მსოფლიო გადათამაშება, უკრაინის შესაძლო ორად გაჩეხვა და ობიექტი, სახელწოდებით საქართველო

მთავარი თემა

მსოფლიო გადათამაშება, უკრაინის შესაძლო ორად გაჩეხვა და ობიექტი, სახელწოდებით საქართველო

2013 დეკ 3 14:06:42

აღნიშნულზე თეთრ სახლს საპასუხო განცხდება არ გაუვრცელებია, თუმცა, ოფიციალური აშშ უკრაინაში მიმდინარე მოვლენებს სახელმწიფო გადატრიალების მცდელობად არ მიიჩნევს და უკრაინის ხელისუფლებისგან დაჟინებით მოითხოვს, მოქალაქეებს საკუთარი ნების გამოხატვაში ხელი არ შეუშალოს. აშშ-ს პრეზიდენტის პრესმდივან ჯეი კარნმას თქმით, აშშ მხარს უჭერს უკრაინელი ხალხის ნებას ევროპაში ინტეგრაციისკენ.

აღსანიშნავია, რომ უკრაინას საქართველოს ექს-პრეზიდენტი მიხეილ სააკაშვილიც სტუმრობდა. მოგვიანებით კი პოლიტიკური მოვლენების ეპიცენტრს "ერთიანი ნაციონალური მოძრაობის" წევრებიც შეუერთდნენ.

როგორც პარტიის ლიდერები აცხადებენ, ქართველი ხალხი რთულ პერიოდში უკრაინას ისევე უნდა ამოუდგეს მხარში, როგორც მათ გამოხატეს მხარდაჭერა თბილისის მიმართ 2008 წლის აგვისტოს ომის დროს.

"ჩვენი ვალია ამ მძიმე წუთებში, როცა უკრაინელი ხალხი გამოხატავს თავის ნებას და მნიშვნელოვანია, რომ პროცესი მშვიდობიანად წარიმართოს, ვიყოთ მათ გვერდით, როგორც თავის დროზე უკრაინა იდგა ჩვენი დამოუკიდებლობის და მთლიანობის სადარაჯოზე და გვიცხადებდა სოლიდარობას", _ განუცხადა კიევში ჩასულმა გიორგი ბარამიძემ ჟურნალისტებს.

რამდენად შესაძლებელია რუსული ჯარების უკრაინაში შესვლა, როგორი გავლენა შეიძლება ჰქონდეს ქვეყანაში მიმდინარე პროცესებს საქართველოზე და გამოიწვევს თუ არა ქართველი პოლიტიკოსების უკრაინაში ვიზიტი რუსეთის მხირდან აგრესიის გაძლიერებას?

ექსპერტი უსაფრთხოების საკითხებში ხათუნა ლაგაზიძე "გურია ნიუსთან" საუბარში აღნიშნავს, რომ რუსეთის მხირდან უკრაინაში ჯარების შესვლა, დიდი სურვილის არსებობის შემთხვევაცი არ მოხდება.

"რუსეთი უკრაინის პირდაპირ ინტერვენციას ვერ განახორციელებს. მაქსიმუმი რაც შეიძლება მან გააკეთოს და მთლიანი დისბალანსი გამოიწვიოს ზოგადად მსოფლიოში, ესაა ფართომასშტაბიანი სამოქალაქო დაპირისპირება ეთნიკურად რუს და უკრაინელ ხალხს შორის, დასავლეთ და აღმოსავლეთ უკრაინის ინსპირირება. მაგრამ ამ შემთხვევაშიც კი რუსეთის აქტიური ჩარევა არ ნიშნავს ინტერვენციას. ეს იქნება მხოლოდ კულუარებიდან დაფინანსებული პროცესები. უნდა ითქვას, რომ ასეთი ქმედება რუსეთისთვის უფრო დიდი ბომბია, ვინდრე უკრაინისთვის, რადგან უკრაინა არაა საქართველოს ზომის ქვეყანა, სადაც მიმდინარე კონფლიქტებმა შეიძლება მას არაფერი ავნოს. ეს პირდაპირ შეიძლება რუსეთზე გავრცელდეს. რომც არ გავრცელდეს, ეს რუსეთისგან იმხელა ფინანსურ დაბანდებებს მოითხოვს, რომ მათი ეკონომიკა ვერ გაუძლებს. ამიტომ, ვფიქრობ, რუსეთი ამას აცნობიერებს და ამ მასშტაბის დაპირისპირებაზე ის არ წავა", _ უთხრა "გურია ნიუსს" ლაგაზიძემ და დასძინა, რომ ქართველი პოლიტიკოსების უკრაინაში წასვლა რაიმე საფრთხეს არ წარმოადგენს, რადგან ეს ოპოზიციის ქმედებებია და არა ხელისუფლების.

განსხვავებული დამოკიდებულება აქვს პოლიტოლოგ ირაკლი კიკიანს, რომელიც აღნიშნავს, რომ რუსეთისნაირი არაპროგნოზირებადი ქვეყნისგან ყველაფერი მოსალოდნელია.

"როცა საქმე გვაქვს ისეთ არაპროგნოზირებად ქვეყანასთან, როგორიც რუსეთია და რომელიც ყოველგვარ საერთაშორისო ნორმებს უგულვებელყოფს, ყველაფერია მოსალოდნელი. თუმცა, ეს ძალიან ძვირი დაუჯდება რუსეთს.

რაც შეეხება ნაცმოძრაობის წარმომადგენელების კიებში ჩასვლას, მთლიანობაში ეს რუსეთისთის არასასიამოვნო პროცესებია, მაგრამ ჩვენ არ უნდა ვიფიქროთ იმაზე თუ რა სიამოვნებს რუსეთს. მათავარია ეროვნული ინტერესებიდან გამომდინარე ვიმოქმედოთ. უკრაინასა და საქართველოს ერთი კურსი აქვთ არჩეული, ესაა ევროატლანტიკურ სივრცეში ინტეგრირება, აქედან გამომდინარე ბუნებრივია, რომ ქართული მხარე მათ მიმართ თავის მხარდაჭერას აფიქსირებდეს. ჩვენს ინტერესებში შედის უკრაინა რომ ევროპული ოჯახის წევრი გახდეს", _ ამბობს "გურია ნიუსთან" საუბრისას კიკიანი.

მსოფლიო წესრიგის ცვლასა და ევრაზიული კავშირის შექმნას უკავშირებს უკრაინაში მიმდინარე მოვლენებს პოლიტიკურ მეცნიერებათ დოქტორი, პროფესორი თამარ კიკნაძე. მისი თქმით, უკრაინა ორად გაჩეხვის საშიშროების წინაშე დგას.

"ჩვენ არ უნდა დაგვავიწყდეს, რომ უკრაინის მოსახლეობის ნახევარი პრორუსულადაა განწყობილი და რუსეთის გავლენა ძლიან დიდია. ამიტომ, ჩემი აზრით, უკრაინა ამ მხრივ საშიშროების წინაშე დგას, რადგან ადრეც იყო ლაპააკი უკრაინის ორ ნაწილად გაჩეხვაზე.

რაც შეეხება საერთაშორისო თანამეგობრობას, უკანასკნელ მოვლენებს თუ გადავხედავთ, ძალიან საინტერესო მოვლენებია, რომელიც მსოფლიო წესრიგს საერთოდ ცვლის და ვფიქრობ, რომ უკრაინის ასოცირების წევრად არ გაერთიანებაც რაღაც საერთაშორისო გადანაწილებისა და გადათამაშების შედეგია. დასავლეთი ერთფეროვანი არაა, ამიტომ მეჩვენება, რომ ისინი დაინტერესებულნი არიან მესამე - ევრაზიული კავშირის შექმნით", _ უთხრა "გურია ნიუსს" კიკნაძემ და დასძინა, რომ საქართველო ამ შემთხვევაში თამაშ გარეთაა და მისი ბედი მსოფლიო კონექტურაზეა დამოკიდებული.

"საქართველო ბუფერული სახლემწიფოა და სამწუხაროდ ჩვენ არ ვართ საერთაშორისო ურთიერთობების სუბიექტი, ჩვენ ვართ ობიექტი. ჩვენი მომავალი დამოკიდებულია მსოფლიო კონექტურაზე. დასავლეთი ერთ ნაბიჯსაც არ დგამს, თუ ეს მათ ინტერესებში არაა. ამიტომ, გააჩნია მათ რა ინტერესი ექნებათ ჩვენს მიმართ.

"რაც შეეხება ქართველი პოლიტიკოსების ჩართვას ურკაინაში მიმდინარე მოვლენებში, მიხეილ სააკაშვილი ოფიციალური პირია არაა და ოპიზიციაც ამ მომქედებებში უფრო თავისუფალი. სწორია, როცა უმრალვესობამ პარლამენტში მკვეთრი განცხადები არ გააკეთა, რადგა ჩვენი ქვეყანა თავისი ინტერესებით უნდა ცხოვრობდეს. დაველოდოთ მოვლენებს და აქედან გამომდინარე ვაკეთოთ განცხადებები, მკვეთრი მოქმედებები ამ ეტაპზე გაუმართლებელია. ჩვენ იმდენი ჩვენი პრობლემა გვაქვს, რომ სჯობს, ჩვენს თავს მივხედოთ", _ ამბობს კიკნაძე.




 ახალი ამბები
  • სემეკში თავმჯდომარის არჩევნები ჩატარდასაქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) კომისიის თავმჯდომარის არჩევნები  გაიმართა. „ელექტროენერგეტიკისა და ბუნებრივი გაზის შესახებ“ საქართველოს კანონში შესული ცვლილებების მიხედვით, კომისიის წევრებმა ფარული კენჭისყრით, ხმა მისცეს კომისიის თავმჯდომარეობის კანდიდატს. ახალი რეგულაციით,   კომისიის თავმჯდომარე ირჩევა 3 წლის ვადით, მაგრამ არაუმეტეს კომისიის წევრის უფლებამოსილების დარჩენილი ვადისა. კომისიაში განისაზღვრა თავმჯდომარის არჩევის წესი და პროცედურა. წესის შესაბამისად, არჩევნებში გამარჯვებულად ცხადდება ის კანდიდატი, რომელიც მიიღებს არჩევნებში მონაწილე წევრების ხმათა უმრავლესობას. ახალი პროცედურების მიხედვით, კენჭისყრის შედეგების დამტკიცება მოხდება საჯარო სხდომაზე. თავმჯდომარის უფლებამოსილების ვადის ათვლა დაიწყება საჯარო სხდომაზე კენჭისყრის შედეგების დამტკიცების მომენტიდან. საჯარო სხდომა ხვალ, 22 ოქტომბერს 11:00 საათზე გაიმართება.  (R) ... ...
  • საქართველოს ბანკის მხარდაჭერით NASA Space Apps Challenge-ს საქართველომ პირველად უმასპინძლა (R)საქართველოს ბანკის მხარდაჭერით, ილიას სახელმწიფო უნივერსიტეტის აბასთუმნის ასტროფიზიკურმა ობსერვატორიამ NASA Space Apps Challenge Abastumani-ს უმასპინძლა. 18-20 ოქტომბერს გამართული ჰაკათონის მთავარი მიზანი იყო ისეთ ინოვაციურ თემებზე მუშაობა, რომლებიც მიმართულია კაცობრიობისთვის მნიშვნელოვანი პრობლემატიკის მოგვარებისკენ. მაგალითად, როგორიცაა გლობალური დათბობა და მისი მავნე შედეგები, ოკეანის გასუფთავება მავნე ნივთიერებებისა და ნაგვისგან, მთვარის მტვრის იდენტიფიცირება და მისი ნეგატიური გავლენის შემცირების მექანიზმები და ა.შ.  ჰაკათონის ფარგლებში, ისევე, როგორც სხვა ქვეყნებში გამართული Space Apps Challenge-ის მონაწილეებს, საქართველოშიც ჰქონდათ ხუთი სამუშაო თემა: ოკეანეები, მთვარე, მზის სისტემის პლანეტები და ეგზოპლანეტები, გზა დედამიწიდან ვარსკვლავებისკენ, ცხოვრება ჩვენს სამყაროში. თემის არჩევის შემდეგ, მონაწილეებმა 48 საათის განმავლობაში იმუშავეს ისეთ პროექტებზე, როგორებიცაა: ღია ოკეანეში ინტერნეტთან წვდომის პრობლემის გადაჭრა, ვიდეოთამაშის მოფიქრება კოსმოსური ნარჩენების შესაგროვებლად; ციფრული გლობუსის ვებაპლიკაციის შექმნა, რომელიც დედამიწის სამეცნიერო მონაცემების ვიზუალიზაციას NASA-ს Web WorldWind-ის გამოყენებით შეძლებს და სხვა.  „საქართველოს ბანკისთვის მნიშვნელოვანია ინოვაციური პროექტების განხორციელების მხარდაჭერა. განსაკუთრებით ისეთი ფორმატისა, რომელშიც გამორჩეულ და საინტერესო იდეების მქონე ადამიანებს აქვთ შესაძლებლობა,  ფართო საზოგადოებას გააცნონ საკუთარი მიგნებები და ამავე დროს, გააცნონ საქართველო მსოფლიოს. საქართველოს ბანკისთვის მნიშვნელოვანია მსგავსი ღონისძიებების მხარდაჭერით ინოვაციების ხელშეწყობა“, - აცხადებენ საქართველოს ბანკში.  ინფორმაციისთვის, NASA Space Apps მსოფლიოში ყველაზე ფართომასშტაბიანი ჰაკათონია, რომელიც ერთდროულად იმართება 200 სხვადასხვა ადგილას და 48 საათი მიმდინარეობს. ის ინოვაციათა ინკუბატორის პროგრამაა. ჰაკათონში მონაწილეობა შეუძლია ყველას, ვისაც შეუსრულდა 18 წელი და დაინტერესებულია დედამიწისა და კოსმოსის კვლევებით, კოდირებით, ტექნოლოგიებით, დიზაინითა და სხვა გამოყენებითი მეცნიერებებით. პირველ და მეორე ადგილზე გასულ პროექტებს ფულადი ჯილდოები გადაეცათ. გამარჯვებულია გუნდი Algien პროექტით -  Nature at work, რომელიც ორიენტირებულია  წყლის რესურსების მართვისა და რისკების შემცირების სფეროში მწვანე ინფრასტრუქტურის რთული ამოცანების გადაჭრაზე. ასევე, გუნდი Baby Shark პროექტით- Ship chain, რომელიც  ღია ოკეანეში ინტერნეტთან წვდომის პრობლემის გადაჭრას ემსახურება. NASA Space Apps Challenge ჰაკათონის საუკეთესო პროექტებს Global Awards-ის დაჯილდოებაზე წარადგენენ. ... ...
  • ოზურგეთის "ლაშეს" სტადიონის შეტრიალების ინიციატივით დასრულებული ხანგრძლივი დავა ხმაური და ხანგრძლივი დავა მოჰყვა ოზურგეთის მუნიციპალიტეტის საკრებულოს სხდომათა დარბაზში ჩატარებულ თანამონაწილეობითი ბიუჯეტირების პროექტის ფარგლებში  გამარჯვებული პროექტის _  „ლაშეს სტადიონის კეთილმოწყობა“ _ ავტორებთან, მხარდამჭერებთან და დაინტერესებულ პირებთან ერთად განხილვას. მხარდამჭერი მოქალაქეები, მწვრთნელი აკაკი ათუაშვილი, არასამთავრობო და სამთავრობო სექტორის წარომადგენლები დიდხანს დაობდნენ ლაშეს  სტადიონის ტერიტორიის განაშენიანების პროექტზე, რომლისთვისაც 75 ათასი ლარია გათვალისწინებული. აზრთა სხვადასხვაობა თავიდან გამოიწვია შენობის და სხვა ნაგებობების  განთავსების თემამ. _ ჩვენ  ვინც ვართ  ფეხბურთის სპეციალისტები და როგორც ვიტყვით, ის აზრი გათვალისწინებული უნდა იქნეს. მაქვს კითხვა, არის თუ არა სტადიონი სტანდარტში ჩამჯდარი? იქ კეთდება სარბენი ბილიკები, კალათბურთის მოედანი, მაგრამ ჩვენ ფეხბურთის კუთხით ვუყურებთ პირველ რიგში, დღეს აქ ვერ  ვხედავ პიროვნებას, ვინც პროექტი დაწერა, _ თქვა  მწვრთნელმა აკაკი ათუაშვილმა, რაზეც უპასუხეს, რომ პროექტი შედგა ხალხის გამოკითხვის მხარდაჭერით. _ მოსახლეობის გამოკითხვას  მე ვუძღვებოდი, კარგად ვიცი, რა უნდათ _ დიდი ჯოხით  როდის შემორეკონ ძროხები სტადიონზე, _ თქვა გაბრაზებულმა მწვრთნელმა. შეღობვა, სანიაღვრე არხების მოწყობა, დამატებითი სივრცის გამოყოფა _  ეს და კიდევ მრავალი პრობლემური საკითხი წამოსწიეს განხილვის მონაწილეებმა, თუმცა, აკაკი ათუაშვილი დაჟინებით  ითხოვდა სტადიონის მიმდებარე სივრცის გადიდებას, რაც გასახდელების ბოლომდე,   საზღვრის ღობემდე მიწევას გულისხმობდა. _ ვარჯიში სხვა რამეა და თამაში _ სხვა! როცა ვარჯიშია, შეიძლება სტადიონის ერთ ნახევარზე ერთმა ჯგუფმა  ივარჯიშოს და მეორეზე _ მეორემ.  ჩვენ გვჭირდება სივრცე და ეს სივრცე გვაქვს და ამისდაკარგვა არ შეიძლება.  გასახდელები უნდა მივიწიოთ, რომ სივრცე გათავისუფლდეს, _ ასე ვინ  შეადგინა ეს პროექტი, მეარ მეასმის, _ არ ცხრებოდა ათუაშვილი.   _ გადაწყვეტილი არაფერია. ეს პროექტი  თქვენია, თქვენ მოიგეთ და როგორც გსურთ, ისე უნდა გაკეთდეს. გამოგიგზავნით  გენგეგმას, ერთხელ კიდევ დავსხდეთ, შეიტანეთ ცვლილებები, როგორც ჩათვლით საჭიროდ, _ უთხრა ათუაშვილს ოზურგეთის მუნიციპალიტეტის მერის მრჩეველმა ალეკო ბერიძემ, რომელიც განხილვაში აქტიურად მონაწილეობდა და გამუდმებით არწმუნებდა ლაშეს სტადიონის მოწყობის მხარდამჭერებს, რომ ყველაფრი ისე გაკეთდებოდა, როგორც მათ სურდათ. _მე თანახმა ვარ, თუ სტადიონი შეტრიალდება, სივრცე მეტი დარჩება. გარდა ამისა, ახლანდელ შემთხვევაში  დასავლეთ და აღმოსავლეთ  მიმართულებები არ არის გათვალისწინებული  და მეკარეს მზე პირდაპირ  თვალებში ანათებს, _ თქვა ბერიძემ. _აგაშენა  ღმერთმა, მეც ამის თქმა მინდოდა, მაგრამ ბოძების ხელახლა ამოთხრა და სხვა სამუშაოები დამატებით ხარჯებს მოითხოვს და ამიტომ ვერ ვთქვი, _ თქვა ათუაშვილმა. _სჯობს ათასი ლარით მეტი დაიხარჯოს და მოვიძიოთ ეს თანხა, ვიდრე 75 ათას ლარიანი პროექტი გახორციელდეს და უყაირათოდ გაიხარჯოს და ხელახლა გახდეს საკეთებელი, _ უთხრა მას ალეკო ბერიძემ. ხანგრძლივი დავისა და ხმამაღალი  უთანხმოების გამოხატვით გაწელილი  განხილვა მალევე დასრულდა შეთანხმებით, _ მიიღეს  სტადიონის შეტრიალების  გადაწყვეტილება.    დააზუსტეს,  რომ ასეთ შემთხვევაში  სივრცე მეტი დარჩებოდა და აქამდე მიუღწეველი შეთანხმებაც შედგა. „გურია ნიუსის“ კითხვაზე, სტადიონის შეტრიალებით როგორ  მოგვარდებოდა პრობლემა, უფრო ზუსტად რომ ეთქვათ, ალეკო ბერიძემ განაცხადა, რომ მთავარია ისიც,  თამაშის დროს მეკარეს მზე არ მიანათებს თვალებში. _ მზის მინათებისთვის არ დაობდა მწვრთნელი ათუაშვილი. სივრცე აინტრესებდა... _ სხვა რამეზე დაობდა. ის დაობდა, რომ გასახდელი, რომელიც ახლოს არ იყო სტადიონთან, გადატანილიყო ღობესთან და გასახდელს და სტადიონს შორის გამოთავისუფლდებოდა ადგილი. ახლა, სტადიონის შეტრიალებით,  ის სადავო საკითხი ამოვარდა და სივრცეც დარჩება. ამ ყველაფერს როცა ადგილზე ნახავთ, უფრო მიხვდებით. _ თავიდანვე ასე რომ გადაგეწყვიტათ? _ კამათში იბადება ჭეშმარიტება, _ რიტორიკა მოიშველია  ბერიძემ, რის განმტკიცებაშიც მას  საკრებულოს პარატის უფროსი  ნანა თავდუმაძეც შეეშველა: „სამოქალაქო ბიუჯეტირება კარგად ხორცილედება და კონსესუსის მიღწევა შესაძლებელია  მაშინ, როცა  არის უწყვეტი კომუნიკაცია, აზრთა შეჯერება, როგორც დღეს მოხდა აქ,“  _თქვა ... ...
  • სოფელ დარჩელში ბაბუამ შვილიშვილი დაჭრაზუგდიდის მუნიციპალიტეტის, სოფელ დარჩელში ბაბუამ შვილიშვილი დაჭრა. დაჭრილი 27 წლის ასაკის მამაკაცია. როგორც საქართველოს პირველი არხის ჟურნალისტი იუწყება, დაშავებული კლინიკაში ზუგდიდის რეფერალურ ჰოსპიტალში გადაიყვანეს. ექიმების თქმით, მას მარჯვენა მხარის მიდამოებში სავარაუდოდ, ბასრი საგნით აქვს ჭრილობა აქვს მიყენებული, რომელიც ქირურგიულად დამუშავდა. დაჭრილი პალატაში უკვე გადაიყვანეს და მის სიცოცხლეს საფრთხე არ ემუქრება. შინაგან საქმეთა სამინისტროს ინფორმაციით, მომხდარზე აღძრულია სისხლის სამართლის საქმე და დაკავებულია 1937 წელს დაბადებული ... ...
  • სუს-ის უფროსის ახალი მოადგილე ლილუაშვილის ბიძაშვილია _ ოპოზიციის ბრალდებები და უმრავლესობის განმარტებადანიშნა თუ არა სუს-ის უფროსმა, გრიგოლ ლილუაშვილმა, საკუთარ მოადგილედ მისი ახლო ნათესავი _ დღეს ამ თემაზე პარლამენტში კომენტარები დილიდან კეთდება. ოპოზიცია ირწმუნება, რომ სუს-ის უფროსის ახალი მოადგილე, გიგა ნიკოლეიშვილი, გრიგოლ ლილუაშვილის ბიძაშვილია. პარლამენტის ფრაქცია "ნაციონალური მოძრაობის" თავმჯდომარე რომან გოცირიძე აცხადებს, რომ ლილუაშვილი ქვეყანაში არსებული ნეპოტისტური ცხოვრების წესის პრინციპით მოიქცა, რაც მას არ აკვირვებს.  "თუ ნდობაზეა საკითხი, ვის უნდა ენდოს თუ არა ახლობელს. რა თქმა უნდა, სანდო ადამიანია და სანდოობის პრინციპით და დღეს საქართველოში მოქმედი ნეპოტისტური ცხოვრების წესის პრინციპით მოიქცა, ისე, როგორც უნდა მოქცეულიყო. რა გიკვირთ? მე პირიქით გამიკვირდებოდა, რომ ღია კონკურსი გამოეცხადებინათ და მსოფლიოში საუკეთესო სპეციალისტი ჩამოეყვანა მოადგილედ," - განაცხადა რომან გოცირიძემ. მმართველ გუნდში აცხადებენ, რომ მსგავს ინფორმაციას არ ფლობენ და ფაქტს უარყოფენ. პარლამენტის საგარეო ურთიერთობათა კომიტეტის თავმჯდომარის მოადგილე ამბობს, რომ არანაირ მსგავს ინფორმაციას არ ფლობს. დიმიტრი ცქიტიშვილი აცხადებს, რომ გიგა ნიკოლეიშვილი საკმაოდ გამოცდილი კადრია და ის დიდი ხანია რაც არსებულ სისტემაში მუშაობს. "ბიძაშვილია ნამდვილად? სხვა არაფერი არ აქვს იმ ადამიანს? ანუ მე არ ვიცი ვინაა, მაგრამ მას სხვა დამსახურებები არა აქვს სამსახურში? არ ვიცი, მე ვერ გეტყვით რამდენად ბიძაშვილია თუ არა, მე რამდენადაც ვიცი ეს პიროვნება დიდი ხანია მუშაობს ამ სისტემაში და არის გამოცდილი. დანარჩენი დეტალები არ ვიცი. არ ვიცი ბიძაშვილია თუ არა და ვერ გეტყვით, თქვენ ამბობთ, რომ ბიძაშვილია და შეიძლება არც არის, შეიძლება ნათესავია, საქართველოში ბევრი ვიღაცა ერთმანეთის ნათესავია," - აცხადებს დიმიტრი ცქიტიშვილი. ... ...

არქივი

ზაფრანი

რა მოხდება მაშინ, თუ ყოველდღე ორ ბანანს მივირთმევთ

ბანანი მნიშვნელოვნად არეგულირებს არტერიულ წნევას,...

არ მიირთვათ ხილი ჭამის შემდეგ

ხილი მიირთვით საჭმლის მიღებამდე, რადგან...

რამდენიმე რჩევა ბავშვის მოვლის შესახებ

როგორ დაიჭიროთ ბავშვი ხშირად მშობელს...

როგორ მოვიშოროთ ნეგატიური ენერგია?

სალბი ( სამკურნალო მცენარე) შორეულ...

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...