"მე სიტყვის კაცი ვარ!"

მთავარი თემა

"მე სიტყვის კაცი ვარ!"

3 დეკ. 2013, 17:33:37
და სოფლიდან წაიღეს. მილების ამოღება ფარულად არ მომხდარა _ სამუშაოებს ოზურგეთის მუნიციპალიტეტის გამგებლის მოვალეობის შემსრულებელი კონსტანტინე შარაშენიძე და გურიანთის მაჟორიტარი დეპუტატი მერაბ მჟავია ხელმძღვანელობდნენ. მოსახლეობის თქმით, მათთვის არ განუმარტავთ, რისთვის სჭირდებოდათ ლითონის მილები, სანაცვლოდ გზის მოხრეშვას, გარე განათების მოწყობას, არხის გაწმენდას, მოსახლეობისა და ცენტრალური გზის დამაკავშირებელი ხიდის შეკეთებას შეპირდნენ.

"გურია ნიუსს" ამ საკითხთან დაკავშირებით რამდენიმე დაინტერესებულმა პირმა მიმართა. მათ აინტერესებდათ, რამდენად კანონიერი გზით მოხდა 1 კილომეტრი სიგრძის მილების ამოღება, განთავსება, დასაწყობება და შემდეგ რეალიზაცია თუ სოფლებში სხვა დანიშნულებისთვის გამოყენება.

აღნიშნულ ფაქტთან დაკავშირებით "გურია ნიუსმა" ოზურგეთის მუნიციპალიტეტის გამგეობას წერილობით მიმართა: "იყო თუ არა აღნიშნული მილები ოზურგეთის მუნიციპალიტეტის გამგეობის ბალანსზე. რა დოკუმენტის საფუძველზე გადმოეცა გამგეობას აღნიშნული მილები,ვინ განახორციელა სამუშაოები, სად მოხდა მისი განთავსება და რა საჭიროებისთვის მოხდა მისი გამოყენება".

გამგეობის მიერ მოწერილ ოფიციალურ დოკუმენტში ვკითხულობთ, რომ "2013 წლის 25 მარტს სახელმწიფო ქონების ეროვნულმა სააგენტომ ოზურგეთის მუნიციპალიტეტს დამატებითი ქონების სახით გადმოსცა 900.24 მ. მილსადენი. მილების დემონტაჟი ოზურგეთის მუნიციპალიტეტის გამგეობის მიერ განხორციელდა და განთავსდა მუნიციპალიტეტის საკუთრებაში არსებულ ტერიტორიაზე. აღნიშნული მიების გამოყენება მილხიდებისა და სანიაღვრე არხების მოსაწესრიგებლად მოხდება".

ოფიციალურ წერილს თან ახლავს სსიპ სახელმწიფო ქონების ეროვნული სააგენტოს თავმჯდომარის დიმიტრი ქუმსიაშვილის მიერ ხელმოწერილი დოკუმენტი, სახელმწიფო საკუთრებაში არსებული ქონების ოზურგეთის მუნიციპალიტეტის საკუთრებაში დამატებითი ქონების სახით გადაცემის შესახებ.

ამ წერილის შემდეგ ოზურგეთის მუნიციპალიტეტის გამგეობას კვლავ მივმართეთ ოფიციალური წერილობით: "რა დაჯდა აღნიშნული მილების ამოღება და საიდან იქნა გამოყოფილი თანხები. ეს იყო საკრებულოს გადაწყვეტილება თანხის გამოყოფის შესახებ თუ გამგებლის სარეზერვო ფონდიდან. გთხოვთ, მომაწოდოთ დამადასტურებელი ქსეროასლი.

გათვალისწინებული იყო თუ არა დემონტაჟის პროცესში მიწის მოსაწესრიგებელი სამუშაოების ჩატარება, ვის უნდა განეხორცილებინა, როდის და რა თანხებით.

ამოღების პროცესს ესწრებოდა თუ არა სააგენტოს წარმომადგენელი და მოხდა თუ არა მილების ჩაბარების აქტის გაფორმება და არსებობს თუ არა ექსპერტიზის დასკვნა მილების შემდგომი გამოყენების თაობაზე.

აქტის გარკვევისას დასადგენია მხარეთა კომისიის შემადგენლობა და რა ფორმით იქნა გადაცემული აღნიშნული ქონება".

გამგეობის მიერ ოფიციალური პასუხის შინაარსი კი ასეთია: "აღნიშნული მილსადენის მუნიციპალიტეტის საკუთრებაში რეგისტრაცია 01.04.2013 წელს მოხდა, რადგან დემონტაჟის დაწყებისას მილსადენი უკვე იყო მუნიციპალიტეტის საკუთრებაში, მილების ამოღების პროცესს არ ესწრებოდა სააგენტოს წარმომადგენელი, არ შემდგარა მილების, როგორც მატერიალური ქონების სააგენტოსგან გადმოცემის მიღება-ჩაბარება.

მიმდინარე წელს სტიქიური მოვლენების შედეგად, მუნიციპალიტეტის გამგეობას დაზიანებული მილხიდებისა და გზების წყალგამტარი არხების მოწესრიგებისა და მოწყობის ვალდებულება წარმოეშვა. აღნიშნული მილების დემონტაჟი სტიქიის შედეგების სალიკვიდაციო ღონისძიებების განხორცილების ფარგლებში მოხდა და მიმდინარე ეტაპზე ნაწილი გამოყენებულია სტიქიის შედეგების სალიკვიდაციოდ მუნიციპალიტეტის შემდეგ სოფლებში: კონჭკათი, დვაბზუ, შრომა, ნასაკირალი და გურიანთა. ამოღებული მილების დარჩენილი დიდი ნაწილი დასაწყობებულია მუნიციპალიტეტის საკუთრებაში არსებულ ტერიტორიაზე.

დემონტაჟის პროცესში გათვალისწინებულია, როგორც მოსაწესრიგებელი სამუშაოების წარმოება, ასევე, არსებული გზის საფარის ნაწილობრივი შეკეთება, სადრენაჟე არხის გაწმენდა და წყლაგამტარი მილების მოწყობა.

მილების ამოღებისა და გზის საფარის მოწყობის სამუშაოების წარმოება კომპლექსურად მიმდინარეობს და იგი მიმდინარე წლის 15 დეკემბრამდე დასრულდება," _ ოფიციალურ წერილს ხელს ოზურგეთის მუნიციპალიტეტის გამგებლის მოვალეობის შემსრულებელი კონსტანტინე შარაშენიძე აწერს ხელს.

თუმცა, გამგეობის მიერ მოწერილ ოფიციალურ წერილში პასუხი არ არის იმაზე, თუ რა თანხებით მოხდა აღნიშნული მილების დემონტაჟი. შესაბამისად, პასუხი არ გვაქვს იმაზე, ეს თანხები საკრებულოს მიერ მიღებული გადაწყვეტილებით მოხდა თუ გამგებლის სარეზერვო ფონდიდან.

ამის შემდეგ ოზურგეთის მუნიციპალიტეტის გამგებლის მოვალეობის შემსრულებელი კოტე შარაშენიძე თავად დაგვიკავშირდა და ოზურგეთის ე. წ. "სამეურნეო ეზოში" განთავსებული მილების ნახვა და მისი დასურათება გვთხოვა. მილები აღნიშნულ ტერიტორიაზე იყო.

რა ხდება მილების ამოღების შემდეგ ოზურგეთის მუნიციპალიტეტის სოფელ გურიანთაში, ე.წ. "ციხისფერდის" უბანში? ორი თვის შემდეგ აღნიშნულ უბანში დაპირებებიდან, მოსახლეობის განცხადებით მხოლოდ ის გზა მოიხრეშა, რომელიც გაზის მილების ამოღების შედეგად სულ გადაითხარა, და ისიც ჩვენს მიერ მომზადებული წერილის შემდეგ "რას მოახმარა გამგებელმა ერთი კილომეტრი გაზსადენი მილი?" ასევე, გამოყვანილია რამდენიმე ნათურა, რომელიც გზას ვერც კი ანათებს.

როგორც მოსახლეობა" გურია ნიუსთან" ამბობს, "არ გაკეთებულა მდინარის კალაპოტი, რომელიც კარიერის მუშაობის შედეგად შეცვლილია და ამ ზამთარში შეიძლება ისე გადმოვიდეს, რომ მოსახლეობაც კი დატბოროს. ასევე არ შეკეთებულა სოფელ გურიანთისა და ცენტრალური გზის დამაკავშირებელი ხიდი, რაც მოსახლეობას ძალიან აწუხებს. მათი თქმით, ისინი ძალიან გაწვალებულები არიან, რადგან ვერ დადის მანქანა და სამარშრუტო ავტობუსი. ხიდი კი თითქმის ჩანგრეულია".

აღნიშნულ უბანში მცხოვრებლები აცხადებენ, რომ ისინი ადგილობრივი ხელისუფლებისგან მოტყუებული დარჩნენ და ხიდის შეკეთების იმედი კი აღარ აქვთ. მათი თქმით გამგებელმა განუცხადა მოსახლეობას, რომ ის სიტყვის კაცია და თავის დანაპირებს აუცილებლად შეასრულებდა.

აღნიშნულთან დაკავშირებით კომენტარს აკეთებს ოზურგეთის მუნიციპალიტეტის გამგებლის მოვალეობის შემსრულებელი კოტე შარაშენიძე. მისი განცხადებით, მოსახლეობას დანაპირებს აუცილებლად შეუსრულებს:

_ ხიდის პრობლემა ამ სოფელს წლების მანძილზე აწუხებს, ის რამდენიმე ათეული წელია უფუნქციოდაა მოუვლელობის გამო. გეთანხმებით ხიდი დაზიანებულია და საჭიროებს გაკეთებას, მე ეს ჩემი თვალით ვნახე და შევპირდი მოსახლეობას კიდეც, რომ აუცილებლად გავაკეთებდი. და მოვაგვარებდი ამ პრობლემას.

_ თქვენ მოსახლეობას ხიდის შეკეთების გარდა, ძალიან ბევრ რამეს შეჰპირდით, მილების სანაცვლოდ, განუცხადეთ მათ, რომ "მე ვარ სიტყვის კაცი" და რასაც ვიტყვი, იმას აუცილებლად გავაკეთებო, ხიდი კვლავ უფუნქციო ორი თვის შემდეგ, სხვა დაპირებები შეასრულეთ?

_ აუცილებლად შევასრულებ სხვა დანაპირებსაც. მინდა, რომ გთხოვოთ ერთი რამ, დაამშვიდოთ ს მოსახლეობა, ვისაც ჰგონია, რომ არაფერი არ გაკეთდება. გადაეცით , რომ ჩემს დანაპირებს აუცილებლად შევასრულებ. მოხდა მდინარის გასწორხაზოვნება, გზა მოიხრეშა, ის საკითხები რაც იმ მოსახლეობამ მთხოვა დაწყებულია მუშაობა.

_ ბატონო კოტე, თქვენი აზრით, რატომ გახდა ამ გაზსადენი მილის ამოღება საეჭვო?

_ არ ვიცი, რა არის საეჭვო, თუმცა თქვენი თვალით ნახეთ ეს მილები დასაწყობებული, რომლის გამოყენებაც დაწყებულია სოფლებში.




 ახალი ამბები
  • "ლელოს" დეპუტატობის კანდიდატი გურიაში გიორგი სიორიძე იქნებალელოს დეპუტატობის კანდიდატი გურიაში გიორგი სიორიძე იქნება. სიორიძე სხვა კანდიდატებთან ერთად პოლიტიკურმა მოძრაობა "ლელომ" ამ წუთებში მცხეთაში წარადგინა. გიორგი სიორიძე – ოზურგეთის, ლანჩხუთისა და ჩოხატაურის რაიონების მაჟორიტარი დეპუტატობის კანდიდატი. კონსტიტუციონალისტი. კიოლნის უნივერსიტეტის სამართლის ფაკულტეტის კურსდამთავრებული, გერმანიაში ფედერალური მასშტაბით ლიცენზირებული იურისტი. არის საქართველოს მეცნიერებათა აკადემიის ახალგაზრდა მეცნიერთა საბჭოს თავმჯდომარე. უკანასკნელ წლებში მუშაობდა ერთ-ერთ უმსხვილეს საინვესტიციო ... ...
  • "15 სექტემბერს ვიწყებთ სწავლას" _ მიხეილ ჩხენკელისასწავლო წლის დაწყებას არანაირი საფრთხე არ შეექმნება. ჩვენ, როგორც განვაცხადეთ, 15 სექტემბერს ვიწყებთ სწავლას, - ამის შესახებ საქართველოს განათლების, მეცნიერების, კულტურისა და სპორტის მინისტრმა, მიხეილ ჩხენკელმა ქუთაისის საერთაშორისო უნივერსიტეტში ვიზიტისას განაცხადა. „სასწავლო წლის დაწყებას არანაირი საფრთხე არ შეექმნება. ჩვენ, როგორც განვაცხადეთ, 15 სექტემბერს ვიწყებთ სწავლას. რეკომენდაციები გამოქვეყნდება და ყველას გექნებათ საშუალება დეტალურად იხილოთ. სამედიცინო პროტოკოლი ზედმიწევნით იქნება დაცული, რადგანაც ჩვენთვის მთავარია ბავშვების ჯანმრთელობა. მინდა გითხრათ, რომ ყოველ ეტაპზე სამედიცინო პროტოკოლი ასახავს ეპიდ-სიტუაციას, რომელიც იმ მომენტისთვის არის აქტუალური. დღევანდელი ეპიდ-ვითარებიდან გამომდინარე, ჩვენ შეგვიძლია ვთქვათ, რომ არანაირი საფრთხე 15 სექტემბერს სწავლის დაწყებას არ ემუქრება. თუმცა, ყველამ უნდა გავაცნობიეროთ ის ამბავი, რომ თითოეული მოქალაქის ვალია გავუფრთხილდეთ ერთმანეთს. ჩვენი ყველას სურვილია, რომ ეს ვითარება არ გაუარესდეს და ამისთვის თითოეული მოქალაქის ძალისხმევა არის უაღრესად მნიშვნელოვანი. ჩვენ მზად ვართ ყველა სცენარისთვის“, - განაცხადა მიხეილ ... ...
  • IRI: უჭერს თუ არა მოსახლეობა მხარს განხორციელებულ საარჩევნო რეფორმას IRI-ს მიერ ჩატარებული კვლევის მიხედვით, საპარლამენტო არჩევნების წინ, მოქალაქეთა 54 პროცენტი ინფორმირებულია 8 მარტის შეთანხმებისა და ქვეყნის საარჩევნო სისტემის ცვლილების შესახებ. მათგან   77 პროცენტი - 41 % „ძლიერ“, ხოლო 36 % „მეტნაკლებად“, მხარს უჭერს განხორციელებულ საარჩევნო რეფორმას.  ცნობისთვის, საქართველოს პარლამენტმა დაამტკიცა საკონსტიტუციო ცვლილებები, რომელიც 2020 წლის საპარლამენტო არჩევნების მაჟორიტარული სისტემის მაგიერ პროპორციული სისტემით ჩატარებას ითვალისწინებს.  ოპოზიციური პარტიებიდან ერთიანმა მაციონალურმა მოძრაობამ და ევროპულმა საქართველომ, გასულ წელშიც დღის წესრიგში ჩამდგარი საარჩევნო სისტემის გამო მთავრობასთან წარმოებულ მოლაპარაკებებზე მიღებული დაპირებების არ შესრულების მიზეზის გამო კენჭისყრაში მონაწილეობა არ მიიღეს. მიღებული ცვლილების თანახმად, მომდევნო საპარლამენტო არჩევნებში 120 დეპუტატი პროპორციული, 30 კი მაჟორიტარული სისტემით იქნება არჩეული. არჩევნებში 40,54 პროცენტზე ნაკლები ხმის მიმღები პარტია მარტო ვერ შესძლებს მთავრობის ფორმირებას. ცვლილება ასევე მოიცავს პარლამენტში პარტიების ადგილების განაწილების და არჩევნების ბარიერთან დაკავშირებულ ... ...
  • IRI: მოსახლეობის 82 პროცენტი თვლის, რომ ეკონომიკური მდგომარეობა მნიშვნელოვნად გაუარესდაIRI-ს კვლევის მიხედვით, მიუხედავად სახელმწიფოს მხრიდან COVID-19-ის წარმატებული მართვისა, საქართველოს მოსახლეობის 82 პროცენტი თვლის, რომ ეკონომიკური მდგომარეობა მნიშვნელოვნად გაუარესდა პანდემიის გავრცელების შემდეგ. 65 პროცენტი მიიჩნევს, რომ ეკონომიკური მდგომარეობა მათ ოჯახში „ძალიან“ (22 %) ან „მნიშვნელოვნად“ (43 %) მძიმეა, ხოლო 67 % თვლის, რომ კორონავირუსის შედეგად, კიდევ უფრო გაუარესდა.  შეგახსენებთ, რომ საქართველოში კორონავირუსის პირველი შემთხვევა თებერვალში დაფიქსირდა. ამ დროისთვის, დაინფიცირებულთა სრული რაოდენობა 1278-ს შეადგენს, რომელთაგან  გამოჯანმრთელდა - 1058, ხოლო 17 ადამიანი გარდაიცვალა. კორონავირუსი ჯანმომ გლობალურ პანდემიად გამოცხადა და ვირუსთან საბრძოლველად სხვადასხვა შეზღუდვები დაწედა. ამავე თემაზე: IRI-ს კვლევა: კმაყოფილია თუ არა მოსახლეობა მთავრობის მოქმედებით პანდემიასთან ... ...
  • IRI-ს კვლევა: კმაყოფილია თუ არა მოსახლეობა მთავრობის მოქმედებით პანდემიასთან ბრძოლაშიIRI-ს მიერ ჩატარებული კვლევის მიხედვით მოსახლეობის 79 პროცენტი არის კმაყოფილი, მათ შორის „ძალიან კმაყოფილი“ (41 %) და „მეტნაკლებად“ კმაყოფილი (38 %) მთავრობის მოქმედებით პანდემიასთან ბრძოლაში. "მოსახლეობის 58 პროცენტი, მათ შორის 21 % „ძალიან“, ხოლო 37 პროცენტი „მეტნაკლებად“, კმაყოფილია იმ სოციალური პროგრამებით, რომელიც მთავრობამ შეიმუშავა პანდემიის მიერ გამოწვეული პრობლემების შესამსბუქებლად.  მოქალაქეთა აბსოლუტური უმრავლესობა ეთანხმება(94%) რომ დაავადებათა კონტროლისა და საზოგადოებრივი ჯანმრთელობის ეროვნული ცენტრის, საქართველოს ოკუპირებული ტერიტორიებიდან დევნილთა, შრომის ჯანმრთელობისა და სოციალური დაცვის სამინისტროს (91 %) და პრემიერ-მინისტრის ოფისის (81 %) მუშაობა პანდემიასთან ბრძოლაში იყო ეფექტური",_ ნათქვამია კვლევაში. ცნობისთვის, კვლევა ჩატარდა საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ, 2020 წლის 4 ივნისი - 2 ივლისის პერიოდში. საველე სამუშაოები ჩატარდა „აიფიემის“ მიერ. მონაცემები შეგროვდა სტრატიფიცირებული მრავალსაფეხურიანი შემთხვევითი შერჩევის მეთოდის გამოყენებით, პირისპირ ინტერვიუს გზით.  შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, გენდერის, რეგიონისა და დასახლების ზომის შესაბამისად.  ცდომილების ზღვარი წარმოადგენს +/- 2.5 პროცენტს, გამოპასუხების მაჩვენებელი - 66 პროცენტი. კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს ... ...

არქივი

ტესტები

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...