 პენიტენციური დაწესებულების ფსიქოლოგი (2 პოზიცია) https://www.hr.gov.ge/JobPro.../UserOrgVaks/Details/62282...  ... ...
  • ხმაური და დაპირისპირება ოზურგეთის N60 საარჩევნო კომისიასთან “ერთიანი ნაციონალური მოძრაობის“ ოზურგეთის რაიონული ორგანიზაციის წევრები აცხადებენ, რომ საარჩევნო უბნებზე მათი კომისიის წევრებს არ ეძლევათ ოლქში თუ უბნენზე ნორმალური მუშაობის საშუალება. გაერთიანებული ოპოზიციისა და “ერთიანი ნაციონალური მოძრაობის“ წევრებმა ეს ფაქტი გააპროტესტეს ოზურგეთის #60 საარჩევნო კომისიასთან. ისინი, ასევე, გმობენ მარნეულში გუშინ მომხდარ ინციდენტს. აქციის მონაწილეები ოლქის თავმჯდომარესთან შეხვედრას ითხოვდნენ, თუმცა, ისინი შენობაში არ შეუშვეს. “ერთიანი ნაციონალური მოძრაობის“ ოზურგეთის რაიონული ორგანიზაციის თავმჯდომარე დავით მჟავანაძე ამბობს, რომ სიები წინასწარ იყო შედგენილი, თუ ვინ გახდებოდა საარჩევნო უბნის თავმჯდომარე და მისი მოადგილე. ოზურგეთის #60 საარჩევნო კომისიის თავმჯდომარის, ბერდია ლომინაძის თქმით, ხვალისთვის ყველა ინფორმაცია ღია იქნება და რასაც დავით მჟავანაძე ამბობს, ეს სიმართლეს, არ ... ...
  • "იყავი არბიტრი და ნუ იქნები მხარე" _ "ნაცმოძრაობის" წევრები ლანჩხუთის საარჩევნო ოლქთან შეიკრიბნენ"ერთიანი ნაციონალური მოძრაობის" წევრები და მათი მხარდამჭერები ლანჩხუთის #61 საარჩევნო ოლქთან შეიკრიბნენ სლოგანით - "იყავი არბიტრი და ნუ იქნები მხარე". პარტიის ადგილობრივი ორგანიზაციის ლიდერმა, კახა ასკურავამ ოლქის წევრებს მეგაფონიდან მოუწოდა, რომ იყვნენ სამართლიანები და ნუ იქნებიან მიკერძოებული მხარე. "რაც ეს წინასაარჩევნო პერიოდი მიმდინარეობს, მუდმივად არის ხელის გადაგრეხვები. წინასწარ მინდა გავაფრთხილო კომისიის ყველა წევრი, რომ ხმები სამართლიანად დაითვალონ და ნუ წავლენ ხალხის ნების წინააღმდეგ. 31 ოქტომბერს ხალხი დაასრულებს ივანიშვილის მთავრობას და მე მათ ვეღარ დავიცავ", _ მოუწოდებდა ასკურავა საოლქო კომისიის ... ...
  • "პრემიერის განცხადება სწორია, თუმცა, ამ მოლაპარაკებისთვის არც სომხეთია მზად და არც აზერბაიჯანი"პოლიტოლოგ ვახტანგ ძაბირაძის შეფასებით, სწორია პრემიერ-მინისტრ გიორგი გახარიას განცხადება, რომლის თქმით, „საქართველო მზადაა, სომხეთ-აზერბაიჯანს შორის კონფლიქტის მონაწილეთა შეხვედრას თბილისში უმასპინძლოს“. როგორც მან განაცხადა, თუ ასეთი მოლაპარაკებები გაიმართება, მასში ბუნებრივად ჩაერთვება თურქეთიც და რუსეთიც. ვახტანგ ძაბირაძის განმარტებით, ამ ოთხეულისთვის თბილისი მისაღები არ იქნება, როგორც მოლაპარაკების ცენტრი. „ვფიქრობ, რომ სწორი განცხადებაა, რა თქმა უნდა, მოლაპარაკება კარგია. ჩვენთვის ძალიან მნიშვნელოვანია, რომ თუ ეს მოლაპარაკება შედგა, თბილისში გაიმართოს და არა სხვა რომელიმე ქვეყანაში, მაგრამ ვფიქრობ, ამ მოლაპარაკებებისთვის ჯერ არც სომხეთია მზად და არც აზერბაიჯანი. თურქეთი ღიად აკეთებს განცხადებას, რომ გვერდში დაუდგება აზერბაიჯანს საომარი მოქმედებების დროს და მოლაპარაკებების მაგიდასთანაც, ხოლო რუსეთ-სომხური ურთიერთობები მშვენივრად ვიცით, ანუ, თუ მოლაპარაკებები გაიმართება, ამ მოლაპარაკებებში ბუნებრივად ჩაერთვება თურქეთიც და რუსეთიც. ამ შემთხვევაში, არ მგონია, რომ ამ ოთხეულისთვის თბილისი მისაღები იყოს, როგორც მოლაპარაკების ცენტრი. მიუხედავად ამისა, რა თქმა უნდა, განცხადება სწორად არის გაკეთებული. მზად უნდა ვიყთ, რომ მოლაპარაკებებში აქტიური მონაწილეობის მისაღებად, რადგან თუ ეს დაპირისპირება ფართომასშტაბიან ომში გადაიზარდა, გავლენას მოახდენს არა მარტო სომხეთსა და აზერბაიჯანზე, არამედ ჩვენს მდგომარეობაზე, როგორც ეკონომიკური, პოლიტიკური და ასევე, სუვერენული თვალსაზრისით. ამიტომ, ჩვენ დაინტერესებული უნდა ვიყოთ, რომ საომარი მოქმედებები შეწყდეს და მოლაპარაკებები დაიწყოს“,-აცხადებს ძაბირაძე. როგორც პოლიტოლოგი აცხადებს, შესაძლოა, რუსეთი სომხეთსა და აზერბაიჯანს შორის მიმდინარე კონფლიქტის საქართველოს ტერიტორიაზე გადმოტანას შეეცადოს. „არსებობს ჩვენთვის ერთი სახიფათო სცენარი- რამდენიმე თვის წინ სომხეთ-აზერბაჯანს შორის დაპირისპირება საქართველოსთან ახლოს მოხდა და არა მთიან ყარაბაღში, თუმცა დროულად მოგვარდა. თუ ამ კონფლიქტიდან რუსეთს რაიმე ხელს აძლევს, ეს არის ის, რომ კონფლიქტი და ეთნიკური დაპირისპირება გადმოიტანოს საქართველოს ტერიტორიაზე. ჩვენ ამისთვის მზად უნდა ვიყოთ. ეს პრობლემები 80-90-იან წლებშიც იყო, თუმცა მოხერხდა კონფლიქტების ლოკალიზება და თავიდან აცილება, თუმცა სიმპტომები უკვე ჩანს. თუ ეს ხანგრძლივი კონფლიქტი იქნება, შესაძლოა ამას საქართველოს ტერიტორიებზე პრობლემებისა და დაპირისპირების გადმოტანა მოჰყვეს“,- ამბობს ვახტანგ ძაბირაძე. მისი განცხადებით, რუსეთსა და თურქეთს მთიანი ყარაბაღის კონფლიქტის გამწვავება არ უნდა სურდეთ, რადგან მათზეც ნეგატიურად აისახება. „არ მგონია, რომ დღეს რუსეთსა და თურქეთს ამ კონფლიქტში ფართომასტაბიანი ჩართულობა აწყობდეთ, რადგან გარდა იმისა, რომ ამ ორ ქვეყანას შორის საკმაოდ დაძაბული ურთიერთობა ჩამოყალიბდება, ეს ამ ქვეყნების ეკონომიკაზეც იმოქმედებს. გარდა ამისა, დიდი ალბათობით, თუ ისინი ღიად ჩაერთვებიან ამ კონფლიქტში, მითუმეტეს, თუ საუბარი იქნება საბრძოლო მოქმედებებში მონაწილეობაზე, ეს ჩვენთვისაც კატასტროფა იქნება. ეს ნიშნავს, რომ საერთაშორისო იზოლაციაში მოექცევა, როგორც ერთი, ისე მეორე ქვეყანა, რასაც დამატებით პრობლემები მოჰყვება. ამიტომ, ვფიქრობ, ამ შემთხვევაში რუსეთი და თურქეთი უფრო მეტად დაინტერესებული უნდა იყვნენ კონფლიქტის დარეგულირებით და ვფიქრობ, ამ მიმართულებით ისინი ნაბიჯების გადადგმას შეეცდებიან“, _ აცხადებს ძაბირაძე. წყარო: ... ...
  • დეზინფორმაცია: ვაქცინა საქართველოზე უნდა გამოსცადონ _ ფაქტმეტრიდეზინფორმაცია: ვაქცინა საქართველოზე უნდა გამოსცადონ. ვერდიქტი: ფაქტმეტრის დასკვნით ეს არის ყალბი ამბავი. რეზიუმე:პრორუსული გაზეთი „საქართველო და მსოფლიო“ სტატიას ავრცელებს, რომელიც მეტწილად დეზინფორმაციული ხასიათისაა: კორონავირუსის ვაქცინასთან დაკავშირებით შემთხვევით თუ განზრახ დამახინჯებულ არასრულ ფაქტებს შეიცავს. რესპონდენტი, ავჭალის წმ. ქეთევან წამებულის ტაძრის წინამძღვარი მამა გიორგი (რაზმაძე), აცხადებს, რომ ვაქცინის გლობალური ხელმისაწვდომობის მექანიზმისა (COVAX Facility) და „გაეროს ბავშვთა ფონდის“ (UNICEF) საქმიანობა გლობალისტური მაფიის მიერ დაგეგმილი ბიოექსპერიმენტის ნაწილია - ისინი არა კორონავირუსის საწინააღმდეგო ვაქცინის, არამედ რაღაც ახალი პრეპარატის გამოცდას ე.წ. მესამე სამყაროს ქვეყნებზე აპირებენ. მეტიც, მამა გიორგი ამტკიცებს, რომ არანაირი ვაქცინა არ იარსებებს, რადგან კლინიკური ცდები ჯერ არ ჩაუტარებიათ. რეალურად, კორონავირუსის საწინააღმდეგო ვაქცინა ნამდვილად არ არსებობს, თუმცა სატესტო კვლევები, რომელიც სამ ფაზას მოიცავს, ნამდვილად მიმდინარეობს. ამასთან ერთად COVAX Facility-ისა და UNICEF-ის მიზანი, ვაქცინის ხელმისაწვდომობისთანავე (მას შემდეგ, რაც ის წარმატებით გაივლის სატესტო რეჟიმის სამივე ფაზას), მისი სწრაფი, თანაბარი და უსაფრთხო გავრცელებაა. სტატია გაეროს დანაშაულებრივ საქმიანობასთან აკავშირებს და საზოგადოებას მოუწოდებს, დიდი თუ პატარა ფეხზე დადგეს და ვაქცინაზე უარი თქვას. ანალიზი _ „საქართველო და მსოფლიომ“ გამოაქვეყნა სტატია სათაურით - „გაეროს ბავშვთა ფონდი განვითარებად ქვეყნებში Covid-19-ის საწინააღმდეგო საცდელი ვაქცინის გავრცელებას იწყებს“. სტატია კორონავირუსის ვაქცინის გლობალური ხელმისაწვდომობის მექანიზმისა (COVAX Facility) და მის ფარგლებში „გაეროს ბავშვთა ფონდის“ მიმდინარე და დაგეგმილ სამუშაოებს ეხება. სტატიაში მოცემული ინფორმაციები მანიპულაციურია და ურთიერთსაწინააღმდეგო მტკიცებებს შეიცავს, რასაც მკითხველი შეცდომაში შეჰყავს. სტატიის ავტორი, ჯაბა ჟვანია, დასაწყისშივე „გაეროს ბავშვთა ფონდის“ აღმასრულებელი დირექტორის, ჰენრიეტა ფორდის, განცხადებას ციტირებს, სადაც ნათქვამია, რომ „გაეროს ბავშვთა ფონდი“ იყენებს ვაქცინით მომარაგების უნიკალურ შესაძლებლობას, რათა მისი ხელმისაწვდომობისთანავე ყველა ქვეყნისთვის უსაფრთხო, სწრაფი და თანაბარი წვდომა უზრუნველყოს. აქვე ვკითხულობთ, „კონკრეტული თარიღი, თუ როდის მოხდება ვაქცინის პირველი პარტიის გავრცელება, ჯერჯერობით უცნობია“. ორივე ინფორმაცია სიმართლეს შეესაბამება: COVAX Facility (რომელსაც ხელმძღვანელობს იმუნიზაციისა და ვაქცინის გლობალური ალიანსი - Gavi, the Vaccine Alliance) ვაქცინის გლობალური გეგმის ფარგლებში Covid-19-ის საწინააღმდეგო ვაქცინის მზადყოფნისთანავე მის შესყიდვებსა და სწრაფ მიწოდებას აპირებს. „გაეროს ბავშვთა ფონდი“ კი ამ ძალისხმევას, COVAX Facility-ის სახელით, დაბალი, შედარებით დაბალი და საშუალო შემოსავლიანი 92 ქვეყნისთვის გაუძღვება. მიუხედავად ამისა, რესპონდენტი, ავჭალის წმ. ქეთევან წამებულის ტაძრის წინამძღვარი მამა გიორგი (რაზმაძე), ამტკიცებს, რომ არანაირი ვაქცინა არ არსებობს და არც შეიძლება არსებობდეს, რადგან კლინიკური ცდები არ ჩატარებულა. მისი თქმით, ეს გლობალისტური მაფიის ნაწილია და საუბარია ახალ პრეპარატზე, რომლის გამოცდას ე.წ. მესამე სამყაროს ქვეყნებში, მათ შორის, საქართველოში აპირებენ. რეალურად, ჯერ ვაქცინა ნამდვილად არ არსებობს, რაც სტატიის დასაწყისშივე ავტორის მიერ ისედაცაა აღნიშნული. მტკიცება, რომ კლინიკური ცდები არ ჩატარებულა, მცდარია. ვაქცინების ტესტირება, მასობრივ წარმოებაში გაშვებამდე, რამდენიმე საფეხურს გადის, რათა მისი უსაფრთხოება და ეფექტიანობა დადასტურდეს. თავდაპირველად, პრეკლინიკურ ეტაპზე, ვაქცინა ცხოველებზე იტესტება და აკვირდებიან, ისინი იმუნურ რეაქციას გამოიმუშავებენ, თუ არა. კლინიკური ტესტირების პირველ ფაზაში ვაქცინას ადამიანთა მცირე ჯგუფს აძლევენ, რათა მისი უსაფრთხოება დაადგინონ და მის მიერ გამოწვეული იმუნური რეაქცია უკეთ შეისწავლონ. მეორე ფაზის განმავლობაში ვაქცინა ასეულობით ადამიანს უკეთდება და მეცნიერები მის უსაფრთხოებასა და დოზირებაზე დამატებით ინფორმაციას იღებენ. მესამე ფაზაში ვაქცინაცია ათასობით ადამიანს უტარდება, რათა მისი უსაფრთხობა და ეფექტიანობა დადასტურდეს, ასევე იშვიათი გვერდითი მოვლენები გამოვლინდეს. მესამე ფაზის გამოცდები ასევე საკონტროლო ჯგუფს მოიცავს, რომელსაც პლაცებოს (ნივთიერება სამკურნალო თვისებების გარეშე, რომელსაც წამლის საშუალების სახით იყენებენ) უკეთებენ. ვაქცინების გლობალური ალიანსის (Gavi) ვებ-გვერდზე დეტალურადაა მოცემული იმ პოტენციური ვაქცინების ჩამონათვალი, რომლებიც კლინიკური კვლევების პირველ, მეორე ან მესამე ეტაპზეა. უახლესი ინფორმაციით, 9 ვაქცინა მესამე ეტაპზეა, მათ შორისაა ამერიკული კომპანია Moderna-სა და ოქსფორდის უნივერსიტეტის პოტენციური ვაქცინები. სტატიაში ფაქტების დამახინჯებაც გვხვდება: თითქოს, „ჯანდაცვის მსოფლიო ორგანიზაციის“ (WHO) განმარტებით, მათი საქმიანობა ქველმოქმედებაა განვითარებადი ქვეყნებისთვის, რომლებსაც პანდემიასთან ბრძოლისთვის საკმარისი ფინანსები არ გააჩნიათ. მამა გიორგის შეფასებით, ეს იაფფასიანი ბლეფია და დახმარება რომ სურდეთ, ადგებოდნენ და აქ წარმოების განვითარების მიზნით პირდაპირ ინვესტიციებს განახორციელებდნენ. WHO კი განმარტავს, რომ „COVAX-ის საშუალებით ერთობლივი მუშაობა ქველმოქმედებას არ წარმოადგენს, პანდემიის კონტროლი და გლობალური ეკონომიკური მდგომარეობის აღდგენის დაჩქარება ყველა ქვეყნის ინტერესებში შედის“. სტატიაში ხშირია კონკრეტული ფაქტების გარეშე „ჯანდაცვის მსოფლიო ორგანიზაციის“, გაეროსა და მისი ფონდების დისკრედიტაცია. ვაქცინაციისა და გაეროს მიერ „ბავშვთა უფლებების“ დაცვის თემას დანაშაულებრივ საქმიანობასთან აკავშირებენ. მიზეზად კი მამა გიორგი იმას ასახელებს, რომ ასეულობით მილიონს ჰაერში ტყუილად არავინ გაისვრის. აქვე მკითხველს ახსენებს ჰეპატიტის უფასო პროგრამას: „როგორც მაშინ გამოიყენეს ეს ქვეყანა და კიდევ უამრავი ჩვენისთანა გაჭირვებული სახელმწიფო საცდელად, ისე გამოგვიყენებენ ამჯერადაც“. აღნიშნული განცხადება დეზინფორმაციაა. მიზეზი, რატომაც საქართველო C ჰეპატიტის ვირუსის ელიმინაციის პროგრამაში მოხვდა, არა ეკონომიკური მდგომარეობა, არამედ ქვეყნის მცირე მასშტაბი და ვირუსის მაღალი გავრცელებადობაა. აღსანიშნავია, რომ ამავე პროგრამის ფარგლებშია ისლანდიაც. უახლესი თაობის, ძვირადღირებულ მედიკამენტებს, რომლებსაც ყველა კლინიკური კვლევა გავლილი აქვს, კომპანია „გილეადი“ საქართველოს უფასოდ აწვდის. შესაბამისად, იმის მტკიცება, რომ საქართველო მედიკამენტების საცდელად გამოიყენეს, მცდარია. აღსანიშნავია ისიც, რომ მკურნალობის შემდეგ ტესტირება 38 538 ბენეფიციარს ჩაუტარდა, მათი 98.6% (38 006) განიკურნა. გიორგი რაზმაძე რუსულ ვაქცინასაც ახსენებს და უკმაყოფილებას გამოთქვამს, რომ ზემოაღნიშნული ფონდები არაფერს ამბობენ მასთან დაკავშირებით. სინამდვილეში, „ჯანდაცვის მსოფლიო ორგანიზაცია“ რუსულ ვაქცინას აკრიტიკებს და მის სანდოობას კითხვის ნიშნის ქვეშ აყენებს. რუსეთის კლინიკური კვლევითი ორგანიზაციების ასოციაციამ კი აღნიშნულ ნაბიჯს კლინიკური კვლევების პრინციპების უხეში დარღვევა უწოდა. ვინაიდან რუსული ვაქცინა სრულად ტესტირებული არაა, მას გვერდითი მოვლენების გამოწვევისა და არაეფექტიანობის მაღალი რისკი აქვს. ჯონ ჰოპკინსის უნივერსიტეტის ვაქცინების უსაფრთხოების ინსტიტუტის დირექტორის, დანიელ სალმონის განცხადებით, რუსეთის მხრიდან ტესტირების მესამე ფაზის გამოტოვება სახიფათო ნაბიჯია, რადგან ამ ფაზაში უნდა დადასტურდეს ვაქცინის ეფექტიანობა და უსაფრთხოება. ვაქცინა ამავე ფაზაში განსხვავებულ ასაკობრივ ჯგუფებსა (მათ შორის, ბავშვებზე) და სხვადასხვა ქრონიკული დაავადებების მქონე ადამიანებზე უნდა დაიტესტოს. რუსულ ვაქცინაზე მომუშავე მკვლევრების მტკიცებით კი, დროის დაზოგვის მიზნით, ვაქცინა საკუთარ თავზე გამოსცადეს, რაც მის უსაფრთხოებას განსაკუთრებით საეჭვოს ხდის. რუსულ ვაქცინასა და მასზე გავრცელებულ ყალბ ამბებზე ჩვენს არაერთ სტატიაშია საუბარი. ... ...

არქივი

ტესტები

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls