"გადაწყვეტილება უკვე მივიღე - არ ვაპირებ ამ პოზიციაზე მუშაობას"

მთავარი თემა

"გადაწყვეტილება უკვე მივიღე - არ ვაპირებ ამ პოზიციაზე მუშაობას"

14 დეკ. 2013, 12:20:11

"სამი დღეა ვისმენ და ვკითხულობ ცილისმწამებლურ განცხადებებს ჩემი მისამართით. ჩემი კოლეგები მე კარგად მიცნობენ. 38 წლის ასაკში პირველად გამიჩნდა სურვილი მემუშავა საჯარო სამსახურში. მოგეხსენებათ, საქართველოს მთავარ პროკურატურას გამოცხადებული ჰქონდა რამოდენიმე ვაკანსია, მათ შორის ერთ-ერთი იყო საზოგადოებასთან და მასმედიასთან ურთიერთობის დეპარტამენტის ხელმძღვანელის თანამდებობა. გავგზავნე განაცხადი, ისევე, როგორც ათობით სხვა მსურველმა.დამიბარეს გასაუბრებაზე, სადაც მიმდინარეობდა სხვადასხვა ვაკანსიებზე შერჩეული აპლიკანტების კონკურსიც. კარგად მქონდა გაცნობიერებული, რომ ეს იყო კონკურსი და მე არავითარი გარანტია არ (ვერ) მექნებოდა იმისა, რომ ამ თანამდებობას დავიკავებდი. მას შემდეგ, რაც გახმაურდა, რომ მე მქონდა შეტანილი განაცხადი აღნიშნულ ვაკანსიაზე, სოციალურ ქსელში და მედიაში გაჩნდა უამრავი ცილისმწამებლური და გადაუმოწმებელი ინფორმაცია. თითქოს მე უკვე დავიკავე აღნიშნული პოსტი. ამას გარდა, გავრცელდა ინფორმაცია და საზოგადოება შეგნებულად შეიყვანეს შეცდომაში, რომ თურმე მე ვიყავი ე.წ. მოდელირებული ქრონიკის " მთავარი შემოქმედი და პროდიუსერი", რის გამოც თითოეულ თქმულ და დაწერილ ცრუ ინფორმაციაზე დეზინფორმატორებს კანონის წინაშე მოუწევთ პასუხისგება. მე სრული პასუხისმგებლობით ვაცხადებ, რომ არა თუ მიმიღია მონაწილეობა, არამედ არც კი ვიცოდი, რომ ეს გადაცემა მზადდებოდა და მეც, როგორც ჩვენი საზოგადოების დანარჩენი წევრები შოკირებული დავრჩი.

მეორე ტყუილი, რომელსაც ამ დღეებში ვისმენ, თითქოს მე "ნაციონალური მოძრაობის" მხარდამჭერი ვიყავი, მე ვარ ჟურნალისტი, ძირითადად ვაშუქებდი ეკონომიკის სფეროს და იმ მოვლენებს, რომელიც მაშინ ამ სფეროში ვითარდებოდა. ახლაც ასე ვაგრძელებ. და მესამე, ბევრ კითხვას აჩენს გარკვეულ ჟურნალისტთა ჯგუფის მიერ წარმოებული და კარგად ორგანიზებული აგრესიული და ბინძური კამპანია ჩემს წინააღმდეგ. ესენი არიან ადამიანები, რომლებიც ჟურნალისტიკის მაღალ სტანდარტებზე საუბრობენ, თუმცა ელემენტარული ბალანსის პრიციპს არ იცავენ და ცალმხრივად, მხოლოდ საკუთარ სუბიექტურ აზრებს ახვევენ საზოგადოებას. ჟურენალისტურ წრეებში ჩემი კოორდინატები ყველასთვის ხელმისაწვდომია, თუმცა დეზინფორმაციის გამავრცელებლებს ჩემთვის არაფერი უკითხვათ. და სწორედ აქ სჩანს მათი პროფესიონალიზმი. რაც შეეხება საქართველოს მთავარ პროკურატურაში ჩემს შესაძლო მუშაობის საკითხს, მე არ ვიცი რა გადაწყვეტილებას მიიღებს კომისია, თუმცა მე ჩემი გადაწყვეტილება უკვე მივიღე. არ ვაპირებ ამ პოზიციაზე მუშაობას, მანამ სანამ იმ ადამიანებს, ვინც ეს დღეები ცილს მწამებენ და მორალური ზიანი მომაყენეს არ ვაგებინებ კანონის წინაშე პასუხს! ამავდროულად, არ მინდა ჩემი მისამართით წარმოებული ნეგატიური კამპანიის გამო ზიანი მიადგეს ქვეყნისთვის მნიშვნელოვან სტრუქტურას. კიდევ ერთი ბრალდება, რომელიც ჩემს ამჟამინდელ სამსახურს TV 3-ს უკავშირდება, რომ თითქოს მე იქ თანამშრომლებს ვაყენებდი შეურაცხყოფას და რამდენიმე მათგანი სამსახურიდან გავათავისუფლე. სრული პასუხისმგებლობით ვაცხადებ, რომ ეს არის სიცრუე. ორმა პროდიუსერმა ნინო ჯაფარიძემ და ვახტანგ ხუზმიაშვილმა საკუთარი ნებით დატოვეს სამსახური, ხოლო ოთხი ჟურნალისტის გათავისუფლების გადაწყვეტილება მე არ მიმიღია.ეს ინფორმაცია შეგიძლიათ თავისუფლად გადაამოწმოთ TV 3-ში. კოლეგებო და მეგობრებო, ამ ბოლო დროს ძალიან გახშირდა ჟურნალისტების მიმართ ტალახის სროლა, ამ აგრესიული ტალღის ერთ-ერთი მსხვერპლი მეც აღმოვჩნდი. ყველას თავისი ჟურნალისტური წარსული აქვს და ამ პატარა ქვეყანაში არაფერი იმალება... სულ ეს არის რაც მინდოდა მეთქვა", _ წერს წიკლაური. 




 ახალი ამბები
  • გიორგი სიორიძე: „ყველაფერი, რაც ვარ, არის გურული. ყველაფერი, რასაც ვფიქრობ, არის გურულიგიორგი სიორიძე: „ყველაფერი, რაც ვარ, არის გურული. ყველაფერი, რასაც ვფიქრობ, არის გურული. ყველაფერი, რასაც ვგრძნობ, არის გურული და ყველაფერი, რასაც ვამბობ და ვიტყვი თქვენი სახელით, იქნება გურული!“ "ლელოს" გენერალურმა მდივანმა ბადრი ჯაფარიძემ და პარტიის სხვა ლიდერებმა ოზურგეთში, „ჭადრების ბაღში“ გამართულ ღონისძიებაზე, მოსახლეობას გურიის საარჩევნო ოლქში  მაჟორიტარი დეპუტატობის კანდიდატი გიორგი სიორიძე წარუდგინეს. როგორც პარტიის გენერალურმა მდივანმა ბადრი ჯაფარიძემ კანდიდატის წარდგენისას განაცხადა, საქართველო უახლოვდება ძალიან მნიშვნელოვან არჩევნებს, როდესაც უნდა შეჩერდეს ქვეყნის ვარდნა და ნგრევა, რაც წლებია მიმდინარეობს: „ამ არჩევნებზე ჩვენს თანამოქალაქეებს უნდა დაუბრუნდეთ რწმენა, ჩვენს ოჯახებში უნდა დაბრუნდეს იმედები. 31 ოქტომბერს ყველანი მობილიზებულად უნდა მივიდეთ საარჩევნო უბნებზე, შემოვხაზოთ 56 და ხმა მივცეთ ჩვენი შვილების, ჩვენი ქვეყნის მომავალს. ეს იქნება დღე, როცა ჩვენ შევცლით ნეგატიურ წარსულს და დავიწყებთ ნამდვილი, მყარი, მდგრადი და მომავლის ქვეყნის შენებას. 30 წლის წინ ოქტომბერში ჩატარებულ არჩევნებზე ჩვენ ყველამ ხმა მივეცით ქვეყნის დამოუკიდებლობას, დავამარცხეთ კომუნისტური პარტია და ერთ წელიწადში გამოვაცხადეთ ქვეყნის დამოუკიდებლობა. ახლა ჩვენ უნდა დავამარცხოთ სიღარიბე, სიღატაკე, უიმედობა, არაპროფესიონალიზმი, ნეპოტიზმი, კორუფცია და უნდა შევქმნათ რეგიონის ფლაგმანი ქვეყანა ყველა მიმართულებით. ჩვენ ვართ ახალი პოლიტიკური ძალა, რომელიც ყველასგან გამოირჩევა იმით, რომ მისმა წევრებმა განვლილი ცხოვრებით უკვე აჩვენეს, რომ შეუძლიათ წარმატებით აკეთონ თავიანთი საქმე. ჩვენ დავასრულებთ იმ დროს, როდესაც პოლიტიკაში მოდიოდნენ ხელმოცარული ადამიანები და მოდიოდნენ თავიანთი კეთილდღეობისათვის. ჩვენ მოვდივართ თქვენი კეთილდღეობისათვის. ჩვენ შევქმენით ყელაზე მდგრადი, თანმიმდევრული ეკონომიკური პროგრამა, რომლესაც სიმბოლურად ვუწოდეთ ახალი „მარშალის გეგმა“ საქართველოს რეკონსტრუქციისათვის, რომელიც გულისხმობს ძირეულ გარდაქმნას, რეფორმას და წარმატებას ჩვენი ცხოვრების ყველა სფეროში. ეს გეგმა გულისხმობს ჩვენი ეკონომიკის გაორმაგებას. არჩევნების მეორე დღიდანვე ხელში უნდა ავიღოთ მართვის სადავეები, რადგან ასე გაგრძელება აღარ შეიძლება. ჩვენ  შევძლებთ პანდემიის მართვასაც, ჩვენ შევძლებთ პარალელურად ეკონომიკის ვარდნის შეჩერებას, ეროვნული ვალუტის გაუფასურების შეჩერებას და ვითარების დასტაბილურებას. ჩვენ შევძლებთ ადამიანებში დავაბრუნოთ რწმენა, რომ გვყავს კომპეტენტური მთავრობა, რომელმაც იცის, როგორ მართოს ქვეყანა, რომელიც დაკომპლექტებულია კომპეტენციის ნიშნით და არა ერთი კაცის ერთგულების ნიშნით. ერთი კაცის ერთგულების ნიშნით დაკომპლექტებული მთავრობა ემსახურება იმ ერთ კაცს. ჩვენ ვიქნებით მთავრობა, რომელიც თქვენ გემსახურებათ“, _ აღნიშნა გამოსვლისას ბადრი ჯაფარიძემ „ლელოს“ მაჟორიტარობის კანდიდატმა გურიაში გიორგი სიორიძემ  გამოსვლისას ხაზი გაუსვა, რომ ამ არჩევნებზე მთელი გურია ირჩევს ერთ მაჟორიტარ დეპუტატს და დიდი ალბათობით, ეს არჩევნები იქნება მაჟორიტარული ეპოქის დასასრული ქართულ პარლამენტარიზმში. დასრულდება მაჟორიტარული ეპოქა, რომელიც ამ და ყველა წინა ხელისფლების პირობებში იყო იმის ინსტრუმენტი, რომ დაუმსახურებლად ჰქონოდა რაც შეიძლება მეტი საპარლამენტო მანდატი. დასრულდება ეპოქა, როცა ხელისუფლებები ქმნიდნენ მაჟორიტარის მახინჯ სტერეოტიპს, როცა მას რაიონის მოსახლეობას წარუდგენდნენ, როგორც ერთგვარ ყოვლისშემძლე ფეოდალს: „ქართული საზოგადოებისა და დასავლელი პარტნიორების ძალისხმევით ჩვენ მივიღეთ ის მოდელი, რომელიც გვაქვს _ 120/30-ზე და წელს გურია ირჩევს ერთ მაჟორიტარს. მე ვიღებ ამ ბრძოლას, შევდივარ რბოლაში და ვიბრძვი იმისათვის, რომ ვიყო სრულიად გურიის პირველი და უკანასკნელი მაჟორიტარი დეპუტატი საქართველოს პარლამენტში. მოქმედი და წინა ხელისფლებები მიმართავდნენ იმ გზას, როცა მაჟორიტარ დეპუტატებად წარადგენდნენ ხოლმე ამა თუ იმ კონკრეტულ ოლქში ცნობად სახეს, - მომღერალს, მოცეკვავეს, სპორტსმენს, ბიზნესმენს, კოლორიტს, ერთი სიტყვით, და ამით ცდილობდნენ ადამიანების ცნობიერებაზე მანიპულირებას. ეს ნაცადი, მაგრამ მრუდე გზა არის. ეს არის სტერეოტიპი, რომელსაც „ლელო“ ამსხვრევს და ყველა ოლქში ჩვენმა პარტიამ გააკეთა, ერთი შეხედვით, რისკიანი განაცხადი და მაჟორიტარებად წარადგინა პოლიტიკური წარსულის არმქონე, მაგრამ პროფესიონალი ადამიანები. ხალხი, ვისაც შესწევს უნარი და საიმისო ბრძოლის ჟინი და პოტენციალი, რომ იყოს კანონშემოქმედი და წარმოადგენდეს თავის ოლქს საქართველოს პარამენტში“, _ აღნიშნა გიორგი სიორიძემ.  „ჩემი ცხოვრების მეოთხედი გავატარე გერმანიაში, მივიღე იქ განათლება და დავბრუნდი ჩემს სამშობლოში, რადგან ქართველად დაბადება არის პასუხისმგებლობა, ხოლო გურულად დაბადება არის კიდევ უფრო მეტი პასუხისმგებლობა. ისეთ გურულად დაბადება კი, რომლის ოჯახის წევრის, რომლის ბაბუის ბიუსტიც დგას ოზურგეთის ცენტრში, ვისი სახელობის ქუჩა, სკოლა და სპორტული ცენტრი არსებობს, ეს არის განსაკუთრებული პასუხისმგებლობა და ეს ამძიმებს თითოეულ ჩემს ნაბიჯს, რომელსაც ამ მიწაზე ვადგამ, თითოეულ ჩემს სიტყვას, რომელსაც მე გურულ ადამიანს ვეუბნები. ეს ძალიან დიდი პასუხისმგებლობაა. გუნდურობის ის განცდა, რაც „ლელოში“ მოსვლის პირველივე დღიდან დავინახე, დღემდე არ მტოვებს და ამიტომაც ვარ დიდი იმედით, რომ ჩვენ ყველა ერთად დავდებთ ლელოს საქართველოსთვის. „ლელო“ არის ის ერთადერთი ძალა, რომელსაც შეუძლია ქართული პოლიტიკის გასუფთავება და გაჯანსაღება“, _ თქვა გიორგი სიორიძემ მისი თქმით, გურულები ისტორიულად პოლიტიკურად ყველაზე აქტიური ადამიანები იყვნენ და არიან. „ჩემთვის საპატიო და დიდი ტვირთი იქნება, რომ ვიყო ამ ხალხის ხმა პარლამენტში. ყველაფერი, რაც მე ვარ, არის გურული. ყველაფერი, რასაც ვფიქრობ, არის გურული. ყველაფერი, რასაც ვგრძნობ, არის გურული და ყველაფერი, რასაც ვამბობ და ვიტყვი თქვენი სახელით, იქნება გურული“, _ ამ სიტყვებით დაასრულა საკუთარი გამოსვლა გურიის მაჟორიტარობის კანდიდატმა გიორგი სიორიძემ. (R) ... ...
  • ოზურგეთში დაფიქსირდა არაუფლებამოსილი პირების მონაწილეობა წინასაარჩევნო კამპანიაშიოზურგეთში დაფიქსირდა არაუფლებამოსილი პირების მონაწილეობა წინასაარჩევნო კამპანიაში. ამის შესახებ ნათქვამია ISFED-ის მიერ გამოქვეყნებულ ანგარიშში. „30 სექტემბერს, სამუშაო საათებში გურიაში სახელმწიფო რწმუნებულის პიარის სამსახურის უფროსმა ნინო ლომჯარიამ საკუთარ „ფეისბუქ“ გვერდზე არაერთხელ გააზიარა „ქართული ოცნების“ მაჟორიტარი დეპუტატობის კანდიდატის ვასილ ჩიგოგიძის სააგიტაციო მასალა. 30 სექტემბერს, 17:53 საათზე, ოზურგეთის მუნიციპალიტეტის საკრებულოს პრესსამსახურის თანამშრომელს ნათია ზედგინიძეს საკუთარ „ფეისბუქ“ გვერდზე გაზიარებული ჰქონდა „ქართული ოცნების“ სააგიტაციო მასალა“,_ ვკითხულობთ ანგარიშში. კიდევ ერთი ფაქტი დაფიქსირდა 13 ოქტომბერს. „13 ოქტომბერს, 11:06 საათზე, საკრებულოს პრესსამსხურის ხელმძღვანელმა ნათია ზედგენიძემ „ქართული ოცნების“ სააგიტაციო მასალა გააზიარა ფეისბუქ ... ...
  • ვინ ვისი ამომრჩევლების გადაბირებას ცდილობს ჩოხატაურშიISFED-ის შეფასებით, არჩევნებზე  ყველაზე სერიოზული პრობლემა პარტიების მხარდამჭერებზე ზეწოლა-მუქარაა. ორგანიზაციის მიერ მომზადებულ ანგარიშის მიხედვით, სავარაუდოდ, პოლიტიკური ნიშნით ზეწოლა/მუქარისა და ხელის შეშლის შემთხვევები ჩოხატაურშიც გამოვლინდა. ორგანიზაციის მიერ გამოქვეყნებულ ანგარიშში წერია, რომ „ევროპული საქართველოს“ ჩოხატაურის წარმომადგენლის, ლია ჩიგოგიძის ინფორმაციით, მმართველი პარტიის მხრიდან მიმდინარეობს მათი პარტიის, 2018 წლის საუბნო საარჩევნო კომისიის ყოფილი წევრების გადაბირება შემდეგ სოფლებში - სამება, დაბლაციხე, ზოტი, ნაბეღლავი, ზემოსურები, კოხნარი, ბურნათი, წიფნარი, საჭამიასერი, ბასილეთი და ხევი. ჩიგოგიძის თქმით, „ქართული ოცნების“ წარმომადგენლები მოუწოდებენ კონკრეტულ პირებს, რომ არ ითანამშრომლონ „ევროპულ საქართველოსთან“ და ცდილობენ მათ გადაბირებას. ორგანიზაციის განცხადებით, ლია ჩიგოგიძე კონკრეტული პირების ვინაობას, შეგნებულად, მათივე თხოვნითარ ასახელებს საჯაროდ, რადგან არ სურს ამ პირებს ვინაობის გამხელის შემთხვევაში პრობლემები ... ...
  • რა შემთხვევაში შემცირდება ინფიცირების გავრცელებამთავრობის სხდომაზე პრემიერმა  ისაუბრა ვირუსის მართვის პროცესთან დაკავშირებით და აღნიშნა, რომ ადაპტაციის და მართვის ეტაპი, რომელზეც დღეს ქვეყანა იმყოფება, მოითხოვს მეტ პასუხისმგებლობას თითოეული მოქალაქისგან. პრემიერმა ისაუბრა უსაფრთხოების წესების დაცვის მნიშვნელობაზე და აღნიშნა, რომ  იმ შემთხვევაში, თუ მოქალაქეების 90% ატარებს პირბადეს, ინფიცირების გავრცელება 70 %-ით შემცირდება. „გუშინ, ბოლო 24 საათის განმავლობაში მსოფლიოში დამყარდა კიდევ ერთი ახალი ანტირეკორდი და 400 000-ზე მეტი ახალი ინფიცირებულია მსოფლიოში და საერთოდ, ინფიცირებულების ჯამმა გადააჭარბა 41 მილიონს. ევროპის ბევრ ქვეყანაში დამყარდა ანტირეკორდები და საქართველოშიც ჩვენც ინფიცირების მნიშვნელოვანი ზრდა გვაქვს. ადაპტაციის და მართვის ეტაპი, რომელზეც ჩვენ დღეს ვიმყოფებით, მოითხოვს მეტ პასუხისმგებლობას თითოეული ჩვენგანისგან. საყოველთაოდ ცნობილია, რამდენად ეფექტიანია ელემენტარულად, ნიღბის ტარება. დღესაც გვქონდა საუბარი ეპიდემიოლოგებთან და იმ შემთხვევაში, თუ ჩვენი მოქალაქეების 90% ატარებს პირბადეს, ინფიცირების გავრცელებაა 70 %-ით მცირდება“, - განაცხადა გიორგი გახარიამ. მთავრობის მეთაურმა მოქალაქეებს კიდევ ერთხელ მოუწოდა, დაიცვან რეგულაციები და იზრუნონ ერთმანეთზე. „გლობალური პანდემიის წინააღმდეგ ვერავინ უფრო ეფექტური ინსტრუმენტი ვერ გამოიგონა, ვიდრე პირბადე, სოციალური დისტანცია და ელემენტარული ჰიგიენის დაცვა. ამიტომ, ჩვენ ყველამ ერთად უნდა ვიზრუნოთ ერთმანეთზე და დავიცვათ ეს წესები, წინააღმდეგ შემთხვევაში, ინფექციის გავრცელება იქნება სწრაფი და მეტ ზიანს მიაყენებს როგორც ჩვენს ეკონომიკას, ასევე ჩვენს მოქალაქეებს. ამიტომ, უკეთ უნდა ვიზრუნოთ ერთმანეთზე, მეტი პასუხისმგებლობა გამოვაჩინოთ და პირველ რიგში, უნდა ვიზრუნოთ ჩვენს ხანდაზმულ მოხუცებზე, რამეთუ, ისინი არიან პირველ რიგში რისკის ჯგუფში“, - განაცხადა გიორგი ... ...
  • 56 წამი იმის შესახებ, რატომ უნდა შემოხაზოთ 56 - გურიის დეპუტატობის კანდიდატი გიორგი სიორიძე! 56 წამი იმის შესახებ, თუ რატომ უნდა შემოხაზოთ 56 _ “ლელო საქართველოსთვის” გურიის მაჟორიტარი დეპუტატობის კანდიდატი, გიორგი სიორიძე. ... ...

არქივი

ტესტები

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...