ქუთაისის ყოფილი მერი საქართველოს წინააღმდეგ

მთავარი თემა

ქუთაისის ყოფილი მერი საქართველოს წინააღმდეგ

2013 ოქტ 22 12:33:46

განმცხადებლის თქმით, მის მიმართ ევროკონვენცის არა ერთი მუხლი დაირღვა.

15 ოქტომბერს, ევროპის ადამიანის უფლებათა სასამართლოში საქმის _ "ნაცვლიშვილი და ტოგონიძე საქართველოს წინააღმდეგ" ზეპირი მოსმენა გაიმართა. სხდომას იუსტიციის მინისტრის მოადგილეები: გოჩა ლორთქიფანიძე და სანდრო ბარამიძე დაესწრნენ. ბარამიძე "გურია ნიუსთან" ამბობს, რომ იუსტიციის სამინისტროს განსაკუთრებულ ინტერესს იწვევს , რა შეფასებას მისცემს საერთაშორისო სასამართლო საპროცესო შეთანხმების ქართულ მოდელს. მომჩივანი ნაცვლიშვილი საკუთარ განცხადებაში სწორედ საპროცესო შეთანხმების იძულებით გაფორმებაზე საუბრობს.

ამირან ნაცვლიშვილი ამჟამად მოსკოვში ცხოვრობს, 2004 წლამდე ის ქუთაისის ავტოქარხნის დირექტორი იყო და ქარხანაში 15,55% -იან წილს ფლობდა.

2002 წლის დეკემბერში, ნაცვლიშვილი გაიტაცეს და სოლიდური თანხის გადახდის შემდეგ სასტიკად ნაცემი ტყეში დატოვეს.

2004 წლის 15 მაისს, ქუთაისის პროკურორი ჟურნალისტების თანხლებით ავტოქარხანაში მივიდა და დირექტორი დააკავა. მას ქარხანაში სახელმწიფო წილის უკანონო შემცირებაში და ფიქტიურ გაყიდვებში, ასევე, ყალბ გადარიცხვებში და სახელმწიფო ქონების უკანონო ჩამოწერაში დასდეს ბრალი.

დაკავების კადრები იმავე საღამოს გადაიცა ადგილობრივი ტელევიზიით, კომენტარი გააკეთა რეგიონის გუბერნატორმაც, რომელიც ამტკიცებდა, რომ ახალი მთავრობა ხალხის კუთვნილი ფულის მითვისებას არავის აპატიებდა.

სახალხო დამცველს პატიმარი ამირან ნაცვლიშვილი უმძიმეს ვითარებაში დახვდა _ მისი თანასაკნელები მისსავე გატაცებისთვის მსჯავრდებული და დამამძიმებელ გარემოებაში ჩადენილი მკვლელობისთვის გასამართლებული პირები იყვნენ. ამ მდგომარეობაში მან 4 თვე გაატარა. სახალხო დამცველის მოთხოვნა, პატიმარ ნაცვლიშვილის სხვა საკანში დაუყოვნებლივ გადაყვანის შესახებ, დაკმაყოფილდა.

დაკავების დღიდან ბრალდებული ნაცვლიშვილი დანაშაულს არ აღიარებდა, პროკურატურა კი საპროცესო შეთანხმებას ითხოვდა. რუსუდან ტოგონიძემ 35 ათასი ლარი ქმრისთვის სასჯელის შესამსუბუქებლად გადაიხადა, მაგრამ პროკურატურა არაოფიციალურად კიდევ ითხოვდა ფულს და ქარხანაში წილის დათმობას. ნაცვლიშვილის ნათესავმა პროკურატურის მითითებით 50 ათასი დოლარი "განვითარების ფონდის "ანგარიშზე ჩარიცხა, პარალელურად, ქარხნის 9 თანამშრომელს იძულებით დაათმობინეს წილის 22,5%, რაც სახელმწიფო საკუთრებაში გადავიდა. მიუხედავად იმისა, რომ ბრალდებული დანაშაულს არ აღიარებდა, სასამართლომ საპროცესო შეთანხმება მაინც დაამტკიცა. ნაცვლიშვილი გამტყუნდა, თუმცა, პროკურატურამ პირობა შეასრულა და პატიმარმა ციხე ჯარიმის გადახდის შემდეგ დატოვა. 2005 წლის 9 მარტს ნაცვლიშვილი-ტოგონიძის განაცხადი სტრასბურგის სასამართლოში შევიდა. როგორც განმცხადებლები ამბობენ, პროკურატურა მათ საჩივრის უკან გამოტანას აიძულებდა.

დღეს ამირან ნაცვლიშვილის წარმომადგენელი სტრასბურგის სასამართლოში აცხადებს, რომ განმცხადებლის მიმართ ადგილი ჰქონდა ევროკონვენციის არა ერთი მუხლის დარღვევას _ მას არ მიეცა სამართლიანი სასამართლოს უფლება, მის მიმართ დაირღვა უდანაშაულობის პრეზუმპცია, როდესაც დაკავების კადრები მედიასაშუალებით გადაიცა, საპროცესო შეთანხმების გაფორმება კი პროკურატურამ აიძულა, რადგან საპატიმრო ადგილის დატოვებისათვის სხვა გზა არ დაუტოვა.

საპროცესო შეთანხმების მიხედვით, "ბრალდებულმა აქტიურად ითანამშრომლა გამოძიებასთან და მზადაა მის მიერ სახელმწიფოსთვის მიყენებული ზარალი _ 4 201 663 ლარი აანაზღაუროს, რის სანაცვლოდაც ნებაყოფლობით თმობს 22,5% წილს."

იუსტიციის მინისტრის მოადგილე სანდრო ბარამიძე "გურია ნიუსთან" ამბობს, რომ აღნიშნული საქმე ძირითადად ეხება საპროცესო შეთანხმებას და სადაო არ არის, რომ დღეს არსებული ქართული მოდელი კრიტიკას ვერ უძლებს.

"საპროცესო შეთანხმების ქართული მოდელი მრავალ კრიტიკას იმსახურებდა, როგორც ქართულ საზოგადოებაში, ისე საერთაშორისო საზოგადოებაში," _ ამბობს სანდრო ბარამიძე და მიაჩნია, რომ ამ მიმართულებით ცვლილებები დაუყოვნებლივ გასატარებელია.

"რამდენად საფუძვლიანია კონკრეტული მომჩივნის _ ნაცვლიშვილის საჩივარი? ჩვენ მიგვაჩნია, რომ მის მიერ მოხმობილ არგუმენტებში არსებობს სისუსტეები. თავს შევიკავებდი პროგნოზირებისგან, თუ კონკრეტულ საქმეზე რა გადაწყვეტილებას მიიღებს სასამართლო, მაგრამ მთლიანობაში შეიძლება ითქვას, რომ იუსტიციის სამინისტრო უკანასკნელი 1 წლის განმავლობაში ბევრს მუშაობდა იმისთვის, რომ შეემუშავებინა საკანონმდებლო ცვლილებათა პაკეტი, როგორც სისხლის სამართლის საპროცესო, ასევე მატერიალურ კოდექსში, რათა საპროცესო შეთანხმების ინსტიტუტი შესაბამისობაში მოვიდეს საერთაშორისო სტანდარტებთან. კიდევ ვიმეორებ _ ამას დიდი შეხება არ აქვს კონკრეტული მომჩივნის საქმესთან, მაგრამ თვითონ ინსტიტუტი კი ნამდვილად საჭიროებს განვითარებას," _ ამბობს ბარამიძე.

საპროცესო შეთანხმების არსებული მოდელის ცვლილებას ეთანხმება პროკურატურაც. მთავარი პროკურორის მოადგილე შოთა რეხვიაშვილი ამბობს, რომ საპროცესო შეთანხმების ინსტიტუტი უნდა გათავისუფლდეს ბიუჯეტის შევსების ვალდებულებისაგან.

"2013 წელს ბრალდებულთათვის უსამართლო პირობებით საპროცესო შეთანხმების გაფორმების შემთხვევები არ ყოფილა. არსებითი გარემოება, რომელიც, ჩვენი აზრით, განაპირობებს საპროცესო შეთანხმების ინსტიტუტის სათანადო ფუნქციონირებას, არის მისთვის ორგანულად შეუთავსებელი ბიუჯეტის შევსების ჩამოცილება," _ ამბობს რეხვიაშვილი.

პროკურატურის სტატისტიკით, 2013 წლის 6 თვის განმავლობაში, საპროცესო გარიგებებით ბიუჯეტში შეტანილი თანხა წინა წლის ანალოგიურ პერიოდთან შედარებით 55,2 პროცენტით ნაკლებია. 6 თვის განმავლობაში გაფორმებულია 5 523 საპროცესო შეთანხმება და აქედან ჯარიმა გამოყენებულია 2 131 შემთხვევაში. როგორც რეხვიაშვილი ამბობს, მიმდინარე წელს საპროცესო შეთანხმება გაფორმდა გამოძიებით დასრულებულ და სასამართლოში განხილვის ეტაპზე მყოფ საქმეთა დაახლოებით 90 პროცენტში.

ამირან ნაცვლიშვილის საქმეზე გადაწყვეტილების გამოცხადების ზუსტი თარიღი, ჯერჯერობით, უცნობია.




 ახალი ამბები
  • გვარამია: რუსთავი 2_დან მე გამოვედი გამარჯვებული, მაგრამ ამ გამარჯვებას ფასი არა აქვს"მე რუსთავი 2დან გავედი გამარჯვებული. ჩემი მისია შევასრულე - 7 წელი (არხის ისტორიაში ყველაზე ხანგრძლივი პერიოდი ვიყავი დირექტორი) არხი ვამუშავე წარმოუდგენელ რეჟიმში, ფაქტიურად, ბოლო ორი წელი, საოცრების ხარჯზე. სრულიად არავის დახმარებით, მტრულ გარემოში, ფინანსრური თავდასხმების და არხის ამჟამინდელი მფლობელის დამანგრეველი ყადაღის მიუხედავად, ყველა ხელფასი ყოველთვის გავეცი, თვითონაც არ ვიცი როგორ. ყველას, ვისაც განსაკუთრებულად უჭირდა, დავეხმარე" _ წერს სოციალურ ქსელში რუსთავი 2_ის ყოფილი გენერალური დირექტორი ნიკა გვარამია. მისივე თქმით, "რ2 გახდა სახელმწიფო სახელმწიფოში - სავსე თავისუფალი, ნიჭიერი, ფერადი ხალხით, ვინც არ გაეკარა ბნელ ქართულ ოცნებას, ვისაც უნდოდა დასავლეთი და თავისუფლება, და ვისი ერთადერთი ნავსაყუდელი რ2 გახდა. იმიტომ მიხაროდა მანდ მოსვლა - ქვეყანაში უანალოგო თავისუფლების კუნძული იყო, ჰაერში ეკიდა თავისულფების სუნი": _ამ არხმა 7 წელიწადში დაანგრია ამ ქვეყნის მთავარი მტერი - რუსული გავლენა. დიახ, დაანგირა და გააშიშვლა ხელისუფლება, რომელიც რუსული აღმოჩნდა თავიდან ბოლომდე. ბოლო კვლევით, რაც ვნახეთ, გავრილოვის ღამემდეც კი, რუსეთი არაა ამ ქვეყნის არჩევანი და ამაში ყველაზე მნიშვნელოვანი დამსახურება რ2ისაა, ღრმად მწამს, და ისიც მწამს, რომ რუსებმაც კარგად იციან ეს. იმიტომაც ყეფენ ხან დუმის ტრიბუნიდან, ხან პუტინის პირით და ხან ლავროვის განცხადებებით. დიახ, რუსეთმა კარგად იცის, ვინ იყო მისი მთავარი მტერი საქართველოში. კარგად იცის და არც მალავს. სამწუხაროა, რომ კვლევით ვინცაა ჩვენი არჩევანი, შვიდი წელი ვისი ფასეულობების დასამკვიდრებლადაც ვიბრძოდით სიკვდილ-სიცოცხლის ფასად, იმისი ხელით დავიხურეთ სწორედ. ირონიაა, მაგრამ ძალიან მწარე. ამაზე მოგვიანებით ვისაუბრებ და აუცილებად შევაფასებ ევროსასამართლოს გადაწყვეტილებას დეტალურად. არაფერი არაა ამ ქვეყნად წმინდა ძროხა, რომლის კრიტიკა არ შეიძლება. მათ შორის, არც ევროსასამართლო. კონსპირაციები განზე დავტოვოთ, საგნობრივი კრიტიკა კი ნამდვილად საჭიროა. მივუბრუნდეთ თემას.  მე რუსთავი2დან გავედი გამარჯვებული. მე მოვუგე ყველა ბრძოლა მტრულად განწყობილ სახელმწიფოს და მის დამნაშავე ბოსს, უზურპატორ ბიძინა ივანიშვილს. მე მოვიგე ყველა ბრძოლა ყველა ეტაპზე საქართველოში, მაგრამ დავმარცხდი იქ, სადაც არ შეიძლებოდა უბრალოდ რომ დავმარცხებულიყავი. ჩვენ ვერ დაგვხურა მთელმა ქრთულმა პოლიტიკურმა მანქანამ, მაგრამ სამწუხაროდ ეს გააკეთა იმან, ვისაც ეს არასგზით არ უნდა გაეკეთებინა.  მე რუსთავი2_დან გავედი გამარჯვებული. თუმცა ამ გამარჯვებას ნამდვილად ჯობდა გაემარჯვა სხვას, ყველაზე მნიშვნელოვანს მთელ ამ ამბავში.  მე რუსთავი2_დან გავედი გამარჯვებული, მაგრამ დამარცხდა ეროსის შექმნილი, ბევრის ღვაწლით განვითარებული, და ბოლოს ჩემი გზარდილი, ათასუბედურება გატარებული, ჩემი და ჩემი გუნდის მიერ მთელ პოსტსაბჭოთა სივრცეში მთავარ და საუკეთესო ტელევიზიად ქცეული რუსთავი 2.  მე რუსთავი2_დან გავედი გამარჯვებული, მაგრამ დამარცცხდა თავად რუსთავი 2. დამარცხდა პირველად 25 წლის მანძილზე. პირველად 25 წლის მანძილზე ქვეყნის მთავარი მცველი რუსეთის გავლენისგან, გახდა რუსული. ჯერ ამას ვერ აცნობიერებენ კარგად, სანამ ჩვენი გუნდი კიდევ იქაა და ფაქტიურად წინააღმდეგობის მოძრაობა აქვს გაჩაღებლი და გმირულად იბრძვის მტრულ გარემოში. მაგრამ ძალიან მალე მოვა გაცნობიერების დრო და მაშინ მიხვდებიან ზუსტად ჩვენი მაყურებლები და არამაყურებლებიც, რა კატასტროფას მოაწერა ხელი შვიდამა ევროპელმა მოსამართლემ.  მე რუსთავი2_დან გავედი გამარჯვებული, მაგრამ დამარცხდა ჩემი ნაზარდი და საყვარელი რუსთავი 2, ქვეყანაში თავისუფლების და დასავლეთის მთავარი და ალბათ ბოლო ბასტიონი. ქვეყანამ დაკარგა მისი დამოუკიდებლობის განმავლობაში შექმნილი და გაძლიერებული ერთერთი უმნიშვნელოვანესი მონაპოვარი, დასავლეთის, ხარისხის და თავისუფლების სიმბოლო. ქვეყანამ დაკარგა მისი დამოუკიდებლობის პერიოდში შექმნილი უმაღლესი კლასის და დასავლური შინაარსის და დონის ტელევიზია. ალბათ საქართველოს დამოუკიდებლობის პერიოდში შექმნილი მთავარი და ყველაზე წარმატებული ბრენდი - რუსთავი 2. ეს ფაქტი შედგა და მხოლოდ ცოტა დრო ჭირდება ამის სრულად გაცნობიერებას. ეს ფაქტი შედგა და არა მგონია, ოდესმე მისი უკან შექცევა მოხდეს. მე მხოლოდ გამიხარდება და წარმატებას ვუსურვებ, ვინც ამ საქმეს მომავალში ხელს მოკიდებს.  მე რუსთავი2_დან გავედი გამარჯვებული, მაგრამ დამარცხდა რუსთავი 2, ხელახლა მოკლეს ეროსი კიწმარიშვილი და დაიხურა ბოლო ფანჯარა დასავლეთში.  რუსთავი 2_დან მე გამოვედი გამარჯვებული, მაგრამ დამარცხდა ჩემი სამშობლო.  რუსთავი 2_დან მე გამოვედი გამარჯვებული, მაგრამ ამ გამარჯვებას ფასი არა აქვს"_ წერს ... ...
  • სემეკმა მიმდინარე კვირაში მოქალაქეებს 54 ათას ლარზე მეტი ჩამოაწერა (R)საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) მიმდინარე კვირაში გამართულ საჯარო სხდომებზე მოქალაქეებსა და კომპანიებს შორის არსებული დავები განიხილა. საკითხების უმეტესობა მოქალაქეთა სასარგებლოდ დაკმაყოფილდა და ჩამოწერილი თანხების ოდენობამ, ჯამში,  54 887 ლარი შეადგინა. მიმდინარე კვირაში სემეკმა 5 საჯარო სხდომა გამართა და დღის წესრიგებით გათვალისწინებული 99 საკითხი განიხილა. მოქალაქეთა საჩივრები ენერგეტიკისა და წყალმომარაგების სექტორებში მოქმედი კომპანიების წინააღმდეგ მოიცავდა  უსაფუძვლოდ დარიცხულ თანხებს, ხანდაზმულ დავალიანებებს. საჯარო სხდომებზე განსახილველად საკითხები წარადგინეს სემეკის მომხმარებელთა საჩივრების დეპარტამენტისა  და ენერგოომბუდსმენის სამსახურის წარმომადგენლებმა. კომისია შეახსენებს მოქალაქეებს, რომ იმ შემთხვევაში, თუ ელექტროენერგეტიკის, ბუნებრივი გაზისა და წყალმომარაგების სექტორებში მოქმედი კომპანიების მხრიდან ადგილი აქვს მათი უფლებების დარღვევას, მიმართონ სემეკს ან სემეკთან არსებულ ენერგოომბუდსმენის სამსახურს. მოქალაქეებს კონსულტაციების მიღება შეუძლიათ როგორც ქოლ ცენტრში ნომერზე: 16 216, ისე  სემეკის Facebook გვერდზეც. ... ...
  • სახელმწიფო ფონდის ხარჯზე შემცირებული თანხები ლანჩხუთის ბიუჯეტშიბესიკ ტაბიძის ხელმძღვანელობით ლანჩხუთის მუნიციპალიტეტის საკრებულოს ბიუროს სხდომა გაიმართა, სადაც ადგილობრივი საკანონმდებლო ორგანოს მორიგი სხდომის თარიღად 25 ივლისი დაანონსდა და წესისამებრ, ბიურომ სწორედ ამ დღისთვის განსაზღვრა, როგორც განსახილველი საკითხები, ასევე, ამ საკითხის მომხსენებლები.  ბიუროზე წარმოდგენილი საკითხების მიხედვით გაირკვა, რომ მომავალი საკრებულოს სხდომის  დღის წესრიგით დეპუტატებს მიმდინარე წლის მთავარ საფინანსო დოკუმენტში ცვლილებების შეტანის თაობაზე მოუწევთ მსჯელობა. მერიის საფინანსო  სამსახურის უფროსის, როლანდ ლაშხიას მიერ წარმოდგენილი საკითხის  მიხედვით,  რეგიონებში გასახორციელებელი პროექტების ფონდიდან  მთავრობის განკარგულებით ლანჩხუთის მუნიციპალიტეტს  185 209 ლარი ერგო  ადმინისტრაციულ ერთეულებში საექიმო ამბულატორიისა და მშენებლობის დასაფინანსებლად. კერძოდ,  ზემონახსენები თანხიდან 20 418 ლარი აკეთის ადმინისტრაციულ ერთეულში გაიხარჯება, 22 030 ლარი _ აცანაში, შუხუთში _ 21 765 ლარი, ნიგოითში კი _ 27 828 ლარი. რაც შეეხება სუფსის ადმინისტრაციულ ერთეულს, აქ საექიმო ამბულატორიის მშენებლობის ტერიტორიის მომზადებისთვის  11 430 ლარია გამოყოფილი, უშუალოდ მშენებლობისთვის კი- 81 828 ლარი.  საფინანსო სამსახურის უფროსის მიერ ხელმოწერილი  განმარტებითი ბარათის მიხედვით,  ირკვევა, რომ რეგიონებში გასახორციელებელი  პროექტების ფონდიდან  გამოყოფილი თანხა  324 265 ლარით შემცირდა, აქედან ეს შემცირება გახორციელდება სახელმწიფო ფონდის, მათ შორის  წყლის სისტემის რეაბილიტაციის, საცხოვრებელი და არასაცხოვრებელი ექსპლუატაცია-რეაბილიტაციის, ასევე, გზების რეაბილიტაციის თანხების შემცირების ხარჯზე.  ამის გარდა, გზების სარეაბილიტაციო სამუშაოები  სახელმწიფო ფონდის ხარჯზე  22 086 ლარითაა შემცირებული. საფინანსო სამსახურის მიერ ბიუროს სხდომაზე წარმოდგენილი განმარტებების მიხედვით, გაირკვა, რომ ადგილობრივი ბიუჯეტის თავისუფალი ნაშთის ხარჯზე  მერია გეგმავს  ხუთი ათასი ლარით გაზარდოს გზის მიმდინარე სამუშაოების დაფინანსება, ხოლო ვიდეო კამარების ინსტალაციისთვის  763 ლარი გამოყოს. ამავე თანხიდან, სახელოვნებო სკოლათა გაერთიანების მოთხოვნის საფუძველზე, დამატებით ოთხი ათასი ლარი უნდა მიიმართოს    სამხატვრო სკოლის შტატგარეშე მუშაკთა დასაფინანსებლად.  სპორტული ღონისძიებების დასაფინანსებლად კი _ 1 100 ლარი. გარდა ბიუჯეტში დაგეგმილი ცვლილებებისა, ბიუროზე  საკრებულოს სხდომისთვის სხვა რიგი საკითხებიც წინასწარ მოთელეს დეპუტატებმა. როგორც გაირკვა,  ცვლილება შეეხება ლანჩხუთის საკრებულოს სივრცით-ტერიტორიული დაგეგმარებისა და ინფრასტრუქტურის კომისიის შემადგენლობის დამტკიცების შესახებ განკარგულებას. ასევე, ცვლილება შედის საკრებულოს 2019 წლის 28 მარტის N18 განკარგულებაში „ლანჩხუთის მუნიციპალიტეტის ქონების საპრივატიზაციო ობიექტების ნუსხისა და ლანჩხუთის მუნიციპალიტეტის ქონების პრივატიზაციის გეგმის დამტკიცების შესახებ“. საკრებულოს სხდომის გამართვამდე კი ამ საკითხების კიდევ ერთხელ გავლა მოუწევთ დეპუტატებს დარგობრივ ... ...
  • "შეინახეთ კადრები, სადაც სალია ამბობს სარედაქციო პოლიტიკა არ შეიცვლებაო და შემდეგ გავახსენოთ"ძალიან გთხოვთ, შეინახოთ ის კადრები, სადაც სალია ამბობს რომ არხის სარედაქციო პოლიტიკა არ შეიცვლება , _ ამის შესახებ მედიაექსპერტმა ნინია კაკაბაძემ ჟურნალისტებთან ისაუბრა. კაკაბაძის თქმით, პაატა სალია ასე იტყვის რამდენიმე თვის განმავლობაში, თუმცა მათი მთავარი მიზანი სარედაქციო პოლიტიკის შეცვლაა.  "ბუნებრივია, რომ ამას იტყოდა პაატა სალია პირველ დღეს. მეტსაც გეტყვით, ამას იტყვის ერთი თვე, ორი თვე, რომ სარედაქციო პოლიტიკის შეცვლას არ აპირებს, მაგრამ ეს განცხადება, ცხადია, ღიმილის მომგვრელია, რბილად რომ ვთქვათ. რისთვის იბრძოდნენ ისინი?- იბრძოდნენ იმისთვის, რომ შეცვლილიყო ამ არხის სარედაქციო პოლიტიკა. ამას ჩვენ ერთად ვნახავთ. ძალიან გთხოვთ, შეინახოთ ის კადრები, სადაც სალია ამბობს რომ არხის სარედაქციო პოლიტიკა არ შეიცვლება და შემდეგ გავახსენოთ. საბედნიეროდ, გვაქვს უკვე საკმაო მასალა, სადაც ის ამ პოზიციას აფიქსირებს",- თქვა კაკაბაძემ ... ...
  • გრიგორი კარასინი - საქართველოს მიმართ ღვინოზე სანქციების დაწესების თემა დახურულიასაქართველოსთვის ღვინოზე სანქციების დაწესების თემა დღეს დახურულია, - განაცხადა რუსეთის საგარეო საქმეთა მინისტრის მოადგილემ გრიგორი კარასინმა. „რუსეთში, რომელსაც მრავალი წელია თვითონაც სანქციები აქვს დაწესებული, მსგავსი შემზღუდავი ზომების გამოყენებას სხვა ქვეყნების მიმართ ცდილობენ ფრთხილად მოეკიდონ. საქართველოში მიმდინარე მოვლენების ფონზე ივნისის ბოლოს - ივლისის დასაწყისში სახელმწიფო სათათბიროში რუსეთში ქართული ღვინისა და მინერალური წყლის იმპორტის აკრძალვის საკითხი განიხილებოდა. მაგრამ რუსეთის ფედერაციის პრეზიდენტმა თავშეკავებისკენ და გააზრებული მიდგომისკენ მოგვიწოდა. დაგვავალა გვეხელმძღვანელა ჩვენი ინტერესებით და „ქართველი ხალხის მიმართ პატივისცემით“. ასე რომ, დღეისთვის ღვინის სანქციების თემა საქართველოს მიმართ დახურულია“, _ განაცხადა კარასინმა „რია ნოვოსტისთან“ ... ...

არქივი

ზაფრანი

ახალგაზრდობის შენარჩუნებისთვის

ჰარვარდის უნივერსიტეტის ექიმები, დევიდ სინკლერის...

ქსოვა სტრესს ხსნის

ექიმები ქსოვას ნამდვილ წამალს უწოდებენ,...

რაზე მეტყველებს ადამიანის ნაწერი

სპირალი, წრეები - სხვების პრობლემები...

რა უნდათ ქალებს მამაკაცებისაგან?

მამაკაცები ხშირად ამბობენ, რომ ვერ...

კითხვები, რომელიც აფრთხობს მამაკაცს

მამაკაცები მეტად მგრძნობიარე და ადვილად...

ქალმა არ მოინდომოს თორემ...

ძალიან ბევრი ფიქრობს, რომ ქალმა...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...