ბლეფი, ანუ სახელმწიფო უწყებებში გამოცხადებული ვაკანსიები

მთავარი თემა

ბლეფი, ანუ სახელმწიფო უწყებებში გამოცხადებული ვაკანსიები

3 დეკ. 2013, 14:30:04

არსებობს თუ არა რეალურად საჯარო უწყებებში ვაკანტური ადგილები და რამდენად აქვს ჩვეულებრივ მოქალაქეს იქ მოხვედრის საშუალება, ამ თემას "გურა ნუსმა" ცოტა ხნის წინ სტატია მიუძღვნა ვაკანტური ადგილები, რომლებიც სინამდვილეში არ არსებობს.

"გურია ნიუსი" ამჯერად შეეცადა გაერკვია რომელ საჯარო უწყებაში მიიღეს ახალი კადრები და რამდენად ობიექტურად ჩატარდა გამოცხადებული კონკურსი. საზოგადოების აზრი აქაც ექსპერტების მოსაზრებას დაემთხვა. კონკურსანტების თქმით, აქვთ ეჭვი, რომ საჯარო უწყებებში კონკრეტული ადამიანებისთვის სასურველი კანდიდატები ინიშნებიან.

საჯარო მიმოწერა და კონკურსის დასრულებამდე შერჩეული კანდიდატები

პირველი სტატიის გამოქვეყნების შემდეგ "გურია ნიუსს" დასაქმების მსურველი საკმაოდ ბევრი კონკურსანტი დაუკავშირდა, რომლებიც ამ სფეროში არსებულ პრობლემებზე და ამა თუ იმ ვაკანტურ ადგილზე უფროსისთვის სასურველი კანდიდატების დანიშვნაზე საუბრობენ.

ერთ-ერთი მათგანი საქართველოს რეგიონული განვითარების და ინფრასტრუქტურის სამინისტროს მიერ გამოცხადებული კონკურსის მონაწილეა, რომლის ვინაობასაც შეგნებულად არ ვასახელებთ.

"საქართველოს რეგიონული განვითარებისა და ინფრასტრუქტურის სამინისტროს მიერ გამოცხადებულ ვაკანსიაზე საზოგადოებასთან ურთიერთობის სამსახურის მთავარი სპეციალისტის თანამდებობაზე hr.gov.ge-ს საშუალებით შევავსე განაცხადი, სამინისტროს წარმომადგენელმა მეილით შემატყობინა, რომ წარმატებით გადავლახე პირველი ეტაპი, ანუ cv-ების გადარჩევა და ტესტირებაზე გავედი 22 ოქტომბერს, 100 ქულიდან 87 ქულა ავიღე. ტესტირების შემდეგ, იგივე წარმომადგენლისგან მივიღე შეტყობინება, სადაც მითითებული იყო, რომ კონკურსის მეორე ეტაპი, გასაუბრება ჩატარდებოდა ამა წლის 8 ნოემბრიდან ნოემბრის ბოლომდე, ხოლო დამატებით რიცხვს და საათს გასაუბრებამდე 2 დღით ადრე მაცნობებდნენ, თუმცა ამ დრომდე სამინისტროდან არავინ დამკონტაქტებია. ამ წერილის მიღებიდან რამდენიმე დღის შემდეგ, მეილზე, რომელზეც სამინისტროს წარმომადგენელი მეკონტაქტებოდა, უცნობი პიროვნებისგან მოვიდა შეტყობინება, ტექსტით და ფოტო-სურათებით, რომლებიც ასახავდნენ სამინისტროს საზოგადოებასთან ურთიერთობის სამსახურის უფროსის და მისი თანამშრომლების, რომლებიც ასევე მონაწილეობდნენ კონკურსში, საჯარო მიწერ-მოწერას. როგორც ჩემთვის ცნობილია, დაახლოებით ამ მეილის გავრცელებას ემთხვევა უკვე დანიშნული გასაუბრებების ახსნა-განმარტებების გარეშე გაუქმებაც (რესპონდენტის მიერ მოწოდებულ ფოტოსურათების გამოქვეყნებისგან "გურია ნიუსი" კონკურსის დასრულებამდე თავს იკავებს). თუ გასაუბრების ეტაპზე არ დამიბარეს, ამის შემდეგ გადავწყვეტ როგორ ვიმოქმედო, ჩემი შემდეგი ნაბიჯი მთლიანად სამინისტროს პასუხზეა დამოკიდებული", _ აღნიშნავს რესპონდენტი "გურია ნიუსთან" საუბრისას.

რეგიონული განვითარების და ინფრასტრუქტურის სამინისტროს მედიასთან ურთიერთობის სამსახურის უფროსი მაგდა პოპიაშვილი ჩვენთან საუბრისას აღნიშნავს, რომ სამინისტროში გამოცხადებული კონკურსი დეკემბრის ბოლომდე დასრულდება და ყველა კანდიდატს, რომლებმაც ტესტირების ზღვარი გადალახეს, გასაუბრებაზე დაიბარებენ.

"კონკურსი დეპარტამენტების უფროსებისა და მათ მოადგილეების შესარჩევად დასრულებულია. რაც შეეხება სამინისტროს სპეციალისტებს, მთავარ სპეციალისტებსა და უფროს სპეციალისტებს, აქ გასაუბრების ეტაპია დარჩენილი და უახლოეს მომავალში ესეც ჩატარდება. კონკურსანტები გასაუბრების გადადების შესახებ გაფრთხილებულები არიან, ზუსტ ვადას მათ რამდენიმე დღით ადრე აცნობებენ. გასაუბრების გადადების მიზეზი მთავრობის დამტკიცება იყო. საატესტაციო-საკონკურსო კომისიის თავმჯდომარე მინისტრის პირველი მოადგილეა, გათავისუფლებული მოადგილე კი კონკურსს ვერ ჩაატარებდა. ახალ წლამდე გასაუბრება აუცილებლად ჩატარდება", _ აცხადებს პოპიაშვილი.

რაც შეეხება კონკრეტულად საზოგადოებასთან და მედიასთან ურთიერთობის სამსახურში გამოცხადებულ ვაკანისებს, პოპიაშვილი ამბობს, რომ მან და მისმა მოადგილემ კონკურსი უკვე გაიარეს.

"ჩემი მოადგილე კონკურსის შედეგად მოვიდა სამინისტროში, რაც შეეხება უფროს და მთავარ სპეციალისტებს ჩემს განყოფილებაში, მათ ზუსტად ისევე უწევს კონკურსის გავლა, როგორც სხვა კანდიდატებს და გასაუბრების ეტაპს ელოდებიან. ეს ყველა თანამშრომელს ეხება და კანონი არეგულირებს", _ აცხადებს პოპიაშვილი.

სავალდებულოა თუ არა ხარვეზის გამოსწორების პრაქტიკა? - ანუ "ვინ უნდა გავიყვანოთ და ვინ არა, ამას თავად კომისია წყვეტს"

უკმაყოფილი კონკურსანტები ჰყავს ქუთაისის მერიის საკონკურსო-საატესტაციო მუდმივმოქმედ კომისიას, სადაც ვაკანტური თანამდებობების დასაკავებლად 1200-მდე განაცხადი იყო შესული, აქედან 1000 კანდიდატზე მეტი დოკუმენტაციის არასწორად წარდგენის გამო კონკურსიდან მოხსნეს.

სამოქალაქო ინტერესების დაცვის ცენტრ "არგუსის" ხელმძღვანელი მანანა მანაგაძე, რომელიც კონკურსის ერთ-ერთი მონაწილე იყო, ქუთაისის მერიის საკონკურსო-საატესტაციო მუდმივმოქმედ კომისიას ტენდენციურობაში ადანაშაულებს და აცხადებს, რომ კომისია ფრაქციის თავმჯომარეებით და საკრებულოს წევრებითაა დაკომპლექტებული, რომლებსაც აღნიშნულ თანამდებობებზე "თავიანთი ფავორიტების" დანიშვნა სურთ.

"მიმდინარე წლის 20 აგვისტოს ქუთაისის მერიის თანამშრომელთა შესარჩევი კონკურსი გამოცხადდა და მონაწილეობა გადავწყვიტე, თუმცა, კონკურსის პირევლივე ეტაპიდან მომხსნეს, თითქოსდა საბუთების არასრულყოფილად წარდგენის გამო. შემიძლია პირდაპირ ვთქვა, რომ საკონკურსო-საატესტაციო მუდმივმოქმედი კომისია 7 კაცის შემადგენლობით, მართული კომისიაა, რომლმაც დანაშაული ჩაიდინა, რადგან ზოგიერთ ვაკანტურ ადგილზე უალტერნატივოდ დატოვა თითო ადამიანი ადგილზე, სადაც 12-15 და 30 განაცხადიც იყო შესული. ამასთან, კომისიამ ხარვეზის გასწორების პრაქტიკა არ გამოიყენა. ხარვეზად ჩათვალეს ისეთი აბსურდი, რომ CV და ავტობიოგრაფია თითქოს სხვადასხვა დოკუმენტი იყო და ორივე უნდა წარგვედგინა. არც კანონი „საჯარო სამსახურის შესახებ“ და არც პრეზიდენტის ბრძანებულება ორივე დოკუმენტის ერთდროულად წარდგენას არ მოითხოვს. მით უფრო, ვიცოდი, როდესაც მერების შესარჩევი კონკურსი ჩატარდა, იქაც ორივე იყო მოთხოვნილი, თუმცა რამდენიმე კანდიდატმა მხოლოდ ერთი წარადგინა და არცერთი მათგანი ამის გამო კონკურსიდან არ მოუხსნიათ. ჩემი კანდიდატურის მოხსნის შემდეგ, კომისიის ეს გადაწყვეტილება საპრეტენზიო კომისიასთან გავასჩივრე, მაგრამ უბედურება ის არის, რომ საპრეტენზიო და შესარჩევი კომისია ერთი გუნდია. ჯერ ერთი, ინტერესთა კონფლიქტია ის, რომ კომისიაში ფრაქციის თავმჯომარეები და საკრებულოს წევრები არიან წარმოდგენილები, თავისთავად ცხადია, რომ ყველა პარტიას თავისი ფავორიტები ჰყავთ, რომლებიც კონკურსში მონაწილეობდნენ და ბუნებრივია, ობიექტური ვერ იქნებოდნენ. გარა ამისა, საპრეტენზიო კომისის წევრი პოლიტიკური პარტიის წევრიცაა და ინტერესთა კონფლიქტი იქმნება, საუბარი მაქვს „პატრიოტთა ალიანსზე“. ამასთან, საპრეტენზიო კომისიაში საკრებულოს იურისტები არიან ანუ გასაჩივრება აზრს კარგავს. კონკურსიდან მოხსნილი კანდიდატები მოვუწოდებთ ქალაქის მერს შოთა მურღულიას, არ დაამტკიცოს კონკურსის შედეგები. ამ მოთხოვნით, პარასკევს, 6 დეკემბერს, 13:00 საათზე აქციის გამართვასაც ვაპირებთ", _ აცხადებს მანაგაძე.

ქუთაისის მერიის საკონკურსო-საატესტაციო მუდმივმოქმედი კომისიის თავმჯდომარე თამაზ მარგველაშვილი "გურია ნიუსთან" საუბრისას, მანაგაძის ბრალდებებს აბსურდულს უწოდებს და აცხადებს, რომ ხარვეზის გასწორების პრაქტიკას კანონი არ ითვალისწინებს.

"1200 განაცხადი იყო შემოსული 48 ადგილზე. ძალიან ბევრი კანდიდატი მოვხსენით პირველივე ეტაპიდან, მხოლოდ 162 კონკურსანტი გადავიდა შემდეგ ეტაპზე. მათი მოხსნის ძირითადი მიზეზი დოკუმენტაციის არასრულად წარმოდგენა იყო, ზოგს პირადობა აკლდა, ზოგს ცნობა ნასამართლეობის შესახებ, ნარკოლოგიური შემოწმების დამადასრურებელი ცნობა, ავტობიოგრაფია და ა.შ. ხარვეზის გამოსწორების საშუალება არ გამოგვიყენებია, რადგან ამას კანონი არ ითვალისწინებს, რომლითაც საკონკურსო-საატესტაციო კომისია ხელმძღვანელობს. სახელმძღვანელო წესში არ არის მითითებული, რომ ხარვეზი უნდა გამოსწორდეს. რაც შეეხება კონკრეტულად მანანა მანაგაძესთან დაკავშირებულ საკითხს, ავტობიოგრაფიის წარდგენა მან საჭიროდ არ ჩათვალა, რადგან cv ჰქონდა მოტანილი, თუმცა, მოთხოვნა ორივე დოკუმენტზე იყო და მას ორივე უნდა წამროედგინა. ბრალდებაზე კი შემიძლია გიპასუხოთ, ვინ უნდა გაიყვანოს კომისიამ და ვინ არა, ამას თავად კომისია წყვეტს. უფრო სწორად, ჩვენ შეფასება უნდა მივცეთ", _ აცხადებს მარგველაშვილი და დასძენს, რომ ამ კონკურსში მერიის მოქმედი თანამშრომლებიც მონაწილეობენ, თუმცა ის ზუსტ ციფრს ვერ ასახელებს -"ზუსტად რამდენია მაგას ვერ გეტყვით, თუმცა, ისინი კონკურსში მონაწილეობენ და ამას კანონი არ კრძალავს. დაახლოებით ერთ კვირაში მერს უკვე შერჩეული კანდიდატები წარედგინება ვაკანტურ თანამდებობებზე დასანიშნად", _ განუცხადა "გურია ნიუსს" მარგველაშვილმა.

უცნობი პასუხი

კიდევ ერთი პრობლემა, რასაც "გურია ნიუსთან" საუბრისას კონკურსანტები ასახელებენ, ის არის, რომ მათ უარყოფითი პასუხის შემთხევვაში ამა თუ იმ უწყებიდან შეტყობინება არ მოსდით, რაც, მათი თქმით, უაზრო ლოდინს იწვევს.

"გურია ნიუსთან" საუბრისას საქართველოს პრეზიდენტის ადმინისტრაციაში გამოცხადებული კონკურსის ერთ-ერთი მონაწილე მარიამ მეფარიშვილი (სახელი და გვარი რესპონდენტის თხოვნით შეცვლილია, ავტ.) აცხადებს, აღნიშნულ უწყებაში გასაუბრებაზეც იყო, თუმცა გასაუბრებიდან დაახლოებით ერთი თვეა გასული და მას დადებითი ან უარყოფითი პასუხი ჯერჯერობით არ მიუღია.

"პრეზიდენტის ადმინისტრაციაში აღნიშნულ ვაკანსიაზე განაცხადი სექტემბრის ბოლოს გავაგზავნე, მალევე მომივიდა წერილი, რომ გასაუბრებაზე მიბარებდნენ და ვიყავი კიდეც. საკმაოდ კეთილგანწყობილი დამხვდნენ კომისიის წევრები, დაახლოებით 10 წუთის განმავლობაში მეკითხებოდნენ სამუშაო გამოცდილების და პიროვნული უნარების შესახებ. ყველანაირ რთულ სიტუაციაში წარმომადგენინეს თავი, რასაც ვფიქრობ, კარგად ვუპასუხე. თუმცა, დღემდე დადებითი ან უარყოფითი პასუხი ადმინისტრაციიდან არ მიმიღია. ისიც კი არ ვიცი გადავედი თუ არა შემდეგ ეტაპზე, ან კიდევ რა დავალების შესრულება მომიწევს კონკურსის პირობებში. რადგან აღნიშნულ ვაკანსიაზე გამოცხადებული კონკურსი ტესტირებას არ ითვალისწინებდა. ვფიქრობ, კონკურსანტს დადებითი ან უარყოფთი პასუხი წერილობით უნდა ეცნობოს, რაც მისთვის აუცილებელია, რადგან დიდი ხნის განმავლობაში არ ელოდოს პასუხს კონკურსის პირობები დააკმაყოფილა თუ არა", _ აცხადებს მეფარიშვილი.

საქართველოს პრეზიდენტის პრესსპიკერი თიკო მჟავანაძე "გურია ნიუსთან" საუბრისას ამბობს, რომ პრეზიდენტის ადმინისტრაციაში ერთი თვის მანძილზე რეორგანიზაცია მიმდინარეობს, რის შედეგად, სავარაუდოდ, სტრუქტურა შეიცვლება და ახალ თანამშრომლებსაც მიიღებენ. თუმცა, მჟავანაძე ჩვენთან საუბარში ვერ აკონკრეტებს, საკონკურსო-საატესტაციო კომისიამ კონკურსანტებს გასაუბრების შედეგი აცნობა თუ არა.

"პროცესი ჯერჯერობით დასრულებული არ არის, ახლაც მიმდინარეობს და ეს ერთი თვეც გვჭირდება იმისთვის, რომ ადმინისტრაცია დავალაგოთ. ამ თემებზე საუბარი ცოტა ადრეა, თვის ბოლოს როგორც კი რაიმე მონახაზი იქნება, მედიისთვის განცხადებას აუცილებლად გავაკეთებთ", _ გვითხრა მჟავანაძემ.

ორჯერ ჩაშლილი კონკურსის "უცნობი" მიზეზი

კიდევ ერთი საჯარო უწყება, რომლმაც ახალი ხელისუფლების პირობებში რეორგანიზაცია დაიწყო განათლების და მეცნიერების სამინისტროა, რომელმაც საქართველოს მასშტაბით რესურსცენტრების ხელმძღვანელების თანამდებობებზე ვაკანსიები გამოაცხადა, თუმცა, საკონკურსო-საატესტაციო კომისიამ კონკურსი რამდენჯერმე ჩაშლილად გამოაცხადა და ამ დრომდე რამდენიმე რაიონში რესურსცენტრებს მოვალეობის შემსრულებლები ხელმძღვანელობენ.

"გურია ნიუსის" რესპონდენტი, რომელიც ფოთის ერთ-ერთი საჯარო სკოლის მოქმედი დირექტორია რესურსცენტების ხელმძღვანელის თანამდებობის დასაკავებლად კონკურსში ორჯერ მონაწილეობდა, თუმცაკონკურსი კომისიამ ორივეჯერ ჩაშლილად ისე გამოაცხადა, რომ მიზეზი არ აუხსნია.

"განათლებისა და მეცნიერების სამინისტრომ პირველი კონკურსი გაზაფხულზე გამოაცხადა, სადაც ძირითადად სკოლის დირექტორები მონაწილეობდნენ, თუმცა ტესტირება მხოლოდ სამმა კანდიდატმა გადავლახეთ. ტესტირების შემდეგ გასაურება სამინისტროში ჩატარდა, მაგრამ კომისიამ კონკურსი ჩაშლილად გამოაცხადა. ამასთან დაკავშირებით საჩივარი შევიტანე და მივიღე ზოგადი წერილობითი პასუხი, რომ კომისიამ მიიღო გადაწყვეტილება კონკურსი ჩაშლილად გამოცხადებულიყო, თუმცა რატომ მიიღეს ეს გადაწყვეტილება და რა იყო ამის მიზეზი, წერილში ახსნილი არ ყოფილა. დაახლოებით ორი თვის შემდეგ კონკურის თავიდან გამოცხადდა და ისევ მივიღე მონაწილეობა. ამჯერად ტესტირებაში 82 ქულა ავიღე, რაც საუკეთესო შედეგი იყო გასაუბრების ეტაპზე გადასულ კონკურსანტებს შორის. გასაუბრება ისევ სამინისტროში გავიარეთ, ეჭვი აღარ მეპარებოდა, რომ 7 კონკურსანტიდან კომისია არჩევანს გააკეთებდა, თუმცა კონკურსი მეორედაც ჩაშლილად გამოაცხადეს. ამის შემდეგ გაგვიჩნდა ასეთი აზრი, რომ კომისიას თავისი კანდიდატის გაყვანა უნდოდა, თუმცა ვინ არის ეს „თავისიანი“ და რატომ არ მიიღო კონკურსში მონაწილეობა, არ ვიცით. შესაძლოა, ამ პიროვნებამ პირველი ეტაპი ვერ გადალახა და კომისიამ მეორეჯერაც ამიტომ ჩაშალა კონკურსი, მაგრამ ასე როდემდე უნდა გაგრძელდეს? ორჯერ გადავლახეთ ტესტირების ეტაპი და გავედით გასაუბრებაზე, რაიმე პასუხი, რის გამო გამოაცხადეს კონკურსი ჩაშლილად ხომ უნდა ვიცოდეთ?! საპრეტენზიო კომისიას წერილობით მეორეჯერც მივმართე და ზუსტად იგივე პასუხი მივიღე, რაც პირველად. შეხვედრაც მინდოდა სამინისტროს წარმომადგენელთან, თუმცა ეს ვერ მოხერხდა",_ აცხადებს რესპონდენტი.

განათლების და მეცნიერების სამინისტროს საკონკურსო-საატესტაციო კომისიის წევრი, საქართველოს პედაგოგთა და მეცნიერთა დამოუკიდებელი პროფკავშირის პრეზიდენტი მაია კობახიძე "გურია ნიუსთან" საუბრისას ამბობს, რომ გასაუბრების ეტაპზე კონკურსანტებმა დაბალი შეფასება მიიღეს, რის გამოც, რამდენიმე რაიონში კონკურსი ორჯერ ჩაიშალა, თუმცა ეს მხოლოდ იმიტომ კეთდება, რომ რესურსცენტრების ხელმძღვანელად ღირსეული კანდიდატი შეირჩეს.

"საქართველო რამდენიმე რაიონში კონკურსის ჩაშლილად გამოცხადება მეორედ მოგვიწია. თუ სწორად მახსოვს 7 რაიონი იყო, სადაც კონკურსანტებს დაბალი შეფასება მივეცით, რადგან მათ მენეჯერული უნარ-ჩვევები და გამოცდილება არ ჰქონდათ, ან შესაძლოა ჰქონდათ, მაგრამ ვერ წარმოაჩინეს. კომისიის წევრების ძირითად მიზანს კი სწორედ მენეჯერული უნარჩვევების აღმოჩენა წარმოადგენს, რისთვისაც სპეციალური კითხვარია შემუშავებული. გვაქვს სპეციალური ბლანკი, სადაც კომისიის თითოეული წევრი დამოუკიდებლად ვაკეთებთ შეფასებას და შემდეგ ერთმანეთს ვუზიარებთ ჩვენს შეხედულებებს. კომისიის ერთი წევრი გადაწყვეტილებას არ იღებს", _ აცხადებს კობახიძე და დასძენს, რომ არცერთი კონკურსანტის შეფასებისას ტენდენციურობას კომიისის მხრიდან ადგილი არ ჰქონია.

"სრული პასუხისმგებლობით ვაცხადებ, რომ კომისიამ ძირითადი მიზანი ყველა გასაუბრებაზე შეასრულა. ეს იყო თითოეული კონკურსანტის ობიექტურად შეფასება, რომ არ იყოს რაიმე ტენდენციურობა, მიკერძოებულობა და ა.შ. მაგალითების მოყვანიდან თავს შევიკავებ, მაგრამ გვქონდა შემთხვევები, როდესაც კონკურსანტს რეკომენდაციას უწევდნენ ავტორიტეტული პიროვნებები, მაგრამ კომისიამ ის მაინც ვერ შეარჩია. რეკომენდატორებში შეგვხვდა სხვადასხვა პოლიტიკური გაერთიანებების წარმომადგენლები, თანამდებობის პირები და ა.შ. მაგრამ რეკომენდატორების მიხედვით არავინ შეგვირჩევია. ამის მაგალითი ხაშურის რესურსცენტრის ხელმძღვანელია, რომელიც რიგითი მასწავლებელი იყო სოფლის ერთ-ერთ სკოლაში და იმდენად კარგად წარმოაჩინა თავისი შესაძლებლობები, რომ ჩვენ ის შევარჩიეთ. ამასთან, კასპის რესურსცენტრის ხელმძღვანელი დავტოვეთ თანამდებობაზე, რადგან სხვა კონკურსანტებთან შედარებით თავისი შესაძლებლობები კარგად წარმოაჩინა. ასე რომ, მოქმედია ხელმძრვანალია თუ მას ვინმე ცნობადი სახე ლობირებს, კომისიისთვის არცერთ შემთხვევაში ამას მნიშვნელობა არ ჰქონია",_ აცხადებს კობახიძე.




 ახალი ამბები
  • 24 პედაგოგი და 100-მდე მოსწავლე თვითიზოლაციაშია - რომელი სკოლის მასწავლებელს დაუდასტურდა​ ვირუსი24 პედაგოგი და 100-მდე მოსწავლე თვითიზოლაციაშია. დღეს გამოვლენილი შემთხვევებიდან კორონავირუსის ინფექცია ერთ-ერთი სკოლის პედაგოგს დაუდასტურდა კოვიდ 19-ის ინფექცია. ის წყალტუბოს მუნიციპალიტეტში, სოფელ პატრიკეთის სკოლაში მუშაობს. სკოაში სასწავლო პროცესი შეჩერებულია, მოსწავლეები და მასწავლებლები კი თვითიზოლაციაში არიან. ის დღეს იმერეთში გამოვლენილი შემთხვევებიდან ერთ-ერთია. ინფორმაციას ადასტურებს წყალტუბოს რესურსცენტრის ხელმძღვანელი მამუკა ჩხეტიანი. ჩხეტიანის ინფორმაციით, პედაგოგმა ვირუსზე პირველადი ტესტი გუშინ ჩაიტარა, რამაც დადებითი პასუხი აჩვენა. მეორე ტესტის პასუხს ელოდებიან. ამ დროისთვის სკოლაში სასწავლო პროცესი შეჩერებულია და 100-მდე მოსწავლე და 24 პედაგოგი თვითიზოლაციაში იმყოფება. მიმდინარეობს წყაროს და კონტაქტების დაზუსტება. წყარო: ... ...
  • ქომუერებში (ხულოს რაიონი) სახლის დანგრევისას, უძველესი კოლხური ჭური აღმოაჩინესხულოს რაიონის სოფელ ნიგაზეულში (ქომუერებში)სახლის დანგრევისას,  ძველი ჭური იპოვეს. ადგილს,  სადაც ჭური აღმოჩნდა ქომუერები (ტოპონიმიკით)  ეწოდება. სახლის დაშლისას  ქვევრი   გატყდა. გადარჩენილი ნატეხებიდან ჩანს, რომ ჭური საკმაოდ დიდი ყოფილა და მას კოლხური ჭურებისათვის დამახასიათებელი რელიეფური ზოლები ამკობდა. _სავარაუდოდ,  იგი ეგრეთ წოდებული „გურული ჭურების“ ტიპის უნდა იყოს, _ გვატყობინებს ჩვენი კოლეგა ზურა ... ...
  • პროკურატურამ თამარ ბაჩალიაშვილის 18 ივლისის გადაადგილების მარშრუტი გაასაჯაროვასაქართველოს გენერალურ პროკურატურაში თამარ ბაჩალიაშვილის საქმეზე ბრიფინგი გაიმართა. "როგორც საზოგადოებისთვის ცნობილია, თამარ ბაჩალიაშვილის მიმდინარე სისხლის სამართლის საქმის გამოძიების ფარგლებში ლევან სამხარაულის სახელობის სასამართლო ექსპერტიზის ეროვნული ბიუროდან უკვე მიღებულია ქიმიურ-ტოქსიკოლოგიური, ქიმიური, ბიოლოგიური (გენეტიკური, სეროლოგიური), ტრასოლოგიური დასკვნები. ამ დროისთვის ასევე ცნობილია ლევან სამხარაულის სახელობის სასამართლო ექსპერტიზის ეროვნული ბიუროდან მიღებული სასამართლო-სამედიცინო ექსპერტიზის დასკვნა. სასამართლო-სამედიცინო ექსპერტიზის დასკვნის თანახმად, გვამის სასამართლო სამედიცინო, ქიმიურ-ტოქსიკოლოგიური გამოკვლევის და საქმის მასალების შეჯამების შედეგად, თამარ ბაჩალიაშვილის სიკვდილის მიზეზი  უნდა იყოს მედიკამენტოზური  ინტოქსიკაცია, ასევე ექსპერტიზის  ჩატარების მომენტისთვის, მისი გარდაცვალებიდან გასულია დაახლოებით 4 დღე. თამარ ბაჩალიაშვილის ცხედარს მექანიკური დაზიანების რაიმე ნიშნები, მათ შორის ინექციის კვალი არ აღენიშნება. ქიმიურ-ტოქსიკოლოგიური გამოკვლევით, თამარ ბაჩალიაშვილის გვამიდან აღებულ ბიოლოგიურ ობიექტებში აღმოჩენილი მედიკამენტების ორგანოებში განაწილების თანაფარდობა დამახასიათებელია ნივთიერების პერორალური (პირის ღრუს) გზით და არა საინექციო გზით მიღების შემთხვევაში. პრეპარატების მოხვედრა თამარ ბაჩალიაშვილის კუჭ-ნაწლავის ტრაქტში შესაძლებელი იყო მხოლოდ საყლაპავი გზით და არა ინექციის გზით. თამარ ბაჩალიაშვილის ავტომანქანიდან ამოღებულ „ბაკურიანის" ბოთლში დარჩენილ წყლის წვეთში აღმოჩნდა ადრენორეცეპტორების  და ჰისტამინური რეცეპტორების მაბლოკირებელი საშუალების კვალი. ტაბლეტის ფორმით არსებული მედიკამენტის შემადგენლობიდან გამომდინარე, მათი სითხეში, მათ შორის წყალში გახსნისას მიიღება სუსპენზია (სითხეში შეტივნარებული სხვადასხვა ზომის მყარი ნაწილაკები) ანუ, ასეთ შემთხვევაში სითხე იქნება შემღვრეული და  არა გამჭვირვალე და უფერო, რაც გამორიცხავს ტაბლეტების გახსნას ბოთლში, რადგან ქიმიური ანალიზის შედეგად, აღნიშნული ნივთიერებები აღმოჩნდებოდა არა კვალის სახით, არამედ უფრო დიდი რაოდენობით.    სასამართლო-სამედიცინო ექსპერტიზის დასკვნით, თამარ ბაჩალიაშვილის გვამზე გარეგნულად მექანიკური დაზიანების რაიმე ნიშნები არ აღინიშნება. ასევე გვსურს გაგაცნოთ თამარ ბაჩალიაშვილის ოჯახის ადვოკატის მიხეილ რამიშვილის მიერ გასაჯაროებული ე.წ. სატელიტის ფოტოებზე დანიშნული ექსპერტიზის დასკვნის შედეგი. როგორც საზოგადოებისთვის ცნობილია, მიხეილ რამიშვილმა ერთ-ერთი მედიასაშუალებით გაასაჯაროვა ფოტომასალა, რომელიც მისი მტკიცებით, სატელიტიდანაა გადაღებული და სოფელ მაწევანის ტერიტორიას 2020 წლის 19-22 ივლისს ასახავს.  ვინაიდან აღნიშნული ფოტოების მიხედვით არ ირკვეოდა მისი წარმოშობის წყარო, კერძოდ, არ იყო მითითებული ვებგვერდი და სხვა მაიდენტიფიცირებელი მონაცემები, მიხეილ რამიშვილს შეეთავაზა მიეთითებინა კონკრეტული სატელიტური თანამგზავრის და მისი მფლობელის მონაცემები, თუმცა მან წარმოადგინა ორი ფოტოსურათი და უარი განაცხადა  კომპანიის და კონკრეტული წყაროს დასახელებისგან, რის გამოც აღნიშნული ფოტოების ავთენტურობის დადგენის მიზნით  ჩატარდა შესაბამისი ექსპერტიზა. აღსანიშნავია ისიც, რომ თამარ ბაჩალიაშვილის ოჯახის ადვოკატები მიხეილ რამიშვილი და ეკა ქობესაშვილი ამ დრომდე უარს აცხადებენ გამოძიებისთვის  ე.წ. სატელიტის ფოტოების მომწოდებლის ვინაობის დასახელებისგან და ფაქტთან დაკავშირებით რაიმე სახის ინფორმაციის მოწოდებისგან. ექსპერტიზის დასკვნის მიხედვით დადგინდა, რომ მიხეილ რამიშვილის მიერ წარმოდგენილი ე.წ.სატელიტის ფოტოები არის დამონტაჟებული და ყალბი. კერძოდ დადგინდა, რომ ადვოკატის მიერ წარმოდგენილ პირველ  ფოტოსურათზე,   რომელზეც  იკითხება  თარიღის   აღმნიშვნელი  მონაცემი - „2020 Jul 19", ჩატარებული ვიზუალური და გამოთვლითი კვლევების შედეგად, გამოვლინდა მთელი რიგი შეუსაბამობები, რაც გამოიხატა შემდეგში: ზედა  მარცხენა  კუთხეში  არსებული  მცირედ გამჭვირვალე  ღილაკების ქვეშ ფონი მკვეთრად განსხვავდება საერთო ფონისგან, კერძოდ, თუ მარცხენა ქვედა ღილაკის ფონი ასახავს სატელიტური ფოტოსთვის დამახასიათებელი წყლის გამოსახულებას, ღილაკის არეალის შემდგომ ეს ფონი სწორხაზოვნად გადადის ხმელეთის გამოსახულებაზე. ასევე, ფოტოს ძირითად ფონთან შეუსაბამოა ზედა და ქვედა ორ ღილაკს შორის არსებული სივრცის გამოსახულება მის გასწვრივ აღბეჭდილ ხმელეთის გამოსახულებასთან. ასევე როგორც შეფერილობით, ასევე დეტალიზაციითაც განსხვავებულია ერთმანეთისაგან  სურათის ძირითად ფონზე არსებული გამოსახულებები, რომლებიც ასახავს სხვადასხვა სიმაღლიდან დანახულ დედამიწის სატელიტურ გამოსახულებას. ღილაკები  დატანილია სხვა ფოტოსურათიდან. მიხეილ რამიშვილის მიერ წარმოდგენილ მეორე ფოტოსურათზე, რომელზეც იკითხება თარიღის აღმნიშვნელი მონაცემი „2020 Jul 22", ჩატარებული კვლევების შედეგად დადგინდა, რომ ფოტოზე, ზედა მარცხენა   კუთხეში არსებულ მოზრდილ ღილაკზე შეინიშნება გაბუნდოვნებული გამოსახულება, ასევე ქვედა ცენტრალურ ნაწილში შეინიშნება გამოსახულების გაბუნდოვნება, რაც სტანდარტულად რაიმე ვებგვერდის გახსნისას ეკრანის გადაღებით არ მიიღება და იგი შესრულებულია ფოტორედაქტირების პროგრამული უზრუნველყოფის გამოყენებით. აღნიშნულიდან გამომდინარე, მსგავსად პირველი ფოტოსი, აღნიშნული ფოტოსურათიც მიღებულია მონტაჟის გზით. ადვოკატის მიერ წარმოდგენილ მეორე ფოტოსურათთან მიმართებაში განსხვავება შეინიშნება ქვედა მარცხენა კუთხეში არსებულ ციფრების კომბინაციაში, მარჯვენა ზედა კუთხეში ორი ღილაკის არარსებობაში, ზედა მარცხენა კუთხეში არსებულ მოზრდილ ღილაკზე წარწერის ადგილზე  და ქვედა ცენტრალურ ნაწილზე გამოსახულების გაბუნდოვნებაში. ვინაიდან თავიდანვე თვალსაჩინო იყო, რომ ე.წ. სატელიტის ფოტოებზე იყო მონტაჟის კვალი და გამოძიების შეცდომაში შეყვანის მორიგი მცდელობა, დაინიშნა შესაბამისი ექსპერტიზა, რომელმაც უტყუარად დადგინა აღნიშნული ფოტოების სიყალბე. აღნიშნულიდან გამომდინარე, ვინაიდინ სახეზეა გამოძიების და საზოგადოების მიზანმიმართულად შეცდომაში შეყვანის მცდელობა, ასევე მტკიცებულებების ფალსიფიკაცია, ფაქტზე შესაბამისი სამართლებრივი რეაგირება მოხდება. ასევე გამოძიების მიერ მოპოვებულია თამარ ბაჩალიაშვილის 18 ივლისის გადაადგილების მარშრუტი, რომელიც უტყუარად დასტურდება მის მიერ „google"-ის ანგარიშზე გააქტიურებული „timeline"-ის ფუნქციის მიერ ასახული მონაცემებით. თამარ ბაჩალიაშვილს საკუთარ მობილურ ტელეფონში „google"-ის ანგარიშის „timeline"-ის ფუნქცია გააქტიურებული ჰქონდა 2019 წლის მარტიდან. აღნიშნული ფუნქციის მეშვეობით შესაძლებელია პირის გადაადგილების, ადგილმდებარეობის, დროის ასახვა და აღნიშნული მონაცემებით გადაადგილების ისტორია, ინახება კონკრეტული პირის პირად „google"-ის ანგარიშზე. გამოძიების მიმდინარეობისას, დათვალიერდა თამარ ბაჩალიაშვილის „google"-ის ანგარიში და ანგარიშში არსებული ფუნქცია "your timeline"-„თქვენი ქრონიკა", რაც ადასტურებს, რომ 18 ივლისს, თამარ ბაჩალიაშვილი ავტომობილით გადაადგილებას იწყებს 10:09 საათზე და მოძრაობის დაწყების ადგილად მითითებულია მისი საცხოვრებელი სახლის მისამართი. 10:15 საათზე მიდის ფონიჭალის პარკის მიმდებარედ, რიტა ზურაბაშვილის საცხოვრებელ სახლში, სადაც ჩერდება დაახლოებით 10 წუთი. 10:25 საათზე, აღნიშნული ტერიტორიიდან გადაადგილდება რუსთავის გზატკეცილზე. „Timeline''- ის გადაადგილების ქრონიკამ ასევე ასახა თამარ ბაჩალიაშვილის გადაადგილება 18 ივლისს, მარნეულის მიმართულებით სოფლების - თელეთის, წალასწყურის, კუმისის, კოდას გავლით, რის შემდეგაც იგი შედის მარნეულში, უხვევს წრესთან და მიემართება თეთრიწყაროს მიმართულებით, გაივლის სოფელ წინწყაროს, შემდეგ შედის სოფელ გოლთეთში, სადაც შესვლის შემდგომ ჯერ უხვევს მარჯვენა მხარეს, შემდეგ ტრიალდება და გზას აგრძელებს  სოფლის სიღრმისკენ, გადის გარკვეულ მანძილს, ტრიალდება უკან და ჩამოდის სოფელ გოლთეთიდან ცენტრალურ გზაზე, შემდეგ გზას აგრძელებს თეთრიწყაროს მიმართულებით, გარკვეული მანძილის გავლის შემდეგ სოფელ მაწევანთან ცენტრალური გზიდან მარჯვენა მხარეს უხვევს და 12:13 საათზე მისი ავტომანქანა ჩერდება ბუჩქებს შორის არსებულ ადგილზე, აღნიშნული ადგილი თამარ ბაჩალიაშვილის გუგლის ანგარიშის „timeline''-ის მიხედვით, ბოლო ლოკაციაა, სადაც 22 ივლისს, საკუთარ ავტომანქანაში აღმოჩენილ იქნა თამარ ბაჩალიაშვილის ცხედარი. ასევე დადგენილია, რომ თამარ ბაჩალიაშვილი არ სარგებლობდა გზამკვლევი ელექტრონული პროგრამით და არ აქვს მოძიებული კონკრეტული ადგილი. თამარ ბაჩალიაშვილის ავტომანქანის 18 ივლისს გადაადგილების მარშრუტის გარკვეული მონაკვეთები, ასევე დასტურდება გამოძიების მიერ მოპოვებული 112-ის და სხვადასხვა ობიექტების ვიდეოჩანაწერებით. ასევე გაგაცნობთ თამარ ბაჩალიაშვილის ავტომანქანაზე დანიშნული ტრასოლოგიური ექსპერტიზის დასკვნას, რომლის თანახმად, შემთხვევის ადგილზე აღმოჩენილია მხოლოდ ორი ურთიერთპარალელური საბურავის კვალი, რომელიც დატოვებულია თამარ ბაჩალიაშვილის კუთვნილი ავტომობილის „HYUNDAI ACCENT" მიერ. დასკვნის თანახმად, გამოსაკვლევად წარდგენილი ავტომობილის წინა მარცხენა საბურავის სარბენი ბილიკის კონფიგურაცია  მთლიანად  შესაბამისობაში მოდის ექსპერტიზაზე წარდგენილ შემთხვევის ადგილიდან ამოღებული ნიადაგის ზედაპირზე არსებულ ნახატის კონფიგურაციასთან, როგორც ვიზუალური, ასევე - ტექნიკური თვალსაზრისით. ექსპერტიზას დაესვა კითხვა თუ როგორ მოხდა თამარ ბაჩალიაშვილის ავტომანქანის შემთხვევის ადგილზე გადაადგილება და ხომ არ მოხდა ავტომანქანის ბუქსირით გათრევა, რაზეც ექსპერტიზამ დაადგინა, რომ შემთხვევის ადგილზე აღმოჩენილია მხოლოდ „HYUNDAI ACCENT"-ის მიერ დატოვებული ორი  ურთიერთპარალელური საბურავის კვალი და რომ  მძღოლის მიერ ავტომანქანის გადაადგილება ექსპლუატაციის პირობებშია მომხდარი. ამდენად, ავტომობილის გარეშე ძალით, ბუქსირით ან გათრევით გადაადგილება გამოირიცხა. ასევე, რადგან თამარ ბაჩალიაშვილის ოჯახის და ოჯახის ადვოკატის მიერ არაერთხელ გაჟღერდა ინფორმაცია თამარ ბაჩალიაშვილის ჰაკერულ საქმიანობასთან დაკავშირებით, იმის დასადგენად, თამარ ბაჩალიაშვილის კუთვნილი „ეფლის" მარკის  პორტატულ კომპიუტერში და მისი ავტომანქანიდან ამოღებულ "სამსუნგი"-ს ფირმის მობილურ ტელეფონში ხომ არ იძებნებოდა ე.წ. "ჰაკერული" ტიპის პროგრამები, გამოძიების მიერ დაინიშნა კომპიუტერული ექსპერტიზა. ლევან სამხარაულის სახელობის ექსპერტიზის ეროვნული ბიუროს მიერ გაცემული დასკვნის თანახმად, თამარ ბაჩალიაშვილის პორტატული კომპიუტერის და მობილური ტელეფონის ოპერაციულ სისტემებში დაინსტალირებულ პროგრამულ უზრუნველყოფებს შორის არ ფიქსირდება ჰაკერული ტიპის პროგრამა, რომლის საშუალებითაც შესაძლებელია სხვა მოწყობილობებში არაავტორიზებული შეღწევა, ინფორმაციის წაშლა, ჩაწერა, ჩასწორება, პროგრამების ინსტალაცია და ინფორმაციის არალეგალურად მოპოვება. ამავე დასკვნის მიხედვით, პორტატული კომპიუტერის მეხსიერებაში არსებული ინფორმაციის   დათვალიერების შედეგად დადგინდა, რომ მასში ფიქსირდება პროგრამისტის საქმიანობასთან დაკავშირებული პროგრამები და შესაბამისი პროექტები. პროექტებში გამოყენებულია ვებ-პროგრამირების ტექნოლოგიები და აქედან გამომდინარე მათზე მომუშავე სპეციალისტის საქმიანობის სფერო არის ვებ-პროგრამირება. ასევე, განხორციელდა თითოეული პროექტის შესწავლა და დადგინდა, რომ მათი გარკვეული ნაწილი წარმოადგენს სხვადასხვა დომეინებთან დაკავშირებულ პროექტებს/მოდულებს. განისაზღვრა მათი კატეგორიაც, მათ შორის ერთი განეკუთვნება „Technology/Internet", ხოლო სამი მათგანი მიეკუთვნება კატეგორიას: „Pornography". საზოგადოებისთვის ცნობილია, რომ თამარ ბაჩალიაშვილის სისხლის სამართლის გამოძიების ფარგლებში საქართველოს პროკურატურაში შეიქმნა სპეციალური სამუშაო ჯგუფი, რომელიც ინტენსიურ რეჟიმში სხვადასხვა საგამოძიებო და საპროცესო მოქმედებებს ატარებს. გამოძიების ფარგლებში ჩატარდა 1000-ზე მეტი საგამოძიებო და საპროცესო მოქმედება, გამოიკითხა 600-მდე პირი, დაინიშნა არაერთი ექსპერტიზა, ასევე ჩატარდა რამდენიმე საგამოძიებო ექსპერიმენტი. საქართველოს პროკურატურა მაღალი საჯარო ინტერესიდან გამომდინარე, საზოგადოებას აღნიშნულ სისხლის სამართლის საქმეზე ინფორმაციას მომავალშიც ... ...
  • შსს უგზო-უკვლოდ დაკარგულ ამირან გაფრინდაშვილს ეძებსშინაგან საქმეთა სამინისტრო უგზო-უკვლოდ დაკარგულ, 1979 წელს დაბადებულ მამაკაცს ეძებს. თბილისში, გლდანის რაიონის სოფელ გიორგიწმინდაში, ჭავჭავაძის ქუჩაზე, N 32–ში მცხოვრებ ამირან გაფრინდაშვილს ბოლო სატელეფონო კომუნიკაცია მიმდინარე წლის 29 ივლისს, დედასთან ჰქონდა, რის შემდეგაც მასთან დაკავშირება ვერ ხერხდება. შინაგან საქმეთა სამინისტროს თბილისის პოლიციის დეპარტამენტის გლდანი-ნაძალადევის მთავარი სამმართველოს მეორე სამმართველოში მამაკაცის გაუჩინარების შესახებ შეტყობინება მიმდინარე წლის 12 აგვისტოს შევიდა. ფაქტზე საქმე აღძრულია სისხლის სამართლის კოდექსის 143-ე მუხლით, რაც თავისუფლების უკანონო აღკვეთას გულისხმობს. შეტყობინების მიღებისთანავე დაიწყო და გრძელდება აღნიშნული პირის ინტენსიური სამძებრო-საძიებო ღონისძიებები. მამაკაცის გაუჩინარების ფაქტის შესახებ მთელი საქართველოს მასშტაბით ინფორმირებულია შინაგან საქმეთა სამინისტროს ყველა შესაბამისი დანაყოფი, ასევე, სხვადასხვა სამსახური. ამ ეტაპზე, გამოკითხულია ათეულობით პირი, დანიშნულია ექსპერტიზები და აქტიურ რეჟიმში გრძელდება შესაბამისი მოქმედებები გაუჩინარებული მამაკაცის ადგილსამყოფელის დადგენის მიზნით. შინაგან საქმეთა სამინისტრო მიმართავს მოქალაქეებს, აღნიშნულ პიროვნებასთან დაკავშირებით ნებისმიერი ინფორმაციის არსებობის შემთხვევაში, დარეკონ საზოგადოებრივი უსაფრთხოების მართვის ცენტრ „112“-ში ან აცნობონ პოლიციის უახლოეს განყოფილებას. ... ...
  • თიბისი კაპიტალმა განახლებული, რიგით მეოთხე მაკრო-სექტორული მიმოხილვა წარადგინათიბისი კაპიტალმა მეოთხედ უმასპინძლა ონლაინ კონფერენციას ეკონომიკასა და  ბიზნესსექტორებზე COVID-19-ის გავლენის შესაფასებლად. შეხვედრაზე, ბიზნესისა და საჯარო სექტორის წარმომადგენლებთან ერთად, მიმდინარე მდგომარეობა, ძირითადი მაკრო-პარამეტრების უახლესი დინამიკა და  მოლოდინები განიხილეს. ასევე, წარმოდგენილი იყო 2020-2022 წლების მოლოდინები ცალკეულ ბიზნესსექტორთან დაკავშირებით.  თიბისი კაპიტალის სცენარის მიხედვით, 2021 წელს ეკონომიკის კრიზისამდელ მაჩვენებელთან დაბრუნებაა მოსალოდნელი. ეროვნული ბანკი გააგრძელებს სავალუტო ინტერვენციებს, ვინაიდან სავალუტო შემოდინებების დანაკლისი მთავრობის მიერ მოზიდული სახსრებით საკმარისად კომპენსირდება და არსებული ინტერვენციების შემდეგ, ეროვნული ბანკის სავალუტო რეზერვები არათუ მცირდება, არამედ იზრდება კიდეც. სავალუტო ინტერვენციები ასევე აუცილებელია ინფლაციის მიზნობრივ დონემდე შემცირებისათვის.  კვლევის მიხედვით, საქართველოში ტურიზმის სექტორის აღდგენა მომავალი წლის მეორე კვარტლიდან დაიწყება. კრიზისამდელ მაჩვენებელს კი სექტორი 2022 წლიდან დაუბრუნდება. 2020 წლის პირველ 8 თვეში, ნახევარი მილიონი კვადრატული მეტრი ფართის ბინები გაიყიდა. აღნიშნულ პერიოდში დედაქალაქში სულ 16 000 ბინა გაიყიდა, რაც 2019 წელთან შედარებით 8 000 ბინით, ანუ 34%-ით ნაკლებია. ძველი ბინების ფასები დოლარში კლებას აგრძელებს, ახალი ბინების ფასი კი აგვისტოში გაიზარდა, რაც ამ სეგმენტში მოთხოვნის დაბრუნებას უკავშირდება. კომერციული უძრავი ქონების სექტორში გამოკითხულ კომპანიებს შორის, სავაჭრო მოლებში შემოსავლების მეტი კლება ფიქსირდება, ვიდრე საცალო სავაჭრო ობიექტებზე გაქირავებულ ფართებში. წლის განმავლობაში, სექტორში დოლარში საიჯარო შემოსავლის 20-25%-ით კლებაა მოსალოდნელი. მშენებლობის სექტორში 2020 წლის მეორე კვარტალში დიდი კლება საცხოვრებელი და არასაცხოვრებელი შენობების მშენებლობის ბრუნვაში დაფიქსირდა, ინფრასტრუქტურის მშენებლობამ კი მეტი მდგრადობა შეინარჩუნა. წლის მანძილზე სამშენებლო სექტორის ჯამური ბრუნვის წ/წ 15%-ით შემცირებაა მოსალოდნელი. ორგანიზებული ბაზრის წილის ზრდის ფონზე მოსალოდნელია, რომ FMCG სექტორმა 2020 წელს 2019 წლის დონე შეინარჩუნოს. კვლევაში აღნიშნულია, რომ თებერვალ-მარტის პერიოდთან შედარებით, ხელფასის მიმღებთა პროცენტულად ყველაზე მკვეთრი შემცირება გართობის, პროფესიული მომსახურებისა და HORECA სექტორებში შეინიშნება, თუმცა რაოდენობრივად ყველაზე მეტად ვაჭრობის სექტორია შემცირებული. მიმდინარე წლის მეორე კვარტალში, დასაქმებულთა ჯამური რაოდენობა წლიურად 2%-ით, ხოლო დაქირავებით დასაქმებულთა რაოდენობა 5%-ით შემცირდა. კლება მეტწილად დაბალანაზღაურებადი სეგმენტის (<1200 ლარი) შემცირებითაა განპირობებული. მაშინ, როდესაც სხვა საშემოსავლო კატეგორიებში დასაქმებულთა რაოდენობა თებერვალთან შედარებით ზრდის დინამიკას აჩვენებს. თიბისი კაპიტალის მიერ წარდგენილი ანალიზი ქართულ და ინგლისურ ენებზე შეგიძლიათ იხილოთ ვებ-გვერდზე:  Tbccapital.ge  ... ...

არქივი

ტესტები

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...