ნიმესილი, დიმედროლი, კეტონალი _ წამლები, რომლებიც ურეცეპტოდ აღარ გაიყიდება

მთავარი თემა

ნიმესილი, დიმედროლი, კეტონალი _ წამლები, რომლებიც ურეცეპტოდ აღარ გაიყიდება

2014 აგვ 14 14:32:41

ნიმესილი, დიმედროლი, სტრეპტომიცინი, ვიაგრასანი, დრამინა, ერითრომიცინი, კეტონალი, გლუკოზა,  _ ეს მედიკამანეტები 1 სექტემბრიდან რეცეპტის გარეშე აღარ გაიყიდება.

სამედიცინო საქმიანობის სახელმწიფო რეგულირების სააგენტომ უკვე გამოაქვეყნა იმ წამლების სია, რომელთა შეძენა რეცეპტის გარეშე ვეღარ მოხერხდება (წამლების სრული სია შეგიძლიათ იხილოთ ამ ბმულზე).

ურეცეპტოდ არ გაიცემა საინექციო ხსნარები, სიცხის დამწევი და ანთების საწინააღმდეგო საშუალებები, ასევე, ხველის საწინააღმდეგო და ამოსახველებელი საშუალებები.
სამედიცინო საქმიანობის სახელმწიფო რეგულირების სააგენტოს ინფორმაციით, ურეცეპტოდ გაიცემა 3 000-ზე მეტი მედიკამენტი. მათ შორის, კუჭ-ნაწლავის დაავადებების სამკურნალო პრეპარატები, ვიტამინები, მინერალები.

ამ ინფორმაციას უკვე მოჰყვა საზოგადოების უკმაყოფილება. უმრავლესობის აზრით ეს ცვლილება მოსახლეობას სერიოზულ პრობლემებს შეუქმნის.

ჯანდაცვის მინისტრი, დავით სერგეენკო კი ამბობს, რომ პანიკის საფუძველი არ არსებობს:

"მედიკამენტების წინასწარ მომარაგების არანაირი საჭიროება არ არის. რეცეპტებზე გადასვლის გარდამავალი გეგმა გათვლილი იქნა ერთი წლის განმავლობაში და ეს ეტაპობრივად ხორციელდებოდა. ცალსახად მინდა გავუსვა ხაზი და მივმართო მოსახლეობას, რომ არანაირი პანიკის საფუძველი არ არის. ურეცეპტო გაყიდვაში რჩება 3 300-ზე მეტი დასახელების მედიკამენტი, ხოლო ყველა აფთიაქში იქნება გადაუდებელი მედიკამენტების სპეციალური ჩამონათვალი, რომელიც უეცრად გაუარესებული ჯანმრთელობის შემთხვევაში, როცა ადამიანი იქვე აფთიაქთან ახლოს იმყოფება, სანამ ექიმთან მივა, შეეძლება, ყოველგვარი შეზღუდვის გარეშე შეიძინოს. იგივე შეეხება ქრონიკული დაავადების მქონე პაციენტებს. შემოდის ხანგრძლივი, ერთწლიანი მოქმედების რეცეპტი, ერთი გამოწერით მთელი წლის განმავლობაში შეეძლება შეიძინოს წამალი, ხოლო წელიწადში ერთხელ ქრონიკული დაავადების მქონე პაციენტი ისედაც უნდა მივიდეს ექიმთან. ჩვენ, რა თქმა უნდა, ყურადღებით ვადევნებთ თვალს როგორც სამოქალაქო საზოგადოების, ასევე სამედიცინო საზოგადოების აზრს და არ შემიძლია, გაკვირვება, განცვიფრება არ გამოვხატო ადამიანების ჯგუფისგან ერთგვარი მსუბუქი ცინიკური დამოკიდებულებით ამ საკითხისადმი. გარწმუნებთ, რომ ეს ძალიან სერიოზული თემაა და ჩვენ ბევრი ვიმუშავეთ იმისთვის, რომ დაგვებრუნებინა სისტემა ნორმალური კლინიკური მედიცინის ლოგიკისთვის", - განაცხადა სერგეენკომ ტელეკომპანია „რუსთავი 2-ის“ ეთერეში.
ჯანდაცვის სამინისტრომ  ოფიციალურ ვებგვერდზე  რეცეპტის ინსტიტუტის აღდგენასთან დაკავშირებით ხშირად დასმული კითხვები და პასუხებიც გამოაქვეყნა, რომელსაც „გურია ნიუსი“ უცვლელად გთავაზობთ:

_ როგორ გამოიწერება მედიკამენტი - სავაჭრო თუ ჯენერიული დასახელებით?

_ რეცეპტზე ფარმაცევტული პროდუქტი გამოიწერება გენერიკული დასახელებით (საჭიროების შემთხვევაში, შესაძლებელია, მიეთითოს სავაჭრო დასახელებაც). არაგენერიკული და კომბინირებული ფარმაცევტული პროდუქტი გამოიწერება სავაჭრო დასახელებით.

_  რამდენჯერ არის შესაძლებელი აფთიაქიდან ერთი და იმავე რეცეპტის საფუძველზე წამლის მიღება?

_ რეცეპტის ბლანკი დანომრილია და შედგება სამი (A, B და C) განყოფილებისაგან. B და C განყოფილება ექვსნაწილიანი, რაც იმას ნიშნავს, რომ შესაძლებელია ექიმის მიერ გამოწერილი რაოდენობა პაციენტმა შეიძინოს 6-ჯერადად აფთიაქ(ებ)ში ვიზიტის ფარგლებში.

_ რამდენი მედიკამენტი გამოიწერება ფორმა N3 რეცეპტზე?

_ იმის გათვალისწინებით, რომ რეცეპტის C განყოფილების (ე.წ. ,,მოსახევი“ ნაწილის) რაოდენობა მაქსიმალური ყოფილიყო, რეცეპტზე გამოიწერება მხოლოდ 1 დასახელების ფარმაცევტული პროდუქტი.

_ ფორმა N3 რეცეპტის გაცემა, უნდა იყოს თუ არა, დაფიქსირებული სამედიცინო დოკუმენტაციაში?

_ სამკურნალო საშუალების ფორმა N3 რეცეპტზე გამოწერის ფაქტი, კანონმდებლობის დაცვით სავალდებულოა აისახოს სამედიცინო დოკუმენტაციაში.

_ ვის აქვს ფორმა N3 რეცეპტის გამოწერის უფლება?

_ ფარმაცევტულ პროდუქტს ნიშნავს და რეცეპტზე გამოწერს დამოუკიდებელი საექიმო საქმიანობის სუბიექტი - სერტიფიცირებული ექიმი-სპეციალისტი.

_ რომელ ენაზე გამოიწერება რეცეპტი: ქართულ თუ ლათინურ ენაზე?

_ რეცეპტში ფარმაცევტული პროდუქტის დასახელება (მათ შორის, ოფიციალური ან მაგისტრალური რეცეპტით დასამზადებელი პრეპარატის შემადგენლობა), ფორმა და დოზა იწერება სახელმწიფო ან ლათინურ ენაზე. ლათინური შემოკლებების გამოყენება ნებადართულია მხოლოდ სამედიცინო და ფარმაცევტულ პრაქტიკაში დაშვებული ძირითადი სარეცეპტურო შემოკლებებით.

_ ჩაიწერება თუ არა დიაგნოზი?

_ დიაგნოზის მითითება რეცეპტზე სავალდებულო არ არის.

_ უნდა მიეთითოს თუ არა რეცეპტზე ექიმის საკონტაქტო ინფორმაცია?

_ რეცეპტში დამატებით (არასავალდებულო წესით) შესაძლებელია მიეთითოს რეცეპტის გამომწერი ექიმის და/ან სამედიცინო დაწესებულების საკონტაქტო ინფორმაცია (ტელეფონი და/ან მისამართი).

_ ვინ, ან როგორ ადგენს ე.წ. ,,სააფთიაქო ჩანთიდან“ მედიკამენტის გაცემის მიზანშეწონილობის საკითხს?

_ ექსტრემალურ შემთხვევებში, ფორმა N3 რეცეპტით გასაცემი მედიკამენტების ერთჯერადი დოზებით, ურეცეპტოდ გაცემის მიზანშეწონილობას ადგენს აფთიაქის შესაბამისი უფლებამოსილი პირი.

_ როგორ ამოწმებს ექიმი რეცეპტს? აუცილებელია თუ არა დაწესებულების ბეჭედი?

_ რეცეპტის A განყოფილება მოწმდება გამომწერი ექიმის ხელმოწერითა და პირადი ბეჭდით ან გამომწერი ექიმის ხელმოწერითა და სამედიცინო დაწესებულების ბეჭდით (შტამპი).

_ როგორია რეცეპტის მოქმედების ვადა?

_ რეცეპტის მოქმედების ვადას, დიაგნოზისა და მკურნალობის კურსის ხანგრძლივობის შესაბამისად, ადგენს ექიმი.

_ ხომ არ შექმნის რეცეპტის ინსტიტუტი პრობლემას ქრონიკული ან ხანგრძლივად მიმდინარე დაავადებების შემთხვევაში?

_ ქრონიკული ან ხანგრძლივად მიმდინარე დაავადებების შემთხვევაში, რეცეპტის ვადა განისაზღვრება არაუმეტეს ერთი წლით.

_ როგორ უნდა შეივსოს B და C განყოფილება აფთიაქში და ვინ ავსებს მას?

_ რეცეპტის B და C განყოფილება ივსება აფთიაქში რეალიზაციაზე უფლებამოსილი პირის მიერ. რეცეპტის B განყოფილების თითოეული ნაწილი უნდა დამოწმდეს ამ დაწესებულების ბეჭდით. რეცეპტის C განყოფილებაში ფარმაცევტული პროდუქტის დასახელება მიეთითება სავაჭრო დასახელებით. ფთიაქში რეცეპტის წარდგენისას და რეცეპტზე გამოწერილი ფარმაცევტული პროდუქტის არასრულად შეძენისას, C განყოფილებაში შევსებულ უჯრას იტოვებს აფთიაქი, ხოლო B განყოფილება რჩება რეცეპტის ძირითად A ნაწილთან ერთად.

_ რჩება თუ არა რეცეპტი აფთიაქში?

_ რეცეპტის ვადის ამოწურვის, ან გამოწერილი ფარმაცევტული პროდუქტის სრულად გაცემის შემთხვევაში, რეცეპტი რჩება აფთიაქს.

_ რამდენ ხანს ინახება რეცეპტი აფთიაქში?

_ აფთიაქის პასუხისმგებელი პირი ვალდებულია, ფარმაცევტული პროდუქტის გაცემისას C განყოფილების შევსებული ვერსია და/ან რეცეპტი შეინახოს ფარმაცევტული პროდუქტის გაცემიდან 6 თვის განმავლობაში.




 ახალი ამბები
  • ე.წ. პიჯაკების საქმე - ბრალდების მხარის მთავარი მოწმის, ოთარ ქველიძის დაკითხვა გადაიდოე.წ პიჯაკების საქმეზე დღევანდელი სასამართლო პროცესი გადაიდო. სხდომაზე ბრალდების მხარის ერთ-ერთი მთავარი მოწმის ოთარ ქველიძეს გამოკითხვა იყო დაგეგმილი. ქველიძე სახელმწიფო დაცვის სპეციალურ სამსახურს თემურ ჯანაშიას დანიშვნამდე ხელმძღვანელობდა. მისი დაკითხვა 16 მაისს, 11:00 საათზე მოხდება. დღევანდელ სხდომაზე რამდენიმე შუამდგომლობა დააყენეს თემურ ჯანაშიას უფლებადამცველებმაც. ბექა ბასილაიას განცხადებით, წერილი, რომელიც მან პრეზიდენტის ადმინისტრაციიდან გამოითხოვა ადასტურებს, რომ 2013 წლიდან, ისევე როგორც მანამდე, პრეზიდენტისთვის გარკვეული თანხები იხარჯებოდა და ის გრიფით საიდუმლოა. მოსამართლემ დაცვის მხარის შუამდგომლობები არ გაითვალისწინა. „პროკურატურა ამბობს, რომ ფარული ხარჯები უკანონოდ იყო ფარულიო. დღეს გვაქვს მოცემულობა, რომ 2019 წელსაც კი მსჯელობენ ფარული უდნა ყოფილიყო, თუ არ უნდა ყოფილიყო და დღემდე ფარულია. ეს ადასტურებს ორ გარემოებას:  ერთი, თეიმურაზ ჯანაშიას მიმართ მიმდინარეობს შერჩევითი მართლმსაჯულება, მეორე -  საპრეზიდენტო ხარჯები გაიწეოდა და გაიწევა დღესაც მიუხედავად იმისა, ვინ იმყოფება ხელისუფლებაში", _ აცხადებს ... ...
  • 19 აპრილს შშმ პირთა დასაქმების თბილისის ფორუმი გაიმართებასოციალური მომსახურების სააგენტოსა და განათლების განვითარების და დასაქმების ცენტრის ორგანიზებით, 19 აპრილს, სავაჭრო ცენტრ „თბილისი მოლში“, შეზღუდული შესაძლებლობების მქონე პირთა დასაქმების ფორუმი გაიმართება. სამუშაოს მაძიებელ შეზღუდული შესაძლებლობების მქონე პირებს საშუალება ექნებათ, ადგილზევე დარეგისტრირდნენ სოციალური მომსახურების სააგენტოს საინფორმაციო პორტალზე - worknet.gov.ge. ფორუმის მიმდინარეობისას, შეზღუდული შესაძლებლობების მქონე პირები არსებულ ვაკანსიებს გაეცნობიან და პოტენციურ დამსაქმებლებთან პირდაპირ კომუნიკაციას დაამყარებენ. დასაქმების ფორუმზე, სამუშაოს მაძიებელ შშმ პირებს აქტიურ ვაკანსიებს 20-ზე მეტი საშუალო და მსხვილი კომპანია შესთავაზებს. შეზღუდული შესაძლებლობების მქონე პირთა დასაქმების ფორუმი 13:00 საათზე დაიწყება და 15:00 საათამდე ... ...
  • „არ არსებობს წითელი ხაზი, რომელიც “ოცნებამ“ არ გადაკვეთა“_ სოსო ცინცაძე „ქართულ პარლამენტარიზმში ისეთი დრო დადგა, საკანონმდებლო ორგანოში დეპუტატების მიერ გაკეთებულ განცხადებებს სერიოზულად აღარ აღვიქვამ. „ქართული ოცნება“ დღითიდღე ამტკიცებს, რომ ქვეყნის მართვის სადავეების შესანარჩუნებლად ყველაფერზეა წამსვლელი, მათ შორის, საარჩევნო პროცესში ქურდული სამყაროს ჩართვაზეც, რაც საპრეზიდენტო არჩევნების პერიოდში დაფიქსირდა“, _ აღნიშნა „გურია ნიუსთან“ პოლიტიკის ექსპერტმა სოსო ცინცაძემ. მისივე თქმით, „ქართული ოცნების“ თავმჯდომარე ბიძინა ივანიშვილმა უამრავი შეცდომა დაუშვა, მათ შორის, ივანიშვილის არაპრაგმატულ პოლიტიკაზე მეტყველებს ის ფატი, რომ ყოფილი თანამებრძოლები გადაიმტერა. „ფაქტობრივად, არ არსებობს წითელი ხაზი, რომელიც მმართველმა პარტიამ არ გადაკვეთა. პარტიის ხელმძღვანელი ბიძინა ივანიშვილი უამრავ შეცდომას უშვებს, მათ შორის, თანამებრძოლები, რომლებიც თანამოაზრეებად უნდა გადაექცია, გადაიმტერა. ქვეყანაში შექმნილი რთული ვითარების ფონზე, 2020 წლის საპარლამენტო არჩევნებში მმართველ პარტიას გამარჯვების ნაკლები შანსი აქვს. რაც შეეხება ოპოზიციას, გაერთიანებული ოპოზიცია „ნაციონალური მოძრაობის“ გარეშე გამარჯვებას ვერ მოიპოვებს“, _ აღნიშნა ... ...
  • "საპარლამენტო უმრავლესობა ვენეციის კომისიის რეკომენდაციებიდან ორის გათვალისწინებას გეგმავს"საპარლამენტო უმრავლესობა ვენეციის კომისიის რეკომენდაციებიდან ორის გათვალისწინებას გეგმავს, – ამის შესახებ ჟურნალისტებს საპარლამენტო უმრავლესობის ლიდერმა, არჩილ თალაკვაძემ უმრავლესობის სხდომის შემდეგ განაცხადა. არჩილ თალაკვაძის თქმით, კერძოდ, საუბარია საკვალიფიკაციო გამოცდის მოხსნისა და ინტერესთა კონფლიქტის რეკომენდაციებზე. რაც შეეხება რეკომენდაციებს, რომლებიც არჩილ თალაკვაძის თქმით, პოლიტიკური ხასიათის არის, მათ პოლიტიკური გადაწყვეტილების მიღების დროს განიხილავენ. „უმრავლესობის მეორე სამუშაო შეხვედრა დასრულდა, რომელიც ვენეციის კომისიის რეკომენდაციებს უკავშირდებოდა. როგორც პირობა დავდეთ, ვენეციის კომისიის სამართლებრივ რეკომენდაციებს გავითვალისწინებთ და კანონპროექტში ავსახავთ. უკვე დღესვე განახლდება კანონპროექტის განხილვა. ხოლო ის რეკომენდაციები, რომელიც პოლიტიკურ საკითხებს უკავშირდება, იქნება განხილული პოლიტიკური გადაწყვეტილების მიღების დროს. კერძოდ იყო საუბარი ინტერესთა კონფლიქტის შესახებ რეკომენდაციაზე, რომელსაც ჩვენ გავითვალისწინებთ და მკაფიოდ დავარეგულირებთ ამ საკითხს. კიდევ უფრო დეტალურად გავწერთ კანონპროექტში. პრაქტიკულად ეს რეკომენდაცია სრულად შესრულდება. მეორე საკითხი ეხებოდა გამოცდის თემას. ვენეციის კომისიის რეკომენდაცია პირდაპირ არ მიგვითითებდა, რომ გამოცდა გაგვეუქმებინა. გვეუბნებოდა, რომ ამ საკითხს დავუბრუნდეთ და კიდევ ერთხელ ვიმსჯელოთ. ჩვენ ვიმსჯელეთ და მივიღეთ გადაწყვეტილება, რომ შესაძლებელია გამოცდის ამოღებაც კრიტერიუმებიდან“, – აღნიშნა არჩილ თალაკვაძემ. ვენეციის კომისიის დასკვნის თანახმად, ინტერესთა კონფლიქტის თავიდან არიდების მიზნით, იუსტიციის საბჭოს წევრი, რომელიც არის კანდიდატი, არ უნდა მონაწილეობდეს პროცედურებში, რომელიც უზენაესი სასამართლოს მოსამართლეობის კანდიდატების შერჩევას და ნომინირებას უკავშირდება. ასევე, დამატებით, სხვა სიტუაციებიც გასათვალისწინებელია, მაგალითად, როდესაც მეუღელე ან ახლო ნათესავია კანდიდატი. ... ...
  • საპენსიო სააგენტოს დირექტორი საქართველოს რკინიგზის 200-მდე თანამშრომელს შეხვდა საპენსიო სააგენტოს დირექტორი საქართველოს რკინიგზის 200-მდე თანამშრომელს შეხვდა და საპენსიო რეფორმის დეტალებისა და ამ დროისათვის არსებული მონაცემების შესახებ ინფორმაცია მიაწოდა. როგორც "საპენსიო სააგენტოს" დირექტორმა, ლევან სურგულაძემ განაცხადა, მსგავსი შეხვედრები საკმაოდ მნიშვნელოვანია , რათა დასაქმებულები სათანადოდ იყვნენ ინფორმირებულნი დაგროვებითი საპენსიო სისტემის დადებითი მხარეების შესახებ. "დაახლოებით 8 წელი ვიყავი რკინიგზის სამეთვალყურეო საბჭოს წევრი, ამიტომ საკმაოდ ემოციური იყო რკინიგზის თანამშრომლებთან შეხვედრა. ვუპასუხე მათ კითხვებს რეფორმის შინაარსის, მისი სიკეთეებისა და ტექნიკური საკითხების შესახებ. კითხვები ასევე შეეხო უსაფრთხოებას და რისკებს და მინდა ვთქვა, რომ სახელმწიფო და საპენსიო სააგენტო თავისი საქმიანობიდან გამომდინარე უზრუნველყოფს სქემაში ჩართული ადამიანების ინტერესების მაქსიმალურ დაცულობას. ამასთან საპენსიო რეფორმა მოწინავე დასავლურ სტანდარტებს ეფუძნება და აქედან გამომდინარე უსაფრთხოების საკმაოდ მაღალ ხარისხს უზრუნველყოფს მონაწილეთათვის.საპენსიო სააგენტო ყოველთვის მზადაა მსგავსი შეხვედრებისთვის," _ განაცხადა ლევან სურგულაძემ. როგორც "საქართველოს რკინიგზის" ადამიანური რესურსების მართვის მენეჯერმა ნინო ჩხაიძემ განმარტა, კომპანიამ " საპენსიო სააგენტოს" დირექტორის მოწვევა დასაქმებულების მხრიდან კითხვების სიმრავლის გამო გადაწყვიტა. "საქართველოს რკინიგზაში 12 000-ზე მეტი ადამიანი მუშაობს. მათ საკმაოდ ბევრი კითხვა ჰქონდათ სქემაში ნებაყიფლობით გაწევრიანებაზე, რეფორმის დადებით მხარეებსა და ტექნიკურ დეტალებზე ამიტომ დავუკავშირდით "საპენსიო სააგენტოს" და დღევანდელ შეხვედრაზე ჩვენმა თანამშრომლებმა არსებულ კითხვებზე უშუალოდ სააგენტოს დირექტორისგან მიიღეს კომპეტენტური პასუხები," _ განაცხადა ნინო ჩხაიძემ. ცნობისთვის, ამ ეტაპზე დაგროვებით საპენსიო სისტემაში, 49 000 კომპანიაა უკვე ჩართული და 740 000 პირადი ანგარიშია გახსნილი, საპენსიო დანაზოგის მოცულობა 165 მლნ ლარია, ამ თანხაზე დარიცხული სარგებელი კი 680 000 ლარს შეადგენს. ... ...

არქივი

ზაფრანი

რატომ უნდა მივბაძოთ ბავშვებს

ნებისმიერი ადამიანი ზოგჯერ ბავშვობაში უნდა...

ელტონ ჯონის „საბედისწერო“ სტილი

ელტონ ჯონზე სტილისტები ამბობენ, ისე...

შვიდი დღე გასალამაზებლად

ნამდვილად არ გაწყენთ, სულ რაღაც...

ქრონიკული დაღლილობა ვირუსით არის გამოწვეული

ადამიანის დაღლილობა, შეიძლება, ვირუსით იყოს...

„რაინდი მანდილოსნები“

გაგიკვირდებათ და ჰოლივუდელი ქალბატონების ერთი...

ხორცი _ დამამშვიდებელი საშუალება

„მადის მომგვრელი ხორცის ნაჭერი დამამშვიდებლად...
კარმიდამო ჩემი

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...

ნუ ეხუმრებით გაციებას!

გაციება სიცივის დადგომისთანავე ვლინდება. ბევრი...