17 წლის გოგოს სულისშემძვრელი წერილი და ოჯახი, რომელსაც შიმშილით სიკვდილი ემუქრება

მთავარი თემა

17 წლის გოგოს სულისშემძვრელი წერილი და ოჯახი, რომელსაც შიმშილით სიკვდილი ემუქრება

2018 აგვ 25 16:00:01

ძალიან მრცხვენია, მაგრამ სხვა გზა აღარ დამრჩა _ მხოლოდ თქვენი დახმარების იმედი დამრჩა.

ვცხოვრობ ჩოხატაურის მუნიციპალიტეტის სოფელ გორაბერჟოულში. ჩემი მშობლები უნარშეზღუდულები არიან, მეორე ჯგუფის მატარებლები. მყავს მცირეწლოვანი ძმა, რომელსაც მე ვუვლი.

ჩვენი საარსებო წყარო მშობლების პენსია და სოციალური დახმარება იყო. ცოტა ხნის წინ, პენსია წინასწარ გამოვიტანე დედაჩემის წამლის საყიდლად, ხოლო დახმარების ასაღებად რომ გავედი, მითხრეს, რომ, თურმე, შემიჩერეს. ვერ გავიგე, რა ნახეს ჩემ ეზოში ისეთი, რომ ასე ჩათვალეს საჭიროდ და მშიერი დაგვტოვეს. ჩემს სახლს ეზოც კი არ აქვს _ უფულობის გამო ვერ შევღობეთ. სარეცხს რომ გავფენ, ვდარაჯობ, სხვისმა საქონელმა არ დაღეჭოს.

არ ვიცი, როგორ მოვიქცე, რა გავაკეთო! სკოლაშიც კი ვერ გავუშვებ ჩემ ძმას, რადგან არც ტანსაცმელი აქვს და არც საჭმელი. მშიერი როგორ წავა?!“ _ ეს გზავნილი 17 წლის თამარ ჩხაიძეს ეკუთვნის, რომელიც მან „გურია ნიუსს“ გამოუგზავნა.

ადგილზე მისულებს მართლა გაუსაძლისი პირობები დაგვხვდა _ ერთოთახიანი ფიცრული, რომელსაც პირობითად სახლი ჰქვია, საცაა წაიქცევა. ღია კედლებში ნაჭრებია გაკეთებული ქარისგან დასაცავად. იატაკი ჩავარდნილია.

ე. წ. ოთახში ერთი სამი საწოლი დგას, რომელსაც 4 ადამიანი ინაწილებს.

ერთი მაგიდა, ორიოდე სკამი, ძველი კარადა და მეზობლის ნაჩუქარი ტელევიზორი და ოთხი ქათამი _ სულ ესაა ჩხაიძეების ქონება.

თამარს ჩვენთან საუბარი ცრემლების გარეშე გაუჭირდა. სამი ადამიანის მოვლით დაღლილ პატარა გოგონას მეცხრე კლასის შემდეგ სწავლა არ გაუგრძელებია. როგორც ამბობს, ამის მიზეზი გაჭირვება იყო:

_ ჩვენი სოფლის სკოლაში მხოლოდ 9 კლასი იყო. ეს 9 კლასი რომ დავამთავრე, სწავლა არ გამიგრძელებია _ ჩემს მშობლებს ამის საშუალება არ ჰქონდათ. არც ტანსაცმელი მქონდა, სკოლაში რომ მევლო. არ მინდოდა თანაკლასელების დასაცინი გავმხდარიყავი და ამიტომ შევწყვიტე სწავლა. ახლა სახლში ვარ _ ავადმყოფ დედ-მამას და პატარა ძმას ვუვლი, რომელიც ძირითადად მშიერი მყავს, _ ამბობს თამარი.

მისთვის გაუგებარია, რატომ შეუწყვიტეს დახმარება და რატომ დატოვეს მშივრები:

_ სოციალური მომსახურების სააგენტოში მითხრეს, რომ სამ თვეში აღმიდგენენ. მანამდე რა გავაკეთო, რა ვაჭამო ჩემს პატარა ძმას, როგორ გავუშვა სკოლაში?! დედას პენსია წინასწარ, წამლისთვის გამოვიტანეთ. მამაჩემის ასლარიანი პენსიის ამარა ვარ, რომელიც პურის ფულადაც კი არ გვყოფნის, _ ემოციებისგან საუბარი უჭირს პატარა გოგოს, რომელსაც ხელისუფლების დახმარების იმედიც კი არ აქვს.

_ სოფლის გამგებელმა მირჩია ჩოხატაურის მერისთვის მიმართა. არ მივსულვარ, რადგან ვიცი, რასაც მეტყვიან. ცოტა ხნის წინ დედა მივიდა და ელემენტარული დამხარება არ გაუწია ირაკლი კუჭავამ. დახმარებაც გაქვს, პენსიაც და მე ვეღარ დაგეხმარებიო. სახურავი მოგვცეს მხოლოდ, თუმცა, ვერ გავარკვიე, რისთვის. რას დავახურო ეს სახურავი, სახლი არ მაქვს, თავზე მეშლება, _ ყვება თამარი.

თამართან საუბარში მისი პატარა ძმა, გიორგიც ჩაგვერთო, რომლის ოცნება ისაა, რომ მისი დის თვალებზე ცრემლი არ ნახოს:

_ სულ ტირის და არ მინდა, იტიროს. ყველაზე დიდი სურვილი და ოცნება ესაა, _ ამბობს პატარა ბიჭუნა და დის უჩუმრად სხვა სურვილებსაც გვიმხელს.

გიორგის ძალიან ენატრება ტკბილეული და ძალიან უნდა ველოსიპედი ჰყავდეს. უნდა, რომ სკოლაში სხვა თანატოლებივით კარგად ჩაცმული და კარგი სასკოლო ინვენტარით წავიდეს.

ჩხაიძეებში ყოფნისას მეზობლებიც მოვიდნენ, რომელთა თქმით, როგორც სოფლის, ასევე, მუნიციპალიტეტის ხელმძღვანელობას ამ ოჯახის დახმარების თხოვნით არაერთხელ მიმართეს:

_ არამცთუ სოფელში, მუნიციპალიტეტშიც კი არ იქნება ასეთი გაჭირვებული ოჯახი _ პატარა გოგოს იმედადაა სამი სული. მეზობლები ვეხმარებით შეძლებისდაგვარად და იმით გააქვთ თავი. წელს, შეშაც კი არ მოუტანეს. ამ პატარა გოგოს სხვა გზა არ ჰქონდა და ღობის სარები დაწვა. მთელი ზამთარი, ძირითადად საწოლში იყვნენ, საწვავი რომ არ ჰქონდათ.

როცა გაზი გამოყავდათ, მეზობლებმა მუნიციპალიტეტის მერს სთხოვეს, რომ ამ ოჯახისთვის უფასოდ შეეყვანათ. დაგვპირდნენ, მაგრამ არ გააკეთეს. თქვენც ხედავთ, რა მდგომარეობაა. როგორ შეიძლება ასე მიატოვოს ხელისუფლებამ ადამიანები?! რა ქნას 17 წლის გოგომ, რომელსაც უკიდურესი სიღარიბის გამო ბავშვობაც კი არ ჰქონია, _გვითხრეს მეზობლებმა, რომელთა განმარტებით, ქვეყანაში, სადაც გაჭირვებულ ოჯახს დახმარებას მეზობლების მიერ ნაჩუქარი 4 ქათმის გამო მოუხსნიან, ცხოვრება შეუძლებელია:

_ ეს ქვეყანაა არაა. ჩინოვნიკებს ათასობით ლარის პრემია-დანამატი აქვთ და ამ დროს, მათ გვერდით ადამიანები შიმშილით იხოცებიან, _ აღნიშნეს გორაბერეჟოულში.

ჩოხატაურის მუნიციპალიტეტის მერის, ირაკლი კუჭავას თქმით, ჩხაიძეების ოჯახს პროგრამით გათვალისწინებული დამხარება გაუწიეს:

_ ჩვენ ამ ოჯახს მივეცით სახურავი და ხე-მასალა. რაც შეეხება სხვა ტიპის დახმარებას, მათ ჩვენთვის არ მოუმართავს. სამწუხაროდ, ჩვენ არ შეგვიძლია სახლის აშენება, მაგრამ თუკი აქვთ საშუალება, რომ გამოიყენონ მიზნობრივად, შეგვიძლია გადავცეთ სამშენებლო მასალა, _ გვითხრა ირაკლი კუჭავამ.

ჩოხატაურის მერის ინფორმაციით, ჩხაიძეების ოჯახს დახმარება დროებით, გადამოწმების გამო შეუჩერდა:

_ რამდენადაც მაქვს ინფორმაცია, ოჯახს დახმარება დროებით შეუჩერდა, რადგან გადამოწმება მოხდა. მათ ისევ დაენიშნებათ დახმარება და განაცდურიც აუნაზღაურდებათ, _ აღნიშნა ირაკლი კუჭავამ.

სოციალური მომსახურების სააგენტოს პრესსამსახურის ინფორმაციით, ჩხაიძეებს ნაცდური თვეები ფულადი დახმარების მინიჭებისთვის საჭირო ქულების შემთხვევაში აუნაზღაურდებათ:

„ოჯახის შეფასებიდან გასულია 3 წელი. შესაბამისად, მიმდინარეობს განმეორებითი გეგმიური შეფასება. ქულა დაითვლება კანონმდებლობით დადგენილ ვადებში.

ფულადი დახმარების ქულის მინიჭების შემთხვევაში, ოჯახს სრულად აუნაზღაურდება ნაცდური თვეები“, _ აღნიშნა ჩვენთან საუბრისას სოციალური მომსახურების სააგენტოს პრესსამსახურის წარმომადგენელმა მაგდა კოტრიკაძემ.

_ ქალბატონო მაგდა, ამ ოჯახისთვის ქულების მინიჭება სათუოა?

_ ამის გაცხადების უფლებამოსილება არ გვაქვს, პერსონალური ინფორმაციაა, მაგრამ ძველი ქულიდან გამომდინარე, არ უნდა შეიქმნეს პრობლემა.

_ ადამიანები რომ შიმშილით, კვდებიან ეგ არაფერია?

_ მესმის, მაგრამ გეგმიური გადამოწმება პროგრამის შემადგენელი კომპონენტია...

_ გეგმიური გადამოწმების გამო ადამიანები მშივრები უნდა დარჩნენ?

_ კანონმდებლობის შესაბამისად, 3 წელიწადში ერთხელ ხდება შეჩერება გადამოწმების მიზნით, _ გვითხრა კოტრიკაძემ.

P. S. “გურია ნიუსი”, ყოველთვის თავს არიდებს არასრულწლოვანი ბავშვების იდენტიფიცირებას და მათი ფოტოების გამოქვეყნებას, მაგრამ ეს გამონაკლისი შემთხვევაა და შესაბამისად, სრულად გთავაზობთ იმ რეალობას, რაც ჩვენს ახლოსაა _ ადამიანებს შიმშილით სიკვდილი ემუქრებათ!

თუ გაქვთ ამ ოჯახის დახმარების სურვილი, დაგვირეკეთ ტელეფონის ნომერზე: 551373636




 ახალი ამბები
  • სეზონის გახსნა შეკვეთილში და უამრავი გახარებული ბავშვი 15 ივნისს შეკვეთილში ზაფხულის ტურისტული სეზონი ოფიციალურად გაიხსნა. ტრადიციად  ქცეული შეხვედრა სოციალურად დაუცველ ბავშვებთან, ასევე, ბავშვთა სახლების აღსაზრდელებთან არც ამჯერად დარღვეულა. აქ  უამრავ ბავშვს უმასპინძლეს.  ოზურგეთის მუნიციპალიტეტის მერიის ხელმძღვანელობით , ამავე მუნიციპალიტეტის სოფლებიდან, ასევე ქალაქიდან,  350 სოციალურად  დაუცველი ბავშვი ესტუმრა ატრაქციონების ქალაქს. აქ მოსვლამდე ბავშვებს დაურიგეს უალკოჰოლო სასმელები და ტკბილეული,   პარკში სეზონის გახსნის შემდეგ კი მათ ყველა გასართობი საშუალებით უფასოდ ისარგებლეს. _ როგორც შევძელით, მოვეფერეთ სოციალურად დაუცველ ბავშვებს. რაც მთავარია, ბედნიერებაა, რომ გურიაში ასეთი ზღაპრული ადგილი არსებობს, რომელიც სტუმარს და მასპინძელს, დიდს თუ პატარას ერთნაირად იზიდავს. ბავშვების დღევანდელი სიხარული კი ორმაგი სიხარული და ბედნიერებაა ჩვენთვის, _ გვითხრა ოზურგეთის მუნიციპალიტეტის მერის მოადგილემ ირაკლი სირაძემ. ატრაქციონების პარკში ბავშვებს  შეხვედრა მოუწყვეს  ზღაპრების კეთილმა პერსონაჟებმა. პარკის გვერდით მდებარე პარკში "საქართველო მინიატურებში", სადაც  მინიატურების სახით წარმოდგენილია საქართველოს კულტურული მემკვიდრეობის ძეგლები და არქიტექტურული ღირსშესანიშნაობები,   გაიმართა ადგილობრივი ფოლკლორული და ქორეოგრაფიული ანსამბლების კონცერტი. გახსნის ღონისძიების მხატვრული ნაწილი მიჰყავდა ოზურგეთის მუნიციპალიტეტის მერიის კულტურის სამსახურის ხელმძღვანელს მარინა ჯაფარიძეს და ამავე სამსახურის განყოფილების ხელმძღვანელს, მაიზერ ცელაძეს. მათ ბავშვებს, ასევე, აქაურ და უცხოელ სტუმრებს პარკში,  ვირტუალური ხელოვნების მოშველიებით,  სრულიად საქართველო მოატარეს.  ჯუმბერ დუნდუას სახელობის სახელმწიფო ქორეოგრაფიულმა  ანსამბლმა კობა დუნდუას ხელმძღვანელობით, ჩვეული მაღალი კლასით წარმოადგინა  საქართველოს ყველა კუთხის  ფოლკლორულ ცეკვათა ერთობლიობა. _ დღეს ერთი ლამაზი დღე ვაჩუქეთ სოციალურად დაუცველ ბავშვებს .  ,,ციცინათელა” და მინიატურების პარკი  არის ის ადგილი,  რომელიც ბევრ ტურისტს სასიამოვნოდ გააოცებს. ტურიზმის განვითარება კი  ჩვენი ერთ-ერთი პრიორიტეტია”, –  თქვა სეზონის გახსნაზე  გურიაში სახელმწიფო რწმუნებულმა, ზურაბ ნასარაიამ.             ... ...
  • ვინ ინიშნება სეს-ის გურიის რეგიონული სამსახურის უფროსადსურსათის ეროვნული სააგენტოს გურიის რეგიონული სამმართველოს უფროსად შალვა პეტრიაშვილი ინიშნება. წყაროს ცნობით, სეს-ის ეროვნული სააგენტოს უფროსი,  ზურაბ ჩეკურიშვილი მას, სავარაუდოდ, ხვალ წარადგენს გურიაში. პეტრიაშვილი ჯერ მცხეთაში მუშაობდა ანალოგიურ სამსახურში, შემდეგ კი _ თბილისში. წყაროს ცნობით, პეტრიაშვილი "ნაციონალური მოძრაობის" აქტიური მხარდამჭერი იყო. სურსათის ეროვნული სააგენტოს გურიის რეგიონული სამმართველოს უფროსმა ნინო შეწირულმა გათავისუფლების შესახებ განცხადება გუშინ დაწერა, თუმცა წყაროს თქმით, მის გათავისუფლებაზე ხელი მოწერილი არ ... ...
  • "დაიცავი დავით გარეჯი" _ "პატრიოტთა ალიანსის" აქცია თავისუფლების მოედანზეამ წუთებში, თბილისში, თავისუფლების მოედანზე იწყება "პატრიოტთა ალიანსის" აქცია. როგორც აქ შეკრებილები ამბობენ, აქციის მიზანია დავით გარეჯის დაცვა. აქციას დასავლეთ საქართველოდან, კერძოდ, აჭარასა და გურიიდან ჩამოსული ადამიანები ქაშვეთის ეკლესიიდან მსვლელობით ... ...
  • „თუ გინდათ საზოგადოება უკეთესობისკენ შეცვალოთ, ილიაუნი საუკეთესო ადგილია“დღეს, ოზურგეთის მეორე საჯარო სკოლაში ილიას სახელმწიფო უნივერსიტეტის წარმომადგენლები ოზურგეთელ  აბიტურიენტებს შეხვდნენ.  პრეზენტაციაზე ისაუბრეს ზოგადად პროფესიის არჩევის შესახებ, თუ რა პროგრამებს და სწავლის გარე აქტივობებს ფლობს ილიას სახელმწიფო უნივერსიტეტი.  საზოგადოებასთან ურთიერთობის სამსახურის უფროსმა ანა კვანჭილაშვილმა ახალგაზრდებს ვრცლად ესაუბრა ილიაუნის გაცვლითი  პროგრამების შესახებ,  თუ რამდენ ქვეყანაში აქვთ ის.  ასევე,  თქვა, რომ საერთაშორისო თანამშრომლობის  მიხედვით, მობილობების  მაჩვენებლი ყოველ წელს  უკეთესობისკენ  იცვლება. ისაუბრა, ასევე, უცხოეთის რომელ ქვეყნებში  აქვთ  საბაკალავრო პროგრამები და რაც მთავარია, სახელმწიფოს მიერ სრულად დაფინანსებული პროგრამების შესახებ, სადაც, აბიტურიენტი მინიმალური კომპეტენციის ზღვარს თუ გადალახავს,  სრულად ექნება სახელმწიფო დაფინანსება. _ ჩვენ გთავაზობთ საუკეთესო პროგრამებს. უნივერსიტეტი მრავალი კუთხით არის პირველ ადგილზე სხვა უმაღლეს სასწავლებლებს შორის. ამიტომ თუ გსურთ საზოგადოება  შეცვალოთ  უკეთესობისკენ,  ილიაუნი   საუკეთესო ადგილია, _ თქვა მან. ილიას სახელმწიფო უნივერსიტეტის ვიცე-რექტორმა, წარმოშობით ოზურგეთელმა ნინო დობორჯგინიძემ „გურია  ნიუსთან“ საუბრისას თქვა, რომ მათი მიზანი აბიტურიენტთათვის სრული ინფორმაციის მიწოდებაა ილიაუნის ოთხი ფაკულტეტის, პროგრამების და ყოველივე იმის შესახებ, რაც უნივერისტეტს გააჩნია, რაც აბიტურიენტებს აინტერესებთ. _მთელ საქართველოში დავდივართ. ახლა დასავლეთში ვართ, ხვალ ფოთით ვასრულებთ აბიტურიენტებთან  შეხვედრებს, _ გვითხრა ... ...
  • შშმ პირთა დაცვის დღისადმი მიძღვნილი ზეიმი: „ჩვენ გვსურს ყველა ღონისძიებაში ჩავერთოთ“14 ივნისს, ოზურგეთის ფოლკლორის ცენტრში შშმ პირთა უფლებების დაცვის დღისადმი მიძღვნილი კვირეულის დასრულების  აღსანიშნავი ღონისძიება შედგა. საზეიმო შეხვედრას, რომელიც  პროექტის მონაწილემ, ფოტოგრაფმა გოგა ჩანადირმა გახსნა, გურიის გუბერნატორი ზურაბ ნასარაია, ოზურგეთის  მუნიციპალიტეტის მერი კოტე შარაშენიძე, სხვა ხელმძღვანელი პირები, საზოგადოების წარმომადგენლები და შშმ პირთა ოჯახების წევრები ესწრებოდნენ. _ პროექტმა, „ჩვენ შეგვიძლია“,  რომელიც განათლების სამინისტროს მიერ გახორციელდა, ამ ადამიანებს კიდევ უფრო მეტად აგრძნობინა თავი საზოგადოების წევრებად. ცალკე დგომით  ვერავინ ვერაფერს შეძლებს, ძალა  ერთობაშია.  წავიდა  ის დრო, როცა არსებობდა რაღაც სტიგმა, რომ შშმ პირები უნდა ყოფილიყვნენ სახლებში.  ადაპტირებული, მორგებული გარემო  უნდა იყოს ირგვლივ ყველა ადამიანისთვის, განსაკუთრებით  კი მათთვის,  _ თქვა გოგა ჩანადირმა და მადლობა გადაუხადა ხელმძღვანელ პირებს იმის გამოც, რომ სწორედ მათი ძალისხმევით, გურია ხდება  რესპუბლიკაში პირველი, ვინც ასე აზარტულად შეუდგა ამ საქმის კეთებას. „სლოგანი _ „ჩვენ შეგვიძლია“ მასშტაბურად მოედო მთელ გურიას, მთელ საქართველოზე ასე გავრცელდება“, _ თქვა მან. კვირეულის განმავლობაში ჩატარებულ შეჯიბრში გამარჯვებულები გურიის გუბერნატორმა ზურაბ ნასარაიამ  დააჯილდოვა. პირველი ადგილი ნარდში ასაკით ყველაზე უფროსმა შშმ პირმა, ჩოხატაურელმა იამზე კეკელიძემ დაისაკუთრა.  ყველა  გამარჯვებულს გადაეცა ჯილდო.  სცენაზე ავიდნენ სამივე მუნიციპალიტეტის შშმ პირები. შეასრულეს სხვადასხვა მხატვრული ნომრები. იგრძნობოდა მათი საოცარი, ემოციური ერთიანობა. _ ჩვენ დღეს უსაზღვროდ ბედნიერები  ვართ.  გვინდა, მომავალში, გამოყოფილი არ ვიყოთ მხოლოდ შშმ პირთა ღონისძიების სახელწოდებით და ჩართული ვიყოთ ნებისმიერ ღონისძიებაში, _ ემოციურად ისაუბრა შშმ პირმა თამუნა ლურსმანაშვილმა. მის გამოსვლას დარბაზში ოვაციით  შეხვდნენ. ღონისძიების დასასრულ, უჩვენეს პროექტის ფარგლებში გადაღებული ვიდეოფილმი.  ყველამ ერთად კი  შეასრულა საფინალო სიმღერად მოაზრებული: „ჩემი საქართველო აქ ... ...

არქივი

ზაფრანი

რომელი ნაყინი არ ასუქებს

იყო დიეტაზე არ ნიშნავს იმას,...

რატომ ვტირით ხახვის დაჭრის დროს

ყველა დიასახლისისათვის ყოველდღიურად ხახვის დაჭრის...

აღმოჩენილია თამბაქოს სიყვარულის გენი

ცოტა ხნის წინ იაპონელმა ექიმებმა...

საინტერესო ცნობები ალკოჰოლის შესახებ

მეთილის სპირტის სასიკვდილო დოზა ადამიანისათვის...

რა ზიანი მოაქვს ვადაგასულ კოსმეტიკას

მეცნიერების გამოკითხვით აღმოჩნდა, რომ ქალბატონები,...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...