მოქმედი მოსამართლეები თანამდებობის დატოვების სანაცვლოდ ხელფასის შენარჩუნებას ითხოვენ

მთავარი თემა

მოქმედი მოსამართლეები თანამდებობის დატოვების სანაცვლოდ ხელფასის შენარჩუნებას ითხოვენ

2013 სექ 9 18:20:25
უზენაესი სასამართლოს თავმჯდომარე კოტე კუბლაშვილი ცდილობს, ეს ნორმა მოქმედ მოსამართლეებზეც გაავრცელოს და არაერთი განცხადებითა თუ ღია წერილით მიმართავს ხელისუფლებას.

იუსტიციის მინისტრს ამ საკითხთან დაკავშირებით მტკიცე პოზიცია აქვს. თეა წულუკიანი "გურია ნიუსთან" ამბობს, რომ დღეს მოქმედი მოსამართლეების უვადოდ გადანიშვნა გამორიცხულია: "ის პირები, რომლებიც ახალი პრეზიდენტის ფიცის დადების შემდეგ გახდებიან მოსამართლეები, უნდა დაინიშნონ უვადოდ. უვადოდ დანიშვნის ეს კონსტიტუციური წესი არ ეხებათ ამჟამად მოქმედ მოსამართლეებს. ეს არ არის ვინმეს მოგონილი, ეს უკვე წერია კონსტიტუციაში. ძალიან მტკივნეული საკითხია ამჟამინდელი მოსამართლეებისთვის და მათი ხელმძღვანელისთვის, შეეხებათ თუ არა უვადოდ დანიშვნის წესი მოქმედ მოსამართლეებს. მე ძალიან ვწუხვარ, მაგრამ კონსტიტუცია ამას არ ამბობს _ დღეს მოქმედ მოსამართლეებს მოუწევთ დაასრულონ დროებითი ვადა და შემდეგ თუ მოუნდებათ მოსამართლეობა, შემოიტანონ განცხადება. ყველას მოუწევს კონკურსი გაიაროს იუსტიციის უმაღლეს საბჭოში," _ ამბობს იუსტიციის მინისტრი.

ამ საკითხთან დაკავშირებით მოსამართლეებს ერთიანი პოზიცია არ გააჩნიათ. ერთი ნაწილი კატეგორიულად ითხოვს უვადოდ გადანიშვნას, მეორე კი თანახმაა, 10-წლიანი ვადის გასვლის შემდეგ თანამდებობა დატოვოს, მაგრამ გარკვეული პირობით.

მოსამართლე მაია ბაქრაძე "გურია ნიუსთან" ამბობს, რომ ამ საკითხთან დაკავშირებით მოსამართლეთა ასოციაცია მალე ოფიციალურ განცხადებას გაავრცელებს და საკუთარ პირობებს წამოაყენებს: "მოსამართლეთა ასოციაციაში ამის თაობაზე არ გვაქვს ერთი აზრი. ამაზე ჩვენ ჩამოვყალიბდებით და საჯარო განცხადებას გავაკეთებთ, უბრალოდ, ასოციაციისთვის მთავარია მოსამართლეებისთვის სოციალური გარანტიების შენარჩუნება და ვადის ამოწურვის შემდეგ ხელფასის დანიშვნა. მოქმედ კანონმდებლობას ჩვენ ასე განვმარტავთ, რომ კონსტიტუციური კანონი, რომელიც მალე შევა ძალაში, მოქმედი მოსამართლეების უვადოდ დანიშვნას არ ითვალისწინებს. ჩვენ კი ვფიქრობთ, რომ ამ კანონს ესაჭიროება შეცვლა და მხოლოდ ორგანული კანონით ვერ დარეგულირდება ეს საკითხი. რადგან ასეთი ჩანაწერი არსებობს, ჩვენ გვინდა დავიცვათ იმ მოსამართლეთა ინტერესები, რომელთა უვადო დანიშვნა, ფაქტობრივად, მოქმედი კანონმდებლობით არ ხერხდება. იმისთვის, რომ გავათანაბროთ უვადოდ დანიშნული მოსამართლეების უფლებები იმ მოსამართლეების უფლებებთან, რომლებზეც ეს არ გავრცელდება, ვადის ამოწურვის შემდეგ მოსამართლეებს საპენსიო ასაკამდე უნდა მიეცეთ ანაზღაურება, ასე ვთქვათ, კომპენსაცია, რაც მიახლოებული იქნება მოსამართლის ხელფასთან."

საპარლამენტო უმრავლესობის წევრი შალვა შავგულიძე ფიქრობს, რომ არც მოქმედი და არც ახლადდანიშნული მოსამართლეების უვადოდ დანიშვნა ქვეყნისთვის სასარგებლო გადაწყვეტილება არ იქნება: "როდესაც ბატონი კუბლაშვილი ამას ითხოვს, გასაგებია. ალბათ, მას გააჩნია თავისი არგუმენტაცია და მოტივაციაც. ეს მას წარმოაჩენს, როგორც სასამართლო კორპუსზე მეტად მზრუნველ ხელმძღვანელს. მას აქვს ასეთი ხედვა და ეს მისთვის მომგებიანია, რომ მოსამართლეთა მხარდაჭერა მოიპოვოს. მე, როგორც პარლამენტის წევრი, ცოტა ფართოდ ვუყურებ ამ საკითხს, რამდენად სასარგებლო იქნება ეს ჩვენი ქვეყნისთვის და არა ისე, რომ უზენაესი სასამართლოს თავმჯდომარის ავტორიტეტი გაიზრდება თუ არა რაღაც განცხადებების შედეგად."

აზრთა სხვადასხვაობა კონსტიტუციის იმ ნორმასთან დაკავშირებითაც, რომელიც ამბობს, რომ უვადოდ დანიშვნამდე, შესაძლებელია ახალ მოსამართლეს გამოსაცდელი ვადა დაუწესდეს. იუსტიციის მინისტრი ამ ვადას სამი წლით განსაზღვრავს, რაც, მისი თქმით, მომავალში შეცდომების ალბათობას შეამცირებს: "ჩვენი რეფორმით შემოთავაზებულია, რომ ახალ მოსამართლეებს დაუწესდეთ სამწლიანი გამოსაცდელი ვადა, რადგან მათ აჩვენონ საქართველოს მოსახლეობას, რომ არიან პირუთვნელნი და ღირსნი, ატარონ მოსამართლის მანტია. ამ საკითხზე არსებობს განსხვავებული მოსაზრებაც. გვეუბნებიან, რომ თუ მოსამართლეს დავუწესებთ გამოსაცდელ ვადას, მაშინ ის თავს იგრძნობს ვალდებულად, რომ ასიამოვნოს იუსტიციის უმაღლეს საბჭოს და საქმეზე ნაკლებად იზრუნებს. ამ მოსაზრებას აქვს გონივრული საფუძვლები, მაგრამ მეორე მხარეს რაც დევს, ის უფრო წონადია. მეორე მხარეს დევს ის, რომ თუ მოსამართლე მაშინვე იქნება დანიშნული მუდმივად, ჩვენ, შეიძლება, ძალიან ვინანოთ რომელიმე მათგანთან დაკავშირებით. ამიტომ სჯობს, ალბათ, და ეს ასეა მიღებული დასავლეთის არა ერთ ქვეყანაში, რომ გამოსაცდელი ვადა მიეცეთ მათ და ამ ვადის პერიოდში მაქსიმალურად იყვნენ დაცულნი გარეშე ზეწოლისგან, რათა წარმოაჩინონ მოსამართლისთვის დამახასიათებელი დამოუკიდებლობის, მიუკერძოებლობის და პირუთვნელობის მაგალითი, რომ მერე გახდნენ სამუდამო მოსამართლეები".

მოსამართლე მაია ბაქრაძე მიიჩნევს, რომ გამოსაცდელი ვადის დაწესება მოსამართლის საქმიანობას ჩრდილს აყენებს: "გამოსაცდელი ვადა გარკვეულ უხერხულობებს ქმნის. თვითონ პროცესის მხარეებსაც ექმნებათ გარკვეული უნდობლობა იმ მოსამართლის მიმართ, რომელიც უფრო მეტად არის დამოკიდებული იუსტიციის საბჭოზე და ცდილობს მოიპოვოს მისი სიმპათიები იმიტომ, რომ იქნეს დანიშნული. ამავდროულად კონსტიტუციამ დაუშვა ეს ჩანაწერი და დასავლეთში, კერძოდ გერმანიაში არის ასეთი პრაქტიკა. ამაზე ასოციაციის ერთიან პოზიციას ვერ გეტყვით, თუმცა მე, როგორც ერთი მოსამართლე, მივიჩნევ, რომ არ არის აუცილებელი გამოსაცდელი ვადის დანიშვნა, განსაკუთრებით იმ პირობებში, როდესაც ჯერ კიდევ კითხვის ნიშნის ქვეშ დგას უვადო დანიშვნის საკითხი და უკვე ვადიან დანიშვნებზე საუბრობს ხელისუფლება."

შალვა შავგულიძე მოსამართლეთა უვადოდ დანიშვნაში საფრთხეს ხედავს. ის ამბობს, რომ ამით სასამართლო სისტემაში ახალი სისხლის მოძრაობა შეფერხდება და მივიღებთ საბჭოთა კავშირის პოლიტბიუროს მსგავს მოხუცების ინსტიტუტს; "ვფიქრობ, საკმაოდ სერიოზული დაფიქრებაა საჭირო ამ ინსტიტუტთან დაკავშირებით, რადგან არ მოხდეს სასამართლო კორპუსის ახალი სისხლის შემატების ნაკლებობა. დღევანდელ ჩვენ რეალობაში ნაკლები იქნება ისეთი შემთხვევები, რომ მოქმედ მოსამართლეს, რომელიც უვადოდაა დანიშნული, გაუჩნდეს სურვილი სხვა სფეროში გააგრძელოს საქმიანობა და გაათავისუფლოს თანამდებობა, გამომდინარე იქედან რომ მოსამართლეს აქვს მაღალი ხელფასი და მყარი სოციალური გარანტიები. ამით მივიღებთ იმ სურათს, რომ მოსამართლეები საპენსიო ასაკამდე არ დატოვებენ თანამდებობებს, რაც სერიოზულ პრობლემებს გააჩენს იმ თვალსაზრისით, რომ ქვეყნის და ცხოვრების განვითარების დინამიკას ჩამორჩება სასამართლო კორპუსი და მივიღებთ საბჭოთა კავშირის პოლიტბიუროს მსგავს მოხუცებით დაკომპლექტებულ ინსტიტუტს".

მართლმსაჯულების რეფორმის მეორე ტალღა, რომელიც იუსტიციის სამინისტრომ წამოიწყო, მთელ რიგ ცვლილებებს ითვალისწინებს _ პირველ რიგში, ის სასამართლოების თავმჯდომარეების უფლებების შეზღუდვას და რიგითი მოსამართლის როლის გაძლიერებას გულისხმობს.




 ახალი ამბები
  • კახა სიორიძე ოზურგეთში „ლელოს“ უხელმძღვანელებს„გურია ნიუსის“ ინფორმაციით, ოზურგეთში საზოგადოებრივი მოძრაობის „ლელოს“ ოფისის გახსნა იგეგმება. ჩვენს მიერ მოპოვებული ინფორმაციით, ოზურგეთში ახალდაფუძნებულ მოძრაობას შპს “ასკანგელ ალიანსის“ ყოფილი გენერალური დირექტორი კახა სიორიძე უხელმძღვანელებს. კახა სიორიძემ ჩვენს მიერ მოპოვებული ინფორმაცია დაადასტურა. „დიახ გიდასტურებთ, რომ “ლელოს“ ოფისი იხსნება ოზურგეთში. დანარჩენი დეტალები შემდეგ კვირაში იქნება  ცნობილი“,_გვითხრა კახა სიორიძე. „ლელოს“ ახალი ოფისის გახსნა ოზურგეთში შემდეგ კვირაშია დაგეგმილი. სწორედ გახსნის დროს გახდება ცნობილი ვინ იქნება კახა სიორიძესთან ... ...
  • სამტრედიაში მომხდარ მკვლელობის ფაქტზე მუხლი გადაკვალიფიცირდასამტრედიაში მომხდარ მკვლელობის ფაქტზე მუხლი გადაკვალიფიცირდა. მამაკაცს, რომელმაც სამტრედიაში ცოლი მოკლა,17-წლამდე პატიმრობა ელის. შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის სამტრედიის სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1992 წელს დაბადებული გ.ა. სამტრედიაში, ოჯახის წევრის მიმართ დამამძიმებელ გარემოებაში ჩადენილი განზრახ მკვლელობის ბრალდებით დააკავეს. ინფორმაციას შსს ავრცელებს. უწყების ცნობით,გამოძიებით დადგინდა, რომ ბრალდებულმა სამოქალაქო რეესტრის სააგენტოს სამტრედიის ფილიალის მოქალაქეთა მომსახურების დარბაზში, განქორწინების პროცედურის დაწყებამდე, ცოლს - 1994 წელს დაბადებულ ს.ბ.-ს ცივი იარაღით სასიკვდილო ჭრილობები მიაყენა. დაჭრილი ქალი შემთხვევის ადგილზე გარდაიცვალა. სამართალდამცველებმა გ.ა. მომხდარიდან მალევე, ცხელ კვალზე, სამოქალაქო რეესტრის სააგენტოს სამტრედიის ფილიალის მოქალაქეთა მომსახურების დარბაზშივე დააკავეს. პოლიციამ დანაშაულის ჩადენის იარაღი - დანა შემთხვევის ადგილიდან ნივთმტკიცებად ამოიღო. გამოძიება ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის ფაქტზე, საქართველოს სსკ-ის 11 პრიმა 109-ე მუხლის მე-2 ნაწილის „ვ“ ქვეპუნქტით მიმდინარეობს. აღნიშნული დანაშაული 13-დან 17 წლამდე ვადით თავისუფლების აღკვეთას ... ...
  • სიახლე ოზურგეთში _ დასაქმების ბირჟამ ფუნქციონირება დაიწყოახლახან, ოზურგეთელმა ნუგზარ რუხაძემ შრომის ბირჟა გახსნა. ის არაერთ ხელმძღვანელ თანამდებობაზეა ნამუშევარი და როგორც თავად ამბობს, კარგად ერკვევა , თუ რა პროფესიის ადამიანები სჭირდება ქალაქს და როგორ დაასაქმოს ისინი ისე, რომ მოსახლეობას მლესავის, ელექტროშემდუღებლის თუ უბრალოდ, დამხმარე მუშის საჭირობის დროს, პრობლემა არ შეექმნას. _ ხშირად გვესმის, რომ ხალხი სამუშაოს ეძებს და დასაქმების შანსი არ არის. არადა, ბევრჯერ პირიქითაა: ადამიანები ეძებენ ელექტრომონტიორს, კაფელის ხელოსანს თუ მლესავს და ვერ პოულობენ. ამიტომ დავისახე მიზნად, თავი მოვუყარო მაღალი კლასის და დავასაქმო  საჭიროების  მიხედვით. ჩვენ უკვე აღრიცხვაზე ავიყვანეთ სანტექნიკოსები, დურგლები, მეთუნუქეები, ელექტროშემდუღებლები, მღებავები, სახლის მშენებლები, პიანინოს ამწყობები,  უბრალოდ, ტვირთის გადამზიდავები და მიწის დამბარავებიც კი. ზოგს აწი მივიღებთ. მთავარია, თავის პროფესიაში ერკვეოდნენ კარგად და  შესაბამისად, დასაქმებისას კარგ ანაზღაურებასაც მიიღებენ, ჩვენ უკვე დავიწყეთ მუშაობა, _ თქვა „გურია ნიუსთან“ ინდმეწარმე ნუგზარ რუხაძემ. დასაქმების ბირჟა ოზურგეთში, რკინიგზის სადგურში, პირველ სართულზეა განთავსებული და მასში უკვე ბევრი სხვადასხვა პროფესიის ადამიანი გაწევრიანდა.      ... ...
  • ჩოხატაურელი მხატვარი გურამ მიქაძე გარდაიცვალაჩოხატაურელი მხატვარი გურამ მიქაძე გარდაიცვალა, _ ამის შესახებ ფეისბუქის საკუთარ გვერდზე  ჩოხატაურის სამხატვრო სკოლის დირექტორმა მზია კვინტრაძემ დაწერა. "წავიდა ჩვენგან უნიჭიერესი მხატვარი, უანგარო და ერთგული მეგობარი გურამ მიქაძე. ღმერთმა ნათელში ამყოფოს მისი სული", _ წერს გურამ მიქაძის ... ...
  • მკვლელობა სამტრედიაში _ მამაკაცს, რომელმაც ცოლი მოკლა,15-წლამდე პატიმრობა ელის სამტრედიაში მომხდარ მკველობასთან დაკავშირებით შსს-მ გამოძიება სსკ-ის 108-ე მუხლით (განზრახ მკველობა) დაიწყო, _ ამის შესახებ "გურია ნიუსს" უწყების პრესსამსახურში განუცხადეს. მათივე ინფორმაციით, სავარაუდო ბრალდებული უკვე დაკავებულია. ბრალის დამტკიცების შემთხვევაში, მამაკაცს 7-დან 15-წლამდე პატიმრობა ელის. შეგახსენებთ, მკველობა სამტრედიაში ცოტა ხნის წინ მოხდა. ახალგაზრდა მამაკაცმა ცოლს სასიკვდილო ჭრილობა ცივი იარაღით რამდენჯერმე ... ...

არქივი

ზაფრანი

სიზმრის ახსნა

ორსულობა სიზმრები ორსულობის შესახებ შეიძლება...

მკურნალი პროდუქტები

დამწვრობისას გიშველით ალოე ვერა. დღეში...

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...

ლუდი გონების სამსახურში

როგორც ამერიკელმა და ახალზელანდიელმა მეცნიერებმა...

ბრიტანელები ჰიტლერის ფოტოებით დაინტერესდნენ

ცოტა ხნის წინ, ამერიკის შეერთებულ...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...