"პრეზიდენტისა და პრემიერის კინკლაობა სახიფათო ეტაპზე გადადის“

მთავარი თემა

"პრეზიდენტისა და პრემიერის კინკლაობა სახიფათო ეტაპზე გადადის“

1 სექ. 2014, 23:39:51

"ეს უკვე საჯარო დაპირისპირებებაა პრეზიდენტსა და პრემიერს შორის. მათი კინკლაობა სახიფათო ეტაპზე გადადის და ქვეყნის ინტერესებს აზიანებს“, - ასე აფასებს ცენტრ "მომავლის ინიციატივების“ ხელმძღვანელი, იურისტი ლევან ალაფიშვილი ინფორმაციას, გაერო-ს სამიტზე პრეზიდენტისა და პრემიერის ვიზიტების შეუთანხმებლობის შესახებ.

შეგახსენებთ, დღეს გახდა ცნობილი, რომ გაერო-ს კლიმატის ცვლილების სამიტზე სიტყვით არა საქართველოს პრეზიდენტი, არამედ პრემიერი გამოვა, თუმცა, პრეზიდენტის აპარატში ამ ინფორმაციას უარყოფენ და მარგველაშვილის სიტყვით გამოსვლისთვის ემზადებიან.

საქართველოს საგარეო საქმეთა მინისტრის, მაია ფანჯიკიძის განცხადებით, პრეზიდენტის ადმინისტრაციას არაერთხელ განუმარტეს, თუ რატომ მიაჩნიათ უხერხულად გაერო-ს სამიტზე ორი დელეგაციის გამგზავრება.

როგორც მაია ფანჯიკიძემ ჟურნალისტებს განუცხადა, ნიუ-იორკში დაგეგმილ გაერო-ს სამიტის ღონისძიებებში მონაწილეობა უნდა მიიღოს დელეგაციის ხელმძღვანელმა, საქართველოს დელეგაციის ხელმძღვანელი არის პრემიერი ირაკლი ღარიბაშვილი და იგეგმება მისი გამოსვლა გაერო-ს გენერალურ ასამბლეაზე.

გარდა ამისა, როგორც დელეგაციის ხელმძღვანელი, იგი მონაწილეობას მიიღებს გაერო-ს გენერალური ასამბლეის ფარგლებში გამართულ  სხვადასხვა კონფერენციასა თუ სამიტში. 

"მას შემდეგ, რაც გაერო-ში არის გაგზავნილი ინფორმაცია, რომ პრემიერი არის დელეგაციის ხელმძღვანელი, მის სახელზე მოდის სხვადასხვა სახის მოწვევები. ჩვენ გვქონდა ძალიან ხშირი კომუნიკაცია პრეზიდენტის მრჩეველ თენგიზ ფხალაძესთან. ბოლო შეხვედრა გასულ კვირას მასთან პირადად გვქონდა და ამ შეხვედრების მანძილზე ვცდილობდით განგვემარტა ის არგუმენტები, თუ რატომ მიგვაჩნია, რომ ორი დელეგაციის ერთდროულად გამგზავრება ნიუ-იორკში, გაერო-ს გენერალურ ასამბლეაზე არ არის ქვეყნისთვის სასარგებლო და დააზიანებს ქვეყნის იმიჯს. გარდა ამისა, უხერხულია, რადგანაც ეს ფაქტობრივად არასდროს არ ხდება", _ განაცხადა მაია ფანჯიკიძემ.

მისივე განმარტებით, გაერო-ს კლიმატის ცვლილებებს სამიტზე პრეზიდენტს ჰქონდა სახელობითი მოწვევა. ასეთი სახელობითი მოწვევები კი  ზოგჯერ ისე იგზავნება, რომ არ არის ცნობილი ვინ იქნება დელეგაციის ხელმძღვანელი, მაგრამ როგორც წესი, ასეთ შემთხვევებში, როდესაც დგინდება ვინ არის დელეგაციის ხელმძღვანელი, ის ესწრება ყველა იმ ღონისძიებას, რომელიც გენერალური ასამბლეის განმავლობაში ტარდება.

"ჩვენ შევეცადეთ ბატონი თენგიზ ფხალაძისთვის და პრეზიდენტის ადმინისტრაციისთვის განგვემარტა, თუ რა არგუმენტები გვქონდა იმისათვის, რომ არ მიგვაჩნია მიზანშეწონილად ორი დელეგაციის გამგზავრება. სამწუხაროდ, როგორც ჩანს, ეს არგუმენტები არ ყოფილა გათვალისწინებული, რადგან ითქვა, რომ პრეზიდენტის მიერ დასტური არის გაგზავნილი. საერთოდ,  მინდა გითხრათ, რომ გარდა ამ დასტურისა არ არის მართებული საგარეო საქმეთა სამინისტროს გვერდის ავლით ვიზიტის მომზადება, რაც უხერხულ მდგომარეობაში გვაყენებს ჩვენ, როგორც უწყებას, ზოგადად ქვეყანასაც", _ აცხადებს ფანჯიკიძე.

როგორც საგარეო საქმეთა მინისტრმა აღნიშნა, მას არ ქონია საშუალება, რომ პირადად პრეზიდენტთან ესაუბრა ამ თემაზე და შესაბამისად, არ იცის მისი პოზიცია.

მაია ფანჯიკიძემ იმედი გამოთქვა, რომ პრეზიდენტ გიორგი მარგველაშვილთან საუბრის საშუალება ნატო-ს უელსის სამიტზე ექნება და პრეზიდენტი ამ არგუმენტებს გაითვალისწინებს.

რაც შეეხება პრეზიდენტის ადმინისტრაციის უკვე გავრცელებულ პოზიციას, პრეზიდენტის მრჩევლის თენგიზ ფხალაძის განცხადებით, მას არ აქვს ინფორმაცია, თითქოს გაერო-ს კლიმატის სამიტზე სიტყვით პრემიერ-მინისტრი უნდა გამოვიდეს.

როგორც თენგიზ ფხალაძემ, დღეს, ჟურნალისტებს განუცხადა, კლიმატის ცვლილების სამიტთან დაკავშირებით პრეზიდენტის ადმინისტრაციამ უკვე გააკეთა კომენტარი და მაშინ ითქვა, რომ საქართველოს პრეზიდენტმა ოფიციალური დასტური გაუგზავნა გაერო-ს გენერალურ მდივანს იმასთან დაკავშირებით, რომ ის ჩადის გაერო-ში და მას ექნება კლიმატის ცვლილების სამიტზე სიტყვით გამოსვლა. 

"დანარჩენი სხვა თემა, რაც არ ვიცი, კომენტარს ვერ გავაკეთებ, რადგან  ამჟამად საქართველოს პრეზიდენტი და მთელი დელეგაცია მობილიზებულია და მუშაობს უელსის სამიტზე. სხვა ჭორებთან დაკავშირებით კომენტარს ნამდვილად ვერ გავაკეთებ, მაგრამ საგარეომ იცის პოზიცია და არის ოფიციალური მიმართვა ამასთან დაკავშირებით. ჩვენ არაფერი არ შეგვიცვლია. ოფიციალური დასტური პრეზიდენტის სახელით და ხელმოწერით გაგზავნილია გაერო-ს გენერალური მდივნის სახელზე", _ განაცხადა ფხალაძემ.
მან ასევე განმარტა, რომ როგორც მისთვის არის ცნობილი, პრემიერი მიდის, 22 სექტემბერს დაგეგმილ,  გაერო-ს გენერალურ ასამბლეაზე, სადაც აქვს სიტყვით გამოსვლა, ხოლო პრეზიდენტი მიდის 23 სექტემბერს კლიმატური ცვლილებების შესახებ სამიტზე. 

ცენტრ "მომავლის ინიციატივების“ ხელმძღვანელი, იურისტი ლევან ალაფიშვილი აცხადებს, რომ ამგვარი დამოკიდებულება პრემიერსა და პრეზიდენტს შორის ქვეყნის ინტერესებს საერთაშორისო ასპარეზზე ძალიან ავნებს.

"ჩვენ ვმუშაობთ პრემიერის ვიზიტზე“ -  ეს ძალიან სახიფათო სიტყვებია ჩემთვის, როგორც გადასახადის გადამხდელისთვის. ანუ რას ამბობს საგარეო საქმეთა მინისტრი და მისი მოადგილე, რომ პრეზიდენტის ვიზიტის მომზადება მათ ინტერესში არ შედის? ამ ადამიანებს ვუხდით ხელფასს? მეორეც, სახელმწიფოს მეთაურმა, პრეზიდენტმა გაერო-ს გენერალურ მდივანს დაუდასტურა, რომ მიიღებდა სამიტში მონაწილეობას, პროტოკოლის ელემენტარული ანბანი ვინც იცის, ეს ნიშნავს, რომ ვიზიტის დაგეგმვა დასრულებულია. დიპლომატებმა კი ეს უნდა იცოდნენ. ახლა მთავრობის მცდელობა და მათი ინტერპრეტაციები და მცდელობები, გადაარწმუნონ პრეზიდენტი, ძალიან კურიოზულ სიტუაციას ქმნის. ეს არ არის ჩვეულებრივი ფორუმი, ამით სახელმწიფო დაზიანდება. ეს უკვე საჯარო  დაპირისპირებებია პრეზიდენტსა და პრემიერს შორის“, _ აცხადებს ალაფიშვილი.

რა მოხდება იმ შემთხვევაში, თუ პრეზიდენტი გაერო-ს სამიტზე არ წავა? - იურისტი გვპასუხობს: "მისი მხრიდან, ეს სახელმწიფოსთვის ზიანის მომტანი გადაწყვეტილება იქნება“.

"სახელმწიფოს მეთაურმა დაუდასტურა გაეროს გენერალურ მდივანს, რომ ის მიდის ამ სამიტზე და სიტყვითაც გამოვა, ახლა კი რა უნდა უთხრას, ჩემმა პრემიერმა და საგარეო საქმეთა მინისტრმა არ გამომიშვაო? გაერო-ს გენერალური მდივანი არის ჩვენი მთავრობის კანცელარიის რანგის მოხელე? პრეზიდენტის არწასვლა გაერო-ს სამიტზე, სახელმწიფოს უფრო მეტად ავნებს. ორი დელეგაცია თუ სადმე წავიდა სხვადასხვა მიზნით, ეს არის სირცხვილი ? ამას პირველი დიპლომატი არ უნდა ამბობდეს“, _ აცხადებს ალაფიშვილი.

მისივე განმარტებით, "ვიზიტი დაგეგმილი კი არ არის, უკვე დასრულებულია მისი მომზადება, რადგან პრეზიდენტმა მასში მონაწილეობა უკვე დაადასტურა“.

"მაია ფანჯიკიძეს, ან პრემიერ-მინისტრს, ძალიანაც რომ უნდოდეს ამ გადაწყვეტილების შეცვლა, მათ არავინ არაფერს ეკითხება. გადაწყვეტილების მიმღები არის ერთადერთი ადამიანი, სახელმწიფოს მეთაური გიორგი მარგველაშვილი. მიმაჩნია, რომ თუ მარგველაშვილი, თავის დადასტურებულ გადაწყვეტილებას საერთაშორისო არენაზე შეცვლის, ეს იქნება მისი მხრიდან სახელმწიფოსთვის ზიანის მომტანი გადაწყვეტილება. რაში გამოიხატება ეს ზიანი და როდის ვიგრძნობთ ამის შედეგს, ეს დროის საკითხია. თავისთავად, ეს საერთაშორისო ურთიერთობებში კარგის მომტანი არ იქნება“, _ აცხადებს ალაფიშვილი.




 ახალი ამბები
  • "ლელოს" დეპუტატობის კანდიდატი გურიაში გიორგი სიორიძე იქნებალელოს დეპუტატობის კანდიდატი გურიაში გიორგი სიორიძე იქნება. სიორიძე სხვა კანდიდატებთან ერთად პოლიტიკურმა მოძრაობა "ლელომ" ამ წუთებში მცხეთაში წარადგინა. გიორგი სიორიძე – ოზურგეთის, ლანჩხუთისა და ჩოხატაურის რაიონების მაჟორიტარი დეპუტატობის კანდიდატი. კონსტიტუციონალისტი. კიოლნის უნივერსიტეტის სამართლის ფაკულტეტის კურსდამთავრებული, გერმანიაში ფედერალური მასშტაბით ლიცენზირებული იურისტი. არის საქართველოს მეცნიერებათა აკადემიის ახალგაზრდა მეცნიერთა საბჭოს თავმჯდომარე. უკანასკნელ წლებში მუშაობდა ერთ-ერთ უმსხვილეს საინვესტიციო ... ...
  • "15 სექტემბერს ვიწყებთ სწავლას" _ მიხეილ ჩხენკელისასწავლო წლის დაწყებას არანაირი საფრთხე არ შეექმნება. ჩვენ, როგორც განვაცხადეთ, 15 სექტემბერს ვიწყებთ სწავლას, - ამის შესახებ საქართველოს განათლების, მეცნიერების, კულტურისა და სპორტის მინისტრმა, მიხეილ ჩხენკელმა ქუთაისის საერთაშორისო უნივერსიტეტში ვიზიტისას განაცხადა. „სასწავლო წლის დაწყებას არანაირი საფრთხე არ შეექმნება. ჩვენ, როგორც განვაცხადეთ, 15 სექტემბერს ვიწყებთ სწავლას. რეკომენდაციები გამოქვეყნდება და ყველას გექნებათ საშუალება დეტალურად იხილოთ. სამედიცინო პროტოკოლი ზედმიწევნით იქნება დაცული, რადგანაც ჩვენთვის მთავარია ბავშვების ჯანმრთელობა. მინდა გითხრათ, რომ ყოველ ეტაპზე სამედიცინო პროტოკოლი ასახავს ეპიდ-სიტუაციას, რომელიც იმ მომენტისთვის არის აქტუალური. დღევანდელი ეპიდ-ვითარებიდან გამომდინარე, ჩვენ შეგვიძლია ვთქვათ, რომ არანაირი საფრთხე 15 სექტემბერს სწავლის დაწყებას არ ემუქრება. თუმცა, ყველამ უნდა გავაცნობიეროთ ის ამბავი, რომ თითოეული მოქალაქის ვალია გავუფრთხილდეთ ერთმანეთს. ჩვენი ყველას სურვილია, რომ ეს ვითარება არ გაუარესდეს და ამისთვის თითოეული მოქალაქის ძალისხმევა არის უაღრესად მნიშვნელოვანი. ჩვენ მზად ვართ ყველა სცენარისთვის“, - განაცხადა მიხეილ ... ...
  • IRI: უჭერს თუ არა მოსახლეობა მხარს განხორციელებულ საარჩევნო რეფორმას IRI-ს მიერ ჩატარებული კვლევის მიხედვით, საპარლამენტო არჩევნების წინ, მოქალაქეთა 54 პროცენტი ინფორმირებულია 8 მარტის შეთანხმებისა და ქვეყნის საარჩევნო სისტემის ცვლილების შესახებ. მათგან   77 პროცენტი - 41 % „ძლიერ“, ხოლო 36 % „მეტნაკლებად“, მხარს უჭერს განხორციელებულ საარჩევნო რეფორმას.  ცნობისთვის, საქართველოს პარლამენტმა დაამტკიცა საკონსტიტუციო ცვლილებები, რომელიც 2020 წლის საპარლამენტო არჩევნების მაჟორიტარული სისტემის მაგიერ პროპორციული სისტემით ჩატარებას ითვალისწინებს.  ოპოზიციური პარტიებიდან ერთიანმა მაციონალურმა მოძრაობამ და ევროპულმა საქართველომ, გასულ წელშიც დღის წესრიგში ჩამდგარი საარჩევნო სისტემის გამო მთავრობასთან წარმოებულ მოლაპარაკებებზე მიღებული დაპირებების არ შესრულების მიზეზის გამო კენჭისყრაში მონაწილეობა არ მიიღეს. მიღებული ცვლილების თანახმად, მომდევნო საპარლამენტო არჩევნებში 120 დეპუტატი პროპორციული, 30 კი მაჟორიტარული სისტემით იქნება არჩეული. არჩევნებში 40,54 პროცენტზე ნაკლები ხმის მიმღები პარტია მარტო ვერ შესძლებს მთავრობის ფორმირებას. ცვლილება ასევე მოიცავს პარლამენტში პარტიების ადგილების განაწილების და არჩევნების ბარიერთან დაკავშირებულ ... ...
  • IRI: მოსახლეობის 82 პროცენტი თვლის, რომ ეკონომიკური მდგომარეობა მნიშვნელოვნად გაუარესდაIRI-ს კვლევის მიხედვით, მიუხედავად სახელმწიფოს მხრიდან COVID-19-ის წარმატებული მართვისა, საქართველოს მოსახლეობის 82 პროცენტი თვლის, რომ ეკონომიკური მდგომარეობა მნიშვნელოვნად გაუარესდა პანდემიის გავრცელების შემდეგ. 65 პროცენტი მიიჩნევს, რომ ეკონომიკური მდგომარეობა მათ ოჯახში „ძალიან“ (22 %) ან „მნიშვნელოვნად“ (43 %) მძიმეა, ხოლო 67 % თვლის, რომ კორონავირუსის შედეგად, კიდევ უფრო გაუარესდა.  შეგახსენებთ, რომ საქართველოში კორონავირუსის პირველი შემთხვევა თებერვალში დაფიქსირდა. ამ დროისთვის, დაინფიცირებულთა სრული რაოდენობა 1278-ს შეადგენს, რომელთაგან  გამოჯანმრთელდა - 1058, ხოლო 17 ადამიანი გარდაიცვალა. კორონავირუსი ჯანმომ გლობალურ პანდემიად გამოცხადა და ვირუსთან საბრძოლველად სხვადასხვა შეზღუდვები დაწედა. ამავე თემაზე: IRI-ს კვლევა: კმაყოფილია თუ არა მოსახლეობა მთავრობის მოქმედებით პანდემიასთან ... ...
  • IRI-ს კვლევა: კმაყოფილია თუ არა მოსახლეობა მთავრობის მოქმედებით პანდემიასთან ბრძოლაშიIRI-ს მიერ ჩატარებული კვლევის მიხედვით მოსახლეობის 79 პროცენტი არის კმაყოფილი, მათ შორის „ძალიან კმაყოფილი“ (41 %) და „მეტნაკლებად“ კმაყოფილი (38 %) მთავრობის მოქმედებით პანდემიასთან ბრძოლაში. "მოსახლეობის 58 პროცენტი, მათ შორის 21 % „ძალიან“, ხოლო 37 პროცენტი „მეტნაკლებად“, კმაყოფილია იმ სოციალური პროგრამებით, რომელიც მთავრობამ შეიმუშავა პანდემიის მიერ გამოწვეული პრობლემების შესამსბუქებლად.  მოქალაქეთა აბსოლუტური უმრავლესობა ეთანხმება(94%) რომ დაავადებათა კონტროლისა და საზოგადოებრივი ჯანმრთელობის ეროვნული ცენტრის, საქართველოს ოკუპირებული ტერიტორიებიდან დევნილთა, შრომის ჯანმრთელობისა და სოციალური დაცვის სამინისტროს (91 %) და პრემიერ-მინისტრის ოფისის (81 %) მუშაობა პანდემიასთან ბრძოლაში იყო ეფექტური",_ ნათქვამია კვლევაში. ცნობისთვის, კვლევა ჩატარდა საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ, 2020 წლის 4 ივნისი - 2 ივლისის პერიოდში. საველე სამუშაოები ჩატარდა „აიფიემის“ მიერ. მონაცემები შეგროვდა სტრატიფიცირებული მრავალსაფეხურიანი შემთხვევითი შერჩევის მეთოდის გამოყენებით, პირისპირ ინტერვიუს გზით.  შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, გენდერის, რეგიონისა და დასახლების ზომის შესაბამისად.  ცდომილების ზღვარი წარმოადგენს +/- 2.5 პროცენტს, გამოპასუხების მაჩვენებელი - 66 პროცენტი. კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს ... ...

არქივი

ტესტები

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...