"ჟვანიამ 150 კაცის წინაშე თქვა _ ვცდებოდი, როცა ხუდონჰესის აშენებას ვეწინააღმდეგებოდიო"

მთავარი თემა

"ჟვანიამ 150 კაცის წინაშე თქვა _ ვცდებოდი, როცა ხუდონჰესის აშენებას ვეწინააღმდეგებოდიო"

2013 დეკ 19 11:14:37

"ამის მოწმე ცოცხალი ადამიანებიც არიან: მაგალითად ელექტროენერგიის მარეგულირებელი კომისი ყოფილი თავმჯდომარე, ელიზბარ ერისთავი, ანზორ ჭითანავა, ზურაბ მინდელი, მე აგერ ცოცხალი ვარ...

სანამ თავად ზურაბ ჟვანია გამოვიდოდა სიტყვით, მანამდე გამოიყვანა ანზორ ჭითანავა, რომელმაც ისაუბრა ხუდონთან დაკავშირებით. ამის შემდეგ, სიტყვით გამოვიდა ზურაბ ჟვანია და თქვა: თქვენ ჰიდროელექტრიკოსები მე მაბრალებთ ხუდონის გაჩერებას, მაგრამ  კაცურ პირობას გაძლევთ, ვიდრე პრემიერ-მინისტრი ვიქნები, ხუდონჰესის მშენებლობას დავამთავრებო. ასე რომ, როცა სახელმწიფოებრივი პრობლემები დააწვა ზურგზე პრემიერ-მინისტრს, მაშინ იგრძნო, რომ ენერგეტიკა საჭიროა..." _ აცხადებს ზურაბ გედენიძე.

სტატიამ მწვავე დისკუსია გამოიწვია გარემოსდაცვითი ორგანიზაციის "მწვანე ალტერნატივა" ფეისბუქ-ჯგუფში, სადაც აღნიშნული ორგანიზაციის ლიდერებმა პროფესორის განცხადებას, შეიძლება ითქვას, ნაკლებად ეთიკური კომენტარები მოაყოლეს. მაგალითად "მწვანე ალტერნატივის" ერთ-ერთი ლიდერი, მანანა ქოჩლაძე კომენტარებში წერს: "წინა პოსტში განდიც ეთანხმებოდა ხუდონის მშენებლობას?" ისე, თეფშებს სად ატრიალებენ ეგენი?"

ჩვენს კომენტარზე, რომ რესპონდენტს უფლება ჰქონდა თავისი მოსაზრება დაეფიქსირებინა და რომ ეს არ იყო საქილიკო თემა, ქალბატონმა მანანამ გაგვიცხდა, რომ ეს ფაქტი არ არის, არქივის მასალების წარმოდგენა მოგვთხოვა და ასევე გამოცემის, ანუ "გურია ნიუსის" სტანდარტზე მიგვითითა.

"გურია ნიუსი", როგორც ყოველთვის, სტანდარტების დაცვით, ითვალისწინებს მკითხველის თხოვნას და  მაღალი საზოგადოებრივი ინტერესებიდან გამომდინარე, ფაქტებით დაინტერესებულ პირებს სთავაზობს მასალებს საგაზეთო და ინტერნეტ არქივიდან, ასევე კიდევ ერთი პროფესორის, ბატონი ანზორ ჭითანავას კომენტარს, რომელიც ასევე ესწრებოდა შეხვედრას  ზურაბ ჟვანიასთან.

ზურაბ ჟვანიას კომენტარები ხუდონჰესზე...

2002 წლის 21 აგვისტო - 1 სექტემბერი გაზეთი "ვერსია".  სტატიის სათაური: "ხელისუფლება ხუდონჰესს დღემდე აშენებს"

ზურაბ ჟვანია: "როდესაც პარლამენტის თავმჯდომარე ვიყავი, აშშ-ში და ევროპაში, ბიზნესმენების ჯგუფებთან შეხვედრებისას, ხშირად შემითავაზებია, რომ სერიოზულად ეფიქრათ ინვესტირებაზე  საქართველოს ენერგეტიკაში, მათ შორის ხუდონჰესის პროექტის განახლებაში, ოღონდ რა თქმა უნდა, ეკოლოგიური მოთხოვნების გათვალისწინებით. არის რამდენიმე ვარიანტი, თუ როგორ შეიძლება გამოვიყენოთ იქ არსებული ქვაბული. ძალიან დიდი სამუშაოები იყო ჩატარებული და  ასე მიგდების წინააღმდეგნი ვიყავით მწვანეთა პარტიაში ყოფნის დროსაც. ჩვენ კონსერვაციის მომხრენი ვიყავით, მაგრამ არავითარ შემთხვევაში ასე მიგდების. მოკლედ, დაუშვებელია ხელაღებით იმის თქმა, რომ იქ არაფერი არ უნდა გაკეთდეს. იქ ჩატარებული სამუშაოები საშუალებას იძლევა  ძალიან სერიოზული ობიექტი შეემატოს ქართულ ენერგოსისტემას."

2004 წლის 29 მაისი. სააგენტო "სივილ ჯორჯია" (www.civil.ge) სტატიის სათაური: "საქართველოს რუსული კაპიტალის აღარ ეშინია". სტატიაში საუბარია 2004 წლის 28-29 მაისს თბილისში, რუსი ბიზნესმენებისთვის გამართულ ფორუმზე. ციტატა სტატიიდან

"რუსი ბიზნესმენების განსაკუთრებული ინტერესი ენერგეტიკის სფერომ გამოიწვია. პრემიერ-მინისტრმა ზურაბ ჟვანიამ განაცხადა, რომ  ენერგეტიკის სამინისტროში შემუშავებულია პროექტი, რომელიც ითვალისწინებს  საქართველოს გავლით რუსეთ-თურქეთის ელექტროგადამცემი ხაზის მშენებლობას. რუსული კაპიტალის მონაწილეობითვე მოხდება ენგურჰესის რეაბილიტაცია. ასევე საუბარია ხუდონჰესის მშენებლობაზეც."

ეს გახლავთ მხოლოდ მცირე ნაწილი ჩვენს ხელთ არსებული მასალებიდან, რომელსაც თანმიმდევრობით შემოგთავაზებთ.

რაც შეეხება კიდევ ერთ ადამიანს, რომელიც ზურაბ ჟვანიასთან გამართულ შეხვედრას ესწრებოდა და რომელიც მის გვერდით იჯდა, ანზორ ჭითანავა გახლდათ.  ენერგეტიკის აკადემიის ვიცე-პრეზიდენტი, ანზორ ჭითანავა "გურია ნიუსთან" ამ შეხვედრის დეტალებს იხსენებს:

ანზორ ჭითანავა: "როდესაც ჟურაბ ჟვანია პრემიერ-მინისტრი გახდა, ერთ-ერთი პირველი შეხვედრა მოაწყო ენერგეტიკოსებთან. დაახლოებით 150 კაცი ესწრებოდა ამ შეხვედრას, ყველა მიმართულების წარმომადგენელი, ვინც კი ენერგეტიკასთან რაიმე კავშირში იყო. მე დამიძახა ზურამ,  მთხოვა ავსულიყავი "პარტერში" და დავმჯდარიყავი მის გვერდით.  ამის შემდეგ, მიმართა საზოგადოებას და უთხრა: როდესაც მე "მწვანეების" ლიდერი ვიყავი და ხუდონჰესის მშენებლობას ვეწინააღმდეგებოდი, ეს კაცი ჩემი მტერი მეგონა, რადგან მიმტკიცებდა, რომ მართალი არ ვიყავიო. მაგრამ ახლა ვხვდები, რომ ეს ყოფილა ჩემი ყველაზე დიდი მეგობარი და მე ვცდებოდი, როცა ვეწინააღმდეგებოდი ხუდონჰესის აშენებასო.  მიმაჩნია, რომ არ  გვაქვს უფლება ეს არ გამოვასწოროთ, ბოდიშს გიხდით, რომ მისი  მშენებლობის შეჩერებით ბევრი რამ გაფუჭდა და გაუარესდაო.

კიდევ ერთხელ მითხრა დიდი მადლობა თანამშრომლობისთვის და მომცა სიტყვა. ეს დაფიქსირებულია ჩანაწერებშიც.  გარდა ამისა, ფართო აუდიტორიის თვალწინ მოხდა ეს ყველაფერი. ეს გახლდათ პირველი შემთხვევა, როდესაც ახსენა ხუდონჰესი."

_ ამის შემდეგ გქონიათ მასთან ხუდონჰესზე საუბარი?

_ მქონია და თან არაერთხელ. იყო მეორე შემთხვევაც, როდესაც ზურაბ ჟვანიამ მთელი ზუგდიდის თვალწინ ილაპარაკა ხუდონჰესზე და ამის მოწმე უამრავი ადამიანია. ზურაბ ჟვანია ჩასული იყო ზუგდიდში მაჟორიტარი დეპუტატის წარდგენაზე, სადაც კიდევ ერთხელ აღნიშნა: მე შევცდი, ხუდონჰესის მშენებლობა აუცილებლად უნდა გაგრძელდეს და თქვენი თანამემამულე ანზორ ჭითანავა არის ადამიანი, რომელსაც ჩვენ ამ პასუხისმგებლობას ვაკისრებთ და უახლოეს მომავალში მივიღებ გადაწყვეტილებას ამ ობიექტის მშენებლობის გაგრძელებაზეო. ამის მოწმე არის მთელი ზუგდიდი.

იქედან რომ ჩამოვიდა, ბატონმა ზურაბმა დამიძახა და მკითხა, რა თანხა იყო საჭირო ხუდონჰესის პროექტის გასაახლებლად, ანუ საუბარი იყო ახალ დაანგარიშებასა და ნაგებობის გადაყვანაზე 9 ბალიანი მიწისძვრების გათვალისწინებით. მე ვუთხარი, რომ საჭირო იყო ერთი მილიონი ლარი და ერთი წელიწადი, რაზეც მიპასუხა, რომ ერთი წელი ბევრი იყო, უნდა ჩავტეულიყავით ნახევარ წელიწადში.

ზურაბ ჟვანიას  ენერგეტიკის ინსტიტუტში გამოვუყავით ოთახი, სადაც ის ხუდონჰესის პროექტის დეტალებს ეცნობოდა. კონსულტაციებს გადიოდა სპეციალისტებთან, რის კოორდინაციასაც მე ვახდენდი. დავიწყეთ ამ თემაზე მუშაობა და გარკვეული პერიოდის შემდეგ, ეს სამუშაო დაიდო და მაღალი შეფასებაც მიიღო. ამ შეხვედრას ესწრებოდა ყველა ცნობილი სპეციალისტი.

ამის შემდეგ, გადაწყდა, რომ აღნიშნული სამუშაოები შეესრულებინა საერთაშორისო ავტორიტეტის მქონე ორგანიზაციებს, რომელთა საბანკო ურთიერთობები უფრო გამჭვირვალე იქნებოდა...  შემდეგ ზურაბ ჟვანია გარდაიცვალა და  ეს საქმეც თავმოუბმელი დარჩა... აი, ასე იყო ეს ისტორია.

წესით, მთავრობის მეთაურთან შეხვედრის ყველა ჩანაწერი უნდა არსებობდეს და მათი მოპოვება ჩემი სიტყვების დასამტკიცებლად, პრობლემა არ იქნება. ვინც ამბობს, რომ ეს ამბავი სიმართლე არ არის, ის მატყუარაა!" _ აცხადებს ანზორ ჭითანავა.

 შეგახსენებთ, რომ სახელმწიფოს მხრიდან ხუდონჰესი  ამ ეტაპზე, ენერგოდამოუკიდებლობისა და ენერგოუსაფრთხოების ერთადერთ საშუალებად განიხილება.  ექსპერტები, რომლებიც ამ პროექტში ჯერ კიდევ წლების წინ იყვნენ ჩართულები, აცხადებენ, რომ ხუდონჰესი არის  ძალიან მნიშვნელოვანი პროექტი ჩვენი ქვეყნის განვითარებისა და  ეკონომიკის გაძლიერებისთვის.




 ახალი ამბები
  • თოვს იმერეთშიც:პატარა დემეს იმერული სტუმარმასპინძლობა თოვლი მოვიდა იმერეთში -  ხონის რაიონის მთიან სოფლებს ნანატრი სტუმარი გუშინ  ეწვია. -წუხელაც   თოვდა.  ამ დილით გადაიღო,  მე და ჩემმა ცოცხალმა ბაბუამ   ეზოში  თოვლის ბაბუა დავდგით.  ყოჩივარდაც ვიპოვე,  თოვლის ბაბუასთვის მიმქონდა, მაგრამ ჩემმა ბაბუმ, ყვავილი  ბებოს წაუღეო, მითხრა _  ასე გვეხმიანება  6  წლის  დემე ჩაგუნავა იმერეთიდან. ... ...
  • ცოტა, მაგრამ პირველი თოვლი - თეთრი ოზურგეთი და მისი შემოგარენიდღეს, არც ისე ბევრი, მაგრამ პირველი თოვლი მოვიდა ოზურგეთში. მის შემოგარენსა და სოფლებში თოვლის საფარი უფრო დიდია. ამ წუთებში წვიმასა და ხოშკაკალს  ერთმანეთში ურევს დედაბუნება. როგორც იტყვიან, თოვლჭყაპია! ეს ერთი და კიდევ მრავალი _ თოვლი გვენატრება ... ...
  • უწყება ბავშვთა ნახატების კონკურსს აცხადებსვეტერანების საქმეთა სახელმწიფო სამსახური აცხადებს ბავშვთა ნახატების კონკურსს, რომელშიც მონაწილეობას მიიღებენ ომისა და თავდაცვის ძალების ვეტერანთა 5-დან 16 წლამდე ასაკის შვილები და შვილიშვილები.   კონკურსი 1 მარტამდე გაგრძელდება. საუკეთესო ნახატებს (როგორც ფერწერულ, ისე გრაფიკულ ნამუშევრებს) გამოავლენს კომპეტენტური ჟიური, რომლის თავმჯდომარეც, ომის ვეტერანი, მხატვარი, გიგა არველაძეა. გამარჯვებული ნამუშევრები განთავსდება ვეტერანების საქმეთა სახელმწიფო სამსახურის ბრენდირებულ სასაჩუქრე კატალოგში. კონკურსში მონაწილეობის მსურველებმა საკუთარი ნამუშევრები უნდა გამოაგზავნონ ელექტრონული ფოსტის მისამართზე:  info@veterans.gov.ge, ან ვეტერანების საქმეთა სახელმწიფო სამსახურის ოფიციალურ facebook გვერდზე: https://www.facebook.com/veteranebi/?ref=bookmarks კონკურსში მონაწილეობის მიღება ავტომატურად გულისხმობს ავტორთა თანხმობას, მათი ნამუშევრების კატალოგში განთავსების თაობაზე, ნახატის ავტორის სახელის, გვარისა და ასაკის მითითებით. კონკურსში გამარჯვებულმა ავტორებმა შემდგომში ნახატების ორიგინალები უნდა წარმოადგინონ ვეტერანების საქმეთა სახელმწიფო სამსახურში მისამართზე: ვახტანგ გორგასლის შესახვევი N 12 ა. საკონკურსო ნაშრომს თან დართული უნდა ჰქონდეს შემდეგი ინფორმაცია: კონკურსანტის დაბადების მოწმობა, ვეტერანი ოჯახის წევრის ვეტერანობის დამადასტურებელი მოწმობა, საკონტაქტო ტელეფონის ნომრები (მობილური და სახლის). ... ...
  • ძლიერმა ქარმა ოზურგეთში საგზაო ნიშნები წააქციაამ  წუთებში ოზურგეთში ძლიერი ქარი და წვიმაა. როგორც ჩვენთვის ხდება ცნობილი ოზურგეთის მაღალმთიან სოფლებში თოვს. ეს ფოტოები ქალაქ ოზურგეთში არის გადაღებული. თეატრის წინ ქარმა საგზაო ნიშნები და ხის ღობე წააქცია, რითაც ოზურგეთის თეატრის შენობა სარეკონსტრუქციო სამუშაოების გამოა ... ...
  • გახარია:ევროკავშირის და ნატოს წევრობა ერთადერთი გარანტიაა ქვეყნის უსაფრთხოებისთვისსაქართველოს პრემიერ -მინისტრი გიორგი გახარია, დავოსში, ეკონომიკის ფორუმის ფარგლებში  გამართულ თემატურ დისკუსიაზე - New Ambitions for Europe, სიტყვით  გამოვიდა. გახარიამ ოკუპაციაზე, საქართველოს მიღწევებსა და რეგიონის წინაშე არსებულ გამოწვევებზე ისაუბრა. გახარიამ აღნიშნა, რომ საქართველოსთვის ევროკავშირისა და ნატოს წევრობა ქვეყნის უსაფრთხოების ერთადერთი გარანტიაა.  „რამდენიმე ასპექტს მინდა გავუსვა ხაზი: უპირველეს ყოვლისა, აქ ვიმყოფები, როგორც იმ ქვეყნის პრემიერ-მინისტრი, რომელიც აღმოსავლეთ პარტნიორობის ლიდერია და ეს ჩვენთვის ძალიან მნიშვნელოვანია. მეორე ფაქტორი ის გახლავთ, რომ საქართველოს ევროპული და ევროატლანტიკური მისწრაფება შემდგარი ფაქტია. ეს არჩევანი ჩვენმა მოქალაქეებმა გააკეთეს. ბოლოდროინდელი სოციოლოგიური გამოკითხვების თანახმად, ქვეყნის მოსახლეობის 70 პროცენტზე მეტი მხარს უჭერს ევროატლანტიკურ ინტეგრაციას. ბოლო 5 წლის განმავლობაში რეალური და ძალიან ხელშესახები შედეგები გაგვაჩნია: ღრმა და ყოვლისმომცველი თავისუფალი სავაჭრო სივრცე, თავისუფალი სავაჭრო შეთანხმება ევროკავშირთან და უვიზო მიმოსვლა. თუმცა, გამოწვევებიც გვაქვს უსაფრთხოებისა და ეკონომიკის სფეროებში. უპირველეს ყოვლისა, როდესაც საუბარია ეკონომიკაზე და როდესაც ვფიქრობთ ამ მიღწევების ყველა მოქალაქემდე დაყვანაზე, რათა ქვეყნის რიგითმა მოქალაქეებმა რეალური სარგებელი მიიღონ, დაკავშირებადობის ნაწილში რეალურ პრობლემას ვაწყდებით. ეს არის ჩვენი პირველი რიგის პრიორიტეტი. საქართველოს კარიბჭედ მივიჩნევთ ევროპისა და ცენტრალური აზიისთვის. როდესაც საუბარი გვაქვს ეკონომიკურ პოლიტიკაზე, დიდი ეკონომიკის მქონე ქვეყანათა ტვირთბრუნვისთვის პლატფორმად მოვიაზრებთ საქართველოს. სრულად ვაცნობიერებთ და გვესმის, რომ საქართველოს ეკონომიკაში ინვესტიციები ჩვენი ქვეყნის უსაფრთხოებას გულისხმობს. როდესაც საუბარია უსაფრთხოებაზე, რა თქმა უნდა, პრობლემებს ვხედავთ შავ ზღვაში. შავი ზღვა უპირველესი პრიორიტეტია არა მხოლოდ საქართველოსთვის, არამედ ჩრდილოატლანტიკური ალიანსისთვისაც. ეს ჩვენთვის ახალი განზომილებაა. ჩვენ საქართველოს როლს დასავლეთის პარტნიორად ვხედავთ. ამ შემთხვევაში, როდესაც საუბარია ევროპასა და საქართველოს შორის სამომავლო ურთიერთობებზე, რა თქმა უნდა გვესმის, რომ ძალიან მნიშვნელოვანი როლის თამაში შეგვიძლია უსაფრთხოების ნაწილში. როდესაც უსაფრთხოებაზე ვსაუბრობთ, თანამშრომლობას ვგულისხმობთ შავი ზღვის უსაფრთხოების ნაწილში. ყირიმის ამბების შემდეგ გვესმის რამდენად მნიშვნელოვანია შავი ზღვის რეგიონში უსაფრთხოების საკითხი. მეორეს მხრივ, როდესაც საუბარი გვაქვს ეკონომიკაზე, მეტი თანამშრომლობა გვჭირდება ევროკავშირთან და ამისთვის მეტი აქცენტი უნდა გავაკეთოთ დაკავშირებადობაზე. როდესაც ქვეყანაში ძლიერი საკანონმდებლო ჩარჩო არსებობს, მაგ. ღრმა და ყოვლისმომცველი თავისუფალი სავაჭრო სივრცე, მაგრამ სახმელეთო საზღვარი არ გვაქვს ევროკავშირთან, ეს რეალურ პრობლემებს ქმნის და ეს ის გამოწვევაა, რომელიც უნდა გადაიჭრას. ეს არის ჩვენი მიზანი მომდევნო წლების განმავლობაში და მას შავ ზღვაზე დაკავშირებადობის გაზრდის საშუალებით მოვახერხებთ. სრულად ვაცნობიერებთ იმ ფაქტს, რომ რეალური პოლიტიკური საკითხების განხილვის ისეთი საშუალება არ გვაქვს, რაც ორგანიზაციის წევრობა ან ურთიერთობის გაღრმავებაა, მაგრამ ჩვენის მხრივ მზად ვართ ჩვენი საშინაო დავალება შევასრულოთ. მიგვაჩნია, რომ ეს არის ჩვენი ქვეყნის შანსი რომ ევროკავშირს დაუახლოვდეს. ჩვენთვის ევროკავშირში და ნატო-ში წევრობა ერთადერთი გარანტიაა ჩვენი ქვეყნის უსაფრთხოებისთვის. ასე ვხედავთ საქართველოში ევროპასთან თანამშრომლობის პერსპექტივას. რა თქმა უნდა, ყველაფერს გავაკეთებთ იმისათვის, რომ საქართველო ყოველთვის იყოს განხილვის თემა როდესაც თქვენ - ჩვენი მეგობრები - ევროპის მომავალზე ისაუბრებთ. გამოწვევებით სავსე რეგიონში ვართ და როდესაც ამ სამეზობლოს შეხედავთ რუკაზე, თავადაც დარწმუნდებით ამაში. აქტუალურია ოკუპაციის საკითხი. ყველას კარგად გახსოვთ, რომ ჩვენი ქვეყნის 20% რუსეთის მიერ არის ოკუპირებული. ეს არის ჩვენი მოქალაქეების წინაშე მდგარი ყოველდღიური გამოწვევა. ყველასთვის ცნობილია, რომ საქართველოს მთავრობამ მხოლოდ მშვიდობიანი გზით კონფლიქტის გადაჭრაზე იკისრა ვალდებულება. ეს პირობა მივეცით ჩვენს მეგობრებს. როდესაც საუბარი გვაქვს არსებულ სიტუაციაში მოქმედებაზე, სტრატეგიული პარტნიორობის გაღრმავება ჩვენს მეგობრებთან - შეერთებულ შტატებთან და ევროკავშირთან - ერთადერთი გზაა იმისათვის, რომ გადავრჩეთ ამ გამოწვევებით სავსე რეგიონში - განაცხადა საქართველოს პრემიერ-მინისტრმა გიორგი გახარიამ. პრემიერ-მინისტრმა ეკონომიკის ფორუმის ფარგლებში  გამართულ  დისკუსიაში მონაწილეობა ფინეთის პრემიერ-მინისტრთან, ევროკომისიის ვიცე-პრეზიდენტებთან და ბიზნესლიდერებთან, მათ შორის “ვოლვო ჯგუფის” დირექტორთა საბჭოს თავმჯდომარესთან ერთად მიიღო.   ... ...

არქივი

ზაფრანი

როგორ შეიცვლება მსოფლიოს მოსახლეობა

მსოფლიოს მოსახლეობა უკანასკნელი 200 წლის...

რომელი ფერი დაგიცავთ ავი თვალისგან

ვერძმა სამოსში აუცილებლად უნდა შეიტანოს...

სამი საუკეთესო დედამთილი

მშვილდოსანი - როგორც წესი ვერასოდეს...

ქალი, მამაკაცი... ასტროლოგია

ვერძი თუ ვერძს უყვარხართ, წუთით...

რამდენჯერ უნდა გათხოვდეს ქალი

პირველი ქორწინება 18-20 წლის ასაკში...

„საშიში ვარსკვლავები“

ამერიკულმა ინტერნეტ უსაფრთხოების კომპანია McAfee-მ...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...