"ნაციონალური" საზოგადოება მარგველაშვილის მხარდასაჭერად დაირაზმა

მთავარი თემა

"ნაციონალური" საზოგადოება მარგველაშვილის მხარდასაჭერად დაირაზმა

2013 ოქტ 18 15:59:11
როგორც გვითხრეს, დარბაზის დამფუძნებელი ჩოხატაურის ყოფილი მაჟორიტარი დეპუტატი შევარდნაძის სახელისუფლებო ბლოკიდან, ვასილ ჩიგოგიძეა.

_ უბრალოდ, მხარდამჭერთა დარბაზი, _ ასე წარგვიდგინა ეს ორგანიზაცია ჩოხატაურის ყოფილმა გამგებელმა, მამუკა დოლიძემ, რომლის თქმით, იმის ცოდნას, თუ რამდენი ხანია, რაც მარგველაშვილს ემხრობა, მნიშვნელობა არ აქვს.

მარგველაშვილის მხარდამჭერთა დარბაზში ბევრი ნაცნობი სახე დაგვხვდა _ თითქმის ყველა, რომლებმაც გასულ წლებში "ნაციონალური მოძრაობის" აქტიური მხარდაჭერით დაგვამახსოვრა თავი _ კოხნარის ყოფილი რწმუნებული ჟიფო ცინცაძე; ჩოხატაურის პოლიციის (ერთ პერიოდში, კუდ-ის) ყოფილი მაღალჩინოსანი, "ნაციონალური მოძრაობის" საპარლამენტო კანდიდატის, მანანა ჯინჭარაძის ძმა, რამაზ ჯინჭარაძე; სოფელ ვანზომლეთის მაჟორიტარი დეპუტატი, პოლიტიკური პარტია "მრეწველების" ჩოხატაურის ორგანიზაციის თავმჯდომარე თემურ ხუხუნაიშვილი. დარბაზში "თავისუფალი დემოკრატების" ჩოხატაურის ორგანიზაციის თავმჯდომარე, ვახტანგ გაჩეჩილაძეც დაგვხვდა.

როგორც იქ მყოფებმა გვითხრეს, ყოველდღე იკრიბებიან და ერთმანეთს მოსაზრებებს უზიარებენ.

მამუკა დოლიძე აღნიშნავს, რომ მარგველაშვილის მხარდაჭერა ქვეყნის ინტერესებმა განაპირობა.

ჩვენს კითხვაზე უჭერდა თუ არა გასულ არჩევნებზე მხარს "ნაციონალურ მოძრაობას", დოლიძე ასე პასუხობს: _ მერე რა?! რეალობა შეიცვალა, _ აკონკრეტებს იგი და აგრძელებს: _ მარგველაშვილს მხარს იმიტომ ვუჭერ, რომ ასე ჯობია ქვეყნისთვის.

_ პირადი ინტერესებისთვის არა?

_ პირადი ინტერესები, რა?

_ მაგალითად ის, რომ თანამდებობაზე გინდათ დაბრუნება...

საუბარში ვახტანგ გაჩეჩილაძე ჩაერია და დოლიძის გეგმებით დაინტერესდა:

_ აპირებ რამეს? _ გაჩეჩილაძის ამ კითხვაზე დოლიძეს პასუხი არ გაუცია.

გაჩეჩილაძის განმარტებით, მისთვის ყველა ის ადამიანია მისაღები, რომელიც გიორგი მარგველაშვილს მხარს დაუჭერს.

_ ბატონო ვახტანგ, გახსოვთ ის პერიოდი, დოლიძე რომ "ნაციონალურ მოძრაობას" უჭერდა მხარს?

_ მამუკა გამგებელი რომ იყო, ისიც კარგად მახსოვს.

_ თქვენთვის მისაღებია, მსგავსი პოლიტიკური წარსულის მქონე ადამიანები რომ დღეს მარგველაშვილს უჭერენ მხარს?

_ გავიგე, რომ აქ იყო საზოგადოებრივი დარბაზი, დამაინტერესა და ჩამოვედი.

_ კითხვაზე არ მიპასუხეთ... მისაღებია?

_ მოდი, ასე ვთქვათ _ დღეს ისეთი სიტუაციაა ქვეყანაში, ვინც მარგველაშვილს მხარს დაუჭერს, ჩემთვის, პირადად, მისაღებია.

_ ნებისმიერი პოლიტიკური წარსულის მქონე ადამიანი?

_ შეიძლება ისეთმა ვინმემ დაგიჭიროს მხარი, შარშან რომ კეტით მოგდევდა.

_ მაგალითად, თემურ ხუხუნაიშვილი, მამუკა დოლიძე რომ მოგვდევდნენ, ყველას გვახსოვს და ეს თქვენთვის მისაღებია?

_ თემური კოალიციის წევრია და თუკი გააკეთებს...

_ გიორგი მარგველაშვილი ამბობს, რომ მსგავსი პოლიტიკური წარსულის მქონე ადამიანების მის გუნდში ყოფნა მიუღებლად მიაჩნია...

_ შარშან იყო სხვა სიტუაცია. კარგად გახსოვთ თქვენ, იყო გარკვეული შიშის ფაქტორები. მე, კონკრეტულად, მამუკა "ნაციონალების" შტაბში არ მინახავს.

_ ჩვენ ვნახეთ, თანაც ბევრჯერ. საინტერესოა, ბატონ მამუკას თუ ეშინოდა "ნაციონალური მოძრაობის"?

- არა, რატომ? _ აღნიშნა დოლიძემ.

მისივე თქმით, ყოფილ მმართველ გუნდს მხარს იმიტომ უჭერდა, რომ იქ მისი ახლობლები და მეგობრები იყვნენ. იგივეს ამბობენ ახლა თემურ ხუხუნაიშვილი და რამაზ ჯინჭარაძეც.

დოლიძის თქმით, გიორგი მარგველაშვილის საარჩევნო შტაბთან ჩვეულებრივი კონტაქტი აქვთ: _ ისინი პარტიულ თემებზე მუშაობენ, ჩვენ, აქ თანამოაზრეები ვიკრიბებით და ერთმანეთს შეხედულებებს ვუზიარებთ.

ვახტანგ გაჩეჩილაძე ამ საუბარშიც ჩაგვერთო: _ სამეგობრო სადაც ჰყავთ, ეხმიანებიან. მე ასე დავინახე. ვფიქრობ, რომ ჩვენთვის სასიკეთო საქმეს აკეთებენ, გვეხმარებიან მარგველაშვილის მხარდაჭერაში.

_ ბატონო ვახტანგ, რის გამო აკეთებენ ამას ეს ადამიანები? არ ფიქრობთ, რომ ამის უკან პოლიტიკური ინტერესები დგას?

_ აქ არიან ადამიანები, რომლებიც თავის დროზე ჩვენი ოპონენტები იყვნენ. მაგრამ ხდება ასეთი რაღაცა _ ადამიანი ხედავს რეალობას. რეალობაა ის, რომ ბურჯანაძემ და ბაქრაძემ, განსაკუთრებით კი ბურჯანაძემ, ვერ უნდა გაიმარჯვონ. ჩვენ ვიცით, რომ ბურჯანაძე და სააკაშვილი ერთი და იგივეა. ბაქრაძეზე საერთოდ არ ვსაუბრობთ.

_ ეს ადამიანები ბაქრაძესთან არ იგივდებიან? აი, თუნდაც რამაზ ჯინჭარაძე, რომელიც გასულ წლებში პოლიციის ერთ-ერთი მაღალჩინოსანი იყო... მისი მუშაობის პერიოდში იბარებდნენ ადამიანებს პოლიციაში, ხდებოდა ზეწოლები...

_ არც მე ვმალავ, რომ იყო. თქვენ კარგად იცით, 2008-ში საპარლამენტო არჩევნები როგორ ჩატარდა _ ტერორით, მოსყიდვებით...

_ და ეს ადამიანები ამ პროცესებში არ მონაწილეობდნენ?

_ ალბათ, გარკვეული დოზით ყველა მონაწილეობდა. შეიძლება მოხდეს ისე, რომ 4 წლის მერე სხვა პრეზიდენტი მოვიდეს და მე მითხრან, შენ ხომ მარგველაშვილთან იყავიო. ქვეყნისთვის როგორც ჯობია, ისე უნდა გააკეთო, _ განმარტა გაჩეჩილაძემ.

მისი პოლიტიკური წარსულის შესახებ მამუკა დოლიძე აღნიშნავს, რომ ცუდი არაფერი გაუკეთებია.

_ ბატონო მამუკა, თქვენ იყავით "გურიის განვითარების სააგენტოს" ხელმძღვანელი. ახლაც ხართ?

_ ოფიციალურად, კი.

_ ბიუჯეტიდან საკმაოდ ბევრი თანხა გაქვთ მიღებული. რა გააკეთეთ ხალხის ფულით?

_ ძალიან ბევრი რამ.

_ ცსკო-ს გრანტებიც მიიღეთ, თუმცა...

_ ეგ, რა თქმა უნდა, იმიტომ გახსოვთ, რომ თქვენი ინტერესები იყო _ სხვა გაზეთთან ერთად გაკეთდა და აქედან გამომდინარე, არ იყო პოლიტიკური გრანტი.

_ და რა გააკეთეთ?

_ ეს იყო გრანტი არაქართულენოვანი მოსახლოებისთვის ინფორმაციის მიწოდების კუთხით.

_ და რა ინფორმაცია მიაწოდეთ?

_ არჩევნებთან დაკავშირებით რაც იყო მისაწოდებელი.

_ "ნაციონალურ მოძრაობისთვის" მხარი რომ დაეჭირათ?

_ არა. ჩვენ ამომრჩეველს ვაცნობდით, რა უფლებები ჰქონდა, როგორ უნდა მოქცეულიყო.

_ ცოტა ხნის წინ დამიდასტურეთ, რომ გასულ წლის არჩევნებზე "ნაციონალურ მოძრაობას" უჭერდით მხარს. იმავე პერიოდში ახორციელებდით არასამთავრობო ორგანიზაციისთვის განკუთვნილ პროექტს, ამავე დროს იღებდით დაფინანსებას ბიუჯეტიდან. ეს ყველაფერი ერთმანეთთან როგორ თავსდება?

_ როცა მასალებს ნახავთ, მიხვდებით თუ რა იყო იმ გრანტის ფუნქცია.

_ კითხვაზე არ მპასუხობთ... თქვენ იყავით არასამთავრობო სამთავრობო ორგანიზაციის ხელმძღვანელი...

_ მე არასამთავრობო სამთავრობო არ ვყოფილვარ. ეს იყო აიპი, ჩვეულებრივი სახელმწიფო ორგანიზაცია, _ ამბობს დოლიძე (თუ რას აკეთებდა ეს ორგანიზაცია და რაში იხარჯებოდა ბიუჯეტის თანხები გურიის განვითარების სააგენტოს მიერ, ამის შესახებ უახლოეს მომავალში მივაწვდით მკითხველს ინფორმაციას). ავტ..

მამუკა დოლიძის თქმით, საზოგადოებრივ დარბაზში მისვლა შეუძლია ყველას, ვინც მარგველაშვილის მხარდაჭერას ხმამაღლა აფიქსირებს.

_ საინტერესოა, რას აკეთებთ ამ დარბაზში ერთად ყოფნის პერიოდში. იმას რასაც გასულ წლებში? ჟურნალისტებს ისევ აგინებთ?

_ როდის ვაგინებდი? არ მახსოვს.

_ მთელ საქართველოს ახსოვს, კარს მიღმა ტელეკომპანია "კავკასიის" ჟურნალისტებს რომ აგინებდით და ჩართული მიკროფონი დაგრჩათ მკერდზე მიბნეული...

_ მე დღემდე არ გამიკეთებია მაგაზე კომენტარი და ახლა ვიტყვი, რომ ეს ჟურნალისტებს არ ეხებოდა. ეს იყოს პირადი საუბარი სულ სხვა თემაზე. თუ კარგად ნახავთ იმ ჩანაწერს, მიხვდებით, რომ იქ ჟურნალისტები არსად არ არის ნახსენები.

_ ამის ვიდეო ჩანაწერი არსებობს...

_ იქ, ჟურნალისტების გარდა, სხვებიც იყვნენ. ეს იყო ჩემი პირადი საუბარი სულ სხვა თემაზე და მე არ ველაპარაკებოდი არც ლელა თავართქილაძეს, არც ვალერი ჩიტაიშვილს და არც რამაზ ნიკოლაიშვილს.

წარსულზე საუბარი დღეს არც რამაზ ჯინჭარაძეს სურს. იგი ამბობს, რომ მისი პოლიციაში მუშაობის პერიოდში ცუდი არავისთვის გაუკეთებია და ის სისტემა, რომელშიც მუშაობდა, მისთვის მისაღები იყო. ჯინჭარაძეს არც ის ახსოვს, როგორ მიაკითხა სახლში "გურია ნიუსის" წყაროს, რომელიც პოლიციის უფროსის მხრიდან ჟურნალისტზე ძალადობის თვითმხილველი იყო და როგორ ჩაიყვანა საკუთარი მანქანით პროკურორთან დაკითხვაზე.

_ თქვენ პირადი ინტერესები გაქვთ და იმიტომ სვამთ ასეთ კითხვებს, _ ამბობს ჯინჭარაძე, რომელიც ამ "პირად ინტერესებს" ვერ აკონკრეტებს.

აღსანიშნავია, რომ საზოგადოებრივ დარბაზში ჩვენი ყოფნისას "რესპუბლიკური პარტიის" ჩოხატაურის ორგანიზაციის ხელმძღვანელი და ამავე დროს სასპორტო სკოლის დირექტორი, გოჩა ჯიქია მოვიდა. მიუხედავად იმისა, რომ სასპორტო სკოლა საზოგადოებრივი დარბაზის გვერდით მდებარეობს, ჯიქია ამტკიცებს, რომ დარბაზის შესახებ არაფერი იცოდა და იქ მხოლოდ იმიტომ მოვიდა, რომ ჩვენ დაგვინახა. კითხვაზე, მისაღებია თუ არა იმ ადამიანების მარგველაშვილის გვერდით დგომა, რომლებიც გასულ წლებში ხალხს იჭერდნენ, აშანტაჟებდნენ და არბევდნენ, გვპასუხობს რომ, არა: _ თუმცა, ადამიანს შეუძლია მივიდეს ეკლესიაში და მოინანიოს, _ ამბობს ჯიქია, რომელიც მისი დაკავების პერიოდს იხსენებს და აღნიშნავს რომ იქ რამაზ ჯინჭარაძეც იყო: _ იქ ბევრი ადამიანი იყო. უმეტესობა დღეს თანამდებობაზეა. მათ შორის პროკურორი შვანგირაძეც, რამაზიც იყო ჩემი დაკავების მომენტში, თუმცა, კონკრეტულად რას აკეთებდა არ ვიცი, _ იხსენებს ჯიქია და დასძენს, რომ ჯინჭარაძე მისი ნათესავია და დარბაზში ნათესავის სანახავად მოვიდა (არადა, შემოსვლისას ამბობდა, რომ იმის გასაგებად მივიდა, თუ რა ხდებოდა შენობაში, რომელსაც ჟურნალისტები ესტუმრნენ. ავტ.)

როგორც გავარკვიეთ, ამ დარბაზის ხშირი სტუმარია ჩოხატაურის მუნიციპალიტეტის საკრებულოს თავმჯდომარე ანტონ ხუნდაძეც. ჩვენ შევეცადეთ მისი პოზიციაც გაგვეგო, თუმცა, მან ჩვენს სატელეფონო ზარს არ უპასუხა. ვერ მოვახერხეთ დარბაზის დამფუძნებელთან, ვასილ ჩიგოგიძესთან დაკავშირებაც _ მისი ტელეფონი გამორთული იყო.

გიორგი მარგველაშვილის საარჩევნო შტაბის ხელმძღვანელი ჩოხატაურში, ირაკლი კუჭავა დარბაზის წევრების პოლიტიკურ წარსულზე არც კომენტარს აკეთებს და არც პასუხისმგებლობას იღებს:

_ საზოგადოებრივი დარბაზები შეიქმნა მთელი საქართველოს მასშტაბით და არა მხოლოდ ჩოხატაურში. ის გახლავთ შტაბს მიღმა. რამდენადაც ჩემთვის ცნობილია, დარბაზის შექმნას საფუძვლად უდევს იდეა, რომ იმ ადამიანებს, რომლებიც არ არიან შტაბში, არ არიან არც ერთი პარტიის წევრი, მიეცეთ საშუალება მხარდაჭერა გამოუცხადონ გიორგი მარგველაშვილს, _ ამბობს კუჭავა.

_ ბატონო ირაკლი, პირადად თქვენთვის მისაღებია თუ არა ისეთი პოლიტიკური წარსულის მქონე ადამიანების ყოფნა მარგველაშვილის მხარდამჭერთა რიგებში, რომლებიც გასულ წელს ატერორებდნენ მოქალაქეებს, იბარებდნენ დაკითხვებზე...

_ კიდევ ერთხელ ვაფიქსირებ, რომ დარბაზს, შტაბთან სტრუქტურის თვალსაზრისით, არანაირი შეხება არ გააჩნია. შესაბამისად, ამ ადამიანების პოლიტიკურ წარსულზე არც კომენტარს ვაკეთებთ და არც პასუხისმგებლობას ვიღებთ.

_ ჩოხატაურის შტაბს, დღევანდელი პოლიტიკური რეალობიდან გამომდინარე, საზოგადოებრივი დარბაზის მხარდაჭერა ისე ძალიან სჭირდება, რომ იქ მყოფი ადამიანების პოლიტიკურ წარსულს, როგორც კოალიციის ერთ-ერთი წევრი ამბობს, არანაირი მნიშვნელობა არ აქვს?

_ მინდა გითხრათ ციფრები, რომლებიც ნაწილობრივ პასუხს გასცემს ამ კითხვას; ვგულისხმობ პირველი და მეორე "კარდაკარის" შედეგებს. პირველმა "კარდაკარმა", რომელიც ორი კვირის წინ დასრულდა, აჩვენა, რომ გამოკითხულთა 72 პროცენტი ჩვენს კანდიდატს, გიორგი მარგველაშვილს უჭერს მხარს, ხოლო მეორე "კარდაკარის" შედეგების მიხედვით, ეს ციფრი 78 პროცენტამდე ავიდა. თუნდაც იმის გათვალისწინებით, რომ ადამიანების ნაწილი წინა ხელისუფლებასთან ურთიერთობიდან გამომდინარე არაგულრწფელები არიან _ ვგულისხმობ დაშინებას, დაშანტაჟებას, ანუ მალავენ თავიანთ არჩევანს და ა.შ. ასეთი ადამიანების რიცხვი 10 პროცენტსაც რომ შეადგენდეს, სრულიად ცალსახაა, რომ ჩვენი ამომრჩევლის 65-68 პროცენტი მყარად უჭერს მხარს გიორგი მარგველაშვილს. თუ ვინმეს დახმარება სურს, რომ კიდევ უფრო შთამბეჭდავი იყოს ჩვენი გამარჯვება, რა თქმა უნდა, ხელს არ შევუშლით.




 ახალი ამბები
  • ბახმარო თანამედროვე მუსიკალურო ფესტივალის სამზადისში _ ის, რაც არ უნდა გამოტოვოთSunset Fest Bakhmaro 2019-ის მზადება აქტიურად მიმდინარეობს. უკვე მოწყობილია კარვების ქალაქი, მოსასვენებელი კუთხეები, კაფე-ბარები. ამ წუთებში, ზღვის დონიდან 2050 მეტრზე საკონცერტო სცენის აწყობა მიმდინარეობს. ბახმაროში, ხვალ, 19 აგვისტოს ბევრი სიურპრიზი და დიდი მხიარულება გელით. ტრადიციული დოღის დასრულების შემდეგ, 17 საათზე, მზის ჩასავალი გორის მიმდებარედ (ასასვლელი ვერტოდრომიდან) თანამედროვე მუსიკის ფესტივალი გელოდებათ არაჩვეულებრივი შემსრულებლებით _ Bedford Falls, LOUD speakers, Kordz & Dro, Pitter J, Anushka Chkheidze, Lua და Kraumur თქვენს შესანიშნავ განწყობაზე დილამდე იზრუნებენ. შეაგროვე მთელი წლის სამყოფი ენერგია და მოგონებები. სუფთა ჰაერი, ნისლი, წიწვოვანი ტყე, კოცონები, ვარსკვლავებიანი ცა, კარვების ქალაქი, კარგი მუსიკა, ზაფხულის მზესთან დამშვიდობება _ ეწვიეთ 19 აგვისტოს ბახმაროს! არ გამოტოვოთ დიდი მხიარულება. ფესტივალი „ჩექინ ჯორჯიას“ ფარგლებში იმართება და მისი თანადამფინანსებელია საქართველოს განათლების, კულტურის, სპორტისა და მეცნიერების სამინისტრო. გენერალური სპონსორია „წყალი მარგებელი“. სპონსორები და მხარდამჭერები არიან: „ზედაზენი“; “New Road”; „ორბი ჯგუფი“; „ვასაძის პური“; „სანდომი“; „თქვენი მარკეტი“ ასკანგელი“, ‘გზამშენი 18“, „ლიდერფუდი“, „ბითი ჩერითი ჯგუფი“, „ბახმარო ჰოტელი“; ჩოხატაურის მუნიციპალიტეტის მერია; ლანჩხუთის მუნიციპალიტეტის მერია; „ენერგო პრო ჯორჯია“; საგანგებო სიტუაციების მართვის სამსახური; საგანგებო სიტუაციების კოორდინაციისა და გადაუდებელი დახმარების ცენტრი; ფესტივალის მედია პარტნიორი და საინფორმაციო მხარდამჭერია ... ...
  • „ნაბეღლავი“, „ბახმარო“, „გალფი“ _ ბახმაროში ტრადიციული დოღის სამზადისიახვალ, ბახმაროში, ფერისცვალების დღესასწაულზე ასულ სტუმრებს ბევრი სიურპრიზი ელით. მზადება უკვე დაწყებულია. ტრადიციულ დოღს,  რომელიც მეორე წელია,  ჩოხატაურის მუნიციპალიტეტთან ერთად წყაროს წყალი „ბახმაროსა“ და „ნაბეღლავის“ მწარმოებელი კომპანიის – „წყალი მარგებლის“ ორგანიზებით გაიმართება, წელს ბევრი სიახლე ახლავს _ „ბახმაროს თასი 2019“ ღონისძიებისათვის კომპანია „წყალი მარგებელმა“ ახალი სპონსორები მოიძია, რის გამოც საპრიზო ფონდი გაზრდილია. _ წინა წელს დავიწყეთ ეს ღონისძიება ამ მასშტაბით და მაშინ დავპირდით  პირველ რიგში გურულებს და მთელ საქართველოს, რომ ბევრად დიდი მასშტაბი იქნებოდა წელს, რაც ვფიქრობ, რომ შევძელით.  ჩვენი გეგმა, რომ 10 წლის მანძილზე ბახმარო გავხადოთ არამარტო გურიის, არამედ მთელი საქართველოს სავიზიტო ბარათი.  დღეს ვნახე და ძალიან გამიხარდა, რომ დოღში მონაწილეთა რაოდენობა გაზრდილია _ მონაწილეები დაგვემატნენ ბათუმიდან, პანკისიდან,  რაც მისასალმებელია. ასევე, სასიხარული და მნიშვნელოვანია, რომ გაიზარდა ბიზნესის ჩართულობაც _  “საქართველოს ბანკის“ შემდეგ, დაგვემატა „გალფი“, „გლოვო“, „კროკო ბეთი“. ჩვენ ვართ ამ ქვეყნის ნაწილი და მთავარი ნაწილი შეიძლება ითქვას . ჩვენთვის ძალიან მნიშვნელოვანია ვიყოთ სახე ქვეყნის და ყველაფერი გავაკეთოთ ჩვენი ქვეყნისთვის, _ ამბობს კომპანია “წყალი მარგებლის“ დამფუძნებელი მიხო სვიმონიშვილი. სვიმონიშვილი იმედოვნებს, რომ წელს, ბახმაროს დოღს შარშანდელზე მეტი ადამიანი დაესწრება: _  წინა წელს 27 000 ათასი ადამიანი დაესწრო დოღს და ამდენი გაღიმებული ადამიანის ერთად ნახვა ბედნიერებაა. იმედი მაქვს, წელს, ეს რიცხვი მეტი იქნება, _ აღნიშნა სვიმონიშვილმა. კომპანია „გალფის“ ვიცე პრეზიდენტის ნინო ჯიბლაძის თქმით, „გალფისთვის მნიშვნელოვანია ჯანსაღი ცხოვრების წესი და ეკოლოგიურად პასუხისმგებელობიანი აქტივობების მხარდაჭერა“: _  წელს პირველად დავუჭირეთ მხარი ბახმაროს დოღს და მოხარულები ვართ, რომ გარდა საპრიზო ფონდში თანამონაწილეობისა, საჩუქრებს და პრიზებს დავაწესებთ ოთხივე გარბენის გამარჯვებულისათვის, _ თქვა ნინო ჯიბლაძემ. ერთი სიტყვით, „ნაბეღლავი“, წყაროს წყალი „ბახმარო“, მათი გენერალური მხარდამჭერი „საქართველოს ბანკი“ და ღონისძიების სპონსორები _ „გალფი, გლოვო და კროკო-ბეთი ხვალ, 19 აგვისტოს, ბახმაროში კარგ სანახაობას გპირდებიან. ზღვის დონიდან 2050 მეტრზე გამართული დოღი ასეთი იქნება: ,,ბახმაროს თასი“ – 4 800 მეტრი; „ნაბეღლავის თასი“ – 2 400 მეტრი; „გმირების თასი“ – 1200 მეტრი; „გურიის თასი“ – 1200 მეტრი; ,,ბახმაროს თასი“მარულა გარბენის მანძილი: 4 800 მეტრი; მონაწილეობის მიღება შეუძლია ნებისმიერ მსურველს.საპრიზო ფონდი: 4 800 ლარი I ადგილი 2 500 ლარი; II ადგილი 1500 ლარი; III ადგილი 800 ლარი; „ნაბეღლავის თასი“გარბენის მანძილი: 2 400 მეტრი; მონაწილეობის მიღება შეუძლიათ წმინდა სისხლის ჯიშის ცხენებს. საპრიზო ფონდი: 1800 ლარი I ადგილი 1000 ლარი; II ადგილი 500 ლარი; III ადგილი 300 ლარი; „გმირების თასი“გარბენის მანძილი: 1 200 მეტრი; მონაწილეობის მიღება შეუძლიათ შერეული სისხლის ჯიშის ცხენებს. საპრიზო ფონდი: 1 800 ლარი I ადგილი 1000 ლარი; II ადგილი 500 ლარი; III ადგილი 300 ლარი; „გურიის თასი“გარბენის მანძილი: 1 200 მეტრი; მონაწილეობის მიღება შეუძლიათ ადგილობრივი ჯიშის ცხენებს. საპრიზო ფონდი: 1 800 ლარი; I ადგილი 1000 ლარი; II ადგილი 500 ლარი; III ადგილი 300 ... ...
  • გადაიწევს თუ არა აბიტურიენტთა ჩარიცხვების ვადების გამოცხადებააბიტურიენტები სახელმწიფოს მიერ 2019 წელს სრულად დაფინანსებული საგანმანათლებლო პროგრამების ე.წ. უფასო ფაკულტეტების სიას ელოდებიან, რომელიც, ჯერჯერობით, არ ჩანს. განათლების, მეცნიერების, კულტურის და სპორტის სამინისტროში edu.aris.ge-ს განუმარტეს, რომ დოკუმენტს ახლო მომავალში გამოაქვეყნებენ და ვადებში ეტევიან. თუმცა, ფაქტია, რომ  აბიტურიენტებს საგანმანათლებლო პროგრამებში ცვლილებების შესატანად ცოტა დრო რჩებათ. საგულისხმოა, ისიც რომ გასულ წლებში უფასო ფაკულტეტების ჩამონათვალი აგვისტოს დასაწყისში უკვე გამოქვეყნებული იყო, მაგალითად: 2016 წელს სახელმწიფოს მიერ სრულად დაფინანსებული საგანმანათლებლო პროგრამების სია გამოქვეყნდა 28 ივლისს, 2017 წელს – 2 აგვისტოს, 2018 წელს – 6 აგვისტოს. უკავშირდება თუ არა სიის გამოქვეყნების დაგვიანება სამინისტროს მიერ უფასო ფაკულტეტების დაფინანსების წესში შესატან ცვლილებებს, ამ ეტაპზე უცნობია. შეგახსენებთ, რომ სამინისტრო პირველ ეტაპზე, 2019 წლისთვის უფასო ფაკულტეტების დაფინანსების მოდელში ცვლილებების შეტანას აპირებდა, მოგვიანებით კი მინისტრი მიხეილ ბატიაშვილი მის საერთოდ გაუქმებაზე ალაპარაკდა, რაც შემდეგ 2020 წლისთვის გადადო. ცნობისთვის! – აბიტურიენტებს უფასო ფაკულტეტების არჩევის ვადა, აპელაციის შედეგების გამოქვეყნებიდან შემდეგი დღის 18:00 საათამდე აქვთ. “ნაეკის” ინფორმაციით, აპელაციის შედეგების გამოქვეყნება, სავარუდოდ, მომავალი კვირის ბოლოს დასრულდება. სამინისტროში კი აცხადებენ, რომ ფაკულტეტების სია, ამ პერიოდისთვის გამოქვეყნებული ... ...
  • საქართველოს საგარეო უწყება საერთაშორისო თანამეგობრობას მიმართავსმივმართავთ საერთაშორისო თანამეგობრობას, ქმედითი ზომები მიიღოს საოკუპაციო ძალების უკანონო მოქმედებების შესაჩერებლად, – ამის შესახებ საქართველოს საგარეო საქმეთა სამინისტროს სპიკერმა, ვლადიმერ კონსტანტინიდმა საოკუპაციო ხაზიდან საქართველოს შვიდი მოქალაქის გატაცებასთან დაკავშირებით საუბრისას განაცხადა. მისი თქმით, საოკუპაციო ხაზზე გახშირებული პროვოკაციები და ინციდენტები კიდევ უფრო ამწვავებს უსაფრთხოების გარემოს და ამძიმებს ისედაც რთულ ჰუმანიტარულ მდგომარეობას კონფლიქტით დაზარალებულ სოფლებში. „შეშფოთებას გამოვთქვამთ საოკუპაციო ძალების მიერ შიდა ქართლში საოკუპაციო ხაზის მიმდებარე ტერიტორიიდან შვიდი ადგილობრივი მცხოვრების გატაცების გამო. იმ პირობებში, როცა ბოლო დღეებში განსაკუთრებულად დაძაბულია მდგომარეობა სოფელ გუგუტიანთკარში ხელოვნური ბარიერების აღმართვის გამო, საოკუპაციო ძალების მიერ საქართველოს მოქალაქეების გატაცებისა და უკანონო დაკავებების პრაქტიკის გაგრძელება წარმოადგენს ქვეყანაში ვითარების დესტაბილიზაციის აშკარა მცდელობას. საოკუპაციო ხაზზე გახშირებული პროვოკაციები და ინციდენტები კიდევ უფრო ამწვავებს უსაფრთხოების გარემოს და ამძიმებს ისედაც რთულ ჰუმანიტარულ მდგომარეობას კონფლიქტით დაზარალებულ სოფლებში“, – აცხადებს საგარეო საქმეთა სამინისტროს სპიკერი. ვლადიმერ კონსტანტინიდის თქმით, გააქტიურებულია ცხელი ხაზი; საქმის კურსში არიან ჟენევის საერთაშორისო მოლაპარაკებების თანათავმჯდომარეები, პროცესში ჩართულია ევროკავშირის სადამკვირვებლო მისია. „ჩვენ დაუყოვნებლივ გავააქტიურეთ ცხელი ხაზი; უკვე დავუკავშირდით ჟენევის საერთაშორისო მოლაპარაკებების თანათავმჯდომარეებს; პროცესში ჩართულია ევროკავშირის სადამკვირვებლო მისია. მოვუწოდებთ რუსეთის ფედერაციას, დაუყოვნებლივ შეწყვიტოს უკანონო ქმედებები საოკუპაციო ხაზზე და პატივი სცეს ნაკისრ საერთაშორისო ვალდებულებებს. მოვუწოდებთ რუსეთის ფედერაციას, რომ დაიწყოს 2008 წლის 12 აგვისტოს ცეცხლის შეწყვეტის შეთანხმების უპირობო შესრულება, რადგან საქართველოს ტერიტორიიდან ჯარების გაყვანა არის ადგილზე მდგრადი მშვიდობისა და უსაფრთხოების დამყარების ერთადერთი გზა. მივმართავთ ასევე საერთაშორისო თანამეგობრობას, რომ ქმედითი ზომები მიიღოს საოკუპაციო ძალების უკანონო მოქმედებების შესაჩერებლად“, – განაცხადა ვლადიმერ კონსტანტინიდმა. საოკუპაციო ხაზთან რუსმა სამხედროებმა საქართველოს შვიდი მოქალაქე დააკავეს. დაკავებულები სოფელ ახალუბნის მცხოვრებლები არიან. არსებული ინფორმაციით, მოქალაქეები წმინდა გიორგის სახელობის ეკლესიაში იყვნენ წასული, რომელიც საოკუპაციო ხაზთან ... ...
  • რუსმა სამხედროებმა სოფელ არცევთან საქართველოს კიდევ ერთი მოქალაქე დააკავესრუსმა სამხედროებმა საოკუპაციო ხაზთან, ოკუპირებული სოფელ არცევის მიმდებარე ტერიტორიიდან საქართველოს კიდევ ერთი მოქალაქე, სოფელ დიდი მეჯვრისხევის მკვიდრი დააკავეს. ამის შესახებ საქართველოს პირველ არხს სახელმწიფო უსაფრთხოების სამსახურში განუცხადეს. სუს-ის ინფორმაციით, დაკავებული ცხინვალის იზოლატორშია გადაყვანილი. საქართველოს მოქალაქეს ე.წ. საზღვრის უკანონო კვეთას ედავებიან. სუს-ის ცნობით, ამოქმედებულია ცხელი ხაზი და ინფორმირებულია ევროკავშირის სადამკვირვებლო მისია. სახელმწიფო უსაფრთხოების სამსახურის ინფორმაციით, რუსი სამხედროების მიერ დაკავებული საქართველოს შვიდი მოქალაქე ცხინვალის იზოლატორში იმყოფება და ე.წ. სასამართლო პროცესს ელოდება. საოკუპაციო რეჟიმის წარმომადგენლები მათ ე.წ. საზღვრის უკანონო გადაკვეთაში სდებენ ბრალს. ე.წ. სასამართლო პროცესი, სავარაუდოდ, ხვალ ჩაინიშნება. სუს-ის ინფორმაციით, ცხელი ხაზის რამდენჯერმე გააქტიურების შემდეგ, გვიან ღამით შედგა დე-ფაქტოცხინვალის წარმომადგენლობასთან კომუნიკაცია, რომლებმაც დაადასტურეს საქართველოს შვიდი მოქალაქის ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...