ნიკა ჩიტაძე: "აფხაზეთის გავლით სარკინიგზო მიმოსვლის აღდგენა თითქმის შეუძლებელია"

მთავარი თემა

ნიკა ჩიტაძე: "აფხაზეთის გავლით სარკინიგზო მიმოსვლის აღდგენა თითქმის შეუძლებელია"

2013 სექ 7 16:36:20
თუმცა, როგორც ზოგიერთი ექსპერტი აღნიშნავს, აფხაზეთის გავლით რკინიგზის აღდგენა გეო-პოლიტიკური მდგომარეობიდან გამომდინარე, შეუძლებელია, რადგან, ასეთ შემთხვევაში, ქართულ მხარეს აფხაზეთის დე ფაქტო სახელმწიფოს აღიარება მოუწევს.

"რუსეთი, საქართველო და აფხაზეთი თანახმა არიან, აფხაზეთის გავლით სარკინიგზო მონაკვეთი გაიხსნას," _ ამის შესახებ სომხეთის უშიშროების საბჭოს მდივანმა, არტურ ბაღდასარიანმა "Новости-Армения"-სთან ინტერვიუში განაცხადა.

აღნიშნულს მალევე უპასუხა ქართულმა მხარემ: "საქართველოს ხელისუფლებამ ამ თემით დაინტერესება ადრეც გამოხატა და ახლაც მზად არის განიხილოს ეს ინიციატივა. თუმცა, ეს არ ნიშნავს, რომ რაიმე გადაწყვეტილება უკვე მიღებულია."

ჯერ კიდევ რამდენიმე თვის წინა პრემიერ-მინისტრი ბიძინა ივანიშვილი ამბობდა, რომ აფხაზეთი-საქართველო-სომხეთის რკინიგზის აღდგენა შესაძლებელია და ამის შესახებ ქართულმა მხარემ არაერთხელ გამოხატა მზაობა. მისივე თქმით, დიდწილად რკინიგზის აღდგენა დამოკიდებული იყო რუსეთის პოზიციაზე, საქართველო კი ამ მიმართულებით ძალისხმევას არ დაიშურებდა. რეინტეგრაციის მინისტრი პაატა ზაქარეიშვილიც და პრემიერის მრჩეველი გია ხუხაშვილიც იზიარებდნენ ივანიშვილის ამ პოზიციას.

"აფხაზეთის რკინიგზა საქართველოს რკინიგზის განუყოფელი ნაწილია. ამით აფხაზეთის რეინტეგრაციის თემა უნდა დავიწყოთ. რკინიგზა შეიძლება გახდეს ხიდი პროცესის დასაწყებად", _ აცხადებდა გია ხუხაშვილი.

ზაქარეიშვილის თქმით კი, სატრანსპორტო მოძრაობის აღდგენის პროცესს არ უნდა ჰქონოდა პოლიტიკური სარჩული და საკითხი მხოლოდ ეკონომიკური ინტერესების გათვალისწინებით უნდა გადაჭრილიყო: "არ უნდა დავუშვათ, რომ აფხაზეთი ეკონომიკურად მხოლოდ რუსეთზე იყოს მიბმული", _ აცხადებდა პაატა ზაქარეიშვილი. მისივე თქმით, ამით ყველა ისარგებლებდა და ეს გახდება სატრანსპორტო არტერია.

მთავრობის წევრების ეს მიდგომა, საქართველოს პრეზიდენტმა მიხეილ სააკაშვილმა გააკრიტიკა და განაცხადა, რომ ამ განცხადების ავტორს წარმოდგენა არ ჰქონდა საქართველოს გეოპოლიტიკურ და პოლიტიკურ სტრატეგიულ ინტერესებზე.

აფხაზეთის გავლით რუსეთთან სარკინიგზო მიმოსვლის აღდგენას უაღრესად მნიშვნელოვანს უწოდებს "დემოკრატიული მოძრაობა _ ერთიანი საქართველოს" სათათბიროს წევრი მამუკა აჩბა და "გურია ნიუსთან" საუბარში აღნიშნავს, რომ თუკი სარკინიგზო მიმოსვლის აღდგენის საკითხი დადგება დღის წესრიგში, მაშინ ეს იქნება ერთერთი საუკეთესო შანსი იმისა, რომ ჩვენ ერთმანეთი დავიბრუნოთ და არც კი არის საჭირო, ამას მიეცეს რაიმე პოლიტიკური დატვირთვა, რადგან დროთა განმავლობაში (ძალიან მალე), თვითონ ქართველები და აფხაზები იპოვიან ერთმანეთთან მისასვლელ გზებს და შემდგომში უკვე ბევრად უფრო ადვილი იქნება სხვა საკითხებზეც საუბარი

"რაც შეეხება რისკებს, აქ გათვალისწინებული უნდა იყოს ექსპერტების შეხედულებები, საკითხი ძირეულად იქნას შესწავლილი და ამ თემასთან დაკავშირებით, ზერელე, გაუაზრებელი განცხადებების გაკეთება, ნამდვილად საზიანო იქნება ქართული-აფხაზური ურთიერთობის შემდგომი განვითარებისთვის," _ უთხრა "გურია ნიუსს" აჩბამ.

პოლიტოლოგი ნიკა ჩიტაძე კი მიიჩნევს, რომ სწორედ ის რისკები, რომლებიც ამ პროცესს ახლავს თან, თითქმის შეუძლებელს ხდის რკინიგზის აღდგენას:

"რკინიგზის აღდგენა გარკვეულ სირთულეებთანაა დაკავშირებული. მაგალითად, საინტერესოა, როგორ მოხდება ტვირთებისა და მგზავრთა რეგისტრაცია, რომლებიც იმოგზაურებენ რუსეთიდან საქართველოს გავლით სომხეთში. აფხაზური მხარე მდინარე ფსოუზე თვითონ შეამოწმებს ტვირთებს და მოითხოვს ე. წ. აფხაზეთის მონაკვეთზე მოხდეს განბაჟება. აფხაზური/რუსული მხარე არ დათანხმდება, რომ ქართველი მესაზღვრეები მდინარე ფსოუსთან განთავსდნენ, ამიტომ ჩვენ მოგვიწევს მდინარე ენგურთან განთავსება, ეს კი პირდაპირ ნიშნავს იმას, რომ აფხაზეთის დე ფაქტო სახელმწიფოს ვაღიარებთ.

თუ ისე მოხდა, როგორც საქართველომ წამოაყენა პირობა, ანუ რუსეთი გაწევრიანდეს მსოფლიო სავაჭრო ორგანიზაციაში, ხოლო ტვირთები შვეიცარულმა კომპანიამ აღეწეროს, მაშინ კიდევ შესაძლოა..." _ ამბობს ჩიტაძე.

მისივე თქმით, გარდა გეოპოლიტიკური პრობლემებისა, რკინიგზის აღდგენა სამართლებრივ პრობლემებსაც შექმნის: "როცა აფხაზეთის გავლით საქართველოში მგზავრი შემოვა, აფხაზური მხარე მას პასპორტში შტამპს ჩაურტყამს. ეს კი საქართველოს ოკუპირებული ტერიტორიების შესახებ კანონის დარღვევაა," _ განმარტავს ჩიტაძე "გურია ნიუსთან" საუბრისას.

პოლოტოლოგი გამოსავალს მხოლოდ იმაში ხედავს, თუკი რუსეთთან სარკინიგზო მიმოსვლა აზერბაიჯანის გავლით მოხდება, რადგან ამ შემთხვევაში ქართველ მესაზღვრეებს შეეძლებათ საქართველო-აზერბაიჯანის საზღვარზე განთავსდნენ და ასე მოახდინონ მგზავრებისა და ტვირთების რეგისტრაცია: "მხოლოდ ეს შეგვიძლია რუსულ მხარეს შევთავაზოთ. რაც შეეხება რკინიგზის აფხაზური მონაკვეთის აღდგენას, ეს თითქმის შეუძლებელია. სომხეთს ეს სურს, მაგრამ რეალობა სხვაა," -_ მიიჩნევს ჩიტაძე.




 ახალი ამბები
  • იუსტიციის მინისტრი გლდანის პენიტენციურ დაწესებულებაში პატიმრების მიერ მოყვანილი მოსავლის აღებას დაესწრო (R)„ჩვენ მიერ გლდანში გაზაფხულზე შემოტანილი პროექტის შედეგად, მსჯავრდებულები უკვე მოსავალს იმკიან და ფინანსურ შემოსავალსაც იღებენ“, _ ასე დაიწყო საქართველოს იუსტიციის მინისტრმა, თეა წულუკიანმა N8 პენიტენციური დაწესებულების მსჯავრდებულებთან შეხვედრა.  მინისტრი გლდანის N8 პენიტენციური დაწესებულების ტერიტორიაზე 2019 წლის გაზაფხულიდან მოქმედ სასოფლო-სამეურნეო პროექტის ფარგლებში, მსჯავრდებულების მიერ მოყვანილი მოსავლის აღების პროცესს დაესწრო. დღეს პატიმრებმა  შემდეგი მოსავალი აიღეს - ორ-ორი სახეობის ლობიო და ჭარხალი, კიტრი, პომიდორი, რეჰანი, შაშკულავი და ოხრახუში, ასევე ჟოლო.   პროექტში 7, გრძელვადიანი საპატიმრო სასჯელის მქონე პირია ჩართული. აღსანიშნავია, რომ აღებული მოსავლის რეალიზაციას, საფრანგეთ-საქართველოს სავაჭრო და სამრეწველო პალატის მხარდაჭერით, პატიმრები  ერთ-ერთ დიდ სუპერმარკეტში ახორციელებენ. გარდა ამისა, მსჯავრდებულების მიერ მოყვანილ პომიდორსა და იისფერ ლობიოს კერძების დასამზადებლად კაფე "ლიტერა” ყიდულობს. პროდუქციის რეალიზაციიდან მიღებული თანხა პროექტში დასაქმებული პატიმრების შემოსავლის წყაროა. დღეისათვის, პროექტის ფარგლებში პატიმრებს 2000 ლარამდე შემოსავალი აქვთ მიღებული. თანხის ერთი ნაწილი მათ პროექტის დაფინანსებას დაუთმეს, ხოლო დანარჩენი თანხა მათ ბარათებზე შემოსავლის სახით დაირიცხა. დღესვე,  მინისტრმა პროექტში მონაწილეობისთვის მადლობის სიგელები გადასცა პროექტის  მხარდამჭერი სსიპ "სოფლის მეურნეობის სამეცნიერო-კვლევითი ცენტრი"-ის აგრონომებს, ზვიად ბობოქაშვილს, ირმა ირემაშვილს და ფრიდონ სანაიას, რომლებიც მსჯავრდებულებს პროდუქციის მოყვანაში უწევენ დახმარებას. ღონისძიებას იუსტიციის მინისტრის მოადგილე, ალექსანდრე ტაბატაძე, სოფლის მეურნეობის მინისტრის პირველი მოადგილე, გიორგი ხანიშვილი, საფრანგეთ - საქართველოს სავაჭრო და სამრეწველო პალატის პრეზიდენტი, ანტუან ლორენ ბარდონი, „არასაპატიმრო სასჯელთა აღსრულებისა და პრობაციის ეროვნული სააგენტოს“, "სოფლის მეურნეობის სამეცნიერო-კვლევითი ცენტრი"-სა და ევროკავშირის წარმომადგენლები დაესწრნენ. მინისტრის თქმით, მსგავსი ტიპის პროექტში მონაწილეობა ე.წ. დახურული ტიპის დაწესებულების მსჯავრდებულებისათვის საუკეთესო საშუალებაა ჯანმრთელობის შენარჩუნებისა და პატიმართა რეაბილიტაცია - რესოციალიზაციისათვის. პროექტი, რომლის ფარგლებშიც N8 პენიტენციური დაწესებულების მსჯავრდებულები სოფლის მეურნეობის სფეროში დასაქმდნენ, გაზაფხულზე, საქართველოს იუსტიციის მინისტრის, თეა წულუკიანის ინიციატივითა და საფრანგეთ -საქართველოს სავაჭრო და სამრეწველო პალატის, ასევე საქართველოს სოფლის მეურნეობის სამინისტროს აქტიური ხელშეწყობით შემუშავდა. პროექტის მიზანია, დაწესებულებაში მყოფი სრულწლოვანი მსჯავრდებულების, მათ შორის, უვადო სრულწლოვანი პატიმრების დასაქმება. პროექტის მხარდამჭერები საფრანგეთ-საქართველოს სავაჭრო და სამრეწველო პალატასთან ერთად არიან საქართველოს იუსტიციის სამინისტროს მმართველობის სფეროში მოქმედი სსიპ არასაპატიმრო სასჯელთა აღსრულებისა და პრობაციის ეროვნული სააგენტო, სსიპ "სოფლის მეურნეობის სამეცნიერო-კვლევითი ცენტრი" და შპს "სოფლის მეურნეობის ლოჯისტიკის და სერვისების კომპანია". ... ...
  • მაია მელიქიძის ინიციატივით ენერგო წყაროების ლაბორატორია დაფუძნდა (R)საქართველოში პირველად, ბიზნესისა და ტექნოლოგიების უნივერსიტეტში განახლებადი ენერგო წყაროების ლაბორატორია გაიხსნა. RES Lab-ის შექმნის მიზანია საქართველოს ენერგეტიკის სექტორში მოქმედი კომპანიების წინაშე არსებული გამოწვევების განხილვა, შესაბამისი კვლევების განხორციელება და კონსულტაციების გამართვა. ლაბის ფარგლებში შეიქმნება სადისკუსიო პანელი, სადაც კერძო და სახელმწიფო ინსტიტუციები გაერთიანდება. პანელური შეხვედრების ფორმატში მუდმივად განიხილება კვლევების შედეგები, რეკომენდაციები და მისი განხორციელების გზები საქართველოში.  ლაბორატორიის ფარგლებში ეტაპობრივად გაწევრიანდებიან სხვადასხვა ორგანიზაციები, წევრობა არ ითვალისწინებს ფინანსურ კონტრიბუციას და მოიაზრებს მხოლოდ ინტელექტუალურ და აკადმიურ პარტნიორობას. განახლებადი ენერგო წყაროების ლაბორატორიის დაფუძნების ინიციატორია სემეკის წევრი, ბიზნესისა და ტექნოლოგიების უნივერსიტეტის აკადემიური საბჭოს წარმომადგენელი მაია მელიქიძე. ... ...
  • ჩოხატაური-ლეჟაისკი _ დიდი სამომავლო გეგმებიმიმდინარე წლის 4-11 სექტემბერს, ჩოხატაურის მუნიციპალიტეტის დელეგაცია, საკრებულოს თავმჯდომარის ზაალ მამალაძის, მუნიციპალიტეტის მერის მოადგილის მინდია ჟღერიას, საკრებულოს აპარატის სპეციალისტების ჯუმბერ ბერძენიშვილისა და ნაზი ბერძენიშვილის შემადგენლობით, ოფიციალური მიწვევით იმყოფებოდა პოლონეთის ქალაქ ლეჟაისკში. დელეგაციის წევრები დაესწრნენ ყოველწლიურ ტრადიციულ შემოდგომის ფესტივალს, რომელშიც მონაწილეობა იღებს, როგორც ადგილობრივი თვითმმართველობის მუნიციპალური სამსახურები, სოფლების თვითმმართველობები, ასევე, პოლონეთის პარლამენტის წევრები და საეკლესიო პირები. ვიზიტის დროს გახორციელდა რამდენიმე სამუშაო შეხვედრა უშუალოდ ქალაქ ლეჟაისკის თვითმმართველობის ხელმძღვანელ პირებთან, სადაც სტუმრები ადგილზე გაეცნენ თვითმმართველობის მუშაობის წარმატებულ პრაქტიკას. ჩოხატაურის მუნიციპალიტეტის წარმომადგენელები ესტუმრნენ ლეჟაისკის სახელმწიფო პროფესიულ სასწავლებელს. საკრებულოს თავმჯდომარის ზაალ მამალაძის ინიციატივით მოლაპარაკებები ჯერ კიდევ ჩოხატაურის მუნიციპალიტეტში პოლონეთის დელეგაციის სტუმრობისას დაიწყო, მომავალში იმ გამოცდილების გაზიარების შესახებ, რომელიც ქალაქ ლეჟაისკში არსებულ აღმოსავლეთი ევროპის მასშტაბით წარმატებულ სახელმწიფო პროფესიულ სასწავლებელს გააჩნია. ამ ეტაპზე შეთანხმება მიღწეულია, რომ ჩოხატაურის მუნიციპალიტეტში დაგეგმილი პროფესიული სასწავლებლის მშენებლობის დასრულებისა და ფუნქციონირების დაწყების შემდეგ, პოლონეთის მხარე დახმარებას გაუწევს სასწავლებელს, როგორც საგანმანათლებლო კუთხით, ასევე, შესაძლებელი იქნება გაცვლითი პროგრამების გახორციელება. პოლონეთის მხრიდან, ასევე, გამოითქვა მზაობა, მოხდეს ჩოხატაურის მუნიციპალიტეტის და ქალაქ ლეჟაისკის რამდენიმე სკოლის დამეგობრება, გამოცდილების გაზიარება და სამომავლოდ ერთობლივი პროექტების გახორციელება. 2020 წლის ივნისში, ქალაქ ლეჟაისკში გაიმართება კლასიკური მუსიკის საერთაშორისო ფესტივალი, რომელშიც მონაწილეობას მიიღებს ევროპის სხვადასხვა ქვეყნის 20-ზე მეტი მაღალი დონის შემსრულებელი, მათ შორის სპეციალური სტუმრის სტატუსით მიწვეულია ჩოხატაურის მუნიციპალიტეტის კულტურის ცენტრთან არსებული ანსამბლი „ამაღლება, რომლის გამოსვლებს ფესტივალის ერთი დღე მთლიანად ... ...
  • ზურაბიშვილის პირველი კომენტარი სკანდალურ შეწყალებებზე: "არ მჩვევია, ვინმე სხვაზე გადავიტანო პასუხისმგებლობა"საქართველოს პრეზიდენტი სალომე ზურაბიშვილი ამბობს, რომ შეწყალებებთან დაკავშირებით გადაწყვეტილება პირადად მან მიიღო და ამაში არავინ ჩარეულა: "იყო ბევრი სპეკულაცია სხვადასხვა ადამიანის ჩარევაზე, მათ შორის ჩემს საპარალამენტო მდივანზე, მაგრამ ეს არ არის მისი კომპეტენცია და ის არ შეიძლება, ჩარეული ყოფილიყო. მე მივიღე გადაწყვრტილება და არ მჩვევია, ვინმე სხვაზე გადავიტანო პასუხისმგებლობა“, – განაცხადა სალომე ზურაბიშვილმა საგანგებო ბრიფინგზე, რომელიც პრეზიდენტის სასახლეში ამ წუთებში მიმდინარეობს. მისივე თქმით, მსჯავრდებულთა შეწყალებაზე მორატორიუმს აცხადებს. „როგორც პრეზიდენტი, მე ვაცხადებ მორატორიუმს შეწყალებაზე. მერე ვნახოთ როგორ იქნება, წესები როგორი იქნება და როგორ იქნება შეწყალება, ამის მიხედვით განისაზღვრება", _ განაცხადა ზურაბიშვილმა. ამავე თემაზე: ზურაბიშვილის მიერ შეწყალებული ძებნილის სკანდალი: "პერსონალურ მონაცემთა დაცვის ინსპექტორის ძალიან მეშინია" მკვლელები, ყაჩაღები და ახლა უკვე ძებნილი _ ვინ შეიწყალა სალომე ... ...
  • სალომე ზურაბიშვილი შეწყალებაზე მორატორიუმს აცხადებს _ "იყო ბევრი სპეკულაცია სხვადასხვა ადამიანის ჩარევაზე"საქართველოს პრეზიდენტი სალომე ზურაბიშვილი მსჯავრდებულთა შეწყალებაზე მორატორიუმს აცხადებს. „როგორც პრეზიდენტი, მე ვაცხადებ მორატორიუმს შეწყალებაზე. მერე ვნახოთ როგორ იქნება, წესები როგორი იქნება და როგორ იქნება შეწყალება, ამის მიხედვით განისაზღვრება. იყო ბევრი სპეკულაცია სხვადასხვა ადამიანის ჩარევაზე, მათ შორის ჩემს საპარალამენტო მდივანზე, მაგრამ ეს არ არის მისი კომპეტენცია და ის არ შეიძლება, ჩარეული ყოფილიყო. მე მივიღე გადაწყვეტილება და არ მჩვევია, ვინმე სხვაზე გადავიტანო პასუხისმგებლობა“, _ განაცხადა სალომე ზურაბიშვილმა სგაანგებო ბრიფინგზე, რომელიც ამ წუთებში ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...