არიან თუ არა აბიტურიენტები კმაყოფილები გამოცდების შედეგებით

მთავარი თემა

არიან თუ არა აბიტურიენტები კმაყოფილები გამოცდების შედეგებით

31 ივლ. 2014, 22:56:12

ერთიანი ეროვნული გამოცდების ყველა საგნის ქულები გამოქვეყნებულია. აბიტურიენტებს საშუალება აქვთ, საკუთარი შედეგები შეფასებისა და გამოცდების ეროვნული ცენტრის ვებ-გვერდზე ნახონ, პირადი და საგამოცდო ნომრის მეშვეობით.

ჯერ-ჯერობით, ყველა საგნის საბოლოო სტატისტიკური მონაცემები არაა ცნობილი. გამოქვეყნდა მხოლოდ უცხო ენის და ზოგადი უნარების პირველადი მონაცემები, რომლის მიხედვით, უცხო ენაში მინიმალური კომპეტენციის ზღვარი ( ზღვარი ყველა უცხოურ ენაში იყო 21 ქულა)  91%-მა გადალახა.  ინგლისურის პირველ ვარიანტში მაქსიმალური 100 ქულა აიღო 3-მა, მეორესა და  მესამეში კი 4- 4 - მა აბიტურიენტმა. გერმანულში 2-მა, ფრანგულში მხოლოდ ერთმა (ფრანგულის გამოცდაზე სულ დარეგისტრირებული იყო 308 აბიტურიენტი). უცხო ენებიდან მაქსიმალური ქულების რაოდენობა აბიტურიენტებმა აიღეს რუსულ ენაში.  ასეთი 51 აღმოჩნდა (რუსულ ენას სულ აბარებდა 6 178 აბიტურიენტი).

რაც შეეხება ზოგად უნარებს, წელს მაქსიმალური ქულების რაოდენობა პირველად დაფიქსირდა. 80 ქულა მხოლოდ 2-მა აბიტურიენტმა აიღო. ზღვარი კი, პირველადი მონაცემებით, 89% -მა გადალახა ( ზოგადი უნარების პირველ და მესამე ვარიანტისთვის მინიმალური კომპეტენციის ზღვარი -  23, ხოლო მეორე და მეოთხე ვარიანტისთვის 24 ქულა იყო).

როგორ ჩაიარა  გამოცდებმა, რომელი საგანი იყო ყველაზე მარტივად ჩასაბარებელი და რომელი გაუჭირდათ, კმაყოფილები არიან თუ არა საკუთარი შედეგებით, ამის შესახებ "გურია ნიუსმა"  აბიტურიენტები გამოკითხა.

"ჩემთვის კარგად ჩაიარა გამოცდებმა. ყველაზე ადვილად ჩავაბარე ისტორია და რთული არცერთი გამოცდა არ იყო. კმაყოფილი ვარ ჩემი თავით, გარდა ქართულის სავალდებულო გამოცდისა, სადაც მეტს ველოდი. დარწმუნებული ვარ, მოვხვდები სასურველ ფაკულტეტზე და გრანტსაც მივიღებ", _ გვითხრა არჩილ ბჟალავამ.

ეროვნულ გამოცდებზე, როგორც გაირკვა, აბიტურიენტებისთვის ყველაზე ადვილი უცხო ენის გამოცდა აღმოჩნდა:

"შეიძლება ითქვას, რომ ყველაფერმა ისე ჩაიარა, როგორც ველოდი. შედარებით მათემატიკა გამიჭირდა. როგორც ჩანს,  წლევანდელი ტესტი წინა წლებთან შედარებით ბევრად რთული იყო. ყველაზე მეტად გამიადვილდა უცხო ენა, რადგან ჩავაბარე რუსული, რომელიც ბავშვობიდან კარგად ვიცი და საკმაოდ მაღალი ქულაც ავიღე, 94. საკუთარი თავით ბოლომდე კმაყოფილი არ ვარ, რადგან ყველა გამოცდაში რამდენიმე სულელური შეცდომა მაინც დავუშვი.  ქულები ასე თუ ისე მაინც მაკმაყოფილებს. უნარებში - 63, ქართულში -  64, მათემატიკაში - 34  და უცხო ენაში 94 ქულა მყავს.  სავარაუდოდ,  70%-იან გრანტს  ავიღებ. ვაბარებ საავიაციო უნივერსიტეტში საინჟინრო ფაკულტეტზე და დარწმუნებული ვარ, მოვხვდები, რადგან კონკურსი, ფაქტობრივად, არ არის და რომც იყოს, მაინც საკმაოდ მაღალი ქულები მაქვს", _  ამბობს გიორგი ფაჩუაშვილი.

უცხო ენის ტესტები მარტივად დაწერა მარიამ გულიაშვილმა, მაგრამ მას პრეტენზიები თემის თეზისებთან დაკავშირებით აქვს. მარიამმა ყურადღება სხვა საგნების ტესტების სტრუქტურის ცვილებაზეც გაამახვილა:

"გამოცდები ჩემთვის მარტივი პროცედურა იყო, მიუხედავად იმისა, რომ ზოგიერთი საგანი საკმაოდ გართულებული იყო.  ყველაფერმა გაცილებით მარტივად ჩაიარა, ვიდრე ველოდებოდი. ქართულის შედეგი ჩემთვის მისაღები იყო. ასევე მინდა აღვნიშნო, რომ უცხო ენაში  საკმაოდ მარტივი ტესტი იყო, თუმცა თემა საკმაოდ უაზრო და ორაზროვანი თეზისის მიხედვით უნდა დაგვეწერა. უნარებს რაც შეეხება,  ვერბალური ნაწილი საკმაოდ გამიადვილდა, რასაც ვერ გეტყვით მათემატიკურ ნაწილზე.

ისტორიის გამოცდა რთული არ ყოფილა, თუმცა ტესტის სტრუქტურა იყო შეცვლილი და ამან ჩემზე ძალიან იმოქმედა, ემოციური თვალსაზრისით.  საკუთარი თავით კმაყოფილი, რა თქმა უნდა, არ ვარ, თუმცა მივიჩნევ, რომ საკმაოდ ბევრ უსამართლობას შევხვდი ჩემი ნაშრომების შეფასებიდან გამომდინარე და აუცილებლად გავასაჩივრებ ქართულის ნაშრომს, რომელიც მათივე ტექნიკური ხარვეზიდან გამომდინარე არაადეკვატურად შემიფასეს. ძალიან ვნერვიულობ, რომ სრულ დაფინანსებას ვერ ავიღებ, თუმცა იმედი მაინც მაქვს", _ იმედოვნებს მარიამ გულიაშვილი.

გიორგი ბაბუნაშვილს გამოცდებზე შექმნილი გარემო არ მოეწონა, თუმცა ამას მისთვის ხელი არ შეუშლია, საკუთარი შესაძლებლობები გამოევლინა:

"ისეთი გარემო აქვთ შექმნილი გამოცდებზე,  კინაღამ გავგიჟდი.  იმდენი წესია და იმდენი კონტროლი, რომ პირდაპირ ნერვებზე ურტყამს.  გამოცდები ადვილი იყო.  ერთი მათემატიკა გამიჭირდა და ინგლისური იყო ყველაზე ადვილი. თამამად შემიძლია ვთქვა, რომ საატესტატო გამოცდებზე ადვილი იყო ინგლისურის გამოცდა. ქართულის გარდა არცერთი საგნის შედეგით არ ვარ კმაყოფილი.  გრანტს ავიღებ თუ არა,  არ ვიცი", _ გვითხრა გიორგიმ.

ზოგადი უნარების ჯგუფის ხელმძღვანელი სოფო დოლიძე წლევანდელ გამოცდებზე დაფიქსირებულ გაუმჯობესებულ შედეგებზე საუბრობს:

"შედეგები წინა წლებთან შედარებით ძალიან კარგი გვაქვს.  გვქონდა სიახლე, რომელიც წარმატებით დაძლიეს ჩვენმა აბიტურიენტებმა. მინიმალური კომპეტენციის ზღვრის შემთხვევით გადალახვის შანსი შევამცირეთ. ჩაჭრის პროცენტიც იმას მიუთითებს, რომ ის აბიტურიენტები დარჩნენ ზღვრის გარეთ, რომლებიც ბრმად აპირებდნენ მის გადალახვას. ვინც ზღვარს ქვემოთ აღმოჩნდა მათთვის ეს ძალიან მძიმე შედეგია. მაგრამ ზუსტი გაზომვის პირობებში,  ჩაჭრილების რიცხვი 11%,   ძალიან დაბალი პროცენტია.

ჩვენ ზღვრის შემთხვევით გადალახვის ალბათობა 6% - ზე ჩამოვიყვანეთ.  ძალიან ბევრი წლის განმავლობაში არ გვყოლია მაქსიმალურქულიანი აბიტურიენტები.  წელს გვყავს 2, რომლებმაც უმაღლესი,  80 ქულა, მოიპოვეს. რაც შეეხება არჩევით საგნებში შედარებით დაბალ  მაჩვენებელს,  წლიდან წლამდე ასეთი სურათია სულ.  უკეთესი შედეგებისთვის სკოლებმა კიდევ უფრო ინტენსიურად უნდა იმუშაონ", _ აცხადებს სოფო დოლიძე.

უცხო ენების გამოცდების გამსწორებელთა ჯგუფის ხელმძღვანელს,  რუსიკო ტყემალაძეს უჭირს იმის თქმა, რომ მაინც და მაინც უცხო ენაში აჩვენეს ყველაზე მაღალი შედეგები აბიტურიენტებმა ( მისი თქმით, ამას საბოლოო სტატისტიკური მონაცემები აჩვენებს),  მაგრამ  აღნიშნავს, რომ ამ საგანშიც  პროგრესი თვალსაჩინოა:

"უცხო ენების გამოცდაში იყო სიახლე. მოსმენის ნაწილი დაემატა და ჩვენს აბიტურიენტებს  არ გასჭირვებიათ. შეიძლება იმითაც იყო ეს შედეგი გამოწვეული, რომ  მარტივი იყო დავალება, შეიძლება იმიტომაც რომ ახალ თაობა უცხო ენას უკეთ ფლობს. ფაქტია, რომ ეს სიახლე მათ წარმატებით დაძლიეს.

წინა წლებთან შედარებით,  შედეგები ოდნავ გაუმჯობესებულია.  ეს განსაკუთრებით ეხება წერის ნაწილს, თემას.  ფაქტობრივად, არცერთი ცარიელი ადგილი არ გვქონია. ყველამ დაწერა თემა.  ფაქტია, რომ ჩვენს მოსწავლეებს წერა უჭირთ, მაგრამ წელს  სცადეს,  რაღაც მაინც დაეწერათ და ცარიელი გვერდები არ დაეტოვებინათ. ზოგი მართლა ძალიან კარგად წერს, გაოცებულები ვართ. ფაქტია, რომ ამ დავალებას ეჭიდებიან.  ჩაჭრილების რაოდენობა წინა წლებთან შედარებით არ არის მაღალი. ძალიან ბევრმა მიიღო უცხო ენაში მაღალი ქულა", _ განაცხადა რუსიკო ტყემალაძემ.

ჯერ-ჯერობით, სააპელაციო პროცესის დასრულებამდე  (8 აგვისტო),  აბიტურიენტებს საგანმანათლებლო პროგრამების დამატება/შეცვლა ისევ შეუძლიათ. სააპელაციო განაცხადების მიღება იწარმოებს 4 აგვისტოს 10:00 - საათიდან 8 აგვისტოს 18:00 -საათამდე მხოლოდ ელექტრონულად.  აპელირების საფასურია 50 ლარი (შეფასების ცვლილების შემთხვევაში თანხა უკან უბრუნდება აპლიკანტს).

ერთიანი ეროვნული გამოცდების საბოლოო შედეგები აგვისტოს ბოლომდე გამოქვეყნდება.




 ახალი ამბები
  • ავტოსაგზაო შემთხვევა ფოთში _ არიან დაშავებულებიცოტა ხნის წინ ავტოსაგზაო შემთვევხევა მოხდა ფოთში. როგორც ადგილიდან "გურია ნიუსისს" ჟურნალისტი იუწყება, მსუბუქი ავტომობილი გზის სავალი ნაწილიდან გადავიდა და ხეს შეეჯახა. წინასწწარი ინფორმაციით, დაშავებულებია ოთხი მგზავრი. შსს-მ მომხდარზე გამოძიება სსკ-ის 276-ე მუხლის მე-2 ნაწილით დაიწყო. ... ...
  • “მინდოდა ჩემი შვილის გვერდით ვყოფილიყავი და ყველაფერ საშინელებას ვუძლებდი“83 წლის ლამარა წიქარიძე აფხაზეთის ომში გმირულად დაღუპული ზური წიქარაძის დედაა.  “მე ვარ 83 წლის. ვმუშაობ შეძლებისდაგვარად ჩაის პლანტაციებში. ჯანმრთელად ვარ და არანაირ ავადმყოფობას არ ვგრძნობ. ვფიქრობ, რომ ცოტა ხანი ვიცოცხლო და ვიცხოვრო ჩემი შვილიშვილების ხათრით“, _ ამბობს “გურია ნიუსთან“ საუბრის დროს ლამარა წიქარაძე. ლამარა წიქარაძე ოზურგეთის მუნიციპალიტეტის სოფელ ნაგომარში ცხოვრობს. იმ დროს, როდესაც აფხაზეთში ომი დაიწყო, ის მეუღლესთან სოსო წიქარიძესთან ერთად იმყოფებოდა სოხუმში. ლამარა წიქარაძე: გურიაში ვაპირებდით ჩამოსვლას, რადგან ზურის შვებულება ეწყებოდა. შვებულების ფურცელზე ხელი არ ჰქონდა მოწერილი იმ სამსახურის უფროსს, სადაც ზური მუშაობდა და ამიტომ გაგვიგრძელდა ყოფნა სოხუმში. აფხაზეთის ომში ჩემი შვილი ზური წიქარიძე გმირულად გარდაიცვალა. ის სოხუმში თან სწავლობდა და თან მუშაობდა. ის იყო სასოფლო-სამეურნეო ინსტიტუტის მესამე კურსის სტუდენტი, როდესაც ომი დაიწყო. ჩემი შვილი შინაგან ჯარში მუშაობდა და ომის დროს ქალაქიდან არ უნდა გასულიყო, მაგრამ... მას სთხოვეს დახმარება და წაიყვანეს სოფელ შრომაში. სოფელზე, სადაც ისინი წავიდნენ, მოხდა თავდასხმა, მოულოდნელი თავდასხმა იყო. მან გადაწყვიტა თავის მეგობართან ერთად ახალგაზრდები (ჯარში 25 ახალგაწვეულის სიცოცხლე იხსნა ზურიმ და მისმა მეგობრებმა) გამოეყვანა სამშვიდობოს. მოახერხეს კიდეც, იბრძოდა მანამ, სანამ ტყვიები, არ დაუმთავრდათ. ამის შემდეგ კი დაიჭერეს რუსმა სამხედროებმა და ცოცხლად დაწვეს. ჩემმა მეუღლემ კი დაიწყო გარდაცვლილი შვილის ძებნა, უიარაღოდ იყო და ისე ეძებდა. მან იპოვა ზურის დამწვარი სხეული და განადგურებულებმა ჩამოვასვენეთ ოზურგეთში, სოფელ ნაგომარში. მინდოდა ჩემი შვილის გვერდით ვყოფილიყავი და ყველაფერ საშინელებას ვუძლებდი. ერთ ამბავს კიდევ გავიხსენებ... ბოლოს, ძებნა რომ გაგვიჭირდა ჩემი შვილის, ბატონ ჟიული შარტავასთავან მივედი განცხადებით. მან კი მითხრა, არ მინდა განცხადება, ქალბატონო, თქვენ სახეზეც ვკითხულობ, როგორ იწვით ახლაო. ისე გააკეთა, რომ კიდევ ორი დღე მოგვცა შვილის ძებნის უფლება. არ გვქონდა უკვე ქართველებს ჩვენს მიწაზე თავისუფლად გადაადგილების უფლება. ამის შემდეგ სასწაული მოხდა და ვნახეთ ჩემი შვილი. ლამარა წიქარიძე ჩვენთან საუბრის დროს აცხადებს, რომ რუსეთი ოკუპანტი ქვეყანაა და ის მშვიდობიანი გზით დაკარგულ ტერიტორიებს არ გადმოგვცემს. “ომით დაკარგულ ტერიტორიას ომით დაბრუნება უნდა, სხვანაირად დაკარგულ ტერიტორიებს ვერ დავიბრუნებთ. მე, არ მჯერა რუსეთის კეთილსინდისიერების. აფხაზეთში იბრძოდნენ რუსები და ისინი აპირისპირებდნენ ქართველებს და აფხაზებს. თქვენ გგონიათ აფხაზები იბრძოდნენ თავიანთი ძმების წინააღმდეგ? ჩვენი ტანკები დაჩახჩახებდნენ, დანგრეულები. რუსების ტანკები კი დასრიალებდნენ, ანგრევდნენ შენობებს, გადამცემ ხაზებს, ელექტრო ბოძებს. ყველაფერი ჩემი თვალით ვნახე, რადგან ვიდრე ჩემი გარდაცვლილი შვილი არ ვნახე, მანამ არ დამიტოვებია სოხუმი.“ ზურის დაღუპვის შემდეგ, რამდენი თვეში სოფელ ნაგომარში მამამისი, სოსო წიქარიძე გარდაიცვალა. “10 წლის განმავლობაში სახლიდან არ გადავდიოდი. მაგრამ შემდეგ დავარწმუნე თავი, რომ ასე ცხოვრება აღარ შეიძლებოდა. შვილებს და შვილიშვილებს დახმარება უნდოდათ. ახლა კი მყავს ორი შვილი, შვიდი შვილიშვილი და ხუთი შვილთაშვილი. მინდა, რომ ეს თაობა მოესწროს საქართველოს მთლიანობას და მშვიდობიან ქვეყანაში ... ...
  • "გადაწყვეტილება შეიცვალა" _ ჩოხატაურელი და ლანჩხუთელი ბავშვები სწავლას მერხებთან გააგრძელებენცოტა ხნის წინ გავრცელდა ინფორმაცია, რომ გურიის რეგიონში ყველა საჯარო სკოლა ონლაინ სწავლებაზე გადავიდოდა. თუმცა, გადაწყვეტილება მალევე შეიცვალა და ცნობილი ხდება, რომ ჩოხატაურელი და ლანჩხუთელი ბავშვები სწავლას ისევ მერხებთან გააგრძელებენ. "საკოორდინაციო საბჭოს გადაწყვეტილებით, კორონავირუსის პანდემიით გურიის რეგიონში შექმნილი ვითარების გამო, ონლაინ სწავლების რეჟიმზე უნდა გადასულიყო რეგიონის ყველა საჯარო სკოლა. თუმცა, გადაწყვეტილებაში ჩაერია განათლების სამინისტრო და ვინაიდან, ჯერჯერობით, ჩოხატაურისა და ლანჩხუთის მუნიციპალიტეტში ვირუსი ისე ფართო მასშტაბით არაა გავრცელებული, როგორც ოზურგეთშია, გადაწყდა, რომ ლანჩხუთისა და ჩოხატაურის სკოლების ყველა მოსწავლე მერხებთან გააგრძელებს სასწავლო პროცესს", _ გვითხრა ჩოხატაურის რესურსცენტრის ხელმძღვანელმა შორენა ... ...
  • გურიაში ყველა სკოლა დისტანციურ სწავლებაზე გადადისსაკოორდინაციო საბჭოს გადაწყვეტილებით, გურიის რეგიონის ყველა სკოლა გადადის დისტანციურ სწავლებაზე. აღნიშნული გადაწყვეტილების მიხედვით მასწავლებლებს მიეცათ დავალება, რომ მოსწავლეები სკოლაში არ მისვლის შესახებ გააფრთხილონ, შეადგინონ ცხრილი საგნის მასწავლებლებთან შეთანხმებით, გაითვალისწინონ რომ 5 საათიან საგანს ექნება 3 ონლაინგაკვეთილი, 4 საათიანს-3, 3 საათიანს-2,  2 საათიანს - ... ...
  • "ქედს ვიხრი ჩვენი გმირების ხსოვნის წინაშე და ვუსამძიმრებ მათ ოჯახებს" _ ზურაბ ნასარაია (R)სოხუმის დაცემის 27-ე წლისთავთან დაკავშირებით გურიაში მხარისა და ადგილობრივი ხელისუფლების წარმომადგენლებმა, ვეტერანებთან ერთად დაღუპული გმირების ხსოვნას პატივი მიაგეს. ხელისუფლების წარმომადგენლებმა საქართველოს ტერიტორიული მთლიანობისათვის ბრძოლაში დაღუპულ გმირთა მემორიალი და ეროვნული გმირის, ზაზა დამენიას საფლავი გვირგვინებით შეამკეს. "საბრძოლო მოქმედებების დროს გურიიდან 40 ჯარისკაცი დაიღუპა და უგზო-უკვლოდ სამი მებრძოლი დაიკარგა. ქედს ვიხრი ჩვენი გმირების ხსოვნის წინაშე და ვუსამძიმრებ მათ ოჯახებს,“ - განაცხადა გურიის სახელმწიფო რწმუნებულმა, ზურაბ ნასარაიამ. ... ...

არქივი

ტესტები

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls