დიპლომატიური "წნეხი" საპატიო კონსულებისთვის?! _ 17 კონსულის მიმართვა ღარიბაშვილს

მთავარი თემა

დიპლომატიური "წნეხი" საპატიო კონსულებისთვის?! _ 17 კონსულის მიმართვა ღარიბაშვილს

18 აგვ. 2014, 21:16:52

საქართველოში აკრედიტირებული საპატიო კონსულები მაია ფანჯიკიძის უწყებას მათი უფლებების უხეშად ხელყოფასა და საერთაშორისო კონვენციების დარღვევაში ადანაშაულებენ.

როგორც "გურია ნიუსისთვის" ხდება ცნობილი 14 აგვისტოს პრემიერ  ირაკლი ღარიბაშვილს კონსულებმა წერილით მიმართეს და საკითხის შესწავლას უწყებათაშორისი კომისიის ფარგლებში ითხოვენ.  მიმართვას ხელს  22 საპატიო კონსულიდან   17 აწერს.  მათ შორის: კანადის, ბელგიის, ფილიპინების, ინდონეზიის, ესპანეთის, სლოვაკეთის, დანიის,  ავსტრიის, მექსიკის, ნორვეგიის,  ფინეთის, ირლანდიის, სლოვენიის, სან მარინოსი და პორტუგალიის. როგორც განგვიმარტეს,   5 კონსულს ხელი იმ მიზეზით არ აქვს მოწერილი, რომ  საქართველოში არ იმყოფებიან.

"გურია ნიუსთან" საუბრისას ერთ-ერთი ქვეყნის საპატიო კონსული აცხადებს:

"2014 წლის 7 აგვისტოს, საქართველოს საგარეო საქმეთა სამინისტროში შედგა შეხვედრა საქართველოში აკრედიტირებულ დიპლომატიურ კორპუსთან, სადაც მოულოდნელად წარმოგვიდგინეს "პროტოკოლის სახელმძღვანელოს პროექტი (სწორედ ასე ეწერა- "First Draft") რა დროსაც შეგვექმნა შთაბეჭდილება, რომ მოხდებოდა წარმოდგენილი დოკუმენტის განხილვა, თუმცა მომდევნო დღეს, იმავე უწყებიდან  მივიღეთ ვერბალური ნოტა №01/34/39/8, სადაც გვატყობინებენ, რომ უკვე მიმდინარე წლის პირველი სექტემბრიდან ძალაში  შედის საპატიო კონსულებისათვის დაწესებული შეზღუდვები.

ამ ტიპის შეზღუდვების იმპლემენტაცია ცალსახად გააუარესებს ამ კორპუსის

სამუშაო პირობებს და ბუნებრივია ეს ზოგადად ნეგატიურად იმოქმედებს იმ  საქმიანობაზე, რომელსაც ეწევიან ჩვენი კოლეგები."

საპატიო კონსულები შეშფოთებას გამოთქვამენ ვენის კონვენციის დარღვევის გამო   და აცხადებენ, რომ აღნიშნული გადაწყვეტილების მიღებით საგარეო საქმეთა სამინისტრო კონვენციის იმ დებულებებს უგულებელყოფს, რომლის ხელმომწერია საქართველო 1994 წლიდან.

"მოგეხსენებათ, რომ საპატიო კონსულების უფლებები და პრივილეგიები და ნათლად არის  ჩამოყალიბებული 1963 წლის 24 აპრილის "ვენის კონვენციაში საკონსულო ურთიერთობის შესახებ" და სხვა საერთაშორისო კონვენციებში.

აღნიშნული კონვენციის თანახმად, პრივილეგიებისა და იმუნიტეტების მინიჭება ხორციელდება არა ცალკეულ პირთა გამორჩენის გულისთვის, არამედ იმისთვის, რომ საკონსულო დაწესებულებებმა, სახელმწიფოთა სუვერენული თანასწორობის ხელშეწყობის მიზნით, ეფექტიანად შეასრულონ შესაბამისი ფუნქციები თავიანთი სახელმწიფოების სახელით, რაც პირდაპირაა დაკავშირებული გაერთიანებული ერების ორგანიზაციის მიზნებსა და მისი წესდების პრინციპებთან. " _ აცხადებენ საპატიო კონსულები.

"ბატონო პრემიერ - მინისტრო, სამწუხაროდ ჩვენთვის ბუნდოვანი რჩება რატომ ხდება ზემოთ აღნიშნული საკითხის ასეთი პედალირება და მიუხედავად იმისა, რომ ნებისმიერ ქვეყანაში დიპლომატიურ წარმომადგენლობებთან ურთიერთობა სენსიტიური საკითხია, ჩვენს რეალობაში ეს წყდება ნაჩქარევად და ფორსირებურად, ყოველგვარი კონსულტაციებისა და დისკუსიების გარეშე.

ყოველივე ზემოაღნიშნულიდან გამომდინარე,  ჩვენი კორპუსის სახელით გთხოვთ გამონახოთ მცირე დრო, რათა პირადად მოგახსენოთ საკითხის ირგვლივ ჩვენეული ხედვა (დანართი თან ახლავს) რაც ვფიქრობთ ასევე გააადვილებს უკვე შექმნილ უწყებათშორისი სამუშაო ჯგუფის ფარგლებში გადაწყვეტილების მიღებას." _ ნათქვამია პრემიერისადმი მიწერილ წერილში.

რაც შეეხება შეზღუდვებს,როგორც  პრემიერისადმი მიწერილი წერილის დანართიდან ირკვევა,  საუბარია  "საქართველოში აკრედიტებული დიპლომატიური მისიებისთვის პროტოკოლის სახელმძღვანელოს" 3.4 პუნქტზე,  (Parking at Tbilisi International Airport), რომლის მიხედვით 19.1 “e” ქვეპუნქტით გათვალისწინებული ავტოსატრანპორტო საშუალებები მოკლებულნი იქნებიან აეროპორტში პარკირების შესაძლებლობას. როგორც ერთ-ერთმა საპატიო კონსულმა განაცხადა, გარდა ზემოაღნიშნულისა,  საუბარია სპეცნომრების ჩამორთმევასა და კიდევ სხვა პრივილეგიების შეზღუდვაზე.

კონსულების განცხადებით:  "გაუგებარია მსგავს შემთხვევაში როგორ უნდა მოხდეს ოფიციალური ვიზიტით ჩამოსულ პირთათვის დახვედრა, უცხოეთის ქვეყნებში აღნიშნული ე.წ. "სტიკერით" ავტოსატრანსპორტო საშუალების იდენტიფიცირება (არარეზიდენტი ელჩების სამუშაო ვიზიტისას მიუღებელია ავტომანქანაზე შესაბამისი ქვეყნის დროშის აღმართვა, როდესაც ჩვეულებრივ სანომრე ნიშნებს ე.წ. "სტიკერი" აქვს მიმაგრებული) და ა.შ, რასაც კიდევ ერთხელ გვსურს ხაზი გავუსვათ, შედეგად მოყვება ვენის კონვენციის 28-ე მუხლის საწინააღმდეგოდ, საკონსულოების საქმიანობის შეფერხება."

საქართველოში აკრედიტებული საპატიო კონსულები პრემიერისადმი მიწერილ წერილში განმარტავენ, რომ  გაგებით ეკიდებიან საპატიო კონსულებისა და სხვა დიპლომატიური მისიების თანამდებობის პირების უფლებებსა და პრივილეგიებში  გარკვეული ცვლილებების შეტანას,  თუმცა იმ დოზით, როგორც ეს მოცემულია საქართველოში აკრედიტებული დიპლომატიური მისიებისთვის პროტოკოლის სახელმძღვანელოში და იმ ფაქტის გათვალისწინებით, რომ 1993 წელს ვენის კონვენციასთან შეერთებიდან დღემდე მსგავსი შეზღუდვები არ არსებობდა,  სრულიად მიუღებელია.

მათი თქმით,   აღნიშნული შეზღუდვები არღვევს "ადამიანის უფლებათა და ძირითად თავისუფლებათა დაცვის კონვენციის"  მე-4 ოქმის მე-2 მუხლს.

"გურია ნიუსთან" საუბრისას ერთ-ერთი ქვეყნის საპატიო კონსული აცხადებს, რომ მსოფლიოს სხვადასხვა ქვეყანაში იყო მცდელობები მსგავსი შეზღუდვების შემოღების, თუმცა დიპლომატიური კორპუსის მიმართვის შემდეგ სახელმწიფოებმა უარი განაცხადეს მსგავს  ინიციატივაზე.

"საკონსულო სამართლის თანახმად, ხსენებული ცვლილება შეიძლება გამოყენებულ იქნას კონკრეტულ საკითხზე და არა საყოველთაოდ აღიარებული  პრივილეგიების შეზღუდვებზე. მაგალითად, შესაძლებელია დარეგულირდეს საკითხი  თითოეულ საკონსულოსათვის რამდენ ავტომანქანაზე შეიძლება გაიცეს სანომრე ნიშნები და არანაირად არ უნდა შეეხოს სანომრე ნიშნების ფერის შეცვლას, როდესაც ადგილსამყოფელი სახელმწიფოს მიერ კონსულებისათვის უკვე მინიჭებულია ასეთი პრივილეგია.

დიპლომატიური პროტოკოლისა და ეტიკეტის ნორმების დაცვაში უკვე არსებული პრინციპის შეზღუდვა და უგულებელყოფა, შესაძლოა განხილული იქნას როგორც არამეგობრული ქმედება, რასაც საპასუხო ნაბიჯები შეიძლება მოყვეს."

ირაკლი ღარიბაშვილისადმი მიწერილ წერილში საპატიო კონსულები აცხადებენ, რომ  დღეის მდგომარეობით  ხდება მათი უფლებებისა და პრივილეგიების უსამართლოდ შეზღუდვა.

"გვსურს სრული პასუხისმგებლობით განვაცხადოთ თქვენს წინაშე, რომ ხანგრძლივი პერიოდის განმავლობაში, ხოლო ზოგიერთი ჩვენი კოლეგა მათ შორის არა-რეზიდენტი, ათეული წლებია გულწრფელად ვემსახურებით იმ ქვეყნების ინტერესებს, რომელთაც წარმოვადგენთ ჩვენს ქვეყანაში, თუმცა ამავე დროს ვაკეთებთ ქართულ საქმეს და ამისათვის ვიყენებთ ყველა იმ ტრიბუნასა და კავშირს, რომელიც საქმიანობიდან გამომდინარე ხელმისაწვდომია ჩვენი კორპუსისათვის და ვფიქრობ დაგვეთანხმებით, რომ საზოგადოებრივი აზრი იმ რანგის ჩვენი უცხოელი კოლეგებისა, რომელთაც მუდმივად აქვთ ჩვენს ინსტიტუტთან კავშირი, მეტად მნიშვნელოვანია ჩვენი ახალგაზრდა დემოკრატიული სახელმწიფოსთვის.

გარწმუნებთ საპატიო კონსულების ინსტიტუტი საიმედო და სოლიდური დასაყრდენი რგოლია, საქართველოში აკრედიტირებული დიპ.კორპუსისთვის, ისევე როგორც იმ ქვეყნის საგარეო უწყებებისათვის, რომელთაც არ გააჩნიათ საელჩოები საქართველოში და აღნიშნულ საქმიანობას ახორციელებენ მხოლოდ საპატიო კონსულებისა და მათი ოფისების საშუალებით. ამგვარად ეს ინსტიტუტი, ზოგადად მნიშვნელოვან და ხაზგასმით პოზიტიურ როლს ასრულებს საქართველოსთან მეგობარი ქვეყნების დაახლოების პროცესში." _ ნათქვამია პრემიერისადმი მიწრილ წერილში, რომელსაც ხელს 17 კონსული აწერს.




 ახალი ამბები
  • კობახიძე: უახლოეს მომავალში „ქართული ოცნება" წარადგენს 30-ვე მაჟორიტარი დეპუტატობის კანდიდატს„ჩვენი ამოცანა არის გუნდის განახლება და ამასთან ერთად, ჩვენი ამოცანაა წარვსდგეთ საზოგადოების წინაშე საარჩევნო პროგრამით, სადაც აისახება ყველა ის მიმართულება, რაც  დაკავშირებულია ჩვენი ქვეყნის განვითარებასთან. სიაში იქნებიან როგორც ჩვენი გუნდის გამოცდილი წევრები, ასევე იქნებიან ბუნებრივია ახალი სახეები. უკვე რამდენიმე თვეა აქტიურად მომდინარეობს მუშაობა ამასთან დაკავშირებით და ბუნებრივია, ყველა შემდგომ არჩევნებზე არის საჭირო გუნდის განახლება და ამ შემთხვევაშიც „ქართული ოცნება" განახლებული გუნდით წარსდგება საზოგადოების წინაშე. კრიტერიუმი იქნება ობიექტური. ეს არის პროფესიონალიზმი და წესიერება. ჩვენი ახალი კანონით დადგენილი ვალდებულება, რომ ყოველი მეოთხე სიაში უნდა იყოს განსხვავებული სქესის, თუმცა, ჩვენ გვაქვს იმედი, რომ ამის მიღმაც, კიდევ უფრო ფართოდ იქნებიან ჩვენს სიაში წარმოდგენილი ქალები. ამაზე აქტიურად გრძელდება მუშაობა. უახლოეს მომავალში „ქართული ოცნება" წარადგენს 30-ვე მაჟორიტარი დეპუტატობის კანდიდატს",-ამის შესახებ საპარლამენტო უმრავლესობის წევრმა, „ქართული ოცნების" საარჩევნო შტაბის ხელმძღვანელმა ირაკლი კობახიძემ ტელეკომპანია „რუსთავი-2"-ის ეთერში განაცხადა. ირაკლი კობახიძემ ისაუბრა სტრატეგიაზე, რომელიც საარჩევნოდ „ქართულ ოცნებას" ექნება. მისი თქმით, კამპანია აგებული იქნება იმაზე, თუ რა უნდა გაკეთდეს ქვეყნის ეკონომიკის აღორძინებისთვის და ქვეყნის მოსახლეობის სოციალურო მდგომარეობის გაუმჯობესებისთვის. „ჩვენი მთავარი გამოწვევები არის დაკავშირებული ეკონომიკასთან, სოციალურ მდგომარეობასთან, განსაკუთრებით პანდემიის გათვალისწინებით და ჩვენ ყველაფერი უნდა გავაკეთოთ იმისათვის, რომ მაქსიმალურად სწრაფად ამოვიდეთ იმ კრიზისიდან, რომელიც შექმნა პანდემიამ. ბუმებრივია ეს აინტერესებს საზოგადოებას და ჩვენი კამპანია აგებული იქნება რა თქმა უნდა, იმაზე, თუ რა უნდა გაკეთდეს ქვეყნის ეკონომიკის აღორძინებისთვის და ქვეყნის მოსახლეობის სოციალურო მდგომარეობის გაუმჯობესებისთვის",-განაცხდა ირაკლი ... ...
  • შეკვეთილში დენდროლოგიური პარკი გაიხსნა: პირველმა ზღურბლი გერმანიაში მცხოვრებმა პატარა ქართველმა გადაკვეთადღეს შეკვეთილში გაიხსნა  დენდროლოგიური პარკი, რომელიც თავისი მასშტაბით, მცენარეთა უნიკალური მრავალფეროვნების კოლექციით და ორიგინალური განაშენიანებით, მთელ რეგიონში გამორჩეულია. პარკის გახსნა  ოფიციალური ფორმატით  არ მომხდარა. 11 საათიდან ნებისმიერი მოქალაქეს შეეძლო აქ შესვლა.  მათ  ადგილზე თერმოსკრინინგს უტარებდნენ. პირველი, ვინც პარკის ზღურბლი მამის კისერზე შემომჯდარმა  გადაკვეთა,  გერმანიაში მცხოვრები პატარა ქართველი, დემეტრე  არაბიძე  იყო.  შეკვეთილის დენდროლოგიური  პარკის ფრინველებისა და ხე-მცენარეთა  სიმრავლე და სილამაზე, როგორც აქ დასათვალიერებლად მოსული ადამიანები აღნიშნავდნენ, ფანტასტკის სფეროს  ესადაგება. _ ვიცოდი,  რომ ძალიან კარგი რამ  გაკეთდა, თუმცა, რაც აქ ვნახე, ეს ფანტასტიური სამყაროა. სამოთხე, ალბათ, ასეთი წარმოუდგენია   ადამიანს.  ჩემი პატარა მიკიც წამოვიყვანე. თურმე მიწაზე არ უნდა დავსვათ. ეს არ ვიცოდით.  აქ მიგვითითეს. ამიტომ ხელში აყვანილი დამყავს. ურეკში ვისვენებთ. თბილისიდან  ვარ. რომ გავიგე, პარკი იხსნებოდა, მაშინვე წამოვედი. აღფრთოვანებული ვარ, - გვითხრა თბილისელმა ქალბატონმა, პროფესიით მუსიკოსმა რუსუდან ურთქმელიძემ. ოზურგეთელი ქალბატონები, მანანა  ჭელიძე, მარიკა ანდღულაძე და  ანა სადრაძე დენდროლოგიური პარკის გახსნას, გურიისთვის  ჯადოსნური სამყაროს შემადგენელ ნაწილად ქცევას უწოდებენ. _ჩვენს მუნიციპალიტეტში, ოზურგეთში რომ ასეთი პარკი იარსებებს, ბედნიერებაა. სხვა სახელი რა უნდა ერქვას? _ გვითხრეს მათ. _ასეთი განძი რომ საქართველოშია, ამაყი ვარ და ორმაგად ამაყი  ვარ, რომ გურიაშია  ეს სამოთხე.  ასეთ სანახაობას სად შეხვდები ასე  ადვილად. ტურისტული მიმართულებით  ეს ჩვენთვის მარადიული ლოკაცია იქნება, სადაც თითოეული უცხოელი,  ვინც ფეხს დადგამს ჩვენს მიწაზე, აქ აუცილებლად მოვა და ნახავს სამოთხეს, _ გვითხრა ოზურგეთის მუნიციპალიტეტის მერის  მოადგილემ, ირაკლი სირაძემ. თითოეული მოქალაქე, საჯარო მოხელე თუ თანამდებობის პირი, დღეს აქ ერთნაირად გამოთქვამდა მადლიერებას დენდროლოგიური პარკის შემქმნელის  ბიძინა ივანიშვილის მისამართით. შეკვეთილის დენდროლოგიური პარკის  60 ჰექტარზეა გაშენებული ადგილობრივი და მსოფლიო ეგზოტიკური ფლორის უამრავი სახეობა. პარკი ორ ნაწილად იყოფა: 18 ჰა-ზე გაშენებულია საქართველოში მოძიებული ენდემური ჯიშის ხეები, რომელიც ჩვენი ქვეყნის სხვადასხვა კუთხიდანაა გადმორგული.  კოლექცია შედგება 29 უნიკალური სახეობის 200-ზე მეტი გიგანტური ნიმუშისგან. დანარჩენ 42 ჰა-ზე კი მსოფლიოს ხუთივე კონტინენტიდან, წლების განმავლობაში შემოტანილი სხვადასხვა ეგზოტიკური ჯიშის  ათასობით მცენარეა. სილამაზის  პიკია ეგზოტიკური ფრინველებით დასახლებული ტბა. სულ კი, პარკის ტერიტორიაზე 58 სახეობის ფრინველი ბინადრობს, ხუთივე კონტინენტიდან: წეროები, ყარყატები, ფლამინგოები, თუთიყუსები, მაინები, ფარშევანგები, ვარხვები...  ეს ის სახეობებია, რომლებიც გადაშენების პირასაა  და მსოფლიოში წითელ ნუსხაშია შეტანილი. _მოდით, იარეთ აქ, მოიყვანეთ შვილები, მომავალ თაობას შეაყვარეთ დედა-ბუნება.   ეს  უდიდესი  გაკვეთილი   იქნება მათ ცნობიერებაზე გარდამტეხი მნიშვნელობის მოსახდენად, - გვითხრა დენდროლოგიური პარკის მენეჯერმა ავთანდილ ... ...
  • ირაკლი კობახიძე: უახლოეს მომავალში დავასახელებთ მაჟორიტარი დეპუტატების კანდიდატებსდაახლოებით სამი თვეა არჩევნებამდე დარჩენილი, შესაბამისად, უკვე აქტიურ ფაზაში უნდა შევიდეს ჩვენი საარჩევნო სამზადისი. უახლოეს მომავალშიც ჩვენ დავასახელებთ კანდიდატებს. პირველ რიგში, მაჟორიტარი დეპუტატების კანდიდატებს, შემდეგ გაგრძელდება სიაზე მუშაობა, - ამის შესახებ საპარლამენტო უმრავლესობის წევრმა, ირაკლი კობახიძემ ჟურნალისტებს განუცხადა. „როგორც მოგეხსენებათ, მე დამნიშნეს საარჩევნო შტაბის უფროსად, გამოცდილებიდან გამომდინარე. ეს იყო ერთ-ერთი კრიტერიუმი. 2016 წელს მე ვიყავი შტაბის უფროსის მოადგილე, შემდეგ ყველა არჩევნებზე ვიყავი შტაბის ხელმძღვანელი. ყოველდღიურ რეჟიმში ვიქნები ჩართული შტაბის მუშაობაში და დარწმუნებული ვარ, ეს არჩევნები დასრულდება „ქართული ოცნებისთვის” მორიგი ძალიან დამაჯერებელი წარმატებით. ჩვენი საარჩევნო კამპანია იქნება მთლიანად აგებული მომავალზე. ორიენტირი იქნება ეს, რომ საზოგადოებას უნდა ვესაუბროთ როგორც ვხედავთ ჩვენი ქვეყნის სამომავლო განვითარებას, მათ შორის, როგორ ვხედავთ, იმ კრიზისიდან გამოსვლას, რომელიც დაკავშირებულია პანდემიასთან. ეს აინტერესებს საზოგადოებას და არა ის კინკლაობა, რომელსაც, სამწუხაროდ, ისმენენ ხოლმე პოლიტიკურ პარტიებს შორის”, - განაცხადა ირაკლი კობახიძემ. „ქართული ოცნების“ საარჩევნო შტაბის ხელმძღვანელად პარტიის აღმასრულებელი მდივანი ირაკლი კობახიძე დაინიშნა. ინფორმაცია ამის შესახებ პარტიის Facebook-ზე გავრცელდა. საპარლამენტო არჩევნები საქართველოში 31 ოქტომბერს ... ...
  • TDI გამოცდების ეროვნულ ცენტრს უჩივის2020 წლის 15 ივლისს ტოლერანტობის და მრავალფეროვნების ინსტიტუტმა (TDI) მიმართა თბილისის საქალაქო სასამართლოს სარჩელის უზრუნველყოფის შესახებ განცხადებით, სსიპ - შეფასებისა და გამოცდების ეროვნული ცენტრის წინააღმდეგ. ცენტრმა უარი უთხრა ორ აბიტურიენტს, რომლებიც მეშვიდე დღის ქრისტიან-ადვენტისტთა ეკლესიის წევრები არიან, სხვა დღეს ჩაებარებინათ ინგლისური ენის გამოცდა. ორმა აბიტურიენტმა - მეშვიდე დღის ქრისტიან-ადვენტისტთა ეკლესიის წევრებმა, სსიპ შეფასებისა და გამოცდების ეროვნულ ცენტრს 2020 წლის 30 ივნისს მიმართეს 18 ივლისს დანიშნული გამოცდის გადატანის თხოვნით, რადგან რელიგიური მრწამსის გამო, მათ არ შეუძლიათ მონაწილეობა მიიღონ გამოცდაში შაბათ დღეს. ქრისტიან-ადვენტისტთა ეკლესია შაბათ დღეს აღიარებს ყოველდღიური საქმეებისაგან დასვენებისა და ღვთისმსახურების დღედ. ეკლესიის წევრებისათვის, მათი რწმენის შესაბამისად, დაუშვებელია შაბათ დღეს სეკულარულ აქტივობებში, მათ შორის, გამოცდაში მონაწილეობის მიღება. მათი ეს უფლება ექცევა საქართველოს კონსტიტუციითა და საერთაშორისო სამართლის ნორმებით აღიარებულ რელიგიისა და რწმენის თავისუფლების სფეროში. წელს მსგავსი პრობლემის წინაშე დადგნენ იუდაიზმის მიმდევარი აბიტურიენტებიც. სსიპ - შეფასებისა და გამოცდების ეროვნული ცენტრის პასუხების მიხედვით, აბიტურიენტების განცხადებებში აღნიშნული მოთხოვნა არ დაკმაყოფილდა იმ მოტივით, რომ გამოცდების განრიგი უკვე დამტკიცებულია. საყურადღებოა, რომ საქართველოს განათლების, მეცნიერების, კულტურისა და სპორტის მინისტრის 9 ივნისის ბრძანებით განისაზღვრა გამოცდების განრიგი, რომლის მიხედვით, ინგლისური ენის გამოცდა დანიშნულია სამ სხვადასხვა დღეს - კერძოდ, 17, 18 და 19 ივლისს. ის თარიღი კი, კონკრეტულად რომელ დღეს უნდა მიეღოთ გამოცდაში მონაწილეობა აბიტურიენტებისთვის ცნობილი გახდა 27 ივნისს. შესაბამისად, არსებობს შესაძლებლობა, რომ აბიტურიენტებმა, რომლებიც საკუთარი რწმენის გამო გამოცდაზე ვერ გავლენ შაბათ დღეს, გამოცდაში მონაწილეობა მიიღონ 17 ან 19 ივლისს. როდესაც არსებობს გამოცდაში მონაწილეობის ალტერნატიული დღეების შესაძლებლობა და იმის გათვალისწინებით, რომ აბიტურიენტებმა დროულად მიმართეს განცხადებით სსიპ - შეფასებისა და გამოცდების ეროვნულ ცენტრს გამოცდის სხვა დღეს გადატანის თხოვნით, დაირღვევა მათი რელიგიისა და რწმენის თავისუფლება; ასევე ირღვევა აბიტურიენტების უფლება განათლებაზე, ვინაიდან საკითხისადმი სახელმწიფოს გულგრილი დამოკიდებულების გამო, ახალგაზრდები ვერ შეძლებენ 2020 წელს ჩააბარონ ერთიანი ეროვნული გამოცდები და სწავლა განაგრძონ უმაღლეს საგანმანათლებლო დაწესებულებებში. სახელმწიფო უწყების უარი არის ასევე დისკრიმინაციული. საგანგაშოა, რომ სახელმწიფოს არ აქვს რელიგიისა და რწმენის თავისუფლების მიმართ მგრძნობელობა და საკუთარ გადაწყვეტილებებში, მათ შორის ერთიანი ეროვნული გამოცდების დაგეგმვასა და განხორციელებაში, უგულებელყოფს ამ ფუნდამენტურ უფლებას. “რელიგიისა თუ რწმენის ნიადაგზე შეუწყნარებლობის ყველა ფორმის აღმოფხვრის შესახებ” გაეროს დეკლარაციის მიხედვით, რელიგიის და რწმენის თავისუფლება მოიცავს რელიგიურ დღესასწაულებზე დასვენების უფლებას. TDI-ის მიერ 15 ივლისს წარდგენილი სარჩელის უზრუნველყოფის განცხადებით მოთხოვნილია დროებითი განჩინების მიღება, რათა ცენტრს დაევალოს ქრისტიან-ადვენტისტთა ეკლესიის ორ წევრს მიეცეს შესაძლებლობა, ინგლისური ენის გამოცდა ჩააბარონ  17 ან 19 ივლისს, ან ნებისმიერ სხვა დღეს, გარდა შაბათისა.  სარჩელის უზრუნველყოფის განცხადების წარდგენის შემდგომ, TDI სარჩელით მიმართავს სასამართლოს გამოცდის გადატანაზე უარის ბათილად ცნობის, რელიგიის ნიშნით დისკრიმინაციული მოპყრობის დადგენისა და ზიანის ანაზღაურების დაკისრების შესახებ. საკითხს ასევე სწავლობს საქართველოს სახალხო ... ...
  • "გამოძიებას არ გააჩნია მიზანი საქმე გახსნას"- "ახალგაზრდა ადვოკატები"თბილისის საქალაქო სასამართლოს სამოქალაქო საქმეთა კოლეგიამ ბავშვთა საერთაშორისო გატაცების საქმეზე გადაწყვეტილება ყალბი დოკუმენტების საქმეზე მიიღო, რაც უპრეცედენტო მნიშვნელობის ფაქტია, მაგრამ მართლმსაჯულებისა და დანაშაულის გახსნის ინტერესებიდან გამომდინარე, გამოძიებას არ გააჩნია მიზანი საქმე გახსნას და სამართლებრივი პასუხისმგებლობის საკითხი გამოკვეთოს. აღნიშნულის შესახებ ორგანიზაცია „ახალგაზრდა ადვოკატების“ ხელმძღვანელმა, არჩილ კაიკაციშვილმა სპეციალურ ბრიფინგზე განაცხადა. „ახალგაზრდა ადვოკატების“ განმარტებით, მრავალი თვეა, საქართველოს შინაგან საქმეთა სამინისტროს ქ. თბილისის პოლიციის დეპარტამენტის ვაკე-საბურთალოს პოლიციის VII განყოფილების წარმოებაშია დოკუმენტების შესაძლო გაყალბების ფაქტზე მიმდინარე გამოძიება, დანაშაული გათვალისწინებული საქართველოს სისხლის სამართლის კოდექსის 362-ე მუხლის პირველი ნაწილით (ყალბი პირადობის მოწმობის ან სხვა ოფიციალური დოკუმენტის, ბეჭდის, შტამპის ან ბლანკის დამზადება, შეძენა, შენახვა გასაღების ან გამოყენების მიზნით, გასაღება ან გამოყენება, ისჯება ჯარიმით ან თავისუფლების აღკვეთით ვადით სამ წლამდე). ვითარებას ამძიმებს ის გარემოება, რომ დოკუმენტები, რომლის სიყალბესაც პოლიცია იძიებს, საფუძვლად დაედო, ბავშვის საერთაშორისო გატაცების საქმეზე, თბილისის საქალაქო სასამართლოს გადაწყვეტილებას. ბავშვის დედამ - ოლივია ანტონმა სასამართლოს წარუდგინა დასაქმების კონტრაქტი და ქირავნობის ხელშეკრულება, მაგრამ სასამართლომ არ მოახდინა დოკუმენტების კვლევა - არც ერთ წარმოდგენილ დოკუმენტს არ აქვს მხარის იდენტიფიცირება, არც ერთი დოკუმენტი არ არის ნოტარიულად ან/და აპოსტილით დამოწმებული, რაც წარმოადგენს სავალდებულო ხასიათის მოქმედებას, არ შეიცავს ხელმომწერი მეორე მხარის საკონტაქტო ინფორმაციას, დოკუმენტების შინაარსობრივი მხარე ურთიერთსაწინააღმდეგოა და არც ერთ მათგანზე არ არის დასმული ოფიციალური ბეჭედი. მხარემ ითანამშრომლა გამოძიებასთან და სამართალდამცავ ორგანოებს წარუდგინა გაყალბებული დოკუმენტების დამადასტურებელი მასალები - სასტუმრომ, სადაც დასაქმების ფაქტზე მიუთითებდა ოლივია ანტონი, 2020 წლის 18 მარტს გასცა ცნობა, რომ იგი არასოდეს ყოფილა დაქირავებული თანამშრომელი. შესაბამისად, მასთან არ გაფორმებულა შრომითი ხელშეკრულება, ხოლო სახლი და ქუჩა, რომელიც მითითებული იქნა ქირავნობის ხელშეკრულებაში, კვიპროსის ოფიციალური სახელმწიფო რეესტრის მიხედვით, არ არსებობს. არჩილ კაიკაციშვილის განცხადებით, აღნიშნული, უდავოდ მიუთითებს ორ გარემოებაზე: ა. მხარემ ჩაიდინა კანონსაწინააღმდეგო ქმედება, დაამზადა ყალბი დოკუმენტი და ბ. სასამართლო შეიყვანა შეცდმაში, სასამართლოში წარადგინა ყალბი დოკუმენტი. ოლივია ანტონის ადვოკატმა სასამართლოს აღნიშნული მტკიცებულებები 2019 წლის 18 ოქტომბერს წარუდგინა, სასამართლომ კი საქმეზე გადაწყვეტილება, მათ შორის დასახელებულ მტკიცებულებებზე დაყდნობით, 22 ოქტომბერს მიიღო. სასამართლოს სწორედ 22 ოქტომბერს უმთავრდებოდა ბავშვის საერთაშორისო გატაცების საქმეზე განხილვის 6-თვიანი საპროცესო ვადა. შესაბამისად, სასამართლოს არ მიეცა ობიექტური შესაძლებლობა მისულიყო დასკვნამდე, შეეფასებინა წარდგენილი საბუთის სიყალბე და მტკიცებულებიდან ამოერიცხა. ამჟამად, მართლმსაჯულების ინტერესების, მისდამი საზოგადოებრივი ნდობისა და საქმეზე ჭეშმარიტების დადგენის მიზნით, უცნობია, თუ რა საგამოძიებო მოქმედებები ხორციელდება, ვინაიდან გამოძიებაზე შემაჯამებელი გადაწყვეტილების მოთხოვნაზე ყველა მიმართვა გამოხმაურების გარეშე რჩება. მეტიც, საგამოძიებო მოქმედების ფარგლებში, გამოკითხული არ არის, არც ოლივია ანტონი და არც მისი წარმომადგენელი, ვინაიდან გამოირიცხოს ან დადასტურდეს ადვოკატის მტკიცებულებების წინასწარი შეფასების პროცესში კეთილსინდისიერების საკითხი. ორგანიზაცია აღნიშნავს, რომ ევროკავშირისა და ჩეხეთის რესპუბლიკის მოქალაქე, საქართველოში მოღვაწე ჩეხი ბიზნესმენი, პრჟემისლ ანტონი შეწუხებულია იმ გარემოებით, რომ საგამოძიებო მოქმედებები მიმდინარეობს, კონკრეტული შედეგები კი - არ ჩანს. ეს შეშფოთება მით უფრო მზარდია, როდესაც საქმეში ფიგურირებს არასრულწლოვანი და მისი კანონიერი ინტერესების დაცვის განსაკუთრებული რეჟიმი. საგამოძიებო მოქმედებების მიმდინარეობის შესახებ მიღებული ინფორმაცია, არ ემსახურება განმცხადებლის სრული ინფორმირების სტანდარტს. პრჟემისლ ანტონის ოჯახი ელოდება საქმეზე სწრაფ და ეფექტიან გამოძიებას და რაც მთავარია - შემაჯამებელ გადაწყვეტილებას, რაც წარდგენილი მტკციებულებების საფუძველზე, საქმის ფაქტობრივი და სამართლებრივი გარემოებების ურთიერთშეჯერების საფუძველზე, უნდა მომზადდეს. „მინდა მივმართო შინაგან საქმეთა მინისტრს, რომლის უწყებაც შესანიშნავად მუშაობს არასრულწლოვანთა რეფორმის პროცესში, დაინტერესდეს, ვინ არის რუსეთის ფედერაციის მოქალაქე ოლივია ანტონი, რომლიც, საქართველოს სამართალდამცავ ორგანოების წარმოებაში არსებულ არაერთ საქმეში ფიგურირებს, წარდგენილია უტყუარი მტკიცებულებები და არც ერთ დავაზე, კანონის გასაკვირადაც, შედეგი არ ჩანს. ბუნებრივია, ასეთ დროს კონკრეტული საქმის მწარმოებელი ჩინოსანის პასუხისმგებლობაა, გამოირიცხოს ეჭვები, კავშირები, სისტემის შიგნით შესაძლო მფარველები და საქმეზე დადგეს ჭეშმარიტება“ - განაცხადა არჩილ კაიაკციშვილმა, რომელმაც აღნიშნა, რომ ოჯახი დარწმუნებულია, რომ ოლივია ანტონს შინაგან საქმეთა სამინისტროში მფარვლები ... ...

არქივი

ტესტები

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...