"ქმნის გუნდს , რომლის ავტორიტეტი არის თავად, მისი სიტყვა კი კანონი"

მთავარი თემა

"ქმნის გუნდს , რომლის ავტორიტეტი არის თავად, მისი სიტყვა კი კანონი"

29 სექ. 2013, 15:08:15

რამდენად შესაძლებელია პრემიერის გამოსვლები მართლაც მისდამი სიმპატიების მიხედვით სხვადასხვაგვარად აღიქმებოდეს? მით უმეტეს, რომ ივანიშვილის 4 დღის წინ ექპერტებთან გამართულ შეხვედრას, როგორც ქართული საზოგადოების, ასევე უცხოური მედიის მხრიდანაც ერთგვაროვანი შეფასება მოჰყვა?

4 საათის განმავლობაში მიმდინარე შეხვედრა, სადაც პრემიერს ექსპერტების კითხვებისთის უნდა მოესმინა და ერთმანეთისთვის გარკვეული კონსულტაციები გაეწიათ, აბსოლუტურად სხვაგვარ რეჟიმში წარიმართა. ექსპერტები მათ მიერ მოყვანილი ფაქტების, გამოთქმული ვარაუდების, ანონსებისა და მოსაზრებების გამო დაიტუქსნენ.

თავად შეხვედრის მონაწილე ექსპერტთა უმრავლესობამაც ეს ვიზიტი უარყოფითად შეაფასა.

შევხედრის მონაწილე პოლიტოლოგი რამაზ საყვარელიძე "გურია ნიუსთან" საუბრისას ამბობს, რომ "პრემიერის შესაფასებელი არაა, როგორ პოზიციას დავიკავებ. ის შეიძლება დაეთანხმოს ან არ დაეთანხმოს ექსპერტის ნათქვამს, მაგრამ თუ მას, როგორც პოლიტიკოსს რამე არ აწყობს, ეს მხოლოდ იმაზე მიუთითებს, რომ ექსპერტი ობიექტურობასთან ახლოსაა".

პრემიერისა და ექსპერტების შეხვედრას უცხოური მედიასაშულებებიც გამოეხმაურნენ. გამოცემა Eurasianet წერს, რომ არჩევნების წინ, პრემიერ-მინისტრმა ოთხი საათი დაუთმო ტელევიზიით პოლიტიკური ანალიტიკოსების გაკიცხვას, რადგან ისინი "სათანადოდ ვერ აფასებდნენ" მისი მთავრობის მიღწეულ წარმატებას.

სტატიის ავტორის თქმით, თერთმეტმა ქართველმა პოლიტანალიტიკოსმა აშკარად გააღიზიანა პრემიერ-მინისტრი თავიანთი "არასწორი" მოსაზრებებით, დაწყებული ეკონომიკიდან, დამთავრებული ივანიშვილის ახალბედა კოალიცია "ქართული ოცნების" საპარლამენტო მუშაობის განხილვით.

"იმის საჩვენებლად, თუ რამდენად ყურადღებით ადევნებს ის თვალს ანალიტიკოსებს, ივანიშვილმა გაზეთები მოიშველია და გამოქვეყნებული ინტერვიუებიდან ციტირებდა ექსპერტთა გამონათქვამებს. როგორც საბჭოთა ეპოქის "კრიტიკისა და თვითკრიტიკის" სესიის მონაწილის მსგავსად, ივანიშვილმა ასევე აღნიშნა, რომ ექსპერტებმა უფრო მეტად უნდა გაფილტრონ თავიანთი კომენტარები", _ წერს სტატიის ავტორი მოლი კორსო.

აღსანიშნავია, რომ პრემიერისთვის დიალოგის ასეთ ფორმატში წარმართვა პირველი შემთხვევა არაა. მსუბუქად, რომ ვთქვათ მას არაერთხელ გამოუთქვამს უკმაყოფილება თუნდაც ჟურნალსიტების მხრიდან დასმულ შეკითხვებზე.

ჟურნალისტი თელარა გელანტია "გურია ნიუსთან" საუბარში მის მიერ დასმული შეკითხვის გამო პრემიერთან კამათს იხსენებს.

"ჩემი პრემიერთან "შერკინება", ჩემს მიერ დასმულ ერთ უწყინარ და ერთი შეხედვით მარტივ კითხვას მოჰყვა, რომელიც სოფლის მეურნეობის სამინისტროს პროგრამას შეეხებოდა და რაც გლეხებისთვის სასოფლო-სამეურნეო ბარათების დარიგებას შეეხებოდა. როგორც ჟურნალისტი დავინტერესდი, გარდა თანხობრივი მოცულობისა, რითი იქნებოდა ეს ბარათები წინა ხელისუფლების მიერ დარიგებული სასოფლო-სამეურნეო ვაუჩერებისგან განსხვავებული. სწორედ ამ შედარებამ გააღიზიანა პრემიერი და რატომღაც მან ჩათვალა, რომ მე ახალი პროექტის დაკნინებას ვცდილობდი. ჩვენი პოლემიკა დაახლოებით, 5-8 წუთი გაგრძელდა. პრემიერი აშკარად გაცხარებული იყო და ბრაზობდა, როცა მე კონკრეტული არგუმენტები მოვუყვანე.

"ზოგადად, თუ დავაკვირდებით, მას ყველა მწვავე და კრიტიკულ კითხვაზე ასეთი რეაქცია აქვს, რაც ჩემი აზრით, მიუღებელია. არავის და მით უმეტეს, მთავრობის მეთაურს არ აქვს უფლება ჟურნალისტს კითხვა შეუსწოროს (გარდა იმ შემთხვევისა, როცა ჟურნალისტი ფაქტობრივ შეცდომას უშვებს). ის ვალდებულია, შეეცადოს და ყველა მწვავე კითხვაზე გასცეს პასუხი. ასევე, აბსოლუტურად უჩვეულოდ მეჩვენა ბიძინა ივანიშვილის ექსპერტებთან შეხვედრა და ის ტონი, რითაც პრემიერი მათ მიმართავდა. დატუქსა იმის გამო, რატომ ფიქრობთ ასე და არ ფიქრობთ ისე, როგორც მთავრობა ფიქრობსო. ეს დემოკრატიული საზოგადოებისთვის დამახასიათებელი ნამდვილად არ არის.

"თუმცა, აქვე მინდა ავღნიშნო, რომ პრაქტიკა, როცა ბიძინა ივანიშვილი პერმამენტულად ხვდება მედიას და პასუხობს მათ კითხვებს, ნამდვილად დასაფასებელია".

სად გადის დემოკრატიული სახელმწიფოსთვის დამახასიათებელი ზღვარი? რა ტენდენციებს ამვკიდრებს ქვეყნის მთავრობის მეთაურის მიერ მსგავსი მანერით საუბრები და როგორ გავლენას ახდენს ეს მისსა და ქვეყნის იმიჯზე?

საზოგადოებრივი ურთიერთობების სპეციალისტი ნინო ნახუცრიშვილი "გურია ნიუსთან" ამბობს, რომ პრემიერის მსგავსი შევხედრები და საუბრები ცილდება დემოკრატიული ქვეყნის ღირებულებებს.

"როდესაც, იქნებ ეს ჟურნალისტი, ექსპერტი თუ უბრალო მოქალაქე, საჯაროდ გამოთქმული აზრისთვის ან შეკითხვისთვის იტუქსება, თანაც საჯაროდ და პრემიერის მხრიდან, შეურაცხმყოფელია. ალბათ ყველაზე არადემოკრატიულად მოაზროვნე ადამიანისთვისაც კი ეს ტონი მიუღებელი იქნებოდა.

"რაც შეეხება ექსპერტებთან შეხვედრის თემას, მათთან პრემიერის შეხვედრა წინასწარ დაგეგმილ სპექტაკლს ჰგავდა. დამრჩა შთაბეჭდილება, რომ პრემიერი ძალიან კარგად მოემზადა ან მოამზადეს, რადგან არ მახსენდება სხვა შეხვედრები, რომელზეც ასე მომზადებული ყოფილიყო. საკმაოდ თანმიმდევრულად საუბრობდა და იცოდა რა უნდა ეთქვა. ეს შეხვედრა მხოლოდ იმისთვის არ ყოფილა რომ, როგორც ამბობენ, ექპერტები დაეტუქსა, ამით საზოგადოებაში მათ მიმართ გარკვეული წარმოდგენა ჩამოაყალიბა, გაამყარა საზოგადოების უარყოფითი დამოკიდებულება. ახლა მათ მიმართ უფრო მეტი უნდობლობა გაჩნდება, რადგან პრემიერი ჯერ კიდევ დიდი ავტორიტეტით სარგებლობს.

"ისმის კითხვა რას უნდა ემსახურებოდეს ეს? ცხადია საღ და ობიექტურ აზრთან ბრძოლას. ეს იყო იარაღი ერთპიროვნული მმართველობისთვის.

"მან შეხვედრაზე არაერთხელ გაუსვა ხაზი, იმას რომ მისი დამსახურებაა ყველაფერი კარგი, რაც ხდება. ეს ერთმნიშვნელოვნად უსვავს ხაზს კონკრეტული პიროვნების როლის წინ წამოწევას, რომ თითქოს მხოლოდ მთავრობის ხელმძღვანელზეა მინისტრებისა და მთავრობის წევრების "პატიოსნება" და კეთილსინდისიერება დამოკიდებული.

"ამგვარი ტონი მართლაც გავს ბავშვის დატუქსვას, მაგრამ უნდა აღინიშნობს, რომ "ბავშვები" როგორც კი "მშობლების" თვალთახედვას მოსცილდებიან, მაინც იმას აკეთებენ, რაც სურთ“ , _ განმარტავს ნახუცრიშვილი და დასძენს, რომ ასეთი ტიპის საჯარო შეხვედრები მით უმეტეს მაშინ, როცა ქვეყანა მსოფლიო ყურადღების ცენტრშია, დასავლეთის თვალში უარყოფით დამოკიდებულებას ზრდის.

"დასავლეთის, ყველა მეგობარი თუ პარტნიორი ქვეყნის თვალში, ეს შეხვედრა ცხადია, უარყოფით დამოკიდებულებას გამოიწვევდა . მსგავსი ტონი მიუღებელია დემოკრატიულ რეალობაში, მაგრამ ეს შეხვედრა ძალიან შორს იყო ამ რეალობისგან და რაღაც უფრო კომუნისტურ, სოციალისტურ ჭრილში შეიძლება განვიხილოთ.

"ივანიშვილი ცდილობს არა ჯანსაღი გუნდის შექმნას, რომელსაც კარგად გააზრებული ექნება რა უნდა ქვეყნისთვის, არამედ ქმნის გუნდს , რომლის ავტორიტეტი არის თავად და მისი სიტყვა კანონია", _ ამბობს საზოგადოებრივი ურთიერთობების სპეციალისტი.




 ახალი ამბები
  • სურამში მკვლელობა მოხდასურამში მკვლელობა მოხდა. არსებული ინფორმაციით, 30 წლამდე ქალი ქმარმა საკუთარ სახლში, ცეცხლსასროლი იარაღით მოკლა. მომხდარის სხვა დეტალები ჯერ უცნობია. მომხდარზე გამოძიება სისხლის სამართლის  კოდექსის 11-109-ე მუხლის მე-2 ნაწილის „ვ“ ქვეპუნქტით დაიწყო, რაც დამამძიმებელ გარემოებაში ოჯახის წევრის განზრახ მკვლელობას ... ...
  • ეროვნული გამოცდები: მღელვარე აბიტურიენტები და გულშემატკივართა სიჭრელე ოზურგეთის საგამოცდო ცენტრთანდღეს ერთიანი ეროვნული გამოცდები დაიწყო. გურიაში საგამოცდო ცენტრი ოზურგეთის მეორე საჯარო სკოლაშია განთავსებული. რეგისტრაციის დაწყებამდე აქ  თავი მოიყარეს აბიტურიენტებმა  გურიის სამივე მუნიციპალიტეტიდან. ღელავენ  მათი მშობლები. ბევრ აბიტურიენტს ის თანაკლასელები გულშემტკივრობენ, ვისაც დღეს არ აქვს გამოცდა. ზოგს მამიდა ახლავს, ზოგს კიდევ _ მეზობელი.  უგულშემატკივროდ  მოსული აბიტურიენტი  ვერ ვნახეთ. საგამოცდო ცენტრის წინ ასევე, მრავლად არიან მიუსაფარი ძაღლები, რომლებსაც დრო და დრო აბიტურიენები  ეფერებიან, რაო, თქვენც ჩვენი გულშემატკივრები ხართო? ლიკა კვაჭანტირაძე, აბიტურიენტი, რომელმაც ოზურგეთის მეოთხე საჯარო სკოლა დაამთავრა:  _ პირველი გამოცდა ქართულ  ენასა და ლიტერატურაში მაქვს. სტომატოლოგობას ვირჩევ.  _ რატომ? _ შემოსავლიანი პროფესიაა, ამავე დროს თეთრ ხალათზე  ვარ ძალიან  შეყვარებული.  ახლა , მარტო შემოსავლზე რომ ვფიქრობდე, ისე არ გამიგოთ. რა თქმა უნდა, მიყვარს ეს  პროფესია, თან _ გამორჩეულად, _ ღიმილით დაასრულა   მან თავისი   ორიგინალური პასუხი. მირანდა ქილიფთარი, აბიტურიენტი:   ცხემლისხიდის  საჯარო  სკოლა დავამთავრე.  ეკონომიურზე  ვაბარებ. არ ვღელავ. პირიქით. საკმაოდ ენერგიული და მშვიდი განწყობით ვარ მოსული. ანა დოლიძე, თამარ ყაზაიშვილი, თამარ თავართქილაძე, აბიტურიენტები: დღეს  ჩვენ არ გვაქვს გამოცდა. ვგულშემატკივრობთ კლასელებს. ჩვენ 9 ივლისს გვექნება პირველი გამოცდა და მაშინ უფრო ვინერვიულებთ.  სამაგიეროდ, სხვები გვიგულშემატკივრებენ, _ თქვეს მათ. _ აუუ, ვისაც ვიცნობ, ყველას ვგულშემტკივრობ. ამიტომ მოვედი და აქ ვიქნები მთელი დღე. მე მათემატიკურზე ვაბარებ და პირველი გამოცდა 9 ივლისს მაქვს, _ გვითხრა ოზურგეთის მეორე საჯარო სკოლის კურსდამთავრებულმა ლუკა ცხომელიძემ. ნინო ცქვიტინიძე, მშობელი: ჩემი ვაჟი აბარებს. ეკონომისტობა სურს. პროფესია თავისით აირჩია. არ ჩავრეულვართ. გაგვაცნო ოჯახში თავისი მიზნები და რა თქმა უნდა, მოვუწონეთ. ეროვნული გამოცდების  დაწყებისას,  თავის პოზიტიურ განწყობას გვიზიარებს, მეორე საჯარო სკოლის დირექტორი, ფატი სიორიძე: _ ყველაფერი არის ძალიან კარგად. ორ ბავშვს ემოციის ფონზე ჰქონდა სიცხე. ახლა კარგად არიან.  სიგრილე მაქსიმალურად არის.  განწყობა საუცხოოა, - გვითხრა ქალბატონმა ფატიმ. ახლახან დასრულდა  რეგისტრაცია მეორე საჯარო  სკოლაში განთავსებულ ცენტრში და პირველი გამოცდაც დაიწყო. ვრცლად  გურიაში ეროვნული  გამოცდების დაწყების შესახებ, საგაზეთო სტატიაში ... ...
  • ვინ ჩაირიცხებიან უმაღლეს სასწავლებლებში გამოცდების გარეშესაქართველოს მთავრობის გადაწყვეტილებით, ოკუპირებულ ტერიტორიაზე მცხოვრები აბიტურიენტები საქართველოს უმაღლეს სასწავლებლებში ერთიანი ეროვნული და საერთო სამაგისტრო გამოცდების გარეშე ჩაირიცხებიან მათ მიერ შერჩეულ უმაღლეს სასწავლებლებში. ამის შესახებ საქართველოს განათლების, მეცნიერების, კულტურისა და სპორტის მინისტრმა, მიხეილ ჩხენკემა განაცხადა. მინისტრის განცხადებითვე, სახელმწიფო მათი სწავლის საფასურს სასწავლო გრანტის მაქსიმალური ოდენობით სრულად დააფინანსებს. იგივე პირობებით ისარგებლებენ აზერბაიჯანის ტერიტორიაზე მცხოვრები ჩვენი თანამემამულე აბიტურიენტები. „მინდა გაცნობოთ, რომ საქართველოს მთავრობის გადაწყვეტილებით, ოკუპირებულ ტერიტორიაზე მცხოვრები აბიტურიენტები საქართველოს უმაღლეს სასწავლებლებში ერთიანი ეროვნული და საერთო სამაგისტრო გამოცდების გარეშე ჩაირიცხებიან მათ მიერ შერჩეულ უმაღლეს სასწავლებლებში და სახელმწიფო მათი სწავლის საფასურს სასწავლო გრანტის მაქსიმალური ოდენობით სრულად დააფინანსებს. იგივე პირობებით ისარგებლებენ აზერბაიჯანის ტერიტორიაზე მცხოვრები ჩვენი თანამემამულე აბიტურიენტები. მსურს წარმატებები ვუსურვო ყველა აბიტურიენტს ცხოვრების მნიშვნელოვანი და საპასუხისმგებლო დღეების დასაწყისში. მჯერა, რომ ცხოვრების გზა, რომელსაც ეს ახალგაზრდები დღეს დაიწყებენ, ახალი სასწავლო წლიდან უნივერისტეტებში გაგრძელდება და შემეცნებისა და პროფესიული სრულყოფისკენ სწრაფვა მათ ღირსეულ ადგილს დაუმკვიდრებთ საზოგადოებაში”,_ განაცხადა ... ...
  • ხანძარი მესტიის მუნიციპალიტეტშიხანძარია მესტიის მუნიციპალიტეტში. სოფელ ხაიშთან ცეცხლი ტყის მასივზეა გავრცელებული. ამის შესახებ საგანგებო სიტუაციების მართვის სამსახურის მიერ გავრცელებულ ინფორმაციაშია ნათქვამი. „შინაგან საქმეთა სამინისტროს საზოგადოებრივი უსაფრთხოების მართვის ცენტრ 112-ში შემოსული ინფორმაციის თანახმად, მესტიის მუნიციპალიტეტის სოფელ ხაიშთან, ტყის მასივში შეინიშნებოდა ძლიერი დაკვამლიანება. ტყის ხანძარზე რეაგირება უმოკლეს დროში მოახდინა საგანგებო სიტუაციების სამსახურმა. ადგილზე გამოცხადა ცოცხალი ძალა ჯვრის, წალენჯიხის და მესტიის განყოფილებებიდან, 20 მეხანძრე-მაშველის შემადგენლობით. სიტუაციის შეფასების შემდეგ, გადაწყდა ხანძრის ქრობის პროცესში შინაგან საქმეთა სამინისტროს სასაზღვრო პოლიციის ვერტმფრენის ჩართვა. პირველადი ინფორმაციით, ცეცხლი გავრცელებულია შერეული ტყის მასივზე. ამ დროისთვის ხანძრის ქრობის სამუშაოები უწყვეტ რეჟიმში მიმდინარეობს”,_ ამბობენ ... ...
  • "გავრცელდა ცრუ ინფორმაცია“ - ირაკლი ლომაძის დედა მედიასთან კომენტარს აკეთებსდაკავებული ირაკლი ლომაძის დედა, თამარ მორჩილაძე, მედიის წარმომადგენლებთან საუბრის დროს არ ადასტურებს, რომ მისმა შვილებმა მეგობრებთან ერთად ადამიანი გაიტაცეს. "გავრცელდა ცრუ ინფორმაცია, თითქოს მიტოვებულ სახლში მიიყვანეს ეს ბიჭი და აწამეს და ახლა საავადმყოფოში წევს. ეს არის სიცრუე, რადგან ვიცი ის არ წევს საავადმყოფოში. სინამდვილეში, მიტოვებულ სახლში არ მიუყვანიათ. მიიყვანეს იმ ოჯახში, ვისაც შეურაცხყოფა მიაყენა. შემდეგ ამ ბიჭს ტაქსი გამოუძახეს და გაუშვეს. დღემდე ფეხით დადის, არანაირი საავადმყოფო და ნაწამები არაა,"- თქვა ჟურნალისტებთან საუბრის დროს თამარ ... ...

არქივი

ტესტები

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...