ვინ გატეხა "კაცური სიტყვა" ოზურგეთის საარჩევნო შტაბში

მთავარი თემა

ვინ გატეხა "კაცური სიტყვა" ოზურგეთის საარჩევნო შტაბში

2013 ოქტ 22 14:34:20
პრემიერ-მინისტრის ბიძინა ივანიშვილის თანაკურსელი, პარტია "ქართული ოცნება _ დემოკრატიული საქართველოს" რაიონული ორგანიზაციის თავმჯდომარე დავით დარჩია დაინიშნა.

დარჩიას კანდიდატურას ამ პოსტზე მხარს არ უჭერდნენ კოალიციაში შემავალი პარტიების ადგილობრივი ლიდერები, თუმცა, დასავლეთ ზონის კოორდინატორი ლაშა სამხარაძე და გურიის საარჩევნო შტაბის ხელმძღვანელი გოჩა მეგრელიშვილი პარტიების ლიდერებს, ასევე, დავით დარჩიას და მაჟორიტარ დეპუტატს ზვიად კვაჭანტირაძეს ამ პრობლემის მოსაგვარებლად კვაჭანტირაძის სახლში შეხვდნენ და შეთანხმებაც შედგა,

"გურია ნიუსის" ინფორმაციით, მაშინ, პარტიების ლიდერებმა სამხარაძესა და მეგრელიშვილს გარკვეული საკითხების მოგვარება მოთხოვეს; ისინიც შეპირდნენ, რომ მათ მოთხოვნებს ცენტრალურ შტაბში დააყენებდნენ. კოალიციაში შემავალი პარტიების ლიდერებმა ცენტრალური შტაბის უფროსის სახელზე მიმართვა დაწერეს, თანაც, ყველამ ერთად, "კაცური სიტყვა" დადო, რომ ამ ინფორმაციას არ გაასაჯაროებდნენ.

მიმართვა, რომელიც " ქართული ოცნების" საპრეზიდენტო კანდიდატისა და საარჩევნო შტაბის ხელმძღვანელის სახელზე უნდა მისულიყო, იმ განცხადების ანალოგიურია, რომელიც პარტიების ლიდერებმა რამდენიმე უწყებას გაუგზავნეს და რომელშიც გამგებლის მოვალეობის შემსრულებელს კოტე შარაშენიძეს სამართლებრივად და პოლიტიკურად არასწორი ქმედებების გახორციელებაში დებენ ბრალს. კოალიცია "ქართული ოცნების" წარმომადგენლებმა საქართველოს მთავარ პროკურორს არჩილ კბილაშვილს, პარლამენტის თავმჯდომარეს დავით უსუფაშვილსა და შს მინისტრს ირაკლი ღარიბაშვილს მიმართეს. დღეს ამასთან დაკავშირებით, საქმეს ოზურგეთის პროკურატურა იძიებს.

თუმცა, "კაცური სიტყვა" გატყდა და ცენტრალური შტაბისთვის გაგზავნილი მიმართვა, რამდენიმე დღის წინ, გაზეთ "რეზონანსში" გამოქვეყნდა პარტიების ლიდერების ხელმოწერებით. გამოქვეყნებულ მიმართვაზე არ არის მაჟორიტარი დეპუტატის _ ზვიად კვაჭანტირაძის ხელმოწერა.

რესპუბლიკური პარტიის ოზურგეთის ორგანიზაცის კომიტეტის თავმჯდომარე ტიფო მიქატაძე:

_ ჩვენ, "რესპუბლიკელები", კოალიცია "ქართულ ოცნებაში" მნიშვნელოვანი საკითხების მიმართ პრინციპულად განსხვავებული დამოკიდებულებების გამო, საპრეზიდენტო არჩევნების ოზურგეთის შტაბში მონაწილეობას არ ვიღებთ, ამ უთანხმოების შესაძლო გარღმავების თავიდან ასაცილებლად და ჩვენი საერთო საარჩევნო შედეგის ინტერესების გათვალისწინებით, არჩევნების დასრულებამდე ვერიდებით მიმდინარე მოვლენების ირგვლივ ჩვენი პოზიციის დაფიქსირებასა და განცხადებების გაკეთებას, ამიტომ შევეცდები ვთქვა მხოლოდ ის, რაც ამ მიზანს არ დააზიანებს და თან, აღნიშნული მიმართვის გასაჯაროების შემდეგ, ნაწილობრივ მაინც დააკმაყოფილებს თქვენი და საზოგადოების ინტერესებსაც _ უკვე ყველაფრის მალვა სულელურ მდგომარეობაში ჩაგვაყენებს. ამჯერად დავსვამ მხოლოდ შეკითხვებს, რომელიც გამიჩნდა მედიაში გამოქვეყნებული მასალის გაცნობის შემდეგ: პირველი, ვინ მიაწოდა მედიის წარმომადგენლებს ეს დოკუმენტი, რომელიც, მასზე ხელმომწერთა შეთანხმებით, არ უნდა გასაჯაროებულიყო? ვინ დაარღვია ეს პირობა? გაკეთდა თუ არა დოკუმენტის ქსეროასლები და ვისთვის?

არ დაგიმალავთ, ჩვენს შორის პოლიტიკური ინტრიგების ხლართვით დაკავებული ადამიანებისთვის საბაბი რომ არ მიმეცა, შეგნებულად არ მოვითხოვე ჩემთვის დოკუმენტის ქსეროასლის დამზადება, თანაც, როგორც გითხარით, იგი არ უნდა გასაჯაროებულიყო, რაც იმავდროულად ნიშნავდა იმასაც, რომ მისი ქსეროასლები არ უნდა ჰქონოდა ვინმეს, ხელისმომწერებსაც კი.

ამიტომ, ინფორმაციის მედიისთვის მიმწოდებელი, ბუნებრივია, უნდა ვეძებოთ მხოლოდ მათ შორის, ვისაც ეს დოკუმენტი ხელთ ეპყრა და ვისაც დაევალა დოკუმენტის ადრესატამდე მიტანა.

_ და ვის ეპყრა ხელთ ეს დოკუმენტები?

_არჩევნებამდე თავს შევიკავებ კონკრეტული გვარების დასახელებისგან, თუმცა, აშკარაა, რომ მათ, ვისაც მეტი პასუხისმგებლობა აკისრიათ რეგიონსა და ცენტრს შორის პოლიტიკურ და საარჩევნო ურთიერთობაში არ ან ვერ შეძლეს წერილის სათანადო "პატრონობა" და ჩვენს მიერ დაყენებული მოთხოვნების შესრულების ხელშეწყობა.

მეორე _ საინტერესოა, რატომ არ აქვს წერილს ოზურგეთის მაჟორიტარი დეპუტატის ზვიად კვაჭანტირაძის ხელმოწერა? მიუხედავად იმისა, რომ მედიის ფურცლებზე ის ეთანხმება წერილის შინაარსსა და მოთხოვნებს, მისი ხელმოწერა არ ფიქსირდება, რატომ შეცვალა მან გადაწყვეტილება?

მესამე _ დოკუმენტის " ხელთმპყრობელთაგან" ვის "აწყობდა" და რა მიზანს ემსახურებოდა მისი საქვეყნოდ გაცხადება? აქ უკვე რამდენიმე ვერსია შეიძლება იყოს, თუმცა, დიდი არჩევანიც არ არის.

ზემოთ თქმული და ის, რაც ამჯერად არ ითქვა, მაფიქრებინებს, რომ წერილის შექმნა, მასზე ხელმოწერების დაფიქსირება თუ არდაფიქსირება, შემდგომ განვითარებული მოვლენები _ წერილის პოლიტიკურ ცენტრში ჩატანა-არჩატანა, მისი პატრონობა-არპატრონობა, მედიისთვის გადაცემა, რეალურად მიმართული იყო ამ პროცესში ჩართული ცალკეული ადამიანების წინააღმდეგ და მათ უფრო დასაპირისპირებლად. ვის აწყობდა ეს? რა თქმა უნდა, ყველა ამ კითხვაზე ჩემეული მოსაზრებები მაქვს, მაგრამ, როგორც გითხარით, არჩევნებამდე თავს შევიკავებდი ამისგან, თუმცა, ერთი პოპულარული ქართული ფილმის არ იყოს, "ამ ქალაქში ქურქის ქურდი ძნელი საძებარი არ უნდა იყოს".

"ქართული ოცნების" გურიის შტაბის ხელმძღვანელი გოჩა მეგრელიშვილი ადასტურებს ინფორმაციას იმასთან დაკავშირებით, რომ ოზურგეთში კოალიციაში არის დაპირისპირებები, მიმართვა მართლაც დაიწერა, თუმცა ადრესატამდე, სავარაუდოდ, ზვიად კვაჭანტირაძეს უნდა მიეტანა და ის არაფერ შუაშია:

_ იყო და ახლაც არის ჯგუფური დაპირისპირებები, თუმცა, პირობა დავდეთ და კაცური სიტყვა ვუთხარით ერთმანეთს, რომ ეს ამბავი არსად გავიდოდა და ვაკეთებთ ამ საქმეს ერთად, მუშაობენ კოალიციის წევრები, გარდა ბატონი ტიფოსი, რომელმაც დემონსტრაციულად დატოვა შტაბი. მედიაში საუბარი და ასე ტალახის სროლა ერთმანეთის მიმართ ჩემთვის მიუღებელია, ამას ჯობია, პიროვნულად გაარკვიონ ურთიერთობები. რა წერილი უნდა მიმეტანა ცენტრალურ შტაბში? მე რა, ფოსტალიონი ვიყავი?! არავის წერილების მიმტანი არ ვარ არავისთან, რატომ უნდა მიმეტანა?!

_ ბატონო გოჩა, ზვიად კვაჭანტირაძე ამბობს, რომ ეს განცხადება თქვენ უნდა მიგეტანათ ცენტრალურ შტაბში...

_ მე წერილის მიუტანლად მქონდა ცენტრალურ შტაბში ამაზე საუბარი. ვთქვი, რომ იქ არის გაურკვევლობა, არ არის ერთსულოვნება, სამი თუ ოთხი ჯგუფია სულ სხვანაირად მოაზროვნე. მე ამათ მომრიგებელ-მოსამართლედ, არც გამგებლის მოსახსნელად და არც დასანიშნად არ ჩამოვსულვარ. მაქვს არჩევნების საკითხი ჩაბარებული, რომელსაც მივიყვან ბოლომდე. გარკვეული დაძაბული ფონის შესახებ განვაცხადე, მაგრამ წერილის თუ კონვერტის ჩასაგდებად არსად წავსულვარ.

_ თქვენ არ ადასტურებთ იმ ინფორმაციას, რომ ეს წერილი თქვენ გქონდათ?

_ არ ვადასტურებ, რადგან ნამდვილად არ მქონია. რაიონის საჭირბოროტო საკითხებზე ზრუნვა დეპუტატს ევალება და თუ მისატანი იყო წერილი სადმე, დეპუტატი მშვენივრად მოახერხებდა ამას. მე რატომ უნდა წამეღო? _ გვითხრა მეგრელიშვილმა.

"ქართული ოცნება_ დემოკრატიული საქართველოს" დასავლეთის ზონის კოორდინატორი ლაშა სამხარაძე მიმართვის არსებობას საერთოდ უარყოფს:

_ აზრზე არ ვარ, რა წერილზე და მიმართვაზეა საუბარი, არ ვფლობ ინფორმაციას!

ოზურგეთის მაჟორიტარი დეპუტატი პარლამენტში ზვიად კვაჭანტირაძემ "გურია ნიუსთან" თავდაპირველად თქვა, რომ ეს განცხადება მას თვალად არ უნახავს და წერილი თბილისში სამხარაძემ და მეგრელიშვილმა წაიღეს, თუმცა, მალევე ამბობს, რომ წერილის ორიგინალი მას ირინა იმერლიშვილმა გააცნო:

_ მე ეს განცხადება რომ მენახა, ხელს მოვაწერდი; მე ხელი არ მომიწერია... ეს განცხადება თბილისში გოჩა მეგრელიშვილმა და დასავლეთის ზონის კოორდინატორმა ლაშა სამხარაძემ ჩამოიტანეს და მათ უნდა ჩაებარებინათ ცენტრალურ შტაბში.

_ გოჩა მეგრელიშვილი აცხადებს, რომ მას ეს წერილი არ ჰქონია...

_ ამას გოჩა ვერ იტყვის, შენ ელაპარაკე და ასე გითხრა? ეს განცხადება ნამდვილად დაიწერა, გოჩა მეგრელიშვილს და ლაშა სამხარაძეს კი უნდა ჩამოეტანათ ცენტრალურ შტაბში, თუმცა, მე ამის შესახებ ვიცოდი. იმის შესახებაც ვიცოდი, რომ განცხადება მზადდებოდა, განცხადების ორიგინალი კი გადმომცა ირინა იმერლიშვილმა და გამაცნო; მე ამას მთელი პასუხისმგებლობით ვამბობ.

_ ბატონო ზვიად, აცხადებთ, რომ საქმის კურსში იყავით და ეთანხმებით მათ მოსაზრებებს. მაშინ რატომ არ მოაწერეთ ხელი?

_ იმიტომ, რომ ოზურგეთში არ ვიყავი; მე რომ წავედი, მეორე დღეს დაიწერა ეს განცხადება.

_ ბატონო ზვიად, შეიძლებოდა თუ არა ეს განცხადება თქვენ მიერ გასაჯაროებულიყო?

_ რა თქმა უნდა, ეს განცხადება ჟურნალისტებთან ჩემი ხელიდან არ მომხდარა. მაგრამ ვისი ხელით მოხვდა, პრინციპში, ამას რა დიდი მნიშვნელობა აქვს?! მით უმეტეს, თუ იმ პერიოდში ამ განცხადებას ვუერთდებოდი? დასამალავად მინდოდა? ამას ვამბობ ღიად. ხელმოწერა არ არის, თორემ მე სიტყვიერად ვუერთდები განცხადების ავტორებს. შენ რატომ გამოგაქვს ასეთი დასკვნა, რომ მე თუ ხელი არ მაქვს მოწერილი, ჟურნალისტებთან მე მივიტანე ეს განცხადება? მიმაჩნია, რომ არჩევნებამადე იმაზე საუბარი რაც ამ განცხადებაშია, მიზანშეუწონელია. მე ყოველთვის დავეთანხმები კოალიციის მოსაზრებას და მის გვერდით დავდგები ყოველთვის.

"გურია ნიუსი" "ქართული ოცნება _ დემოკრატიული საქართველოს" პოლიტიკურ მდივანს ირინა იმერლიშვილს დაუკავშირდა, რომელმაც ჩვენთან საუბარში უარყო მსგავსი მიმართვის შესახებ ინფორმაცია და ისიც, რომ მან ამ წერილის შინაარსი გააცნო ზვიად კვაჭანტირაძეს.

_ ირინამ გამაცნო წერილის შინაარსი თბილისშიო? არა, არა! მე როგორ გავაცნობდი, ჩემს სახელზე იყო განცხადება? არც შტაბის ხელმძღვანელი ვარ, ხომ? მე რა შუაში ვარ? ეს განცხადება თვალით არ მინახავს, შესაბამისად, ჩემს ხელში ვერ მოხვდებოდა.

_ ქალბატონო ირინა, თქვენ ამ მიმართვასთან დაკავშირებით ინფორმაციას არ ფლობთ?

_ მე უნდა ვიცოდე?

_ ქალბატონო ირინა, თქვენ ამბობთ, რომ არ იცით არაფერი, ბატონი ზვიად კვაჭანტირაძე კი აცხადებს, რომ ეს განცხადება მას თქვენ გააცანით...

_ კიდევ ერთხელ გეტყვით, რომ განცხადება, რომელიც არ არის ჩემს სახელზე, ცხადია, ჩემთან ვერ მოხვდებოდა.

ირინა იმერლიშვილთან სატელეფონო საუბრის შემდეგ, რამდენიმე წუთში დაგვირეკა ზვიად კვაჭანტირაძემ და გაგვიცხადა, რომ თურმე, ეს წერილი მას ირინა იმერლიშვილმა კი არა, ელექტრონული ფოსტით ლაშა სამხარაძემ გააცნო.

_ ირინამ დამირეკა და ახლა გამახსენა დეტალები; ეს წერილი ჩემთვის მას არ მოუწოდებია. ეს წერილი გადმომიგზავნა ლაშა სამხარაძემ იმეილით. არა, მართლა არაფერ შუაში არაა ირინა ამ კონკრეტულ შემთხვევაში, რა თქმა უნდა, _ გვითხრა ზვიად კვაჭანტირაძემ.

ჩვენ კომენტარი ვთხოვეთ "ქართული ოცნება _ დემოკრატიული საქართველოს " ოზურგეთის ორგანიზაციის თავმჯდომარეს დავით დარჩიას, რომელიც ამბობს, რომ მიმართვაზე მის მაგივრად სხვისი ხელმოწერაა.

_ ამ განცხადებაზე მე არ მომიწერია ხელი და საიდან აღმოჩნდა ჩემი ხელმოწერა ზედ, ნამდვილად არ ვიცი.

_ სხვამ მოაწერა თქვენს მაგივრად ბატონო დავით?

_ რა ვიცი მე, ან მაგას რა მნიშვნელობა აქვს?! არ ვეძებ, სხვათა შორის... ჩემი პოზიცია ამასთან დაკავშირებით ცალსახაა, ცნობილია და მთელმა საქართველომ იცის ჩემი დამოკიდებულება კოტე შარაშენიძის მიმართ. მე ხელი არ მომიწერია. სწავლობს პროკურატურა ამ ადამიანის საქმიანობას და რა ხდება ამასთან დაკავშირებით ნამდვილად ვერ გეტყვით. მე ერთი ის ვიცი, რომ ასეთი განცხადებით გამგებლის მოხსნა არ შეიძლება, ეს, ორჯერ ორი რომ ოთხია, ისეა და ხომ უნდა ვიცოდეთ?!




 ახალი ამბები
  • საქართველოში კარანტინი და კომენტადის საათი ამოქმედდებახვალ, დილის რვა საათიდან, საქართველოს მასშტაბით, საკარანტინო რეჟიმი  ამოქმედდება. ამის შესახებ საქართველოს პრემიერ-მინისტრმა, გიორგი გახარიამ, ბრიფინგზე განაცხადა. „მივიღეთ გადაწყვეტილება საგანგებო მდგომარეობის ფარგლებში ზომების მნიშვნელოვანი გამკაცრების შესახებ. ჩვენ ვაცხადებთ ფაქტობრივად საყოველთაო კარანტინს, რომელიც ხვალ, დილის 08:00 საათიდან დაიწყება“, – განაცხადა გიორგი გახარიამ. ამასთან, იმოქმედებს კომენდანტის საათიც 21:00-დან დილის ექვს ... ...
  • ბანკის რიგი ჩოხატაურში_ იცავენ თუ არა დისტანცირებასხალხმრავლობაა დღეს ჩოხატაურში, ლიბერთი ბანკის ფილიალთან. მიუხედავად გაფრთხილებისა, რომ ხალხმა ერთმანეთთან სოციალური დისტანცია უნდა შეინარჩუნოს და 2 მეტრის მოშორებით დადგეს, აღნიშნული პირობა ფილიალის გარე პერიმეტრზე დაცული არ იყო. „გურია ნიუსი“ დაინტერესდა, რატომ არაა დაცული სოციალური დისტანცია და ამ საკითხზე ჩოხატაურის ლიბერთი ბანკის ფილიალის მმართველს, ლაშა ასათიანს გაესაუბრა. „ფილიალში ვუშვებთ 3-3, 4-4 კაცს, რომ შიგნით რიგი არ იყოს. გარეთ პერიმეტრზე დილიდან დგას სამი პოლიციელი, ბანკის ერთი თანამშრომელი და არეგულირებენ რიგს. დილიდან რიგი იყო, მაგრამ სოციალური დისტანცირებას შეძლებისდაგვარად ვიცავდით,“ _ გვითხრა ჩოხატაურის ლიბერთი ბანკის ფილიალის მმართველმა.   ... ...
  • "მეზობლები ვართ უნდა დავეხმაროთ ერთმანეთს": აფხაზეთიდან სამკურნალოდ ზუგდიდში მოდიანოკუპირებულ აფხაზეთში ახალი კორონავირუსის გავრცელების საშიშროებაზე ადგილობრივი მედია დიდი ხანია საუბრობს, თუმცა ე.წ. ოფიციალური სამთავრობო წარმომადგენლობა სიტუაციას სერიოზულად არ აღიქვამდა. მხოლოდ ბოლო ერთი კვირის განმავლობაში მიიღო დე ფაქტო ხელისუფლებამ შესაბამისი ზომები. ამ დროისათვის რეგიონში ჩაკეტილია ე.წ. საზღვრები, გამოცხადებულია საგანგებო მდგომარეობა, ხოლო გალის რაიონში კომენდანტის საათია ამოქმედებული. ადგილობრივი მოსახლეობის ნაწილი, სოციალურ გვერდზე წერდა, რომ იქაური ხელისუფლება ვითარებას შესაბამისად ვერ აფასებდა და ვირუსის შესაძლო გამავრცელებლად რუსეთიდან დაბრუნებულ მოქალაქეებს ასახელებდნენ. ოფიციალური ინფორმაციით, ოკუპირებულ აფხაზეთში ახალი კორონავირუსით დაავადებულთა არც ერთი შემთხვევა არ დაფიქსირებულა, თუმცა სხვა სტატისტიკაზე საუბრობს ადგილობრივთა ნაწილი.“ომის შემდეგ დანგრეული საავადმყოფოების არც აღდგენა მომხდარა და არც ახალი აუშენებიათ. ძველი თაობის ექიმები უკვე თითქმის აღარ დარჩნენ. ახალი თაობიდან, ვისაც საშუალება ჰქონდა სამედიცინო განათლება მიეღოთ, რუსეთში წავიდნენ, მაგრამ უმრავლესობა აფხაზეთში არ დაბრუნებულა. თუ ვინმეს ჯანმრთელობის პრობლემა გვქონია ამ დროის განმავლობაში, ყველა საქართველოში გადავდიოდით. მკურნალობა უფრო იაფია და ზოგ შემთხვევაში უფასოც. ახლაც იგივე მოხდება. ყველა მიაწყდება ზუგდიდს. ოჩამჩირის და გალის რაიონის მოსახლეობა ზუგდიდში გადავა. ჩემი ნათესავებიც ცხოვრობენ სენაკში, დამირეკეს და შემომთავაზეს წასვლა. ალბათ წავალ, მაგრამ ჯერ დაველოდები სიტუაციას” – მარინა გ. აფხაზი პედაგოგი. რეგიონში არასათანადო სამედიცინო მომსახურეობაზე საუბრობს ოჩამჩირის ბროლის საწარმოს ყოფილი თანამშრომელი. ემზარ კ. წერს, რომ ჯერ კიდევ თებერვლის ბოლო რიცხვებში რეგიონში არაერთი შემთხვევა იცის, როდესაც ექიმები უცხო დაავადებას გრიპის ვირუსის ახალ ფორმად მიიჩნევდნენ და პაციენტი იზოლაციაში ჰყავდათ. მისი განმარტებით, ე.წ. ადგილობრივი ხელისუფლება ინფორმაციას კორონავირუსზე მალავს და, ამ დროის მდგომარეობით, არსებული სამედიცინო დაწესებულებები პაციენტებს ვერ იტევენ.“ჯერ გვითხრეს, რომ ვისაც გრიპის ნიშნები გვქონდა, სახლში უნდა დავრჩენილიყავით. მერე გამოაცხადეს, რომ სიმპტომების შემთხვევაში სამედიცინო დაწესებულებისთვის მიგვემართა. მივედით და გვითხრეს, ადგილები არ გვაქვსო. ვიცი, ნანახი მაქვს საავადმყოფო შიგნიდან, არც პალატებია, არც შესამაბისი ინვენტარი, მხოლოდ გარედან შეღებეს, შიგნით ისევ ისეთივე დანგრეულია. მქონდა შემთხვევა, როდესაც სახსარზე ოპერაცია დამჭირდა, აქ შესაბამისი ქირურგი არ გვყავდა და თბილისში წავედი. ოპერაცია და მკურნალობა უფასოდ ჩამიტარდა. ომის დროს არ ვიბრძოდი არც ერთ მხარეს, ფიზიკური მდგომარეობა ხელს არ მიწყობდა, ამიტომ არ მერჩიან აფხაზები. საქართველოშიც ჩვეულებრივად გადავდივარ. ახლაც ვაპირებ, რომ გადავიდე და დროებით რომელიმე ნათესავთან ვიცხოვრო. აქ საშიშია” – ემზარ კ. “მეზობლები ვართ და უნდა დავეხმაროთ ერთმანეთს, მაგრამ ეს არ ნიშნავს იმას, რომ აქ არ გვაქვს საავადმყოფო. არის კლინიკები და კარგი ექიმებიც არიან, მაგრამ შემთხვევები თუ გაიზარდა, ჩემი აზრით, არ იქნება საკმარისი, ამიტომ ჩვენც საქართველოში გადავალთ. ჩვენ ერთმანეთს არ ვეომებით. ჩვენგან მიაქვთ ბევრი პროდუქტი, ჩვენც მოგვაქვს ზუგდიდიდან რაღაცეები. შვილიშვილებს ზუგდიდში წავიყვან ნათესავებთან” – ირმა მ. გალის მკვიდრი. ... ...
  • მოქალაქეთა მონაცემების ჰაკერულ საიტზე განთავსების შესახებ ინფორმაციაზე ცესკო განცხადებას ავრცელებსჰაკერების მიერ 4,9 მილიონზე მეტი ამომრჩევლის პერსონალური მონაცემების გასაჯაროების თაობაზე, ცენტრალური საარჩევნო კომისია აცხადებს, რომ გამოქვეყნებული მონაცემები, რადიკალურად განსხვავდება საარჩევნო ადმინისტრაციის პორტალზე განთავსებული ამომრჩეველთა სიის მონაცემებისგან. როგორც ცესკო-ში განმარტავენ, ცენტრალური საარჩევნო კომისიის პორტალზე დაახლოებით 3,5 მილიონი ამომრჩევლის შესახებ არის ინფორმაცია მოცემული, რომელშიც არ შედის ინფორმაცია გარდაცვლილთა შესახებ. „ცესკო-ს, ამომრჩეველთა სიის ფორმირების მიზნებისთვის, არ გადმოეცემა და შესაბამისად, ამომრჩეველთა მონაცემების ბაზაში არც ფლობს ინფორმაციას ამომრჩევლის მამის სახელის, ტელეფონის ნომრისა თუ პირადობის მოწმობის ნომრის შესახებ. ზემოაღნიშნულიდან გამომდინარე ვაცხადებთ, რომ ჰაკერულ საიტზე გამოქვენებული ინფორმაცია, რომელსაც ცესკო არ ამუშავებს და ამასთან, მონაცემთა ბაზა, როგორც მონაცემებით, ისე ფორმატით და ბაზის სტრუქტურით განსხვავდება საარჩევნო ადმინისტრაციის ხელთ არსებული ინფორმაციისგან. დამატებით აღსანიშნავია, რომ ამ ეტაპისთვის ცესკოში კიბერინციდენტი არ გამოვლენილა და ამასთან, გადამოწმებამ აჩვენა, რომ ჰაკერულ საიტზე განთავსებული პირადი ნომრები და მისამართები არ ემთხვევა ცესკო-ს ამომრჩეველთა ბაზის მონაცემებს. აღსანიშნავია, რომ საინფორმაციო ტექნოლოგიური უსაფრთხოების საკითხთან მიმართებაში ცესკო-მ სწორედ დღეს მიიღო განკარგულებით გადაწყვეტილება 1 489 611.86 აშშ დოლარის ღირებულების მხარდაჭერის მიღებაზე, რომელიც აშშ-ს მთავრობის დახმარების ფარგლებში, დონორი ორგანიზაციის აშშ-ს საერთაშორისო განვითარების სააგენტოს (USAID) მეშვეობით საარჩევნო სისტემების საერთაშორისო ფონდის (IFES) მიერ განხორციელდება და რომელიც მიზნად ისახავს საარჩევნო ადმინისტრაციის საინფორმაციო ტექნოლოგიური და კიბერუსაფრთხოების მხარდაჭერას“,- აღნიშნულია ცესკო-ს მიერ გავრცელებულ ... ...
  • მიიღებენ თუ არა გურიაში, სამეგრელოს მსგავსად, მკაცრ ზომებსსაქართველოში კორონავირუსით ინფიცირებულთა რიცხვი დღითიდღე იზრდება. სამეგრელოში გამკაცრდა მოქმედი საგანგებო მდგომარეობის ფარგლებში დაწესებული შეზღუდვები, ბოლნისი და მარნეული კი დაიკეტა. საზოგადოების მაღალი ინტერესიდან გამომდინარე, გურიის გუბერნატორს, ზურაბ ნასარაიას მივმართეთ კითხვით_ ხომ არ არის მოსალოდნელი გურიაში, სამეგრელოს მსგავსად, მკაცრი ზომების მიღება? „გურიის რეგიონის სამივე მუნიციპალიტეტში კორონავირუსის გავრცელების პრევენციული ღონისძიებები ინტენსიურად მიმდინარეობს. ქალაქსა და სოფლებში მკაცრი კონტროლისათვის ხდება მოსახლეობის ინფორმირება და მოწოდება სახლში დარჩენის, დისტანციის დაცვისა და რეკომენდაციების გათვალისწინებისკენ. ბანკებთან, ბანკომატებთან და სავაჭრო ობიექტებთან ხალხმრავლობის თავიდან აცილებას და ვაჭრობისას მოქალაქეების დისტანცირების ორგანიზებას მოხალისეთა ჯგუფები ახდენენ. რაც შეეხება, ისეთივე ზომების მიღებას, რაც სამეგრელოში ხდება, აუცილებლობის შემთხვევაში ჩვენ მზად ვართ გავატაროთ შესაბამისი ღონისძიებები“,_ გვიპასუხა გუბერნატორმა. შეგახსენებთ, რომ სამეგრელოს რეგიონში ქვეყანაში მოქმედი საგანგებო მდგომარეობის ფარგლებში  დაწესებული შეზღუდვების აღსრულება გამკაცრდა. კერძოდ, დამატებით ბლოკ-პოსტები დგას რეგიონის, მუნიციპალიტეტების შესასვლელებში და გაძლიერებული საპოლიციო ძალები, ანუ ეკიპაჟები მკაცრად აკონტროლებენ საავტომობილო ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...