მაგიურ სამკუთხედში დაკარგული მილიონი

მთავარი თემა

მაგიურ სამკუთხედში დაკარგული მილიონი

2011 ივნ 20 10:10:55
_ ვკითხულობთ აბაშის მუნიციპალიტეტის ოფიციალურ ვებგვერდზე 2009 წელს გახორციელებული პროექტების ჩამონათვალში.

ამ ოფიციალურ დოკუმენტს კატეგორიულად არ ეთანხმებიან "ახალი მემარჯვენეების" აბაშის ორგანიზაციაში. პარტიის ადგილობრივი ლიდერი, გელა თოფურია ამბობს, რომ აბაშელებს ახალი წყალსადენით, რომლის რებილიტაციაზე მილიონზე მეტი ლარი დაიხარჯა, წყალი არ მიეწოდებათ.

_ მილიონ ლარზე მეტია დახარჯული, თუმცა, უშედეგოდ. ფაქტია, რომ აბაშელებს ახალი წყალსადენით წყალი არ მიეწოდებათ. არის უბნები, სადაც წყალი საერთოდ არ მოდის, _ აღნიშნა თოფურიამ ჩვენთან საუბრისას.

ქალაქ აბაშის წყალმომარაგების სისტემის რეკონსტრუქციისთვის

მუნიციპალური განვითარების ფონდმა წყალსადენის სისტემის რეაბილიტაციის ქვეპროექტის საკონკურსო განაცხადი 2009 წლის 3 თებერვალს, საკუთარ ვებგვერდზე გამოაქვეყნა.

წყალსადენის რეაბილიტაციისთვის საჭირო თანხის 85%, საქართველოს მთავრობამ სესხად აზიის განვითარების ბანკიდან მიიღო.

საკონკურსო პირობებში გარკვევით იყო მითითებული, რომ სამუშაოები გამოცდილ კომპანიას უნდა შეესრულებინა:

"აღნიშნულ კონკურსში მონაწილეობის მიღება შეუძლია შემდეგი კვალიფიკაციების მქონე უფლებამოსილ კონკურსის მონაწილეებს:

კონკურსანტს, როგორც გენერალურ კონტრაქტორს, ბოლო 5 წლის განმავლობაში წარმატებით უნდა ჰქონდეს განხორციელებული მინიმუმ ორი მსგავსი ტიპის სამუშაო, თითოეული არანაკლებ 1,3 მილიონი ლარის ღირებულებით. სამუშაოთა სირთულე შედარებული იქნება საკონკურსო წინადადებით განსაზღვრულ სამუშაოებთან; კონკურსის მონაწილემ უნდა აჩვენოს, რომ მისი ძირითადი პერსონალი აკმაყოფილებს მოთხოვნილ კვალიფიკაციას: მსგავსი ტიპის პროექტებში მინიმუმ 10 წლიანი სამუშაო გამოცდილება." _ ვკითხულობთ განაცხადში.

2009 წლის 31 მარტს, ტენდერში შპს-მ "მშენებელი-80" გაიმარჯვა.

ოფიციალური ინფორმაციის თანახმად, მაშინ, როცა აღნიშნულმა კომპანიამ ტენდერი მოიგო, წყალსადენის სისტემის რეაბილიტაციაში არავითარი გამოცდილება არ ჰქონდა. "მშენებელი-80" სამშენებლო კომპანიაა და ძირითადად, სკოლების მშენებლობით არის დაკავებული. 2009 წლის მაჩვენებლით, 500 მსხვილ საწარმოს შორის, სახსრების ბრუნვის მიხედვით, შპს "მშენებელი-80"-მა 159-ე ადგილი დაიკავა და ნავთობპროდუქტების სადისტრიბუციო კომპანიას და საქართველოს ლატარიის კომპანიასაც კი, რამდენიმე ათეული ადგილით გაუსწრო.

მუნიციპალური განვითარების ფონდში აცხადებენ, რომ კომპანიამ საუკეთესო წინადადების გამო გაიმარჯვა, რასაც არ ეთანხმებიან აბაშის "ახალი მემარჯვენეების" ოფისის წარმომადგენლობაში. აღსანინშავია ისიც, რომ "მშენებელი-80"-ის ხელმძღვანელი, ტარიელ ბუცხრიკიძე, საქართველოს პარლამენტის თავმჯდომარის, დავით ბაქრაძის სიმამრის, ლერი მეტრეველის ახლო მეგობარი და პარტნიორია. მეტრეველის შპს "ბელდ ინვესტს" (ყოფილი შპს "ელ რიო") და "მშნებელი 80-ს" ერთად რამდენიმე ძვირადღირებული სამუშაო აქვთ შესრულებული მუნიციპალური განვითარების ფონდის დაფინანსებით.

აბაშის წყალსადენის სარეაბილიტაციო სამუშაოები მოიცავდა: მაგისტრალური პოლიეთილენის PN8 დ=315X15მმ მილებით – 12 500 გრძივ მეტრზე ახალი წყალსატარის მოწყობას; ფოლადის დ=200-250მმ მილებით – 600 გრძივი მეტრზე ქსელის მოწყობას; სათვალთვალო და წყლის მიმღები ჭების მოწყობას: დ=2000მმ - 1000მმ ანაკრები რკ/ბეტონის ხუფიანი 12 ჭის მონტაჟს; ქვიშის საფუძვლის მოწყობას – 4700.0 მ3. მიწის სამუშაოებს _ 22800მ3;

თხრილის შევსებას ხრეშით _ 2994.0 მ3; სათავე ნაგებობების შემოღობვას – 6000 გრძ. მ; სადარაჯო ჯიხურის სარემონტო სამუშაოებს; ასფალტო-ბეტონის საფარის აღდგენას – 795 მ2.

ერთი შეხედვით, ვიზუალურად ყველაფერი წესრიგშია _ სათავე შემოღობილია, სადარაჯო ჯიხური კომფორტულია, ჭები მოწყობილია, თუმცა, რამდენიმე უბანში წყალი არ არის.

აბაშის მუნიციპალიტეტის გამგებლის მოადგილე ვახტანგ გაბელია ჩვენთან საუბრისას ამბობს, რომ პროექტმა მათი მოლოდინი არ გაამართლა:

_ ჩვენი მხოლოდ ტერიტორიაა, დანარჩენი მგფ-ის მიერ არის შესრულებული. შესაბამისად, ყველა ფინანსურ დოკუმენტაციას ფონდის წარმომადგენელი აწერს ხელს.

_ ბატონო ვახტანგ, ხომ არსებობს მიღება-ჩაბარების აქტი, რომელზედაც აბაშის გამგეობის წარმომადგენელი აწერს ხელს?

_ კი, კი. მაგრამ ეს არის ზოგადი, რადგან იქ ჩვენი წარმომადგენელი იმ დატვირთვით არის, რომ ტერიტორიაა ჩვენი. ჩვენს სამსახურებს არც ცოდნა აქვთ შესაბამისი და არც გამოცდილება. წყალს დიდი ცოდნა უნდა, მიწისქვეშა სამუშაოებია ჩასატარებელი და კიდევ ათასი ნიუანსია.

_ თქვენი ინფორმაციით, ახლა ქალაქ აბაშას წყალი ახალი წყალსადენით მიეწოდება?

_ რასაც ვხედავთ ახლა, ის რეალობა არ არის (?!). როცა მგფ-ის წარმომადგენლებს ვკითხეთ, გვითხრეს, რომ მათი ბრალი არ არის. სამშენებლო კომპანია ამბობს, რომ დამნაშავე საპროექტოა, საპროექტო ხალხს აბრალებს. სამკუთხედია შექმნილი _ მშენებელი, პროექტი და საპროექტო. აი, ამ სამკუთხედშია მოსაძებნი.

_ ანუ ადასტურებთ რომ პროექტი არ შედგა და ახალი წყალსადენით აბაშას წყალი არ მიეწოდება?

_ წყალი მიეწოდება, მაგრამ ის მოლოდინი, რაც ჩვენ გვქონდა, რომ ბინებში ავიდოდა და პრობლემები მოიხსნებოდა, ასე არ არის.

_ აზიის განვითარების ბანკმა, სესხის გაცემისას, ერთი პირობა ჩადო _ წყალმომარაგება უნდა გაუმჯობესებულიყო. პრობლემები რომ ისევ არის, გავიგეთ. საინტერესოა, რა გაუმჯობესდა...

_ სამსახურის უფროსს დავეკითხები. ამ ყველაფერს ექსპერტი სჭირდება.

_ თქვენ არ მოგითხოვიათ ექსპერტული შემოწმება?

_ ძალიან ბევრჯერ, ყველა დონეზე დავაყენეთ ეს საკითხი, _ აღნიშნა გაბელიამ.

"საკითხის ყველა დონეზე დაყენება" რომ აბაშელებს ვერაფერში წაადგათ, ფაქტები მოწმობენ. ბევრი აბაშელი მიიჩნევს, რომ ეს თანხა გაიფლანგა და რეალურად ახალი წყალსადენი არ გაკეთებულა. თუმცა, არიან ისეთებიც, რომლებსაც წყალი უწყვეტად მიეწოდებათ.

_ აბაშაში, 17 წელზე მეტია, უწყლობის პრობლემა იდგა. შეიძლება ითქვას, რომ გაუმჯობესდა, ოღონდ ჩვენ _ ჭავჭავაძის ქუჩაზე მცხოვრებლებს, ახალი მაგისტრალი არ შეგვხებია იმდენად, რამდენადაც ბაზრის მხარე გასულ წელს გადათხარეს, წრედი შეიკრა და იმან უზრუნველყო წყლის წამოსვლა. თუ ვედროს კარგი "ნაპორით" ავსებ ორი წუთში, ჩვენთან გავსებას 15 წუთი სჭირდება. არ ეტყობა, რომ ეს ახლი მაგისტრალია. მეორე სართულზე წყალი არცერთ აბაშელთან არ ადის, _ აღნიშნა ჩვენთან საუბრისას კახა კაჭარავამ.

გივი გოგუა ცხაკაიას ქუჩაზე ცხოვრობს. როგორც ამბობს, წყალი უწყვეტად, 24 საათის განმავლობაში მიეწოდებათ:

_ რაც ახალი მილები ჩადეს, მას შემდეგ წყალი არ შეწყვეტილა, მოთქმული გვაქვს სული, _ გვითხრა ბატონმა გივიმ.

ცხაკაიას ქუჩაზე უწყვეტ წყალმომარაგებას, გოთუას ქუჩის მცხოვრებლები წყალსადენის სათავე ნაგებობასთან სიახლოვეს "აბრალებენ":

_ აბსოლუტურად არაფერი შეცვლილა. წყალი ზაფხულობით საერთოდ არ მოდის. ჭა გავაკეთე და მთელი უბანი ჩემი ჭის იმედად არის. როგორც კი მზე დააჭერს, წყალი წყდება. როცა მოდის _ წნევა არ ჰყოფნის. ერთხელ მოვიდნენ წყლის გადასახადისთვის. გამოვიტანე ჭიქა და ვუთხარი: ლარი ხომ არის ერთ სულზე გადასახადი, სამ ლარს გადავიხდი, თუ ამ ჭიქას აავსებთ-მეთქი. ამის შემდეგ არავის შევუწუხებივართ, _ გვითხრა შუქრი ჩიქოვანმა.

ქალაქ აბაშაში, სტატისტიკური მონაცემებით, 9000-მდე ადამიანი ცხოვრობს. აქედან, 1500-ზე მეტი _ დევნილია.

გაერთიანებული წყალმომარაგების კომპანიის აბაშის სერვისცენტრის ინფორმაციით, ამჟამად 2 450 აბონენტი ჰყავთ, რომელთა უმრავლესობა კერძო პირები არიან. ერთ სულზე წყლის გადასახადი 99 თეთრია. სერვისცენტრის ინფორმაციით, წყალსადენი მათ ბალანსზე არ არის, თუმცა, ეს ხელს არ უშლით "გადასახადი დროულად მოითხოვონ":

_ ახალი მაგისტრალი ჩვენი კომპანიის ბალანსზე ჯერ არ არის გადმოცემული, თუმცა, ვინაიდან წყალაღება ჩვენი სათავიდან ხდება და სასმელი წყლის მიწოდება ორივე მაგისტრალით ხორციელდება, მოსახლეობიდან გადასახადს ჩვენი კომპანია იღებს, _ ასეთ განმარტებას აკეთებს ჩვენთან საუბრისას გაერთიანებული წყალმომარაგების კომპანიის ხელმძღვანელი, ირაკლი კვაშილავა.

მისივე თქმით, შეცდომა დაპროექტებისას მოხდა: _ ქალაქ აბაშაში ცხოვრობს 2 300-მდე კომლი; აქედან, 1 822 კომლს სასმელ წყალს ჩვენი კომპანია აწვდის. დანარჩენ ადგილებში არ არის განვითარებული წყალსადენის ქსელი და სარგებლობენ ინდივიდუალური ჭებით. ქსელში წნევის გაზრდისთვის არსებობს კაპანის სატუმბი სადგური, თუმცა, დღეს, მრავალსართულიანი კორპუსების ყველა მცხოვრები ინდივიდუალური ე.წ. "ტვინიანი" ტუმბოებით სარგებლობს. წყალსადენის რეაბილიტაციის პროექტი 2009 წლის დეკემბერში დასრულდა. ჩემის აზრით, და ამ აზრს ბევრი, ჩემზე უფრო კომპეტენტური პირიც ეთანხმება, მცირედი შეცდომა იქნა დაშვებული დაპროექტების დროს; და პროექტის გახორციელების დროს ცოტა უფრო დიდი შეცდომა იქნა დაშვებული დ=500 მმ-იან მაგისტრალზე დაერთებისას _ არ იქნა გათვალისწინებული ჰიდრავლიკა. დაერთების დროს დარღვეულია დონეთა სხვაობა. თუმცა, ეს ყველაფერი საჭიროებს შესწავლას. ამ ეტაპზე, დაზუსტებით შემიძლია გითხრათ, რომ ქ. აბაშას სასმელი წყალი ორივე დ=500 მმ-იანი და დ=300 მმ-იანი მაგისტრალით მიეწოდება. წყლის ეს რაოდენობა მოსახლეობისთვის აბსოლუტურად საკმარისია, _ ამბობს კვაშილავა.

კვაშილავას აბაშელი თანამშრომლები იმასაც ამბობენ, რომ წყლის დაბალი წნევა მოსახლეობის ბრალია:

_ ხალხი წყალს არ უფრთხილდება. ხშირია შემთხვევა, როცა ონკანები მთელი დღის განმავლობაში მოშვებული აქვთ, მიუხედავად იმისა, სჭირდებათ თუ არა. სწორედ ეს არის მიზეზი იმისა, რომ წყლით ყველა ვერ კმაყოფილდება, _ აღნიშნა გაერთიანებული წყალმომარაგების კომპანიის აბაშის სერვისცენტრის თანამშრომელმა ვახტანგ მონიავამ.

მათ ეთანხმებიან საპროექტო კომპანიაშიც, რომლის წარმომადგენლებიც ჩვენთან საუბრისას განმარტავენ, რომ საონკანო მეურნეობის მოწესრიგების შემთხვევაში, ყველაფერი დალაგდება და წყალი საკმარისი რაოდენობით წამოვა.

მიუხედავად იმისა, რომ მოშვებულ ონკანებს სპეციასლიტები მთავარ "დამნაშავეებად" მიიჩნევენ, ჩვენი აბაშაში ყოფნისას აღმოვაჩინეთ, რომ მთელი დღის განმავლობაში დიდი ონკანიდან წყალი უწყვეტად წყალსადენის დამცავ ნაგებობაზე მოედინება.

_ ასეა სულ აქ. ეტყობა რომელიმე თანამშრომელს დარჩა მოშვებული, _ გვითხრეს ახლოს მაცხოვრებლებმა, რომლებსაც წყალსადენის ეზოდან წამოსული წყალი ეზოებს ხშირად უტბორავს.

გაერთიანებული წყალმომარაგების კომპანიასთან აბაშელებს სხვა პრეტენზიებიც აქვთ. როგორც გვითხრეს, იმ შემთხვევაში, თუკი შიდა ქსელში რამე გაფუჭდა, აღდგენა საკუთარი სახსრებით უწევთ, რადგან კომპანია _ "არ მექვემდებარებას" მიზეზით, სამუშაოებს თავიდან იცილებს. თუმცა, როგორც ზემოთ აღვნიშნეთ, "დაუქვემდებარებლობის" მიუხედავად, წყლის გადასახადს თავად იღებს.

აბაშის მუნიციპალიტეტის ეკონომიკისა და ინფრასტრუქტურის განვითარების სამსახურის უფროსი, გიორგი დუნდუა პრობლემების არსებობას არ უარყოფს:

_ საბოლოო მიღება-ჩაბარების აქტი გაფორმდა მიმდინარე წელს _ ექსპლუატაციაში გაშვებიდან ერთი წლის შემდეგ. წინა მიღება-ჩაბარების აქტი 2009 წლის დეკემბერში გავაფორმეთ.

_ ბატონო გიორგი, ჩვენ შევხვდით მოსახლეობას. ნაწილს აქვს წყალი, ნაწილს _ არა. თუკი პროექტი სრულყოფილი არ იყო და წყალი ყველას არ მიეწოდებოდა, რატომ მოაწერეთ ხელი მიღება- ჩაბარების აქტს?

_ პროექტი სრულიად დამთავრებული იყო. სრულ რეაბილიტაციას არ ითვალისწინებდა თანხის სიმცირის გამო. თანხებში იყო შეზღუდვა. მაშინ დოლარი 1,4 იყო ლართან მიმართებაში. მილიონი დოლარი იყო გათვალისწინებული ამ პროექტისთვის. რადგან ამ თანხაში ვერ ეტეოდნენ, მოხდა ნაწილის შეკვეცა. ცენტრალური მაგისტრალის მთლიანი რეაბილიტაცია ვერ ხერხდებოდა. თუმცა, შემდეგ ტენდერმა ცხადყო, (რომელიც მუნიციპალური განვითარების ფონდმა ჩაატარა), რომ ამ თანხაში შეიძლებოდა სრული რეაბილიტაცია. ტენდერმა დაწია თანხა. თუ მილიონ დოლარს მთლიანად დაახარჯავდნენ, შესაძლებელი იქნებოდა სრული რეაბილიტაცია მომხდარიყო. გაუკეთებელი, კილომეტრი და ორასია დარჩენილი ერთი მხარეს და მეორე მხარეს _ ერთი კილომეტრი. ის რასაც პროექტი ითვალისწინებდა, გაკეთებულია. არავინ არის უწყლოდ დარჩენილი, უბრალოდ, აწევის სიმაღლეა დაბალი. ჩვენი ხელმძღვანელობა შეთანხმებულია ინფრასტრუქტურის სამინისტროს ხელმძღვანელობასთან, რომ დამატებითი სამუშაოები ჩატარდეს წყალმომარაგების გასაუმჯობესებლად.

დუნდუამ ამბობს, რომ წნევის აწევა შესაძლებელია, რაც ძალიან დიდ ხარჯებთან არის დაკავშირებული: _ წყალი ყველას მიეწოდება. მხოლოდ აწევის სიმაღლე ვერ მოწესრიგდა. საპროექტოში ამტკიცებენ, რომ საონკანო მეურნეობის მოწესრიგების და გამრიცხველიანების შემთხვევაში, წყლის დებეტი საკმარისი, ორჯერ მეტიც იქნება, ვიდრე არსებობს საერთაშორისო სტანდარტებით. ახლა რომ სპეციალური სატუმბი დანადგარები დაიდგას, რომელიც წნევას აწევს, ელექტროენერგიის ხარჯი იქნება ძალიან დიდი. ბუნებრივია, ამ თანხას მოსახლეობა ვერ გადაიხდის, მუნიციპალიტეტსაც არა აქვს ამის ფუფუნება, _ აღნიშნავს დუნდუა.

ჩვენ გადავამოწმეთ 2009 წლისთვის ეროვნული ვალუტის შეფარდება დოლართან მიმართებაში; 2009 წლისთვის საშუალო კურსი 1, 67 ლარზე მაღალი იყო.

გელა თოფურია ამბობს, რომ ეს თანხა წყალში გადაიყარა და აბაშელების წყალმომარაგების გაუმჯობესებას არ მოხმარებია. ფაქტია, და ოფიციალური პირების კომენტარებიდანაც ჩანს, რომ მოსახლეობის ძირითად ნაწილს წყალი არ მიეწოდება. წყალმომარაგების საკითხის გადასაჭრელად, კვლავაც დამატებითი, თანაც მნიშვნელოვანი სახსრებია გამოსაყოფი. თუ როგორი ხარისხით შესრულდა უკვე ჩატარებული სამუშაოები, ამის დადგენა მხოლოდ სპეციალისტებს შეუძლიათ, რადგან წყლის მილებზე ასფალტის საფარია გადაგებული და ვიზუალურად, შესაბამისი აპარატურის, ექსპერტიზის გარეშე შეუძლებელია განსაზღვრო რომელი მილებით მიწოდება აბაშის მოსახლეობას წყალი. მით უმეტეს, როცა გაერთიანებული წყალმომარაგების კომპანიის აბაშის სერვისცენტრში აცხადებენ, რომ მილები ერთმანეთს სათავე ნაგებობასთანვე, მიწაში უერთდება და ქალაქში ერთი დიდი, სავარაუდოდ, ახალგამოცვლილი მაგისტრალით ჩამოდის.

_ გამოუცდელ კომპანიას მიანდეს სამუშაოები. სამწუხაროდ, ყველაფერს ნაცნობობა, ხელისუფლებაში მყოფი გავლენიანი თანამდებობების პირები წყვეტენ. სწორედ ამის დამსახურებაა, რომ დღეს აბაშელებს ისევ აქვთ წყლის პრობლემა, _ აღნიშნავს თოფურია.

შპს –ს "მშენებელი-80" სამუშაოთა მწარმოებელი, მერაბ გეგეჭკორი გამოთქმულ ბრალდებებს არ ეთანხმება და ამბობს, რომ კომპანიას სამუშაოთა შესასრულებლად საკმარისი გამოცდილება აქვს: _ გადავამოწმე და ყველა უბანს მიეწოდება წყალი. აბაშაში გახორციელდა წყალსადენის მაგისტრალის რეაბილიტაცია და არა ქალაქის ქსელის, რაც აუცილებლად მოსაწესრიგებელია ნორმალური წყალმომარაგებისთვის, რადგან გაუმართავი მილებით ბევრი წყალი იკარგება. რაც შეეხება ჩვენს გამოცდილებას, მრავალი ამ ტიპის პროექტი გვაქვს განხორციელებული. დაწვრილებითი ინფორმაციისთვის კი მუნიციპალური განვითარების ფონდს მიმართეთ, _ თქვა გეგეჭკორმა ჩვენთან საუბრისას.

მუნიციპალური განვითარების ფონდის მენეჯერი, დავით დავითულიანი უშუალოდ ამ პროექტის ზედამხედველი იყო. თუმცა კომენტარის გაკეთებისგან თავი შეიკავა.

ფონდის ვებ-გვერდიდან კი უკვე გაქრა აღნიშნული პროექტის შესრულების ანგარიში. ყოფნის კვალი, ჩამოსატვირთი ფაილის სახით, ჯერ კიდევ არსებობს, თუმცა ვერავინ გვცემს პასუხს კითხვაზე _ რატომ გაქრა მიმაგრებული დოკუმენტი?! მუნიციპალური განვითარების ფონდის ხელმძღვანელი, ლევან ჭიჭინაძე ამას ტექნიკურ ხარვეზს აბრალებს და ამბობს, რომ აბაშელებს წყალმომარაგებასთან დაკავშირებით პრობლემები არ აქვთ.

_ ერთადერთი პრობლემა ის არის რომ წყალს წნევა არ აქვს და სპეციალური საქაჩების დამონტაჟებაა საჭირო, _ ამბობს ჭიჭინაძე.

რეგიონული მართვისა და ინფრასტრუქტურის მინისტრი, რამაზ ნიკოლაიშვილი ჩვენთან საუბრისას ამბობს, რომ აბაშელების პრობლემების მოსაგვარებლად, სამინისტრო აქტიურად მუშაობს:

_ როგორც მითხრეს, რაღაც პრობლემები არის წყალმომარაგებასთან დაკავშირებით _ წყლის წნევა ყოფილა დაბალი და გასაუმჯობესებლად დანადგარებია შესაძენი. ეს საკმაოდ სოლიდურ თანხებთან არის დაკავშირებული. სამინისტრო, ამ კუთხით, აქტიურად მუშაობს და ძალიან მალე, ეს პრობლემები მოგვარებული იქნება, _ გვითხრა მინისტრმა.

აზიის განვითარების ბანკმა საქართველოს მთავრობასთან 40 მილიონ დოლარზე სასესხო ხელშეკრულება 2008 წლის 11 ნოემბერს გააფორმა. თანხის გადახდა სახელმწიფომ 2017 წლის თებერვალში უნდა დაიწყოს და 2040 წლის ზაფხულში დაასრულოს. სესხზე საპროცენტო განაკვეთი, 2017 წლის შემდეგ 1, 5%-ით განისაზღვრება. რაც იმას ნიშნავს, რომ აზიის განვითარების ბანკს, საქართველომ, 19 წლის შემდეგ, 13 800 000 დოლარით მეტი უნდა გადაუხადოს.

ხელშეკრულების თანახმად, აღნიშნული თანხა მხოლოდ ინფრასტრუქტურული პროექტების გახორციელებაზე (გზების მშნებელობა და წყალმომარაგების გაუმჯობესება) უნდა დახარჯულიყო. ფული მუნიციპალური განვითარების ფონდის ანგარიშზე ჩაირიცხა და ოფიციალური ინფორმაციით, ამ თანხით 69 პროექტის შესრულება დაიგეგმა. მათი უმრავლესობა, მგფ-ის მიერ მოწოდებული ინფორმაციით, უკვე დასრულებულია.

ამ 69 პროექტიდან ერთ-ერთია აბაშის წყალსადენის რეაბილიტაციაც.

აზიის განვითარების ბანკის საქართველოს ოფისის ხელმძღვანელის, გიორგი კიზირიას ინფორმაციით, აპრილის ბოლოს აბაშაში განხორციელებულ წყალსადენის სამუშაოებს ექსპერტები შეისწავლიან:

_ ჩვენს მიერ დაფინანსებულ პროექტებზე მონიტორინგს ყოველთვის ვაწარმოებთ. თუმცა, აბაშაში ჯერ არ ვყოფილვართ. აპრილის ბოლოს ჩვენი ექსპერტები ჩამოდიან და პირველ რიგში აბაშის წყალსადენს მოინახულებენ. პრობლემა რომ არის არავინ უარყობს, თუმცა, ის რაც ჩვენი დაფინანსებით გაკეთდა უნაკლოა. აბაშის მთავარი პრობლემა შიდა ქსელის მოუწესრიგებლობაა. სწორედ ამიტომ არ მიწოდება სრულად ქალაქის მოსახლეობას წყალი. მას შემდეგ რაც თქვენ დაგვიკავშირდით და აღნიშნული პრობლემის შესახებ გვიამბეთ, მე პირადად ვზრუნავ იმაზე, რომ მოვიძიო დამატებითი ფინანსები და ქალაქ აბაშის შიდა ქსელი მოწესრიგდეს. ეს საკითხი უკვე დავაყენე მინისტრთან და იმედი მაქვს, უახლოეს ხანში განხორციელებასაც შევძლებთ. ჩვენ გვაქვს 500 000 000-იანი პროექტი, რომლის ფარგლებში, მთლიანი ქალაქების წყალსადენის ქსელის რეაბილიტაცია იგეგმება. მაგალითად ზუგდიდის, ქუთაისის და ა.შ. 40 მილიონიანი პროექტის, რომელშიც აბაშის წყალსადენის ქსელის რეაბილიტაციაც შედიოდა ნეგატიური მხარე სწორედ ის არის, რომ კეთდება ნაწილი და თანხის სიმცირის გამო ვერ ხერხდება სრული რეაბილიტაცია, რაც ბუნებრივია პრობლემებს წარმოშობს. ეს საზოგადოებისთვის რთული ასახსნელია. მათ იციან რომ ფული დაიხარჯა და როცა დიდი შედეგს ვერ ხედავენ ბრაზდებიან. 1 მილიონი დოლარი აბაშის წყალსადენის რეაბილიტაციისთვის ძალიან ცოტაა. თუმცა, როგორც გითხარით, მე პირადად ვიზრუნებ იმაზე, რომ აბაშელებს შიდა ქსელის სარეაბილიტაციო თანხები გამოუყონ და წყალთან დაკავშირებული ყველა პრობლემა მოუგვარდეთ, _ აღნიშნა კიზირიამ.

პ.ს. გასულ კვირას ცნობილი გახდა, რომ აზიის განვითარების ბანკის საქართველოს ოფისის წარმომადგენელმა, გიორგი კიზირიამ დადებული პირობა შეასრულა. მალე აბაშა წყლით სრულად მომარაგდება.

გაერთიანებული წყალმომარაგების კომპანიის, აბაშის სერვისცენტრის მენეჯერის, ბადრი ხურცილავას ინფორმაციით მალე, ქალაქი აბაშა სრულად მომარაგდება წყლით:

_ ცოტა ხნის წინ იყვნენ მუნიციპალური განვითარების ფონდიდან მოსულები. მონაცემები აიღეს. გვითხრეს რომ დამატებითი თანხები გამოიყო და მალე მუშაობა დაიწყება.

აღნიშნული ინფორმაცია მუნიციპალური განვითარების ფონდშიც დაგვიდასტურებს, რომელიც მალე ამ სამუშაოების შესასრულებლად ტენდერს გამოაცხადებს.

"ახალი მემარჯვენეების" აბაშის ორგანიზაციის ხელმძღვანელის, გელა თოფურიას თქმით, აღნიშნული ინფორმაცია, მას გამგეობიდან მიაწოდეს:

_ მეც მითხრეს რომ მალე სამუშაოები დაიწყება. სამწუხაროდ, წინა სამუშაოებისთვის დახარჯული თანხა წყალში გადაიყარა, თუმცა მისასალმებელია რომ ახლა თავიდან და საფუძვლიანად კეთდება. ეს ყველაფერი კი მას შემდეგ მოხდა, რაც თქვენ მოკვლევა ჩაატარეთ, _ აღნიშნა თოფურიამ.

ის რომ აბაშის სრული წყალმომარაგებებისთვის საპროექტო სამუშაოები უკვე დაწყებულია გაერთიანებული წყალმომარაგების კომპანიაშიც დაგვიდასტურეს. კომპანიის პრესამსახურის ხელმძღვანელის, ჯილდა მაჭავარიანის თქმით, სამუშაოების შესრულებისთვის საჭირო თანხებს, აზიის განვითარების ბანკი მას შემდეგ გადმორიცხავს, რაც მუნიციპალური განვითარების ფონდი პროექტს წარადგენს. მუნიციპალური განვითარების ფონდში კი გვითხრეს, რომ პროექტი, რომლითაც აბაშას წყლის პრობლემა მოუგვარდება და წყალი მრავალსართულიანი ბინების მაცხოვრებლებსაც ექნებათ დასრულებულ სახეს რამდენიმე დღეში მიიღებს და სამუშაოებიც მალე დაიწყება.

წყლის რეზერვუარი აბაშაში


დაზიანებული მილები გოთუას ქუჩაზე,
რომლის შეკეთებასაც მოსახლეობა საკუთარი ძალებით ცდილობს


მოშვებული ონკანი წყალსადენის ტერიტორიაზე


ქალაქ აბაშის წყალსადენი




 ახალი ამბები
  • კორონავირუსი_ რა რეკომენდაციებს აძლევს განათლების სამინისტრო სკოლებს საქართველოს განათლების, მეცნიერების, კულტურისა და სპორტის სამინისტრო აცხადებს, რომ საქართველოში კორონავირუსის დაფიქსირების მიუხედავად, არც საერთაშორისო სტანდარტითა და არც ჯანდაცვის რეკომენდაციებით,  დღეის მდგომარეობით,  სწავლის შეწყვეტის საფუძველი არ არსებობს. ამის მიუხედავად, პრევენციისა და რისკის ეფექტიანი მართვის მიზნით, საქართველოს განათლების, მეცნიერების, კულტურისა და სპორტის სამინისტრო სკოლებში სანიტარულ ნორმებს ამკაცრებს. კერძოდ, მოსწავლეთა ჯანმრთელობის, სასწავლო პროცესის ეფექტურობისა და სკოლებში ჯანმრთელი გარემოს შესაქმნელად, საქართველოს განათლების, მეცნიერების, კულტურისა და სპორტის სამინისტროს მიერ სანიტარიისა და ჰიგიენის ნორმების დასაცავად სკოლებში მოთხოვნები კიდევ უფრო გაიზრდება. შესაბამისად, ადგილობრივი საგანმანათლებლო რესურსცენტრების მიერ სკოლების მონიტორინგის პროცესი უფრო ინტენსიური გახდება, რათა თავიდან იქნას აცილებული ნებისმიერი გართულება. ამ მიზნით სამინისტრო სკოლების ადმინისტრაციას კიდევ ერთხელ მოუწოდებს, სანიტარულ-ჰიგიენური პირობების დაცვა სკოლებში სათანადოდ უზრუნველყონ, რისთვისაც აუცილებელია დაიცვან შემდეგი პირობები: სკოლა ყოველდღიურად დალაგდეს სველი წესით; საკლასო ოთახების, სხვა სასწავლო და დამხმარე ოთახების დალაგება გაკვეთილების დამთავრების შემდეგ მოხდეს გაღებული ფანჯრებისა და ფრამუგების მდგომარეობაში. ორი ცვლის შემთხვევაში, დალაგდეს 2-ჯერ; ჩატარდეს შენობის გენერალური დასუფთავება როგორც სარეცხი, ასევე სადეზინფექციო საშუალებებით; ტუალეტები, ბუფეტი, სასადილო და სამედიცინო კაბინეტი დასუფთავდეს სადეზინფექციო საშუალებებით; სანიტარულ-ტექნიკური აღჭურვილობის დასუფთავება მოხდეს ყოველდღიურად. უნიტაზის დასაჯდომი ჩასარეცხი ავზის სახელურები და კარების სახელურები გაირიცხოს ცხელი წყლითა და სადეზინფექციო საშუალებების გამოყენებით; სასადილოს დასუფთავება მოხდეს ყოველი საუზმე, სადილისა და სამხარის შემდეგ; მაგიდები და ჭურჭელი გაირეცხოს სპეციალური ხსნარებით; დეზინფექციის დროს ძირითადი ყურადღება უნდა მიექცეს იმ ნივთების დამუშავებას, რომლებიც გადამწყვეტ როლს თამაშობენ ინფექციის გადაცემაში (კარის სახელურები, კარები, მაგიდის ზედაპირები); ჰაერ-წვეთოვანი ინფექციის დროს ხშირად განიავდეს კლასები, ოთახები გაიწმინდოს მტვრისაგან, დასუფთავდეს სველი წესით; სკოლის ადმინისტრაციის მიერ დადგინდეს ტუალეტების დასუფთავების წესები, პერიოდულობა, დასუფთავებისათვის განკუთვნილი ინვენტარისა და გამოყენებული ჰიგიენური საშუალებების ნუსხა; ნაგვის ყუთების გაცლა მოხდეს მათი 2/3-ზე გავსებისას. გაცლის შემდეგ ნაგვის შემკრებებს ჩაუტარდეს დეზინფექცია; სკოლის ტერიტორიაზე არ დაიშვას უმეთვალყურეო ცხოველები; სკოლაში უზრუნველყოფილი იყოს ნახმარი წყლების მოცილება/არინება და სეპტიკური ავზების დაცლა დროულად და უსაფრთხოდ; სკოლის ადმინისტრაციის ორგანიზებით, სპეციალიზებული სამსახურის მეშვეობით, ჩატარდეს ნარჩენების კონტეინერების განთავსების ადგილის, ასევე საწყობებისა და სარდაფების პერიოდული დამუშავება. აქვე უნდა აღინიშნოს, რომ სამინისტრო სრულადაა ჩართული უწყებათაშორის საკოორდინაციო საბჭოს მუშაობაში და იმ შემთხვევაში, თუ რაიმე სახით ვირუსის გავრცელების საფრთხე გამწვავდება, სასწავლო პროცესთან დაკავშირებით მიღებული იქნება შესაბამისი გადაწყვეტილება. ... ...
  • მიწის რეგისტრაცია საქართველოს მოქალაქეებს კიდევ უფრო მარტივად შეუძლიათ2020 წლის 1 იანვრიდან ამოქმედებულ საკანონმდებლო ცვლილებებს ბათუმის, ხელვაჩაურის, შუახევის, ხულოს, ქობულეთის, ქედას, ოზურგეთის, ჩოხატაურისა და ლანჩხუთის მუნიციპალიტეტების საკრებულოებისა და მერიის თანამშრომლები, თვითნებურად დაკავებულ მიწაზე საკუთრების უფლების აღიარების კომისიების წევრები და მიწის რეგისტრაციის საკითხებით დაინტერესებული პირები გაეცნენ. საინფორმაციო შეხვედრებს საჯარო რეესტრის იურიდიული დეპარტამენტის, ქონების რეგისტრაციისა და გეოდეზია-გეოინფორმაციის სამსახურების თანამშრომლები საქართველოს მასშტაბით სხვადასხვა მუნიციპალიტეტებში ეტაპობრივად ახორციელებენ. ცვლილებების თანახმად , 2020 წლის 1 იანვრიდან მიწის რეგისტრაცია საქართველოს მოქალაქეებს კიდევ უფრო მარტივად შეუძლიათ. მიწის რეგისტრაციის რეფორმის ფარგლებში დადგენილი რეგისტრაციის გამარტივებული წესი, რომელიც 2020 წლის 1 იანვრამდე მოქმედებდა, გახდა მიწაზე საკუთრების უფლების რეგისტრაციის ზოგადი წესი და იმოქმედებს უვადოდ. რეგისტრაცია კვლავინდებურად წარმოებს ორი სახით: სპორადული და სისტემური წესით. როგორც სპორადული, ისე სისტემური რეგისტრაციის ფარგლებში:  -   გაფართოვდა უფლების დამადასტურებელი დოკუმენტების ლეგალიზების საფუძვლები. ეს იმას ნიშნავს, რომ დოკუმენტებით, რომლებითაც მიწის რეგისტრაცია შესაძლებელი არ იყო, მოქალაქეები მიწის დარეგისტრირებას შეძლებენ.  მაგალითად, მიღება-ჩაბარების აქტი ან მებაღის წიგნაკი კანონმდებლობის მოთხოვნათა დაცვით შედგენილად ჩაითვლება, თუ მასში არ არის მითითებული დოკუმენტის გაცემის წელი; -   კიდევ უფრო გამარტივდა ფორმის დაუცველად დადებული გარიგებების საფუძველზე უფლებათა რეგისტრაციის წესი. შესაბამისად, ამგვარი გარიგების საფუძველზე მიწის რეგისტრაციას მეტი მოქალაქე შეძლებს. კერძოდ, რეგისტრაცია შესაძლებელი ხდება დოკუმენტის ასლის საფუძველზე, თუკი ასლი დაცულია ეროვნულ არქივში, საჯარო რეესტრში ან სხვა ადმინისტრაციული ორგანოს არქივში;  -   გამარტივდა საკუთრების უფლების რეგისტრაცია საკარმიდამო მიწის ნაკვეთებზე. იმ შემთხვევაში, თუ საკარმიდამო მიწის ნაკვეთზე არ იძებნება უფლების დამადასტურებელი დოკუმენტი, საკუთრების უფლების რეგისტრაცია შესაძლებელი იქნება მუნიციპალიტეტის მიერ გაცემული ცნობით; -   შესაძლებელი გახდა საკუთრების უფლების რეგისტრაცია იმ კომლების (ოჯახების) მფლობელობაში არსებულ მიწის ნაკვეთებზე, რომლებიც აღრიცხულნი არიან საკომლო წიგნებში, მაგრამ საკომლო წიგნში  მათი ქონებრივი მდგომარეობის შესახებ ინფორმაცია შევსებული არ არის.   ამგვარი მიწის რეგისტრაცია არ იყო შესაძლებელი. ასეთი შემთხვევებისთვის კანონით დგინდება ფაქტობრივად დაკავებული მიწის ნაკვეთის მაქსიმალური ზღვრული ნორმა − 0,75 ჰა, რაც, სხვადასხვა მუნიციპალიტეტის საკომლო წიგნების ანალიზის საფუძველზე, საოჯახო მეურნეობებისთვის გამოყოფილი მიწის ოდენობების საშუალო მაჩვენებელია. გარდა ამისა, სისტემური რეგისტრაციის შემთხვევაში: -   რეგიონს, სადაც სისტემური რეგისტრაცია განხორციელდება, განსაზღვრავს იუსტიციის მინისტრი საჭიროებისა და სახელმწიფო ინტერესიდან გამომდინარე;  -   აზომვითი სამუშაოების ზუსტად ჩატარების მიზნით, იმისათვის, რომ თითოეული მესაკუთრის უფლება სრულად იქნეს დაცული, პროექტის ფარგლებში საკადასტრო სამუშაოების ჩატარება შეეძლებათ მხოლოდ აკრედიტებული სუბიექტის მიერ სერტიფიცირებულ პირებს;  -   მიწის ნაკვეთის და მიწის ნაკვეთის საკადასტრო ნახაზზე ასახული მიწის ნაკვეთის იდენტურობა, ნაცვლად მუნიციპალიტეტის წარმომადგენლისა, დადგინდება სააგენტოს მიერ;  -  თვითნებურად დაკავებულ მიწაზე საკუთრების უფლებას სააგენტო აღიარებს; სააგენტო საკუთრების უფლებას აღიარებს თვითნებურად დაკავებულ ისეთ სათიბ, სახნავ ან საკარმიდამო მიწის ნაკვეთებზეც, რომლებზეც განთავსებული არ არის შენობა-ნაგებობა ან ისინი არ წარმოადგენს საკუთრებაში არსებული მიწის ნაკვეთის მომიჯნავე მიწის ნაკვეთებს. სპორადული რეგისტრაციის ფარგლებში: -  თუკი სარეგისტრაციოდ წარმოდგენილ მიწის ნაკვეთზე დაინტერესებული პირის უფლება ვერ დადასტურდება, საჯარო რეესტრი განსაზღვრავს, რამდენად ექვემდებარება საკუთრების უფლება აღიარებას და მხოლოდ დადებითი პასუხის შემთხვევაში გადაუგზავნის საქმეს მუნიციპალიტეტის საკუთრების უფლების აღიარების კომისიას, რაც განტვირთვას კომისიებს საქმეებისაგან და დააჩქარებს განხილვის პროცესს; -   შეიცვალა აღიარების კომისიების მიერ სააგენტოდან გადაგზავნილი საქმეების განხილვის ვადა და ის განისაზღვრება 3 თვით. პასუხის გაუცემლობა ჩაითვლება მოთხოვნის დაკმაყოფილებაზე უარის თქმად და გასაჩივრდება კანონმდებლობით დადგენილი წესით. ცვლილება მნიშვნელოვანია იმის გათვალისწინებით, რომ აღიარების კომისიაში საქმეების განხილვის ხანგრძლივობა და გაჭიანურება დღეს მოქმედი რეგულაციის ერთ-ერთი გამოწვევაა; -   გაფართოვდა მიწის მფლობელობის დამადასტურებელი დოკუმენტის ცნება. მათ შორის, თუკი ასეთ დოკუმენტად მიიჩნეოდა  ტექნიკური ინვენტარიზაციის არქივში აღრიცხული, 1994 წლამდე თვითნებურად დაკავებული მიწა, ახალი რეგულაციით ეს წესი გავრცელდება 2004 წლის 4 ოქტომბრამდე თვითნებურად დაკავებულ მიწებზე, რაც მიწის დაკანონებას გაუადვილებს მოქალაქეებს, რომლებიც მიწის ნაკვეთებს 1995 წლიდან ფლობენ. აღსანიშნავია, რომ არც სპორადული და არც სისტემური რეგისტრაციის შემთხვევაში, 2021 წლის პირველ იანვრამდე მიწის დაკანონება არ მოახდენს გავლენას იმ ოჯახების სარეიტინგო ქულებზე, რომლებიც იღებენ სოციალურ დახმარებას და სარგებლობენ სხვადასხვა შეღავათებით. შესაბამისად, ასეთ ოჯახებს შეუნარჩუნდებათ სოციალური დახმარება და ყველა შეღავათი, რითაც მიწის რეგისტრაციამდე სარგებლობდნენ.  კანონის ფარგლებში, 2022 წლის 1 იანვრამდე დოკუმენტაციის მოძიება და სისტემატიზაცია, გარიგებაზე მხარეთა ხელმოწერების დამოწმება, სანოტარო მედიაცია, მიწის ნაკვეთზე საკუთრების უფლების აღიარება, ფაქტების კონსტატაცია უსასყიდლოდ, საზღაურის გარეშე შესრულდება, ხოლო მიწის ნაკვეთზე საკუთრების უფლება და მასში ცვლილება სააგენტოს მიერ გაწეული მომსახურების საფასურის გადახდის გარეშე დარეგისტრირდება. ამასთან, სისტემური რეგისტრაციის ფარგლებში, 2022 წლის 1 იანვრამდე სამკვიდრო მოწმობის გაცემა უფასო იქნება. მიწის რეგისტრაციის რეფორმის მიზანი ქვეყნის მასშტაბით  მიწის ნაკვეთებზე უფლებათა რეგისტრაციის პროცესის დასრულებაა, რაც, ერთი მხრივ, დაიცავს მესაკუთრეთა უფლებებს, მეორე მხრივ კი, დაეხმარება მთავრობას, შეიმუშაოს სოციალური პროექტები, წარმართოს მიწის ადმინისტრირებისა და მიწათსარგებლობის ეფექტიანი პოლიტიკა, რომელიც ხელს შეუწყობს უწყვეტ ეკონომიკურ ზრდას სოფლის მეურნეობისა და აგრობიზნესის სექტორებში. საინფორმაციო შეხვედრები საქართველოს მასშტაბით სხვადასხვა მუნიციპალიტეტში ეტაპობრივად ... ...
  • განგაშის საფუძველი არ არსებობს, ქვეყანა დაცულია - ზურაბიშვილიგანგაშის საფუძველი არ არსებობს, ქვეყანა დაცულია - საქართველოს პრეზიდენტი სალომე ზურაბიშვილი ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრს, ეკატერინე ტიკარაძესა და დაავადებათა კონტროლის ეროვნული ცენტრის ხელმძღვანელს, ამირან გამყრელიძეს შეხვდა. პრეზიდენტის განცხადებით, დღეს ქვეყანაში კორონავირუსთან დაკავშირებით შექმნილი მდგომარეობა, როგორც მთელს მსოფლიოში სერიოზულია, მაგრამ არა საგანგაშო. „დღეს მნიშვნელოვანია, რომ ყველა ზომა მიღებულია. საკოორდინაციო საბჭო სრულყოფილად მუშაობს და ჩვენი მოქალაქეები დაცულები არიან. საჭიროა, ყველამ დაიცვას ჰიგიენის რეკომენდებული ზომები, რათა ვირუსი არ გავრცელდეს. ქვეყანა დაცულია: საჰაერო მიმოსვლები შეზღუდულია იმ ქვეყნებთან, სადაც საჭიროა; ის საზღვრებია ჩაკეტილი, რომელიც საჭიროა. ჩვენ სრულ იზოლაციაში არ მოვაქცევთ ჩვენს თავს – ამის საჭიროება არ არსებობს. არც იმის საჭიროება, არსებობს რომ უცებ სასურსათო მაღაზიებში შეიქმნას საგანგაშო მდგომარეობა. ჩვენ უნდა ვიყოთ პასუხისმგებლიანები, მშვიდად შევხვდეთ ამ მდგომარეობას და ვიცოდეთ, რომ ბევრია ჩვენზე დამოკიდებული, სახელმწიფო კი, თავის მხრივ, ყველაფერს აკეთებს“, – განაცხადა საქართველოს პრეზიდენტმა შეხვედრის ... ...
  • შინაგან საქმეთა სამინისტრო განცხადებას ავრცელებსშინაგან საქმეთა სამინისტრო განცხადებას ავრცელებს: „შინაგან საქმეთა სამინიტროს საპატრულო პოლიციის დეპარტამენტის საზღვრების მართვისა და კოორდინირების მთავარი სამმართველო, საქართველოში ახალი კორონავირუსის შესაძლო გავრცელების აღკვეთისა და დაავადების შემთხვევებზე ოპერატიული რეაგირების მიზნით, სასაზღვრო გამტარ პუნქტებში უზრუნველყოფს ჯანმრთელობის მსოფლიო ორგანიზაციის მიერ მაღალი რისკის ზონებად განსაზღვრული ქვეყნებიდან შემოსული მგზავრების შემოწმებას და საქართველოში მათი განთავსების შესახებ ინფორმაციის რეგისტრაციას. ამ დროისთვის, მაღალი რისკის ქვეყნებად განსაზღვრულია 4 სახელმწიფო: ჩინეთი, სამხრეთ კორეა, ირანი და იტალია. ასევე, რისკ ჯგუფად განისაზღვრა ყველა იმ მესამე ქვეყნის მოქალაქე და საქართველოს მოქალაქეები, რომლებიც იდენტიფიცირებული არიან, რომ ბოლო ორი კვირის განმავლობაში იმყოფებოდნენ ჯანდაცვის მსოფლიო ორგანიზაციის მიერ რისკის ზონად ნომინირებულ სახელმწიფოებში. შინაგან საქმეთა სამინისტროს საპატრულო პოლიციის დეპარტამენტის საზღვრების მართვისა და კოორდინირების მთავარი სამმართველოს თანამშრომლები 24-საათიან რეჟიმში ამოწმებენ ზემოაღნიშნული ქვეყნებიდან შემომავალ მგზავრებს, ასევე, იმ მოქალაქეებს, რომლებიც ბოლო ორი კვირის განმავლობაში იმყოფებოდნენ ხსენებულ სახელმწიფოებში. მგზავრთა ინტენსიური შემოწმება მიმდინარეობს სახმელეთო სასაზღვრო გამტარ პუნქტებში: „წითელი ხიდი“, „სადახლო“, „სარფი“ და „დარიალი“, ასევე, საჰაერო სასაზღვრო გამტარ პუნქტებში - საქართველოს სამივე აეროპორტში: თბილისში, ქუთაისსა და ბათუმში. გარდა ამისა, აღნიშნულ გამტარ პუნქტებში მუდმივად მორიგეობს სამედიცინო პერსონალი. აღნიშნულ სასაზღვრო გამტარ პუნქტებში მესაზღვრის მიერ ხდება ქვეყანაში შემომსვლელი მგზავრის რისკის პირველადი შეფასება, მისი ე.წ. მოგზაურობის ისტორიიდან გამომდინარე და საჭიროების შემთხვევაში, მისი ადგილზე მყოფ მორიგე ექიმთან გადამისამართება. რაც შეეხება სხვა სასაზღვრო გამტარ პუნქტებს, მესაზღვრის მიერ რისკის დაფიქსირების შემთხვევაში ხდება სამედიცინო ბრიგადის გამოძახება, რომელიც ამოწმებს მგზავრს და შედეგის მიხედვით ტარდება შესაბამისი პროცედურები. საქართველოს სასაზღვრო გამტარ პუნქტებში, ყოველდღიურად, 24 საათის განმავლობაში, 25-დან 30 ათასამდე მოქალაქე შემოდის. იმ შემთხვევაში, თუ საქართველოში შემომსვლელი მგზავრი ბოლო ორი კვირის განმავლობაში არ იმყოფებოდა ოფიციალურად განსაზღვრულ რისკ ჯგუფის ქვეყანაში, მისი სავალდებულო სამედიცინო შემოწმება არ ხდება. ასევე, გაცნობებთ, რომ შექმნილი ვითარებიდან გამომდინარე, მედიის წარმომადგენლების უსაფრთხოების მიზნით, მიღებულ იქნა გადაწყვეტილება, რომ ჟურნალისტებს შეეზღუდოთ სასაზღვრო გამტარ პუნქტებში თავისუფალი გადაადგილება,“_ წერია გავრცელებულ ... ...
  • ამირან გამყრელიძე: შეხვედრისას გადაკოცნას მოერიდეთ დაავადებათა კონტროლის ცენტრის ხელმძღვანელი, ამირან გამყრელიძე, მოსახლეობას მოუწოდებს შეხვედრისას გადაკოცნისგან თავი შეიკაონ. „ძალიან გთხოვთ, არ გაგეცინოთ, მაგრამ ერთი მოწოდება უნდა გაგიკეთოთ. ქართველებს გვახასიათებს, როცა ერთმანეთს ვხვდებით, ვკოცნით და ძალიან გთხოვთ, იქნებ, თავი შევიკავოთ. ეს მხოლოდ კორონავირუსს არ ეხება. ზოგადად, ჩამოვაყალიბოთ ჩვენში ეს კულტურა, რომ განსაკუთრებით ამ დროს არ არის საჭირო, როდესაც რესპირაციული ინფექციები ბობოქრობს, რომლებიც სწორედ წვეთოვანი გზით და ახლო კონტაქტით გადადიან. ასეთ დროს, ასევე არ არის რეკომენდაციებში ხელის ჩამორთმევა, ამიტომ, სჯობს ხელის აწევით მივესალმოთ ერთმანეთს“ ,_ განაცხადა ... ...

არქივი

ზაფრანი

ყველაზე ნიჭიერი ზოდიაქოს ნიშნები

მორიელი - ზოდიაქოს ამ ნიშნის...

როგორია ქალის იდეალური სხეული

ცოტა ხნის წინ, აშშ-ის ტეხასის...

როგორ ვიპოვოთ ცხოვრების ერთგული მეგზური

ბედნიერება ჰგავს პეპელას. მან ზუსტად...

„დავიწყებული“ ჰოლივუდელები

ჯესიკა ალბა ჯესიკა ალბას გარღვევად...

როდის გრძნობთ თავს ყველაზე კარგად

ზამთარი – მშვილდოსნის, კუროსა და...

ქალი, ბიზნესი … ასტროლოგია

ქალწული - ზოდიაქოს კიდევე რთი...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...