"კარგი იქნებოდა, კარბელაშვილს შეედარებინა L-410 -ისა და TwinOtter -ის საავიაციო შემთხვევები"

მთავარი თემა

"კარგი იქნებოდა, კარბელაშვილს შეედარებინა L-410 -ისა და TwinOtter -ის საავიაციო შემთხვევები"

2014 ივლ 23 18:40:07

მესტიაში ფრენებისთვის დანიშნული L 410 თვითმფრინავი, კრიტიკის საგანი გახდა.

საქართველოს პარლამეტის წევრი, დეპუტატი გიორგი კარბელაშვილი, რომელიც ავიაციის პროფესიონალთა გაერთიანების საჰაერო ნავიგაციის სამეთვალყურეო საბჭოს ყოფილი თავმჯდომარეა, "გურია ნიუსთან"  აცხადებს:

"ხელისუფლებას ვეუბნები, გადახედეთ თქვენს მიერ მიღებულ გადაწყვეტილებას. იქნებ მე მეშლება, მაგრამ თქვენც ხომ არ გეშლებათ?! თვითმფრინავი ჯართი ხომ არ არის, დადო და ატრიალო?! ძალიან მიკვირს, რა გახდა ასეთი, ვინ დგას L-410  თვითმფრინავის უკან?!"

მისი თქმით, L-410 თვითმფრინავზე საუბარი რამდენიმე წლის წინაც იყო, თუმცა „ნაცმოძრაობის“ ხელისუფლებამ უარი თქვა მესტიაში ფრენის განსახორციელებლად L-410  თვითმფრინავის დანიშვნაზე. მიზეზი კი, თვითმფრინავის კატასტროფა და დაღუპულ ადამიანთა რაოდენობა იყო.

"უბრალოდ, მე რაღაც გამეგება ამ სფეროში. 4  წლის წინ  ამ თვითმფრინავზე იყო საუბარი, მაგრამ ჩვენ, ხელისუფლებამ ჩავთვალეთ, რომ ეს თვითმფრინავი საშიში იყო ფრენებისთვის. სწორედ ეს შევახსენე დღევანდელ ხელისუფლებას.  მე განცხადება გავაკეთე. მოისმენს თუ არა, მათი საქმეა.

მინდოდა უკეთესი და უსაფრთხო თვითმფრინავი დაენიშნათ, რადგან ადამიანებმა უნდა იფრინონ. თუ ინტერნეტში დაძებნით L -410 შესახებ ინფორმაციას, ნახავთ, რომ წელიწადში ხუთი ჩამოვარდნა აქვს. ხან ერთი შეცდომა, ხან მეორე.

არ უნდა ვთქვა, იქნებ გადახედოთ და უკეთესი ჩამოიყვანოთ, რატომ რისკავთ ხალხით, ვინ მოგცათ ამის უფლება? მსოფლიოში ასეთი ტიპის უამრავი თვითმფრინავია: კანადური, ფრანგული, გერმანული. მათგან მხოლოდ L-410 აქვს ცუდი ისტორია. აქ თავისი წესებია.

მე არ ვარ პროფესიონალი მფრინავი, მაგრამ ერთი რამე ვიცი, ყველამ თავი უნდა დაიზღვიოს.

ჩვენი ხელისუფლებაში ყოფნის დროს, იყო ასეთი მოთხოვნა და კანადელებმა ჩაატარეს ექსპერიმენტი - ორძრავიან თვითმფრინავს, ხალხი არ ჩასვეს და ერთი ძრავი გამოურთეს, შეამოწმეს, შეძლებდა თუ არა  თვითმფრინავში მესტიაში ერთი ძრავით აფრენა-დაფრენას.

ავიაციაში ჩემი ჩატარებულია რეფორმა. თბილისის, ბათუმის, ქუთაისის და მესტიის აეროპორტი ჩემი აშენებულია. ჩვენს დროს მესტიაში ისეთი ინვესტიცია ჩავდეთ, რაც მეტი ხალხი ნახავს და  ბევრი თვითმფრინავი იფრენს, ჩემი წარმატებაა. კიდევ ერთხელ ვიმეორებ, მე განცხადება გავაკეთე. მოისმენს თუ არა, მათი საქმეა."

რატომ დართო  მესტიაში ფრენისთვის ნება L-410 თვითმფრინავს,  საქართველოს სამოქალაქო ავიაციის სააგენტომ, რომლის უმთავრესი მიზანია ქვეყანაში უზრუნველყოს სამოქალაქო ავიაციის უსაფრთხო ფუნქციონირება, ხოლო პრიორიტეტი _ მგზავრთა უფლებებისა და ინტერესების დაცვა?

ამასთან დაკავშირებით "გურია ნიუსი" საქართველოს სამოქალაქო ავიაციის სააგენტოს დირექტორ გურამ ჯალაღონიას ესაუბრა:

_ ბატონო გურამ, დეპუტატი გიორგი კარბელაშვილი საუბრობს, რომ წინა ხელისუფლებამ L-410 თვითმფრინავი საფრთხის შემცველად მიიჩნია და ამის გამო არ დანიშნა L-410-ით ფრენები მესტიაში. "საქართველოს სამოქალაქო ავიაციის სააგენტომ" რატომ შეაჩერა არჩევანი L- 410 -ზე?

_ სახელმწიფომ გამოაცხადა ღია საერთაშორისო ელექტრონული ტენდერი, სადაც ნებისმიერ კომპანიას შეეძლო მონაწილეობის მიღება. ტენდერის ერთ-ერთი  პირობა იყო ის, რომ თვითმფრინავს მაღალმთიანი რეგიონის პირობებში, კერძოდ მესტიაში, საწვავის დამატების გარეშე შეძლებოდა ნატახტარი-მესტია-ნატახტარის რეისის შესრულება.

ტენდერში  გაიმარჯვა ქართულმა  კომპანია "სერვის ეირმა“, რომელიც დაუკავშირდა ჩეხეთის ავიაკომპანია "პრაღა ევიეიშენს", საიდანაც  ჩამოიყვანეს ზემოთხსენებული თვითმფრინავი. მას ოპერირებას უწევს აღნიშნული ავიაკომპანია, ჩეხეთის საავიაციო ხელისუფლების ზედამხედველობით.

_ ავიაციის პროფესიონალთა გაერთიანების საჰაერო ნავიგაციის სამეთვალყურეო საბჭოს ყოფილი თავმჯდომარე გიორგი კარბელაშვილი„გურია ნიუსთან“ დასვა კითხვა - ვინ დგას L - 410  თვითმფრინავის უკან?

ჩემთვის, ბატონი გიორგი კარბელაშვილის მიერ დასმული კითხვა, თუ ვინ დგას ამ ყველაფრის  უკან, გაუგებარია. მე არ ვიცი, რას ემსახურება მის მიერ გაკეთებული განცხადება, სადაც აღნიშნულ თვითმფრინავს მიიჩნევს საფრთხის შემცველად და ადასტურებს, რომ მისი გამოყენება სვანეთის რეგიონში, არ იქნება მგზავრებისთვის უსაფრთხო.

ბატონი კარბელაშვილი იშველიებს სტატისტიკას, კარგი იქნებოდა, მას ერთმანეთისთვის შეედარებინა L-410 -ისა და TwinOtter -ის  საავიაციო შემთხვევების (გამოქვეყნებული) სტატისტიკური მონაცემები. თუ კარგად გავეცნობით აღნიშნულ მონაცემებს, ვნახავთ, რომ საავიაციო შემთხვევების კუთხით L-410-ს გააჩნია სამჯერ უფრო უკეთესი მაჩვენებლები, ვიდრე TwinOtter -ს.

აღვნიშნო, რომ მსგავსი დაუსაბუთებელი, არაპროფესიონალური განცხადებები მოვისმინეთ სხვა, ე.წ. საავიაციო ექსპერტებისგან,  გიორგი კოდუასგან და  ჯემალ ხახუტაიშვილისგან. გულსატკენია, რომ ადამიანები ცდილობენ საკუთარი პროფესიონალიზმის დამტკიცებასა და რეიტინგის ამაღლებას ხალხის დაშინების მეთოდით.

უკვე მოსმენილ უპასუხისმგებლო განცხადებებს ვუპასუხო, რომ საავიაციო შემთხვევების 80 პროცენტზე მეტი, გამოწვეულია ადამიანური ფაქტორით და არა საჰაერო ხომალდით.

მე ვარ სახელმწიფო მოხელე, რომელმაც უნდა   აკონტროლოს და პასუხი  აგოს ავიაციის უსაფრთხოებაზე. აქედან გამომდინარე, არ დავუშვებ საფრთხის შემცველი საჰაერო ხომალდის საქართველოს ტერიტორიაზე (მითუმეტეს მთიან რეგიონებში) ოპერირებას.

სხვა თუ არაფერი, საქართველოში შემოყვანილ L-410 UVP-ის ტიპის  საჰაერო ხომალდს გააჩნია EASA-ს სერთიფიკატი და ალბათ, კარბელაშვილმა კარგად იცის, თუ რას წარმოადგენს ამგვარი საბუთი.

_ კარბელაშვილი საუბრობს, რომ წინა ხელისუფლების დროს ექსპერიმენტი ჩაატარეს. TwinOtter-ის თვითმფრინავს, რომელიც ორძრავიანია,  ერთი ძრავა გამოურთეს...

_ ვიცი  ეს ისტორია. ცარიელ ორძრავიან თვითმფრინავს გამოურთეს ძრავა. ერთი ძრავით დაჯდა ცარიელი თვითმფრინავი. მერე რა მოხდა?! ერთი ძრავით უნდა დაჯდეს ნებისმიერი თვითმფრინავი. რა არის ამაში განსაკუთრებული?! აი, მგზავრებით დატვირთული თვითმფრინავი ერთი ძრავით რომ დაჯდება, ეს სხვა ამბავია. ეს ყველაფერი პიარზე იყო გათვლილი. არ შეიძლება, ასეთი რამის გაკეთება და ხალხის მოტყუება.

L-410  ორძრავიანი თვითმფრინავი 1960-ან წლებში შეიქმნა სპეციალურად  ექსტრემალურ პირობებში სამუშაოდ.  მსგავსი თვითმფრინავებია: AN-28; TwinOtterდა B-30,     მაღალმთიან რეგიონებში,  ექსტრემალურ სიტუაციებში -40 და +40-მდე ტემპერატურაზე, მტვერში, მოუწყობელ აეროდრომებსა და, სხვა რთულ პირობებში სამუშაოდ. საქართველოში გამოცხადებულ ტენდერში L -410 -მა გაიმარჯვა და ის დაინიშნა  მესტიაში საფრენად.

_ თქვენი აზრით, სახელმწიფოს მხრიდან ტურისტების მოსაზიდად, მხოლოდ მესტიაში L -410 თვითმფრინავის დანიშვნა საკმარისია?

_ რა თქმა უნდა, არა. ტურიზმის მხრივ, საქართველო ძალიან მიმზიდველია, განსაკუთრებით საქართველოს მთიანი რეგიონი მაგრამ, თუ არ შევქმნით საჭირო ინფრასტრუქტურას, თუ არ ავაშენებთ აეროდრომებს მაღალ მთიან რაიონებში,  მარტო საერთაშორისო აეროპორტით ტურისტებს ვერ მოვიზიდავთ.

მინდა ვისარგებლო შემთხვევით და გითხრათ, რომ შექმნილია საქართველოში მცირე ავიაციის განვითარების კონცეფცია და ეკონომიკის სამინისტროსთან ერთად ვმუშაობთ მის განხორციელებაზე.

40 წელია, ავიაციაში ვარ. ჩემი სამუშაო გამოცდილებიდან გამომდინარე, ამ ქვეყნის მთიანი რეგიონების სილამაზეცა და საშიშროებაც კარგად ვიცი.  მრავალი ადამიანის სიცოცხლე გადაგვირჩენია საჰაერო ხომალდის გამოყენებით, ვინაიდან ადგილების მიუვალობისა და დროის სიმცირის გამო, სხვა ტრანსპორტი იქ ვერ მიაღწევდა. ავიაცია მხოლოდ სვანეთისთვის კი არა,  საქართველოს ყველა მაღალმთიანი რეგიონისთვის უნდა იყოს ხელმისაწვდომი, როგორც სატრანსპორტო საშუალება.




 ახალი ამბები
  • საპენსიო სააგენტო მოსახლეობას სიფრთხილისკენ მოუწოდებსსაპენსიო სააგენტო მოსახლეობას სიფრთხილისკენ მოუწოდებს. სოციალურ ქსელში გამოჩნდა კიბერთაღლითების მიერ შექმნილი ყალბი ვებ-გვერდები, რომელსაც საპენსიო სააგენტოსთან არანაირი კავშირი არ აქვს.ვებ-გვერდზე მომხმარებლებს საბანკო ბარათის მონაცემების შეყვანას თხოვენ. ყალბი ვებ-გვერდები უკანონოდ იყებენენ საპენსიო სააგენტოს სიმბოლიკას. თაღლითური სქემის შესახებ საპენსიო სააგენტომ მიმართა შინაგან საქმეთა სამინისტროს. მიმდინარეობს გამოძიება. საპენსიო სააგენტო მოსახლეობას სიფრთხილისკენ მოუწოდებს და განმარტავს, რომ სააგენტოს ოფიციალური ვებ-გვერდის მისამართია pensions.ge, სადაც საბანკო მონაცემების შეყვანა არ არის გათვალისწინებული. საპენსიო ანგარიშის შესამოწმებლად საჭიროა მხოლოდ პირადი ნომერი და დამსაქმებლის მიერ მოწოდებული საწყისი ერთჯერადი პაროლი, თუ სისტემაში პირველად შედიხართ, ან თქვენი პირადი პაროლი. ... ...
  • რუსთავი-თბილისის მიმართულებით მგზავრობა გაძვირდა დღეიდან რუსთავი-თბილისის მიმართულებით 11-დან 6 მარშრუტზე მგზავრობა 30 თეთრით გაძვირდა და 1,8 ლარი გახდა. რაც შეეხება დანარჩენ 5 მარშრუტს, ფასი ჯერჯერობით, უცვლელია. ახალი ტარიფის გადახდა მგზავრებს დღეიდან მეტროს სადგურ „დიდუბის“, რკინიგზის სადგურის, მეტროს სადგურ „ვარკეთილისა“ და სპორტის სასახლის მიმართულებით მგზავრობისას უწევთ. მგზავრობის ღირებულება 1.50 ლარი რჩება რუსთავი, ძველი ბაზარი - თბილისი, მოსკოვის გამზირი; რუსთავი, ძველი ბაზარი - თბილისი, ისთ ფოინთი; რუსთავი, შარტავას გამზირი - თბილისი, ლილო; რუსთავი, მეტალურგიული ქარხანა - თბილისი, გლდანი; რუსთავი, მე-19 მიკრო რაიონი - თბილისი, უნივერსიტეტის მაღლივი ... ...
  • პატრიარქი: ადამიანის სულში ცვლილებებია და საჭიროა ყურადღება, რომ მიწიერმა არ გაიტაცოსსაქართველოს კათოლიკოს-პატრიარქმა, უწმინდესმა და უნეტარესმა ილია მეორემ სამების საკათედრო ტაძარში ფერისცვალების დღესასწაულთან დაკავშირებით მრევლს ქადაგებით მიმართა. მისი თქმით, მნიშვნელოვანია ადამიანმა სრულყოფილებასა და სულიერებაზე იზრუნოს. „ერთ მდგომარეობაში არაფერი ჩერდება, ყველაფერი მოძრაობს, იცვლება. ძველი რომაელები ამბობდნენ, დრონი იცვლებიან და ჩვენ ვიცვლებით მასთან ერთადო. დღეს, როცა ასეთი ცვლილებებია ადამიანის სულში, ბუნებაში, გონებაში, საჭიროა დიდი ყურადღება, რომ მიწიერმა, ხორციელმა არ გაიტაცოს ადამიანი. ადამიანი ან მაღლა ადის სრულყოფის კიბეზე, ან დაბლა ჩადის. ყველაფერი უნდა გავაკეთოთ, რომ ავიდეთ მაღლა და შევხვდეთ უფალს“,  - აღნიშნა პატრიარქმა. 19 აგვისტოს მართლმადიდებელი ეკლესია მაცხოვრის ფერისცვალებას აღნიშნავს. ამ დღეს ტაძრებში წირვა-ლოცვა სრულდება. სადღესასწაულო ლიტურგია სამების საკათედრო ტაძარში 10:00 საათზე ... ...
  • ამ ეტაპზე "რუსთავი 2"-ის მყიდველი არ გამოჩენილა - სალიაამ ეტაპზე რუსთავი 2-ის მყიდველი არ გამოჩენილა - ამის შესახებ განცხადება, არხის გენერალურმა დირექტორმა პაატა სალიამ ქრონიკასთან საუბრისას გააკეთა. მისი თქმით, თუ მყიდველი დღესაც არ გამოჩნდა, კონკრეტულ გეგმებს საზოგადოებას დღეს გააცნობს.  "ამ ეტაპზე მყიდველი არ გამოჩენილა. ჩვენი პირობა იყო რომ საჯაროდ გამოჩენილიყო აღნიშნულის თაობაზე. თუ არ გამოჩნდება მსურველი მაშინ გეგმების შესახებ დღესვე გავაცნობთ. საუბრები გაკოტრების შესახებ არის გადაჭარბებული. ასეთი რამ არ იგეგმება, მაგრამ იგეგმება კონკრეტული ღონისძიებები, რაც კომპანიის ვალების გასტუმრებაში შეუწყობს ხელს",- განაცხადა ... ...
  • ყიდულობს თუ არა ვანო ჩხარტიშვილი "რუსთავი 2"_ს _ ბიზნესმენის ექსკლუზიური კომენტარიგავრცელებული ინფორმაციით, ტელეკომპანია რუსთავი 2_ს, რომლის გაყიდვის შესახებ განცხადება ხალვაშმა რამდენიმე დღის წინ გაავრცელა, მყიდველი უკვე გამოუჩნდა. როგორც ამბობენ, ტელეკომპანის ბიზნესმენი ვანო ჩხარტიშვილი ბიძინა ივანიშვილის დავალებით ყიდულობს. თუმცა, გურია ნიუსისთვის მიცემულ ექსკლუზიურ კომენტარში ჩხარტიშვილი ამას ურყოფს: _ სისულელეა და ამაზე არ გავაკეთებ კომენტარს, _ გვითხრა ჩხარტიშვილმა და დააკონკრეტა, რომ ტელევიზიის ყიდვას არ ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...