რეპორტაჟი ერთ დროს მდიდარი თხინვალიდან

მთავარი თემა

რეპორტაჟი ერთ დროს მდიდარი თხინვალიდან

2014 ოქტ 13 15:30:49

ოზურგეთის მუნიციპალიტეტის სოფელ თხინვალში, გასულ შაბათს, ცენტრში ხუთ-ექვს ბავშვს მოეყარა თავი. როგორც გავარკვიეთ, ბავშვები შაბათ-კვირას ცეკვის შესწავლით არიან დაკავებულები, თავისუფალ დროს კი ფეხბურთს თამაშობენ.

_ 7 წელზე მეტია, სოფელში ცეკვის სტუდია "აისია" გახსნილი. ძალიან გვიყვარს ცეკვა. თხინვალში, ასევე, არის ჭიდაობის წრე, ზოგი ჭიდაობაზე დადის, ზოგი _ ცეკვაზე და კმაყოფილები ვართ. თავისუფალ დროს ფეხბურთს ვუთმობთ, გოგოები კი გულშემატკივრობენ, _ გვითხრეს ბავშვებმა.

სოფლის ცენტრში 73 წლის თამაზ დონაძე დაგვხვდა, რომელმაც ამ სოფლის სატკივარი გაგვაცნო:

_ სოფელში პრობლემას რა გამოლევს?! რომ ვთქვა, არაფერი კეთდება,-მეთქი, არ ვიქნები მართალი. გზის მშენებლობა ძალიან მალე დასრულდება და ეს მართლაც მნიშვნელოვანია ჩვენი სოფლისთვის. ახლა შეჩერებულია, მაგრამ გვითხრეს, დეკემბერში დამთავრდებაო. როგორც იქნა, გზის გაკეთება გვეღირსა!

მოსახლეობას ეკონომიკურად უჭირს, უმუშევრობაა... ახლა იმაზე გვაქვს მთელი აქცენტი გადატანილი, რომ ციტრუსის რეალიზაცია მოვახდინოთ უფრო მეტად, რადგან წინა წლებში, ყველამ კარგად იცით, რაც ხდებოდა. ეს ერთი შემოსავალია სოფელში და იმედი გვაქვს, რომ მოგვექცევა სათანადო ყურადღება, _ გვითხრა თამაზ დონაძემ.

სოფლის მცხოვრებლების თქმით, თითქმის ყველა გაწვიმებისას საყანე ფართობები იტბორება. თხინვალელები, ასევე, მიგრაციის შესახებაც გვიყვებიან.

 _ ზოგი თბილისშია წასული სამუშაოდ და ზოგი _ თურქეთში. ჩვენი ახლობლების და ნათესავების გამოგზავნილი ფულით ვირჩენთ თავს, _ ამბობენ თხინვალში.

_ ყველაზე დიდი პრობლემა უწყლობაა, _ ამბობს გულნაზ ბოლქვაძე,  _ წყალს საიდან აღარ ვეზიდებით! ამ პრობლემის მოგვარებას ვერ გვპირდებიან, დაგვპირდნენ მხოლოდ გაზის შემოყვანას და, ჯერჯერობით, არც ეს ჩანს. ფიზიკურად ვშრომობთ და ამით ვირჩენთ თავს; თხილის და ციტრუსის იმედი გვაქვს. წელს ციტრუსის კარგი მოსავალია და იმედი გვაქვს, რომ რეალიზაციას მოვახდენთ. უმუშევრობის პრობლემა ისევ დგას _ გზის მშენებლობაზე დასაქმდა რამდენიმე თანასოფლელი _ ეს არის და ეს! _ გვითხრა გულნაზ ბოლქვაძემ.

წყლის პრობლემაზე კიდევ ერთი თხინვალელი კობა ცერცვაძე საუბრობს: _ სოფელში არიან ოჯახები, რომლებიც წყალს 8 კილომეტრიდან ეზიდებიან. წყალი არც სკოლაშია და არც სოფლის ცენტრში. არის მხოლოდ ერთი ჭა, რაც არ არის საკმარისი. მე, როგორც ვიცი, მოსწავლეებს სკოლაში წყალი სახლიდან დააქვთ, _ ამბობს ცერცვაძე.

ოზურგეთის მუნიციპალიტეტის გამგებლის მერაბ ჭანუყვაძის თქმით, "სოფლებში უპირველეს პრობლემად რჩება უწყლობა. მათ შორის, თხინვალში. ეს არის ისეთი პრობლემა, რომელიც არ შეიძლება, ერთ ან სამ თვეში მოგვარდეს. ძალიან დიდ ხარჯებთან არის დაკავშირებული, თუმცა, წყლის რეაბილიტაცია ეტაპობრივად გახორციელდება. ასევე, მიმდინარეობს მუშაობა იმაზე, რომ 2015 წელს გაზის გაყვანის სამუშაოები დაიწყოს სოფელ თხინვალში."

სოფლის კოლორიტი თხინვალის შესახებ

83 წლის გური ზოიძეს სახლში ვესტუმრეთ. სოფლის კოლორიტი კარგი მოსაუბრე აღმოჩნდა და საინტერესო ამბებიც მოგვიყვა.

 _ თხინვალი ადრე ყველაზე პატარა სოფელი, მაგრამ ყველაზე მდიდარი იყო. ერთ სულ მოსახლეზე რაიონში ბადალი არ გვყავდა, მაშინ შრომა- ნატანებს არ ჩამორჩებოდა. ყველა მტკაველი მიწა გამოყენებული იყო. ძირითადი შემოსავალი ციტრუსი და ჩაი გახლდათ, ასევე, ტუნგოც, რომლის ასე გადაშენება დანაშაულია _ საქართველო მსოფლიოში ერთ-ერთი პირველი იყო ტუნგოს ზეთის წარმოების საქმეში.

სოფელში ახლა დიდებული საქმე კეთდება _ ეკლესია შენდება იქ, სადაც ძველი ეკლესია იყო, რომელიც 1938 წელს დაანგრიეს.

ყველაზე მთავარი და უპირველესი კულტურა ჩვენი სოფლისთვის ციტრუსია, რომელიც შარშან მთლიანად იზარალა მოსახლეობამ. გასაკვირია, კახეთში ქარიშხლის მოვარდნის დროს ერთი ყურძენი თუ ჩამოვარდა, იმას მისდევენ და ჩვენთან, რაც გლეხის მარჩენალია, იმას სათანადოდ ყურადღება არ ექცევა, _ გვეუბნება გური ზოიძე.

გური ზოიძე ორი მოწვევის რაიონული საბჭოს დეპუტატი და სახალხო მსაჯული იყო: _ მე რომ მეათე კლასში ვიყავი, პარალელურად, გაკვეთილების შემდეგ ჩაის პლანტაციაში ვმუშაობდი; ჩემი ცხენი, ხარი და ურემი მყავდა. კომუნისტების დროს, ორი მოწვევის რაიონული საბჭოს დეპუტატი და სახალხო მსაჯული ვიყავი. მაშინ შეგვეძლო, რაიონს მიგვეღო კანონები. ერთხელ მთავრობამ დასვა პრობლემური საკითხი (ახლაც შეიძლება მაგ საკითხის დასმა) _ შემოიტანეს კანონპროექტი, რომ ვისაც ცოლი არ ჰყავდა და ვინც არ იყო გათხოვილი, სამსახურში არ უნდა მიგვეღო. მე და ერთი ჩემი მეგობარი წავედით ამის წინააღმდეგი, მაგრამ არ დაგვიჯერეს. გავიდა ერთი წელი და დადგა მომენტი, რომ ეს კანონი უნდა მიეღოთ. იყო ერთი "ვაჟკაცი" ქალი, გვარად დოლიძე, ახლაც ცოცხალია... არ იყო გათხოვილი და ასე მიმართა ხელისუფლებას: მე რას მერჩით, მთხოვეთ ხელი რომელიმემ და უარი გითხარითო? ამოიღეს კანონიდან ქალები და მამაკაცებზე კი დარჩა ძალაში ის კანონი, _ იხსენებს ზოიძე.

როგორ მოხვდა სამი უკრაინელი და თხინვალში

მეორე მსოფლიო ომის შემდეგ უკრაინელი ნინა ზელენიუკი თხინვალში გათხოვდა. შემდეგ იმავე სოფელში გათხოვდნენ მისი დები _ ანა და ზინა.

 ზინა ზელენიუკ-დოლიძე, 77 წლის:ერთი და _ ანა გარდაიცვალა. მე და ნინა კი მეზობლები ვართ. ამ სოფელში ნინას გათხოვების შემდეგ მოვხვდი _ მასთან დედაჩემმა ჩამომიყვანა და დამტოვა. მაშინ 12 წლის ვიყავი. სკოლა არ დამიმთავრებია და დავრჩი ასე განათლების გარეშე. ჩემი და მეორე მსოფლიო ომის შემდეგ მოხვდა თხინვალში. მანამდე, ჩემი ძმა მუშაობდა ბათუმში, საზღვაო პორტში, მაგრამ ის 1942 წელს ომში წავიდა, ცოლ-შვილი ბათუმში დატოვა. ჩემი 18 წლის და მარტო დარჩა, ერთმა მადლიანმა ადამიანმა წამოიყვანა სოფელ შრომაში, სადაც გაიცნო ჩემი მომავალი სიძე. შეუყვარდათ ერთმანეთი და შეუღლდნენ. შემდეგ ჩემმა დამ და სიძემ გარიგებით გამათხოვეს _ ცოლად კარლო დოლიძეს გავყევი. ხუთი შვილი მყავდა, აქედან სამი გარდამეცვალა, _ გვითხრა ზინა დოლიძემ.

ქალბატონი ზინა ამბობს, რომ საქართველო მისი სამშობლოა, ხოლო უკრაინა ის ქვეყანა, სადაც დაიბადა, გაიზარდა და ძალიან ენატრება.




 ახალი ამბები
  • სემეკმა დანახარჯების მარეგულირებელი აუდიტის წესი დაამტკიცასაქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) ელექტროენერგეტიკის, ბუნებრივი გაზისა და წყალმომარაგების სექტორებისთვის დანახარჯების მარეგულირებელი აუდიტის წესები დაამტკიცა. წესის საფუძველზე დანახარჯების მარეგულირებელი აუდიტის ფარგლებში დადგინდება, თუ რამდენად სრულყოფილად ასრულებს კომპანია მასზე დაკისრებულ ვალდებულებებს კონკრეტული რეგულირებადი საქმიანობისათვის საჭირო დანახარჯების წარმოშობის, დასაბუთების, გონივრულობის და  სათანადოდ აღრიცხვის კუთხით. სატარიფო რეგულირების პროცესში სემეკი ითვალისწინებს კომპანიის მიერ წარმოდგენილ, დამოუკიდებელი აუდიტორის მიერ შედგენილ აუდიტის ანგარიშს, რომლითაც აუდიტორის მიერ დადასტურებულია კომპანიის ყველა სახის დანახარჯი და არა ამ დანახარჯის მიზანშეწონილობა კონკრეტული რეგულირებადი საქმიანობისთვის. „დანახარჯების მარეგულირებელი აუდიტის წესი“ კი ადგენს პრინციპებს, კონკრეტულ რეგულირებად საქმიანობასთან დანახარჯის კავშირისა და მისი გონივრული ოდენობით განსაზღვრის შესახებ.  ... ...
  • საქართველოს ბანკის მხარდაჭერით Fuckup Nights Tbilisi გაიმართა (R)საქართველოს ბანკის პარტნიორობით რიგით მეჩვიდმეტე Fuckup Nights Tbilisi გაიმართა. ღონისძიება განკუთვნილია მეწარმეებისთვის, ბიზნესმენებისთვის, აღმასრულებელი დირექტორებისთვის, მენეჯერებისთვის. მათთვის, ვისაც სურს ისწავლოს სხვის შეცდომებზე, ისაუბროს პროფესიული მარცხის შესახებ, დრო სასიამოვნო გარემოში, საინტერესო ადამიანებთან ერთად გაატაროს. Fuckup Nights Tbilisi არის სივრცე, სადაც მონაწილეები ისმენენ ბიზნესისტორიებს, რომლებსაც მოჰყვა მარცხი და იმედგაცრუება, განიხილავენ პარტნიორულ ურთიერთობას, რომელიც გაფუჭდა, საუბრობენ პროდუქტზე, რომელიც წარუმატებელი აღმოჩნდა.  Fuckup Nights Tbilisi-ის წლევანდელი სპიკერები იყვნენ:  ლაშა ანთაძე, Shelf Network-ის დამფუძნებელი. Shelf არის ბლოქჩეინ სტარტაპი, რომლის საშუალებითაც ნებისმიერი გასაყიდი ნივთი მსოფლიოს ნებისმიერ წერტილში ერთდროულად თავსდება ონლაინ მარკეტფლეისებზე და ტარდება სინქრონული აუქციონი ან ვაჭრობა. 2018 წელს სტარტაპმა მოიპოვა $1.6 მილიონი ინვესტიცია.  მარიამ რუსიშვილი, QuickCash AI-ის დამფუძნებელი და ხელმძღვანელი. QuickCash AI ღრუბლოვანი ბიზნეს ბანკინგის მაღალტექნოლოგიური ალგორითმული პლატფორმაა (www.lightspeed.ge), რომელიც ემსახურება მცირე და საშუალო კომპანიების კრედიტუნარიანობის ონლაინ შეფასებას. 2019 წელს კომპანია EMERGING EUROPE AWARDS-ზე, ლონდონში  საუკეთესო სამეულში, როგორც წლის ინოვაციური ინიციატივა მოხვდა.  კრისტინა ავსარქისოვა, მუსიკოსი, რომელიც ცნობილია როგორც Dudey.  ის არის მომღერალი, მუსიკოსი, კომპოზიტორი, რომელმაც house-მუსიკის მიმართულების სინთეზი მოახდინა გოთურ სიმღერასთან, ტექსტებთან და ცოცხალ ვოკალთან.  წარუმატებლობის კიდევ ერთი ისტორია გააზიარა დამსწრეებთან სანდრო გაბელიამ, Metro Production-ის დამფუძნებელმა და აღმასრულებელმა პროდიუსერმა.  Fuckup Nights Tbilisi-ის სცენა ღიაა მათთვის, ვინც არ უშინდება ფართო აუდიტორიასთან საკუთარ მარცხზე საუბარს. Fuckup Nights -ის სცენამ 16 შეხვედრის დროს უკვე უმასპინძლა სტარტაპებს, არქიტექტორებს, ანტრეპრენერებს, ეკონომისტებს, სპორტსმენებს, ხელოვანებს, ჟურნალისტებსა და პრომოუტერებს, უამრავ სხვა საინტერესო პროფესიის ადამიანს, რომლებმაც წარუმატებლობის საკუთარი ისტორია გააზიარეს.  Fuckup Nights არის გლობალური მოძრაობა და ღონისძიებების სერია, რომელიც გადმოსცემს პროფესიული მარცხის ისტორიებს. თვეში ერთხელ, მსოფლიოს სხვადასხვა ქალაქში 3-4 წარმატებული ადამიანი საკუთარ საქმიან წარუმატებლობას ფართო აუდიტორიას უზიარებს. Fuckup მოძრაობა 2012 წელს მექსიკაში დაიწყო. დღეს ღონისძიებები ყოველთვიურად მსოფლიოს 300-ზე მეტ ქალაქში იმართება. საქართველო გლობალურ მოძრაობას 2018 წლის 13 აპრილს შეუერთდა და დღეს უკვე მთელი მსოფლიოს მასშტაბით 86 ქვეყანასა და 318 ქალაქში მიმდინარეობს.  ... ...
  • რა მდგომარეობაა საქართველოში კორპორაციული პასუხისმგებლობის მიმართულებით კომპანიებშიCSR- კორპორაციული სოციალური პასუხისმგებლობა, ბიზნეს მოდელში ინტეგრირებული თვითრეგულაციის ფორმაა. სოციალური პასუხისმგებლობა კი მნიშვნელოვანია ნებისმიერი კომპანიისთვის. ეს განსაკუთრებით დიდი ბიზნესის წარმომადგენლების პრ საქმიანობას ეხება. უფრო პატარა კომპანიები ხშირად მთელი პროცესის მაგივრად მხოლოდ ცალკეულ საქველმოქმედო აქციებს მიმართავენ. აღსანიშნავია, რომ საქართველო ევროკავშირთან ასოცირების შეთანხმების მიხედვით, ვალდებულია ეკონომიკური თანამშრომლობისა და განვითარებისთვის,  ხელი შეუწყოს კორპორაციულ სოციალურ პასუხისმგებლობასა და ანგარიშვალდებულებას. CSR კვირეულის ფარგლებში, ქორთიარდ მარიოტში  კორპორაციული პასუხისმგებლობის კვლევის პრეზენტაცია გაიმართა, რომელიც არასამთავრობო ორგანიზაცია სიდა-ს დაკვეთითა და შვედეთის მთავრობის ფინანსური მხარდაჭერით მომზადდა. პროექტის მიზანს წარმოადგენდა საქართველოში მოქმედი ბიზნესების გამოკვლევა კორპორაციული პასუხისმგებლობის კუთხით. კვლევა საშუალებას აძლევს ყველა დაინტერესებულ მხარეს, დაინახოს თუ რა მდგომარეობაა საქართველოში მოქმედ მსხვილ, საშუალო და მცირე ზომის კომპანიებში ამ თვალსაზრისით. ორგანიზაციული სტრუქტურა და კორპორაციული პასუხისმგებლობა, კორპორაციულ პასუხისმგებლობასთან დაკავშირებული საქმიანობის/აქტივობების დაგეგმვის, აღსრულებისა და მონიტორინგის პროცესი, კორპორაციულ პასუხისმგებლობასთან დაკავშირებული რეპორტინგი და საქმიანობის/აქტივობების გაშუქება, ადამიანის უფლები და შრომითი უფლებები,  გარემოს დაცვა და ნარჩენების მართვა, კორუფციასთან ბრძოლა, ქველმოქმედება, სპონსორობა, სხვადასხვა სფეროს განვითარების მხარდაჭერა, პარტნიორობა საჯარო და არასამთავრობო სექტორთან_ ეს ის რამდენიმე ძირითადი ნაწილია, რისგანაც კვლევის კითხვარი შედგებოდა. რა მდგომარეობაა საქართველოში კორპორაციული პასუხისმგებლობის მიმართულებით კომპანიებში_ ამ საკითხზე „გურია ნიუსი“ არასამთავრობო ორგანიზაცია „სიდას“ აღმასრულებელ დირექტორს, სალომე ზურაბიშვილს ესაუბრა. ზურაბიშვილის თქმით, საქართველოს მასშტაბით ჩატარებული კვლევის ფარგლებში 1000-ზე მეტი, მსხვილი, საშუალო და მცირე ზომის  კომპანია გამოიკითხა. „გამოვიკვლიეთ ისეთი მიმართულებები, როგორიცაა, კორპორაციული მმართველობა, ადამიანის უფლებების დაცვა, შრომის უფლებების სტანდარტების მიმართულებით რას საქმიანობენ კომპანიები, გარემოს დაცვა, კორუფციასთან ბრძოლა. მათ შორის, გამოვიკვლიეთ ამ მიმართულებებით რა ღონისძიებებს ახორციელებს კომპანია პარტნიორულად სხვა კომპანიებთან ან არასამთავრობო სექტორთან ან სახელმწიფო სტრუქტურებთან. გარკვეული შედეგები დაიდო ამ კუთხით. ერთის მხრივ კომპანიების 26%-მა თქვა, რომ მათ აქვთ გათვალისწინებული კორპორაციული პასუხისმგებლობა სტრატეგიულ დონეზე და ყურადღებას აქცევენ, რომ ამ მიმართულებით გარკვეული საქმიანობა განახორციელონ. 26% ძალიან მცირეა, მაგრამ ამ მიმართულებით გასულ წლებში უფრო ცუდი მდგომარეობა იყო. რაც შეეხება ადამიანის უფლებების სტანდარტებს, კომპანიების დიდი ნაწილი ამბობს, რომ ისინი არა მხოლოდ ითვალისწინებენ ადამიანების უფლებების სტანდარტებს, არამედ თავიანთ კონტრაქტორებს სთხოვენ, რომ სტანდარტები გაითვალისწინონ. გამოვიკვლიეთ, შრომითი უსაფრთხოების სტანდარტები რამდენად არის გათვალისწინებული კომპანიების შიდა დოკუმენტებში და საქმიანობაში, ბავშვთა შრომის საკითხები, ასევე გამოვიკვლიეთ გაერთიანების თავისუფლება და სხვა. მდგრადი განვითარების დღის წესრიგის  შესრულების საკითხიც  იქნა გამოკვლეული და კომპანიების უმრავლესობა აცხადებს, რომ მდგრადი განვითარების პირველ ორ მიზანზე ახდენს ზეგავლენას ძირითადად საქმიანობით, რომელიც არის სიღარიბის დაძლევა და შიმშილის აღმოფხვრა“,_ ამბობს ზურაბიშვილი. როგორც „სიდას“ აღმასრულებელ დირექტორი ამბობს,  კორპორაციული პასუხისმგებლობა არის ძალიან მრავალმხრივი და ამიტომაც  ყველა აღნიშნულ მიმართულებაზე გამოწვევები არსებობს. ადამიანის უფლებების სტანდარტების სტატისტიკური მონაცემები არის ძალიან დაბალი. კომპანიებში ხშირად არ არსებობს საჩივრის მექანიზმები, რაც ადამიანის უფლებების დარღვევის გამოვლენას ხელს უშლის. „რამდენი კომპანია ახორციელებს, რამდენ კომპანიას აქვს პოლიტიკის დონეზე დანერგილი ეს სტანდარტები, რამდენად ახორციელებენ იმის მონიტორინგს ნამდვილად ხორციელდება ის, რაც გაწერილია დოკუმენტში. რამდენად არსებობს საჩივრის მექანიზმები ამ მიმართულებით. ხშირად კომპანიებში არ არსებობს საჩივრის მექანიზმები იმისთვის, რომ გამოვლინდეს ადამიანის უფლებების დარღვევები. შრომის უფლებების დარღვევების სტანდარტების მიმართულებით, მიუხედავად იმისა, რომ გარკვეული სტანდარტები არის უკვე საკანონმდებლო დონეზე გაწერილი. მაგალითად, შრომითი უსაფრთხოების სტანდარტების დანერგვა და შრომითი ზედამხედველობის მენეჯერის არსებობა კომპანიაში მსხვილი ზომის საწარმოების დიდ ნაწილშიც კი არ არის ეს საკითხი გათვალისწინებული“,_ ამბობს ზურაბიშვილი. სალომე ზურაბიშვილი ასევე კომპანიებში ნარჩენების მართვის მიმართულებით არსებულ პრობლემებზეც საუბრობს. „მიუხედავად იმისა, რომ ნარჩენების მართვა საკანონმდებლო დონეზე გვაქვს გათვალისწინებული, დიდი რაოდენობა კომპანიების ამბობს, რომ ამ საკითხზე ისინი არ მუშაობენ და არანაირ ნაბიჯს არ დგამენ იმისთვის, რომ გარემოზე მინიმალური ზეგავლენა ჰქონდეთ“,_ ამბობს ... ...
  • უზენაესი სასამართლოს მოსამართლეობის კანდიდატი: უფრო მეტად, შვილების შემხედვარე, „ბასტი-ბუბუს“ ვუყურებ ხოლმეპარლამენტში, სადაც, ამ წუთებში, უზენაესი სასამართლოს მოსამართლეობის კანდიდატის, პაატა სილაგაძის მოსმენა მიმდინარეობს, "ევროპული საქართველოს" დეპუტატი ოთარ კახიძე დაინტერესდა, იცნობდა თუ არა „თიბისი ბანკის“ საქმეს  პაატა სილაგაძე, რაზეც მან უპასუხა, რომ ფაქტის შესახებ ტელევიზიიდან გაიგო. „საქმეს არ ვიცნობ. ფაქტი ვიცი, რომ მიმდინარეობს. ტელევიზიიდან გამომდინარე, მაგრამ დეტალები არ ვიცი“, _ აღნიშნა სილაგაძემ, რომლის განცხადებას დეპუტატი ხათუნა გოგორიშვილის გამოეხმაურა და აღნიშნა, რომ სილაგაძე არის პირველი კანდიდატი, ვინც თქვა, რომ ტელევიზორს უყურებს. "უფრო მეტად, შვილების შემხედვარე, „ბასტი-ბუბუს“ ვუყურებ ხოლმე“, _ ასე უპასუხა გოგორიშვილის რეპლიკას ... ...
  • ბესელია: სილაგაძე ერთ-ერთი მთავარი ჯალათია, რომელიც ბოლო ლურსმნებს აჭედებდა უსამართლობის დიდ სისტემასპაატა სილაგაძეს პარლამენტი თუ ხმას მისცემს, ჩათვალეთ, რომ მართლმსაჯულება უნდა დაბნელდეს, – ამის შესახებ პარლამენტის დამოუკიდებელმა დეპუტატმა, ეკა ბესელიამ ჟურნალისტებთან საუბრისას უზენაესი სასამართლოს მოსამართლეობის კანდიდატ პაატა სილაგაძის შეფასებისას განაცხადა. ეკა ბესელიას შეფასებით, უზენაესი სასამართლოს მოსამართლეობის კანდიდატი „ერთ-ერთი მთავარი ჯალათია, რომელიც უსამართლობის დიდ სისტემას ამაგრებს“. „პაატა სილაგაძე ერთ-ერთი მთავარი ჯალათი გახლავთ. დღეს ამ სიტყვას არ მოვერიდები. მიუხედავად იმისა, რომ ვერიდები ხოლმე მოსამართლეებთან დაკავშირებით მძიმე ეპითეტებს. მკაცრად კი ვაკრიტიკებ, მაგრამ ამ სიტყვებს ნაკლებად ვიყენებ, მაგრამ ეს ერთ-ერთი მთავარი ჯალათი გახლავთ, რომელიც უზენაესი სასამართლოდან ბოლო ლურსმნებს აჭედებდა ხოლმე უსამართლობის ძალიან დიდ სისტემას და ამ სისტემას ამაგრებდა თავისი გულცივი და სასტიკი დამოკიდებულებით. მათ შირის არასრულწლოვანთა საქმეებზე ახლა რომელზეც საუბრობდა. ეს მოსამართლე გახლდათ 10-კაციან, პარტიზანულად გამოგზავნილ სიაშიც. ის აქ მეორედ შემოიყვანეს იმ გარანტიით, რომ მას აირჩევენ. თუ მას პარლამენტი ხმას მისცემს ჩათვალეთ, რომ მართლმსაჯულება უნდა დაბნელდეს. ახლაც, უფლებამოსილება უკანონოდ აქვს გაგრძელებული, რადგან ვადა გაუვიდა და იუსტიციის უმაღლესმა საბჭომ ისე გაუგრძელა ვადა, რომ ამის უფლება არ ჰქონდა. აქ არის მოსამართლე, რომელსაც არანაირი მანდატი არც ნდობის და არც კანონიერების არ გააჩნია. ერთ-ერთი ჯალათი გახლავთ ვინც კი სასამართლო სისტემაში ვიცი“, – განაცხადა ეკა ბესელიამ. იურიდიულ საკითხთა კომიტეტი პარლამენტისთვის ასარჩევად წარდგენილ საქართველოს უზენაესი სასამართლოს მოსამართლეობის კანდიდატს, პაატა სილაგაძეს უსმენს. ... ...

არქივი

ზაფრანი

რა მოხდება მაშინ, თუ ყოველდღე ორ ბანანს მივირთმევთ

ბანანი მნიშვნელოვნად არეგულირებს არტერიულ წნევას,...

არ მიირთვათ ხილი ჭამის შემდეგ

ხილი მიირთვით საჭმლის მიღებამდე, რადგან...

რამდენიმე რჩევა ბავშვის მოვლის შესახებ

როგორ დაიჭიროთ ბავშვი ხშირად მშობელს...

როგორ მოვიშოროთ ნეგატიური ენერგია?

სალბი ( სამკურნალო მცენარე) შორეულ...

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...