"ქართული კვების კომპანიის" მესამე შანსი

მთავარი თემა

"ქართული კვების კომპანიის" მესამე შანსი

2013 აგვ 14 16:26:46
დირექტორი გიორგი როგავა აცხადებს, რომ კვების ხარისხის გაუმჯობესების მიზნით, კომპანიამ ახალი სტრატეგიული გეგმა შეიმუშავა, რაც სამზარეულოების განახლებას, კომპანიის თანამშრომლებისთვის ხელფასის მომატებას და ახალი ტენდერების გამოცხადებას გულისხმობს. საპარლამენტო არჩევნების შემდეგ კომპანიის ხელმძღვანელობა უკვე მეორედ შეიცვალა, რაც ჯარისკაცების საკვებით მოწამვლას უკავშირდება. როგორც ამბობენ, შეცდომა იყო ჯარისკაცების ნორმირებულ კვებაზე გადაყვანაც, რასაც მათი მხრიდან უკმაყოფილება მოჰყვა და სამინისტროს გადაწყვეტილების შეცვლა მოუხდა. გიორგი როგავა ამბობს, რომ მომავალში მოწამვლის ფაქტები სავარაუდოდ აღარ იქნება, ნორმირებულ კვებას კი ჯარი აღარასოდეს დაუბრუნდება.

გუშინ შპს "ქართული კვების კომპანიამ" ახალი სტრატეგიული გეგმის და 25 ახალი ტენდერის გამოცხადების შესახებ განაცხადა.

"ახალი სტრატეგიული გეგმის მთავარი ნაწილი არის ის, რომ კომპანიამ დაიწყო ელექტრონული შესყიდვის ტენდერები, რაც გულისხმობს იმას, რომ ერთიან ელექტრონულ სისტემაში მოხდება ტენდერებით სხვადასხვა კომპანიების შერჩევა. ასევე, ყველა სასადილოში დაწყებულია სარემონტო სამუშოები, ინფრასტრუქტურის განახლება, შევისყიდეთ თანამედროვე, ახალი ინვენტარი, რომელიც რემონტების დასრულებისთანავე (სავარაუდოდ, ნოემბერში) შევიტანთ სამხედრო ნაწილებში. მოხდა სერიოზული სტრუქტურული ცვლილებები თვითონ ორგანიზაციაში, გადაიხედა თითოეული თანამშრომლის საქმე ინდივიდუალურად, მათ 25%-ით მოემატათ მათ ხელფასი, რაც დამეთანხმებით ცოტა არ არის. ასევე ვაპირებთ ახალი მემორანდუმის გაფორმებას სურსათის უზრუნველყოფის სამსახურთან, რათა უშუალოდ მან გააკონტროლოს საკვები პროდუქტების ხარისხიანობა. ჩვენ ვზრუნავთ იმისთვის, რომ თითოეული ჯარისკაცი გამოვკვებოთ ისე, როგორც თითოეული ჩვენგანი იკვებება სახლში. მარტივი მესიჯია ძალიან," _ ამბობს კომპანიის დირექტორი გიორგი როგავა "გურია ნიუსთან".

_ თქვენს მიერ გამოცხადებულ ტენდერებში ანიჭებთ თუ არა უპირატესობას ადგილობრივი წარმოების პროდუქტს და რა წილი ექნება მას ჯარისკაცის მენიუში?

_ ამაზე ვერაფერს გეტყვით ამ ეტაპზე, ვინაიდან გამოცხადებულია ტენდერები და უშუალოდ ტენდერებში გამარჯვების შემდეგ რომელი კომპანიები გამოვლინდებიან, ამის მიხედვით გადაწყდება ეს საკითხი..

_ თქვენ რა მოთხოვნები ჩადეთ სატენდერო განაცხადში _ იყო თუ არა ერთ-ერთ მოთხოვნად საქართველოში წარმოებული პროდუქტის მიწოდება?

_ ეს ყველაფერი სატენდერო სპეციფიკაციებში გაწერილი. განსაკუთრებული მოთხოვნები ვერ ჩაიდებოდა, რადგან ბაზარი არის ღია, დღეს საბაზრო ეკონომიკის პირობებში სპეციალურ შეზღუდვებს ამ ეტაპზე ვერ დავაწესებდით. იქ იყო კონკრეტული მოთხოვნა ხარისხზე და რასაკვირველია ფასზე.

_ შეიძლება, ვივარაუდოთ, რომ ახალი მენეჯმენტისა და გარემონტებული სამზარეულოების პირობებში ჯარისკაცების მასიური მოწამვლა მომავალში აღარ მოხდება?

_ იმედი მაქვს. ჯარისკაცების მოწამვლასთან დაკავშირებით სხვა კომენტარს ვერ გავაკეთებ, მე ახალი მოსული ვარ სამსახურში და შესაბამისად, ამაზე კომენტარი თავდაცვის სამინისტრომ უკვე გააკეთა. ზუსტად მაგიტომ შეიცვალა მენეჯმენტი კომპანიაში და მაგიტომ ვდგევარ თქვენ წინაშე მე.

_ რა უჯდება თქვენს კომპანიას ერთი სამხედრო მოსამსახურის დღიური გამოკვება?

_ ეს აბსოლუტურად ღია ინფორმაციაა მაგრამ ამ ეტაპზე ამ ინფორმაციის გამჟღავნებისგან თავს შევიკავებ. ეგ ინფორმაცია ოფიციალურად უნდა გამოითხოვოთ თავდაცვის სამინისტროსგან.

"ქართული კვების კომპანიის" მენეჯმენტის ცვლილება ირაკლი ალასანიამ მას შემდეგ გადაწყვიტა, რაც მე-3-ე ქვეითი ბრიგადის ბაზაზე 11 სამხედრო მოსამსახურე საკვებით მოიწამლა. მინისტრმა მაშინ დამნაშავეების "თავების დაგორების" პირობა დადო

"მე მივიღე შესაბამისი გადაწყვეტილებები: თანამდებობიდან გათავისუფლებული იქნება ის მოხელე, ვინც ჩვენი სამხედროების კვების უსაფრთხოებაზეა პასუხისმგებელი. ასევე, მთლიანად შეიცვლება "ქართული კვების კომპანიის" სტრუქტურა და მენეჯმენტი, რომელიც უშუალოდ უზრუნველყოფს შეიარაღებული ძალების კვებას. ჩემთვის და მთელი თავდაცვის სამინისტროსთვის, ჯარისკაცის კვებით უზრუნველყოფა არის იგივე, რაც საკუთარ ოჯახში, საკუთარი შვილი უზრუნველყო საკვებით. აქედან გამომდინარე, ეს არის უმთავრესი პრიორიტეტი და შესაბამისი გადაწყვეტილებები იქნა უკვე მიღებული," _ აღნიშნა ირაკლი ალასანიამ.

ჯარისკაცების მოწამვლის ფაქტზე გაერთიანებული შტაბის სამხედრო პოლიციაში სისხლის სამართლის საქმე აღიძრა, თუმცა პასუხისგებაში მიცემული პირების შესახებ, ჯერჯერობით, არაფერია ცნობილი.

გასული წლის დეკემბერში, შპს "ქართული კვების კომპანიას" და მის ახალ ხელმძღვანელს ნინო გორგაძეს საკმაოდ ამბიციური გეგმა ჰქონდათ. გორგაძე ამბობდა, რომ ახალი მიდგომით, ფასის გარდა, მთავარი ინდიკატორი მოწოდებული პროდუქციის ხარისხი იქნებოდა: "იგეგმება ხარისხის გაუმჯობესება სხვადახვა პროდუქციისათვის. მაგალითად, ჯარის მენიუში მეორე კატეგორიის საქონლის ხორცს შეცვლის პირველი კატეგორიის ხორცი, რომლის გემოვნური და ხარისხობრივი მაჩვენებლები გაცილებით მაღალია".

ჯარისკაცების მოწამვლის ფაქტზე გამოძიების შედეგები იგვიანებს

კომპანია, რომლის 100% წილის მფლობელი სამხედრო სამეცნიერო-ტექნიკური ცენტრი "დელტაა", წლების განმავლობაში საკვებით უზრუნველყოფდა ჯარს. საპარლამენტო არჩევნების შემდეგ, როდესაც კომპანიის მენეჯმენტი შეიცვალა, ითქვა რომ ყოფილი ხელმძღვანელობა ჯარს უხარისხო საკვებით კვებავდა. თუმცა კომპანიამ გამოცდა მეორედაც ვერ ჩააბარა , რადგან ზაფხულში ჯარისკაცების მოწამვლის ფაქტები გამჟღავნდა. ამჯერად შპს "ქართული კვების კომპანიას" მესამედ მიეცა შანსი. სამხედრო ექსპერტი თეონა აქუბარდია ფიქრობს, რომ თავდაცვის სამინისტრომ ჯარის კვების თემა უფრო გამჭვირვალე უნდა გახადოს.

"ჯარის კვებასთან დაკავშირებით არაერთი ხმამაღალი განცხადება იყო გაკეთებული, როდესაც მინისტრი ირაკლი ალასანია ამბობდა, რომ ყველას თავები დაგორდებოდა, ვინც სამხედრო მოსამსახურეების კვებას უდიერად ეპყრობოდა. ასევე ყველას გვახსოვს ოპოზიციის განცხადება , რომ სამინისტროს მიერ გამოცხადებულ ტენდერებში გამარჯვებული კომპანიები ასოცირდებოდნენ " ქართული ოცნების" ზოგიერთ ლიდერთან. შემდეგ გვახსოვს რითიც დამთავრდა ეს პროცესი, მიუხედავად იმისა რომ ტენდერებში ოთხმა კომპანიამ გაიმარჯვა, მათთან ხელშეკრულებები აღარ დაიდო და გარკვეულწილად ეს ფაქტი დაემთხვა 11 ჯარისკაცის მოწამვლას. რამდენადაც ჩემთვის ცნობილია, გამოძიების დასრულებამდე უფლებამოსილება შეუჩერდა შესყიდვების დეპარტამენტის უფროსს და გაერთიანებული შტაბის G-4 ხელმძღვანელს. მაშინ ითქვა, რომ უფლებამოსილების აღდგენა მოხდებოდა გამოძიების შედეგების მიხედვით. იმის მიუხედავად რომ გავიდა საკმარისი დრო , გამოძიების შედეგები ჩვენთვის ცნობილი არ არის.

არასამთავრობო ორგანიზაციები დღემდე აცხადებენ , რომ სამხედრო ნაწილებში ჯარისკაცების კვების ხარისხი არის საკმაოდ დაბალი, უპრიანი იქნებოდა თუ თავდაცვის სამინისტრო უზრუნველყოფდა უფლებადამცველების, სამხედრო თემაზე მომუშავე მედიის და არასამთავრობო ორგანიზაციების ვიზიტს სამხედრო ნაწილებში, რათა მათ საკუთარი თვალით ენახათ რეალურად რით კვებავენ ჯარს," _ ამბობს აქუბარდია.

როდესაც სამხედრო მოსამსახურეების მოწამვლა ირანულ კვერცხს დაბრალდა, სამინისტრომ ეს ფაქტი უარყო. მათი თქმით, ჯარს ადგილობრივი წარმოების კვერცხით კვებავდნენ და ზოგადად მომავალში საქართველოში წარმოებული პროდუქტი ჯარის მენიუში წამყვან ადგილს დაიკავებდა.

"წლის ბოლომდე, ქართული ჯარის კვების მომსახურებაზე გამოყენებული საქართველოში წარმოებული საკვები პროდუქტების მთლიანი ღირებულება 45%-მდე იზრდება. 2014 წლის 31 დეკემბრამდე ქართული პროდუქტის ხვედრითი წილი მინიმუმ 55%-ს მიაღწევს," _ აცხადებდა 10 ივნისს თავდაცვის სამინისტრო.

როგორც "ქართული კვების კომპანიის" ახალი ხელმძღვანელი გიორგი როგავა ამბობს ტენდერებში მონაწილე კომპანიებს ადგილობრივი წარმოების საკვები პროდუქტის მოწოდებას ვერ დაავალდებულებს, რადგან ეს საბაზრო ეკონომიკის პირობებში სპეციალურ შეზღუდვის დაწესებად ჩაითვლება.




 ახალი ამბები
  • “მინდა, ჩემმა შვილმა ფეხზე გაიაროს და ირბინოს“ქალაქ ოზურგეთში მცხოვრებ პატარა იოსებს სასწრაფოდ სჭირდება ჩვენი დახმარება. იოსებს აქვს ჰიდროცეფალია გაკეთებეული აქვს თავზე ოპერაცია. იგი  დღენაკლული დაიბადა, 6 თვის არ იყო. როგორც კი 2 კილო გახდა, გაუკეთეს თავზე შუტირება,მას შემდეგ ჩვეულებრივად ვითარდებოდა. “6 თვის ასაკამდე დახოხავდა, ჯდებოდა 6 თვის შემდეგ დაეწყო დაჭიმულობა და ყველაფერი გავყიდეთ, რაც გაგვაჩნდა, რომ საფრანგეთში წაგვეყვანა, სადაც მას უტარდებოდა რეაბილიტაცია, მასაჟები და ვარჯიშები, თუმცა, ბავშვის მდგომარება გაუარესდა. 8-თვიანი მკურნალობის შემდეგ საფრანგეთში დარჩენის უფლება არ მოგვცეს და უკან საქართველოში გამოგვიშვეს. იოსებს, თურქი ექიმების რეკომენედაციით, სასაწრაფოდ სჭირდება ორივე მენჯ-ბარძაყის ოპერაცია, რადგან პირველი ხარისხის ამოვარდნილობა და მყესების დაჭიმულობა აქვს. როგორც გვაიმედებენ, თუ ოპერაციას გავუკეთებთ, სიარულს შეძლებს, _ გვითხრა იოსების დედამ, ინგა სარიშვილმა. თუმცა, ეს ბავშვის ერთადერთი პრობლემა არაა _  პატარას ხერხემლზე ძვლების არასწორი შეზრდა აქვს მენჯის ძვლოვან ნაწილებთან, რაზეც სასწრაფოდ ესაჭიროება ოპერაცია, წინააღმდეგ შემთხვევაში ის ვეღარ გაივლის. „ოპერაციისთვის 10 ათასი დოლარია საჭირო, რომ სამუდამოდ არ მეჯაჭვოს საწოლს. მინდა, ჩემმა შვილმა ფეხზე გაიაროს და ირბინოს“, _ გვითხრა ბავშვის დედამ, თუმცა ოჯახს იოსების სამკურნალოდ ყველა რესურსი ამოწურული აქვს. პატარა იოსები საზოგადოების, კეთილი ადამიანების დახმარების იმედით ელოდება ტოლებთან სირბილს. იოსების დასახმარებლად გახსნილია ანგარიში. 09 01 200 128 საქველმოქმედო ზარი ყველა ოპერატორიდან. დახმარების მსურველთათვის მოცემულია ანგარიშის ნომრები. დანიშნულებაში მიუთითეთ იოსებ თანხის ჩარიცხვის მსურველებისთვის ქვემოთ მოცმულია ინსტრუქცია აპარატებიდან: #თიბისი #ფეის საბანკო მომსახურება აირჩიეთ იურდიული პირი იურიდიული პირის პირადი ნომერი _ 61004014867 დაბადების თარიღი  _ 03.10.1982 საიდენტიფიკაციო კოდი:445473014 საქართველოს ბანკის აპარატები იურიდული პირი ან კომპანის ანგარიში იდენტინფიცრება საინდეტიფიკაციო ნომრით საიდენტიფიკაციო კოდი: 445473014საბანკო რეკვიზიტები: მიმღები: ააიპ იალქანი საქართველოს ბანკი #GE55BG0000000588221400 თიბისი ბანკი: ლარში #GE12TB7990736080100007 $-დოლარში #GE94TB7990736180100002 EVRO-ევრო #GE94TB7990736180100002 საკონტაქტო ნომერი: 599 33 01 ... ...
  • შტორმი ზღვაზე _ საგანგებო სიტუაციების მართვის სამსახური დამსვენებლებს აფრთხილებსსაგანგებო სიტუაციების მართვის სამსახურის ინფორმაციით, დღეს, შავი ზღვის მთელს სანაპირო ზოლზე 3-დან 4 ბალამდე შტორმი ფიქსირდება. ზღვაში შესვლა კატეგორიულად აკრძალულია, რის გამოც სანაპირო ზოლზე გამოფენილია წითელი ალმები. ადგილზე მყოფი მაშველები დამსვენებლებს შტორმის შესახებ აფრთხილებენ და სიტუაციას აკონტროლებენ. შინაგან საქმეთა სამინისტროს საგანგებო სიტუაციების მართვის სამსახური მოუწოდებს დამსვენებლებს დაემორჩილონ მაშველების მითითებებს და დაიცვან უსაფრთხოების ნორმები, არ დატოვონ მცირეწლოვანი ბავშვები უმეთვალყურეოდ. მას შემდეგ რაც ზღვაში შესვლა დასაშვები იქნება, სანაპიროზე გამოიფინება ... ...
  • პოლიციამ "საქართველოს ბანკის" ექსპრეს ფილიალზე ყაჩაღური თავდასხმის ფაქტი ცხელ კვალზე გახსნაშინაგან საქმეთა სამინისტროს თბილისის პოლიციის დეპარტამენტის გლდანი- ნაძალადევის სამმართველოს თანამშრომლებმა, ჩატარებული ოპერატიული და საგამოძიებო მოქმედებების შედეგად, 1989 წელს დაბადებული გ.ჩ. ყაჩაღობის და ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით, დააკავეს. შსს-ს ცნობით, გამოძიებით დადგინდა, რომ მიმდინარე წლის 22 აგვისტოს, გ.ჩ. მუხიანში მდებარე “საქართველოს ბანკის” ექსპრეს ფილიალში იარაღის მუქარით შეიჭრა, ბანკის თანამშრომლებს ფული გასტაცა და შემთხვევის ადგილიდან მიიმალა. პოლიციამ ბრალდებული მომხდარიდან რამდენიმე საათში, ცხელ კვალზე დააკავა. “სამართალდამცველებმა გატაცებული თანხა ნივთმტკიცებად ამოიღეს. გამოძიება საქართველოს სისხლის სამართლის კოდექსის 179-ე მუხლის პირველი ნაწილით და 236-ე მუხლის მე-3 და მე-4 ნაწილებით მიმდინარეობს, რაც ყაჩაღობას და ცეცხლსასროლი იარაღის მართლსაწინააღმდეგო შეძენა- შენახვა- ტარებას გულისხმობს. ჩადენილი დანაშაული 5-დან 7 წლამდე ვადით თავისუფლების აღკვეთას ითვალისწინებს”,- აღნიშნულია შსს-ს ... ...
  • ხანძარი გორის მუნიციპალიტეტში - ცეცხლის ქრობის პროცესში მესამე ვერტმფრენიც ჩაერთოსაგანგებო სიტუციების მართვის სამსახურის ინფორმაციით, სოფელ საყავრესთან, ტყის ხანძარის ქრობის სამუშაოებში მესამე ვერტმფრენი ჩაერთო. შიდა ქართლში, გორის მუნიციპალიტეტში, სოფელ საყავრესთან ტყის მასივში გაჩენილი ხანძრის ქრობის სამუშაოები მეორე დღეა აქტიუტრად მიმდინარეობს. მთელი ღამის განმავლობაში ადგილზე უწყვეტ რეჟიმში მუშაობდა თბილისის, შიდა ქართლის, იმერეთის, სამცხე-ჯავახეთის, ქვემო ქართლის და მცხეთა-მთიანეთის სახანძრო-სამაშველო ჯგუფები. სულ 250-მდე მეხანძრე-მაშველი. პროცესში ჩართული იყო სახანძრო სამაშველო და დამხმარე ტექნიკა. მათივე ცნობით, გათენებისთანავე განაახლა მუშაობა შინაგან საქმეთა სამინისტროს სასაზღვრო პოლიციის სამმა ვერტმფრენმა. უწყებაში აცხადებენ, რომ ამ დროისთვის ადგილზე ღია ცეცხლის კერა აღარ აღინიშნება. მიმდინარეობს ცალკეული მონაკვეთების დამუშავება როგორც ცოცხალი ძალის, ასევე ვერტმფრენების საშუალებით. სიტუაცია კონტროლს ექვემდებარება. ადგილზე მოწყობილია საველე შტაბი, საიდანაც მიმდინარეობს ტყის ხანძრის ქრობის სამუშაოების ... ...
  • გვარამიამ თანამშრომლებზე ფსიქოლოგიური შეტევა დაიწყო _ ხალვაში რ2-ში განვითარებულ მოვლენებზე"რუსთავი2"-ის 100%-იანი წილის მფლობელი ქიბარ ხალვაში განცხადებას ავრცელებს, რომელსაც უცვლელად გთავაზობთ.  "საზოგადოებისათვის ცნობილია ბოლო დღეებში ტელეკომპანია რუსთავი 2-ში განვითარებული მოვლენები. ეს მოვლენები, კიდევ ერთი მტკიცებულებაა ჩემი ვარაუდისა, რომ სააკაშვილი და გვარამია მიზანმიმართულად ანგრევდნენ კომპანიას. ფაქტია, ტელევიზიის ფინანასური ნგრევის შემდეგ, გვარამია არხის თანამშრომლებზე გადაერთო და მათ წინააღმდეგ არნახული ფსიქოლოგიური შეტევა და ბულინგი წამოიწყო. საზოგადოებამ იცის, რომ იმ ჟურნალისტებს, რომლებიც რუსთავი 2-ში მუშაობდნენ, ჩვენ შევათვაზეთ სარედაქციო პოლიტიკაში ჩაურევლობა, დასავლური, ცივილიზებული სტანდარტით მუშაობა, რაც ნიშნავს კრიტიკულ, ობიექტურ და მიუკერძოებელ მაუწყებლობას. მიუხედავად იმისა, რომ არხიდან რამდენიმე ადამიანის კონკრეტული მიზეზებით გათავისუფლება მოხდა, ზოგიერთი თანამშრომლის მხრიდან ეს აღმული იქნა სარედაქციო პოლიტიკაში ჩარევის მცდელობად, თუმცა ვერც ერთი ჟურნალისტი ვერ იტყვის, რომ მთელი ამ ხნის მანძილზე მათ საქმიანობაში ჩემი მხრიდან რაიმე ჩარევა მოხდა. ცხადია, რომ ჟურნალისტების გარკვეული ნაწილის წასვლა, თავიდანვე ცხადი იყო და მხოლოდ ნიკა გვარამიას მოწოდებაზე იყო დამოკიდებული, რაც აშკარად გამოჩნდა კიდევაც. ჩემთვის ნათელია, რომ ნიკა გვარამია მის პატრონთან,სააკაშვილთან ერთად ცდილობდა, რუსთავი 2-სათვის დაეკარგა ტელევიზიის სახე და აგრესიული პარტიული პროპაგანდის იარაღად გადააქცია. წლების განმავლობაში ამ პროპაგანდის მთავარი ინსტრუმენტები - სიცრუე და საზოგადოების ცნობიერებაზე ძალადობა იყო. ბუნებრივია, ამ ყველაფერმა ტელევიზიის სანდოობას პირველი კრიტიკული დარტყმა მიაყენა. ასევე უმძიმესი დარტყმა იყო ის ფინანსური მაქინაციები, რომლებმაც ტელეკომპანია ამ ვითარებამდე მიიყვანა. მათ შორის იყო ის ერთ-ერთი ეპოზოდი, რის გამოც მოხდა რამდენიმე თანამშრომლის გათავისუფლება. გვარამიას, ანაჯაფარიძეს, მელაძეს, ლაფერაშვილს, გაბუნიას, ასევე ყოფილ თანამშრომელ უდუმაშვილს, იმ დროს, როდესაც კომპანიის თანამშრომლების ხელფასები გაყინული იყო, ასიათასობით ლარი აქვთ მიღებული. ახლა ცდილობენ, ეს თანხები ბონუსად წარმოაჩინონ, თუმცა, აშკარაა, რომ ასეთი ბონუსები კომპანიას არ გაუცია და სწორედ რუსთავი2-ის კუთვნილი, მაგრამ სხვა კომპანიაში დალექილი თანხმები მიიღეს, ჩუმად, სხვა თანამშრომელბისაგან მალულად, გადასახადების გადაუხდელად. ყველაფრის მიუხედავად, მკაფიოდ ვაფიქსირებ, რომ ყველაფერს გავაკეთებ რუსთავი2-ის გადასარჩენად და იმისათვის, რომ შექმნილ ვითარებაში სწრაფად მოვახერხოთ არხის რეაბილიტაცია და ისევ იმ კურიერის დაბრუნება ეთერში, რომელიც უამრავ მაყურებელს მიიზიდავს. სამწუხაროდ, ბევრმა ჟურნალისტმა გუშინ მიიღო ემოციური გადაწყვეტილება, რაც იმედი მაქვს, რომ მალე შეიცვლება, როდესაც დარწმუნდებიან, რომ რუსთავი2 არ ღალატობს თავის ძველ ტრადიციას, არის კრიტიკული, შეუპოვარი და დამოუკიდებელი, ისეთი როგორიც იყო წლების წინ, სანამ ბოლომდე პოლიტიკური წნეხის ქვეშ მოექცეოდა და როდესაც მათ საზოგადება ენდობოდა. პოზიტიურ სიახლეებს უახლოეს დღეებში შეგაყობინებთ!" _ ნათქვამია ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...