"რა შუაშია შეწყალების კომისიასთან ელისაშვილი, ქორიძე, ბასა ჯანიკაშვილი ან მღვდლები?"

მთავარი თემა

"რა შუაშია შეწყალების კომისიასთან ელისაშვილი, ქორიძე, ბასა ჯანიკაშვილი ან მღვდლები?"

2013 ნოე 27 11:30:20

შეგახსენებთ, რომ პრეზიდენტის მიერ წარდგენილ კომისიას ჟურნალისტი ალეკო ელისაშვილი უხელმძღვანელებს. ძველი წევრებიდან კომისაში მუშაობას სახალხო დამცველი უჩა ნანუაშვილი, მწერალი გივი შაჰნაზარი და მიტროპოლიტი თეოდორე გააგრძელებენ. კომისიის ახალი წევრები კი – ლია მუხაშავრია, ეკა გიგაური, თეა გოგოტიშვილი, ბასა ჯანიკაშვილი, ზვიად ქორიძე, თამარ ხიდაშელი და კოტე ჯანდიერი არიან.

კომისიის ახალი შემადგენლობა პირველად, მიმდინარე წლის განმავლობაში შეიკრიბება. როგორც ჟურნალისტებს კომისიის ახალმა თავმჯდომარე ჟურნალისტმა ალეკო ელისაშვილმა განუცხადა, შეეცდებიან, პრეზიდენტს შესაწყალებელ პატიმართა პირველი სია საახალწლოდ წარუდგინონ.

"ზუსტად ვერ გეტყვით, მაგრამ კომისია უახლოეს მომავალში შეიკრიბება. ვეცდებით, რომ პრეზიდენტს საახალწლოდ წარვუდგინოთ შესაწყალებელთა პირველი სიები," _ აღნიშნა ელისაშვილმა.

რაც შეეხება პატიმართა შეწყალების კრიტერიუმებს, ელისაშვილის გამნარტებით, ის ძალიან მკაფიოდ და გასაგებად გაიწერება. მისი თქმით, შეწყალების კომისიაში ამ ეტაპზე შესულია 600-მდე განცხადება, საიდანაც მოქმედი კრიტერიუმების თანახმად, 150 საქმე გადარჩეულია.

"როგორც ვიცი, კიდევ 200-მდე განცხადებას საპატრიარქოდან ველოდებით. ჩვენ ვალდებული ვართ, ყველა საკითხზე ვიმსჯელოთ. პირველი სამუშაო შეხვედრა ამ კვირაში გაიმართება და თავს არ დავზოგავთ, რომ ახალ წლამდე პრეზიდენტს უკვე პირველი სია წარვუდგინოთ. ჩვენ ვმსჯელობთ, რომ სულ მცირე, ხუთჯერ მაინც შევიკრიბოთ წელიწადში, რათა კომისიას არ უწევდეს ერთბაშად 200 და 300 საქმის განხილვა. საუბარია ადამიანების ბედზე და არ გვინდა, რომელიმე საქმე გაგვეპაროს," _ განაცხადა ელისაშვილმა.

მისივე თქმით, შეწყალების კრიტერიუმები განსაზღვრულია, თუმცა არის რამდენიმე ბუნდოვანი და მიუღებელი მუხლი, რომელიც უნდა შეიცვალოს. ამასთან, ელისაშვილის შეფასებით, შეწყალების წინა კომისია პოლიტიზებული იყო, სადაც "ერთი სია იგზავნებოდა, მეორე – მტკიცდებოდა".

"პრეზიდენტის მხრიდან იყო შეწყალების ოდიოზური შემთხვევებიც. თუმცა, ამის მიუხედავად, ქალბატონ ელენე თევდორაძეს დავუკავშირდები და მასთან ერთად რაღაც საკითხებს აუცილებლად გავივლი," _ აღნიშნა ელისაშვილმა.

უნდა აღინიშნოს ისიც, რომ ელისაშვილს კომისიის ყოფილ თავმჯდომარესთან შეხვედრა და მიმდინარე საქმეების გაცნობაც სურდა, თუმცა, ელენე თევდორაძემ მასთან შეხვედრაზე უარი განაცხადა და აღნიშნა, რომ საქმეები, რისი გაცნობის მიზეზითაც, ელისაშვილმა შეხვედრა ითხოვა, მას არ აქვს და ყველა საქმე ადმინისტრაციაშია.

რაც შეეხება კომისიის ახალი შემადგენლობის შესახებ შეფასებებს, "საქართველოს ანტიკორუფციული პალატის" თავმჯდომარე პაატა შავაძე "გურია ნიუსთან" საუბრისას ამბობს, რომ კომისია არა საზოგადოების წევრებით, არამედ უფლებადამცველებით უნდა დაკომპლექტებულიყო.

"კომისიის ახალი შემადგენლობა არ არის ის, რომელიც შეწყალების კომისიის წევრებად უნდა იწოდებოდნენ. რა შუაშია შეწყალების კომისიასთან ალეკო ელისაშვილი, ზვიად ქორიძე, ბასა ჯანიკაშვილი ან მღვდლები? ისინი იურისტები არ არიან, შესაბამისი მიდგომების უნარი არა აქვთ. შეწყალების დროს მათ ფაქტობრივი მდგომარეობის შეფასების გარდა, სამართლებრივი შეფასებაც უნდა შეეძლოთ. ეს კომისია კი მსახიობებით, რეჟისორებით და ჟურნალისტებით დააკომპლექტეს, რაც სწორად არ მიმაჩნია. ბატონმა პრეზიდენტმა აღნიშნა, რომ განსაკუთრებით ცნობილი ადამიანები არიან კომისიაში, ვინ არის აქ განსაკუთრებით ცნობილი? არიან გაცილებით ცნობილი ადამიანები, რომლებსაც მეტი შეუძლიათ გააკეთონ ჰუმანური მისიის შესრულების დროს, მაგალითად, ზაქარია ქუცნაშვილი. მისი სახით კომისიას ბრწყინვალე წევრი ეყოლებოდა, ასევე კომისიიდან არავითარ შემთხვევაში არ გავუშვებდი ელენე თევდორაძეს. ის თვისობრივად უფლებადამცველია და გავუგრძელებდი უფლებამოსილებას. ეს არ არის ის კომისია, რომელიც იმ რთულ მისიას იკისრებს, რასაც შეწყალება ჰქვია. კომისია, თავის შემადგენლობიდან გამომდინარე, ობიექტურიც ვერ იქნება, ისინი ვერ დაძლევენ იმ პრობლემებს და გამოწვევებს, რაც საქართველოშია. რიგ საკითხებს სამართლებრივ ანალიზს ვერ გაუკეთებენ, ამიტომ მარტო კარგი ბიჭია და წვრილშვილიანი, ეს შეწყალების საფუძველი არ შეიძლება გახდეს, სამართლებრივი ანალიზია საჭირო. ამიტომ, ვფიქრობ, კომისია არა საზოგადოების წევრებით, არამედ უფლებადამცველებით უნდა დაკომპლექტებულიყო. შეწყალება ჰუმანური აქტია, ამიტომ უფლებადამცველის პოზიციას გაცილებით უფრო დიდი მნიშვნელობა ენიჭება, ვიდრე მწერლის, ფსიქოლოგის და სასულიერი პირის მოსაზრებებს. სამართლებრივი ანალიზის გარეშე ასეთი მოქმედებების განხორციელება და დოკუმენტების განხილვა წარმოუდგენელია. სისხლის სამართლის საქმეს როგორ უნდა გაუგოს თავი და ბოლო მწერალმა და ფსიქოლოგმა, ან თუნდაც ჟურნალისტმა? თავიანთი საქმის სპეციალისტები არიან, მაგრამ აღარ უნდა დამთავრდეს ის დრო, რომ ჟურნალისტებმა იურისტობა დაიწყონ და პირიქით? ყველამ თავისი საქმე უნდა აკეთოს. პირადი სიმპატია-ანტიპატიების გამო გადაწყვეტილებები არ უნდა მივიღოთ. სპეციალისტების გარეშე შეწყალების კომისია არ არის შეწყალების კომისია. ამიტომ არ მივესალმები შეწყალების კომისიის ამდაგვარ შემადგენლობას. ცოტა გული დამწყდა, რომ ეს შემადგენლობა პრეზიდენტმა შემოგვთავაზა, მიუხედავად იმისა, რომ თითოეულ მათგანს დიდ პატივს ვცემ, მიმაჩნია, რომ პური მეპურემ უნდა გამოაცხოს," _ აცხადებს შავაძე.

მისივე თქმით, შესაძლოა, კომისიის ეს შემადგენლობა პოლიტიკური ზეგავლენის ქვეშ მოექცეს.

"ეს საფრთხე არის და იქნება. როდესაც ფსიქოლოგი, რეჟისორი და ჟურნალისტი იღებს შეწყალების გადაწყვეტილებას და მას კანონი არ ესმის, არც მისი საპროცესო მოთხოვნები იცის, ამის ალბათობა დიდია. ამიტომ მისთვის პოლიტიკოსის ნათქვამი ნებისმიერი სიტყვა გაუგებარი და ზეგავლენის მომხდენი შეიძლება იყოს. რა თქმა უნდა, როცა არაპროფესიონალი იჭრება სხვის პროფესიაში, ის აუცილებლად მოექცევა სხვისი ზეგავლენის ქვეშ, თუნდაც იმიტომ, რომ უფრო მეტად პროფესიონალს დაეკითხოს, როგორ გადაწყვიტოს ესა თუ ის საკითხი, იურისტს კი ეცოდინება პროფესიონალურად რა გადაწყვტილება მიიღოს. ეს აუცილებლად იქნება საფრთხის შემცველი. რა თქმა უნდა, წინა კომისიასთან დაკავშირებითაც იყო შენიშვნები და საზოგადოების გულისწყრომა. ალბათ, გახსოვთ კიდეც, ბოლოს გამოვიდა ელენე თევდორაძე და თქვა მე არ ვიცი ვინ შეიწყალესო. წარმოიდგინეთ ეს რა მარაზმია, რომ შეწყალების კომისიის თავმჯდომარის გვერდის ავლით ტრიალებდა სისხლის სამართლის საქმეები და ვინ ვის იწყალებდა, არავინ იცის. ისიც გვახსოვს უჩა ნანუაშვილმა პროკურატურის როლი რომ ითამაშა," _ ამბობს შავაძე და დასძენს, რომ შეწყალების კომისიაში სასულიერო პირიც არ უნდა იყოს.

"მე რომ მუსლიმური საზოგადოების წარმომადგენელი ვიყო ვიტყოდი, რატომ უნდა იყოს კომისიის შემადგემლობაში მღვდელი და არა სხვა რელიგიის წარმომადგენელი? შეიძლება მუსლიმი იყოს დაჭერილი და მღვდელმა მის შეწყალებაზე უარი განაცხადოს, სამართლიანი იქნება? თუკი არის კომისიაში მართმადიდებლური რელიგიის წარმომადგენელი, მაშინ სხვა რელიგიების წარმომადგელბიც ჩავსვათ. საზოგადოებაში ესეც გამოიწვევს გარკვეულ გულისწყრომას და უხერხულობას, ამიტომ მიტროპოლიტის ჩასმა კომისიაში საჭირო საერთოდ არ იყო," _ აღნიშნავს შავაძე.

"პოლიტიკის და სამართლის ცენტრის" ხელმძღვანელი ამირან გიგუაშვილი "გურია ნიუსთან" საუბრისას აცხადებს, რომ კომისიის ეფექტურობის გარანტი ამ შემთხვევაში თავად პრეზიდენტი უნდა იყოს.

"ის, რომ შეწყალების კომისია მისი არსებობის დღიდან, განსაკუთრებით კი ბოლო რამდენიმე წლის განმავლობაში, მთლიანად პოლიტიზებული იყო და კონკრეტულ პარტიულ ინტერესებს ემსახურებოდა, საკამათო არ არის. ამას თვითონ ელენე თევდორაძეც ადასტურდებს. თუმცა, მან ხმა მხოლოდ მაშინ ამოიღო, როცა მის ნათქვამს რეალურად ფასი აღარ ჰქონდა. რაც შეეხება კომისიის ამჟამინდელ შემადგანლობას, მათი შეფასება ნაადრევია, თუმცა, კომისიის ეფექტურობის გარანტი ამ შემთხვევაში თავად პრეზიდენტი უნდა იყოს. ამასთან მიმაჩნია, რომ კანონიც დასახვეწია და სრულყოფა სჭირდება, რადგან არსებული რედაქცია ფართო ინტერპრეტაციის საშუალებას იძლევა და არ გამორიცხავს, პოლიტიკური ნების არსებობის შემთხვევაში, კომისია კვლავ საარჩევნო და პოლიტიკური მიზნებისათვის იქნეს გამოყენებული. ამიტომ, კანონი ზუსტად უნდა ასახავდეს იმ პირობებს, რომელთა არსებობის შემთხვევაშიც მსჯავრდებულებს და მათ ოჯახებს პრეზიდენტის მხრიდან შეწყალების იმედი ექნებათ. დღეს შეწყალებას არეგულირებს სისხლის სამართლის კოდექსის 78-ე მუხლი და პრეზიდენტის ბრძანებულება შეწყალების გამოყენების წესის შესახებ, რომელშიც პრეზიდენტს ენიჭება საგამონაკლისო უფლება დადგენილი ნორმების დაუცველად მიიღოს გადაწყვეტილება პირის შეწყალების თაობაზე. ასეთი ზოგადი და საგამონაკლისო ნორმები ამოსაღებია და საჭიროა მკაცრი რეგლამენტაცია, რათა პრეზიდენტის შეწყალების უფლება სასამართლო განაჩენის რევიზიად არ გადაიქცეს, როგორც ეს სააკაშვილის დროს ხდებოდა. საერთოდ უმჯობესი იქნება, მეტი კონტროლისა და ლეგიტომაციისთვის, შეწყალების საკითხს ცალკე კანონი არეგულირებდეს, როგორც ეს ევროპის ზოგიერთ ქვეყნაშია," _ აცხადებს გიგუაშვილი.

ადამიანის უფლებათა დაცვის საპარლამენტო კომიტეტის თავმჯდომარე ეკა ბესელია კი შეწყალების კომისიის თავმჯდომარედ ალეკო ელისაშვილის დანიშვნას დადებითად აფასებს.

როგორც ბესელიამ ჟურნალისტებს განუცხადა, კომისია უნდა იყოს დაკომპლექტებული ისეთი წარმომადგენლებით, რომლებიც ნეიტრალურები იქნებიან და მხარეებს არ წარმოადგენენ.

"კომისიას აქვს ძალიან დიდი მნიშვნელობა. მე მხოლოდ პოზიტიურად შევაფასებ და მივესალმები შეწყალების კომისიის თავმჯდომარედ ალეკო ელისაშვილის დანიშვნის გადაწყვეტილებას. კომისია უნდა იყოს დაკომპლექტებული ისეთი წარმომადგენლებით, რომლებიც არ იქნებიან მხარეები, იქნებიან ნეიტრალურები და ამავე დროს ადამიანის უფლებათა დაცვის სფეროში საკმარისი გამოცდილება ექნებათ. გამოცდილება ეხება განსაკუთრებით პატიმრებთან მუშაობას და მათი უფლებების დაცვას. კომისიას, რომელიც მსჯავრდებულების საქმეებს სწავლობს, ძალიან საინტერესო მიმართულება აქვს," _ განაცხადა ბესელიამ.




 ახალი ამბები
  • სემეკში თავმჯდომარის არჩევნები ჩატარდასაქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) კომისიის თავმჯდომარის არჩევნები  გაიმართა. „ელექტროენერგეტიკისა და ბუნებრივი გაზის შესახებ“ საქართველოს კანონში შესული ცვლილებების მიხედვით, კომისიის წევრებმა ფარული კენჭისყრით, ხმა მისცეს კომისიის თავმჯდომარეობის კანდიდატს. ახალი რეგულაციით,   კომისიის თავმჯდომარე ირჩევა 3 წლის ვადით, მაგრამ არაუმეტეს კომისიის წევრის უფლებამოსილების დარჩენილი ვადისა. კომისიაში განისაზღვრა თავმჯდომარის არჩევის წესი და პროცედურა. წესის შესაბამისად, არჩევნებში გამარჯვებულად ცხადდება ის კანდიდატი, რომელიც მიიღებს არჩევნებში მონაწილე წევრების ხმათა უმრავლესობას. ახალი პროცედურების მიხედვით, კენჭისყრის შედეგების დამტკიცება მოხდება საჯარო სხდომაზე. თავმჯდომარის უფლებამოსილების ვადის ათვლა დაიწყება საჯარო სხდომაზე კენჭისყრის შედეგების დამტკიცების მომენტიდან. საჯარო სხდომა ხვალ, 22 ოქტომბერს 11:00 საათზე გაიმართება.  (R) ... ...
  • საქართველოს ბანკის მხარდაჭერით NASA Space Apps Challenge-ს საქართველომ პირველად უმასპინძლა (R)საქართველოს ბანკის მხარდაჭერით, ილიას სახელმწიფო უნივერსიტეტის აბასთუმნის ასტროფიზიკურმა ობსერვატორიამ NASA Space Apps Challenge Abastumani-ს უმასპინძლა. 18-20 ოქტომბერს გამართული ჰაკათონის მთავარი მიზანი იყო ისეთ ინოვაციურ თემებზე მუშაობა, რომლებიც მიმართულია კაცობრიობისთვის მნიშვნელოვანი პრობლემატიკის მოგვარებისკენ. მაგალითად, როგორიცაა გლობალური დათბობა და მისი მავნე შედეგები, ოკეანის გასუფთავება მავნე ნივთიერებებისა და ნაგვისგან, მთვარის მტვრის იდენტიფიცირება და მისი ნეგატიური გავლენის შემცირების მექანიზმები და ა.შ.  ჰაკათონის ფარგლებში, ისევე, როგორც სხვა ქვეყნებში გამართული Space Apps Challenge-ის მონაწილეებს, საქართველოშიც ჰქონდათ ხუთი სამუშაო თემა: ოკეანეები, მთვარე, მზის სისტემის პლანეტები და ეგზოპლანეტები, გზა დედამიწიდან ვარსკვლავებისკენ, ცხოვრება ჩვენს სამყაროში. თემის არჩევის შემდეგ, მონაწილეებმა 48 საათის განმავლობაში იმუშავეს ისეთ პროექტებზე, როგორებიცაა: ღია ოკეანეში ინტერნეტთან წვდომის პრობლემის გადაჭრა, ვიდეოთამაშის მოფიქრება კოსმოსური ნარჩენების შესაგროვებლად; ციფრული გლობუსის ვებაპლიკაციის შექმნა, რომელიც დედამიწის სამეცნიერო მონაცემების ვიზუალიზაციას NASA-ს Web WorldWind-ის გამოყენებით შეძლებს და სხვა.  „საქართველოს ბანკისთვის მნიშვნელოვანია ინოვაციური პროექტების განხორციელების მხარდაჭერა. განსაკუთრებით ისეთი ფორმატისა, რომელშიც გამორჩეულ და საინტერესო იდეების მქონე ადამიანებს აქვთ შესაძლებლობა,  ფართო საზოგადოებას გააცნონ საკუთარი მიგნებები და ამავე დროს, გააცნონ საქართველო მსოფლიოს. საქართველოს ბანკისთვის მნიშვნელოვანია მსგავსი ღონისძიებების მხარდაჭერით ინოვაციების ხელშეწყობა“, - აცხადებენ საქართველოს ბანკში.  ინფორმაციისთვის, NASA Space Apps მსოფლიოში ყველაზე ფართომასშტაბიანი ჰაკათონია, რომელიც ერთდროულად იმართება 200 სხვადასხვა ადგილას და 48 საათი მიმდინარეობს. ის ინოვაციათა ინკუბატორის პროგრამაა. ჰაკათონში მონაწილეობა შეუძლია ყველას, ვისაც შეუსრულდა 18 წელი და დაინტერესებულია დედამიწისა და კოსმოსის კვლევებით, კოდირებით, ტექნოლოგიებით, დიზაინითა და სხვა გამოყენებითი მეცნიერებებით. პირველ და მეორე ადგილზე გასულ პროექტებს ფულადი ჯილდოები გადაეცათ. გამარჯვებულია გუნდი Algien პროექტით -  Nature at work, რომელიც ორიენტირებულია  წყლის რესურსების მართვისა და რისკების შემცირების სფეროში მწვანე ინფრასტრუქტურის რთული ამოცანების გადაჭრაზე. ასევე, გუნდი Baby Shark პროექტით- Ship chain, რომელიც  ღია ოკეანეში ინტერნეტთან წვდომის პრობლემის გადაჭრას ემსახურება. NASA Space Apps Challenge ჰაკათონის საუკეთესო პროექტებს Global Awards-ის დაჯილდოებაზე წარადგენენ. ... ...
  • ოზურგეთის "ლაშეს" სტადიონის შეტრიალების ინიციატივით დასრულებული ხანგრძლივი დავა ხმაური და ხანგრძლივი დავა მოჰყვა ოზურგეთის მუნიციპალიტეტის საკრებულოს სხდომათა დარბაზში ჩატარებულ თანამონაწილეობითი ბიუჯეტირების პროექტის ფარგლებში  გამარჯვებული პროექტის _  „ლაშეს სტადიონის კეთილმოწყობა“ _ ავტორებთან, მხარდამჭერებთან და დაინტერესებულ პირებთან ერთად განხილვას. მხარდამჭერი მოქალაქეები, მწვრთნელი აკაკი ათუაშვილი, არასამთავრობო და სამთავრობო სექტორის წარომადგენლები დიდხანს დაობდნენ ლაშეს  სტადიონის ტერიტორიის განაშენიანების პროექტზე, რომლისთვისაც 75 ათასი ლარია გათვალისწინებული. აზრთა სხვადასხვაობა თავიდან გამოიწვია შენობის და სხვა ნაგებობების  განთავსების თემამ. _ ჩვენ  ვინც ვართ  ფეხბურთის სპეციალისტები და როგორც ვიტყვით, ის აზრი გათვალისწინებული უნდა იქნეს. მაქვს კითხვა, არის თუ არა სტადიონი სტანდარტში ჩამჯდარი? იქ კეთდება სარბენი ბილიკები, კალათბურთის მოედანი, მაგრამ ჩვენ ფეხბურთის კუთხით ვუყურებთ პირველ რიგში, დღეს აქ ვერ  ვხედავ პიროვნებას, ვინც პროექტი დაწერა, _ თქვა  მწვრთნელმა აკაკი ათუაშვილმა, რაზეც უპასუხეს, რომ პროექტი შედგა ხალხის გამოკითხვის მხარდაჭერით. _ მოსახლეობის გამოკითხვას  მე ვუძღვებოდი, კარგად ვიცი, რა უნდათ _ დიდი ჯოხით  როდის შემორეკონ ძროხები სტადიონზე, _ თქვა გაბრაზებულმა მწვრთნელმა. შეღობვა, სანიაღვრე არხების მოწყობა, დამატებითი სივრცის გამოყოფა _  ეს და კიდევ მრავალი პრობლემური საკითხი წამოსწიეს განხილვის მონაწილეებმა, თუმცა, აკაკი ათუაშვილი დაჟინებით  ითხოვდა სტადიონის მიმდებარე სივრცის გადიდებას, რაც გასახდელების ბოლომდე,   საზღვრის ღობემდე მიწევას გულისხმობდა. _ ვარჯიში სხვა რამეა და თამაში _ სხვა! როცა ვარჯიშია, შეიძლება სტადიონის ერთ ნახევარზე ერთმა ჯგუფმა  ივარჯიშოს და მეორეზე _ მეორემ.  ჩვენ გვჭირდება სივრცე და ეს სივრცე გვაქვს და ამისდაკარგვა არ შეიძლება.  გასახდელები უნდა მივიწიოთ, რომ სივრცე გათავისუფლდეს, _ ასე ვინ  შეადგინა ეს პროექტი, მეარ მეასმის, _ არ ცხრებოდა ათუაშვილი.   _ გადაწყვეტილი არაფერია. ეს პროექტი  თქვენია, თქვენ მოიგეთ და როგორც გსურთ, ისე უნდა გაკეთდეს. გამოგიგზავნით  გენგეგმას, ერთხელ კიდევ დავსხდეთ, შეიტანეთ ცვლილებები, როგორც ჩათვლით საჭიროდ, _ უთხრა ათუაშვილს ოზურგეთის მუნიციპალიტეტის მერის მრჩეველმა ალეკო ბერიძემ, რომელიც განხილვაში აქტიურად მონაწილეობდა და გამუდმებით არწმუნებდა ლაშეს სტადიონის მოწყობის მხარდამჭერებს, რომ ყველაფრი ისე გაკეთდებოდა, როგორც მათ სურდათ. _მე თანახმა ვარ, თუ სტადიონი შეტრიალდება, სივრცე მეტი დარჩება. გარდა ამისა, ახლანდელ შემთხვევაში  დასავლეთ და აღმოსავლეთ  მიმართულებები არ არის გათვალისწინებული  და მეკარეს მზე პირდაპირ  თვალებში ანათებს, _ თქვა ბერიძემ. _აგაშენა  ღმერთმა, მეც ამის თქმა მინდოდა, მაგრამ ბოძების ხელახლა ამოთხრა და სხვა სამუშაოები დამატებით ხარჯებს მოითხოვს და ამიტომ ვერ ვთქვი, _ თქვა ათუაშვილმა. _სჯობს ათასი ლარით მეტი დაიხარჯოს და მოვიძიოთ ეს თანხა, ვიდრე 75 ათას ლარიანი პროექტი გახორციელდეს და უყაირათოდ გაიხარჯოს და ხელახლა გახდეს საკეთებელი, _ უთხრა მას ალეკო ბერიძემ. ხანგრძლივი დავისა და ხმამაღალი  უთანხმოების გამოხატვით გაწელილი  განხილვა მალევე დასრულდა შეთანხმებით, _ მიიღეს  სტადიონის შეტრიალების  გადაწყვეტილება.    დააზუსტეს,  რომ ასეთ შემთხვევაში  სივრცე მეტი დარჩებოდა და აქამდე მიუღწეველი შეთანხმებაც შედგა. „გურია ნიუსის“ კითხვაზე, სტადიონის შეტრიალებით როგორ  მოგვარდებოდა პრობლემა, უფრო ზუსტად რომ ეთქვათ, ალეკო ბერიძემ განაცხადა, რომ მთავარია ისიც,  თამაშის დროს მეკარეს მზე არ მიანათებს თვალებში. _ მზის მინათებისთვის არ დაობდა მწვრთნელი ათუაშვილი. სივრცე აინტრესებდა... _ სხვა რამეზე დაობდა. ის დაობდა, რომ გასახდელი, რომელიც ახლოს არ იყო სტადიონთან, გადატანილიყო ღობესთან და გასახდელს და სტადიონს შორის გამოთავისუფლდებოდა ადგილი. ახლა, სტადიონის შეტრიალებით,  ის სადავო საკითხი ამოვარდა და სივრცეც დარჩება. ამ ყველაფერს როცა ადგილზე ნახავთ, უფრო მიხვდებით. _ თავიდანვე ასე რომ გადაგეწყვიტათ? _ კამათში იბადება ჭეშმარიტება, _ რიტორიკა მოიშველია  ბერიძემ, რის განმტკიცებაშიც მას  საკრებულოს პარატის უფროსი  ნანა თავდუმაძეც შეეშველა: „სამოქალაქო ბიუჯეტირება კარგად ხორცილედება და კონსესუსის მიღწევა შესაძლებელია  მაშინ, როცა  არის უწყვეტი კომუნიკაცია, აზრთა შეჯერება, როგორც დღეს მოხდა აქ,“  _თქვა ... ...
  • სოფელ დარჩელში ბაბუამ შვილიშვილი დაჭრაზუგდიდის მუნიციპალიტეტის, სოფელ დარჩელში ბაბუამ შვილიშვილი დაჭრა. დაჭრილი 27 წლის ასაკის მამაკაცია. როგორც საქართველოს პირველი არხის ჟურნალისტი იუწყება, დაშავებული კლინიკაში ზუგდიდის რეფერალურ ჰოსპიტალში გადაიყვანეს. ექიმების თქმით, მას მარჯვენა მხარის მიდამოებში სავარაუდოდ, ბასრი საგნით აქვს ჭრილობა აქვს მიყენებული, რომელიც ქირურგიულად დამუშავდა. დაჭრილი პალატაში უკვე გადაიყვანეს და მის სიცოცხლეს საფრთხე არ ემუქრება. შინაგან საქმეთა სამინისტროს ინფორმაციით, მომხდარზე აღძრულია სისხლის სამართლის საქმე და დაკავებულია 1937 წელს დაბადებული ... ...
  • სუს-ის უფროსის ახალი მოადგილე ლილუაშვილის ბიძაშვილია _ ოპოზიციის ბრალდებები და უმრავლესობის განმარტებადანიშნა თუ არა სუს-ის უფროსმა, გრიგოლ ლილუაშვილმა, საკუთარ მოადგილედ მისი ახლო ნათესავი _ დღეს ამ თემაზე პარლამენტში კომენტარები დილიდან კეთდება. ოპოზიცია ირწმუნება, რომ სუს-ის უფროსის ახალი მოადგილე, გიგა ნიკოლეიშვილი, გრიგოლ ლილუაშვილის ბიძაშვილია. პარლამენტის ფრაქცია "ნაციონალური მოძრაობის" თავმჯდომარე რომან გოცირიძე აცხადებს, რომ ლილუაშვილი ქვეყანაში არსებული ნეპოტისტური ცხოვრების წესის პრინციპით მოიქცა, რაც მას არ აკვირვებს.  "თუ ნდობაზეა საკითხი, ვის უნდა ენდოს თუ არა ახლობელს. რა თქმა უნდა, სანდო ადამიანია და სანდოობის პრინციპით და დღეს საქართველოში მოქმედი ნეპოტისტური ცხოვრების წესის პრინციპით მოიქცა, ისე, როგორც უნდა მოქცეულიყო. რა გიკვირთ? მე პირიქით გამიკვირდებოდა, რომ ღია კონკურსი გამოეცხადებინათ და მსოფლიოში საუკეთესო სპეციალისტი ჩამოეყვანა მოადგილედ," - განაცხადა რომან გოცირიძემ. მმართველ გუნდში აცხადებენ, რომ მსგავს ინფორმაციას არ ფლობენ და ფაქტს უარყოფენ. პარლამენტის საგარეო ურთიერთობათა კომიტეტის თავმჯდომარის მოადგილე ამბობს, რომ არანაირ მსგავს ინფორმაციას არ ფლობს. დიმიტრი ცქიტიშვილი აცხადებს, რომ გიგა ნიკოლეიშვილი საკმაოდ გამოცდილი კადრია და ის დიდი ხანია რაც არსებულ სისტემაში მუშაობს. "ბიძაშვილია ნამდვილად? სხვა არაფერი არ აქვს იმ ადამიანს? ანუ მე არ ვიცი ვინაა, მაგრამ მას სხვა დამსახურებები არა აქვს სამსახურში? არ ვიცი, მე ვერ გეტყვით რამდენად ბიძაშვილია თუ არა, მე რამდენადაც ვიცი ეს პიროვნება დიდი ხანია მუშაობს ამ სისტემაში და არის გამოცდილი. დანარჩენი დეტალები არ ვიცი. არ ვიცი ბიძაშვილია თუ არა და ვერ გეტყვით, თქვენ ამბობთ, რომ ბიძაშვილია და შეიძლება არც არის, შეიძლება ნათესავია, საქართველოში ბევრი ვიღაცა ერთმანეთის ნათესავია," - აცხადებს დიმიტრი ცქიტიშვილი. ... ...

არქივი

ზაფრანი

რა მოხდება მაშინ, თუ ყოველდღე ორ ბანანს მივირთმევთ

ბანანი მნიშვნელოვნად არეგულირებს არტერიულ წნევას,...

არ მიირთვათ ხილი ჭამის შემდეგ

ხილი მიირთვით საჭმლის მიღებამდე, რადგან...

რამდენიმე რჩევა ბავშვის მოვლის შესახებ

როგორ დაიჭიროთ ბავშვი ხშირად მშობელს...

როგორ მოვიშოროთ ნეგატიური ენერგია?

სალბი ( სამკურნალო მცენარე) შორეულ...

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...