პარლამენტის დეპუტატს ტელეფონი ადგილობრივი ბიუჯეტის ფულით უყიდეს

მთავარი თემა

პარლამენტის დეპუტატს ტელეფონი ადგილობრივი ბიუჯეტის ფულით უყიდეს

8 სექ. 2014, 13:42:35

წლების განმავლობაში ხელისუფლება ხალხის ხარჯზე ფუფუნებას არ იკლებდა. ძვირადღირებული ტელეფონები, ლეპტოპები, ავტომანქანები, სავარძლები, კარადები, მაგიდები _ ეს ყველაფერი ხალხს რამდენიმე მილიონი უჯდებოდა. ჩოხატაურის მუნიციპალიტეტმა 2010 წლიდან დღემდე  მილიონამდე ლარი სწორედ ტელეფონებში, ლეპტოპებში, სავარძლებში, ტელევიზორებში დახარჯა.

საოფისე სავარძელი _ 500 ლარის ღირებულებით, 250- ლარიანი კარადა, 675-ლარიანი ოფისის სკამი, 1214-ლარიანი ლეპტოპი, 490- ლარიანი მობილური ტელეფონი _ ეს ქონება მიღება-ჩაბარების აქტის თანახმად, საქმისწარმოებისა და საორგანიზაციო საკითხთა სამსახურის აწ უკვე ყოფილ უფროსს, დავით ჯინჭარაძეს ებარა. ჯინჭარაძემ რამდენიმე ხნის წინ, თანამდებობა საკუთარი სურვილით დატოვა. ჩაბარებული ქონების ნაწილი გამგეობაში ვნახეთ, თუმცა, როგორც გავარკვიეთ, მობილური ტელეფონი ჯინჭარაძეს სახლში "გაყვა".

"სახლში გაყოლილი" ტელეფონების ჩამონათვალი საკმაოდ ვრცელია. ტელეფონების მსგავსად გაურკვეველია რამდენიმე ლეპტოპის ბედიც. ის, რომ ნამდვილად შეძენილია, ხელშეკრულებებით დასტურდება. თუმცა, ბევრ მათგანს მიღება-ჩაბარების აქტი არ ახლავს, შესაბამისად, რთული სათქმელია, სად და ვისთან ინახება მუნიციპალიტეტის ბიუჯეტით შეძენილი ქონება.

ჩოხატაურელი ჩინოსნები, როგორც დოკუმენტები ცხადყოფენ, ყველაზე უხვები ტელეფონების ყიდვისას არიან. უმრავლესობას ბიუჯეტის ხარჯზე თითქმის ყოველ წელს აქვს ტელეფონი გამოცვლილი, თუმცა, ძველი ტელეფონი არავინ იცის, სადაა. ჩამოწერის აქტი ჩოხატაურის მუნიციპალიტეტის გამგეობაში არ გააჩნიათ.

ყველაზე მეტი მობილური ტელეფონი ჩოხატაურის მუნიციპალიტეტის ბიუჯეტიდან 2011 წელს არის შეძენილი.

2011 წლის 14 აპრილს, ინდმეწარმე ნათია კორკოტაძესთან დადებული ხელშეკრულების თანახმად, 2470 ლარის ღირებულების ტელეფონები შეიძინეს, ამავე წლის24 მაისს _ 890 ლარის. ამავე წლის 26 აგვისტოს  1212 ლარის. 2011 წლის 21 ოქტომბერს _ 1725 ლარის მობილური ტელეფონია შეძენილი.

წლების მანძილზე, ჩოხატაურის მუნიციპალიტეტის გამგეობა ტელეფონებს ერთი და იმავე ინდმეწარმესთან _ ნათია კორკოტაძესთან ყიდულობდა.

2013 წლის 12 მარტს ზედამხედველობის სამსახურის აწ უკვე ყოფილ უფროსს, ვლადიმერ სიხარულიძეს 380-ლარიანი ტელეფონი შეუძინეს (სიხარულიძე ახლა საკრებულოს თავმჯდომარის მოადგილეა). ვლადიმერ სიხარულიძეს ბიუჯეტის ფულით ტელეფონი 2010 წელსაც აქვს შეძენილი.

მიმდინარე წლის 3 აპრილს ჩოხატაურის მუნიციპალიტეტის გამგებლის მოვალეობის შემსრულებელმა თამაზ ჯინჭარაძემ 200-ლარიანი ტელეფონი შეიძინა (ჯინჭარაძე ახლა გამგებლის პირველი მოადგილეა).

მიმდინარე წლის 27 მარტს მატერიალურ-ტექნიკური განყოფილების ხელმძღვანელს, ვლადიმერ გოგიბერიძეს 220-ლარიანი ტელეფონი შეუძინეს. გოგიბერიძეს ტელეფონი წინა წლებშიც აქვს შეძენილი.

2013 წლის 24 ივლისს, საკრებულოს აწ უკვე ყოფილმა თავმჯდომარემ, ანტონ ხუნდაძემ მორიგი ტელეფონი შეიძინა. ხუნდაძის ბალანსზე ბოლო 4 წლის განმავლობაში 2 ტელეფონია.

2 ცალი ტელეფონი 2014 წლის 26 თებერვალს შეუძინეს ქონების მართვის სამსახურის უფროს  ვლადიმერ ლომთათიძეს, რომლის თქმით, ერთით _ მისი თანამშრომელი სარგებლობს.

2013 წლის 22 თებერვალს  მობილური ტელეფონი შეძენილია ჩოხატაურის გამგებლის მოადგილისთვის, ირაკლი ახობაძისთვის _ ფასით 360 ლარი. ახობაძე დღეს საკრებულოს წევრია და როგორც გავარკვიეთ, ტელეფონი არ ჩაუბარებია. უფრო მეტიც, მას სახლში მეორე, მისი განმარტებით, "გაფუჭებული" ტელეფონი აღმოაჩნდა, რომელიც, ასევე, მუნიციპალიტეტის ბალანსზეა.

მუნიციპალიტეტის პრესსამსახურის თანამშრომელი ლია ხუნდაძე, საკრებულოს საბიუჯეტო კომისიის აწ უკვე ყოფილი თავმჯდომარე შალვა ჩანტლაძე,  საქმისწარმოებისა და საორგანიზაციო სამსახურის განყოფილების უფროსი ლუდმილა მეგრელიშვილი, ეკონომიკის სამსახურის აწ უკვე ყოფილი უფროსი (ამჟამად გამგეობის შიდა აუდიტის სამსახურის თანამშრომელი), საკრებულოს თავმჯდომარის მოადგილე მიხეილ უნგიაძე (ამჟამად საკრებულოს თავმჯდომარის მრჩეველი), საფინასო სამსახურის უფროსი ზურაბ ჩანტლაძე (ამაჟამად შიდა აუდიტის სამსახურის უფროსი), ყოფილი გამგებელი გია გიორგაძე (ამჟამად ინფრასტრუქტურიოს სამსახურის უფროსი), გამგებლის ყოფილი მოადგილე დიმიტრი კორიფაძე  _  ის ადამიანები არიან, რომლებსაც ძვირადღირებული ტელეფონები შეუძინეს და რომლის ნაწილის ბედიც გაურკვეველია.

აღსანიშნავია, რომ ჩოხატაურის მუნიციპალიტეტის ბიუჯეტიდან 2011 წელს მობილური ტელეფონი შეძენილია იმდროინდელი მაჟორიტარი დეპუტატის, კორნელი კუკულავასთვისაც.

ჩოხატაურის მუნიციპალიტეტის გამგეობის მიერ მობილური ტელეფონები (მათ შორის, წელსაც) მდივნებისა და მძღოლებისთვისაც არის შეძენილი, თუმცა, გაცილებით იაფფასიანი. უმეტეს შემთხვევაში, ტელეფონების ღირებულება 100 ლარს არ აღემატება.

ქონების მართვის სამსახურის უფროსი ვლადიმერ ლომთათიძე ამბობს, რომ ძველ ჩინოვნიკებს, მიუხედავად მრავალგზის თხოვნისა, ბიუჯეტით შეძენილი ქონება არ მოაქვთ:

_ მაგალითად, დოდო მამალაძეს (მამალაძე 2011 წელს კულტრის სამსახურის უფროსი იყო) რამდენჯერ დავურეკე და არ მოიტანა. არ მოაქვთ და მე რა ვქნა?! კიდევ ერთხელ ვეტყვი, დააბრუნებენ _ დააბრუნებენ, თუ არადა, თავში ქვა უხლით, _ ამბობს ჩვენთან საუბრისას ლომთათიძე, რომელიც პირადად არის პასუხისმგებელი მუნიციპალიტეტის ქონებაზე.

_ ბატონო ვლადიმერ, ვინ უნდა იხალოს თავში ქვა? იმ ადამიანებმა, რომლებიც ბიუჯეტს ავსებენ და ეს ბიუჯეტი კონკრეტული ადამიანების ფუფუნებისთვის იხარჯება?

_ აბა რა ვქნა, ვერ გავიგე, ძალით ხომ ვერ მოვატანინებ?! _ ამბობს ლომთათიძე.

მისივე თქმით,  წაღებული ტექნიკის შესახებ ყველა საქმის კურსშია, თუმცა, კონკრეტული დოკუმენტაცია შედგენილი არ არის. უფრო მეტიც, გამგეობაში არ არსებობს მიღება-ჩაბარების, ჩამოწერის აქტები.

გაურკვეველია რამდენიმე ლეპტოპის ბედიც. ოფიციალური დოკუმენტების თანახმად, ლეპტოპები საკრებულოს კომისიის ხელძღვანელებს და სამსახურების უფროსებს აქვთ შეძენილი, თუმცა, გადამოწმებისას ბევრი მათგანი გამგეობის შენობაში ვერ აღმოვაჩინეთ.

_ ყველას დავურეკე და აუცილებლად მოიტანენ, _ ამბობს ლომთათიძე და ადასტურებს, რომ ჩამოწერის აქტების არარსებობა, მიღება-ჩაბარების აქტების არშედგენა, ბიუჯეტის მიერ შეძენილი ქონების ადგილსამყოფელის გაურკვევლობა კანონის დარღვევაა.

_ რა ვქნა?! კი ვიცი, რომ ამით კანონი დავარღვიე, მაგრამ მართლა არ მოაქვთ, _ ამბობს ქონების მართვის სამსახურის უფროსი, რომელიც ორი წლის განმავლობაში სანიმუშოდ შესრულებული სამუშაოსთვის რამდენიმეჯერ პრემიითაც დააჯილდოვეს.

აღსანიშნავია კიდევ ერთი გარემოება _ ჩოხატაურის მუნიციპალიტეტის საკრებულო-გამგეობის მიერ 2010-2012 წლებში საკამოდ დიდი რაოდენობით ტელევიზორებია შეძენილი. ყველა მათგანი ჩოხატაურელ ინდმეწარმეებთანაა შეძენილი, თუმცა, არცერთ მათგანს ტექნიკის მაღაზია არ გააჩნია. მაგალითად, ინდმეწარმე თამაზ ვასაძე, რომელთანაც ტელევიზორებს ხშირად ყიდულობენ, ტელევიზორის შემკეთებელია. ინდმეწარმე ზურაბ მდინარაძეს კი რკინეულობის მაღაზია აქვს და ჩვენთან საუბრისას ადასტურებს, რომ მას ტელევიზორები არც ჰქონია და არც აქვს გასაყიდი:

_ არა, ტელევიზორებს არ ვყიდი, არც გამიყიდია,_ დაგვიზუსტა მდინარაძემ.

_ მაშინ როგორ გავიგოთ, რომ გამგეობასთან დადებულ ხელშეკრულებაზე თქვენი ხელმოწერა და ბეჭედია?

_ არ ვიცი, იქნებ ადრე იყიდეს (?!), _ ამბობს მდინარაძე, რომელიც წლებია, მუნიციპალიტეტის მიერ დაფუძნებული შპს "ბახმარო 2009"-ის (საფეხბურთო კლუბი ბახმარო) ბუღალტერია.

უნდა ითქვას ისიც, რომ გამგეობას ზურაბ მდინარაძისგან, ტელევიზორების გარდა, სხვა ნივთებიც აქვს ნაყიდი _ მათ შორის, სადილის სერვიზი, მობილური ტელეფონი... არადა, როგორც ზემოთ აღვნიშნეთ, მდინარაძეს აგრარული ბაზრის გვერდით რკინეულობის მაღაზია აქვს!

ჩოხატაურის მსგავსად საკმაოდ საინტერესოა ლანჩხუთის და ოზურგეთის მუნიციპალიტეტების მიერ გახორციელებული შესყიდვებიც, რომლის შესახებაც უახლოეს ნომერში გიამბობთ.




 ახალი ამბები
  • შსს გლდანის ხევში აღმოჩენილი ახალშობილის გარდაცვალების ფაქტს ეხმაურებაშინაგან საქმეთა სამინისტრო ეხმაურება 2020 წლის 2 ივნისს გლდანის ხევში აღმოჩენილი ახალშობილის გარდაცვალების ფაქტს. „2020 წლის 2 ივნისს, შინაგან საქმეთა სამინისტროს საზოგადოებრივი უსაფრთხოების მართვის ცენტრ "112"-ში დასუფთავების სამსახურის წარმომადგენლების მიერ შემოვიდა შეტყობინება, რომ ნაპოვნი იქნა ჩვილი. შეტყობინების მიღებიდან რამდენიმე წუთში პოლიცია შემთხვევის ადგილზე გამოცხადდა. მომხდარ ფაქტთან დაკავშირებით, შინაგან საქმეთა სამინისტროში დაიწყო გამოძიება საქართველოს სისხლის სამართლის კოდექსის 112-ე მუხლით, რაც დედის მიერ მშობიარობისას ან მშობიარობის შემდეგ უმალვე ახალშობილის განზრახ მკვლელობას გულისხმობს. შემთხვევის ადგილზე ჩატარდა გადაუდებელი საგამოძიებო მოქმედებები, მათ შორის, შემდგომი საექსპერტო კვლევისთვის ახალშობილის ცხედარი გადასვენებულ იქნა ლევან სამხარაულის სახელობის სასამართლო ექსპერტიზის ეროვნულ ბიუროში. მომხდარ ფაქტთან დაკავშირებით, გამოძიების ფარგლებში, გამოიკითხნენ შესაბამისი პირები, რომლებიც, შესაძლოა, ფლობდნენ რაიმე ინფორმაციას შემთხვევის შესახებ. მათ შორის, მოწმის სახით, სოციალური მუშაკისა და ფსიქოლოგის მონაწილეობით გამოიკითხა არასრულწლოვანი გოგონა. საქმეზე ჭეშმარიტების დადგენის მიზნით დანიშნულია შესაბამისი ექსპერტიზები. გამოძიება გრძელდება ყველა შესაბამისი ვერსიის გადამოწმებისა და რელევანტური მტკიცებულებების შეგროვების მიზნით. რაც შეეხება ზოგიერთი მედიასაშუალების მიერ გავრცელებულ ინფორმაციას არასრულწლოვანი გოგონას დაკავებასთან, ასევე, პოლიციის თანამშრომლის მიერ ახალშობილის ცხედრის გადაგდებასთან დაკავშირებით, არის დეზინფორმაცია. მოვუწოდებთ ყველა მედიასაშუალებას, რომ არასრულწლოვნის საუკეთესო ინტერესიდან და საქმის სენსიტიურობიდან გამომდინარე, აღნიშნული თემის გაშუქებისას დაიცვან საქართველოს კანონმდებლობით, მათ შორის, არასრულწლოვანთა მართლმსაჯულების კოდექსით დადგენილი მოთხოვნები და არ მოახდინონ არასრულწლოვნის უფლებების შელახვის პროვოცირება”,_ წერია უწყების მიერ გავრცელებულ ... ...
  • პოლიციამ ზუგდიდში გამოძალვის ბრალდებით 2 პირი დააკავაშინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1991 წელს დაბადებული ა.წ. და 1976 წელს დაბადებული რ.პ., გამოძალვის ბრალდებით, სამეგრელოში, ცხელ კვალზე დააკავეს. დანაშაული 4-დან 7 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ბრალდებულები მოქალაქეს გარკვეული ოდენობის თანხას სისტემატურად სძალავდნენ. პოლიციამ ავტომანქანიდან, რომლითაც ერთ-ერთი ბრალდებული გადაადგილდებოდა, ნივთმტკიცების სახით ამოიღო 3500 აშშ დოლარი, ხოლო მეორე ბრალდებულის სახლიდან სამართალდამცველებმა საბრძოლო მასალა და სავარაუდოდ ცეცხლსასროლი იარაღი ამოიღეს. გამოძიება საქართველოს სისხლის სამართლის კოდექსის 181-ე მუხლის მე-2 ნაწილის "გ" ქვეპუნქტით მიმდინარეობს, რაც დიდი ოდენობით ქონების მიღების მიზნით ჩადენილ გამოძალვას ... ...
  • სროლა თბილისში- დაჭრილია 2 ადამიანისროლა იყო ცოტა ხნის წინ ბაგებში, სამხარაულის ექსპერტიზის ბიუროსთან. სროლის შედეგად 2 ადამიანია დაჭრილი. ამ დროისთვის დაჭრილები ხეჩინაშვილის კლინიკაში არიან გადაყვანილები და მათ სიცოცხლეს საფრთხე არ ემუქრება. ჯერჯერობით უცნობია, ჭრილობები რა სახის იარაღით არის მიყენებული. ადგილზე ექსპერტ-კრიმინალისტები მუშაობენ. ჯერჯერობით, უცნობია დაპირისპირების მიზეზი. შსს-მ გამოძიება 117-ე მუხლით დაიწყო, რომელიც ჯანმრთელობის განზრახ მძიმე დაზიანებას ... ...
  • “მწვანე გურია“ კაკო ღლონტის სამეფოშიოზურგეთის მუნიციპალიტეტის, სოფელ გურიანთაში მცხოვრები ფერმერი, აგრონომი კაკო ღლონტი საზოგადოებისთვის კარგად არის ცნობილი. “გურია ნიუსი“ დაინტერესდა, როგორ შეხვდა ღლონტების ოჯახი პანდემიას. კაკო ღლონტი ასევე ოზურგეთის  მუნიციპალიტეტის მერიაში სოფლის მეურნეობის განყოფილების თანამშრომელია. _ ბატონო კაკო, როგორ შეხვდით კორონავიურისს და როგორია თქვენი დღის წესრიგი? _ თითქმის არაფერი შეცვლილა, ვმუშაობდით ჩვეულებრივ რეჟიმში და გადავედით დისტანციურ რეჟიმზე.  ჩვენ ფერმერებთან  არ გაგვიწყვეტია კონტაქტი და ის, რაც პროექტები გვქონდა, გრძელდებოდა მისი გახორციელება. თხილის, ციტრუსის პროექტი გვაქვს, სიმინდის კუთხით ახალი ჯიშებს ვიყვანთ. ახალი ის არის, რომ ბროკოლის მოყვანა გადავწყვიტეთ და დავამტკიცეთ, ესეც შესაძლებელია გურიაში. _ სახლში რა ხდება, სადაც თქვენ ხართ მბრძანებელი? _ საქმის კეთება ყოველთვის მიყვარდა და ახლაც ვაგრძელებ სხვადასხვა კულტურების მოყვანას და მომრავლებას. უფრო მეტად აქტიური გავხდი ამ კორონავირუსის შემხედვარე. ვმუშაობ დაუღალავად. ჩემი მეუღლე, შვილები ჩემს გვერდით არიან.   _ ეს  პანდემია როდის გადაივლის,  ჯერჯერობით, არავინ არ იცის. დამწყებ ფერმერებს რა რჩევა-დარიგებას მისცემთ, რომ შემოდგომა-ზამთარს მომზადებულები შეხვდნენ? _ ადამიანი ყოველთვის უნდა იყოს მზად, რა იცი, წინ რა გველოდება. სიმართლე გითხრათ, ბევრი,  დავუშვათ, ვერ შემოიტანეს უცხოეთიდან მარცვლეული ან სხვა პროდუქტი? ადამიანმა იმდენი მაინც უნდა იშრომოს, რომ სახლში მოყვანილი პროდუქტებით ერთი ან ორი თვის მანძილზე გაიტანოს თავი. პირველ რიგში, უნდა დაეკითხონ და დაუჯერონ დარგის სპეციალისტებს და იმ ადამიანებს, რომლებსაც დიდი გამოცდილება აქვთ სოფლის მეურნეობაში. ასევე იკითხონ წიგნი, ნამეტარი ინტერნეტს ნუ მიეჯაჭვებიან. _ რომელი კულტურის მოყვანით და გამრავლებით არიან დაინტერესებულები? _ ყველას უნდა კონსერვი გააკეთოს. ძირითადად ბოსტნეულების მოყვანით არიან დაინტერესებულები. მაგრამ, მარტო კიტრის და პომიდორის მოყვანა ხომ არ არის საკმარისი. შეგვიძლია შემოდგომაზე და ზამთარში სალათების, მწვანილების, კიტრის მოყვანა. ფუჭად არ უნდა დავკარგოთ დრო, ერთხელ და სამუდამოდ უნდა ვისწავლოთ დროის გამოყენება შედეგიანად, რომ შემდეგ საკუთარ თავთან და ღმერთთან მართლები ვიყოთ. კარგად უნდა დავგეგმოთ თითოეული წუთი და საათი. უფრო მეტი გააქტიურება არის საჭირო და საკარმიდამო ნაკვეთების დამუშავება. _ თქვენ პირადად, რომელი კულტურის მოყვანით ხართ დაკავებული? _ მე ვარ მრავალფეროვნების მოყვარული. თუ კი რამეს მოყვანა შეიძლება გურიაში ყველაფერი მომყავს, ვაშენებ, ვამრავლებ და ვახარებ. ჩემთან, რომ მოდის ფერმერი ნერგის საყიდლად, აუცილებლად მას ვანახვებ იმ კულტურებს, რომლის გახარება და გამრავლება შევძელი. ამ კონსულტანციას და რჩევა-დარიგებებს კიდევ არავის ვამადლი. მთავარია, სასაუბრო დრო მქონდეს.  აგერ, მაგალითად, ჩემს ეზოში, სახლის გვერდზე, კომბოსტო უკვე თავშეხვეულია. ხომ იძახიან გურიაში არ იხარებს და არ მოდის კომბოსტოო, არ არის ეს სიმართლე, ბატონებო - მოდის, თან წელიწადში  _სამჯერ. _ რატომ არ ვიყენებთ? _ საკმარისი ცოდნა არ აქვთ და იმიტომ. მაგალითად, დაიწყო დამწყებმა ფერმერმა სხვადასხვა კულტურების მოყვანა, მაგრამ ცოდნა რომ არ ქონდა, ვერ გაახარა და ვერ გაამრავლა. შემდეგ კი ხელი ჩაიქნია და დაჯდა სახლში. საბედნიეროდ, მოდიან ისეთი ახალგაზრდები, რომლებიც აქტიურად სწავლობენ და მუშაობენ. შედეგიც არის და ეს იძლევა იმედს, რომ ყველაფერი კარგად იქნება. _ როგორც ვიცი, წელს ყველაზე მეტად იყიდება პომიდორის, კიტრის, ბულგარულის და სხვა კულტურის ნერგები. _ ჩემი მეუღლე მენერგეობას მისდევს და აგრარულ ბაზარში ყიდის ნერგებს. წელს  ფაქტიურად სახლიდან გაიყიდა ნერგები. ბაზარში ორი დღეც არ გასულა. თბილისიდან, ბათუმიდან, ქუთაისიდან რომ დაბრუდნენ, თავის კარმიდამოს მიხედვა ხომ ჭირდება, დაიწყეს მოვლა, შემდეგ ბოსტანში სხვადასხვა ნერგები დარგეს. ყველა ცდილობს, რაღაც გააკეთოს... ცოტა შიშმა შეაფუცხუნა ჩვენი ხალხი. _ ბატონო კაკო, საუბრის დასასრულს, იქნებ, თქვენ გვითხრათ, კორონავირუსის დროს გურია და კახეთი მწვანე ზონა იყო. თქვენი ვერსია  როგორია,  შეინარჩუნებს გურია მწვანე ზონად თავის თავს? _ ხომ იძახოდნენ გურულები, არ არიან კანონმორჩილნიო?! სინამდვილეში კანონმორჩილნი ვყოფილვართ. ყველაფერს ვასრულებდით, რაც რეკომენდაციები გაიცა სპეციალისტების მიერ.  კიდევ შემიძლია ვთქვა: ღმერთი გვფარავს გურულებს, ლაღები ვართ, ლაღი იუმორით და ალბათ, ლაღი ბუნებიდან გამომდინარე. ჩემი მოსაზრებით, არ მოგვივლინა დიდი განსაცდელი. შეიძლება ჩვენი სისუსტის ბრალია: აგენი ვერ გადაიტანს მაგასო და აღარ შეგვხდა ეს კორონავირუსი. _ გურიაში ხომ იყო პერიოდი, როდესაც არ სწამდათ ღმერთის და ეკლესია-მონასტრებში მძიმე მდგომარეობა იყო. _ ეს მხოლოდ გურიაში არ ყოფილა. იყო რაღაც პერიოდი, რომ ეშმაკმა დაძლია საზოგადოებას, მაგრამ დროულად გამოფხიზლდა ერი. გურიაში სწრაფი ტემპით მიდიოდა ეკლესია-მონასტრების აღდგენა და მშენებლობა. ადამიანები დაუბრუნდნენ ეკლესიას და ... ...
  • "გულის მუშაობა აღვუდგინეთ"- გაზგასამართ სადგურზე დაშავებული ექსპერტის მდგომარეობა მძიმეაექსპერტ-კრიმინალისტი, რომელსაც აფეთქებული გაზგასამართი სადგურის ტერიტორიაზე დღეს დენმა დაარტყა, საავადმყოფოშია მოთავსებული. მისი მდგომარეობა სტაბილურად მძიმეა. 39 წლის მამაკაცი "კავკასიის მედიცინის ცენტრში" მკურნალობს, ის მართვით სუნთქვაზე იმყოფება. მამაკაცს გული გაუჩერდა, მაგრამ ექიმებმა მისი მდგომარეობიდან გამოყვანა შეძლეს. კავკასიის მედიცინის ცენტრის დირექტორმა ნათია ნუცუბიძემ აღნიშნა, რომ პაციენტის მდგომარეობა სტაბილურად მძიმეა. "39 წლის მამაკაცს აღენიშნებოდა პარკუჭთა ფიბრილაცია, თუმცა 10 წუთში გულის მუშაობა აღვუდგინეთ. მისი მდგომარეობა სტაბილურად მძიმეა. 2-3 დღეში პაციენტის გამოღვიძება მოხდება,"- განაცხადა ნათია ნუცუბიძემ. შეგახსენებთ, რომ დღეს ელგუჯა ამაშუკელის ქუჩაზე ორი დღის წინ აფეთქებული გაზგასამართი სადგურის შესამოწმებლად ექსპერტ-კრიმინალისტები იყვნენ მისულები, რა დროსაც ერთ-ერთმა მათგანმა ჯანმრთელობის მძიმე დაზიანება მიიღო. დაშავებული მამაკაცი რეანიმაციულ განყოფილებაშია მოთავსებული. წყარო: რუსთავი ... ...

არქივი

ტესტები

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

ხვალ რომ საპარლამენტო არჩევნები იყოს, რომელ პარტიას მისცემდით ხმას?