„დაჩაგრული“ პრეზიდენტის იმიჯი და ქვეყნისთვის გადადგმული სახიფათო ნაბიჯი

მთავარი თემა

„დაჩაგრული“ პრეზიდენტის იმიჯი და ქვეყნისთვის გადადგმული სახიფათო ნაბიჯი

2014 სექ 12 01:16:21

პრეზიდენტის ჩაშლილი ვიზიტი ამერიკის შეერთებულ შტატებში, ქვეყნისთვის საზიანო ქმედება თუ დემოკრატიისთვის გადადგმული ნაბიჯი, - რატომ გადაწყვიტა გიორგი მარგველაშვილმა გაერო-ს კლიმატის ცვლილების სამიტზე წასვლა პრემიერ-მინისტრისთვის დაეთმო.

პრეზიდენტის აშშ-ში ვიზიტის ჩაშლასთან დაკავშირებით ინფორმაცია დღეს თავად გიორგი მარველაშვილმა გაავრცელა და განმარტა, რომ "გადაიდგა ნაბიჯები პრეზიდენტის ინსტიტუტის საწინააღმდეგოდ, რაც ვიზიტის ჩაშლის მიზეზი გახდა“.

 მარგველაშვილის თქმით, ეს არის ნაბიჯი, რომელიც გადადგმულია არა სახელმწიფოებრივი ინტერესებიდან გამომდინარე, არამედ - უწყებრივი დაპირისპირებებიდან. მისივე თქმით, ვიზიტის ჩაშლის წინაპირობა მან დღეს დილით დაინახა.

"მოხდა ძალიან სერიოზული ორგანიზებული მუშაობა საქართველოს პრეზიდენტის ვიზიტის საწინააღმდეგოდ. ეს არის რეალურად,  ჩემი აზრით, არასწორი ნაბიჯი, რომელიც გადაიდგა პრეზიდენტის ინსტიტუტის საპირისპიროდ, ეს არის ნაბიჯი, რომელიც გადადგმულია არა ჩვენი სახელმწიფოებრივი ინტერესებიდან გამომდინარე,  არამედ  გარკვეული უწყებრივი დაპირისპირებებიდან გამომდინარე. რეალურად,  თუ ჩვენ წავალთ ამ გზით და თუ ჩვენ შევეცდებით,  მონოპოლიზაცია განვახორციელოთ ხელისუფლების რომელიმე ინსტიტუტში, იქნება ეს პრეზიდენტი, თუ სხვა, ჩვენ მივიღებთ იმას, რაც ჩვენ ასე ძალიან არ მოგვწონდა სააკაშვილის ხელისუფლებაში", _ აღნიშნა გიორგი მარგველაშვილმა. 

პრეზიდენტი გიორგი მარგველაშვილი მისი და პრეზიდენტის ინსტიტუტისადმი გამოთქმულ კრიტიკასაც გამოეხმაურა და აღნიშნა, რომ მას არც ერთ მომენტში არ ჰქონია მცდელობა, რომ პოლიტიკურად დაპირისპირებული ნაბიჯი გადაედგა.

"არის გარკვეული გახშირებული კრიტიკა პრეზიდენტისა და პრეზიდენტის ინსტიტუტის, არსებული რამდენიმე პრობლემური საკითხიდან გამომდინარე. მინდა ვუპასუხო იმ კრიტიკას, რომელიც ჩემს მიმართ მოდის აღმასრულებელი გუნდის გარკვეული წარმომადგენლებისგან, ბატონი ბიძინა ივანიშვილისგან და დავარწმუნო ყველა, რომ აქ არ არის პიროვნული დაპირისპირება, აქ არ არის პოლიტიკური დაპირისპირება, აქ არის ძალიან პრინციპული მცდელობა პრეზიდენტის და პრეზიდენტის ადმინისტრაციის, რეალურად საქართველოში ჩამოაყალიბოს ფუნქციონირებადი დემორკატია. ეს კი ნიშნავს იმას, რომ ყველა ინსტიტუტი, როგორც საკანონმდებლო, ისე აღმასრულებელი ან სასამართლო ასრულებს თავის მოვალეობას და ვალდებულებას. ჩემი პოზიციაც აქედან გამომდინარეობს. მე არც ერთ მომენტში არ მქონია მცდელობა, რომ პოლიტიკურად დაპირისპირებული ნაბიჯი გადამედგა. ჩემი ყველა მცდელობა ამოდიოდა და მთავრდებოდა იმით, რომ განვაგრძო მცდელობა, გავაძლიერო ყველა ინსტიტუტი ერთნაირად და ერთი რეჟიმით", _ აღნიშნა პრეზიდენტმა.

ქვეყნის პირველი პირის შეფასებით, დაპირისპირება რომელიც მასსა და აღმასრულებელ ხელისუფლებას შორის არსებობდა, "გადავიდა მართლა პრობლემურ დაპირისპირებაში". 

ამასთან, მარგველაშვილმა აღნიშნა: "მე არც ერთ პოლიტიკურ ჯგუფს არ ვქაჩავ წინ. მე ვახორციელებ იმას, რომ ქვეყანაში დაცულ იქნას დემოკრატიული ბალანსი. ეს ძალიან მნიშვნელოვანია".

რაც შეეხება შეკითხვას, რამდენად არის შესაძლებელი, რომ ის პოლიტიკურ ძალას ჩაუდგეს სათავეში, პრეზიდენტის განცხადებით, ის "პოლიტიკური კარიერის პიკზე" იმყოფება.

"პოლიტიკური კარიერის პიკზე ვარ. ვარ საქართველოს პრეზიდენტი და აქედან გამომდინარე, მაქვს დიდი ვალდებულებები. გამაჩნია სრული საშუალება და რესურსი საზოგადოებას ველაპარაკო, ავუხსნა, რანაირად უნდა განვითარდეს მომავალში საქართველო. აქ არის მარტივი ჭეშმარიტებები – საქართველოში არის დემოკრატია, "დემოკრატიაში" კი იგულისხმება ის, რომ არავინ არის დირექტორი. ძალაუფლება, ბალანსი გადანაწილებულია შტოებს შორის. ყველა ჩვენგანს ევალება ამის განხორციელება, ყველა ჩვენგანს ევალება ემსახუროს ამ პრინციპებს. მე ამ პრინციპებს ვემსახურები და ასეც გავაგრძელებ მომავალში. შესაბამისად, მე პოლიტიკური ძალა იმისთვის, რომ ჩემი საქმე განვახორციელო, არ მჭირდება", _ განაცხადა პრეზიდენტმა.

ოპოზიციის წარმომადგენლები პრეზიდენტის ვიზიტის ჩაშლას "სამარცხვინო და ქვეყნისთვის საზიანო“ ქმედებად მიიჩნევენ და ამბობენ, რომ ის ერთმა ადამიანმა, ბიძინა ივანიშვილმა ჩაშალა.

"სამარცხვინოა, როდესაც არაფორმალური პირის, ოლიგარქის ინიციატივით იშლება პრეზიდენტის ვიზიტი ამერიკაში. ეს არის ქვეყნის ინსტიტუციური განვითარების წინააღმდეგ მიმართული ქმედება და სამარცხვინოა მთავრობა, რომელიც ქვეყნის პირველ პირის ვიზიტს ჩაშლის. დღეს ეს თავად ბიძინა ივანიშვილმა დაადასტურა", _ აცხადებს საპარლამენტო უმცირესობის წევრი  სერგო რატიანი.

"ძალიან სამწუხარო“ ფაქტად მიიჩნევს ამ ვიზიტის გარშემო ატეხილ აურზაურს პრემიერი ღარიბაშვილი და აღნიშნავს, რომ "ისეთი მარტივი საკითხი, როგორიც არის გაერო-ში გამგზავრება და ქვეყნის წარმოჩინება, ძალიან სამწუხაროა, რომ ამდენი სპეკულაციის საგანი გახდა".

ექსპერტების ნაწილს კი მიაჩნია, რომ ვიზიტის ჩაშლით, პრეზიდენტმა ქვეყნისთვის ზიანის მომტანი გადაწყვეტილება მიიღო, თუმცა უჭირთ იმაზე საუბარი, რა შეიძლება მოჰყვეს ამას.

"მისი მხრიდან, ეს სახელმწიფოსთვის ზიანის მომტანი გადაწყვეტილებაა. სახელმწიფოს მეთაურმა დაუდასტურა გაეროს გენერალურ მდივანს, რომ ის მიდის ამ სამიტზე და სიტყვითაც გამოვა, ახლა კი რა უნდა უთხრას, ჩემმა პრემიერმა და საგარეო საქმეთა მინისტრმა არ გამომიშვაო? გაერო-ს გენერალური მდივანი არის ჩვენი მთავრობის კანცელარიის რანგის მოხელე? პრეზიდენტის არწასვლა გაერო-ს სამიტზე, სახელმწიფოს უფრო მეტად ავნებს. რაში გამოიხატება ეს ზიანი და როდის ვიგრძნობთ ამის შედეგს, ეს დროის საკითხია. თავისთავად, ეს საერთაშორისო ურთიერთობებში კარგის მომტანი არ იქნება“, _  აცხადებს ცენტრ "მომავლის ინიციატივების" ხელმძღვანელი, იურისტი ლევან ალაფიშვილი "გურია ნიუსთან“ საუბრისას.

"პოლიტიკური ინსტიტუტის“ დირექტორი, პოლიტოლოგი კორნელი კაკაჩია აცხადებს, რომ "სხვა ვარიანტი , ალბათ, აქ არ გამოდიოდა და პრეზიდენტმა "ჩათრევას ჩაყოლა ამჯობინა“.

"ეს გადაწყვეტილება დიდ ზარალს საქართველოს საგარეო პოლიტიკისთვის არ გამოიწვევს, მაგრამ ცუდი ის არის, რომ მთლიანად ქვეყნის იმიჯისთვის და პრესტიჟისთვის ნამდვილად არ არის სასარგებლო. ამ კინკლაობას თვალს ადევნებდნენ საერთაშორისო თანამეგობრობის წარმომადგენლები, საელჩოები და ეს კარგ ტონად არ ითვლება. უცხოელი დიპლომატების თვალში სასაცილოდაც კი ჩანს.  

საინტერესოა, მომავალში რა იქნება, ისევ დათმობს მარგველაშვილი ამას, თუ კიდევ უფრო დიდი დაპირისპირებები მოხდება. თუ რაიმე მექანიზმი არ შეიქმნა და საერთო ენა არ გამონახეს პრეზიდენტმა და პრემიერმა, კონსტიტუციურად და ინსტიტუციურად, მაშინ ნებისმიერი სამიტის შემთხვევაში შიშით უნდა ველოდოთ, რომ მსგავსი კინკლაობა იქნება. ორივე მხარე უნდა იყოს კონსესუსისთვის მზად, რისი სურვილიც, სამწუხაროდ, ახლა არ ჩანს აღმასრულებელი ხელისუფლების მხრიდან. აქ პიროვნული პრინციპებიც არის ჩართული. მთლიანობაში, აქ ორი სახის პრობლემაა, ერთი - კონსტიტუციური (ახალი კონსტიტუციის მოთელვა მიმდინარეობს) და მეორე - პიროვნული პრობლემა, რაც ყველაზე მნიშვნელოვანია, სწორედ ამიტომ ვერ ხერხდება თანაშრომლობა. პრეზიდენტი ცდილობს რომ ამას სხვა ხასიათი მისცეს, მაგრამ რეალურად თუ შევხედავთ, ეს ვერ გვარდება“, _ ამბობს კაკაჩია "გურია ნიუსთან" საუბრისას.

რაც შეეხება იმას, რამდენად იმოქმედებს პრეზიდენტის მხრიდან დათმობა მის იმიჯზე საერთაშორისო ასპარეზზე, კაკაჩია ამბობს, რომ "რა თქმა უნდა, ეს ნაწილობრივ ჩრდილს მიაყენებს მის იმიჯს, რადგან ბევრი ჩვენი პარტნიორი ქვეყნისთვის მარგველაშვილის კულტი გაურკვეველი რჩება და ჩანს რეალურად ვინ იღებს გადაწყვეტილებას“.

"გიორგი მარგველშვილს განსაკუთრებული იმიჯი ჯერჯერობით არ აქვს. ახლა ცდილობდა ამ იმიჯის შექმნას, რომ ხილვადი და პოლიტიკურად აქტიური ყოფილიყო. მაგრამ მეორე მხრივ, ქვეყნის შიგნით, საზოგადოების თვალში ის დაჩაგრულია და ეს ჩაგრულის იმიჯი შეიძლება რეიტინგის გაზრდაშიც კი დაეხმაროს და მომავალში თუ ეს გაგრძელდება, მან დამოუკიდებელი პოლიტიკური თამაში აწარმოოს“, _ აღნიშნავს კაკაჩია.

პოლიტოლოგი ასევე საუბრობს, ყოფილი პრემიერ-მინისტრის გავლენებზე და აღნიშნავს, რომ ამ კონკრეტულ ქმედებაში, ისევე როგორც ზოგადად პოლიტიკაში, ივანიშვილის ფაქტორი ძალიან დიდია.

"ივანიშვილის გავლენა ჩანს, რადგან მისი განცხადებიდან დაიწყო დაპირისპირება მარგველაშვილსა და სამთავრობო გუნდს შორის. აქედან გამომდინარე ერთ-ერთი ინიციატორი ივანიშვილიც არის. ეს, ალბათ, ქართული პოლიტიკის პრობლემა იქნება უახლოესი რამდენიმე წლის მანძილზე, თუ რა უნდა ვუყოთ ივანიშვილის ჩრდილოვან გავლენას. ეს ჩანს პრემიერის განცხადებებშიც, რომ ის ხშირად ხვდება  ივანიშვილს, მაგრამ საკითხავია, რამდენად მოითმენს ამას საზოგადოება.

თუ მთავრობამ ერთი-ორი წლის განმავლობაში ხელშესახები შედეგი არ დადო,  მოვლენები საინტერესოდ განვითარდება. თუკი ეკონომიკური ან სოციალური სიტუაცია არ გაუმჯობესდა, ივანიშვილი პასუხისმგებლობას ვერ აცდება იმის მიუხედავად, რომ ჩრდილშია“, _ აცხადებს კაკაჩია.




 ახალი ამბები
  • ხუნდაძე: ტატუნაშვილი დასტურია, რომ საქართველოს მოქალაქეები არასოდეს შეეგუებიან ოკუპაციასსაოკუპაციო რეჟიმის მსხვერპლის  არჩილ ტატუნაშვილის გარდაცვალებიდან დღეს ორი წელი გავიდა. ამ დღესთან დაკავშირებით სოფელ წილკანში, სადაც ეროვნული გმირის ოჯახი ცხოვრობს, მისი სახელობის ახალი სკვერი და სტადიონი გაიხსნა. ამ მოვლენის გამო წილკანში ჩავიდნენ პრემიერ-მინისტრი, მცხეთის რაიონის მაჟორიტარი დეპუტატი დიმიტრი ხუნდაძე, საქართველოს მთავრობის  და ადგილობრივი ხელისუფლების წარმომადგენლები.  „მძიმე თარიღია, მძიმედ გასახსენებელია, მაგრამ ამ სიმძიმესთან არის სიამაყეც, როცა ჩვენი ახალგაზრდა კაცი არ შეეგუა ძალადობას და არ შეეგუა იმას, რომ საკუთარი ტერიტორია იქნას ოკუპირებული მუდმივად და ჩვენი მოქალაქეების უფლებები იქ ილახებოდეს. მისი  ეს მყარი პოზიცია არის დასტური იმისა, რომ საქართველო, ქართველი მოქალაქეები არასოდეს შეეგუებიან ოკუპაციას და ეს არის მხოლოდ დროებითი და ეს აუცილებლად დასრულდება", - განაცხადა დიმიტრი ხუნდაძემ ... ...
  • "მოხვეტეს პირდაპირ და წაიღეს"_ ხმაური ოზურგეთის აგრარულ ბაზარშიხმაური იყო დღეს ოზურგეთის აგრარულ ბაზარში. ხმაური ოზურგეთის აგრარული ბაზრის ტერიტორიაზე შემოსავლების სამსახურის წარმომადგენლების მისვლამ გამოიწვია, რომლებმაც თუთუნით მოვაჭრეებს დიდი რაოდენობით უაქციზო ნაწარმი ჩამოართვეს. როგორც მოვაჭრეები „გურია ნიუსთან“ საუბრისას ამბობენ, მათ სიტყვიერი გაფრთხილება მიიღეს, რომ ვაჭრობის უფლება არ აქვთ, თუმცა, სიტყვიერი გაფრთხილება, როგორც ჩანს მოვაჭრეებმა სერიოზულად არ აღიქვეს და ვაჭრობა უაქციზო ნაწარმით გააგრძელეს. დღეს კი ბაზარში შემოსავლების სამსახურის წარმომადგენლები მივიდნენ და უაქციზო ნაწარმი ჩამოართვეს. ისინი ასევე აღნიშნავენ, რომ აჭარაში თამბაქოს მსგავსი სახით გაყიდვა ხდება. „50 კაცამდე იყო მოსული. არაფერი უთქვამთ. მოხვეტეს პირდაპირ და წაიღეს. დავალება გვაქვს ასეთიო. სასამართლოდან დაგიკავშირდებიანო.  თუ მაგრები არიან აჭარაში შევიდნენ და იქედან წაიღონ“,_ ამბობენ მოვაჭრეები „გურია ნიუსთან“ საუბრისას. როგორც შემოსავლების სამსახურის  ბრძანებაშია ნათქვამი, დათვალიერების პროცედურის გახორციელება საგადასახადო მონიტორინგის დეპარტამენტის სამეგრელოს, გურიისა და ზემო სვანეთის სამმართველოს თანამშრომელბს ევალებათ და 29 თებერვლის ჩათვლით უნდა გახორციელდეს და მიზნად ისახავს აქციზური მარკებით სავალდებულო ნიშანდებას დაქვემდებარებული აქციზური საქონლის წარმოებისა და მიწოდების წესების დარღვევის ფაქტების გამოვლენას. შეგახსენებთ, რომ თამბაქოს რეალიზაციაზე დაწესებულ ცვლილებებს საპროტესტო აქციები მოჰყვა ქედაში. როგორც ფინანსთა მინისტრმა მაშინ განაცხადა, თამბაქოს დაბეგვრაზე გამონაკლისის დაწესება არ ... ...
  • პრემიერ-მინისტრის კომენტარს სამოქალაქო აქტივისტების პროტესტი მოყვასაქართველოს პრემიერ-მინისტრის გიორგი გახარიას განცხადებას,  რომ ქუთაისში მდებარე საქართველოს პარლამენტის შენობას გაყიდიან, სამოქალაქო აქტივისტების პროტესტი მოყვა. ქუთაისში სამოქალაქო მოძრაობის “დატოვე პარლამენტი ქუთაისში “ ინიციატივით აქციას გაიმართა. აქციის მონაწილეები მთავრობის გადაწყვეტილებას, ქუთაისში პარლამენტის შენობის გაყიდვასთან დაკავშირებით , აპროტესტებენ. მათი განცხადებით, პარლამენტის გაყიდვა საბოლოო განაჩენია ქუთაისისთვის. სამოქალაქო მოძრაობის წევრებს მიაჩნიათ, რომ „ქართული ოცნების” ხელისუფლება და პირადად ბიძინა ივანიშვილი მიზანმიმართულად ებრძვიან ქუთაისის განვითარების პერსპექტივას. აქციაზე გაჟღერდა მოძრაობის მოქმედების გეგმა. აქტივისტები იბრძოლებენ იმისთვის, რომ ქუთაისში წარმატებული საარჩევნო კამპანია აწარმოონ მხოლოდ იმ პოლიტიკურმა ძალებმა, რომლებიც თავიანთ პროგრანაში ქუთაისისთვის საპარლამენტო ქალაქის სტატუსის დაბრუნებას შეიტანენ. აქციის მონაწილეებს პოლიტიკური პარტიებისა და არასამთავრობო ორგანიზაციების წარმომადგენლები შეუერთდნენ. გიორგი გახარიამ ქუთაისის პარლამენტის შენობის გაყიდვასთან დაკავშირებით ჟურნალისტებთან გუშინ კომენტარის გაკეთებისას განაცხადა. “ქუთაისში პარლმანეტის შენობის გაყიდვას ვაპირებთ და ეს პროცესი ეკონომიკის სამინისტროს დაწყებული აქვს. ქუთაისი სულ მალე იქნება უზარმაზარი საგანმანათლებლო ცენტრი, რომლის მნიშვნელობაც ქალაქისთვის იქნება ბევრად უფრო მეტი, ვიდრე პარლამენტი. გარდა ამისა, ამ შენობასაც ექნება დატვირთვა, მან უნდა შეიძინოს ეკონომიკურად უფრო მიმზიდველი ფუნქცია. ქუთაისისთვის მომავალი რა შეიძლება იყოს?  განათლება, მედიცინა, ტრანსპორტირება და კიდევ ბევრი რამე და არა მხოლოდ პარლამენტი“,_  განაცხადა ჟურნალისტებთან საუბრის დროს გიორგი ... ...
  • აჭისწყლის ხეობაში, კარიერის ირგვლივ, კვლავ ხმაურია ეკოდამცველი ირმა გორდელაძე, ფეისბუქგვერდზე, „გადავარჩინოთ გურიის მდინარეები“, კვლავ აქვეყნებს ინფორმაციას, რომ  ახლახან ლიხაურის ტერიტორიაზე,  მდ. აჭისწყლის ხეობაში,  შპს  „კავკაზ ცემენტ ჯორჯია" ჩუმად იპარავდა ქვიშას.   „დავადექი პირადად ფაქტზე.  გაჰქონდათ ინერტული მასალა და იქვე ახლო ტერიტორიაზე ასაწყობებდნენ.   ამ კომპანიას ლიხაურმა უარი უთხრა, არ დავუშვებთ, რომ გაიტანონ ინერტული მასალა“, _ წერს გორდელაძე. სოფელ ლიხაურის მკვიდრი, ქალბატონი თინა დობორჯგინიძე ამბობს, რომ აპირებენ სარჩელი შეიტანონ და პასუხი აგებინონ ყველას, ვისაც ეკუთვნის. _ ახლა აჭისწყლის ხეობაში, „კავკაზ  ცემენტ ჯორჯია“, როგორც მისი წარმომადგენელი გვეუბნება, ნებართვით არის შესული და მართლაც, მათ აქვთ ლიცენზია. თუმცა,  დაუშვებელია ახლა იქ ღორღის  ამოღება. გაფუჭდა, რაც გასაფუჭებელია. გავა ცოტა ხანი, ადიდებული მდინარე წალეკავს ყველაფერს და იტყვიან, სტიქიააო. ყველაზე დიდი სტიქია ადამიანია. ეს არის არა ღორღის ამოღება, არამედ ფულის ამოღება. მალე სარჩელს შევიტანთ, დოკუმენტაცია მოგროვებული გვაქვს და იმედია, მანამდე მაინც შეაჩერებენ მუშაობას, _ თქვა ქალბატონმა თინამ „გურია ნიუსთან“. ჩვენ ასევე დავუკავშირდით „კავკაზ ცემენტ ჯორჯიას“ წარმომადგენელს, გელა დუმბაძეს, რომელიც თავის მხრივ აცხადებს, რომ ის ფლობს ლიცენზიას,  შაბათ-კვირას ისვენებს, ორშაბათიდან კი აჭისწყლის კარიერზე მუშაობას გააგრძელებს. _შპს „კავკაზ ცემენტ ჯორჯია“ ამერიკული კომპანიაა. გვაქვს ლიცენზია, რომელიც ორი წლის წინ მივიღეთ. ვმუშაობთ წესების სრული დაცვით.  ჩვენ მოვიპოვებთ მასალას ქვის სამსხვრევი საამქროსთვის და ბეტონის ქარხნისთვის. ოზურგეთის მუნიციპალიტეტში სკოლების თუ სხვა მშენებლობები რაც არის, ჩვენ  ვაკეთებთ.  ასევე ვეწევით  ქველმოქმედებასაც და არაფერს ვაშავებთ. ყველანაირ არგუმენტირებულ მოლაპარაკებაზე მზად ვართ, რასაც მოსახლეობა შემოგვთავაზებს. გამოჰყონ ჯგუფი, რომელიც მონიტორინგს  გააკეთებს, ნახავს, რას და როგორ ვიღებთ. მზად ვართ, დავაფინანსოთ კიდეც ისინი, -  გვითხრა გელა დუმბაძემ. დიდი ალბათობით, ორშაბათს, 24 თებერვალს,  აღნიშნულ კარიერზე დაპირისპირება კვლავ მოსალოდნელია, რადგან ლიცენზიის მფლობელი კომპანია მუშაობის გაგრძელებას გეგმავს. ... ...
  • ჩოხატაურში, სოფელ ონჭიკეთში სახლი დაიწვა_ რით დაეხმარება ადგილობრივი ხელისუფლება ოჯახს ჩოხატაურის მუნიციპალიტეტის სოფელ ონჭიკეთში ორსართულიანი საცხოვრებელი სახლი დაიწვა. ხანძრის გამომწვევი მიზეზი ამ დროისთვის უცნობია. შემთხვევის ადგილზე რამდენიმე სახანძრო-სამაშველო ეკიპაჟი იყო მობილიზებული. მომხდართან დაკავშირებით მიმდინარეობს გამოძიება. როგორც „გურია ნიუსს“ ჩოხატაურის მუნიციპალიტეტის მერმა, ირაკლი კუჭავამ განუცხადა, ადგილობრივი ხელისუფლება დაზარალებულ ოჯახს დაეხმარება. „ჩვენი წარმომადენელი უკვე შეხვდა დაზარალებულლ ოჯახს. ადგილობრივი ხელისუფლება პირველ რიგში აუცილებელი პირველადი მოხმარების ნივთების შესაძენად  დაეხმარება.  ამის შემდეგ კი, სამშენებლო მასალის გამოყოფაზე ვიმსჯელებთ“, – განაცხადა ირაკლი კუჭავამ. ჩოხატაურის მერის ინფორმაციით, ხანძრის შედეგად დაზარალებული ოჯახი უმეტესად ქუთაისში იმყოფება. „ოჯახში მამა იყო. შვილები ქუთაისში არიან, თვითონაც ხშირად ქუთაისშია. თუ თვითონ იტყვის, რომ სხვა საცხოვრისი არ გააჩნია, ამ შემთხვევაში გავიყვანთ ქირით“, _ გვითხრა ... ...

არქივი

ზაფრანი

რატომ უნდა მიირთვათ ბევრი შოკოლადი

შოკოლადის მირთმევის შედეგად ადამიანის ბედნიერების...

ჰოლივუდელი მარტოხელა მამები

ალ პაჩინო - მსახიობი სამი...

ქალები და მანქანის მართვა

ბრიტანული კვლევის თანახმად, ქალები კაცებზე...

რა არის ბედნიერება?

რას გულისხმობს ბედნიერება?_ სტაბილურ სამსახურს,...

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...

რა პროდუქტები უნდა მივირთვათ ზამთარში

რძე სუპერმარკეტებში სულ უფრო ხშირად...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...