წიგნების სკანდალი _ დაიბარებენ თუ არა მარგველაშვილს და აბაშიძეს სასამართლოში?

მთავარი თემა

წიგნების სკანდალი _ დაიბარებენ თუ არა მარგველაშვილს და აბაშიძეს სასამართლოში?

2013 ნოე 7 09:45:31

საქმე ეხება მარგველაშვილის განათლების მინისტრად მუშაობის პერიოდს. გამომცემლები საქართველოს პრეზიდენტს ინტელექტუალური საკუთრების ხელყოფაში ადანაშაულებენ. შვიდმა გამომცემელმა საკონსტიტუციო სასამართლოში შეიტანა სარჩელი, ხოლო 4 გამომცემელი თბილისის საქალაქო სასამართლოში ადმინისტრაციული წესით ითხოვს საქმის განხილვას, ერთ გამომცემელს კი სამოქალაქო სარჩელი აქვს შეტანილი. "დიოგენე," "ინტელექტი," "ლოგოსპრესი" და სხვა 15-მდე  გამომცემლობა სახელმწიფოსგან მიყენებული და მოსალოდნელი ზარალის ანაზღაურებას ითხოვს, რომელიც მილიონობით ლარს აჭარბებს.

" 20 წელიწადია, გამომცემლობები სასკოლო სახელმძღვანელოების ბაზარზე არიან ჩართულები. მაშინ, როდესაც საქართველოში  მსოფლიო ბანკის მიერ დაფინანსებული განათლების რეფორმა დაიწყო, რომელიც უამრავ სხვა საკითხთან ერთად ალტერნატიული სახელმძღვანელოების შექმნას გულისხმობდა. სახელმძღვანელო ყველა საგანში ახალი პროგრამის მიხედვით უნდა დაწერილიყო. ამას  მთელი წლები მოუნდა. ეს არის ძალიან დიდი შრომა, როგორც ავტორების, ასევე გამომცემლების, სადაც იყო გარკვეული თამაშის წესები. ახლა რომ ამბობენ, თურმე არსებობდა გამომცემლობები, რომელიც მხოლოდ სასკოლო სახელმძღვანელოებზე მუშაობდა, დიახ განათლების სამინისტროდან  გვქონდა მოწვევა. გვეხვეწებოდნენ, შემოდით ამ ბიზნესშიო, იმიტომ რომ უზარმაზარი თანხა იდებოდა კერძო სექტორიდან. მაგალითად, იყო ასეთი წესი. სახელმძღვანელო გადიოდა აპრობაციას 100 ან 200 სკოლაში. ეს ნიშნავს, რომ გამომცემლობა საკუთარი ხარჯით  ბეჭდავდა სახელმძღვანელოებს. განათლების სამინისტროს შეჰქონდა ეს წიგნები საქართველოს სხვადასხვა სკოლაში, მთელი წლის განმავლობაში მასწავლებლები მუშაობდნენ ამ სახელმძღვანელოთი, ჰქონდათ შენიშვნები, ამას ითვალისწინებდნენ და ა.შ. ეს უზარმაზარი თანხა ჯდებოდა. ყველა ამას ვერ უძლებდა. " - განაცხადა "გურია ნიუსთან" გამომცემლობა "ინტელექტი"-ს დირექტორმა კახმედ კუდავამ.

_ ბატონო კახმედ, ეს იყო საპილოტე პროგრამა. რატომ მიდიოდნენ ამ რისკზე გამომცემლობები?

_ გეთანხმებით, სერიოზული რისკი იყო. მაგალითად,  ჩვენი 10 სახელმძღვანელო გადიოდა პილოტირებას. აქედან  5-6 სახელმძღვანელო თუ გავიდოდა პილოტირებას, ჩვენ მომდევნო წლებში გვეძლეოდა გრიფი 5-6 წლით. ამ ხარჯებს 6 წლის შემოსავალი თავისუფლად იტანდა.  ამ ბიზნესში მონაწილეობა მიიღო დაახლოებით 100-მდე გამომცემლობამ.  კონკურენციას ზოგმა ვერ გაუძლო, ზოგმა გაუძლო. საბოლოოდ,  20-მდე გამოცემა დარჩა.

_ თუმცა, წიგნების ფასი საკმაოდ მაღალი იყო.

_ ჩვენ შეზღუდული არ ვიყავით წიგნის ფასში. ამიტომ, ზოგჯერ წიგნის ფასი მაღალი იყო. ამას ჩვენც ვაღიარებთ. მაგრამ, ეს იყო ობიექტური მიზეზებიდან გამომდინარე. როდესაც დიმიტრი შაშკინი გახდა განათლების მინისტრი, მან გვთხოვა 1 წიგნის ღირებულებამ არ უნდა გადააჭარბოს 10 ლარსო. ეს უკვე გარკვეული შეზღუდვა იყო. კი ბატონო, მივიღეთ ეს შეზღუდვა. ვცდილობდით არ დაგვერღვია ეს პირობა. ხელშეკრულებაში მან ჩადო ერთი მუხლი_პრაქტიკულად განათლების სამინისტროს შეეძლო, დაებეჭდა ეს სახელმძღვანელოები იმ შემთხვევაში, თუ გამომცემლობა ფინანსური მოსაზრების გამო უარს იტყოდა ამ წიგნების გამოცემაზე, ან შეიქმნებოდა რამე დეფიციტი. ასეთ შემთხვევაში  სახელმწიფოს შეეძლო დაბეჭდა ეს სახელმძღვანელოები და გადმოერიცხა 10% სასტამბო ღირებულების. პრაქტიკულად ეს იყო კაბალური, ძალიან ცუდი ხელშეკრულება. მაგრამ, ჩვენ იძულებულები გავხდით ხელი მოგვეწერა ხელშეკრულებაზე. რადგან თუ ხელს არ მოაწერდი, სახელმძღვანელოს გრიფირების კონკურსში არ უშვებდნენ. სწორედ ამიტომ იძულებული გავხდით ხელი მოგვეწერა. მაგრამ, სანამ ხელს მოვაწერდით, რამდენიმე პირადი შეხვედრები გვქონდა განათლების მაშინდელ მინისტრთან, შაშკინთან მაშინ როდესაც, გიორგი მარგველაშვილი არცერთ გამომცემელს ალბათ სახეზე არ გვიცნობს. ხელი კაცს არ ჩამოურთმევია. ჯერ ერთი, შეურაცხმყოფელია, კაცი რომელიც პრეზიდენტობას აპირებს და ეშინია  20  გამომცემელს შეხვდეს, რომელსაც მთელი საქართველოს წიგნის პოლიტიკა უჭირავს. რატომ გეშინია, რატომ არ ხვდები ამათ?!

_რა იყო მიზეზი იმისა, რომ მარგველაშვილი არ შეხვდა გამომცემლებს?

_ნამდვილად ვერ ვიტყვი, რომ მარგველაშვილი უჭკუო კაცია. ის ძალიან ჭკვიანი ადამიანია. მას შეეშინდა ჩვენთან შეხვედრის, რადგან პირისპირ უნდა ეთქვა ის, რასაც  ტელევიზიით ამბობდა _ დიახ, ჩვენ წავართვით გამომცემლებს წიგნებიო.

ბოლოს უკვირდა, გაოცებული ვარ პროტესტის ასეთი სახითო. მთელი ერთი თვე არ ჩამოვიდნენ ტელევიზიის ნიუსებიდანო. მარგველაშვილს ეგონა, რომ ჩვენ რამე დანაშაული გვქონდა ჩადენილი და ამის გამო გავჩუმდებოდით. ჩვენი დანაშაული ის არის, რომ საქართველოს ბავშვებს მივეცით ევროპული დონის სახელმძღვანელოები.

_ სასკოლო წიგნის გამოცემის აკრძალვი "ინელექტს" რა ზარალი მიადგა?

_ თქვენ იცით, რომ შეტანილი გვაქვს სარჩელი საკონსტიტუციო და ადმინისტრაციულ სასამართლოში. წარდგენილი გვაქვს აუდიტორის დასკვნა, სადაც წერია განათლების მინისტრის ამ გადაწყვეტილებით რამდენი ფინანსური ზარალი მივიღეთ. ეს ზარალი მილიონებით განისაზღვრება. ჩვენ სახელმწიფოსგან ვითხოვთ მიყენებული ზარალის ანაზღაურებას. ეს იქნება შემდგარი ზარალი და მოსალოდნელი ზარალი. 400 000-ზე მეტი მოქმედი სახელმძღვანელო აწყვია "ინტელექტის" საწყობში. მაშინ, როდესაც მათ შეეძლოთ ეს სახელმძღვანელო ჩვენგან შეესყიდათ გონივრულ ფასებში, დაბეჭდეს ხელმეორედ. შესყიდვები დაავალეს სტამბებს.  ჩვენი ზარალი რამდენიმე მილიონ ლარს შეადგენს. ზოგიერთი გამომცემლობა კოტრდება.

_ განათლების სამინისტროს, რომელ წარმომადგენელთან გქონდათ საუბარი?

_ ჩვენ გველაპარაკებოდა ორი ადამიანი და მათთან გვქონდა რამდენიმე შეხვედრა. ეს იყო სამინისტროს შიდა აუდიტის ხელმძღვანელი ლაშა აბაშიძე და  ადმინისტრაციის უფროსი ვინმე ქებურია. მათ, ჩვენთან  ფასებზე საუბარიც არ ჰქონიათ.  გაოცებული ვარ, რადგან ამის გაკეთება შეიძლებოდა ძალიან მშვიდად, მოლაპარაკების გზით. მაგრამ, მათ უნდოდათ ხაზგასმით   საზოგადოებისთვის ძალა ეჩვენებინათ.  მანამდე თუ ხდებოდა წართმევა უძრავი ქონების, შენობების, მიწების, ეს არის პირველი შემთხვევა ინტელექტუალური საკუთრების წართმევის. ამიტომაც დაგვიჭირა მხარი ჩვენ ევროპულმა საზოგადოებამ, ფრანკფურტის წიგნის ბაზრობის წარმომადგენლებმა. 2014 წელს ჩვენ ვხდებით მასპინძელი ქვეყანა. ამიტომ მსოფლიო აკვირდება ამათ.

ახლა რომ იძახიან კერძო ბიზნესი უნდა დავიცვათო. ჩვენ არ ვართ კერძო ბიზნესი?! დაგვიცვეს კი არა წაგვართვეს. ჩვენი იმედი გვაქვს, რომ ამ პროცესს აუცილებლად მოვიგებთ.

როგორ მოხდა სასკოლო წიგნების სადისტრიბუციო კომპანიის არჩევა?

_ განათლების სამინისტროს არ გამოუცხადებია ტენდერი ბეჭდვაზე და რამდენადაც ვიცი, არც დისტრიბუციაზე. ამას ისინიც აღიარებენ და ამბობენ, რომ ჩვენ ჩავატარეთ სიტყვიერი გამოკვლევაი. მაშინ როცა გამომცემლობების ნახევარზე მეტს აქვს საკუთარი სტამბა. მათ შორის ჩვენც.

გარდა ამისა, შაშკინის დროს მოთხოვნა იყო წიგნები დაბეჭდილიყო 70 გრამიან ოფსეტის ქაღალდზე. აგერ არის ახალი წიგნები და დაბეჭდილია 51 გრამიან ქაღალდზე. საინტერესოა, საიდან ჰქონდათ ამათ ამის უფლება, როცა ჩვენ გვეკრძალებოდა?

მარტივად აგიხსნით 70გრ-51გრ=19გრ;  100 ტონა ქაღალდში 19 ტონა გამოდის შეღავათი. 1000 ტონაზე იქნება 190 ტონა. აქ ქაღალდის ღირებულების სერიოზულ ეკონომიაზეა საუბარი.

"გურია ნიუსთან" განათლების სამინისტროს აუდიტის ყოფილ ხელმძღვანელს და ამჟამად პრეზიდენტის ადმინისტრაციის მომავალ უფროსს, ლაშა აბაშძეს ესაუბრა. ის გამომცემლების ბრალდებას უარყოს და აცხადებს, რომ გამომცემლებმა სახელმწიფოს მიერ გამოცხადებულ  სოციალურ პროექტში მონაწილეობა არ მიიღეს და წლების მანძილზე სოციალურად  დაუცველი ადამიანების ხარჯზე სოლიდურ თანხებს იგებდნენ. "აბსოლუტურად უსაფუძვლო ბრალდებაა. ჩვენ როდესაც  სახელმძღვანელოების პროექტი დავიწყეთ, შესაბამისი სამართლებრივი აქტებით იყო ყველანაირად გამართული.  შესაბამისად, ის ანაზღაურება, ჰონორარი რაც ეკუთვნოდათ გამომცემლებს,  ჩაერიცხათ.  ანუ თანხმობა გამოთქვეს მაგათ, რომ ეს ჰონორარი მიეღოთ. თუ ჰონორარი მიიღეს, როგორ აპირებენ საჩივრის დაწერას?

_ საჩივარი დაწერილია. საკონსტიტუციო სასამრთლოში რამდენიმე კვირაში განხილვა დაიწყება.

_ დაწერილია, მაგრამ, არ ვიცი განსახილველად თუ მიღო სასამართლომ. მანდ აღსანიშნავია, რომ ჰონორარი ყველა გამომცემელმა მიიღო გათვალისწინებული ნორმით. იქ იყო ნორმატიული აქტი, სადაც იყო გათვალისწინებული ჰონორარი გამომცემლებზე. შესაბამისად, ამ ჰონორარით მოხდა მათი ანაზღაურება. ახლა ლაპარაკი იმაზე, რომ ლაშა აბაშიძე იყო ჩართული, კი ბატონო პროექტის მართვაში ვიყავი ჩართული.

_ ბატონი ლაშა,  გამომცემლობა "ინტელექტის" ხელმძღვანელმა კახმედ კუდავამ "გურია ნიუსთან" საუბარში, განაცხადა, რომ თქვენთან და ვინმე ქებურიასთან შეხვედრების დროს ფასებზე არ ჰქონია საუბარი, და მათთვის არაფერი შეგითავაზებიათ...

_ კუდავას ნათქვამზე კომენტარს არ გავაკეთებ. რაც შეეხება ციტირებას, ეს არასწორია და არაადექვატური. მაშინ, როდესაც განათლების სამინისტროში ვმუშაობდი, ყველანაირად ცდილობდა, საგამომცემლო საქმე სხვანაირად ყოფილიყო. მაგრამ, საგამომცემლო საზოგადოებამ იმდენი თანხა მოითხოვა, რომ ეს თანხა მოსახლეობისთვის  ძალიან ძვირი ჯდებოდა. ფაქტიურად, ხალხი წიგნებს ვერ ყიდულობდა. პირდაპირი სოციალური პროექტი იყო. არანაირი თანამონაწილეობა და სურვილი ყოფილიყვნენ  ამ სიკეთეში, არ გამოუთქვამთ. პირდაპირ მიუდგნენ, როგორც კომერციულ პროექტს.

ამ სოციალურ პროექტში გამომცემლებისგან რამე თანადგომა რომ ყოფილიყო,   შესაბამისად უკეთესი იქნებოდა. მაგრამ, არანაირი სურვილი არ გამოთქვეს გამომცემლებმა მაგ დროს.

_მარტო კუდავაზე არ არის საუბარი, ძალიან ბევრი გამომცემელი: თამარ ლებანიძე, ლაშა ბერაია, ბაკურ სულაკაური, კახმედ კუდავა, ეს ის ადამიანები არიან, რომლებიც სახელმწიფოსგან მიყენებული ზიანის ანაზღაურებას ითხოვენ, რომელიც მილიონზე მეტ ლარს შეადგენს.

_ კი მიადგათ ზიანი... რაც მე განათლების სამინისტროში ვიყავი, ძალიან დიდ ფულს აკეთებდნენ  და ეს ფული მოდიოდა ამ გაჭირვებული ადამიანების სახელმძღვანელოების ყიდვით. ჰოდა მე აღარ ვარ განათლების სამინისტროში და კომენტარს ვეღარ გავაკეთებ.

_ ბატონო ლაშა, ვიცით რომ განათლების სამინისტროში არ ხართ. თქვენ პრეზიდენტის ადმინისტრაციას უხელმძღვანელებთ.

_ კი, ბატონო.

_ ანუ თქვენ უარყოფთ გამომცემლების ბრალდებებს?

_ რა თქმა უნდა.




 ახალი ამბები
  • მონადირეთა ჯგუფი "ძამა" სოციალურად შეჭირვებული ოჯახების დასახმარებლად აქციებს მართავს სულ ცოტა ხანია, რაც სოციალურ ქსელში მონადირეთა ჯგუფი _ "ძამა" გამოჩნდა. ჯგუფი ლიცენზირებულ მონადირეებს აერთიანებს. ისინი დაკავებული არიან ბუნებიდან იმ მტაცებელი ცხოველების ამოღებით, რომლებიც დიდ ზიანს აყენებენ მოსახლეობას. ჯგუფში გაერთიანებულმა მონადირეებმა მიზნად დაისახეს სოციალურად შეჭირვებული ადამიანების დახმარება. ისინი უკვე დაეხმარნენ ჩოხატაურის მუნიციპალიტეტის სოფელ სამებაში მცხოვრებ ჯიმშერაძეების სამშვილიან ოჯახს. 28 ივლისს მონადირეები სოფელ ერკეთში მცხოვრებ ჯინჭარაძეებს ესტუმრებიან. ჯგუფი ქველმოქმედებას მომდევნო თვეებშიც გააგრძელებს. _ ჩვენი მიზანი, მავნებელი მტაცებლის ბუნებიდან ამოღებასთან ერთად, ქველმოქმედებაცაა. ჯერჯერობით, ამას მხოლოდ ჩვენი მცირერიცხოვანი ჯგუფი აკეთებს, მაგრამ იმედი გვაქვს, რომ საზოგადოება შემოგვიერთდება და ერთად ვაკეთებთ სიკეთეს, _ ამბობენ მონადირეთა ჯგუფის ადმინისტრატორები: ვახო სიხარულიძე და გაგა ყაჭეიშვილი. დაინტერესებული პირები ჯგუფის წევრებს შეუძლია დაუკავშირდნენ ფეისბუქგვერდზე _ მონადირეთა ჯგუფი "ძამა" ან დარეკონ ტელეფონის ნომერზე: (577) 957048.   ... ...
  • ხანძარი ოზურგეთშიოზურგეთში, ჯორჯიაშვილის ქუჩაზე მელუების საცხოვრებელ სახლს ცეცხლი გაუჩნდა. ოჯახის უფროსი ვახტანგ მლუა ამ დროს სახლში არ იმყოფებოდა და სამაშველო ბრიგადა მეგობარმა გამოიძახა. როგორც სამაშველო სამსახურის უფროსმა, პაატა ლომთაძემ "გურია ნიუსთან" განაცხადა, ამ დროისთვის ხანძარი ... ...
  • IRI-ის კვლევების მიხედვით, გამოკითხულთა უმეტესობა საპენსიო რეფორმას მხარს უჭერს"საერთაშორისო რესპუბლიკური ინსტიტუტის" (IRI) კვლევების ცენტრის მიერ გამოქვეყნებული საზოგადოებრივი აზრის გამოკითხვის შედეგების მიხედვით, გამოკითხულთა უმეტესობა საპენსიო რეფორმას მხარს უჭერს. კითხვაზე: როგორ შეაფასებდით პარლამენტის მიერ ინიცირებულ საპენსიო რეფორმას, გამოკითხულთა 36%-მა უპასუხა, რომ უფრო მეტად კეთილგანწყობილია. აღნიშნული რეფორმა ნაწილობრივ მოსწონს 23%-ს, ნაწილობრივ არ მოსწონს 11%-ს. პარლამენტის მიერ ინიცირებული საპენსიო რეფორმის გატარებას არ ეთანხმება გამოკითხულთა 18%, არ იცის ან პასუხი არ აქვს გამოკითხვაში მონაწილე ადამიანების 12%-ს. კვლევა მთელი საქართველოს მასშტაბით 2019 წლის 20 მაისი - 11 ივნისის შუალედში ... ...
  • დაკავებისას ბრალდებულებმა სამართალდამცველებს ცეცხლი გაუხსნესსავაჭრო ცენტრ „ქარვასლასთან“ დაკავების დროს ბრალდებულებმა პოლიციას წინააღმდეგობა გაუწიეს და ცეცხლსასროლი იარაღიდან ესროლეს. ინფორმაციას შინაგან საქმეთა სამინისტრო ავრცელებს. შსს-ს ცნობით, ყაჩაღობის ფაქტზე მიმდინარე გამოძიების ფარგლებში პოლიციამ ორი პირი დააკავა. „მომხდარის დროს არავინ დაშავებულა. ინტენსიურ რეჟიმში გრძელდება საგამოძიებო-ოპერატიული ღონისძიებები. გამოძიება სსკ-ის 179-ე მუხლით მიმდინარეობს“, - აცხადებენ შს ... ...
  • გვარამია: რუსთავი 2_დან მე გამოვედი გამარჯვებული, მაგრამ ამ გამარჯვებას ფასი არა აქვს"მე რუსთავი 2დან გავედი გამარჯვებული. ჩემი მისია შევასრულე - 7 წელი (არხის ისტორიაში ყველაზე ხანგრძლივი პერიოდი ვიყავი დირექტორი) არხი ვამუშავე წარმოუდგენელ რეჟიმში, ფაქტიურად, ბოლო ორი წელი, საოცრების ხარჯზე. სრულიად არავის დახმარებით, მტრულ გარემოში, ფინანსრური თავდასხმების და არხის ამჟამინდელი მფლობელის დამანგრეველი ყადაღის მიუხედავად, ყველა ხელფასი ყოველთვის გავეცი, თვითონაც არ ვიცი როგორ. ყველას, ვისაც განსაკუთრებულად უჭირდა, დავეხმარე" _ წერს სოციალურ ქსელში რუსთავი 2_ის ყოფილი გენერალური დირექტორი ნიკა გვარამია. მისივე თქმით, "რ2 გახდა სახელმწიფო სახელმწიფოში - სავსე თავისუფალი, ნიჭიერი, ფერადი ხალხით, ვინც არ გაეკარა ბნელ ქართულ ოცნებას, ვისაც უნდოდა დასავლეთი და თავისუფლება, და ვისი ერთადერთი ნავსაყუდელი რ2 გახდა. იმიტომ მიხაროდა მანდ მოსვლა - ქვეყანაში უანალოგო თავისუფლების კუნძული იყო, ჰაერში ეკიდა თავისულფების სუნი": _ამ არხმა 7 წელიწადში დაანგრია ამ ქვეყნის მთავარი მტერი - რუსული გავლენა. დიახ, დაანგირა და გააშიშვლა ხელისუფლება, რომელიც რუსული აღმოჩნდა თავიდან ბოლომდე. ბოლო კვლევით, რაც ვნახეთ, გავრილოვის ღამემდეც კი, რუსეთი არაა ამ ქვეყნის არჩევანი და ამაში ყველაზე მნიშვნელოვანი დამსახურება რ2ისაა, ღრმად მწამს, და ისიც მწამს, რომ რუსებმაც კარგად იციან ეს. იმიტომაც ყეფენ ხან დუმის ტრიბუნიდან, ხან პუტინის პირით და ხან ლავროვის განცხადებებით. დიახ, რუსეთმა კარგად იცის, ვინ იყო მისი მთავარი მტერი საქართველოში. კარგად იცის და არც მალავს. სამწუხაროა, რომ კვლევით ვინცაა ჩვენი არჩევანი, შვიდი წელი ვისი ფასეულობების დასამკვიდრებლადაც ვიბრძოდით სიკვდილ-სიცოცხლის ფასად, იმისი ხელით დავიხურეთ სწორედ. ირონიაა, მაგრამ ძალიან მწარე. ამაზე მოგვიანებით ვისაუბრებ და აუცილებად შევაფასებ ევროსასამართლოს გადაწყვეტილებას დეტალურად. არაფერი არაა ამ ქვეყნად წმინდა ძროხა, რომლის კრიტიკა არ შეიძლება. მათ შორის, არც ევროსასამართლო. კონსპირაციები განზე დავტოვოთ, საგნობრივი კრიტიკა კი ნამდვილად საჭიროა. მივუბრუნდეთ თემას.  მე რუსთავი2დან გავედი გამარჯვებული. მე მოვუგე ყველა ბრძოლა მტრულად განწყობილ სახელმწიფოს და მის დამნაშავე ბოსს, უზურპატორ ბიძინა ივანიშვილს. მე მოვიგე ყველა ბრძოლა ყველა ეტაპზე საქართველოში, მაგრამ დავმარცხდი იქ, სადაც არ შეიძლებოდა უბრალოდ რომ დავმარცხებულიყავი. ჩვენ ვერ დაგვხურა მთელმა ქრთულმა პოლიტიკურმა მანქანამ, მაგრამ სამწუხაროდ ეს გააკეთა იმან, ვისაც ეს არასგზით არ უნდა გაეკეთებინა.  მე რუსთავი2_დან გავედი გამარჯვებული. თუმცა ამ გამარჯვებას ნამდვილად ჯობდა გაემარჯვა სხვას, ყველაზე მნიშვნელოვანს მთელ ამ ამბავში.  მე რუსთავი2_დან გავედი გამარჯვებული, მაგრამ დამარცხდა ეროსის შექმნილი, ბევრის ღვაწლით განვითარებული, და ბოლოს ჩემი გზარდილი, ათასუბედურება გატარებული, ჩემი და ჩემი გუნდის მიერ მთელ პოსტსაბჭოთა სივრცეში მთავარ და საუკეთესო ტელევიზიად ქცეული რუსთავი 2.  მე რუსთავი2_დან გავედი გამარჯვებული, მაგრამ დამარცცხდა თავად რუსთავი 2. დამარცხდა პირველად 25 წლის მანძილზე. პირველად 25 წლის მანძილზე ქვეყნის მთავარი მცველი რუსეთის გავლენისგან, გახდა რუსული. ჯერ ამას ვერ აცნობიერებენ კარგად, სანამ ჩვენი გუნდი კიდევ იქაა და ფაქტიურად წინააღმდეგობის მოძრაობა აქვს გაჩაღებლი და გმირულად იბრძვის მტრულ გარემოში. მაგრამ ძალიან მალე მოვა გაცნობიერების დრო და მაშინ მიხვდებიან ზუსტად ჩვენი მაყურებლები და არამაყურებლებიც, რა კატასტროფას მოაწერა ხელი შვიდამა ევროპელმა მოსამართლემ.  მე რუსთავი2_დან გავედი გამარჯვებული, მაგრამ დამარცხდა ჩემი ნაზარდი და საყვარელი რუსთავი 2, ქვეყანაში თავისუფლების და დასავლეთის მთავარი და ალბათ ბოლო ბასტიონი. ქვეყანამ დაკარგა მისი დამოუკიდებლობის განმავლობაში შექმნილი და გაძლიერებული ერთერთი უმნიშვნელოვანესი მონაპოვარი, დასავლეთის, ხარისხის და თავისუფლების სიმბოლო. ქვეყანამ დაკარგა მისი დამოუკიდებლობის პერიოდში შექმნილი უმაღლესი კლასის და დასავლური შინაარსის და დონის ტელევიზია. ალბათ საქართველოს დამოუკიდებლობის პერიოდში შექმნილი მთავარი და ყველაზე წარმატებული ბრენდი - რუსთავი 2. ეს ფაქტი შედგა და მხოლოდ ცოტა დრო ჭირდება ამის სრულად გაცნობიერებას. ეს ფაქტი შედგა და არა მგონია, ოდესმე მისი უკან შექცევა მოხდეს. მე მხოლოდ გამიხარდება და წარმატებას ვუსურვებ, ვინც ამ საქმეს მომავალში ხელს მოკიდებს.  მე რუსთავი2_დან გავედი გამარჯვებული, მაგრამ დამარცხდა რუსთავი 2, ხელახლა მოკლეს ეროსი კიწმარიშვილი და დაიხურა ბოლო ფანჯარა დასავლეთში.  რუსთავი 2_დან მე გამოვედი გამარჯვებული, მაგრამ დამარცხდა ჩემი სამშობლო.  რუსთავი 2_დან მე გამოვედი გამარჯვებული, მაგრამ ამ გამარჯვებას ფასი არა აქვს"_ წერს ... ...

არქივი

ზაფრანი

ახალგაზრდობის შენარჩუნებისთვის

ჰარვარდის უნივერსიტეტის ექიმები, დევიდ სინკლერის...

ქსოვა სტრესს ხსნის

ექიმები ქსოვას ნამდვილ წამალს უწოდებენ,...

რაზე მეტყველებს ადამიანის ნაწერი

სპირალი, წრეები - სხვების პრობლემები...

რა უნდათ ქალებს მამაკაცებისაგან?

მამაკაცები ხშირად ამბობენ, რომ ვერ...

კითხვები, რომელიც აფრთხობს მამაკაცს

მამაკაცები მეტად მგრძნობიარე და ადვილად...

ქალმა არ მოინდომოს თორემ...

ძალიან ბევრი ფიქრობს, რომ ქალმა...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...