ხელისუფლებამ საარჩევნო სამზადისი დაიწყო

მთავარი თემა

ხელისუფლებამ საარჩევნო სამზადისი დაიწყო

8 ოქტ. 2011, 08:56:50
ლელა იმედაშვილმა, რომელიც ოზურგეთის საგანმანათლებლო რესურსცენტრის უფროსი იყო, გასულ კვირას, ჩვენთან საუბრისას დაადასტურა, რომ მის უკვე ყოფილ თანამდებობაზე, ამავე ცენტრის მთავარი სპეციალისტი, ნანიკო ნაცვალაძე ინიშნებოდა, მაგრამ როგორც აღმოჩნდა, ხელისუფლებას ნაცვალაძე თვალში არ მოუვიდა. წყაროს ინფორმაციით, ნაცვალაძეს სწორედ საარჩევნო გამოცდილების არქონა მოუმიზეზეს და ოზურგეთის საგანმანათლებლო რესურსცენტრის პოსტზე, მეორე საჯარო სკოლის დირექტორი, ირინა ინარიძე გაუშვეს. ნაცვალაძისგან განსხვავებით, ინარიძეს საარჩევნო გამოცდილება, ჯერ კიდევ შევარდნაძის დროიდან მოყოლებული, დიდი აქვს (ისევე, როგორც ლელა იმედაშვილს. რედ.) _ ოზურგეთის საგანმანათლებლო რესურსცენტრის ახალი ხელმძღვანელი, რევოლუციამდე სამხარეო ადმინისტრაციაში საკმაოდ მაღალ თანამდებობას იკავებდა და შესაბამისად, არჩევნების ორომტრიალშიც იყო ჩართული.

მეორე საჯარო სკოლის დირექტორად ოზურგეთის მუნიციპალიტეტის კულტურის სამსახურის უფროსი მარინა ჯაფარიძე გადაისროლეს. ამ უკანასკნელს დიდი საარჩევნო გამოცდილება ნამდვილად არ აქვს, შესაბამისად, სავარაუდოა, რომ ოზურგეთის კულტურის სამსახურის უფროსის თანამდებობას, არჩევნებისთვის მორგებული კადრი დაიკავებს, რომლის ვინაობა ამ დრომდე არ სახელდება.

გურიის გუბერნატორი, ვალერი ჩიტაიშვილი ჩვენთან საუბრისას ამბობს, რომ საკადრო ცვლილებებს არჩევნებთან საერთო არაფერი აქვს:

_ ეს მუდმივი, მუშა პროცესია და მას საერთო არაფერი აქვს არჩევნებთან. თუმცა, საარჩევნო სამზადისში ადამიანი მუდამ არის.

_ თანამდებობებზე საარჩევნო გამოცდილების მქონე კადრების დანიშვნა რას ნიშნავს?

_ თქვენ ფიქრობთ რომ ახლადდანიშნულ ადამიანებს სხვა გამოცდილება არ აქვთ?! დარწმუნებით გეტყვით, რომ თანამდებობებზე კადრები იმ გამოცდილებით ინიშნებიან, რომლის გამოცდილებაც იმ სფეროში გააჩნიათ, _ გვითხრა ჩიტაიშვილმა.

ხელისუფლებისგან განსხვავებით, ოპოზიციურ სპექტრში დიდი გააქტიურება არ შეიმჩნევა. ამ ეტაპზე, გურიაში, პოლიტიკურ არენაზე ყველაზე მეტად ალასანიას "გაერთიანებული დემოკრატები" ჩნდებიან, რომლებიც ხელისუფლების ყველა გადაწყვეტილების შემდეგ ბრიფინგს მართავენ.

ოპოზიციური პარტიების უმრავლესობას ოფისები დაკეტილი აქვთ და მათი პოვნა, თითქმის შეუძლებელია. განსხვავებით ოზურგეთისა და ლანჩხუთისა, ჩოხატაურის საკრებულოში ოპოზიციონერი დეპუტატები დუმან და როგორც ფაქტები მოწმობენ, ხელისუფლების კრიტიკას მკაცრად ერიდებიან.

ოპოზიციური პარტიების წარმომადგენლებს, ამ ეტაპზე, რეგიონებთან დაკავშირებული კონკრეტული სამოქმედო გეგმები არ გააჩნიათ. თუმცა, ყველა პარტიაში თუ ბლოკში, იციან, რომ ხელისუფლება საარჩევნო სამზადისში აქტიურად ჩაერთო.

"ქრისტიან-დემოკრატების" ერთ-ერთი ლიდერი, ინგა გრიგოლია ჩვენთან საუბრისას ამბობს, რომ საარჩევნო სამზადისში პრეზიდენტიც აქტიურად მონაწილეობს და მიიჩნევს, რომ ეს მის მომავალ თანამდებობას უკავშირდება:

_ ბოლო პერიოდში ეს სამზადისი უკვე სახეზეა. ყველაზე თვალსაჩინოა, რომ მიშა ჩაერთო აქტიურად. ბოლო დროს საუბრობენ იმაზე, რომ, შეიძლება, სააკაშვილი საპარლამენტო სიას ჩაუდგეს სათავეში და პარლამენტის თავმჯდომარედ მოგვევლინოს. ანუ, გადადგება არჩევნების წინ. მგონია, რომ მისი გააქტიურებაც ამას უკავშირდება

_ ქალბატონო ინგა, გინდა თქვათ, რომ საქართველოს ხელისუფლება რუსეთის მაგალითს გადმოიღებს, რომლის თანახმადაც შესაკრებთა გადანაცვლებით ჯამი არ იცვლება?

_ დაახლოებით, მაგრამ პრემიერობის ნაცვლად, შეიძლება ის მოგვევლინოს პარლამენტის თავმჯდომარედ. ეს ვერსია ძალიან აქტუალურია ამ ბოლო დღეებში, რაც იმას ნიშნავს, რომ არჩევნებში მათ არ უნდა აიღონ უმრავლესობა. წინააღმდეგ შემთხვევაში, სააკაშვილი გახდება პარლამენტის სპიკერი და ოთხი წლის შემდეგ, ისევ შეეცდება გახდეს პრეზიდენტი.

საქართველოს მედია კლუბის თავმჯდომარე მაგდა პოპიაშვილი ამბობს, რომ ოპოზიცია არჩევნების მოგებას მხოლოდ სწორი და მიზანმიმართული აქტივობების შედეგად შეძლებს:

_ გაცხარებული საარჩევნო კამპანია აქვთ ნაციონალებს. ეს აისახება, როგორც მათ ზოგად პიარაქტივობებზე, ისე ადმინისტრაციული რესურსის გადახალისებაზე. ორივე მიმართულებით აქტიურად მუშაობენ, ოპოზიციისგან განსხვავებით

_ შეძლებს ოპოზიცია სერიოზული წინააღმდეგობის გაწევას?

_ ასეთ მდგომარეობაში დიდხანს თუ იქნება, ვერ შეძლებს. "ქრისტიან-დემოკრატები" წაიღებენ თავის 10 პროცენტს, დანარჩენი ოპოზიციის საქმე კი იმის მიხედვით იქნება, რამდენად დაიწყებენ სწორ და მიზანმიმართულ აქტივობებს, თუ, რა თქმა უნდა, ამ ერთწლიან მონაკვეთში რაიმე ახალი ძალა არ გამოჩნდა, რომელიც ოპოზიციური ველის დიდ ნაწილს აითვისებს, ან თავად ხელისუფლება არ დაუშვებს რამე ისეთ შეცდომას, რაც ოპოზიციას აქტიურობის საბაბს მისცემს

_ ხელისუფლების შეცდომებს ელით? ექსპერტები მიიჩნევენ, რომ ხელისუფლებამ საკუთარ შეცდომებზე ბევრი რამ ისწავლა და მიაჩნიათ, რომ მსგავს ნაბიჯებს აღარ გადადგამს.

_ შეცდომას ნაკლებად ველი, მაგრამ ერთ-ერთ ვერსიად განვიხილავ. თუმცა, ისეთ შეცდომას, რაც მათ პოლიტიკურ კარიერას დაასრულებს, რა თქმა უნდა არ ველი.

ოპოზიციონერი თეო ტლაშაძე მიიჩნევს, რომ შეუძლებელი არაფერია, მათ შორის ოპოზიციის არჩევნებში გამარჯვება:

_ ხელისუფლება საარჩევნო ფაცი-ფუცშია და არა სამზადისში. იმის თქმა, რამდენად შეუძლია ოპოზიციას მოიგოს ეს არჩევნები, დღეს მიჭირს. ეს დღეს, თუმცა, ხვალ რა იქნება, ამას დრო გვიჩვენებს. იმის ფონზე, რომ შიდა ქართლის გუბერნატორად დაინიშნა გიორგი ტატიშვილი, რომელიც სპეცოპერაცია "არჩევნების" შემოქმედი იყო და პირდაპირ საარჩევნო უბანზე იარაღით ატერორებდა კომისიის წევრებს, მის მოადგილედ კი _ ბასიშვილის ზონდერ-ჯგუფის ხელმძღვანელი კახნიაშვილი, გამარჯვებაზე საუბარი ცოტა რთულია, თუმცა, არა შეუძლებელი. ალბათ, ამ ყველაფრის გათვალისწინებით, გესმით რამხელა ბრძოლა იქნება საჭირო. თუმცა, აზრი ყველაფერს აქვს, ვნახოთ, _ თქვა "გურია ნიუსთან" საუბრისას ტლაშაძემ.




 ახალი ამბები
  • საზარელი ავარია ანაკლია-განმუხურის გზაზე - არიან გარდაცვლილებიცოტა ხნის წინ ავტოსაგზაო შემთხვევა მოხდა ანაკლია-განმუხურის გზაზე. არსებული ინფორმაციით, მსუბუქი ავტომობილი გზიდან გადავიდა და ხეს შეასკდა. როგორც „გურია ნიუსს“ ერთ-ერთმა თვითმიხლველმა განუცხადა,  გარდაცვლილია სამი ადამიანი. ადგილზე მობილიზებულია პოლიცია და სასრაფო დახმარების ბრიგადები. "გურია ნიუსი" დეტალების გარკვევას ამ წუთებში, შსს-ში ... ...
  • ოხანაშვილი: „ნაციონალური მოძრაობა" და მათი სატელიტები ცდილობენ ბაჩალიაშვილის ოჯახის ტრაგედიით მანიპულირებას"„ნაციონალური მოძრაობა", მისი სატელიტი პარტიები და პარტიული ტელევიზიები უმძიმეს „მორალურ" ქმედებებს სჩადიან   და საზოგადოების თვალში ცდილობენ, რომ საზოგადოებას რაიმე შინაარსობრივ დღის წესრიგზე კი არ ესაუბრონ არამედ,  ოჯახის ტრაგედიით მანიპულირებაზე  ესაუბრონ",_ამის შესახებ განცხადება იურიდიულ საკითხთა კომიტეტის თავმჯდომარემ, ანრი ოხანაშვილმა გააკეთა. ოხანაშვილმა აღნიშნა, რომ მათი ქცევა ახალი არ არის. "ეს ჩვენთვის არახალია. ეს არის დღის წესრიგი, რაც ეს კიდევ ერთხელ მიუთითებს, რომ ამ გაკოტრებულ ჯგუფებს არაფერი აქვთ საზოგადოებასთან სალაპარაკო. ისინი იყენებენ   ოჯახის ტრაგედიებს, ახდენენ მანიპულაციას, ახდენენ ფაქტების დამახინჯებას და ამით, „ნაციონალური მოძრაობა" და მათი სატელიტები ცდილობენ საკუთარი პარტიული ტელევიზიებით საზოგადოების თვალში კითხვის ნიშნები დასვან გამოძიებასთან მიმართებაში", - განაცხადა  ... ...
  • ვოლსკი: ბაჩალიაშვილის საქმესთან დაკავშირებით გამოძიებას ჯერჯერობით ვერ მივედავებით„არც ერთი თემა, რომელიც კითხვის ნიშნის ქვეშ არის, არ არის მხოლოდ ოჯახის და ჭირისუფლის ინტერესში, რომ პასუხი გაეცეს. საზოგადოებას აინტერესებს ამ კითხვებზე პასუხი. გამოძიებას ამასთან დაკავშირებით ჯერჯერობით  ვერ მივედავებით იმიტომ, რომ  კონკრეტული განცხადებები არ გაუკეთებია და რაიმე შედეგებზე ჯერჯერობით არ გავსულვართ", - განაცხადა პარლამენტის თავმჯდომარის პირველმა მოადგილემ,  გიორგი ვოლსკიმ. მისივე თქმით, კითხვები ბევრია და ამ კითხვებზე პასუხს კომპეტენტური გამოძიება გასცემს. „დანარჩენი,  ყველა პოლიტიკური ინსინუაცია, რასაკვირველია, გამოძიებასაც უშლის ხელს და იმ მიმართულებას ემსახურება, რასაც ჰქვია დესტრუქცია, სტრესული ატმოსფეროს შექმნა და როგორმე დესტაბილიზაციის მიღწევა წინასაარჩევნო პერიოდში ჰქვია", – განაცხადა გიორგი ... ...
  • გლდანის საპატიმროში სამლოცველო მოეწყო (R)N8 პენიტენციური დაწესებულების ტერიტორიაზე სამლოცველო მოეწყო, რომელიც სრულიად საქართველოს კათოლიკოს პატრიარქის, უწმინდესისა და უნეტარესის ილია II-ის ლოცვა-კურთხევით, წმინდა გიორგის სახელობის იქნება. სამლოცველო მარტვილისა და ჭყონდიდის მიტროპოლიტმა მეუფე გრიგოლმა დაწესებულების მოძღვართან და სასულიერო პირებთან ერთად აკურთხა.  საზეიმო წირვა-ლოცვას დაწესებულების თანამშრომლები და მსჯავრდებულები დაესწრნენ. ღონისძიების დასასრულს, საქართველოს კათოლიკოს პატრიარქის ლოცვა-კურთხევით, სამლოცველოს საჩუქრად საეკლესიო ნივთები და ლიტერატურა გადაეცა. ამ დრომდე N8 პენიტენციურ დაწესებულების ტერიტორიაზე სამლოცველო სივრცე არ არსებობდა. ფართი დაწესებულების დირექტორისა და სპეციალური პენიტენციური სამსახურის ხელშეწყობით მოიძებნა და მასში ბრალდებულებისა და მსჯავრდებულებისათვის, ასევე თანამშრომლებისათვის, სამლოცველო ... ...
  • ,,თბილისის ცენტრალური საავადმყოფოს" დირექტორი და ექიმი დააკავესთბილისის პროკურატურის საგამოძიებო სამმართველოს თანამშრომლებმა, სამსახურეობრივი გულგრილობის, სამსახურებრივი მდგომარეობის გამოყენებით თაღლითობისა და უკანონო საექიმო საქმიანობის ფაქტზე, მოსამართლის განჩინების საფუძველზე, ,,თბილისის ცენტრალური საავადმყოფო“-ს დირექტორი გ.ლ. და ამავე კლინიკის ექიმი ვ.ყ. დააკავეს, ხოლო უკანონო საექიმო საქმიანობის ფაქტზე მ.ხ.-ს მიმართ დაუსწრებლად იქნა გამოტანილი დადგენილება ბრალდებულად პასუხისგებაში მიცემის შესახებ. „საქმეზე ჩატარებული გამოძიებით დადგინდა, რომ 2018 წლის ზაფხულში მოქალაქე ნ.ც.-მ შესაბამისი სამედიცინო მომსახურების მიღების მიზნით, კლინიკა - შპს ,,თბილისის ცენტრალურ საავადმყოფო“-ს მიმართა, სადაც მას კონსულტაცია ექიმმა ვ.ყ.-მ გაუწია. პაციენტი- ნ.ც. და მისი ოჯახის წევრები დაარწმუნა, რომ პაციენტისათვის ჩატარებული გამოკვლევის შედეგები იტალიაში გადააგზავნეს და მათი რეკომენდაციით უნდა ჩატარებულიყო ქირურგიული ოპერაცია, რომელსაც ასევე იტალიიდან მოწვეული ექიმები გააკეთებდნენ. თუმცა, აღნიშნული ოპერაცია , შპს ,,თბილისის ცენტრალურ საავადმყოფო“-ში 2018 წლის 18 სექტემბერს ექიმმა ვ.ყ.-მ თავად გაუკეთა პაციენტს, ისე რომ მას არ გააჩნდა დამოუკიდებელი საექიმო საქმიანობის დამადასტურებელი სახელმწიფო სერტიფიკატი სპეციალობით ,,ორთოპედია-ტრავმატოლოგია“, ასევე მან ოპერაციაზე დაიხმარა მ.ხ. რომელსაც ასევე არ გააჩნდა სახელმწიფო და/ან დროებითი სერტიფიკატი არც ერთ სპეციალობაში და იგი საავადმყოფოში ხელშეკრულების საფუძველზე კონსულტანტის თანამდებობაზე მუშაობდა. გამოძიებით ასევე დადგენილია, რომ ოპერაციის შემდეგ ნ.ც.-ს ტკივილები განუახლდა, რის გამოც პაციენტმა აღნიშნულ საავადმყოფოს ისევ მიმართა. ვ.ყ-მ დაიყოლია პაციენტი და მისი ოჯახის წევრები განმეორებითი ოპერაციის ჩატარებაზე, იმ არგუმენტით, რომ ეს იტალიელი სპეციალისტების რეკომენდაცია იყო და რომ ოპერაციას იტალიიდან მოწვეული ექიმები თავად ჩაატარებდნენ. ნ.ც.-ს განმეორებითი ოპერაცია 2018 წლის 10 დეკემბერს გაუკეთდა და ისევე როგორც პირველი ოპერაცია იტალიელი სპეციალისტების ნაცვლად, შესაბამისი ლიცენზიის არმქონე ვ.ყ.-მ და მ.ხ-მ ჩაატარეს. ექიმების მიერ გამოვლენილი უყურადღებობისა და დაშვებული შეცდომების გამო პაციენტის მდგომარეობა გართულდა და იგი დღემდე კომატოზურ მდგომარეობაში იმყოფება. გამოძიებით ასევე დადგინდა, რომ პაციენტისთვის ჩატარებული ორივე ოპერაციის დროს კლინიკას გ.ლ. ხელმძღვანელობდა, რომელმაც ჯეროვნად არ შეასრულა თავისი სამსახურებრივი მოვალეობა. ნ.ც.-ს მიმართ დაგეგმილ ოპერაციას, მის მიმდინარეობას, ექიმების შესაბამისი ლიცენზიის არსებობის კონტროლის საკითხს, ასევე პაციენტის სიცოცხლესა და ჯანმრთელობას მოეკიდა დაუდევრად. ვ.ყ.-ს ბრალდება საქართველოს სისხლის სამართლის კოდექსის 180-ე მუხლის მეორე ნაწილის „ბ“ და მესამე ნაწილის „ა“ ქვეპუნქტებით, 246-ე მუხლის I ნაწილით წარედგინა, რაც სასჯელის სახედ და ზომად ექვსიდან ცხრა წლამდე თავისუფლების აღკვეთას ითვალისწინებს. გ.ლ.-ს ბრალდება სისხლის სამართლის კოდექსის 2201-ე მუხლის მეორე ნაწილით წარედგინა, რაც სასჯელის სახედ და ზომად ორიდან ხუთ წლამდე თავისუფლების აღკვეთას ითვალისწინებს. შეეხება მ.ხ.-ს, იმის გათვალისწინებით, რომ მას საქართველოს ტერიტორია დატოვა და უარს აცხადებს საგამოძიებო ორგანოში გამოცხადებაზე, მის მიმართ დაუსწრებლად იქნა გამოტანილი დადგენილება სისხლის სამართლის კოდექსის 246-ე მუხლის I ნაწილით, რაც სასჯელის სახედ და ზომად სამ წლამდე თავისუფლების აღკვეთას ითვალისწინებს. საქართველოს პროკურატურა სამივე ბრალდებულის მიმართ აღკვეთის ღონისძიების სახედ პატიმრობის გამოყენების შუამდგომლობით, თბილისის საქალაქო სასამართლოს მიმართავს“,_ აცხადებენ ... ...

არქივი

ტესტები

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...