"თვითმმათველობის ახალი კოდექსით არა დეცენტრალიზაცია, არამედ ცენტრალიზაცია მოხდება"

მთავარი თემა

"თვითმმათველობის ახალი კოდექსით არა დეცენტრალიზაცია, არამედ ცენტრალიზაცია მოხდება"

2013 ნოე 21 17:11:19

რა პრობლემები შეიძლება შეიქმნას ქვეყანაში ახალი კოდექსის დამტკიცებით და ვის ინტერესებში შედის რეფორმის გატარება - ამ და სხვა საკითხებზე " გურია ნიუსი" " საქართველოს ადგილობრივი თვითმმართველობის ეროვნული ასოციაციის" აღმასრულებელ დირექტორს, ევროპის საბჭოს ადგილობრივი თვითმმართველობის ქარტიის დამოუკიდებელ ექსპერთთა ჯგუფის წევრ დავით მელუას ესაუბრა.

_ რა არის ძირითადი პრობლემა და რატომ ეწინააღმდეგებით კოდექსის ამ ფორმით დამტკიცებას?

დავით მელუა:

_ კოდექსთან მიმართებაში არის მთელი რიგი იურიდიული პრობლემები. ამასთან, არის რამდენიმე პრინციპული საკითხი, რაც ერთის მხრივ წინააღმდეგობაში მოდის ევროპულ ქარტიასთან, მეორეს მხრივ, არანაირად არ აუმჯობესებს საქართველოში არსებულ ადგილობრივი თვითმმართველობის მდგომარეობას, პირიქით, აუარესებს. პირველი ასეთი საკითხი ე.წ. რეგიონული რგოლი და გუბერნატორებია. გუბერნატორი საქართველოს მთავრობის მიერ ინიშნება, მას ემორჩილება და მთავრობის პოლიტიკას ახორციელებს, ის არ არის თვითმმართველობის ორგანო. როცა კოალიცია მოვიდა, მის წინასაარჩევნო პროგრამაში ეწერა, რომ გუბერნატორის ინსტიტუტი გაუქმდებოდა, ახლა გუბერნატორის ინსტიტუტი არათუ უქმდება, შემოდის თვითმმართველობის კოდექსში და ენიჭება ფუნქცია თვითმმართველობასთან მიმართებაში. როგორ წარმოგიდგენიათ, თუ გურიის გუბერნატორი ამდენ ხანს, როცა კანონით ეს უფლებები არ ჰქონდა მინიჭებული, მაინც პრობლემა იყო, ახლა კანონი რომ უფლებას მისცემს, რას გააკეთებს?! ყველა ის უკანონობა, რასაც ამდენ ხანს აკეთებდნენ, ახლა კანონში იწერება. არ ვიცი, როგორ უნდა გეყოს ადამიანს შუბლის ძარღვი, რომ ეს დემოკრატიულ მიღწევად გაასაღო. კონსტიტუციაში გუბერნატორი ჩაწერილია, როგორც ცენტრალური ხელისუფლების ტერიტორიული ორგანო და არა როგორც თვითმმართველობის რგოლი. ადგილობრივი თვითმმართველობის კოდექსში გუბერნატორის ჩაწერა კი იგივეა, მწნილის რეცეპტი ტელეფონების წიგნში რომ ჩაწერო.

_ ანუ გუბერნატორის ინსტიტუტის თვითმმართველობის სისტემაში შემოტანით ხელისუფლება მართვის კონტროლს შეძლებს?

_ დიახ, ეს კოდექსი ფაქტობრივად, არის ადგილობრივი თვითმმართველობის და მმართველობის კანონი (ანალოგი იმისა, რაც შევარდნაძის დროს იყო ), რითაც თვითმმართველობაში სახელმწიფო მმართველობა შემოდის და ხდება არა დეცენტრალიზაცია, არამედ, ცენტრალიზაცია. თუ ცენტრალური ხელისუფლების მიერ დანიშნული გუბერნატორი თვითმმართველობასთან მიმართებაში კომპეტენციებს შეითავსებს, ასეთ შემთხვევაში იქ თვითმმართველობა ყოველთვის დაჩაგრული იქნება. მით უმეტეს, რომ დღევანდელ მუნიცპალიტეტებს დაშლიან და წვრილი რაიონები იქნება, სადაც იქნება არჩეული მერი, რომელსაც ზემოდან, ადმინისტრაციული ვერტიკალის სახით, გუბერნატორი და საქართველოს მთავრობა ეყოლება. თუ ეს ასე არ არის, მაშინ გააგზავნოს შერგელაშვილმა და ნარმანიამ ეს კანონპროექტი ვენეციის კომისიაზე და რა დასკვნა მოვა იქედან, ვნახოთ.

_ ანუ ვენეციის კომისიაში ამ კანონპროექტის შესახებ არაფერი იციან?

_ ვენეციის კომისიაში სამინისტროს ეს კანონპროექტი არ გაუგზავნია და როგორც ვიცი, არც აპირებენ გაგზავნას, რადგან ვენეციის კომისია ამ კანონპროექტს არ გაატარებს. ეს არის იურიდიული ფაკულტეტის პირველი კურსის ანაბანა.

_ გუბერნატორის ინსტიტუტის გარდა, რა არის კიდევ ამ კანონში პრობლემატური?

_ მეორე მნიშვნელოვანი საკითხი ეხება თვითმმართველობის მოწყობას. თუ საქართველოში ვინმეს თვითმმართველობის განვითარება უნდა და ახლოს მიტანა საზოგადოებასთან, მაშინ თვითმმართველობა იმ ერთეულებს უნდა დაუბრუნოს, საიდანაც ის 2006 წელს წაიღეს - ანუ სოფელს, თემს, დაბას და ქალაქს. ამ კანონით კი მოსახლეობის დისკრიმინაცია ხდება ტერიტორიული ნიშნით. მაგალითად, თუ მოქალაქეს ქალაქ ოზურგეთში შეიძლება ჰქონდეს თვითმმართველობა თავის დასახლებაში, სოფელ ძიმითის, ან სოფელ ნაგომარის მაცხოვრებელს რატომ არ უნდა ჰქონდეს თვითმმართველობა თავის დასახლებაში? უხეშად რომ ვთქვათ, ქალაქ ოზურგეთელი დილით ადრე გამოვა, თავისი პრობლემის გადასაწყვეტად მივა ოზურგეთის ცენტრში თავის " კანტორაში" და მოაგვარებს საქმეს თავის არჩეულ მერთან. სოფელ ძიმითის მცხოვრები უნდა ადგეს, გამოვიდეს სოფლის ცენტრში, სადაც " კანტორის" მეტი არაფერი დახვდება და წავიდეს სოფელ ნაგომარში, ან დაბა ნასაკირალში და იქ დახვდება თავისი თვითმმართველობის წარმომადგენელი. ე.ი გამოდის, რომ ოზურგეთელს სხვა უფლებები აქვს ამ ქვეყანაში და ძიმითელს სხვა. ანუ უფრო მეტსაც გეტყვით, ქალაქი წყალტუბო არის 16 ათას მოსახლიანი, ბორჯომი არის 14 550 მცხოვრებით, 450 კაცი აკლია თვითმმართველის სტატუსის ზღვრამდე და ამის გამო ბორჯომის მოსახლეს აქვს სხვა უფლებები და წყალტობოელს სხვა? ან ოზურგეთში რომ 2014 წელს აღწერა ჩავატაროთ და არ აღმოჩნდეს 15 ათასი კაცი, წაართმევენ ქალაქს თვითმმართველ სტატუსს და სასოფლო თემში შეიყვანენ?

მეორე საკითხი, რაც მაგალითად, ოზურგეთის დაშლას ეხება, დღესაც შესაძლებელია, რომ ქალაქმა ოზურგეთმა დღევანდელი კანონით მიიღოს თვითმმართველობა, მაგრამ ამისთვის მოსახლეობის გამოკითხვა უნდა ჩატარდეს, სურთ თუ არა მათ ამის გაკეთება. უნდა იყოს გათვლები, როგორ შეეძლება მიდებარე სოფლებს ქალაქ ოზურგეთის გარეშე არსებობა, ახალი ადმინისტრაციული ცენტრი სად იქნება, ქალაქ ოზურგეთის დაფინანსება რა იქნება და ა.შ. თუ აღმოჩნდა, რომ ეს ყველაფერი შესაძლებელია და მოსახლეობის მხარდაჭერა სახეზეა, მაშინ ქალაქი ოზურგეთი გამოვა მუნიცპალიტეტის შემადგენლობიდან. მთავარი ის არის, რომ ოზურგეთი თვითკმარი ურბანული ცენტრი უნდა იყოს და არა ცარიელი ტრაფარეტი. ამ კანონის განხორციელებით სირთულე უფრო მეტი იქნება ვიდრე სარგებელი. ქალაქი ოზურგეთი რომ გამოვა ცალკე, როგორი იქნება ოზურგეთის წყალმომარაგება? დღეს ეს წყალმომარაგების რეზერვუარი სოფელ გომშია. ელემენტარული რომ ავიღოთ, პოლიკნინიკები, ბაზარი, თეატრები, სპეციალიზებული სკოლები ქალაქ ოზურგეთშია, ცალკე რომ გამოეყოფა მუნიციპალიტეტებს თვითმმართველი ქალაქები, სად ექნებათ სოფლის მოსახლეობას ამ მომსახურების მიღების საშუალება? რატომ ამოქოქეს ბულდოზერი და ანდგურებენ ისტორულად ფორმირებულ ტერირორიულ ერთობებს, ჩემთვის გაუგებარია. შეინარჩუნონ მუნიციპალიტეტები, სადაც მასში გაერთიანებულ სოფლების მოსახლეობას ექნება საშუალება მუნიციპალიტეტის ურბანული ცენტრის (ანუ პატარა ქალაქების/დაბების) სიკეთეებით ისარგებლოს, ხოლო ეს ურბანული დასახლებები კი სოფლების რესურსებით (სასოფლო სამეურნეო მიწა, სათბობი შეშა, სასაფლაო) ისარგებლებენ. მუნიცპალიტეტის ყველა ტერიტორიულ ერთეულში მოსახლეობას მიეცეს საშუალება საკუთარი ხელისუფლება თავად აირჩიონ დანიშნული რწმუნებულების ნაცვლად. ახალი კოდექსი გულისხმობს, რომ რამდენიმე სასოფლო თემი ერთად გაერთიანდეს, მაშინ სად იქნება ამ გაერთიანების ცენტრი? ხალხი ამ ცვლილებას ვერ გაიგებს და აჯანყდება. სოფლის მოსახლეობას ახლა ჰგონია, რომ თვითმმართველობა ექნებათ საკუთარ თემში, მათ არ ეუბნებიან, რომ რამდენიმე სასოფლო თემს გააერთიანებენ და ერთი თვითმმართველობა ეყოლებათ. ანუ რასაც ესენი აკეთებენ ეს " რაიონის გაუქმება" კი არ არის (როგორც თავად უნდათ რომ წარმოაჩინონ), არამედ უფრო პატარა ტერიტორიის ახალი რაიონების ფორმირებაა და მეტი არაფერი. შესაბამისად, მოსახლეობისთვის რა მნიშვნელობა აქვს ძველი რაიონის ცენტრში ივლის თუ ბატონი შერგელაშვილის შექმნილი ახალი რაიონის ცენტრში. თანაც, ძველ ცენტრთან საგზაო კომუნიკაცია არსებობს და სატრანსპარტო მიმოსვლა მოწესრიგებულია, ახალთან რა იქნება, არავინ იცის. მარტივად რომ ვთქვათ, დღეს ხალხმა იცის რა მისამართზე მივიდეს და როგორ. რასაც გვთავაზობენ იმ ადმინისტრაცული ცენტრების უმრავლესობასთან ჯერ საგზაო სისტემა იქნება მოსაწესრიგებელი. ხალხს ამ რეფორმით ცხოვრება მნიშვნელოვნად გაურთულდება და არეულობა დაიწყება. შესაბამისად, მე კი არ გამოვდივარ " ნაციონალური მოძრაობის" მხარდამჭერი, როგორც ამას დავით ნარმანია ამბობს სატელევიზო ინტერვიუებში, არამედ სამინისტრო აკეთებს ოპოზიციის საქმეს, რადგან ამ არეულ ტალღაზე ხელისუფლების ავტორიტეტი მაისის თოვლივით გადნება. მე მომხრე ვარ ხელოვნული დაყოფის გარეშე შევინარჩუნოთ არსებული მუნიციპალიტეტები (რომლებიც ადრე რაიონები იყო, მანამდე კი მაზრები), მაგრამ სასოფლო თემის, დაბის და პატარა ქალაქის მოსახლეობას მივცეთ საკუთარი ხელისუფლების ყოლის უფლება, რომელიც მათ პრობლემებს გადაჭრის.

_ ანუ თქვენ ორდონიან თვითმმართველობაზე საუბრობთ?

_ დიახ, ორდონიანი თვითმმართველობა იყოს. პირველ ეტაპზე შეიძლება სასოფლო თემში და პატარა ქალაქში ბიუჯეტი არ იყოს, რადგან მოსახლეობა გადასახადს ვერ გადაიხდის, მაგრამ შეიძლება იყოს ხარჯთაღრიცხვა, მუნიციპალიტეტმა გამოუყოს სოფელს ფული და სოფლის პროგრამა განხორციელდეს, მაგრამ არა მუნიციპალიტეტის მიერ დანიშნულმა რწუმუნებულმა, არამედ არჩეულმა საბჭომ განკარგოს, თუ როგორ დახარჯოს ეს თანხა.

_ წყლის გარდა კიდევ რაშია პრობლემა და თუ ექნება მუნიციპალიტეტების დაყოფის შემდეგ სხვა ბუნებრივი რესურსებზე წვდომის უფლება გაერთიანებული სოფლების მოსახლეობას?

_ სხვა პრობლემებიც წარმოიქმნება, რა თქმა უნდა, აქ მარტო წყლის პრობლემა არ იქნება. მაგალითად, დაბა ნასაკირალს და სოფელ ძიმითის მოგიყვანთ. ნასაკირალს ტყის მასივი არა აქვს, სოფელ ძიმითს აქვს. თუ დაბა ნასაკირალი ძიმითს შეუერთდება, ნასაკირალის მოსახლეობასაც ექნება უფლება ძიმითის ტყე გამოიყენოს. რა მოხდება ამ შემთხვევაში წარმოგიდგენიათ? - სისხლი დაიღვრება. დღეს ძიმითიდან ნასაკირალში საქონელი რომ გადადის, პატარა სამხედრო კონფლიქტია. ან როგორ წარმოგიდგენიათ ქვემო ქართლში და სამცხე-ჯავახეთში რა მოხდება? ქვემო ქართლში ჩვენ გვაქვს 12-ათასიანი აზერბაიჯანული სოფელი მუღანლო და 2-ათასიანი სვანური სოფელი ლემშვენიერა. როგორ წარმოგიდგენიათ ამ ორის გაერთიანება, ან მატნის და დუისის თემების გაერთიანება, იქ არჩევნების ჩატარება და ერთი მუნიციპალიტეტის შექმნა? ან რა სახელწოდებები ექნება ამ გაერთიანებებს? ამის ინსტიტუციონალიზაციას თუ აპირებს თენგო შერგელაშვილი, ეს უკვე მინუმუმ სამოქალაქო არეულობაა. ამ კანონის საზოგადოებასთან კონსულტაციის გარეშე მიღება დაუშვებელია, სოფლის მოსახლეობას უნდა უთხრან, რომ რამდენიმე სასოფლო თემის გაერთიანებას აპირებენ ახალ მუნიცპალიტეტში. მაგალითად, სოფელ ძიმითში უკვე ემზადებიან და დიდი მოლოდინი აქვთ, რომ თვითმმრათველობა ექნებათ, მაგრამ ძიმითის მოსახლეობამ უნდა იცოდეს, რომ თვითმმართველობა ექნება არა ძიმითის თემს, არამედ დაბა ნასაკირალის, ძიმითის ნაგომარის და კიდევ რამდენიმე თემის გაერთიანებით შექმინილ ახალ მუნიციპალიტეტს. ამ პროექტის ავტორებს ეს იდეა ჯერ კიდევ 2004 წელს ჰქონდათ, მაგრამ მაშინ ხელი შეუშალეს თუ თავისი ნებით გაჩერდნენ, არ ვიცი. საქართველოს რეგიონული განვითარების და ინფრასტრუქტურის პიარსამსახურები თვითმმართველობის კოდექსის რეალურ არსს მოსახლებას არ აწვდიან და როგორც თავად აწყობთ, ისე აშუქებენ ამ დოკუმენტს, ალტერნატიული ვარიანტები კი მოსახლეობისთვის ცნობილი არ არის.

_ როგორ ფიქრობთ, რა უნდა გაკეთდეს და რას მოიცავს თქვენი ალტერნატიული პროექტი?

_ ჩვენს ალტერნატიულ პროექტში გუბერნატორს თვითმმართველობასთან რაიმე კავშირი გამორიცხულია. ჩვენ მომხრე ვართ, მუნიციპალიტეტში ავირჩიოთ მერი და საკრებულო. მაჟორიტარული წესით, ისე, რომ პარტიის წევრსაც შეეძლოს მონაწილეობის მიღება და საინიციატივო ჯგუფსაც, პატარა ქალაქში, თემში და სოფელში მოსახლეობამ აირჩიოს და თავისი დასახლების ცენტრში ჰყავდეს არჩეული წარმომადგენელი. საქართველოში დღეს 3500 სოფელია ცენტრალური ხელისუფლების კონტროლქვეშ, რომელიც 900-მდე თემშია გაერთიანებული, ანუ დაახლოებით 4 სოფელია ერთ თემში გაერთიანებული, მეტი რაღა უნდა გაამსხვილონ? დუშეთის მუნიციპალიტეტში 380 სოფელი 14 თემშია გაერთიანებული, ოზურგეთის რაიონში 210 სოფელია 40 თემში. ანუ ჩვენთან სოფლები ისედაც გამსხვილებულია სასოფლო თემებად და ამის კიდევ გამსხვილება დაუძლეველი ამოცანა იქნება, ან საჭიროა კი ამის გაკეთება საერთოდ?.

_ მაშინ რატომ დადგა ამ რეფორმის გატარების აუცილებლობა?

_ მე არ ვიცი ამას ხელისუფლება აკეთებს თუ ცალკეული ჯგუფი ხელისუფლებაში. ვხვდები რა არის აქ გასაღები. ზუგდიდის მუნიციპალიტეტი 170 ათასმოსახლიანია აქედან 110 ათასი ამომრჩეველია. მაგალითად, " რესპუბლიკურ პარტიას" ზუგდიდში აქვს ორგანიზაცია და შეიძლება ჰყავს 7 ათასი მხარდამჭერი, შეიძლება 12 ათასიც. 7 ათასი ამომრჩევლის ხვედრითი წილი 110 ათას ამომრჩეველში მათ მისცემთ იმის საშუალებას, რომ ორი, მაქსიმუმ სამი საპატიო წევრი ჰყავდეთ საკრებულოში. დანარჩენს მეინსტირმის მქონე პოლტიკური ძალა წაიღებს, მაგრამ ზუგდიდი თვითონ 60 000-კაციანი ქალაქია, აქედან ამომრჩეველია 42 ათასი. 47 ათასში გინდ 7, გინდ 12 ათასი ამორჩეველი ის ხვედრითი წონაა, რას საშუალებას იძლევა, რომ საკმაოდ დიდი ფრაქცია ჩამოაყალიბოს, შეიძლება საკუთარი მერიც კი გაიყვანოს კონკრეტულმა პარტიამ.

_ ანუ აქ " რესპუბლიკური პარტიის" ძირითადი ინტერესია?

_ აქ, ძირითადად, საარჩევნო ინტერესია, გინდ " რესპუბლიკელების" იყოს და გინდ სხვა პარტიის. ვიცი ორი პარტია, ვინც ამაზე შეთანხმდება. ეს არის პოლიტიკური ინტერესი..

_ ერთი, როგორც ახსენეთ, " რესპუბლიკური პარტიაა" და მეორე?

_ მეორე ის არის, ვისაც პარტიული სტრუქტურები აქვს ადგილზე.

_ ანუ, " ნაციონალური მოძრაობა" ?

_ თქვენ რა, გამორიცხავთ მოვლენების ასე განვითარებას?!.

_ ანუ " რესპუბლიკური პარტია" კოალიცია " ქართულ ოცნებასთან" შეუთანხმებლად გაურიგდა " ნაციონალურ მოძრაობას" ?

_ არ ვიცი, ივანიშვილს ჩემთვის ამის გარკვევის ფუნქცია არ ჩაუბარებია. ვისაც ჩააბარა, იმან მიხედოს. მე ჩემს ვარაუდებს გამოვთქვამ და ერთ-ერთი ვარაუდი ზუსტად ეგ არის. თვითმმართველობის ტერიტორიული მოწყობის შემოთავაზებული მოდელი მას სჭირდება, ვინც ცდილობს საკრებულოში ადგილი მისთვისაც დარჩეს.

_ გამოდის, რაც " ნაციონალურმა მოძრაობამ" ვერ გააკეთა, ახლა " ქართული ოცნება" აკეთებს?

_ კი, ასე გამოდის. მე ვარ ამის მოწმე, 2004 წელს, როცა ევროპის საბჭოს პროექტის მენეჯერი ვიყავი, ზურაბ მელიქიშვილი იყო იმ თანამდებობაზე, რაზეც დღეს ირაკლი მელაშვილია, მან დამიბარა შეხვედრაზე, როგორც ევროპის საბჭოს წარმომადგენელი. როცა მის კაბინეტში შევედი, იქ კოტე კანდელაკი, დათო ლოსაბერიძე და თენგო შერგელაშვილი დამხვდნენ და იმ მოდელს განიხილავდნენ, რისი განხორციელებაც დღეს სურთ. თავიდან მელიქიშვილიც თანახმა იყო ამ მოდელზე, რადგან გუბერნატორის ინსტიტუტის თვითმმართველობის მაკონტროლებლის ფუნქცია ენიჭებოდა. იმ დროს ბატონი თენგო შერგელაშვილი და დავით ლოსაბერიძე დეცენტრალიზაციის სახელმწიფო კომისიის წევრები იყვნენ. მაგრამ მაშინ ევროპის საბჭომ და საერთაშორისო სავალუტო ფონდმა " გაჭედა" და ეს პროექტი ჩავარდა. შესაბამისად, ამ ორმა პიროვნებამ სახელმწიფო კომისია მაშინ პროტესტის ნიშნად დატოვა.

_ ანუ ის პირები, ვინც წინა ხელისუფლების დროს ცდილობდა ამ მოდელის ამუშავებას, დღეს ამას " ქართული ოცნების" მხარდაჭერით ახორციელებენ?

_ დიახ, ახლა ძალაუფლებაში არიან და ამას თავისუფლად აკეთებენ. ეს ფაქტია და თუ გინდათ, ბატონ მელიქიშვილთანაც გადაამოწმეთ, ან იმ პირებთან, რომლებიც მაშინ ამ შეხვედრას ესწრებოდნენ. ამის დოკუმენტებიც არსებობს. ზუსტად იმდაგვარი შინარსიის კანოპროექტი, როგორიც დღეს წარმოდგენილი კოდექსია " რესპუბლიკურ პარტიას" ჰქონდა შეტანილი პარლამენტში 2005 წელს, მაგრამ მაშინ პარლამენტმა ეს მოდელი უარყო და ვანო ხუხუნაიშვილის პროექტი გავიდა, რომელიც ადგილობრივი თვითმმართველობის მსხვილი მუნიცპალიტეტის დონეზე კონსოლიდირებას ითვალისწინებდა.

_ რატომ რჩება სხვა პარტიებს ეს საკითხი ყურადღების მიღმა?

_ დღეს საქართველოში 1720 საკრებულოს ადგილია, თუ 2700 გახდება, მაშინ ერთ ადგილზე კონკურენცია უფრო დაბალი იქნება და შანსი, რომ საკრებულოებში მცირერეიტინგული პარტიებიც მოხვდნენ, გაიზრდება. მე იმას კი არ ვამბობ, რომ პარტიებს ეს შანსი წაართვეს, მაგრამ ჩემთვის მთავარი მოსახლეობის ინტერესია, რადგან ადგილობრივი თვითმმართველობა საქართველოს მოქალაქის კონსტიტუციური უფლებაა და არა პოლიტიკური პარტიების საკუთრება. ამიტომ, რეფორმა ისე უნდა გატარდეს, როგორც მოსახლეობას აწყობს და არა ისე, როგორც პარტიებს. დარწმუნებული ვარ, არ იმუშავებს ეს პროექტი. ახალი სისტემა თავიდანვე მყიფე იქნება და შემდეგ სრულიად დეზინტეგრირდება. ფრაგული ანდაზა ამბობს - კვერცხიდან გოგლიმოგლს ნებისმიერი გააკეთებს, მაგრამ გოგლიმოგლიდან კვერცხის გაკეთება არავის შეუძლია. ასე რომ, თუ საზოგადოება აირ-დაირევა პასუხისმგებელი ამ კანონპროეტის ავტორები და მისი მხარდამჭერები იქნებიან. არ მინდა მთლიანად მთავრობას დავაკისრო ეს პასუხისმგებლობა, რადგან მთავრობის დადგენილებაში არ წერია, რომ ეს პროექტი სრული ჭეშმარიტებაა. დადგენილებაში წერია, რომ პროექტი ძირითადად მოწონებულია და დავალებული აქვს რეგიონული განვითარებისა და ინფრასტრუქტურის სამინისტროს გაითვალისწონოს სხვა სამინისტროების შენიშვნები, რაც უხვად იყო ამ კანონპროეტზე. ჩვენ გამოვითხოვეთ სამინისტროებიდან შენიშვნები, რათა გადავამოწმოთ რამდენად არის გათვალისწინებული ისინი ამ კანონპროეტში. ეჭვი მაქვს, რომ ნარმანიას უწყებას სხვა სამინისტროების შენიშვნები ამ პროექტში არ გაუთვალისწინებია.




 ახალი ამბები
  • სემეკი საოჯახო ტიპის სასტუმროებისთვის სასმელი წყლის ტარიფის მოდელზე იმსჯელებს20 ივნისის საჯარო სხდომაზე საქართველოს ენერგეტიკისა და წყალმომარაგების მარეგულირებელი ეროვნული კომისია (სემეკ) საოჯახო ტიპის სასტუმროებისთვის სასმელი წყლის ტარიფის მოდელზე იმსჯელებს. აღნიშნულ საკითხზე სემეკმა საჯარო ადმინისტრაციული წარმოება 2019 წლის იანვარში დაიწყო. ამ პერიოდის განმავლობაში რამდენიმე შეხვედრა გაიმართა დარგის ექსპერტებთან და საოჯახო სასტუმროების მფლობელებთან. სემეკი კიდევ ერთხელ განმარტავს, რომ ის პირები, რომლებიც აქირავებენ ბინებს როგორც დღიურად, ისე გრძელვადიან პერიოდში, სხვადასხვა საიტის მეშვეობით, მოხმარებული სასმელი წყლის საფასურს ისევ საყოფაცხოვრებო ტარიფით გადაიხდიან. კომისიის გადაწყვეტილება მხოლოდ საოჯახო ტიპის სასტუმროებს შეეხება. (R) ... ...
  • როგორ გადაჭრა ბათუმმა უწყლობის და ზღვის დაბინძურების პრობლემა ევროკავშირის დახმარებით დაბა ჩაქვში, მრავალსულიან ოჯახში მცხოვრები ნინო ქათამაძე ამბობს, რომ სასმელი წყლის 24-საათიან უწყვეტ მომარაგებასა და სისუფთავეს მისთვის, ისევე როგორც დანარჩენი მოსახლეობისთვის, დიდი მნიშვნელობა აქვს. ამ დასახლებაში ვიდრე წყალმომარაგების ახალ სისტემაზე გადავიდოდნენ, ნინო ამბობს, რომ წყლის ჭავლი ტანსაცმლისა თუ ჭურჭლის სარეცხი მანქანის ჩართვას არ ჰყოფნიდა. წყალი ხშირად წყდებოდა კიდეც. არადა, მთელი ბათუმი, სადაც 165 ათასი ადამიანი ცხოვრობს და ბათუმის შემოგარენიც, სასმელი წყლით სწორედ იმ მდინარის (ჩაქვისწყლის) სათავიდან მარაგდება, რომელიც ნინო ქათამაძის სახლიდან ათეულ მეტრში მიედინება. ჩაქვსა და ბათუმში ცალკე ტექნიკური წყალი არ აქვთ, მოსახლეობას მხოლოდ ერთი - სასმელი წყალი მიეწოდება. „ყოველი გაწვიმება გვაშინებდა. წყალი იმღვრეოდა, ბინძურდებოდა და სასმელად უვარგისი ხდებოდა. გრაფიკით მოგვეწოდებოდა ხან როდის - ხან როდის. ერთი წელია, რაც წყალმომარაგების ახალ სისტემაზე გადავედით და მრიცხველიც დაგვიმონტაჟეს. ახლა 24 საათის განმავლობაში სუფთა წყალი გვაქვს, დიდი შეღავათია,“ - ამბობს ნინო ქათამაძე. ჩაქვის მცხოვრებ ნინო ქათამაძის ოჯახი წყალმომარაგების ახალ სისტემაში ერთი წლის წინ ჩაერთო  ნინოს ოჯახი სასმელი წყლით ახლა ჩაქვის ახალი რეზერვუარიდან მარაგდება,  რომელიც ევროკავშირისა და KFW-ს დაფინანსების ფარგლებში ორი წლის წინ მოეწყო. 2500 კუბური მეტრის მოცულობის ეს რეზერვუარი 1100 აბონენტისთვის წყლის უწყვეტ რეჟიმში მიწოდებას უზრუნველყოფს. რეზერვუარის მშენებლობას 900 823 ევრო დასჭირდა. ცალკე პროექტის ფარგლებში ჩაქვში მეორე, შედარებით მცირე, 900 კუბური მეტრი მოცულობის წყლის სამარაგო რეზერვუარიც აშენდა. ჩაქვის №1 2500 კუბური მეტრის მოცულობის რეზერვუარიდან წყლით 1100 აბონენტი მარაგდება ჩაქვში, ასევე, ბათუმსა და მის შემოერთებულ ტერიტორიაზე კომუნალური ინფრასტრუქტურის რეაბილიტაციის ყველაზე დიდ ინვესტიციას გერმანია-საქართველოს ფინანსური თანამშრომლობის პროგრამის ფარგლებში ახორციელებს გერმანიის განვითარებისა და რეკონსტრუქციის ბანკი KFW და ევროკავშირის საინვესტიციო სამეზობლო ფონდი. კომუნალური ინფრასტრუქტურის რეაბილიტაცია რამდენიმე წელია მიმდინარეობს. ჩაქვში ჩატარებული სამუშაოები რეაბილიტაციის მესამე ფაზაში შედის. ამ ფაზაში ჩაერთო ევროკავშირის თანადაფინანსებაც. სწორედ KFW-ის დაფინანსებითა და ევროკავშირის გრანტით განხორციელდა პროექტი, რაც წყალმომარაგებისა და ნაწილობრივ წყალარინების (საკანალიზაციო) სისტემების რეაბილიტაციას, ასევე, გამწმენდი ნაგებობის მშენებლობას მოხმარდა ჩაქვის, მახინჯაურისა და მწვანე კონცხის ტერიტორიაზე. პროექტისთვის, რომელიც მოსახლეობის კეთილდღეობაზე, მდინარეებისა და ზღვის წყლის სისუფთავეზე პირდაპირ აისახება, ევროკავშირმა 4 მილიონი ევრო გამოყო. პროექტის ღირებულებამ ჯამში 6 მილიონ 100 ათასი ევრო შეადგინა - 2 მილიონ 100 ათასი ევროს დაფინანსება  KFW ბანკმა და  ბათუმის მუნიციპალიტეტის მერიამ გამოყო. ბათუმის მუნიციპალიტეტის საინვესტიციო პოლიტიკისა და საგრანტო პროგრამების მართვის განყოფილების უფროსი, ჯაბა ტუღუში ამბობს, რომ ამ დასახლებებში წყალმომარაგების ძველ სისტემაზე ბევრი უკანონო დაერთება იყო, რის შედეგადაც მდინარე ჩაქვისწყლის სათავეზე მოპოვებული წყლის დიდი ნაწილი იკარგებოდა. ბათუმის მუნიციპალიტეტის საინვესტიციო პოლიტიკისა და საგრანტო პროგრამების მართვის განყოფილების უფროსი ჯაბა ტუღუში  „ერთ დიდ ქალაქს რომ ეყოფა, იმდენი წყალი იკარგებოდა. წყლის სისტემის რეაბილიტაციასთან ერთად უკანონო დაერთებებიც ჩაიჭრა, რაც მოსახლეობისთვის 24-საათიანი, უწყვეტი წყალმომარაგების გარანტიაა. უკვე მოწესრიგებული ახალი ქსელის საშუალებით მიმდინარეობს მოსახლეობის ეტაპობრივი გამრიცხველიანება. ცხადია, გაუმჯობესდა წყლის ხარისხიც, რაც რეზერვუარების არარსებობის პირობებში შეუძლებელი იყო. ჩაქვის ორივე რეზერვუარი თვითდენით ცენტრალური სათავე ნაგებობიდან მარაგდება წყლით და შემდეგ მოსახლეობაში ნაწილდება,“ - ამბობს ჯაბა ტუღუში. ზურაბ მიქელაძის მოვალეობა რეზერვუარში წყლის დონის და ქლორის შემცველობის მუდმივი კონტროლია. მან წყლის რეზერვუარის ოპერატორის სპეციალური კურსი გაიარა და სხვა პირებთან ერთად დასაქმდა.   ზურაბ მიქელაძემ სპეციალური კურსი გაიარა და ჩაქვის წყლის №1 რეზერვუარის ოპერატორად დასაქმდა გარდა ჩაქვისა, რომელიც ქობულეთის მუნიციპალიტეტს ეკუთვნის, წყალმომარაგების სისტემა სრულადაა განახლებული მწვანე კონცხსა და მახინჯაურშიც. ეს დასახლებები, ჩაქვის ნაწილის მსგავსად, ქალაქ ბათუმის ფარგლებშია მოქცეული. აქ წყალმომარაგების ახალი მილები ზღვის დონიდან 40 მეტრ სიმაღლეზე მცხოვრებ თითოეულ მოსახლესთან ინდივიდუალურადაა მიყვანილი. ამ ეტაპზე მიმდინარეობს აბონენტების ქსელში ჩართვა-გამრიცხველიანების პროცესი. აჭარის გარემოს დაცვის სამმართველოს გარემოს ინტეგრირებული მართვის განყოფილების უფროსის, ნუგზარ პაპუნიძის თქმით, ჩაქვში წლების განმავლობაში ზღვაში კანალიზაციის წყლის უკანონო ჩაშვების 18 ადგილი იყო დაფიქსირებული და ეს დაბა ზღვის სანაპირო ზოლის ერთ-ერთ ყველაზე დამაბინძურებელ მონაკვეთად მიიჩნეოდა. პრობლემა მას შემდეგ აღმოიფხვრა, რაც ევროკავშირისა და KFW ბანკი დაფინანსების ფარგლებში ჩაქვის ჩამდინარე წყლების გამწმენდი ნაგებობა აშენდა ყველაზე მჭიდროდ დასახლებულ ტერიტორიაზე. ევროპული სტანდარტის გამწმენდი ნაგებობის მოსაწყობად 400 ათასზე მეტი ევრო დაიხარჯა. ის 1200 ოჯახს ემსახურება. აქ გროვდება ყველა ჩამდინარე წყალი, სრულად იწმინდება  ბიოლოგიურად, ზედაპირულ წყალში ჩაშვებამდე კი, მოწმდება წმენდის ხარისხი. მსგავსი ნაგებობები აჭარის მთელ ტერიტორიაზე იქნება ზღვის წყლის უმაღლესი ხარისხის გარანტია, რადგან წყალარინების სისტემების გამართული მუშაობა პირდაპირ კავშირშია ზღვისა და მდინარეების წყლის სისუფთავესთან. ინფრასტრუქტურის რეაბილიტაციის მიმდინარე პროექტის ფარგლებში ბათუმში აშენდა და ფუნქციონირებს ცენტრალური გამწმენდი ნაგებობა, სადაც მთელი ქალაქის, ასევე, გონიოსა და კვარიათის საკანალიზაციო სისტემები იყრის თავს. 2019 წელს, პირველად, ბათუმის კანალიზაცია ღიად ზღვაში აღარ ჩაედინება. ოპერატორი ჰუსეინ ნემსაძე ჩაქვის გამწმენდ ნაგებობაზე ხუთი  დასაქმებულიდან ერთ-ერთია. როგორც თავად ამბობს, მისთვის მნიშვნელოვანია ასრულებდეს სამუშაოს, რაც მდინარეების, ზღვის, ბუნების დაცვასთანაა დაკავშირებული. აკონტროლებს დანადგარებს და მდინარეში ჩაშვებამდე გაწმენდილი წყლის ხარისხზეა პასუხისმგებელი. ჰუსეინ ნემსაძე - ჩაქვის ჩამდინარე წყლების გამწმენდი ნაგებობის ოპერატორი  გამწმენდი ნაგებობა ჩაქვში უკვე სრულად ფუნქციონირებს. აქ დამონტაჟებული დანადგარებით გაწმენდილი წყლის არც ერთი ნაწილაკის შემცველობა გარემოსთვის საზიანო არ არის.             ჩაქვში, აღმაშენებლის ქუჩაზე, ინდივიდუალური დაერთებები გრძელდება იმ ახალ საკანალიზაციო ქსელზე, საიდანაც დაბინძურებული წყალი გამწმენდ ნაგებობაში იყრის თავს. პარალელურად მიმდინარეობს აბონენტების ჩართვა წყალმომარაგების ახალ სისტემაში. ჩაქვში, აღმაშენებლის გამზირზე აბონენტთა ახალ საკანალიზაციო სისტემაზე გადართვის სამუშაოები მიმდინარეობს ჩაქვის მოსახლეობა განცხადებისა და მიმართვის საფუძველზე უერთდება წყალმომარაგებისა და წყალარინების ცენტრალურ სისტემას, რაშიც მათ ფინანსური რესურსის ხარჯვა არ უწევთ. ყველა ხარჯი პროექტითაა გათვალისწინებული და ძირითადად, მუნიციპალიტეტისა და მუნიციპალური საწარმოს - „ბათუმის წყლის“ მიერ ფინანსდება. აღმაშენებლის გამზირის N36-ში მდებარე საცხოვრებელი კორპუსის მცხოვრები მამია კოჩალიძე ამბობს, რომ ამ და ახლომდებარე სხვა კორპუსების სერიოზული პრობლემა არასტაბილური წყალმომარაგება და მოუწესრიგებელი, არარსებული საკანალიზაციო სისტემა იყო. „მილები სულ იჭედებოდა, ვწვალობდით, ჩვენ ვწმენდდით... ძველ, კომუნისტების დროს მოწყობილ შამბოებზე იყო დაერთებული კორპუსების საკანალიზაციო მილები. ანტისანიტარია იყო... წყლისა და კანალიზაციის ძველი სისტემა აქ, მეზობლად მდებარე კორპუსებთანაც მთლიანად გაუქმდება და სრულად გადავალთ ახალ სისტემაზე,“ - ამბობს მამია კოჩალიძე. „მილები სულ იჭედებოდა, ვწვალობდით, ჩვენ ვწმენდდით“ - ჩაქვის მცხოვრები - მამია კოჩალიძე 24-საათიანი წყალმომარაგება სასიცოცხლოდ მნიშვნელოვანია ჩაქვში, მწვანე კონცხსა და მახინჯაურში. შავიზღვისპირა ამ დასახლებებში მოსახლეობის უმეტესობისთვის მნიშვნელოვან შემოსავლის წყაროს წარმოადგენს საზღვაო ტურიზმი. სწორედ ჩაქვთან, მწვანე კონცხთან და მახინჯაურთანაა დაკავშირებული მტირალას ეროვნული პარკი, ცნობილი პლაჟები, ბათუმის ბოტანიკური ბაღი, რაც განსაკუთრებით იზიდავს ტურისტებს. მუდმივი წყალმომარაგება ზრდის მომსახურების ხარისხს, რაც ეკოლოგიურად სუფთა გარემოსთან და ზღვასთან ერთად არის ამ ადგილებში ტურისტებისა და დამსვენებლების რაოდენობის ზრდის გარანტია. ცხადია, ეს აისახება მოსახლეობის შემოსავლებზეც. ინგა ჯინჭარაძის ოჯახისთვის ტურისტულ სეზონზე ხარისხიანი წყლის უწყვეტ მომარაგებას დიდი მნიშვნელობა აქვს, აქამდე ვერც ეზოს რწყავდა ზაფხულობით ისე, როგორც მწვანე ნარგავებს სჭირდებოდა და მის საოჯახო სასტუმროში დაბინავებულ ტურისტებსაც დისკომფორტი ექმნებოდათ უწყლობისგან. უკვე ერთი წელია, რაც ეს მდოგომარეობა შეიცვალა და წყალი გასუფთავდა, აღარც გრაფიკია დაწესებული. ინგა მწვანე კონცხზე ცხოვრობს.  მწვანე კონცხის მცხოვრები - ინგა ჯინჭარაძე ევროკავშირის საინვესტიციო სამეზობლო ფონდისა და გერმანული KFW-ის  დაფინანსებით ჩაქვში, მახინჯაურსა და მწვანე კონცხზე - წყლისა და წყალარინების ახალი სისტემის მოსაწყობად ჩატარებულ სამუშაოებში არაერთი ადამიანი ჩაერთო, შეიქმნა ახალი სამუშაო ადგილები. მხოლოდ ახალი აბონენტების სისტემაში ჩართვისა და მრიცხველების დამონტაჟების  სამუშაოებისას დასაქმდა 300-350 ადამიანი, ამას ემატება გამწმენდ ნაგებობებსა და წყლის რეზერვუარებზე დასაქმებულთა რაოდენობა. წყლისა და წყალარინების ახალი სისტემის მოსაწყობად ჩატარებულ სამუშაოებში არაერთი ადამიანი ჩაერთო, შეიქმნა ახალი სამუშაო ადგილები.  ჩაქვის, მახინჯაურისა და მწვანე კონცხის წყლისა და წყალარინების ახალი სისტემები, რომლებშიც ევროკავშირისგან გამოყოფილი გრანტი დაიხარჯა, იმ დიდი პროექტის ნაწილია, რომლის მიხედვითაც ბათუმში საბოლოოდ უნდა შეიქმნას თანამედროვე, ევროპული სტანდარტების შესაბამისი და ერთი პულტით მართვადი წყლისა და წყალარინების ერთიანი ქსელი. იქ, სადაც წყალარინების სისტემა მოწესრიგებული არ არის, მოსახლეობა იძულებული ხდება კანალიზაციის მილები უკანონოდ მიუერთოს სანიაღვრეებს, დაბინძურებული წყალი კი, ყოველგვარი გაფილტვრის გარეშე ჩაედინება  ზედაპირულ წყლებში და საფრთხეს უქმნის მდინარეებს, აბინძურებს გარემოს, აუარესებს ზღვის წყლის ხარისხს. ჩაქვში, მწვანე კონცხსა და მახინჯაურში, ასევე, ბათუმს შემოერთებულ სხვა ტერიტორიებზე - ხელვაჩაურში, კახაბერში, მეჯინისწყალსა და ადლია-აეროპორტის დასახლებაში -  წყალარინების ახალი სისტემის სრულად გასამართად მუშავდება ახალი პროექტი, რომელიც დონორებთან, განსაკუთრებით KFW ბანკთან წინასწარი შეთანხმებით, მათივე დაფინანსებით განხორციელდება. ავტორი: ია ბობოხიძე სტატია დაიწერა პროექტის „ევროკავშირის აღმოსავლეთ სამეზობლო“ ფარგლებში.სტატიაში გამოხატული მოსაზრებები ეკუთვნის მხოლოდ და მხოლოდ სტატიის ავტორს ... ...
  • "მე და ბოკერია ორკაციან კამერაში ჩაგვსვით და ცოტა ხანი ნუ შემოიხედავთ" _ ლევან ვასაძე"ერთადერთი თხოვნა მექნება, რომ ორკაციან კამერაში ჩაგვსვით და ცოტა ხანი ნუ შემოიხედავთ, – ამის შესახებ ბიზნესმენმა, ლევან ვასაძემ ვიდეომიმართვისას განაცხადა. როგორც ლევან ვასაძემ აღნიშნა, პირადად შეურაცხყოფას არავის აყენებს, თუმცა, საქმე ეხება ქვეყნის რეპუტაციას. „მე თუ დასაპატიმრებელი ვარ, მაშინ გიგა ბოკერიაც არის დასაპატიმრებელი, ვინც არის იდეოლოგი არეულობის მცდელობისა. ერთადერთი თხოვნა მექნება, ორკაციან კამერაში ჩაგვსვით, ცოტა ხანი ნუ შემოიხედავთ, მერე ნამდვილად გექნებათ ლეგალურად დაკავების მიზეზი. ამას ვამბობ ყოველგვარი იუმორის გარეშე. მე პირად შეურაცხყოფაზე არ გადავდივარ, მაგრამ აქ საქმე ეხება ჩვენი ქვეყნის რეპუტაციას კავკასიის რეგიონში, ეს ხალხი ცდილობს ამ ქვეყნის დანგრევას. ჩვენი ქვეყნის პირველი ევროპელები ზეზვა და მზია. სულ უფრო და უფრო ემგვანებიან არამარტო ქცევით, ახლა უკვე გარეგნობითაც ზეზვას და მზიას. ამდენი წელია, მაგინებენ და მლანძღავენ. ეს არის პასუხი ჩემგან არა პირადი წყენის გამო, არამედ იმიტომ, რომ ცდილობენ ქვეყნის არევას“, – განაცხადა ლევან ... ...
  • "კომბლები ჭერში შემოაწყვეთ" _ რას მოუწოდებს ლევან ვასაძე მხარდამჭერებსბიზნესმენ ლევან ვასაძის განცხადებით, მას სურს სახელმწიფოს საჩუქარი გაუკეთოს, რომელიც გულისხმობს იმას, რომ მხარდამჭერებს კომბლების ჭერში შეწყობისკენმოუწოდა. ამის შესახებ ვასაძემ ვიდეომიმართვაში თქვა. მისი განმარტებით, კომბლებილგბტ თემის წარმომადგენლებისთვის არ იყო განკუთვნილი, არამედ იმისთვის, რომ თუ პოლიცია მის მხარდამჭერებს დაუპირისპირდებოდა, მაშინ გამოეყენებინათ. "მინდა ჩვენს მხარდამჭერებს მოვუწოდო, რომ კომბლები შეაწყონ ჭერში. იმიტომ, რომ როგორც გახსოვთ კომბლები არასდროს იყო განკუთვნილი ამ უბედური მამათმავლებისა და მათი პროპაგანდისტებისთვის. ეს იყო იმ შემთხვევისთვის, თუ პოლიცია ჩვენ წიხლებით შეგვდგებოდა და დაგვიწყებდა ცემას. მაგრამ რადგანაც შსს-მ თქვა, რომ პრაიდი არ იქნება და რადგან მათ ეს სიტყვა პირველ დღეს შეგვისრულეს, ახლა ბოლო საჩუქარი ჩვენგან სახელმწიფოს - კომბლები სხვენში. ჩამოვიღოთ მაშინ, როცა მოვა ის მთავრობა, რომელიც კიდევ ერთხელ გაგვიბედავს პრაიდის ჩატარებას. ჩვენ იქ მოვალთ შიშველი ხელებით, ხელზე თეთრი ცხვირსახოცებით. ღმერთი არ გაგიწყრეთ, ძალიან დიდხანს ვიფიქრე, არ მძინებია გასულ ღამესაც. სრულიად ვაცნობიერებ ამ გადაწყვეტილების პასუხისმგებლობას და ვეუბნები ჩემ ძმებს - მოდით წავიდეთ ამ ხიფათზე და მივიდეთ იქ შიშველი ხელებით იმისთვის, რომ ნებისმიერი კორდონი დავშალოთ და გავათრიოთ ეს იდიოტები იქიდან და ხალხი შევაჩეროთ.  თუ თქვენ შეცვლით თქვენს გადაწყვეტილებას და დაიცავთ პრაიდს, ჩაატარებინებთ მას, შეგვდგებით ჩვენ, ჩვენ არ გვეშინია, რა გახდა ერთი ჩხუბი და დაპატიმრება, თუ ჩვენ ამას გვიზამთ, მერე თქვენ თავს დააბრალეთ, რადგან ვერავინ გააკონტროლებს მერე იმას, რაც ამ ქალაქში მოხდება", - თქვა ლევან ვასაძემ. 19 ივნისს „თბილისი პრაიდმა“ გაავრცელა განცხადება, რომელშიც წერია, რომ ღირსების მარშის გაუქმებას არ აპირებენ. ლგბტქ+ აქტივისტები ხელისუფლებისგან ადამიანის უფლებების დაცვას და ქვეყნის კონსტიტუციით აღებული ვალდებულებების შესრულებას ითხოვენ. ამ განცხადებას უპასუხეს ლევან ვასაძის მხარდამჭერებმა, რომლებმაც თქვეს, რომ პრაიდის მშვიდად ჩატარების საშუალებას არ ... ...
  • საქართველოს ბანკი ტაქსებში ახალ, ინოვაციურ საგადამხდელო სისტემას QR - გადახდებს ნერგავს (R)საქართველოს ბანკი  მომხმარებლებისთვის მათ საჭიროებებზე მორგებული სერვისისა თუ პროდუქტის შეთავაზებას აგრძელებს.  მგზავრთა მეტი კომფორტისა და ტაქსის მძღოლებისთვის ახალი ფინანსური შესაძლებლობების შეთავაზების მიზნით, საქართველოს ბანკი ტაქსებში ახალ საგადახდო სისტემის QR - გადახდების დანერგვაზე აცხადებს.    QR გადახდა წარმოადგენს საქართველოს ბანკის მიერ შემუშავებულ გადახდის ინოვაციურ მეთოდს, რომელიც შესაძლებლობას აძლევს მომხმარებელს მყისიერი, უნაღდო ანგარიშსწორებით გადაიხადონ ტაქსის მგზავრობისას და აღარ იფიქრონ ნაღდ ანგარიშსწორებასა თუ ხურდის მოძიებაზე. QR-ით გადახდა ძალიან მარტივია. ყველა მომხმარებელი, ვინც სარგებლობს საქართველოს ბანკის მობილბანკით და ფლობს საქართველოს ბანკის აქტიურ სადებეტო ან/და საკრედიტო ბარათს (Visa, MasterCard ან American Express), QR-ით გადახდას მარტივად შეძლებს. ამისათვის მომხმარებელი ხსნის მობილბანკს და QR კოდის წაკითხვით ახდენს გადახდას. რაც შეეხება ტაქსის მძღოლებს, მოსახერხებელი და თანამედროვე გადახდის მეთოდი მათთვის დამატებითი შემოსავლის წყარო გახდება. ასევე, ისინი შეძლებენ მომხმარებლის ახალი სეგმენტის მოზიდვას, შემოსავლის ჩარიცხვისა და ანგარიშზე თანხის ბრუნვის ჩვენებას. ეს მათ მისცემს შესაძლებლობას, დაადასტურონ რომ არიან დასაქმებულები და აქვთ მუდმივი შემოსავლის წყარო. შემოსავლის დადასტურება კი ტაქსის მძღოლებს საბანკო პროდუქტებზე წვდომას გაუხსნის. QR-ის, როგორც საგადახდო სისტემის დანერგვით ტაქსებში, მძღოლები ისარგებლებენ საბანკო პროდუქტების შემდეგი უპირატესობებით:  საჩუქრად მიიღებენ  საქართველოს ბანკის ბარათს და სხვა უამრავ ბენეფიტს. კონკრეტულად კი, პროგრამაში ჩართული მძღოლები შეძლებენ ურთიერთობის პროგრამა PLUS-ის ყველა ბენეფიტით სარგებლობას (მათ შორის სადაზღვევო პროდუქტებით); QR-ით ჩარიცხულ თანხებზე განხორციელდება PLUS ქულების დამატებითი დარიცხვა. მძღოლები სესხის ასაღებად მანქანის მფლობელობისა და შესაბამისი ფოტოსურათის წარდგენის ვალდებულებისგან გათავისუფლდებიან.  ექნებათ წვდომა სასესხო პროდუქტებზე (საკრედიტო ბარათებზე, სამომხმარებლო სესხზე,  ნებისმიერი მიზნობრიობით).  QR-ით გადახდების სისტემა პირველი სამი თვის განმავლობაში განკუთვნილი იქნება მხოლოდ საქართველოს ბანკის მომხმარებლისთვის, თუმცა, ამ პერიოდის შემდეგ, მძღოლების ხელშეწყობის მიზნით, QR-ით კომფორტულ  გადახდას სხვა ბანკის მომხმარებლებიც შეძლებენ.   იმისათვის, რომ ტაქსის მძღოლი (რომელიც ფლობს თბილისის მერიის მიერ გაცემულ A კატეგორიის ლიცენზიას) ჩაერთოს QR-ით გადახდის ინოვაციურ სისტემაში, საკმარისია, მან 1 ივლისიდან  მიმართოს საქართველოს ბანკის ნებისმიერ ფილიალს, სადაც ის მიიღებს ინდივიდუალურ QR კოდს.  „ჩვენ ვქმნით შესაძლებლობებს, რათა მომხმარებელმა გადაიხადოს ყველგან. იქაც კი, სადაც  გადახდები აქამდე მხოლოდ ნაღდი ანგარიშსწორებით ხდებოდა.  ამასთან,  ჩვენ ვქმნით შესაძლებლობებს მცირე ბიზნესისთვის, მომხმარებელს მოემსახურონ კიდევ უფრო კომფორტულად, ოპერატიულად და მინიმალური დანახარჯებით.  ამავე დროს, ჰქონდეთ წვდომა საბანკო პროდუქტებზე, ისარგებლონ ახალი ფინანსური შესაძლებლობებით და  განავითაროს საკუთარი ბიზნესი“,- განაცხადა საქართველოს ბანკის გენერალური დირექტორის მოადგილემ, მიხეილ გომართელმა.  ... ...

არქივი

ზაფრანი

ეს დიეტა 99% - იან შედეგს იძლევა

ამ დიეტის დროს ერთ კვირაში...

ჩინური მედიცინის რჩევები

ძველი ჩინური მედიცინის მეცნიერულ შესწავლას,...

იაპონური სილამაზის საიდუმლო

გაიკეთეთ სახის და ტანის ნიღაბი,...

5 აკრძალული საკვები

იდეალური ფიგურა და ბრტყელი მუცელი...

10 პროდუქტი დაღლილობის წინააღმდეგ

შვრია _ შვრია შეიცავს მაგნიუმს,...

როგორ ვებრძოლოთ ღამით ჭამას

ეგრეთ წოდებული, "ღამის დიეტის" ავტორი...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...