ვის ინტერესში შედის ე.წ. ვირის ხორცის სკანდალი და რა ბედი ელის ზოოპარკის ტენდერში გამარჯვებულს

მთავარი თემა

ვის ინტერესში შედის ე.წ. ვირის ხორცის სკანდალი და რა ბედი ელის ზოოპარკის ტენდერში გამარჯვებულს

2014 იან 19 12:08:14

16 იანვარს "რუსთავი 2"-ის მიერ მომზადებულ სიუჟეტში უცნობი ადამიანები ე.წ. მონადირეები ამტკიცებდნენ, რომ კუმისის ხევში ( ასეთი ბუნებაში არ არსებობს) დაუნდობლად ხოცავენ პირუტყვს და ხორცს საშაურმეებსა და რესტორნებს აბარებენ. ვინც ამ მიდამოებს არ იცნობს, მონადირეების მონაყოლს ალბათ დაიჯერებდა, მაგრამ ვისაც ქვემო ქართლის ამ სოფლებთან შეხება ჰქონია, მიხვდება რომ წელიწადის ამ დროს აქ არც ერთი მონადირე არ დადის, მით უმეტეს ნაგავსაყრელზე, რომელიც მათივე განმარტებით საშინლად ყარს.
ნაგავსაყრელად ქცეულ ხევს ორი სოფელი ესაზღვრება- ერტისი და ვაშლოვანი, რომლის მაცხოვრებლებიც ჯერ კიდევ კომუნისტების დროიდან ვაჭრობენ ხორცით. მავნე ტრადიციისა და უკონტროლობის შედეგია, რომ ვაჭრები ხორცის ნარჩენებს პირდაპირ ხევში ჰყრიან, რაც ზაფხულობით მალევე იხრწნება და იქაურობა საშინად ყარს.
"გურია ნიუსს" ერტისის მაცხოვრებელი თამაზ. ს. დაუკავშირდა, რომელიც ამბობს, რომ ე.წ. ვირების სასაკლაოს აღმოჩენა ორ ოჯახს შორის ბიზნეს სფეროების გადანაწილებას უკავშირდება.
"არანაირი სასაკლაო არ არსებობს და არც არავის მოსვლია აზრად ვირის და ცხენის ხორცის საშაურმეებში ჩაბარება. საქმე იმაშია, რომ ჩვენს სოფელში ცხოვრობს ინდმეწარმე არჩილ დალაქიშვილი, რომელიც წლებია ზოოპარკის მიერ გამოცხადებულ ტენდერებში იმარჯვებს და ვირისა და საქონლის ხორცით ამარაგებს. ცოტა ხნის წინ არჩილს რაღაც გაუგებრობა მოუხდა თავის პარტნიორთან და მარტომ გააგრძელა საქმიანობა. ტენდერებს ჩამოცილებული ოჯახი იბრძვის და ყველა ხერხით ცდილობს ამ კაცის ჩაძირვას. იმ დღეს არჩილს კაცი მიუგზავნეს და სთხოვეს, ხორცის ნარჩენები ხევზე დაყარე, ძაღლებისთვის გვინდაო. აატანინეს, დააყრევინეს და მაშინვე რუსთავი 2 გამოიძახეს. რაც შეეხება მონადირეებს, რომლებიც ვითომ ხშირად დადიან აქეთ სანადიროდ და ხედავენ როგორ იკვლება ხევზე პირუტყვი. აქეთ სანადირო ადგილები საერთოდ არ არის და მით უმეტეს წელიწადის ამ დროს. ეს ყველაფერი წინასწარ იყო დადგმული", _ ამბობს თამაზი.
"გურია ნიუსმა" რესპოდენტის მიერ მოწოდებული ინფორმაცია გადაამოწმა. აღმოჩნდა რომ ინდმეწარმე არჩილ დალაქიშვილს მართლაც აქვს მოგებული ზოოპარკის მიერ გამოცხადებული ტენდერები, რაც თხის, ქათმის, ცხენის და ვირის ხორცის მიწოდებას ითვალისწინებს. უკანასკნელი მსხვილი ტენდერი (247 420 ლარი) დალაქიშვილმა 10 იანვარს მოიგო- შვიდ კონკურენტს შორის მან ყველაზე დაბალი ფასი დააფიქსირა.
ვირი და ცხენი ამ მიდამოებში რამდენიმე წელია იკვლება და თანასოფლელების მსგავსად ზოოპარკის მომმარაგებლებიც ნარჩენებს ხევში ყრიან. შესაძლოა უბრალო დამთხვევაა, რომ სწორედ ხელშეკრულების გაფორმებიდან მეხუთე დღეს აგორდა ე.წ. ვირის ხორცის სკანდალი. სატელევიზიო სიუჟეტის ეთერში გასვლის შემდეგ შესაბამისმა უწყებებმა არალეგალურ ხორცს საშაურმეებსა და რესტორნებში დაუწყეს ძებნა. 
16 იანვარს რადიო თავისუფლებასთან საუბარში "მომხმარებელთა ფედერაციის ხელმძღვანელი" მადონა კოიძე ამბობდა, რომ მის ორგანიზაციას კომუნიკაცია ჰქონდა იმ ადამიანებთან, რომლებმაც ვირები და ცხენები გაყიდეს, რაც დიდი ალბათობით აკრძალული ხორცის საკვები ობიექტებისთვის მიწოდებას ადასტურებს.
"დალაქიშვილებს მრავალათასიანი ტენდერი ჰქონდათ მოგებული და ვირებს და ცხენებს სხვადასხვა სოფლებში ყიდულობდნენ. რა არის ამაში საგანგაშო? რა საშაურმეები, რა რესტორნები? ზოოპარკის ცხოველებისთვის იყო ეს ხორცი გათვალისწინებული", _ ამბობს თამაზი.
"გურია ნიუსის" ინფორმაციით არჩილ დალაქიშვილის ოჯახს ამ დღეებში ახალი პრობლემა შეექმნა- მათ მიერ შეძენილი პირუტყვი მოპარული აღმოჩნდა და მეორე დღეა ინდმეწარმეს პოლიციაში დაკითხვებზე დაატარებენ.
"ესეც მოწყობილი ამბავია. ამდენი წელია ეს ოჯახი ხორცით ვაჭრობს და აქამდე მოპარული არაფერი უყიდია. რაღა ამ სიუჟეტის გასვლას დაემთხვა ეს ამბავი? აშკარაა, რომ უნდათ ეს კაცი ტენდერებს ჩამოაშორონ, ვიღაცის ინტერესი ჩანს ამაში", _ გვეუბნება თამაზი, რომელიც გვთხოვს მისი გვარი არ დავასახელოთ.
სოფელ ვაშლოვანში მცხოვრები გიორგი ა. "გურია ნიუსთან" ამბობს, რომ არჩილ დალაქიშვილისგან პოლიცია დანაშაულის აღიარებას ითხოვს;
"ვიღაც აზერბაიჯანელი ეროვნების მოწმე ჰყავთ, რომელიც ამბობს, ხუთჯერ ჩავედი და გავაფრთხილე, რომ მოპარული საქონელს ვყიდდიო და მაინც იყიდაო. რომელი ქურდი ეტყვის მყიდველს მოპარული საქონელი მყავსო ან რომელი სერიოზული ბიზნესმენი დათანხმდება ამას? ვირის ხორცის რესტორნებში ჩაბარებას ვერ უმტკიცებენ და ეხლა მოპარული საქონლით ვაჭრობაზე უნდათ დაჭერა, სამართალია ეს?"
ამ ფაქტთან დაკავშირებით "გურია ნიუსი" შინაგან საქმეთა სამინისტროსთან დაკავშირებას ცდილობს.




 ახალი ამბები
  • პოლიციამ მოქალაქე დროებით დააკავაპოლიციამ ერთერთი მოქალაქე დააკავა, თუმცა, იგი შემდგომ გაუშვეს. აღნიშნული მოქალაქე ასვლას ცდილობდა სცენაზე სადაც ოპოზიონერი ლიდერები სიტყვით ... ...
  • "ვართ მის გვერდში და ვიქნებით მის გვერდში უღალატო ხალხი" _ აქციის მონაწილეები ჩოხატაურიდანდღეს თბილისში პატრიოტთა ალიანსმა საპროტესტო აქცია გამართა, რომელსაც სხვადასხვა კუთხიდან ჩამოსული მოქალაქეები, მათ შორის გურიის წარმომადგენლებიც დაესწრნენ. როგორც ჩოხატაურის ერთ- ერთმა მაცხოვრებელმა, ვანო მახარაძემ უთხრა, გურულები პატრიოტთა ალიანსის გვერდზე არიან. "ვართ მის გვერდში და ვიქნებით მის გვერდში უღალატო ხალხი", _  გვითხრა მახარაძემ. კითხვაზე კი მოხდება თუ არა გურიაში პატრიოტთა მობილიზება, მახარაძე გვპასუხობს,  რომ გურიაში მობილიზება უკვე ... ...
  • “ქართული ოცნების“ უმრავლესობა ვერ შეძლებს მუშაობას, სანამ არ გადადგება მთავრობა _ უგულავა“ქართული ოცნების“ უმრავლესობა ვერ შეძლებს მუშაობას და ჩვენ ყველაფერს გავაკეთებთ იმისთვის, რომ მანამდე ვერ შეძლონ მუშაობა, სანამ არ გადადგება მთავრობა და პარლამენტი განიხილავს ერთადერთ საკითხს, და ეს საკითხი იქნება უმოკლეს ვადაში პროპორციულზე გადასვლა. ჩვენ ივანიშვილის აღარ გვჯერა, ისევე, როგორც საქართველოს აბსოლუტურ უმრავლესობას. არსებობს ძალიან მოკლე გზა, იმისთვის, რომ ეს განიხილონ, ორ კვირაში არის შესაძლებელი. სხვა შემთხვევაში, ასეთი პროტესტი გავრცელდება კანცელარიაზეც, მერიაზეც, სხვა ქალაქებში და რაიონებში. საქართველოს მთელს ტერიტორიაზე, ქართული ოცნების პოლიტიკოსები, ვერ შეძლებენ ასე მართვას“, - აცხადებს გიგი ... ...
  • გიორგი ვაშაძე : ჩვენ მოვახდინეთ შესავლელის პიკეტირება, ეს არ არის კანონდარღვევა!ჩვენმა აქციამ შედეგი გამოიღო, ჩვენ მოვახდინეთ შესავლელის პიკეტირება, ეს არ არის კანონდარღვევა, ამის უფლება ჩვენ კონსტიტუციით ... ...
  • დავით თარხან-მოურავმა ფეხის ტრავმა მიიღოდავით თარხან-მოურავმა ფეხის ტრავმა მიიღო, _ ამის შესახებ ინფორმაციას “პატრიოტთა ალიანსის“ ერთ-ერთი ლიდერი ირმა ინაშვილი ავრცელებს.   “მან ფეხის ტრავმა მიიღო, რის გამოც გადახვევა დასჭირდა.“- თქვა ირმა ინაშვილმა. დავით თარხან-მოურავი ახლა თავს კარგად გრძნობს და მან აქციის მონაწილეებს სიტყვით ... ...

არქივი

ზაფრანი

როგორ გამოვავლინოთ ნიჭიერი ბავშვი

არ დაგეგმოთ შვილებს მომავალი შეეცადეთ...

აუცილებელი წასაკითხი მამებისთვის

ახალშობილს უნდა ეძინოს დედის საწოლში...

ბეკონი ჯანმრთელობისთვის სახიფათო ყოფილა

შვედი მეცნიერების მტკიცებით, ბეკონის საკვებად...

როგორ დავალევინოთ წამალი პატარას

წამლის დალევა პატარებს არ უყვართ,...

მერილინ მონროს სილამაზის საიდუმლო

 რა იყო ის საიდუმლო, რომლის...

რატომ უნდა ვხატოთ

ცოტა ხნის წინ, ამერიკელმა ფსიქოლოგებმა...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

დარწმუნებული ხართ თუ არა, რომ სასმელად ვარგის წყალს მოიხმართ?