გარემოვაჭრეები "შავი ორშაბათის" მოლოდინში

მთავარი თემა

გარემოვაჭრეები "შავი ორშაბათის" მოლოდინში

23 მაი. 2011, 10:45:45
თუ თვით ხელისუფლებაში გეგმავს ვინმე, მთავრობის საწინააღმდეგო მიტინგზე გავიქცეთ? რაღაცა, ამ საქმეს არ უდის კაი სუნი"...

ოზურგეთში ძველი და ახალი ბაზრის თემა მარადიული ბჭობის საგანია, როგორც გარემოვაჭრეთათვის, ისე ხელისუფლებისა და კერძო ბიზნესის მფლობელთათვის.

ახლო წარსულში "გურია ნიუსი" არაერთხელ წერდა აგრარული ბაზრიდან ახალ, დახურული ტიპის ბაზარში გადასვლის თუ ხალხის გადაყვანის იძულებით ფორმებზე, რამაც საზოგადოებაში დიდი რეზონანსი გამოიწვია. მოხდა ისე, რომ მოვაჭრეთა ნაწილი გადავიდა ახალ ბაზარში ან იძულებით გადაყვანის შემდეგ, ბედს შეეგუა და დარჩა იქ. მეორე ნაწილი კი, ვინც ძირითადად საკუთარი მოწეული პროდუქტით ვაჭრობს და "გადამყიდველის" სტატუსს არ ექვემდებარება, კვლავ ძველი ბაზრის ტერიტორიაზე საქმიანობს და იქედან ფეხის მოცვლას არ აპირებს. როგორც მათ შემოგვჩივლეს, 18 და 19 მაისს, ოზურგეთის მუნიციპალიტეტის ზედამხედველობის სამსახურის უფროსმა შუქრი გაბრიჩიძემ ჩამოუარა და გააფრთხილა, თუ აქედან ახლავე არ ადგებით, "ორშაბათიდან, ჯერ 1000-2000-ლარიან ჯარიმებს გამოგიწერთ, მერე კი მიგაბრძანებთო, ანუ ასე გამოდიოდა, პანღურით გაგყრითო"...

გარემოვაჭრეთა შეშფოთება გასაგებია. ეს არის ყველაზე დაუცველი ფენა, ვისაც ყოველდღე მართლაც არ აქვს გარანტირებული ლუკმა-პური და ხშირად აქ საღამომდე ისე ზის, შინ წასასვლელი სამგზავრო ფულიც საძებარი აქვს. მათი შეშფოთების ახალი ეტაპი, ახლებური შეტევით დაიწყო და, როგორც "გურია ნიუსისთვის" გახდა ცნობილი, ეს შეტევა საიერიშო და საბოლოო იქნება, ანუ გაჯიუტებულ თუ გამწარებულ ადამიანებს მორიგი დაწიოკების "შავი ორშაბათი" ელოდებათ.

ბაზარში მოვაჭრეთა უმეტესობა საკუთარ გვარსა და სახელს არ ასახელებს:

_ რად გინდა ჩემი სახელი და გვარი, ჩემდა არ ვარგა, რაში გამომადგა, 32 წელი კონტროლიორად ვიმუშავე ამ ბაზარში და ისე უბოდიშოდ წამართვეს სამსახური, თითქოს არც ვარსებობდი. იმ ბაზარში ხომ არის კონტროლიორი? მე ვერ შევასრულებდი ვითომ მაგ საქმეს? მაშინ ეთქვათ, ან საყვედური გამოეცხადებინათ, რომ ვერ ვასრულებდი მონდობილ საქმეს. ვერ "ჩავაწყვე" და ეს არის. ახლა აგერ ვზივარ და წვრილმან რაღაცეებს ვყიდი, რომ 50 თეთრი დამრჩეს და წნევის წამალი ვიყიდო, უპურობას გავუძლებ და წნევას _ ვერა. ახლა არც აქ მაყენებენ, მამაზეციერმა არ დააყენა მაგენი ამ ქვეყანაზე...

_ საინტერესოა, ამ მიტინგების ჟამს რატომ დაგვერივნენ, რატომ ამთხვევენ ასე საეჭვოდ ჩვენს აწიოკებას 21 მაისის შემდგომ დღეებს, ვიღაცა განზრახ ხომ არ გვამხედრებს ხელისუფლების წინააღმდეგ? რას გაიგებ, ვინ რა თამაშს თამაშობს. ყველა წავალთ იმ მიტინგზე და თუ ხელისუფლება თანახმაა, რომ ჩვენ მიტინგ-მიტინგ ვირბინოთ, მაშინ ამ მთავრობას თვითონ ნდომებია საკუთარი თავის წინააღმდეგ რევოლუციის მოწყობა.

_ ჩამოიარა გაბრიჩიძემ და გადმოგვხედა ზევიდან, ზედამხედველობის სამსახურის უფროსია და ჰგონია, ჩვენც ზევიდან უნდა გვიყუროს. აფრიალებდა რაღაც ქაღალდებს, ორშაბათიდან ამაში ჯარიმებს ჩაგიწერთო, ჩაწეროს ერთი და ვნახოთ, რას გამოგვრჩება, წეიღოს აგი ლობიოს და ქინძის თესლი.

_ დადის გაბრიჩიძე და იძახის, კერძოობაა ახლა, აქ სავაჭრო ცენტრი უნდა აშენდესო. კერძოობა კი არა ბატონყმობაა, ვერ ხედავთ"?

ჟენია ჩომარიანი: გუშინ პური არ მქონდა სახლში, მშიერი დავწექი. ორლარნახევრად ნაყიდი კომბოსტო შემომალპა ხელში, ვარჩიე, ვარჩიე და დამრჩა "ხვიტი", ეს რამდენში გავყიდო? ან ვინ იყიდის?

_ დასდევენ ციგნებივით ხალხს, ლაბორატორიულად შეუმოწმებელია ეს ბოსტნეულიო, მოიყვანონ ერთი, სად ჰყავთ ეს ლაბორანტი და შეამოწმონ, თუ აქვს რაიმე "ზორი".

_ იმას ნერვიულობენ, სირაძის ახალ ბაზარში ვაჭრობა არაა და იმ კაცმა რაც ჩადო იმხელა შენობის აგებაში, ხომ უნდა ამოიღოსო. ვითომ სირაძის დარდი აქვთ, ერთად რომ მოგვიყრიან თავს, უფრო კარგად გაგვატყავებენ. ახლა ყველაფერს გვპირდებიან, მაგრამ გავიგეთ, რომ მერე 1 კვმ ფართობზე 5 ლარს დაგვიწესებენ გადასახადს. ამდენს ჩვენ ხან საერთოდ ვერ ვიღებთ დღეში.

_ რაღაც ჩვენც გაგვეგება კანონის. სისხლის სამართლის კოდექსის 195-ემუხლში პირდაპირ წერია, რომ მონოპოლია, ბაზრის გაყოფა დანაშაულია, თუმცა ამ ქვეყანაში რომელ კანონზე უნდა ილაპარაკო?

სოსო შაქარიშვილი: _ მე ამ ბაზარში თითქმის 30 წელი ვიმუშავე. მაშინ დირექტორი იყო ლადო თალაკვაძე. კომუნისტების დრო იყო, მაგრამ მაშინაც იყვნენ "სირაძეები". ჩამოვიდა ერთი მათგანი თბილისიდან და მოინდომა დახურული ბაზრის აშენება. ლადო თალაკვაძემ იყოჩაღა და დაუმტკიცა მათ, რომ ნახევრად ღია ტიპის აგრარული ბაზარი უნდა ყოფილიყო აქ და შეინარჩუნა კიდეც.

ის, რაც სირაძემ ააშენა, საკოლმეურნეო ბაზარი არ არის, გლეხს რაც სჭირდება, ეს არის და დაგვაყენონ აქ, რატომ გვახრჩობენ, რატომ გვაფარებენ პირზე ხელს, ჩვენზე უფრო იციან, რა გვიჭირს?

"გურია ნიუსი" ე.წ. ძველი ბაზრის ადმინისტრაციას ეწვია, სადაც გვითხრეს, რომ ტერიტორიაზე, სადაც ეს ბაზარი მდებარეობდა (და სპეციალურად მოტანილი მიწით ნაგავსაყრელად აქციეს. მ.ჩ.), სავაჭრო ცენტრი უნდა აშენდეს. თუმცა იქ აგრარული პროდუქტი არ გაიყიდება. ვინ აშენებს, ჯერჯერობით, არ იციან ან არ ამბობენ.

რაც შეეხება ოზურგეთის მუნიციპალიტეტის ზედამხედველობის სამსახურის უფროსს შუქრი გაბრიჩიძეს, მან დაადასტურა ის ფაქტი, რომ ძველი ბაზრის ტერიტორიაზე მოვაჭრეებს ნამდვილად მიმართა წინადადებით, სამუშაოდ ახალ ბაზარში გადავიდნენ.

_ ბატონო შუქრი, ძველი ბაზრის ტერიტორიაზე მოვაჭრეები აღშფოთებულნი არიან ზეწოლის გამო, რაშიც ბრალს თქვენ გდებენ. მართლა დაწიოკებით და "შავი ორშაბათის" გათენებით დაემუქრეთ?

_ ჯერ გეტყვით, რომ ეს ტერიტორია ახლა სახელმწიფო მიწაა და მუნიციპალიტეტის საკუთრებაშია. ეს აღარ არის საკოლმეურნეო ბაზარი. აუცილებლად უნდა გადავიდნენ ახალ ბაზარში. ეს უკვე გადაწყვეტილია. წინააღმდეგ შემთხვევაში, მათ ჯარიმა დაეკისრებათ, რაც დოკუმენტურად გაფორმდება.

_ რატომ დაეკისრებათ ჯარიმა და მაინც რა რაოდენობის თანხას შეიცავს იგი?

_ ეს არის სახელმწიფო მიწა და მისი უნებართვოდ გამოყენება ითვალისწინებს ჯარიმას. საკმაოდ მაღალია ეს თანხა, 1000-დან 2000 ლარამდე. ამას ემატება 500-ლარიანი ჯარიმა უნებართვოდ დახლებისა თუ სხვადასხვა რაღაცეების განთავსებისთვის.

_ მოვაჭრეებს ეჭვი აქვთ, რომ ოპოზიციური პარტიების მუქარის პერიოდში, მათ, ხელისუფლების შიგნიდან, ვიღაც სპეციალურად "აბუნტებს,"თქვენ რა აზრის ხართ?

_ ეს სასაცილოა. ვიმეორებ, საკრებულოს მიერ გადაწყვეტილია, რომ აქ აღარ არის საკოლმეურნეო ბაზარი. მომავალში აშენდება სავაჭრო ცენტრი, სადაც აგრარული ნაწარმი არ გაიყიდება.

_ ისინი მიტინგზე წასვლით იმუქრებიან.

_ ეს მათი ნებაა.

ასე რომ, მოსალოდნელი "შავი ორშაბათის" ზმანება ტყუილად არ მოჩვენებიათ ძველი ბაზრის მოვაჭრეებს. ზედამხედველობის სამსახურის უფროსი ჯარიმის ისეთ თანხას ასახელებს, არათუ გროშების მაძებარ გარემოვაჭრეებს, მისი გადახდა სერიოზული შემოსავლის მქონესაც გაუჭირდება. ისიც საეჭვოა, მიტინგზე წასვლის მუქარით, ვინმეს დანჯღრეულ სკამებზე დახლთან ჯდომა გაუხანგრძლივონ.




 ახალი ამბები
  • გლდანის საპატიმროს დირექტორმა სახელმწიფო ინსპექტორის სამსახურს მისი დაკითხვის მოთხოვნით მიმართა (R)N8 პენიტენციური დაწესებულების დირექტორმა, ნოდარ ქინქლაძემ და მისმა მოადგილემ, როინ დეკანოიძემ სახელმწიფო ინსპექტორის სამსახურს მათი დაკითხვის მოთხოვნით მიმართეს.  საქმე ეხება მიმდინარე წლის 24 სექტემბერს ტელეკომპანია „ფორმულას“ მიერ გავრცელებულ ინფორმაციას იმასთან დაკავშირებით, თითქოს ნოდარ ქინქლაძე პატიმრებს გაუპატიურებით დაემუქრა. ამასთან დაკავშირებით ტელეკომპანიას მსჯავრდებულ შ.ჭ.-ს მეუღლე და ადვოკატი ალექსანდრე კობაიძე ესაუბრნენ. ამასთან, 25 სექტემბერს სხვადასხვა მედიასაშუალებებმა გაავრცელეს საქართველოს სახალხო დამცველის კომენტარი. მოცემულ თემაზე ნინო ლომჯარიამ განაცხადა, რომ ომბუდსმენის წარმომადგენლებთან N8 პენიტენციური დაწესებულების „პატიმრები საუბრობენ სავარაუდო მუქარაზე და ასევე, საუბრობენ სავარაუდო არასათანადო მოპყრობის ფაქტებზე მათ მიმართ, თუმცა, საუბარი არის არა ციხის დირექტორზე, არამედ სავარაუდოდ, მოადგილის გვარი იყო ნახსენები“. სწორედ ამიტომ, დაკითხვას სახელმწიფო ინსპექტორის სამსახურისგან ითხოვს არა მხოლოდ ნოდარ ქინქლაძე, არამედ მისი მოადგილე როინ დეკანოიძეც.  აღსანიშნავია, რომ ადვოკატმა კობაიძემ 25 სექტემბერს უარი განაცხადა, გამოცხადებულიყო სპეციალური პენიტენციური სამსახურის მონიტორინგის დეპარტამენტში და უწყებისთვის მიეწოდებინა მის მიერ გამოთქმული ბრალდებების დამადასტურებელი ფაქტები (ასეთის არსებობის შემთხვევაში). სამაგიეროდ N8 პენიტენციური დაწესებულების ადმინისტრაცია და მთლიანად სპეციალური პენიტენციური სამსახური სრულ მზადყოფნას გამოთქვამს ითანამშრომლოს შესაბამისი უფლებამოსილების მქონე უწყებებთან, რათა დადგინდეს ჭეშმარიტება. სწორედ ამ მიზანს ემსახურება ნოდარ ქინქლაძის და როინ დეკანოიძის მერ სახელმწიფო ინსპექტორის სამსახურისადმი მიმართვაც, ვინაიდან ყველაზე მეტად სწორედ პენიტენციური დაწესებულების ადმინისტრაციის და პენიტენციური სამსახურის ინტერესში შედის, რომ საკითხთან დაკავშირებით ჭეშმარიტება ... ...
  • "ადვოკატმა კობაიძემ უარი განაცხადა მის მიერ გამოთქმული ბრალდებების დამადასტურებელი რაიმე მტკიცებულების მოწოდებაზე " (R)სპეციალური პენიტენციური სამსახური განცხადებას ავრცელებს N8 პენიტენციური დაწესებულების დირექტორის შესახებ ადვოკატ ალექსანდრე კობაიძის მიერ გავრცელებულ ინფორმაციასთან დაკავშირებით და განმარტავს, რომ ადვოკატმა არ ისურვა წარმოედგინა მის მიერ გამოთქმული ბრალდებების დამადასტურებელი რაიმე სახის მტკიცებულება. შეგახსენებთ, 2020 წლის 24 სექტემბერს ტელეკომპანია „ფორმულამ“ გაავრცელა ინფორმაცია, თითქოს N8 პენიტენციური დაწესებულების ოთხმა პატიმარმა თვითდაზიანებები მიიყენა იმიტომ, რომ მათ დაწესებულების დირექტორი სექსუალური ძალადობით დაემუქრა. ტელეკომპანია „ფორმულას“ მიერ გავრცელებულ ინფორმაციაში გამოყენებული იყო ადვოკატ ალექსანდრე კობაიძის ინტერვიუ, სადაც მან განაცხადა: "ნასვამ მდგომარეობაში მყოფი ბატონი ქინქლაძე (დაწესებულების დირექტორი) ეჩხუბა პატიმრებს იმის გამო, რატომ არ მოსწონდათ ჩაი და ამის გამო უთხრა, რომ მას გააუპატიურებდა. რაზეც ადეკვატური პასუხი ჰქონდათ პატიმრებს". ინფორმაციის გავრცელებისთანავე სპეციალური პენიტენციური სამსახურის მონიტორინგის დეპარტამენტმა დაიწყო სამსახურებრივი შემოწმება ადვოკატის მიერ გამოთქმულ ბრალდებებთან დაკავშირებით. სამსახურებრივი შემოწმების ფარგლებში მონიტორინგის დეპარტამენტი დაუკავშირდა ადვოკატ კობაიძეს და მიიწვია იგი იმისთვის, რომ თუკი მას გააჩნდა მის მიერ დაწესებულების დირექტორის მისამართით გამოთქმული ბრალდებების დამადასტურებელი რაიმე მასალა, მოეწოდებინა ეს ინფორმაცია მონიტორინგის დეპარტამენტისთვის. ადვოკატს შეეთავაზა 25 სექტემბერს 11:00 საათზე გამოცხადებულიყო სპეციალურ პენიტენციურ სამსახურში, რაზეც მან განაცხადა უარი მოუცლელობის მიზეზით და ამის სანაცვლოდ შესთავაზა მონიტორინგის დეპარტამენტის წარმომადგენელს, რომ 25 სექტემბერს საღამოს საათებში მივიდოდა პენიტენციურ სამსახურში, ხოლო ადგილზე მისვლის ზუსტ დროს შუადღისას დაასახელებდა. დღეს, 25 სექტემბერს ადვოკატმა კობაიძემ, იმ დროს, როდესაც ვერ მოიცალა მონიტორინგის დეპარტამენტში გამოცხადებისთვის, აქცია გამართა N8 პენიტენციურ დაწესებულებასთან. აღსანიშნავია, რომ ადვოკატის ორგანიზებულ აქციაზე მხოლოდ თავად კობაიძე და კიდევ ორი ადამიანი იმყოფებოდა, თუმცა ამან არ შეუშალა ადვოკატს ხელი, რომ პენიტენციური დაწესებულების დირექტორის მისამართით კვლავ გაეკეთებინა ცილისმწამებლური განცხადებები. 25 სექტემბერს, დაახლოებით 14:00 საათზე, როდესაც მონიტორინგის დეპარტამენტის წარმომადგენელი კვლავ დაუკავშირდა ადვოკატ კობაიძეს, რათა მისი პენიტენციურ სამსახურში მისვლის დრო დაეზუსტებინა, ადვოკატმა მისვლაზე უარი განაცხადა, რაც აბსოლუტურად გაუგებარია, ვინაიდან თუკი იგი ფლობს რაიმე მტკიცებულებას, როგორც თავად აღწერს, ასეთი საგანგაშო ფაქტის შესახებ, მისი, როგორც უფლებადამცველის ინტერესში უნდა იყოს, რომ ამაზე ჭეშმარიტება დადგინდეს. ადვოკატთან მონიტორინგის დეპარტამენტის წარმომადგენლის ორივე საუბარზე შედგენილია შესაბამისი ოქმები. ეს ოქმებიც და მონიტორინგის დეპარტამენტის ხელთ არსებული სხვა დოკუმენტაციაც გადაეგზავნება სახელმწიფო ინსპექტორის სამსახურს. სპეციალური პენიტენციური სამსახური იმედს გამოთქვამს, რომ სახელმწიფო ინსპექტორის სამსახური დაადგენს ჭეშმარიტებას და ამ თემაზე ერთხელ და სამუდამოდ დასრულდება ყოველგვარი სპეკულაციები. ... ...
  • რომან გოცირიძე - მთავრობას ლარიც გაექცა და ვირუსიცპარლამენტის ფრაქცია „ნაციონალური მოძრაობის" თავმჯდომარე, რომან გოცირიძე ეკონომიკასთან მიმართებით ხელისუფლების პოლიტიკას აკრიტიკებს და მთავრობას მოუწოდებს, ქვეყანაში არსებული მძიმე ეკონომიკური ვითარებიდან გამოსასვლელად ქმედითი ნაბიჯები გადადგას. „მთავრობამ ყველაფერი გააკეთა იმისთვის, რომ წინასაარჩევნოდ გამოეყენებინა 5 მილიარდი ფული საარჩევნო მანიპულირებისთვის, ნაცვლად ხალხის მხარდაჭერისა. მთავრობას, რომელსაც დიდი დრო და რესურსი ჰქონდა უცხოეთის დახმარების სახით, ვერც ლარს მოუარა და ვერც პანდემია აიცილა თავიდან, ლარიც გაექცა და ვირუსიც. ეს არის ხელისუფლების მიერ გადადგმული პოლიტიზირებული ნაბიჯების შედეგი. დღეს, თუ სასწრაფოდ არ მიიღებს მთავრობა რადიკალურ ზომებს, თუ არ შეკვეცს კორუფციულ და უსარგებლო ხარჯებს, რომელიც „ქართულ ოცნებასა" და მასთან მიტმასნილ ბიზნესს ემსახურება, თუ არ გამკაცრდება პოლიტიკა, ამ შემთხვევაში, ლარი მიაღწევს ისეთ ნიშნულს, როდესაც ეკონომიკა გაჩერდება და მოქალაქეების შემოსავალი კატასტროფულად დაიკლებს. პირველ რიგში, მოვუწოდებთ მთავრობას, შეწყვიტოს ფულის ფლანგვა მათი პოლიტიკური ინტერესების შესაბამისად. მოვუწოდებთ ეროვნულ ბანკს, დაანებოს თავი უსაზღვრო ოდენობით რეფინანსირების სესხის გაცემას, მართოს ჯერ კიდევ მის ხელთ არსებული ბერკეტით ეს პროცესი“, - განაცხადა ... ...
  • „დავასახელებთ მომსყიდველების ვინაობას“ : " ჩვენი საქართველო, სოლიდარობის ალიანსი"-ს ბრიფინგი ოზურგეთშიოზურგეთში „ჩვენი საქართველო- სოლიდარობის ალიანსი"-ს  შტაბში , ბრიფინგი გამართეს. ბრიფინგის წამყვანმა, შტაბის წარმომადგენელმა ლელა ნაცვალაძემ განაცხადა, რომ გურიის მაჟორიტარი დეპუტატობის კანდიდატი ნინოშეწირული-გობრონიძე იქნება და სწამს, რომ ის გამრჯვებას მიაღწევს ამ საპარლამენტო არჩევნებში. __ჩვენ ვაპირებთ პატიოსან საარჩევნო კამპანიას. არ გვაქვს ფუფუნება, ვინმეს დავურიგოთ   კარტოფილი ან კვერცხი, თუმცა ჩვენ მზად ვართ, ვიბრძოლოთ ადამიანების პრობლემების მოსაგვარებლად და ჩვენი ხმა  გვქონდეს პარლამენტში, - თქვა ბრიფინგის წამყვანმა, შტაბის წარმომადგენელმა ლელა ნაცვალაძემ. მან თქვა, რომ ადგილი აქვს ამომრჩეველთა მოსყიდვის მცდელობას, როცა მათ პირდებიან ფულს, ასევე ოზურგეთის სპორტის სახლში ახლახან შეიტანეს დიდი ტრაილერით ბურღულეული, მათთვის დასარიგებლად, _ თქვა ნაცვალაძემ. ჟურნალისტების კითხვაზე, დაესახელებინა კონკრეტული პირები, ვინ ვის სთავაზობს ქრთამს, ნაცვალაძემ თქვა, რომ ამჯერად თავს იკავებს, თუმცა მალე დაასახელებს მათ ვინაობას. დეპუტატობის კანდიდატმა,    ნინო შეწირულმა ისაუბრა საარჩევნო კამპანიის თაობაზე, რომ  ამომრჩევლებს, კერძოდ, მის ნათესავებს და  ოჯახის წევრებს, ახლობლებს, „ქართული ოცნების“ წარმომადგენლები   ფულით მოსყიდვას უპირებენ, ჰპირდებიან თანხას, ოღონდაც კი  მათ მხარეს გადავიდნენ. _დღეს არ ვასახელბ მათ  გვარებს, თუმცა ამ ბრიფინგით  ვაფრთხილებთ   მათ. თუ კვლავ   გაგრძელდება მათი მხრიდან ასეთი საქციელი, აუცილებლად გადმოგცემთ   მათ სიას, სათანადო მტკიცებულებით, - უთხრა მან ... ...
  • სამტრედიაში ახალი სპორტული მოედანი საზეიმო ვითარებაში გაიხსნასამტრედიაში, კოსტავას ქუჩაზე, მრავალბინიანი კორპუსების მიმდებარედ ხელოვნურსაფარიანი სპორტული მოედანი მოეწყო. ახალი სპორტული მოედანი საზეიმო ვითარებაში დღეს გაიხსნა. ადგილობრივი მოსახლეობის თხოვნის საფუძველზე სამუშაოები მუნიციპალიტეტის მერიამ დააფინანსა. "მუნიციპალიტეტის მერია ინტენსიურად ახორციელებს სპორტული მოედნების მოწყობა-რეაბილიტაციას, რაც ხელს უწყობს ჯანსაღი ცხოვრების წესის დანერგვას, პოპულარიზაციას და განვითარებას", _ განაცხადა ,,გურია ნიუსთან" კომენტარში სამტრედიის მუნიციპალიტეტის მერის მოადგილემ, დავით ... ...

არქივი

ტესტები

ტესტი _ ყველაზე, ყველაზე...

იცი თუ არა გეოგრაფია

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls