ახალი არგუმენტები ხუდონჰესის მშენებლობის წინააღმდეგ


მთავარი თემა

ახალი არგუმენტები ხუდონჰესის მშენებლობის წინააღმდეგ

26 ნოე. 2013, 17:31:53

კონფერენციაზე დამსწრე საზოგადოებას სიტყვით მიმართა "საქართველოს გზის" თავმჯდომარე თეიმურაზ მურვანიძემ. მისი განცხადებით, სულ უფრო აქტუალური ხდება ხუდონჰესის მშენებლობის საკითხი და საზოგადოებამ უნდა იცოდეს იმ საფრთხეების შესახებ, რასაც მისი მშენებლობა ქვეყნის უსაფრთხოებას უქმნის.

"ჯერ კიდევ "ეროვნული მოძრაობიდან" ხუდონჰესის თემაზე ძალიან ბევრი განხილვა იყო, თუმცა თემა მაშინ განიხილებოდა ეკოლოგიური, ეკონომიკური და ენერგეტიკული კუთხით, დღეს კი საზოგადეობას შესაძლებლობა ეძლევა, განიხილოს ეს პროექტი სრულიად ახალი ხედვით, რომელიც ეხება ქვეყნის უსაფრთხოების პოლიტიკას. დღეს რუსეთის საგარეო პოლიტიკა ძალიან გააქტიურებულია. ამაზე მეტყველებს სირიაში ირანთან დაკავშირებული მოვლენები, ასევე ის, რომ უკრაინამ საბოლოოდ უარი თქვა ევროინტეგრაციაზე და მის მაგალითს მიბაძა აზერბაიჯანმა. ცნობილია სომხეთის პოზიციაც. ფაქტობრივად, რუსეთი შეტევაზე გადმოვიდა და დღეს უფრო მეტად არის გააქტიურებული ის რისკები და საფრთხეები, რაც ჩვენს ქვეყანას შეიძლება ემუქრებოდეს რუსეთისგან, როგორც აგრესორი ქვეყნისგან, რომელსაც საქართველოს ტერიტორიების 20 პროცენტი აქვს ოკუპირებული. ამ თემას ეძღვნება დღევანდელი კონფერენციაც. რამდენიმე წლის მანძილზე მუშავდებოდა ეს საკითხი IB ევროკავკასიურ უნივერსიტეტთან ერთად, რომელიც გვეხმარება უსაფრთხოების საკითხების ანალიზში და დასკვნების დადებაში. გვინდა საზოგადოებას წარვუდგინოთ და დავანახოთ, თუ რა საფრთხეებს შეიცავს ხუდონჰესი ქვეყნის უსაფრთოების კუთხით," _ განაცხადა მურვანიძემ.

კონფერენციაზე თავისი პოზიცია დააფიქსირა "ახალი მემარჯვენეების" ლიდერმა მამუკა კაციტაძემ და განაცხადა, რომ ხუდონჰესის და ამ ტიპის სხვა პროექტების თემა ხელისუფლების და კონკრეტული პარტიის თუ პიროვნების გადასაწყვეტი არ არის.

"ხუდონჰესის პროექტი დასაფიქრებელია და უნდა იყოს გათვალისწინებული ადგილობრივების ინტერესები, ასევე საფუძვლიანად უნდა მოხდეს ეკოლოგიური საკითხის შესწავლა. დასაფიქრებელი არ ნიშნავს იმას, რომ ხელაღებით უნდა უარვყოთ ან დავეთანხმოთ, რადგან მას სიკეთეები მოაქვს ქვეყნისთვის. კონკრეტულ რეგიონში მცხოვრები მოსახლეობის ინტერესების გათვალისწინებით, ისტორიულ-ტრადიციული იდენტობის ჭრილში ამ საკითხის განხილვის ეკოლოგიური თუ სხვა სახის პრობლემების შესწავლის გარეშე ამ ტიპის პროექტები არ უნდა ხორციელდებოდეს," _ აღნიშნა კაციტაძემ.

მან ხაზი კონფერენციის ჩატარების მნიშვნელობას გაუსვა და აღნიშნა, რომ ორგანიზატორების მხრიდან ხუდონჰესის პროექტის განხორციელება დანახულია უსაფრთხოებისა და ტერიტორიული მთლიანობის შესაძლო რღვევის ჭრილში. "ახალი მემარჯვენეების" ლიდერი მიიჩნევს, რომ თემა უნდა გახდეს საჯარო და მსჯელობის საგანი.

"ამ ტიპის პროექტები არ არის მხოლოდ ხელისუფლების ან ხელისუფლებაში მყოფი კონკრეტული პარტიის თუ პიროვნებების გადასაწყვეტი თემა, მითუმეტეს მაშინ, როდესაც შეიძლება გაჩნდეს კითხვები სხვადასხვა ტიპის ვიწრო ინტერესებზე. თემა უნდა იყოს ღია, უნდა გახდეს ფართო მსჯელობის საგანი და მხოლოდ ამის შემდეგ გადაწყდეს," _ განაცხადა კაციტაძემ.

კონფერენციას ესწრებოდა თავდაცვის ყოფილ მინისტრ დავით თევზაძე. მისი განცხადებით, ხუდონჰესის მშენებლობა შეიძლება საქართველოს ტერიტორიული მთლიანობის შემდგომი რღვევის მაპროვოცირებელი ფაქტორი აღმოჩნდეს.

"ხუდონჰესის მშენებლობა შეიძლება ქვეყნის ტერიტორიული მთლიანობის შემდგომი რღვევის მაპროვოცირებელი ფაქტორი აღმოჩნდეს. მრავალი ფაქტორი ერთად იყრის თავს. ეს არის გარკვეული მოტივაციები და შესაძლებლობები, რომლებიც რუსეთს გააჩნია, გეოპოლიტიკური ვითარება, რომელშიც ჩვენ აღმოვჩნდით და უსაფრთხოების გარემოს ცვლილება 2008 წლის ომის შემდეგ. ეს ყველაფერი ცოტა საზრიანად ერთმანეთს რომ დავუკავშიროთ, დავინახავთ იმ სირთულეს, რომელიც შეიძლება შეგვექმნას ჩრდილოეთ საზღვრებთან დაკავშირებით, თუ კი მოსახლეობის დიდი ნაკადი სვანეთის ტერიტორიიდან ერთბაშად გავა, ეს კი სწორედ ამ პროექტის რეალიზაციის შედეგი იქნება. მოსახლეობა გავა და იმ ადგილას გარკვეულწილად თავისუფალი სივრცე შეიქმნება, რომელიც ცუდია," _ აღნიშნა თევზაძემ.




 ახალი ამბები
  • "მაინც ჩამაგდეს წყალში! ნათლისღებას გილოცავთ!“ _ სააკაშვილი განბანვის ფოტოებს აქვეყნებსმიხეილ სააკაშვილმა განბანვის რიტუალში მიიღო მონაწილეობა.  "მაინც ჩამაგდეს წყალში _ მინუს  19 გრადუსში. ნათლისღებას გილოცავთ",  _ წერს მიხეილ სააკაშვილი "ფეისბუქის" პირად გვერდზე და განბანვის ამსახველ ფოტოებს ... ...
  • ლანჩხუთში მატარებელმა ადამიანის სიცოცხლე იმსხვერპლალანჩხუთში უბედური შემთხვევა მოხდა _ მატარებელი დაეჯახა 60 წლის ადამიანს, რომელიც გარდაიცვალა. შს სამინისტროს პრესსამსახურის ინფორმაციით, საქმის გამოძიება მიმდინარეობს სისხლის სამართლის კოდექსის 275-ე მუხლის მეოთხე ნაწილით დაიწყო, რაც გულისხმობს რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა ... ...
  • როგორ ხვდებოდნენ ნათლისღებას საქართველოშიროცა ქვეყანაში მიმქრალი იყო უფლისადმი რწმენა, ქრისტიანული დღესასწაულისადმი ცოდნაც ნაკლები იყო ხალხში, მაგრამ მიუხედავად ამისა, ნაკურთხი წყლისადმი თავისებური რწმენა ჰქონდათ შერჩენილი ძველ ქართველებს. ამბობენ, ნათლისღების დღეს აღებული უბრალო წყალიც კი ნაკურთხიაო. არ ვიცი, რამდენად ცნობილი იყო ჩემს სოფელში _ გორმაღალში იმ პერიოდის მცხოვრებთათვის მაცხოვრის ნათლისღების ან მდინარე იორდანეს მიერ განწმენდის ძალის შესახებ ისტორიულ-ბიბლიური განმარტება, მაგრამ, რწმენა დიდი იყო როგორც წარსულ დროში, ისე ახლაც და იცოდნენ და იცავდნენ იმ მთავარ წესს, რომ მოუნათლავი არავინ არ უნდა დარჩენილიყო. მაშინ, როცა ტაძრები თითო-ოროლა იყო და, რასაკვირველია, სასულიერო პირებთან ნაკლები შეხება ჰქონდათ, ერთადერთი ხელსაყრელი მომენტი სამეზობლო კუთხეში გარდაცვლილის წესის ასაგებად მოძღვრის მოყვანა გახლდათ. როგორც გადმოცემით ვიცი, ჯიხეთის დედათა მონასტერში მონაზვნად შედგომილ სქემმონაზონ მარიამს (გოგიტაძეს) დიდი წვლილი მიუძღვის ამ კუთხის გაქრისტიანებაში. როგორც მითხრეს, მას დაჰყავდა მონასტრის წინამძღვრები და მის ოჯახში შეკრებილ მსურველებს ფარულად ანათლინებდა. ჩემ მახსოვრობასაც შემორჩა ერთი ძველი ჩვეულება: ნათლისღების დილას, უთენია წამომდგარი ოჯახის უფროსი უმძრახად (ხმაგაუცემლად) როგორ აავსებდა ჭურჭელს წყლით,  სახლის ოთხივე კუთხეში დაღვრიდა, წყლის ნარჩენს კი ტანის საბანად ტოვებდა ოჯახის წევრებისთვის, მადლიანიაო. ამბობენ, ზოგ კუთხეში ეს წყალი საფლავზეც მიჰქონდათ და ზედ მოასხურებდნენ _ ამგვარად, თითქოს, თავიანთ მიცვალებულებსაც აზიარებენ ღვთის განცხადების სიხარულსო, მაგრამ ამ ტრადიციის შესახებ მე არ მსმენია. ვისაც მტკიცე რწმენა და შესაძლებლობა ჰქონდა, მამლის ყივილამდე ავიდოდა ზანდოს წმიდა გიორგის ნანგრევზე, თავისივე ჩამოქნილ სანთელს ანთებდა, შინ დარჩენილები კი სანთელთან ერთად კეცზე დაყრილ ნაკვერჩხალზე დამწვარ ნაძვის ზინთის კვამლს გაატანდნენ (,,ჩაუთქვამდნენ“ )სათხოვარს.  ყველა, როგორც შეეძლო და აღიქვამდა, ისე აღნიშნავდა და პატივს მიაგებდა ამ მადლიან დღეს. თუმცა, ბევრჯერ შევსწრებივარ ისეთ ფაქტსაც, როცა პიროვნება არასერიოზულად აღიქვამდა ამ წმიდა საიდუმლოს მნიშვნელობას და ხდებოდა მექანიკური თუ წამბაძველობითი ნათლისღება. როცა ადამიანი ვერ აცნობიერებს ამა თუ იმ საეკლესიო საიდუმლოს, ეს მეტად საშიშია _ ხშირ შემთხვევაში, მას მადლი ცოდვად ექცევა ხოლმე. მასზე, ამათუ იმ საიდუმლოს შედეგად, რა თქმა უნდა, მექანიკური მოქმედებითაც გადადის უფლის მადლი და ძალა, მაგრამ აქ შემდეგ უმთავრესი გარემოებაა ის არის, როგორ მოხდება ამ მადლის დაცვა. ადამიანმა უფლისგან მიღებული მადლი სწორად უნდა გამოიყენოს და არ მოხდეს პირიქით _ არ შეურაცხყოს სიწმიდე თავისი უწესო ცხოვრებით. როგორც წმიდა მამები ამბობენ, არსებობს ორი შობა: ერთი, როდესაც ბუნებრივად იშვება ადამიანი და მეორე _ სულიერად. ასევეა, ორი სიკვდილი: სულიერი სიკვდილი, როდესაც ხდება მადლის განშორება, რაც გაცილებით უფრო მძიმეა, ვიდრე ფიზიოლოგიური სიკვდილი. ამიტომ ადამიანებს ბევ რამეზე დაფიქრება გვმართებს. ასევე, როდესაც ნათლისღების რიტუალის მიმდინარეობისას ვდებთ აღთქმას ანუ ფიცის უფლის წინაშე რომ:,,შეუდგებოით ქრისტესა“ მისი გზიდან გადახვევა არის ღალატის ტოლფასი. თუ მოინათლე ყრმობის ასაკში და ბოლომდე ვერ აცნობიერებდი დაკისრებულ ვალდებულებას, ამ შემთხვევაში მეტად დიდი პასუხისმგებელური მისია აკისრია თავად ნათლიას და ამიტომ უნდა მოხდეს ნათლიის სწორი შერჩევა რადგან მან უნდა წარმართოს სწორად შენი ცხოვრების გზა. ნათლისღება არის სიმბოლო განწმენდისა, ქრისტეს სხეულთან თანაზიარებისა, ქრისტეში ახლად დაბადებისა, რომლის არსის გაცნობიერება და მეტად სიღრმისეული წვდომაა საჭირო. ვისურვებდი, როგორც იორდანე უკუიქცა, ასე უკუგვექციოს ბოროტება და სიკეთეში ვშობილიყვეთ, რათა ერთ ემბაზში განწმენდილნი ერთად ვადიდებდეთ უფალს და ზეციურ კარიბჭეს მიდგომლებს. რ ოგორც იორდანეში ჩასული იესო ქრისტეს ნათლისღებისას გაისმა ხმა ზეციდან, ისევე გაისმოდეს თითოეულ ჩვენგანისათვის; ,,შენ ხარ ჩემი საყვარელი ძე, რომელიც მოვიწონე მე“ (ლუკა 3,22). გოგიტა ... ...
  • ”გაგვიფრინდა ჩვენი ვარსკვლავბიჭუნა, გიო აღარ გვყავს!"17  წლის გიორგი ბერიძე, რომელსაც გულის გადანერგვა ესაჭიროებოდა, ცოტა ხნის წინ დაიღუპა, _ ამის შესახებ ნფორმაცია სპეციალურად გიორგისვის შექმნილ სოციალურ ჯგუფში გავრცელდა. გიორგის გულის გადანერგვა ესაჭიროებოდა. ამისთვის კი 140000 დოლარი იყო საჭირო. გიორგის დედას იმავე დიაგნოზით ქალიშვილიც გარდაცვლილი ჰყავს და საზოგადოებას სთხოვდა, დახმარებოდა გიორგის სიცოცხლის გადარჩენაში. მას მთელი საქართველო ... ...
  • “გელათში, მიმდინარეობს დროებითი გადახურვის რევიზია და ხარვეზების იდენტიფიცირება“საქართველოს კულტურული მემკვიდრეობის დაცვის ეროვნული სააგენტოს გენერალური დირექტორი ნიკა ანთიძე ფეისბუქზე წერს, რომ ამ დროისთვის მიმდინარეობს გელათის დროებითი გადახურვის რევიზია. “ყველას გილოცავთ ნათლისღებას!!! ვინაიდან გუშინ უხვი ნალექი მოვიდა გელათში, ადგილზე ვარ გუშინდელიდანვე. ჩემი ზედამხდველობით მიმდინარეობს დროებითი გადახურვის რევიზია, ხარვეზების იდენტიფიცირება და გამოსწორება. გელათზე სამუშაოების მწარმოებელი კომპანია შეიცვალა, ამავე კომპანიას დაეკისრა ჯარიმა. ახალი კომპანიის მიერ ჩასატარებელ ღონისძიებებს სრულად დააფინანსებს დაჯარიმებული კომპანია. ვრცელდება დეზინფორმაცია თითქოს დროებითი სახურავი ჩამოინგრა. ეს სიმართლეს არ შეესაბამება“, _ წერს ნიკა ... ...

არქივი

ტესტები

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ იცი თუ არა ყველაფერი?

როგორ უნდა გაარკვიოთ მხარეები ტყეში...

ტესტი _ ყველაზე, ყველაზე...

იცი თუ არა გეოგრაფია

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

კარმიდამო ჩემი

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....