რას გვპირდებიან მერობის კანდიდატები

მთავარი თემა

რას გვპირდებიან მერობის კანდიდატები

2014 ივლ 7 18:17:44

ნებისმიერი პოლიტიკური ჯგუფი (განურჩევლად იმისა, არის ის ხელისუფლებაში თუ ოპოზიციაში) ვალდებულია, პასუხისმგებლობით მოეკიდოს მოქალაქეებისათვის დაპირების მიცემას. პასუხისმგებლობა, მათ შორის, გულისხმობს დანაპირების შესაძლო ფინანსური და ეკონომიკური შედეგების არა პოსტ-ფაქტუმ, არამედ წინასწარ შესწავლას.

"გურია ნიუსმა" გადაწყვიტა ოზურგეთის მერობის კანდიდატების წინასაარჩევნო პროგრამების შეფასება ექსპერტებისთვის ეთხოვა. ამისთვის დავუკავშირდით "ახალგაზრდა ფინანსისტთა და ბიზნესმენთა ასოციაციას" (აფბას) და ექსპერტს ეკონომიკის საკითხებში ლევან კალანდაძეს.

არცერთი მათგანისთვის არ გვითქვამს რომელი კანდიდატის საარჩევნო პროგრამაზე იყო საუბარი. კანდიდატი N1 და კანდიდატი N2 _ ამ ინიციალებით მივაწოდეთ ექსპერტებს ოზურგეთის მერობის კანდიდატების დაპირებები.

ბეგი სიორიძის წინასაარჩევნო დაპირებები

პოლიტიკური განცხადებების გაკეთებისას, კანდიდატი N1 -ის ანუ ბეგი სიორიძის სამომავლო გეგმების ჩამონათვალი ასეთია:

1. ექსპერტებთან ერთად შევიმუშავებთ ქალაქის განვითარების რეალურ გეგმას; რომელიც მოსახლეობის მოთხოვნებზე იქნება მორგებული და ჩვენს სამოქმედო დოკუმენტად იქცევა;

2. კვალიფიციურ სპეციალისტებთან ერთად დავგეგმავთ და მოვაწესრიგებთ ქალაქის წყალმომარაგების სისტემას;

3. მოვაწესრიგებთ ქალაქის ინფრასტრუქტურას;

4. აღვადგენთ ქალაქის საავადმყოფოებსა და შიდა გზებს;

5. მივხედავთ ქალაქის დასუფთავების საკითხებს;

6. რეაბილიტაციას ჩავუტარებთ ქალაქის ადმინისტრაციულ, საგანმანათლებლო და კულტურულ დაწესებულებებს;

7. მაქსიმალურად შევუწყობთ ხელს ქალაქში კულტურული და და სპორტული ცხოვრების განვითარებას;

8. შევქმნით საუკეთესო გარემოს მეწარმეობის განვითარებისთვის, ბიზნესის ხელშეწყობის მიზნით დავაყენებთ ოზურგეთში შემოსავლების სამსახურის გახსნის საკითხს.

აფბა ("ახალგაზრდა ფინანსისტთა და ბიზნესმენთა ასოციაცია"): "კანდიდატი N1 (საუბარია ბეგი სიორიძეზე. ავტ.) უმეტესწილად რაიონის ინფრასტრუქტურის გაუმჯობესებაზე აკეთებს აქცენტს. აღნიშვნის ღირსია ექსპერტებთან ერთად ქალაქის განვითარების გეგმის შემუშავება, რომელსაც გამარჯვების შემთხვევაში აპირებს. დღეისათვის, არა მხოლოდ ოზურგეთს, არამედ არც სხვა ქალაქებს, მათ შორის თბილისს განვითარების გენერალური გეგმა არ გააჩნიათ და ყოველგვარი დაგეგმვისა და სტრატეგიის გარეშე ხდება ინფრასტრუქტურული პროექტების გახორციელება. ქალაქის განვითარების გეგმის შემუშავებისას აუცილებელია, როგორც ექსპერტების ისე ადგილობრივი მოსახლეობის ჩართვა. რადგან მსგავსი ტიპის დოკუმენტი უნდა გახდეს მომავალში რაიონის განვითარების სწორის სტრატეგიის განმსაზღვრელი. განსაკუთრებით მნიშვნელოვანია ის ფაქტორი, რომ კანდიდატი არ იღებს გადაწყვეტილებებს მარტო და ხშირად ახსენებს ექსპერტებსა და დარგის სპეციალისტებს".

ლევან კალანდაძე, ექსპერტი ეკონომიკის საკითხებში: "ამ მესიჯებში ჩემთვის ყველაზე საინტერესო არის ის, რომ კანდიდატი ცდილობს საკუთარი ქალაქისადმი დაპირებებში მარტო არ იყოს და საზოგადოებრივი ჩართულობის მაღალი სტანდარტი დაამკვიდროს. საკუთარი საქმიანობის პრიორიტეტების განსაზღვრას ის იწყებს ექსპერტების და სამოქალაქო საზოგადოების უშუალო მონაწილეობით და საჯარო დისკუსიებით.

გარკვეულწილად, ადგილობრივი თვითმმართველობის საქმიანობა დაფუძნებული იქნება გამჭვირვალობის მაღალ სტანდარტებზე და როცა ასეთი მიდგომაა კანდიდატის მხრიდან, ეს ნიშნავს იმას, რომ ის შედეგზეა ორიენტირებული. ხალხის რეალური საჭიროებების კვლევა და ამაში ექსპერტების ჩართულობა წარმატების საფუძველია. აღნიშნულ კანდიდატს ძალიან რაციონალური ხედვა აქვს. ის არ იძლევა ზედმეტად ოპტიმისტურ დაპირებებს და არ პირდება ამომრჩეველს "ოქროს მთებს" და "ოქროს მდინარეებს". ის ორიენტირებულია კონკრეტულ საჭიროებებზე და სწორედ ეს უნდა იყოს ადგილობრივი თვითმმართველობის საზრუნავი და არა ზოგადი პოლიტიკური განცხადებები. რამდენად თანმიმდევრულად შეასრულებს ის დაპირებებს, ამას უკვე მომავალი გვიჩვენებს..."

შოთა გოგიბერიძის წინასაარჩევნო დაპირებები

კანდიდატი N2 -ის ანუ შოთა გოგიბერიძის სამომავლო გეგმების ჩამონათვალი ასეთია:

1. ქალაქის მრავალბინიანი კორპუსების, უბნების და ქუჩების, წყალმომარაგების და სხვა ინფრასტრუქტურული პრობლემების მოგვარებაზე ზრუნვა;

2. უფასო ტანსაცმელი უპოვართათვის;

3. უფასო ავტობუსი ქალაქის მოსახლეობისთვის;

4 მცირე და მიკრო ბიზნესის დაწყებას შეძლებს ათეულობით ოჯახი ყოველწლიურად მიიღებს დაფინანსებას 10 000-დან 50 000 ლარის ოდენობით ყოველგვარი გირაოს, პროცენტის და ქონებრივი პასუხისმგებლობის გარეშე;

5. კომპიუტერული პროგრამების უფასო კურსები;

6. ოზურგეთში ამოქმედდება უფასო პოლიკლინიკა და უფასო მუნიციპალური ჰოსპიტალი;

7. ქალაქში დაბრუნდება სახელმწიფო უნივერსიტეტის ფილიალი უფასო ფაკულტეტის ხარჯზე;

აფბა ("ახალგაზრდა ფინანსისტთა და ბიზნესმენთა ასოციაცია"): "აღნიშნულ კანდიდატს (შოთა გოგიბერიძეს. ავტ), საკმაოდ ბევრი დაპირება აქვს ამომრჩევლისთვის მიცემული, იმაზე ბევრად მეტი, ვიდრე მისი გამარჯვების შემთხვევაში მის პასუხისმგებლობაში იქნება. ძალიან ბევრ სოციალურ საკითხს ეხება და მოსახლეობას ჰპირდება, რომ უამრავი მომსახურება უფასო გახდება, ხოლო რის ხარჯზე აპირებს ამ დაპირებების დასაფინანსებლად საჭირო ფინანსების მოძიებას, გაუგებარია. თუნდაც უფასო პოლიკლინიკის და ჰოსპიტალის ამოქმედება საკმაოდ დიდ ხარჯებთან არის დაკავშირებული, არაფერს ვამბობ იმაზე, რომ უნივერსიტეტის ფილიალის ოზურგეთში გახსნა მხოლოდ ადგილობრივი თვითმმართველობის დონზე ვერ გადაწყდება.

განსაკუთრებით გაუგებარია 10 000-იანი და 50 000-იანი თანხების პუნქტი. თუ არც გირაო იქნება საჭირო და თანაც უპროცენტოდ მოხდება ამ თანხების პირდაპირ ბიუჯეტიდან გაცემა, გაუგებარია რა პრინციპით მოხდება იმ მეწარმეების შერჩევა, ვინც უნდა მიიღოს ეს დაფინანსება?! ასევე, გაუგებარია თანხის დაუბრუნებლობის შემთხვევაში, როგორ მოხდება გაცემული ფინანსების უკან ამოღება?! თუ ქალაქის მუნიციპალიტეტი თვითონ აპირებს ამ უპროცენტო სესხების გაცემას, მაშინ გამოდის თვითმმართველი ორგანო საკრედიტო ორგანიზაციების (ბანკი, მიკროსაფინანსო) ფუნქციებს ითავსებს და შესაბამისად მოუწევს საკრედიტო განყოფილების შექმნა. აქვე აღსანიშნავია, კიდევ ერთი ფაქტი, რომ როდესაც სახელმწიფო სტრუქტურა ბიუჯეტიდან პირდაპირ გასცემს თანხებს, ეს ყოველთვის კორუფციის მაღალ რისკთანაა დაკავშირებული. ანუ, სესხის გაცემაზე პასუხისმგებელი პირები გადაწყვეტილებას იღებენ პირადი ინტერესებიდან გამომდინარე."

ლევან კალანდაძე, ექსპერტი ეკონომიკის საკითხებში: "ბუნებაში უფასო არაფერი არ არსებობს. შესაძლებელია, ადგილობრივმა თვითმმართველობამ ადამიანებს რაღაც დაურიგოს უფასოდ, მაგრამ ამაში ვიღაცამ მას ფული უნდა გადაუხადოს. ბიუჯეტს რომ ამის საშუალება არ აქვს, ცხადია. ყველა ბიუჯეტი არის ცენტრალური ბიუჯეტის ტრანსფერზე მიბმული და შესაბამისად, ცენტრალურმა ბიუჯეტმა ასეთი ხარჯები რომ გაითვალისწინოს ტრანსფერში, გამოვა, რომ ყველა რაიონისთვის მოუწევს გათვალისწინება. ერთისთვის გათვალისწინება და მეორესთვის არა, როგორ წარმოუდგენია კონკრეტულ კანდიდატს? ეს იქნება დისკრიმინაციული მიდგომა და სახელმწიფო ბიუჯეტის თანხების არასამართლიანად განაწილება. ფინანსთა სამინისტროს პოლიტიკა დღეს სხვანაირია და არამც და არამც არ იქნება დაშვებული, რომ ერთი რომელიმე რაიონი უპირატეს მდგომარეობაში ჩააყენოს და სხვა რაიონებს არ გამოუყოს იგივე თანხა. ამიტომ, ეს დღეს პრაქტიკულად შეუძლებელია და ამის განხორციელების არანაირი პრაქტიკული საშუალება არ არსებობს.

აღარაფერს ვამბობ უპროცენტო, უგირავნო და საერთოდ ყველანაირი ვალდებულებების გარეშე 50 000 ლარების გაცემაზე. საიდან უნდა გასცეს? ადგილობრივი ბიუჯეტიდან? ვეჭვობ, რომ რომელიმე ქალაქის ბიუჯეტს ამის შესაძლებლობა ჰქონდეს. ყველა ქალაქი ტრანსფერზე ზის და ტრანსფერში სესხად გასაცემ ფულს ფინანსთა სამინისტრო არ გამოყოფს _ ამის შანსი არ არის. ამიტომ, ეს მხოლოდ პიარული განცხადებაა და რეალობასთან საერთო არაფერი აქვს."




 ახალი ამბები
  • მიხეილ სააკაშვილი: როგორც ვანომ თქვა, ჩვენ ქვეყანას სჭირდება წინსვლა შინაგან საქმეთა ყოფილი მინისტრის, ვანო მერაბიშვილის ციხიდან გამოსვლას საქართველოს მესამე პრეზიდენტი, მიხეილ სააკაშვილი სოციალური ქსელით ეხმიანება. “მივესალმები ვანო მერაბიშვილის თავისუფლებაზე ყოფნას,მრავალწლიანი უდანაშაულოდ პატიმრობის შემდეგ. მე ვამაყობ მისი გაუტეხელობით,შემართებით და სიმტკიცით. ვეთანხმები, რომ ივანიშვილი აუცილებლად დასრულდება. დასრულდება არა ჩვენი პირადი გრძნობების გამო, არამედ იმიტომ, როგორც ვანომ თქვა, ჩვენ ქვეყანას სჭირდება წინსვლა და განვითარება. მოვუწოდებ ყველას შერიგებისკენ, არა წარსულისკენ,არამედ მომავლისკენ სწორებისკენ“,_ წერს ფეისბუქზე მიხეილ ... ...
  • ვანო მერაბიშვილი: წლის ბოლომდე მე გაძლევთ გარანტიას ამ ხელისუფლების დამხობისშინაგან საქმეთა ყოფილმა მინისტრმა, ვანო მერაბიშვილმა ე.წ. მატროსოვის ციხე დატოვა. ციხიდან გამოსვლის შემდეგ მან ჟურნალისტებთან პოლიტიკური განცხადებები გააკეთა. „ამის გაკეთება არის აუცილებელი და ჩვენ ამას აუცილებლად გავაკეთებთ. ეს არის აუცილებელი იმისთვის, რომ ქვეყანაში დაიწყოს განვითარება, ქვეყანა წავიდეს წინ, ჩვენი ხალხის კეთილდღეობა გაიზარდოს, გაქრეს უიმედობა, ახალგაზრდობას მიეცეს პერსპექტივა, ადამიანებს დასაქმება და ღირსეული ხელფასი, მოხუცებს კი ღირსეული პენსია. ჩვენ აუცილებლად გავიმარჯვებთ. წლის ბოლომდე მე გაძლევთ გარანტიას ამ ხელისუფლების დამხობის მერე, ამ ციხის კარები ფართოდ გაიღება და ყველა ის პოლიტპატიმარი, ვინც ამ ციხეში ზის.“ -თქვა ვანო ... ...
  • დაგვეხმარეთ მაუწყებლის გადარჩენაში - ჟურნალისტების ნაწილი დიპლომატიურ კორპუსს მიმართავსაჭარის საზოგადოებრივი მაუწყებლის საინფორმაციო სამსახურის თანამშრომლები განცხადებას ავრცელებენ. ისინი ახალი ამბების სამსახურის უფროსის მოადგილის - მაია მერკვილაძის შტატის გაუქმება სარედაქციო პოლიტიკაზე პირდაპირი თავდასხმად მიიჩნევენ და დიპლომატიურ კორპუსს მიმართავენ. "საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს სხდომაზე დღეს მიღებულ გადაწყვეტილებას ახალი ამბების სამსახურის თანამშრომლები სარედაქციო დამოუკიდებლობის შეზღუდვად მივიჩნევთ. ახალი ამბების სამსახურის უფროსის მოადგილის - მაია მერკვილაძის შტატის გაუქმება სარედაქციო პოლიტიკაზე პირდაპირი თავდასხმაა. დღეს მრჩეველთა საბჭომ და მაუწყებლის დირექტორმა არხის თანამშრომლების მოთხოვნა, - საკითხის უკეთ შესწავლის მიზნით მისი განხილვა გადადებულიყო, არ გაითვალისწინა. გაუგებარია, რატომ არის პროცესი ფორსირებული, როდესაც დირექტორს ისედაც აქვს გაცხადებული, რომ რეორგანიზაციას გეგმავს. ამასთან, დაწყებულია დისციპლინური დევნა ახალი ამბების სამსახურის უფროსის - შორენა ღლონტის წინააღმდეგ, რაც კიდევ უფრო მეტად გვიღრმავებს ეჭვებს, რომ მენეჯმენტისთვის სასურველი ახალი კადრების შემოსაყვანად პოზიციები თავისუფლდება. გვაქვს მოლოდინი, რომ მაია მერკვილაძის შემდეგ, სარედაქციო პოლიტიკას ჩამოაშორებენ ახალი ამბების ხელმძღვანელს - შორენა ღლონტს. მიგვაჩნია, რომ საზოგადოებრივი მაუწყებლის აჭარის ტელევიზიასა და რადიოში შექმნილი ვითარება საარჩევნო წელს ემსახურება არასასურველი კადრების, განსაკუთრებით კი - კრიტიკული ჟურნალისტების ჩამოშორებას. მივმართავთ დიპლომატიურ კორპუსს, საერთაშორისო და ადგილობრივ არასამთავრობო ორგანიზაციებს - ჩაერთონ პროცესში და დაგვეხმარონ მაუწყებლის გადარჩენაში. წინააღმდეგ შემთხვევაში, დაზარალდებიან არა მხოლოდ ჟურნალისტები, არამედ დაზიანდება საზოგადოებრივი მაუწყებლის იდეა, რაც კიდევ უფრო დააზარალებს მედიაგარემოს, პლურალიზმსა და დემოკრატიულ პროცესებს ქვეყანაში. დირექტორის მიერ დაგეგმილი სტრუქტურული ცვლილებები შეეხო სხვა სამსახურებსაც. მაგალითად: საავტორო - შემოქმედებითი გადაცემების სამსახურის უფროსის მოადგილეს შემოქმედებითი მიმართულებით - გიორგი მურვანიძეს, ამავე სამსახურის მოადგილეს საორგანიზაციო მიმართულებით - ბესო დუმბაძეს და ფინანსური სამსახურის უფროსის მოადგილეს მაია შაშიკაძეს. ასევე სხვა მოადგილეების შტატებს, რომლებიც ვაკანტური იყო. მაუწყებელში დღეს განვითარებული მოვლენები ლოგიკური გაგრძელებაა იმ პროცესებისა, რომელიც დაიწყო 2019 წლის აპრილში ნათია კაპანაძის იმპიჩმენტით, გაგრძელდა მაუწყებლიდან ნათია ზოიძის იძულებით წასვლით და ნათია შავაძესთან შრომითი ხელშეკრულების ამოწურვით."_ ნათქვამია ... ...
  • ჩოხატაურელი ნორჩი მხატვრების წარმატება "ზამთრის ვერნისაჟზე"მერაბ ბერძენიშვილის სახელობის ოზურგეთის თანამედროვე სახვითი ხელოვნების ცენტრში გურიის რეგიონის საჯარო სკოლების მოსწავლეთა ნამუშევრების მეცხრე გამოფენა-კონკურსი _ „ზამთრის ვერნისაჟი“ მოეწყო. გამოფენაში მონაწილეობა მიიღეს ჩოხატაურის სახელოვნებო სკოლების გაერთიანების სამხატვრო სკოლის მოსწავლეებმა, რომლებიც სხვადასხვა ნომინაციაში, ოზურგეთის მერიისა და საკრებულოს მიერ მიერ დაჯილდოვდნენ სიგელებით, ფულადი ჯილდოთი და ფასიანი საჩუქრებით. ნომინაციაში ,,საუკეთესო ფერწერა'' დაჯილდოვდა პაპუნა ჯინჭარაძე (მე- 5 კლასი), ნომინაციაში ,,საუკეთესო კომპოზიცია'' _ ლუკა ფუტკარაძე (მე-3 კლასი); ნომინაციაში ,,საუკეთესო ნახატი’’ _ ნანა კვინტრაძე (მე-6 კლასი); ნომინაციაში ,,მნახველის სიმპათია’’ _ ანასტასია კობიძე (მე-4 კლასი). ა(ა)იპ ჩოხატაურის მუნიციპალიტეტის სახელოვნებო სკოლების გაერთიანების სამხატვრო სკოლის ყველა მონაწილე ცენტრის მიერ დაჯილდოვდა სიგელებით გამოფენაზე ... ...
  • ხანძარი ზუგდიდში, სოფელ ზედა ეწერშიხანძარი იყო ცოტა ხნის ზუგდიდში, სოფელ ზედა ეწერში. როგორც ადგილიდან "გურია ნიუსის" ჟურნალისტი იტყობინება, ცეცხლი ეკალ-ბარდებს ეკიდა. ხანძარი ამდროისთვის ლიკვიდირებულია. შემთხვევის შედეგად არავინ დაშავებულა. ადგილზე სამი სახანძრო მუშაობდა. ჯერჯერობით, უცნობია, რამდენი ჰექტარი დაიწვა. ასევე, უცნობია ხანძრის გამომწვევი ... ...

არქივი

ზაფრანი

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...

რა პროდუქტები უნდა მივირთვათ ზამთარში

რძე სუპერმარკეტებში სულ უფრო ხშირად...

სიზმრის ახსნა

ორსულობა სიზმრები ორსულობის შესახებ შეიძლება...

მკურნალი პროდუქტები

დამწვრობისას გიშველით ალოე ვერა. დღეში...

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...