"ჭიკაიძე და ფარცხალაძე ახალ მთავრობაში ფორმალური სახეები იქნებიან"

მთავარი თემა

"ჭიკაიძე და ფარცხალაძე ახალ მთავრობაში ფორმალური სახეები იქნებიან"

2013 ნოე 9 18:50:18

იქნება თუ არა ნამდვილად ეფექტური მინისტრი ჭიკაიძე და როგორ აფასებენ მისი კანდიდატურის დასახელებას? "გურია ნიუსი" ექსპერტებს ესაუბრა.

"საარჩევნო პოლიტტექნოლოგიების კვლევის ცენტრის" ხელმძღვანელი კახი კახიშვილი "გურია ნიუსთან" საუბრისას აცხადებს, რომ ჭიკაიძის კანდიდატურის დასახელებით ღარიბაშვილმა პასუხისმგებლობა ისევ საკუთარ თავზე აიღო.

"ახალი შს მინისტრობის კანდიდატი საკმაოდ ახალგაზრდა კაცია. მე რამდენადაც ვიცი, მამამისი თავის დროზე პოლიციაში საკმაოდ მაღალ თანამდებობაზე მუშაობდა. პოლიციის წრეებისთვის, ალბათ, ეს ადამიანი მამამისის მეშვეობითაა ცნობილია. ალბათ, ირაკლი ღარიბაშვილს კარგად აქვს გააზრებული და ნაფიქრი ვინ შეიძლება ყოფილიყო მისი შემცვლელი. ვერ შევაფასებ ჭიკაიძე რას გააკეთებს, მაგრამ ფაქტია, რომ შს მინისტრობა ძალიან საპასუხისმგებლო თანამდებობაა. იმედს ვიტოვებ, რომ კანდიდატურა კარგად არის გააზრებული, რადგან შს მინისტრის პროფესიონალიზმზე ბევრად არის დამოკიდებული ქვეყანაში სტაბილურობა როგორც პოლიტიკური, ასევე კრიმინოგენული მდგომრეობიდან გამომდინარე. ამიტომ საბოლოოდ, ვინაიდან ირაკლი ღარიბაშვილი პრემიერობის კანდიდატია ის იქნება პასუხისმგებელი მთავრობის საქმიანობაზე, მის არჩევანს უნდა ვენდოთ. შეძლებს თუ არა ღირსეულად ღარიბაშვილის დაწყებული საქმის გაგრძელებას ნამდვილად არ ვიცი, მაგრამ ერთი რამ ცხადია, ამ ქვეყანაში გარდა ცოდნისა, საკმაოდ დიდი მნიშვნელობა აქვს გამოცდილებასაც. როგორც ჩანს "ნაციონალური მოძარობის" შემდეგ გამოცდილებას აზრი არა აქვს, რადგან "ნაცმოძრაობაც" ასეთ პოლიტიკას ახორციელებდა, რომ ძირითადად ახალგაზრდებს ეყრდნობოდა",_ აცხადებს კახიშვილი.

მისივე თქმით, შსს-ში სერიოზული რეფორმებია გასატარებელი, თუმცა შეძლებს თუ არა ახალი მინისტრი ამ რეფორმების გატარებას და აქვს თუ არა უკვე ჩამოყალიბებული ხედვა, კახიშვილისთვის ცნობილი არ არის.

"თუ გარდამავალ, ორხელისუფლებიანობის პერიოდში მხოლოდ იმით ვიყავით კმაყოფილი რომ შსს დეპოლიტიზირებული გახდა ღარიბაშვილის ხელში, მხოლოდ ეს არ არის საკმარისი რეფორმების დასასრულისთვის. მინდა ვნახო მინისტრობის ახალი კანდიდატის პოზიცია, რას ფიქრობს ის სამინისტროს რესტრუქტურიზაციის შესახებ. ჩვენ უკვე რამდენი წელია ვსაუბრობთ, რომ შსს-ს უშიშროების კომპონენტი უნდა გამოეყოს. ასეთი იყო "ოცნების" წინასაარჩევნო კამპანია, მაგრამ გასაგებია, რომ გარდამავალ პერიოდში ეს არ გაკეთდა. დღეს უკვე კოჰაბიტაცია დასრულებულია, რადგან ორხელისუფლებიანობა აღარ არის, ამიტომ იმედს ვიტოვებ, რომ შსს ორ სამინისტროდ გაიყოფა, უშიშროების და შინაგან საქმეთა სამინისტროდ. გარდა ამისა გატარდება სხვა რეფორმებიც. დღეს რომ პოლიცია პოლიტიზირებული არ არის ეს დამოკიდებულია მხოლოდ და მხოლოდ შს მინისტრზე - როგორი მინისტრი ჰყავს პოლიციას. ხვალ რომ სხვანაირი მინისტრი მოვიდეს, შესაძლოა, ისევ პოლიტიზირებული გახდეს. ჩვენ ისეთი სისტემა კი არ გვჭირდება, რომელიც ერთი ადამიანის ხასიათზე იქნება აწყობილი, არამედ სისტემა, რომელსაც პირველი და მეორე პირი ვერ შეცვლის. არც იმას გამოვრიცხავ, რომ ახალი მინისტრი ღარიბაშვილის ზეგავლენის ქვეშ მოექცეს, ეს ბუნებრივია, რადგან მისი შერჩეული კადრია, თანაც საკამოდ ახალგაზრდა",_ აცხადებს კახიშვილი.

უფლებადამცველი დიმიტრი ლორთქიფანიძე "გურიანიუსთან" საუბრისას აცხადებს, რომ მთავარ პროკურორად ოთარ ფარცხალაძისა და შს მინისტრად კი ლექსო ჭიკაიძის დანიშვნა კოაბიტაციის გაგრძელებას უნდა ნიშნავდეს.

"ისევე როგორც მთავარი პროკურატურის კანდიდატის დასახელების შემთხვევაში აქაც , როგორც ჩანს მომავალი პრემიერმინისტრი ღარიბაშვილი გამოდის იმ ასაკობრივი ცენზიდან, რომელსაც თავად აკმაყოფილებს. მას უკვე დასაშვებად მიაჩნია მსგავსი პასუხისმგებლობის მატარებელი მაღალი თანამდებობის პირები შეირჩეს ამ ასაკობრივი ჯგუფიდან გამომდინარე. მაგრამ ჩემი აზრით, როგორც ფარცხალაძის ასევე ჭიკაიძის შემთხვევაშიც საქმე არ გვექნება მაღალი პასუხისმგებლობის მატარებელ პოლიტიკოსებთან, ვინაიდან ორივე ძალიან სერიოზული პოლიტიკური თანამდებობაა და ორივესთან აქვს საზოგადოებას გარკვეული კავშირი იმ ვითარებიდან გამომდინარე, რომ მახინჯი კოაბიტაციის გამოსწორების შესაძლებლობას მისცემდა მთავრობას და აღასრულებდა იმ დაპირებულ ამოცანას, რომელსაც პირველი ოქტომბრის არჩევნებამდე უხვად იძლეოდა. მგონია, რომ ფარცხალაძისა და ჭიკაიძის ანუ ორი არამცთუცნობილი, არამედ სრულიად უცნობი ახალგაზრდა კადრის დანიშვნის პრეცენდენტი უნდა გულისხმობდეს დაწყებული კოაბიტაციის გაგრძელებას, იმ ფორმატში რა ფორმატით და შიდა ენერგეტიკული რესურსებითაც დაიწყო "ქართულმა ოცნებამ".

ანუ, სამწუხაროდ, ჩვენ არ უნდა ველოდოთ სიტუაციის გაუმჯობესებას. მაშინ როდესაც შეეძლოთ კახა კახიშვილის კანდიდატურა განეხილა მთავარი პროკურორის თანამდებობაზე და არჩევანს აკეთებ სრულიად უცხო, აბსოლუტურად გამოუცდელ ადამიანზე პროკურატურის სისტემაში ნამუშავერობის თვალსაზრისით, ეს კარგს არაფერს უნდა ნიშნავდეს. თქვენ იცით, რომ ფარცხალაძე ფინანსური პოლიციის გამომძიებელი იყო, არცერთი დღე არ უმუშავია პროკურატურაში და ეს ადამიანი მყისიერად დაინიშნა მთავარი პროკურორის ძალიან საპასუხისმგებლო თანამდებობაზე. ასევე ბატონი ჭიკაიძის შემთხვევაშიც, მიუხედავად იმისა, რომ ის თბილისის მთავარ სამმართველოს ხელმძღვანელობდა ეს არავის აძლევს უფლებას, მათ შორის პრემიერმინისტრსაც, რომ 28 წლის ახალგაზრდას საქართველოს შინაგან საქმეთა სამინისტრო ჩააბაროს, უწყება, რომელიც მხოლოდ პოლიცია არ არის. ის უნდა უზრუნველყოფდეს ქვეყნის სტაბილურობას",_ აცხადებს ლორთქიფანიძე.

მისივე თქმით, "ირაკლი ღარიბაშვილმა გარისკა, მაგრამ ამ რისკს თავისი მოტივაცია ახლავს".

"მოტივაცია გამომდინარეობს იმ სისტემის უცვლელობაში და დაინტერესებაში რომ ეს სისტემა არ შეიცვალოს, რომელსაც ბატონები ხუხაშვილი, ნაცვლიშვილი და ღარიბაშვილი სამკუთხედის პრონციპის გათვალისწინებით ხელმძღვანელეობენ. ფარცხალაძე და ჭიკაიძე იქნებიან ფორმალური სახეები ახალ მთავრობაში. ისინი კი არ მოექცევიან ზეგავლენის ქვეშ, უკვე არიან. მათი დანიშვნა ზალიან მაგონებს საქართველოს პრემიერმინისტრად ბატონი მგალობლიშვილის დანიშვნას. თქვენ გახსოვთ, რამხელა შიდა კონფლიქტით დამთავრდა მისი პრემიერმინისტრობა. ახალგაზრდა კაცს უნდა გააჩნდეს თავმოყვარეობა, როდესაც მისი პროფესიული ღირსება და თავმოყვარეობა ილახება მარიონეტობით, რომელსაც მას სთავაზობენ. მაგრამ ახალგაზრდა კაცის ბუნება და მაქსიმალიზმი სწორედ მას შემდეგ ვლინდება, რაც იგი თანამდებობაზე ყოფნის მომენტში იგრძნობს პასუხისმგებლობას და შედეგებს, რაც პასუხისმგებლობისგან თავის არიდებას მოყვება ხოლმე. რეალურად ფარცხალაძეც და ჭიკაიძეც არავინ არ არიან, არცერთი არაფერს წარმოადგენს ქართულ საზოგადოებაში, რომ მას ხალხი ენდოს დაკავებული თანამდებობიდან გამომდინარე",_ აცხადებს ლორთქიფანიძე.

რაც შეეხება იმას, უნდა ყოფილიყო თუ არა მთავარი პროკურორის და შს მინისტრის კანდიდატურა იუსტიციის მინისტრთან შეთანხმებული, რაზეც აქცენტი მთავარი პროკურორის დასახელების შემდეგ გაკეთდა, ლორთქიფანიძე განმარტავს, რომ მთავარ პროკურორსა და შს მინისტრს პრემიერ-მინისტრი არჩევს და პარლამენტი ამტკიცებს, იუსტიციის მინისტრს კი კანონში ცვლილების შემდეგ ეს უფლება არ აქვს.

"ჯერ კიდევ 2009 წელს შევიდა კანონში "პროკურატურის შესახებ" ცვლილება, რომლის შედეგედაც მთავარი პროკურორი გახდა გენერალური პროკურორის ანუ იუსტიციის მინისტრის მოადგილე. სამწუხაროდ, ბევრმა ეს არ იცის, რომ იმ დროს, 2013 წლამდე, მას შემდეგ რაც ახალმა ხელისუფლებამ შეიტანა კვლავ ცვლილებები

კანონში, მთავრი პროკურორი არ იყო უმაღლესი ზედამხედველი საგამოძიებო პროცესებზე. მას პროცესუალურ ხელმძღვანელად იუსტიციის მინისტრი იგივე გენერალური პროკურორი ჰყავდა. მაგრამ ქალბატონი წულუკიანის ინიციატივით, მას აღარ სურდა ჰქონოდა ასეთი პასუხისმგებლობა გამოძიების პრეროგატივაზე და შესაბამისად, მთავარი პროკურორის და იუსტიციის მინისტრის ფუნქციები გაიმიჯნა. მთავარმა პროკურორმა ამით სრული ავტონომია მიიღო. ფორმალურად, იუსტიციის მინისტრთან შეთანხმებას მთავარი პროკურორის კანდიდატურა არ საჭიროებს. მთავარი პროკურორის, ისევე როგორც შს მინისტრის წარმდგენი პირი პრემიერმინისტრია, ხოლო მათ კანდიდატურებს საქართველოს პარლამენტი ამტკიცებს",_  განუცხადა ლორთქიფანიძემ "გურია ნიუსს".

შეგახსენებთ, რომ შს მინისტრობის ახალი კანდიდატი დღეს ირაკლი ღარიბაშვილმა დაასახელა. წარდგენისას ალექსანდრე ჭიკაიძემ განაცხადა, რომ ის შეეცდება ირაკლი ღარიბაშვილის დაწყებული საქმე ღირსეულად გააგრძელოს, მომავალ პრემიერ-მინისტრს კი ნდობისთვის მადლობა გადაუხადა.




 ახალი ამბები
  • „ოცნება“ ნაღმზე ისე აფეთქდება, რომ ხელისუფლებაში ვეღარ დარჩება“_ მანანა ნაჭყებია„საერთო სასამართლოების შესახებ“ მმართველი პარტიის მიერ მომზადებული კანონპროექტის ნაღმზე „ქართული ოცნება“ ისე აფეთქდება, რომ ხელისუფლებაში ვეღარ დარჩება“, _ აღნიშნა „გურია ნიუსთან“ „ახალი მემარჯვენეების“ ლიდერმა მანანა ნაჭყებიამ. მისივე თქმით, „ქართული ოცნების“ სურვილი იმის შესახებ, რომ ლევენ მურუსიძის სასამართლო მუდმივად არსებობდეს, წაგებისთვის არის განწირული“. _ ქალბატონო მანანა, „ქართული ოცნება“, რომელმაც ’’საერთო სასამართლოების შესახებ“ კანონპროექტი შესაფასებლად ვენეციის კომისიას გაუგზავნა, ევროპელი ექსპერტების ორ რეკომენდაციას _ ინტერესთა კონფლიქტისა და მოსამართლეთა საკვალიფიკაციო  გამოცდის გაუქმების შესახებ რჩევებს ითვალისწინებს. როგორ ფიქრობთ, მმართველი პარტია რატომ ამბობს უარს,  სხვა იმ ძირითადი რეკომენდაციების საკანონმდებლო პაკეტში ასახვაზე, რომლთა გაზიარება სასამართლო სისტემის გაჯანსაღებისთვის სასიცოცხლოდ აუცილებელია? _“ქართულ ოცნებას“ უნდა სასამართლო ხელისუფლება თავიდან ბოლომდე  მმართველი პარტიის მიერ იყოს კონტროლირებადი. ეს არის ბიძინა ივანიშვილის დავალება, რომელსაც ირაკლი კობახიძე, დავით მათიკაშვილი, ანრი ოხანაშვილი და სხვები პირნათლად ასრულებენ. სამარცხვინოა ის შეფასებები, რომლებსაც მმართველი პარტიის წარმომადგენლები ვენეციის კომისიის მისამართით აკეთებენ. „ქართული ოცნების“ წარმომადგენლებმა უნდა იცოდნენ, რომ ვენეციის კომისია არის ინსტიტუტი, რომელიც რეკომენდაციას იძლევა იმისთვის, რომ ქვეყნებში შენარჩუნებული იყოს დემოკრატიული სისტემები და სასამართლო სისტემა ისე მოეწყოს, რომ მმართველი პოლიტიკური ძალისგან დამოუკიდებელი იყოს. „ქართული ოცნების“ სურვილი იმის შესახებ, რომ ლევან მურუსიძის სასამართლო მუდმივად არსებობდეს, წაგებისთვის არის განწირული. მმართველი პარტიის მიერ მომზადებული კანონპროექტის ნაღმზე „ქართული ოცნება“ ისე აფეთქდება, რომ  ხელისუფლებაში ვეღარ დარჩება. _“ქართული ოცნების“ დეპუტატმა, კარლო კოპალიანმა ვენეციის კომისიის შესახებ, განაცხადა, რომ  ევროპელ ექსპერტებს არ აქვს უფლება „ქართული ოცნების“ პოლიტიკური ცხოვრების წესში ჩაერიონ. აღნიშნული პათოსით მმართველი პარტია საერთაშორისოდ აღიარებულ ინსტიტუტს ლეგიტიმურობას, რომლის რჩევა-დარიგებებს ნაწილობრივ საქართველოც ითვალისწინებს, ეჭვქვეშ თავადვე ხომ არ აყენებს? _ ეს არის ზუსტად ისეთი განმარტება, როგორსაც თავის დროზე ვენეციის კომისიის დასკვნების შესახებ „ნაციონალური მოძრაობა“ აკეთებდა.  სირცხვილია, ხალხო. „ქართული ოცნება“, რომელიც ხელისუფლებაში „ნაციონალური მოძრაობის“ კრიტიკის დროშით მოვიდა, იმეორებს იმას, რასაც  წინა ხელისუფლება აკეთებდა.  _ ვენეციის კომისია „ქართულ ოცნებას“ მოუწოდებს, მე-9 მოწვევის პარლამენტმა თანამდებობებზე უზენაეს სასამართლოში გასამწესებელ მოსამართლეთა რაოდენობის მხოლოდ ნაწილი დანიშნოს. აღნიშნული იმას ნიშნავს, რომ ევროპელი ექსპერტები იუსტიციის უმაღლეს საბჭოსთან ერთად უნდობლობას „ქართულ ოცნებასაც“ უცხადებენ? _ რა თქმა უნდა, ეს არის ერთ-ერთი მწვავე შეფასება, რომელიც ვენეციის კომისიისგან ოდესმე მსმენია. ევროპელმა ექსპერტებმა მმართველ პარტიასა და მათ მიერ დაკომპლექტებულ იუსტიციის უმაღლეს საბჭოს უთხრეს, რომ თქვენ ხართ პოლიტიკურად მოტივირებული ჯგუფი, რომელსაც საზოგადოების ნდობა არ გააჩნია. ამასთან, ვენეციის კომისია „ქართულ ოცნებას“ მოუწოდებს, ბოლომდე არ გაანადგუროს ის დემოკრატია, რომლიც საფუძველიც ქვეყანაში, ასე თუ ისე, შეიქმნა. „ქართულმა ოცნებამ“ ყველაფერი გააკეთა იმისთვის, რომ მათ მიერ განხორციელებული თითქოს რეფორმები ასეთი შეფასებით დასრულებულიყო. _ მმართველი პარტიის ლიდერმა ბიძინა ივანიშვილმა “ოცნების“ მმართველობიდან მეშვიდე წელს სანდრო გირგვლიანის საქმის ადვოკატი შალვა შავგულიძე წინა ხელისუფლებასთან გარიგებაში დაადანაშაულა, ხოლო ამავე საქმის განმხილველი მოსამართლე ლევან მურუსიძე გმირად წარმოაჩინა. როგორ ფიქრობთ, ივანიშვილი თეთრს შავად და პირიქით, რა მოტივით  წარმოაჩენს? _ მსგავსი უტიფრობა ჯერ არ მსმენია. ბიძინა ივანიშვილი ვერ აცნობიერებს რამხელა პარადოქსის წინაშე დგას და როგორ ულოგიკო განცხადებებს აკეთებს. ეს კიდევ ერთი დასტურია იმისა, რომ „ქართული ოცნება“ ხელისუფლებიდან რაც შეიძლება მალე უნდა წავიდეს. მმართველი პარტია, რომელიც ყველაფერს ერთი ადამიანის სურვილების შესაბამისად ჭრის და კერავს, ქვეყანაში დემოკრატიული სისტემის მშენებელი და ადამიანის უფლებების დაცვის გარანტი ვერ ... ...
  • თურნავა თუ ბაჩიაშვილი - ვინ შეცვლის ქობულიას? ეკონომიკის მინისტრის გამოთავისუფლებულ თანამდებობას მინისტრის მოადგილე ნათია თურნავა, ან თანაინვესტირების ფონდის ყოფილი ხელმძღვანელი გიორგი ბაჩიაშვილი დაიკავებს. ბაჩიაშვილი თანამდებობიდან გუშინ მოულოდნელად გადადგა. ეკონიმიკის მინისტრი, რომლის გადადგომის შესახებ ინფორმაცია ბოლო ერთი თვეა ვრცელდება, თანამდებობიდან ცოტა ხნის წინ გადადგა. წყარო: პირველი ... ...
  • გერმანიაში მყოფი არალეგალი მიგრანტები შესაძლოა, ციხეებში გადაიყვანონ გერმანიის მინისტრთა კაბინეტმა დეპორტაციის შესახებ სადავო კანონი დაამტკიცა. საქმე ეხება პროექტს, რომლის მიხედვითაც, თავშესაფრის მაძიებლებს, რომელთაც გერმანიაში დარჩენაზე უარი უთხრეს, დეპორტაციამდე ციხეებში გადაიყვანენ. გერმანელი პოლიტიკოსების უმეტესობა კანონპროექტს აკრიტიკებს და აცხადებს, რომ ახალი რეგულაციები ევროკავშირის კანონმდებლობას ეწინააღმდეგება. კანონის მიღებას გერმანიის შინაგან საქმეთა სამინისტრო ითხოვს, რომელიც ამტკიცებს, რომ არალეგალი მიგრანტების თავშესაფრები გადავსებულია და ამიტომ აუცილებელია მათი ციხეებში გადაყვანა, სადაც თავშესაფრის მაძიებლებს კრიმინალებისგან განცალკევებით მოათავსებენ. გერმანიამ 2018 წელს 23 600 ადამიანის დეპორტაცია მოახდინა, მაგრამ კიდევ 31 000-მა მიგრანტმა, რომელთაც ასევე დაავალდებულეს ქვეყნის ტერიტორიის დატოვება, გერმანიაში დარჩენა მოახერხა. იმ შემთხვევაში, თუ გერმანიის ბუნდესტაგმა დეპორტაციის შესახებ სადავო კანონპროექტი დაამტკიცა, მაშინ ის ივლისიდან ამოქმედდება. წყარო: ... ...
  • საპენსიო სააგენტო კომპანიებთან შეხვედრებს განაგრძობს პირისპირ კომუნიკაცია, დისკუსიის რეჟიმი და პასუხები ყველა შეკითხვაზე _ ამ მიზნით საპენსიო სააგენტოს დირექტორი დღეს კომპანია ,,თელასის“ თანამშრომლებს შეხვდა. ლევან სურგულაძემ თითოეულ დასაქმებულს აუხსნა როგორია საერთაშორისო პრაქტიკა დაგროვებითი პენსიის მიმართულებით და განმარტა, რომ ყველა განვითარებულ ქვეყანაში თითოეული მოქალაქე თავად ზრუნავს საპენსიო ასაკში საკუთარ კეთილდღეობაზე. ,,თელასის“ თანამშრომლების შეკითხვები ძირითადად საპენსიო ასაკში დაგროვილ თანხებს და მათი გატანის წესებს შეეხო. (R) ამავე თემაზე: საპენსიო სააგენტოს დირექტორი საქართველოს რკინიგზის 200-მდე თანამშრომელს ... ...
  • ეკონომიკის მინისტრი გადადგაეკომონიკის მინისტრი გიორგი ქობულია გადადგა. ამის შესახებ ცოტა ხნის წინ გახდა ცნობილი. ამ დროისთვის მინისტრის გადადგომის კონკრეტული მიზეზები არ სახელდება. მას სავარაუდოდ, მისი მოადგილე ნათია თურნავა ... ...

არქივი

ზაფრანი

რატომ უნდა მივბაძოთ ბავშვებს

ნებისმიერი ადამიანი ზოგჯერ ბავშვობაში უნდა...

ელტონ ჯონის „საბედისწერო“ სტილი

ელტონ ჯონზე სტილისტები ამბობენ, ისე...

შვიდი დღე გასალამაზებლად

ნამდვილად არ გაწყენთ, სულ რაღაც...

ქრონიკული დაღლილობა ვირუსით არის გამოწვეული

ადამიანის დაღლილობა, შეიძლება, ვირუსით იყოს...

„რაინდი მანდილოსნები“

გაგიკვირდებათ და ჰოლივუდელი ქალბატონების ერთი...

ხორცი _ დამამშვიდებელი საშუალება

„მადის მომგვრელი ხორცის ნაჭერი დამამშვიდებლად...
კარმიდამო ჩემი

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...

ნუ ეხუმრებით გაციებას!

გაციება სიცივის დადგომისთანავე ვლინდება. ბევრი...