დაარღვია თუ არა კანონი პროკურატურამ ჯანმრთელობის შესახებ ინფორმაციის გამოქვეყნებით

მთავარი თემა

დაარღვია თუ არა კანონი პროკურატურამ ჯანმრთელობის შესახებ ინფორმაციის გამოქვეყნებით

2014 აგვ 14 17:43:36

გუშინ, საქართველოს მთავარმა პროკურატურამ, საქართველოს ყოფილი პრეზიდენტი მიხეილ სააკაშვილი და სახელმწიფო დაცვის სპეციალური სამსახურის ყოფილი უფროსი თეიმურაზ ჯანაშია დიდი ოდენობით საბიუჯეტო თანხების გაფლანგვის ფაქტზე, ბრალდებულის სახით, სისხლის სამართლის პასუხისგებაში მისცა.

საქმე ეხება სააკაშვილისა და ჯანაშიას მიერ, სახელმწიფოს კუთვნილი 8 837 461 ლარის გაფლანგვის ფაქტს.

მთავარი პროკურატურის ოფიციალურ ვებგვერდზე დევს ინფორმაცია სათაურით: “მთავარმა პროკურატურამ . სააკაშვილს და . ჯანაშიას სახელმწიფოს კუთვნილი 8 837 461 ლარის გაფლანგვის ფაქტზე ბრალდებულად სცნო”, სადაც ჩამოთვლილია საქართველოს პრეზიდენტის ადმინისტრაციისა და სსიპ სახელმწიფო უზრუნველყოფის სააგენტოს მიერ კოსმეტიკური პროცედურებისთვის ; სხვადასხვა ხარჯების ასანაზღაურებლად;  ალი კამალის, გიორგი უგულავას სასტუმროების მომსახურებაში; უსოვების სასტუმრო მომსახურებაში; სამგზავრო ბილეთებისთვის; ავიალაინერის დაქირავებისათვის; ავტომანქანების დაქირავებისათვის; 7 პიჯაკისა და ნახატის შესაძენად გახარჯული თანხების ნუსხა.

„კოსმეტიკური პროცედურებისთვის“ მიმაგრებულ pdf საქაღალდეში დევს 2010 წლის 24 მარტს, გერმანიაში შეძენილი ორი წამლის ქვითარი. წამლის შემძენი არის ვინმე გიორგი ქობულაშვილი. ქვითრის მიხედვით, ორივე წამალის შეძენა აფთიაქ „Obere Apotheke“-ში მოხდა.

დასახელებული პრეპარატი _ „Pollstimol“-ის ერთ შეფუთვაში 53.90 ევრო, ხოლო პრეპარატში _ „Alna Ocas“ 105.17 ევროა გადახდილი. მთლიანობაში ქობულაშვილმა აფთიაქში 159.07 ევრო დახარჯა.

რა თქმა უნდა, ქვითრის მიხედვით ჭირს იმის დადგენა, ბატონმა გიორგიმ თავისთვის შეიძინა ბიუჯეტის თანხით აღნიშნული წამლები თუ ყოფილი პრეზიდენტის მიხეილ სააკაშვილისთვის. თუმცა, პროკურატურის მიერ გამოქვეყნებული წამლის დასახელებით, ადვილი შესაძლებელია დადგინდეს თუ რა დაავადების სამკურნალოდ გამოიყენება აღნიშნული პრეპარატი.

„გურია ნიუსს“ არ გაჭირვებია ინფორმაციის მოძიება აღნიშნულ პრეპარატებთან დაკავშირებით _ „Pollstimol“ არის პრეპარატი, რომელიც გამოიყენება პროსტატის კეთილთვისებიანი ჰიპერპლაზის, ანუ პროსტატის ადენომის სამკურნალოდ.

"ALNA ocas“ შეიცავს აქტიურ ნივთიერება ტამსულოზინს, რომელიც შედის ნარკოტიკების ჯგუფში და იგი უზრუნველყოფს შარდის უფრო ადვილად გამოდინებას.

pdf საქაღალდეში, ასევე, დევს ინფორმაცია მიხეილ სააკაშვილის შვილის, ედუარდ სააკაშვილის ჯანმრთელობის შესახებ, რითიც დგინდება რომ, იგი 2010 წლის 5 იანვარს იმყოფებოდა გერმანიაში, კერძოდ კი ბერლინის ერთ-ერთ ოტოლარინგოლოგიულ კლინიკაში, პროფესორ ბერგჰაუზთან, სადაც გარკვეული სამედიცინო გამოკვლევები ჩაიტარა და დაუდგინდა შესაბამისი დიაგნოზი. აქ პირდაპირ მითითებულია, რომ გადამხდელი მიხეილ სააკაშვილია, პაციენტი კი - ედუარდ სააკაშვილი.

დაარღვია თუ არა მთავარმა პროკურატურამ კანონი, საკუთარ ოფიციალურ ვებგვერდზე ედურდ სააკაშვილის ჯანმრთელობის შესახებ ინფორმაციის, წამლების დასახელების და შემძენის სახელი და გვარის გამოქვეყნებით? ამასთან დაკავშირებით „გურია ნიუსი“ საქართველოს მთავარ პროკურატურას დაუკავშირდა.

 საზოგადოებასთან ურთიერთების სამსახურის ხელმძღვანელის ნათია სუხიტაშვილის განმარტებით, ამ დოკუმენტით არ ხდება პირის იდენტიფიკაცია:

 _ როგორც ამიხსნეს, ეს არის უმნიშვნელო ხარჯი. ამით ვაჩვენეთ ის, რომ სახელმწიფო თანხა იაფფასიან წამლებშიც კი იხარჯებოდა. რეალურად, პირის იდენტიფიცირება ამით არ ხდება და კანონი არ დარღვეულა. არსად წერია, რომ ეს წამალი მიხეილ სააკაშვილისთვის შეძენილი. საუბარია ხარჯებზე, რომელიც მიხეილ სააკაშვილისთვის და სხვა პირებისთვის დაიხარჯა. ამ ქვითარზე კონკრეტულად არ ჩანს, ვისთვის არის დახარჯული. ეს თვალსაჩინოებისთვის არის წარმოდგენილი, რომ ასეთ იაფფასიან წამლებსაც კი სახელმწიფო თანხით ყიდულობდნენ.

_ მთავარმა პროკურატურამ მიხეილ სააკაშვილს ბიუჯეტის თანხების არამიზნობრივად ხარჯვის ნაწილში ბრალი წაუყენა. ოფიციალურ ვებგვერდზე ქვითრები გაქვთ გამოქვეყნებული, სადაც პრეპარატების დასახელებაც წერია და კონკრეტული პირის სახელიც და გვარიც.

_ გასაგებია. მაგრამ, აქ არ არის საუბარი იმაზე, რომ ეს ხარჯები პირადად სააკაშვილისთვის გაიხარჯა, ან უშუალოდ იყიდა და ეს თანხები მან მოიხმარა. აქ საუბარია იმაზე, რომ მისი გადაწყვეტილებით, სხვადასხვა პირებისთვის, ასევე მისი ოჯახის წევრებისთვის, ახლობლებისთვის, მეგობრებისთვის, სტუმრებისთვის, მისთვისაც, ასეთი ფორმით ხდებოდა სახელმწიფოს კუთვნილი თანხების ხარჯვა.

_ მთავარი პროკურატურის მიერ გამოქვეყნებულ ქვითარში წერია პრეპარატების დასახელება. ასე საკმაოდ მარტივია დადგინდეს, რა დაავადების სამკურნალოდ გამოიყენება კონკრეტული წამალი. რატომ არ დაშტრიხა პროკურატურამ ოფიციალურ ვებგვერდზე გამოქვეყნებულ ქვითარში პრეპარატის დასახელება?

_ ეს არაფერს უშლის ხელს, პირის იდენტიფიცირება არ ხდება. ეს თვალსაჩინოებისთვის არის წარმოდგენილი. ვთქვათ 5 და 95 ღირს, ხომ? აი, ამ მცირე თანხასაც სახელმწიფო ბიუჯეტიდან იხდიდნენ. აქ ამაზეა საუბარი. აქ ნამდვილად არ არის მითითებული, ხარჯი ეკუთვნის თუ არა, ანუ არის თუ არა ეს წამლები სააკაშვილისთვის ნაყიდი. ამ დოკუმენტში, საუბარი იმაზე, რომ მიხეილ სააკაშვილმა გასცა ნებართვა, ეყიდათ, აი ეს წამლები. ვისთვის არის, ამის იდენტიფიცირება არ ხდება. რა თქმა უნდა, პირადად მისთვისაც დაიხარჯა, მაგრამ, მისი განკარგულებით სხვა პირებისთვისაც ხდებოდა ამ თანხების დახარჯვა.

დაარღვია თუ არა კანონი მთავარმა პროკურატურამ და გასცა თუ არ პერსონალურ მონაცემთა საიდუმლო, ამის შესახებ პერსონალურ მონაცემთა დაცვის ინსპექტორი თამარ ქალდანი „გურია ნიუსთან“  ამბობს:

_ წამლების რაოდენობაში, დასახელებაში და ფასში შეიძლება საერთოდ არ იყოს პერსონალური ინფორმაცია. აქედან გამომდინარე, თუ წამლის შეძენის ქვითარი პირდაპირ, ან ირიბად არ იძლევა კონკრეტული ადამიანის ჯანმრთელობის მდგომარეობის შესახებ ინფორმაციის იდენტიფიცირების საშუალებას, ეს ქვითარი არ არის პერსონალურ მონაცემი.

მიხეილ სააკაშვილსა და თეიმურაზ ჯანაშიას ედავებიან ბიუჯეტის არამიზნობრივ ხარჯვას. იქ ჩამოთვლილია სხვადასხვა ადამიანებისთვის სასტუმროს მომსახურება და ა. შ. „კოსმეტიკური პროცედურების“ თემებში ზუსტად წერია რისთვის არის ეს პროცედურები გამოყენებული. ყოფილი პრეზიდენტი ამ მომსახურების მიმღები იყო, თუმცა, კოსმეტიკური პროცედურა, პირდაპირ ჯანმრთელობის მდგომარეობას არ ნიშნავს.

_ აქ საუბარია პროკურატურის ვებგვერდზე გამოქვეყნებულ ორ პრეპარატზე, რომლებიც პროსტატის კეთილთვისებიანი ჰიპერპლაზის სამკურნალოდ გამოიყენება და შემძენის ვინაობაც კარგად ჩანს...

_ იმ წამლებით, რომლებიც ადამიანის ჯანმრთელობისა და კონკრეტული დაავადების დადგენის შესაძლებლობას იძლევა, ზუსტად არ ვიცი, რამდენად შესაძლებელია მოხდეს პირის იდენტიფიცირება. საუბარია მისი ჯანმრთელობის მდგომარეობაზე. ვთქვათ, იმ დაავადებების მიხედვით, რომელიც ჩამოთვალეთ, თუ პირის იდენტიფიცირება შეგვიძლია, ასეთი ინფორმაციის დამუშავება შესაძლებელია საგამოძიები საქმის წარმოებისთვის, მაგრამ ასეთი ტიპის ინფორმაციის გამოქვეყნება, გასაჯაროება და ა.შ. აუცილებლად კანონთან შესაბამისად უნდა იყოს დასაბუთებული. თუ ასეთი დასაბუთება არ გვაქვს და კანონში არ არის საფუძველი ასეთი ინფორმაციის გასაჯაროებისა, რა თქმა უნდა, ეს არ უნდა ხდებოდეს.

_ მთავრი პროკურატურის ვებგვერდზე გამოქვეყნებულ ქვითარზე წერია შემძენის სახელი და გვარ რომელმაც გერმანიაში შეიძინა აღნიშნული პრეპარატები.

_ ეს უკვე გამოძიების დეტალებია. მაგალითად, შეიძლება მე რეცეპტით მივიდე და შემძენი ვიყო, მაგრამ ამ მედიკამენტს სხვისთვის ვყიდულობდე. შეიძლება ინვოისი ჩემს სახელზე იყოს გამოწერილი, მაგრამ, ეს არ ნიშნავს, რომ მე მივიღე ეს მომსახურება. თავისთავად, ჯანმრთელობის მდგომარეობა არის განსაკუთრებული მონაცემი და უფრო მეტი დაცულობით სარგებლობს, ვიდრე ჩვეულებრივი მონაცემი. რა თქმა უნდა გამოძიების მიზნებისთვის საგამოძიებო უწყებებს შეუძლიათ ასეთი ტიპის ინფორმაციის მოძიება და სასამართლოში წარდგენა. მაგრამ, როდესაც ასეთი ინფორმაციის გასაჯაროება-გამოქვეყნება ხდება, თუ ის იძლევა კონკრეტული პირის ჯანმრთელობის მდგომარეობის იდენტიფიცირების შესაძლებლობას და ეს ინფორმაცია ნამდვილად მიეკუთვნება განსაკუთრებული კატეგორიის მონაცემს, მისი გასაჯაროება უნდა მოხდეს მხოლოდ კანონით განსაზღვრულ შემთხვევებში.

როდესაც საქმე ეხება სენსიტიურ მონაცემებს, სიფრთხილეა საჭირო. ასეთი ინფორმაცია უნდა დაიშტრიხოს, არ უნდა გასაჯაროვდეს და ა. შ. რამდენად კანონიერია ამა თუ იმ ინფორმაციის გასაჯაროება, სხვისთვის მიწოდება, ამის დასაბუთება ყოველთვის უნდა არსებობდეს.

_ მთავარი პროკურატურის არგუმენტია, რომ ქვითრები მხოლოდ თვალსაჩინოების მიზნით დადეს.

_ ყველა უნდა მოქმედებდეს თავისი კომპეტენციის ფარგლებში. პროკურატურის განცხადებიდან გამომდინარე, ჩვენ ასეთი აღქმა დაგვრჩა, რომ ეს არის კონკრეტული დანაშაულის გამოძიება. რადგან კონკრეტულ დანაშაულზე, არამიზნობრივ ხარჯვაზე იყო საუბარი. ჩვენი მოლოდინია, რომ ეს მტკიცებულებები შესაბამისად იქნას გამოკვლეული, თუ ეს არის დანაშაული გამოძიების მიზნებისთვის, ამ შემთხვევაში კანონის მოქმედება არ ვრცელდება მოქმედი რედაქციით, რომელიც 1 სექტემბრიდან იცვლება და სხვა რეალობა გვექნება.

იმისთვის რომ ამ აქტის ზუსტი, კონკრეტული შეფასება გითხრათ, ნადვილად არ ვფლობ ინფორმაციას ზუსტი დეტალებით, ვისი მონაცემია, რა იყო მიზანი, რა საფუძველით და ა. შ.




 ახალი ამბები
  • თალაკვაძე: "მათი მთავარი ამოცანა დესტაბილიზაციაა"ვანო მერაბიშვილის განცხადებამ კიდევ ერთხელ აჩვენა, რომ ნაციონალურ მოძრაობას და ოპოზიციის ამ ნაწილს აქვს დესტრუქციული დღის წესრიგი - არჩევნები მათ არ სურთ,_ ასე გამოეხმაურა პარლამენტის თავმჯდომარე, არჩილ თალაკვაძე ვანო მერაბიშვილის მიერ ციხის დატოვებისას გაკეთებულ განცხადებას.  „მისმა განცხადებამ კიდევ ერთხელ აჩვენა, რომ ნაციონალურ მოძრაობას და ოპოზიციის ამ ნაწილს აქვს დესტრუქციული დღის წესრიგი. მათი მიზანი არ არის დემოკრატიული არჩევნები და შეთანხმება რაიმეზე, მათი მთავარი მიზანი, პოლიტიკური სურვილი და მთავარი ამოცანა არის დესტაბილიზაცია და რაიმე ცვლილებების მოპოვება საარჩევნო ყუთის გვერდის ავლით",_ ამის შესახებ საქართველოს პარლამენტის თავმჯდომარე არჩილ თალაკვაძემ ჟურნალისტებთან განაცხადა. პარლამენტის თავმჯდომარის განცხადებით, ხელისუფლება არავის მისცემს დესტაბილიზაციის საშუალებას და მომავალთან დაკავშირებით მოქალაქეები მიიღებენ გადაწყვეტილებას დემოკრატიული და  თავისუფალი არჩევნების გზით. „მე  მოვისმინე ბატონი რომან გოცირიძის საოცარი განცხადება, სადაც, მან თქვა, რომ "დამხობა" არის მხატვრული სიტყვა, არ გამოვრიცხავ, რომ უკვე ხვალ თქვან, რომ "დამხობა" არის მერიონ რასელის  ნახატი. ასე ეცდებიან ეს ადამიანები, რომ თავისი უპასუხისმგებლობა აჩვენონ სახელმწიფო ინტერესების მიმართ. რეალურად, ჩვენ არავის მივცემთ საშუალებას, რომ ქვეყანაში დესტაბილიზაცია შექმნას. ჩვენ გვჯერა ჩვენი საზოგადოების, ვენდობით ჩვენს მოქალაქეებს და პატივს ვცემთ  გადაწყვეტილებას, რომელსაც ისინი მიიღებენ დემოკრატიული, თავისუფალი არჩევნების გზით",_ განაცხადა არჩილ ... ...
  • ავტოსაგზაო შემთხვევა სოფელ ბობოყვათში - არის მსხვერპლი ქობულეთის მუნიციპალიტეტის სოფელ ბობოყვათში მომხდარი ავტოსაგზაო შემთხვევის შედეგად ერთი ადამიანი გარდაიცვალა. როგორც "გურია ნიუსს" ერთ-ერთმა თვითმხილველმა განუცხადა, მსუბუქი ავტომობილი გზის სავალი ნაწილიდან გადავიდა. რა გახდა ავტოსაგზაო შემთხვევის გამომწვევი მიზეზი, ჯერჯერობით, უცნობია. შსს-მ მომხდარ ფაქტზე გამოძიება სსკ-ის 276-ე მუხლით ... ...
  • „ან ბოდიში მოიხადე, ან სინანული დაგეტყოს ვის ემუქრები?“_ ხიდაშელი მერაბიშვილსვანო მერაბიშვილის საპატიმროდან გამოსვლას სოციალურ ქსელში  ეხმაურება თავდაცვის ყოფილი მინისტრი, თინა ხიდაშელი. „ქალაქში ახალი ცირკი ჩამოდგება დღეიდან. ყოველ ჯერზე როდესაც დღეს ციხიდან გამოსულ კაცზე ისაუბრებთ, ან ეთერში გეყოლებათ ან მის გმირად და რეჟიმის მსხვერპლად წარმოჩენას შეეცდებით ნუ დაგავიწყდებათ, რომ ამით გმირულ საქციელად მიიჩნევთ: პოლიციურ რეჟიმს, რეპრესიებს, დემონსტრაციის შემდეგ დატოვებულ გვამებს, მოპარულ არჩევნებს, ასობით გადამალულ და სასტიკად ნაცემ დემონტრანტს. ნუ დაგავიწყდებათ რომ სწორედ ეს კაცია შემოქმედი ქვეყანაში იმ ბოროტების მანქანის რომელიც დღემდე ვერ მოვიცილეთ. PS ან ბოდიში, მოიხადე, ან სინანული დაგეტყოს  ვის ემუქრები? შენ რომ დაამხობ და მერე დაბრუნდები, ის ხელისუფლება ისევ დასამხობი, რომ იქნება კი უნდა ხვდებოდე უკვე “ – წერს თინა ხიდაშელი. ... ...
  • იმპერატორის დაბადების დღისადმი მიძღვნილი საღამო იაპონიის საელჩოშისტუმართა შორისაა სამტრედიის მუნიციპალიტეტის მერი ვალერიანე ფოცხვერია, რომელიც შეხვედრაზე მიტოიოს მერიამ ... ...
  • „საქართველოს წარმომადგენლების ნამუსზე ვტოვებთ"_ კრემლი კიბერშეტევაზესაქართველოს საგარეო საქმეთა სამინისტროს მიერ  კიბერშეტევასთან რუსეთის კავშირზე გაკეთებულ განცხადებას რუსეთი გამოეხმაურა. „ამ კომენტარს საქართველოს იმ წარმომადგენლების ნამუსზე ვტოვებთ, ვინც ეს გააკეთა. რუსეთი არ აპირებდა და არ აპირებს რაიმე ფორმით ჩაერიოს საქართველოს შიდა საქმეებში”, _ განაცხადა რუსეთის საგარეო საქმეთა მინისტრის მოადგილემ, ანდრეი რუდენკომ. ცნობისთვის, საგარეო საქმეთა სამინისტროში დღეს გამართულ ბრიფინგზე განაცხადეს, რომ  2019 წლის 28 ოქტომბერს საქართველოში განხორციელდა ფართომასშტაბიანი კიბერშეტევა საქართველოს პრეზიდენტის ადმინისტრაციის, სასამართლო სისტემის, სხვადასხვა მუნიციპალიტეტის საკრებულოების, სახელმწიფო, კომერციული და მედია ორგანიზაციების ვებგვერდებზე, სერვერებსა და სხვა მართვით სისტემებზე. კიბერშეტევის შედეგად დაზიანდა ზემოაღნიშნული ორგანიზაციების სერვერები, მართვითი სისტემები და მნიშვნელოვნად შეფერხდა მათი ფუნქციონირება. კიბერშეტევა კი მიზნად ისახავდა საქართველოს ეროვნული უსაფრთხოების ხელყოფას, საქართველოს მოსახლეობისათვის ზიანის მიყენებას და სამთავრობო სტრუქტურების, ასევე სხვადასხვა ორგანიზაციების ფუნქციონირების შეფერხებით და მოშლით საზოგადოებაში მღელვარების დათესვას. როგორც გამოძიებამ დაადგინა, საქართველოს პრეზიდენტისა და სხვა ოფიციალური უწყებების ვებგვერდებზე კიბერშეტევა რუსეთმა განახორციელა.   ... ...

არქივი

ზაფრანი

ქალები და მანქანის მართვა

ბრიტანული კვლევის თანახმად, ქალები კაცებზე...

რა არის ბედნიერება?

რას გულისხმობს ბედნიერება?_ სტაბილურ სამსახურს,...

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...

რა პროდუქტები უნდა მივირთვათ ზამთარში

რძე სუპერმარკეტებში სულ უფრო ხშირად...

სიზმრის ახსნა

ორსულობა სიზმრები ორსულობის შესახებ შეიძლება...

მკურნალი პროდუქტები

დამწვრობისას გიშველით ალოე ვერა. დღეში...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...