"რეაბილიტაცია" ჩვენებურად _ ბაღების სკანდალი გრძელდება

მთავარი თემა

"რეაბილიტაცია" ჩვენებურად _ ბაღების სკანდალი გრძელდება

3 ნოე. 2014, 17:39:13

ჩოხატაურის მუნიციპალიტეტსა და შპს "შემოქმედმშენს" შორის #160 ხელშეკრულება 2014 წლის 11 ივნისს გაფორმდა.

ხელშეკრულების თანახმად, რომელსაც ხელს გამგებლის მოვალეობის აწ უკვე ყოფილი შემსრულებელი და დღეს გამგებლის მოადგილე თამაზ ჯინჭარაძე აწერს, #1 ბაგა-ბაღის, #2 ბაგა-ბაღის, სოფელ ამაღლების საბავშვო ბაღის, სოფელ იანეულის საბავშვო ბაღის და სოფელ სამების საბავშვო ბაღის სარეაბილიტაციო სამუშაოები უნდა გახორციელებულიყო. ამ სამუშაოებისთვის "შემოქმედმშენს" 181 111 ლარი ჰქონდა გამოყოფილი.

აღნიშნული ხელშეკრულების ფარგლებში ჩატარებულ სამუშაოებზე საბოლოო მიღება-ჩაბარების აქტი 2014 წლის 25 აგვისტოს შედგა.

 ინსპექტირების ჯგუფმა, რომელშიც ხუთი წევრია (ვლ. ლომთათიძე, ნ. სიხარულიძე, გ. ბერძენიშვილი, გ, სიმონია. ი. მეგრელიშვილი) დაადგინა, რომ #160 ხელშეკრულებით გათვალისწინებული ყველა სამუშაო ჩაბარებულია.

კომისიას არანაირი შენიშვნა შესრულებულ სამუშაოებთან დაკავშირებით არ ჰქონია.

ჩაბარებული სამუშაოებიდან ერთი-ერთის შესახებ "გურია ნიუსი" უკვე წერდა, ამჯერად კი დანარჩენი ბაღები მოვინახულეთ.

#2 საბავშვო ბაგა-ბაღის ლოკალური ხარჯთაღრიცხვის თანახმად, სამუშაოებზე 91 000 ლარი დაიხარჯა. დაიგო ლამინატი, კაფელი, მეთლახი, ჩაისვა მეტალოპლასტმასის კარფანჯრები.

როგორც #1 ბაგა-ბაღში, ლამინატი აქაც უსწორმასწოროდაა დაგებული, ბევრ ადგილზე "პლინტუსებიც" გამორჩენიათ. ახალდაგებული მეთლახი უკვე გაბზარულია. როგორც ბაღის დირექტორი მარინა მეგრელიშვილი ამბობს, მეთლახი დაგების დროს გატყდა.

მეგრელიშვილის თქმით, მსგავსი სამუშაოების შესრულებაში საკუთარ სახლში მუშას გასამრჯელოს არ გადაუხდიდა, თუმცა ამ შემთხვევაში მას არც ფინანსებთან და არც მიღება-ჩაბარებასთან ჰქონია საქმე.

ის, რომ სამუშაოები უხარისხოდ არის შესრულებული, ჩვენთან საუბრისას ადასტურებს სოფელ იანეულის საბავშვო ბაღის გამგე. როგორც გვითხრეს, სარეაბილიტაციო სამუშაოები საკრებულოს წევრებმა _ დავით შარაშიძემ, ქეთევან სიხარულიძემ და გამგებელმაც მოინახულეს და უკმაყოფილებაც გამოთქვეს, თუმცა, ჩატარებული სამუშაოები ხარისხიანი დღესაც არ არის.

ინსპექტირების ჯგუფის მიერ ჩაბარებული იანეულის საბავშვო ბაღის ერთ-ერთი "ხარისხიანი" დეტალი კედელში სახელდახელოდ ჩაჭედილი ქვაცაა, რომლის დანიშნულებაც, ბაღის აღმზრდელების განმარტებით, თაგვისგან დაცვაა.

როგორც აღვნიშნეთ, ხელშეკრულების ფარგლებში, სოფელ სამებისა და სოფელ ამაღლების ბაღებიც გაკეთდა, თუმცა, იქ მისულებს გვითხრეს, რომ არც ერთ სოფელში საბავშვო ბაღი არ არსებობს.

ამაღლების რწმუნებულის ვიტალი დოლიძის განმარტებით, შენობა, რომელიც მხოლოდ გადაიხურა, სამომავლოდ ბაღისთვის არის განკუთვნილი. იგივე მდგომარეობაა სამებაშიც, სადაც იატაკზე ხის პანელის მასალაა დაგებული: _ ეს ობიექტი ჩაბარებული როგორ იქნება, აქტზე ვინ მოაწერდა ხელს?! მითხრეს, რომ არ ჩაიბარებდნენ. როცა ობიექტზე მუშაობდნენ, ვუთხარი კიდეც, ასეთი იატაკი ვის გაუგია, გადაკერებულია მასალა. ამ ბაღში 7 000 ევროს სამუშაოები ნორვეგიელებმა უნდა ჩაატარონ და ამას რომ ნახავენ, მაინც აგაღებინებენ,-მეთქი. ამაზე კი მიპასუხეს, რომ ხარჯთაღრიცხვაში არ ეწერათ, გადაკერებულ იატაკს დააგებდნენ თუ სწორს, _ ამბობს დოლიძე.

სამებისა და ამაღლების ე. წ. ბაღების რეაბილიტაციის შესახებ საქმის კურში არ აღმოჩნდნენ ბაღების გაერთიანებაში. გაერთიანების ხელმძღვანელის ნინო ბარამიძის თქმით, არც სამებაში და არც ამაღლებაში ბაღი არ არსებობს, შენობა არც მათ ბალანსზეა და შესაბამისად, არც მიმდინარე სამუშაოებისა იციან რამე.

გამგებლის მოადგილე თამაზ ჯინჭარაძე კი ამბობს, რომ როცა საბავშვო ბაღების რეაბილიტაციის საკითხს განიხილავდნენ, მას ბაღების გაერთიანების ხელმძღვანელიც ესწრებოდა:

_ თბილისში დაიგეგმა, რომელი ბაღი უნდა გაკეთებულიყო. მე მომხრე ვიყავი, რომ გაკეთებულიყო ორი ბაღი და კაპიტალურად, ასევე მინდოდა რომ ვანზომლეთის ბაღის გაკეთება, თუმცა, ასე გადაწყვიტეს თბილისში.

_ ბატონო თამაზ, ხელშეკრულებაში წერია, რომ უნდა მოხდეს სამებისა და ამაღლების ბაღების რეაბილიტაცია. იგივე წერია მიღება-ჩაბარების აქტში. არადა, აღნიშნულ სოფლებში არც ბაღებია და არც ე. წ. გარემონტებული შენობებია მუნიციპალიტეტის ბალანსზე.

_ არსებობდა სიტყვიერი შეთანხმება, რომ გადმოგვეცემოდა. წერილიც მივწერეთ ეკონომიკის სამინისტროს. იმათ მიწერეს გუბერნიას, ამის შემდეგ კვალი იკარგება _ არაფერი არ ვიცით, _ ამბობს ჯინჭარაძე.

წერილი, რომელზეც გამგებლის მოადგილე საუბრობს, 2014 წლის 26 მაისით არის დათარიღებული: "გაცნობებთ რომ სსიპ სახელმწიფო ქონების ეროვნულ სააგენტოში შემოსულია ჩოხატაურის მუნიციპალიტეტის საკრებულოს თავმჯდომარის წერილი, რომელიც ეხება ჩოხატაურის მუნიციპალიტეტში სოფელ ამაღლებაში მდებარე უძრავი ქონების სახელმწიფო საკუთრებად დარეგისტრირებასა და ჩოხატაურის მუნიციპალიტეტის საკუთრებაში გადაცემის საკითხს, შემდგომში საბავშვო ბაღის განთავსების მიზნით. გიგზავნით აღნიშნულ წერილს. გთხოვთ, განიხილოთ და მოგვაწოდოთ თქვენი მოსაზრება ზემოხსენებული უძრავი ქონების მუნიციპალიტეტის საკუთრებაში გადაცემასთან დაკავშირებით," _ აღნიშნულია სსიპ სახელმწიფო ქონების ეროვნული სააგენტოს თავმჯდომარის დიმიტრი ქუმსიაშვილის მიერ გუბერნატორის ადმინისტრაციისთვის გაგზავნილ წერილში.

როგორც ჯინჭარაძე განმარტავს, ამ წერილზე გუბერნიას პასუხი არ გამოუგზავნია. თუმცა, მიუხედავად ამისა, ივნისში გააფორმა ხელშეკრულება, სადაც წერია "ამაღლების საბავშვო ბაღი". იგივე წერია ინსპექტირების ჯგუფის მიერ შედგენილ საბოლოო მიღება-ჩაბარების ოქმში, მიუხედავად იმისა, რომ როგორც ზემოთ აღვნიშნეთ, სოფელში არც ბაღია და არც შენობაა მუნიციპალიტეტის ბალანსზე.

_ კონკრეტულ წერილზე ამ ეტაპზე საუბარი არ შემიძლია, რადგან ოფისში არ ვიმყოფები და ვერ გეტყვით, მოხდა თუ არა რეაგირება. გავერკვევი, წერილს მოვიძიებ და კომენტარსაც შემდგომ გავაკეთებ, _ გვითხრა გურიის გუბერნატორმა გიორგი ჩხაიძემ, რომელიც ამ თემაზე ვრცელ განმარტებებს დღეს, გადაცემა "კვირის თემაში" გააკეთებს.

აღსანიშნავია, რომ ჩოხატაურის გამგეობიდან არავის გაუგზავნია წერილი ინფრასტრუქტურის სამინისტროში, რომელშიც მითითებული იქნებოდა, რომ აღნიშნულ სოფელში ბაღები არ არსებობდა და არც შენობები იყო მათ ბალანსზე. როგორც დოკუმენტები ცხადყოფენ და გამგებლის მოადგილეც ადასტურებს, ხელშეკრულება ვიღაცის მიერ სიტყვიერი მითითების შედეგად შედგა და ჩაიწერა სიტყვა _ "ბაღები", თუმცა, ვინაა ეს "ვიღაცა", არ კონკრეტდება.

რაც შეეხება სამების ე. წ. "საბავშვო ბაღს", როგორც თამაზ ჯინჭარაძე ამბობს, ის არც ეკონომიკის სამინისტროს ბალანსზეა და არც მუნიციპალიტეტის(?!): _ სოფლისაა. ადრე იყო მანდ ბაღი. რამდენიმე ადამიანს ეკუთვნის სოფელში, _ დასძენს ჯინჭარაძე, თუმცა იმ "ვიღაცის" მსგავსად, ეს "რამდენიმე ადამიანიც" არავინ იცის, ვინაა. არადა, ამ "რამდენიმე ადამიანს" შენობა ბიუჯეტის ფულით ისე გაურემონტეს, რომ არც არაფერი ჰკითხეს და არც დოკუმენტი შეადგინეს.

ჩოხატაურის მუნიციპალიტეტის საკრებულოს თავმჯდომარის ზაალ მამალაძის თქმით, გამგებლის, ირაკლი კუჭავას გადაწყვეტილებით, უკვე მოწვეულია სამხარაულის სასამართლო ექსპერტიზის ეროვნული ბიურო და კომენტარები მათი დასკვნის შემდეგ გაკეთდება:

_ საკრებულო აპირებს ამ თემაზე მსჯელობას. მანამდე ვერანაირ შეფასებას და კომენტარს ვერ გავაკეთებ. არ გამოვრიცხავ, რომ საგანგებო სხდომაც მოვიწვიო, _ გვითხრა მამალაძემ.

ჩოხატაურის მუნიციპალიტეტის გამგებელი ირაკლი კუჭავა ამბობს, რომ დაუსაბუთებლად არც არავის დაადანაშაულებენ და არც არავის დააფარებენ ხელს:  _ შესყიდული სამუშაოების ხარისხთან დაკავშირებით მართლაც სერიოზული პრობლემები არსებობდა და ჯერ კიდევ არსებობს. ამას ნაწილობრივ ობიექტური, ანუ კანონმდებლობასთან დაკავშირებული მიზეზებიც განაპირობებს. ამის თაობაზე გურიის გუბერნატორი ბატონი გიორგი ჩხაიძეც აღნიშნავდა ერთ-ერთ ბოლო ინტერვიუში. მხედველობაში მაქვს კომპანიების მიერ ფასების დაწევის მექანიზმი. კომპანიები ელექტრონული ტენდერების მიმდინარეობის დროს, სამუშაოების შესრულებაზე უფლების მოპოვების მიზნით, არ ერიდებიან ფასების დაკლებას. შემდეგ ვეღარ ასრულებენ ნაკისრ ვალდებულებებს (მაგალითად, როგორც კულტურის სახლის მშენებლობის ტენდერში გამარჯვებულმა კომპანიამ, რომელსაც ხელშეკრულება შევუწყვიტეთ) ან ასრულებენ უხარისხოდ.

რაც შეეხება თქვენს პუბლიკაციაში წამოწეულ თემას, საბავშვო ბაღების რეაბილიტაციის ტენდერი ჩვენ ჩატარებული დაგვხვდა. არჩევნებში გამარჯვების შემდეგ, ჯერ კიდევ უფლებამოსილებაში შესვლამდე, შევხვდი შპს "შემოქმედმშენის" ხელმძღვანელს გია შილაკაძეს, ასევე მის ქვეკონტრაქტორს და ვთხოვე, რომ სამუშაოები ზედმიწევნით ხარისხიანად შეესრულებინათ. კითხვაც დავუსვი, თუ როგორ აპირებდნენ იმ სამუშაოების შესრულებას 181 000 ლარად, რომლის თავდაპირველი სატენდერო, სახარჯთაღრიცხვო ღირებულება 255 000 ლარს შეადგენდა. განაცხადეს, რომ აქვთ კარგი გამოცდილება, სამშენებლო მასალებზე წვდომა და შესრულება არ გაუჭირდებოდათ. სამუშაო პროცესის მიმდინარეობისას არა ერთხელ, პირადად და მუნიციპალიტეტის სხვა ხელმძღვანელებთან ერთად ვიყავით ამ ობიექტებზე, კონკრეტული შენიშვნებიც მივეცით; ინსპექტირების ჯგუფიც გაფრთხილებული იყო, მათ შორის, სამშენებლო მასალების შესაბამისი სერთიფიკატის წარმოდგენაზე (მშენებელ კომპანიას ასეთი სერთიფიკატი წარმოდგენილი აქვს). უფრო მეტიც, როცა დავრწმუნდი, რომ პროექტი (ავტორი ი. მ. დოლბაია) მორგებული იყო თანხებზე და არა სრულ რეაბილიტაციაზე, ადგილობრივი ბიუჯეტიდან 27 000 ლარი გამოვუყავით რეაბილიტაციის, მეტ-ნაკლებად მაინც, კონდიციამდე მისაყვანად. ასევე, დამატებით გამოვყავით საბავშვო ბაღებისათვის ახალი ავეჯის შესაძენად 32 300 ლარი. ჩვენი ბიუჯეტისთვის ეს ცოტა თანხა არ არის. პრევენციის კიდევ ერთი მექანიზმი შემოვიღე _ კერძოდ, ბაღების დირექტორების ჩართვა მიღება-ჩაბარების პროცესში. ამიტომაც მოვთხოვე სკოლამდელი საგანმანათლებლო სააღმზრდელო დაწესებულების ხელმძღვანელს, ქალბატონ ნინო ბარამიძეს, წერილობით დაედასტურებინა სარემონტო სამუშაოების ხარისხიანობა. პირველი სექტემბრით დათარიღებული ასეთი წერილი, სადაც აღნიშნულია, რომ შესრულებულ სამუშაოებთან დაკავშირებით პრეტენზია არ გააჩნიათ, მივიღე კიდეც.

ახლა იმის თაობაზე, თუ რა ღონისძიებები გატარდება ამ ეტაპზე. პირველ რიგში, შეიცვლება ინსპექტირების ჯგუფის ხელმძღვანელი და გადახალისდება შემადგენლობა. ეს ამ პუბლიკაციამდეც გადაწყვეტილი მქონდა, არა იმიტომ, რომ რაიმე ფაქტი გამაჩნია ამ ადამიანების არაკეთილსინდისიერების შესახებ (დაუსაბუთებლად ბრალს არავის დავდებ, მათ შორის არც შემსრულებლებს, რომლებმაც პროექტში გაუთვალისწინებელი სამუშაოებიც შეასრულეს ბაღების დირექტორების თხოვნით). მიმაჩნია, რომ მაკონტროლებელი კომისიების შემადგენლობა ხშირად უნდა განახლდეს ადამიანური სისუსტეების გამოსარიცხად.

ხელშეკრულებაში არის ერთი მნიშვნელოვანი პუნქტი, რომლის თანახმადაც, მიმწოდებელი ვალდებულია, ხუთი წლის განმავლობაში, მისი მიზეზით გამოწვეული ხარვეზები აღმოფხვრას საკუთარი ხარჯით. იმის დასადგენად, თუ რა მასშტაბის ხარვეზებია და რა თანხებთან არის ეს დაკავშირებული, უკვე მოვიწვიეთ ლევან სამხარაულის სახელობის სასამართლო ექსპერტიზის ეროვნული ბიუროს წარმომადგენლები, რომლებიც დაადგენენ შესრულებული სამუშაოების ხარისხსა და მოცულობას.

კიდევ ვიმეორებ, დაუსაბუთებლად არც არავის დავადანაშაულებთ და არც არავის დავაფარებთ ხელს. ყველას ვთხოვთ გაითვალისწინოს _ კონტროლი კიდევ უფრო გამკაცრდება. დროა ვისწავლოთ პატიოსნად ცხოვრება ჩინოვნიკებმაც და ბიზნესმენებმაც, _ აღნიშნა კუჭავამ ჩვენთან საუბრისას.

აღსანიშნავია, რომ ამჟამად ჩოხატაურში #1 საბავშვო ბაღის რეაბილიტაცია მიმდინარეობს. სამუშაოები იაპონიის მთავრობის ფინანსებით სრულდება და თანადაფინანსებას ადგილობრივი მუნიციპალიტეტი ახორციელებს.

როგორც გავარკვიეთ, იაპონელები, ამ ეტაპზე, ობიექტს იმ მიზეზით არ იბარებენ, რომ რიგი სამუშაოები დაუსრულებელია და ზოგიერთი რამ უხარისხოდაა გაკეთებული.

ამ ფონზე კი ჩნდება შეკითხვა _ რა დაინტერესება შეიძლება ჰქონდეს ადგილობრივი ხელისუფლების წარმომადგენლებს, ინსპექტირების ჯგუფს, როცა უხარისხო ობიექტებს "ხარისხიანად" მიიჩნევს და შესაბამის აქტსაც აფორმებს? ამ კითხვით ჩვენ ინსპექტირების ჯგუფის ხელმძღვანელს, გამგეობის ქონების მართვის სამსახურის უფროსს ვლადიმერ ლომთათიძეს მივმართეთ, თუმცა, ლომთათიძემ კომენტარი არ გააკეთა, გადაღებაში ხელი შეგვიშალა და გამგეობის დერეფანში "საქმის რჩევა" დაგვიწყო, "რა უფლებით მიღებთო" და დასძინა: _ სკანდალი გინდათ თქვენ! არ გავაკეთებ კომენტარს, რადგან რაც დაწერეთ, ის არ მომწონს! _ საკუთარი საუბარი აღარ მოეწონა ლომთათიძეს, როცა ამბობდა, რომ "ჩოხატაურში სხვანაირად არ იციან საქმის კეთება და ყველა ობიექტი ასე კეთდება".

ჩვენი ინფორმაციით, ამ საკითხით ფინანსური პოლიციაც დაინტერესდა.

ფილმი _ "როგორ გაარემონტეს არსებული და არარსებული საბავშვო ბაღები", ნახეთ აქ.


სოფელ სამების საბავშვო ბაღი


"გარემონტებული"  ტუალეტი სოფელ იანეულის საბავშვო ბაღში


ჩოხატაურის #2 საბავშვო ბაღში "პლინტუსების" დაგება "დაავიწყდათ"


სოფელ ამაღლების ეგრეთწოდებული "საბავშვო ბაღი"




 ახალი ამბები
  • "საქმე გვაქვს „ჩასაფრებული ადამიანის“ კლასიკურ შემთხვევასთან" _ ცერცვაძე ჟამურაშვილს პასუხობსინფექციური პათოლოგიის, შიდსისა და კლინიკური იმუნოლოგიის ცენტრის გენერალურმა დირექტორმა, პროფესორმა თენგიზ ცერცვაძემ გერმანიაში მომუშავე ქართველი ექიმის, თამარ ჟამურაშვილის საპასუხოდ წერილი გამოაქვეყნა. წერილში ცერცვაძე ჟამურაშვილს აკრიტიკებს საქართველოს ჰოსპიტალურ სექტორთან დაკავშირებით გამოთქმული უარყოფითი შეფასების გამო და აცხადებს, რომ მისი პოზიცია “ჩასაფრებული” ადამიანის პოზიციაა. 22 მაისს რადიო თავისუფლებამ გამოაქვეყნა ინტერვიუ გერმანიაში მომუშავე ქართველ ექიმთან ქ-ნ თამარ ჟამურაშვილთან. ინტერვიუს წამძღვარებული აქვს წინასიტყვაობა, რომ „თამარი გერმანიის გარდა საქართველოზეც ფიქრობს და ამბობს, რომ დრო, როცა მთელი ქვეყნის მოსახლეობა რეკომენდაციებს ასრულებდა და სახლში რჩებოდა, საქართველოს სამედიცინო სექტორის გასაძლიერებლად არ ყოფილა გამოყენებული და თუ შემოდგომისთვის მაინც არ დავიჭერთ თადარიგს, მეორე ჯერზეც გამართლების იმედად მოგვიწევს ყოფნა“ . რატომღაც, სამწუხაროდ, შეიმჩნევა ერთი ტენდენცია. უცხოეთში სამუშაოდ წასული ქართველი ექიმების ნაწილი, საბედნიეროდ მხოლოდ ერთი ნაწილი, ცდილობს დააკნინოს და ნეგატიურ ჭრილში წარმოაჩინოს ქართული მედიცინა და მისი მიღწევები. არადა, ეს ყოველთვის სამართლიანი არ არის. მართალია, ევროპისა და ჩრდილოეთ ამერიკის ქვეყნების უმრავლესობა საქართველოზე ეკონომიკურად ბევრად უფრო ძლიერია და ბევრად უფრო ძლიერი და გამართული ჯანდაცვის სისტემაც აქვთ, მაგრამ ეს სულაც არ ნიშნავს, რომ ქართულ მედიცინაში არაფერი ღირებული არ არის, მაღალი დონის სპეციალისტები არა გვყავს და ა.შ. არაიშვიათად უცხოეთში სამუშაოდ წასული ექიმები, სულაც არ გამოირჩევიან მაღალი დონით და თავიანთი ცოდნით და პროფესიონალიზმით არაფრით სჯობიან ქართველ კოლეგებს. ვფიქრობთ, ქ-ნი თამარი, ბ-ნი იაგო ფრანგიშვილის და სხვა მსგავსი ექსპონატებისაგან განსხვავებით, ნამდვილად კარგი პროფესიონალია. იგი კარგად აღწერს გერმანიის ჯანდაცვის სისტემის COVID-19-თან საპასუხო ღონისძიებების მაღალ დონეს და ეფექტიანობას და ასევე ობიექტურად აფასებს და კარგ შეფასებას აძლევს საქართველოს ეპიდსაწინააღმდეგო სამსახურის მუშაობას, მაგრამ ჩვენთვის უცნობი მიზეზების გამო უკიდურესად ნეგატიურად და თან ყოველგვარი არგუმენტების გარეშე აფასებს საქართველოს ჰოსპიტალურ სექტორს და უაპელაციოდ ამბობს, „გაგვიმართლა, ძალიან გაგვიმართლა, რომ ასეთი ცოტა რაოდენობის კრიტიკული შემთხვევები გვქონდა“, თორემ შავ დღეში აღმოვჩნდებოდითო. ქ-ნი თამარი ხაზს უსვამს აგრეთვე საქართველოში მედპერსონალის ინფიცირების დიდ რაოდენობას, რასაც ასევე ჰოსპიტალური სექტორის მომზადების დაბალი დონით ხსნის. მე მინდა შევახსენო ქ-ნ თამარს ზოგიერთი ციფრები: გერმანიას, რომელიც მართლაც ერთ-ერთ ყველაზე წარმატებულად ითვლება ევროპაში COVID-19-თან ბრძოლის საქმეში, სადღეისოდ ჰყავს 183 294 COVID-19-ით ავადმყოფი და 8 600 გარდაცვლილი, რაც დადასტურებული შემთხვევების 4,69%-ს შეადგენს. საქართველოს ჰყავს 783 ავადმყოფი და მხოლოდ 12 (თორმეტი) გარდაცვლილი, რაც დადასტურებული შემთხვევების 1,53%-ს შეადგენს. თუ ამ ციფრებს გადავიანგარიშებთ ერთ მილიონ მოსახლეზე, მივიღებთ, რომ გერმანიას ჰყავს 2 208 COVID-19-ით ავადმყოფი და - 104 გარდაცვლილი, ხოლო საქართველოს ჰყავს 196 ჩOVID-19-ით ავადმყოფი (11-ჯერ ნაკლები, ვიდრე გერმანიას) და მხოლოდ 3 გარდაცვლილი (34-ჯერ ნაკლები, ვიდრე გერმანიას). სხვანაირად რომ ვთქვათ, საქართველოზე შეუდარებლად უფრო ძლიერ გერმანიას რეალურად ერთ მილიონ მოსახლეზე საქართველოზე 11-ჯერ მეტი COVID-19-ით ავადმყოფი და 34-ჯერ მეტი გარდაცვლილი ჰყავს. აღარაფერს ვამბობ ევროპის იმ ქვეყნებზე (ინგლისი, საფრანგეთი, იტალია და სხვ.), სადაც გარდაცვლილთა რიცხვი 10-დან 19%-მდეა. რაც შეეხება ინფიცირებულ მედპერსონალს, საქართველოს მართლაც ჰყავს 96 COVID-19-ით ინფიცირებული სამედიცინო მუშაკი (ერთ მილიონ მოსახლეზე 24). მაშინ, როცა გერმანიას 10 000-ზე მეტი ინფიცირებული სამედიცინო მუშაკი ჰყავს (ერთ მილიონ მოსახლეზე 120-ზე მეტი). ანუ, საქართველოზე სულ ცოტა 5-ჯერ მეტი. ეს მაშინ, როდესაც გერმანიის მატერიალურ-ტექნიკური ბაზა შეუდარებლად უფრო ძლიერია. აი, ამას ჰქვია, რომ „კაცი საკუთარ თვალში დირეს ვერ ხედავს და სხვის თვალში კი ბეწვსაც ამჩნევსო“. გერმანიასთან შედარებას რომ თავი დავანებოთ, ჯანმო-ს მონაცემებით მსოფლიოში მედპერსონალზე მოდის COVID-19-ის ყველა დადასტურებული შემთხვევის, დაახლოებით 20%. მაშინ, როდესაც საქართველოში ინფიცირებული სამედიცინო მუშაკები დადასტურებული შემთხვევების მხოლოდ 12,6%-ს შეადგენს. აი ასეთია ობიექტური რეალობა და თუ ქ-ნ თამარს მართლა სჯერა, რომ ეს ყველაფერი მხოლოდ გამართლების და თან ძალიან გამართლების შედეგია, მისი ნებაა, „ნეტარ არიან მორწმუნენი“. რაც შეხება ავადმყოფების სიმძიმეს - საქართველოში 783 დადასტურებული შემთხვევიდან 101 ავადმყოფი იყო მძიმე, ხოლო 39 ავადმყოფი - კრიტიკულად მძიმე და მათგან მხოლოდ 12 გარდაიცვალა. ამასთან, მათ რიცხვში შედის ის ავადმყოფებიც, რომლებსაც COVID-19 ჰქონდათ, მაგრამ რეალურად სხვა თანმხლები დაავადებისგან (მაგ. ინსულტისგან) გარდაიცვალნენ, ხოლო 2 ავადმყოფი გარდაცვალებისას სულაც უკვე ვირუსნეგატიურები იყვნენ და მაინც COVID-19-ისგან გარდაცვალებულად ჩაითვალნენ. ანუ, საქართველო ზეპატიოსნად ითვლის COVID-19-ისგან გარდაცვალებულ პირებს, მაშინ როდესაც ყველა ქვეყანა ასე სულაც არ იქცევა. საინტერესოა, საიდან იცის ქ-ნმა თამარმა, რომ საქართველოს ჰოსპიტალური სექტორი, მისი სტაფი სრულიად მოუმზადებელი და გაუმართავი შეხვდა COVID-19-ის პანდემიას?! რასაც იგი არაერთგზის შესაშური დაჟინებით იმეორებს. მაშინ, როცა შედეგები საპირისპიროს მეტყველებს. სინამდვილეში საქართველოში სწორედ ჰოსპიტალური სექტორი მუშაობდა საათივით გამართულად. პაციენტების კვლევის და ნაკადების მოძრაობის ალგორითმები და პროტოკოლები იყო ოპტიმალური: სასწრაფო_სპეციალურად მომზადებული ოჯახის ექიმი_ე.წ. ცხელების ცენტრი _ COVID ცენტრი. არცერთი პაციენტი 1 საათიც კი არ მდგარა რიგში და არ დარჩენილა მაღალკვალიფიციური მომსახურების გარეშე. COVID-ის დიაგნოზი ისმებოდა მაქსიმუმ 12 საათში, ხოლო COVID ცენტრებში პაციენტებს მკურნალობენ უმაღლესი საერთაშორისო სტანდარტებით. ეს ეხება როგორც სიმპტომურ და დამხმარე მკურნალობას, ისე პათოგენეზურ მკურნალობას და ინოვაციურ მიდგომებს - პლაქვენილი, ლოპინავირ/რიტონავირი, ტოცილიზუმაბი, კონვალესცენტების პლაზმის გადასხმა, პლაზმაფერეზი, ექსტრაკორპორალური „სისხლის გაწმენდა“ სხვადასხვა სორბენტების გამოყენებით და სხვ. სხვათაშორის პლაქვენილზე საქართველოში არცერთი სერიოზული გვერდითი მოვლენა არ დაფიქსირებულა. ამასთან, მსოფლიოს ბევრი წამყვანი ქვეყნისგან განსხვავებით, საქართველოში დროულად მოხდა L და H ტიპების გამიჯვნა და არასაჭირო ინტუბაციების თავიდან აცილება, რაც სავარაუდოდ პოზიტიურად აისახა გარდაცვლილთა რაოდენობაზე. სხვათაშორის, როდესაც ჩვენ საქართველოში COVID-19-თან წარმატებული ბრძოლის შედეგებს ვდებთ, გაღიზიანებული ოპონენტები ხშირად გვეკითხებიან - „ესე იგი, თქვენ გინდათ თქვათ, რომ დასავლეთის განვითარებულ ქვეყნებზე უფრო ძლიერი ჯანდაცვის სისტემა აქვთ“. არამცდა არამც, სამწუხაროდ, ეს ასე არ არის. ჩვენი ჯანდაცვის სისტემა მთლიანობაში გაცილებით უფრო სუსტია, მაგრამ ეს არ გამორიცხავს, რომ ცალკეულ სეგმენტებში ჩვენ შეიძლება უფრო წარმატებულები ვიყოთ და ამის შესანიშნავი მაგალითია ის, რომ აშშ დაავადებათა კონტროლის ცენტრმა და კომპანია GILEAD-მა მსოფლიოს 200-ზე მეტი ქვეყნიდან C ჰეპატიტის ელიმინაციისათვის პირველ სამოდელი ქვეყანად სწორედ საქართველო აირჩიეს და არც შემცდარან, ან თუნდაც ის, რომ საქართველოში აივ/შიდსით სიკვდილობის მაჩვენებელი 2.5 ჯერ ნაკლებია, ვიდრე საშუალოდ მსოფლიოში და 2-ჯერ ნაკლები, ვიდრე აშშ-ში. ასეთი მაგალითების მოყვანა კიდევ შეიძლება. ქ-ნი თამარი იმასაც ამბობს, რომ საქართველოში COVID-19-ის გავრცელება გვიან დაიწყო, თორემ იანვარში რომ დაწყებულიყო, სავალალო შედეგები გვექნებოდაო. მოკლედ, აღარ იცის რა თქვას. ამის საპასუხოდ ერთ მაგალითს მოვიყვან. საქართველოში COVID-19-ის პირველი შემთხვევა ა.წ. 26 თებერვალს დაფიქსირდა და სადღეისოდ 783 ავადმყოფი და 12 გარდაცვლილი (1.53%) გვყავს. ხოლო ევროპის ერთ-ერთ სამაგალითო ქვეყანაში - ნიდერლანდებში COVID-19-ის პირველი შემთხვევა ა.წ. 27 თებერვალს დაფიქსირდა, მაგრამ მათ სადღეისოდ 46 422 ავადმყოფი და 5 956 გარდაცვლილი (12,83%) ჰყავთ. ასეთი მაგალითები სხვაც ბევრია. ასე, რომ ჩვენ მიღწეული შედეგებით, რა თქმა უნდა, ზედმეტად არ უნდა გავთამამდეთ და თვითკმაყოფილებას არ უნდა მივეცეთ, მაგრამ არც ის იქნება სწორი, რომ მუდმივად არასრულფასოვნების კომპლექსით ვიყოთ შეპყრობილი და მიგვაჩნდეს, რომ უცხოეთის ქვეყნებთან შედარებით ჩვენთან ყველაფერი უფრო ცუდად კეთდება. ზედმეტად მიმაჩნია იმის გამეორება, რომ ყველა საერთაშორისო ინსტიტუციები და ავტორიტეტული ლიდერები გაეროთი და ჯანმო-თი დაწყებული და აშშ-ს პრეზიდენტით და Washington POST-ით დამთავრებული, საქართველოს COVID-19-თან ბრძოლაში ერთ-ერთ ყველაზე წარმატებულ ქვეყნად მიიჩნევენ. ქ-ნი თამარი არ ტოვებს ისეთი პიროვნების შთაბეჭდილებას, რომელიც კარგს და ცუდს ერთმანეთისგან ვერ არჩევს. მაშინ რატომ დასჭირდა მას საქართველოს ჰოსპიტალური სექტორის უკიდურესად ნეგატიურად და ტენდენციურად წარმოჩენა? ვფიქრობთ, მიზეზები ყველასთვის გასაგებია. საქმე გვაქვს „ჩასაფრებული ადამიანის“ კლასიკურ შემთხვევასთან. სხვათაშორის, ნიშანდობლივია, რომ ქ-ნი თამარი ძალიან გაახალისა (მისივე სიტყვებით) იმ დაუდასტურებულმა შეტყობინებამ, რომ მარნეულში სამარშრუტო ტაქსის მძღოლმა მგზავრებს პირბადეები ათხოვა და ჩასვლისას უკან დააბრუნებინა. ამის გაკეთება ცხადია, არ შეიძლება, მაგრამ სამწუხარო ის არის, რომ ქ-ნი თამარი საქართველოში მხოლოდ ნეგატიური ფაქტების წარმოჩენითაა დაკავებული და ძალიან „უტყდება“. და ბოლოს, ქ-ნო თამარ! გერმანია დიდი ქვეყანაა და COVID-19-ს ისევე, როგორც ნებისმიერ სხვა გამოწვევას იგი უთქვენოდაც გაუმკლავდება. დასაფასებელი ის არის, როცა ამას საქართველოსნაირი ეკონომიკურად შეზღუდული შესაძლებლობების ქვეყანა აკეთებს და თან ძალიან დიდი ... ...
  • რატომ არ მიეწოდება საგურამოს მოსახლეობას ელექტრო ენერგია და გაზისაგურამოს მოსახლეობას ამ დროისთვის არც გაზი და არც ელექტროენერგია არ მიეწოდება. ამის შესახებ ადგილობრივმა მოსახლეობამ „გურია ნიუსს“ აცნობა. როგორც ჩვენთვის ცნობილია, გაზის შეწყვეტა მოსახლეობისთვის გაზსადენის მილზე მომხდარმა დაზიანებამ გამოიწვია. საგურამოს ადმინისტრაციული ერთეულის წარმომადგენლის, ბადრი უნდილაშვილის თქმით, ელექტროენერგიის გათიშვას კავშირი ბუნებრივი აირის მილის დაზიანებასთან არ აქვს. „დაზიანდა გაზის მილი სადღაც და გამშვევები აყენია საგურამოში, რის გამოც შეწყდა გაზი, რომ გააკეთონ. ელექტროენერგიის გათიშვა კი  ავარიულად მოხდა და მალე ჩაირთვება“,_ გვითხრა უნდილაშვილმა. როგორც "ენერგო პრო ჯორჯიას" მიერ აბონენტებისთვის გაგზავნილ შეტყობინებაშია ნათქვამი, ელექტრო ენერგიის შეწყვეტა ქსელში ავარიულმა დაზიანებამ გამოიწვია. მიმდინარეობს აღდგენითი სამუშაოები. აღდგენის სავარაუდო დროდ კი 22:00 საათი ... ...
  • ავტოავარია ოზურგეთში _ გარდაცვლილია 60 წლამდე ასაკის ქალბატონი, მძღოლი კი მიიმალაახლახან ოზურგეთში, პეტრიწისქუჩაზე, ტრაგიკულად დასრულდა ავტოავარია. ავტომანქანის მძღოლი, რომელიც ქუჩის კუთხეში მდგარ ქალბატონს დაეჯახა ადგილიდან მიიმალა. ქალატონი კი გარდაიცვალა. ადგილზე მობილიზებულია პოლიცია. შსს-ს ინფორმაციით, საქმე აღძრულია და გამოძიება მიმდინარეობს სისხლის სამართლის კოდექსის 267-ე ... ...
  • „აივანზე ჩამომხრჩვალი იპოვეს“ – 16 წლის მოზარდმა სიცოცხლე თვითმკვლელობით დაასრულასაზარელი ტრაგედია მოხდა გორში - სოფელ ახალშენში 16 წლის მოზარდმა სიცოცხლე თვითმკვლელობით დაასრულა. როგორც „გურია ნიუსს“ მერის წარმომადგენელმა აღნიშნულ თემში, დავით ცერცვაძემ განუცხადა, გოგონა  გარდაცვლილი დღეს დილით, საკუთარ სახლში აივანზე იპოვეს. რა გახდა სუიციდის მიზეზი ... ...
  • წვიმა, სეტყვა, ძლიერი ქარი, ზღვაზე ღელვა- გაფრთხილება ამინდის შესახებგარემოს ეროვნული სააგენტოს ინფორმაციით, 2 ივნისს, დღის ბოლოდან 4 ივნისის დილამდე და 4 ივნისის საღამოდან 6 ივნისის დილამდე საქართველოში მოსალოდნელია დროგამოშვებით წვიმა ელჭექით, ზოგან ძლიერი, შესაძლებელია სეტყვა, იქროლებს დასავლეთის მიმართულების ძლიერი ქარი, ზღვაზე შესაძლებელია 2-3 ბალიანი ღელვა. მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება და პატარა მდინარეებზე წყალმოვარდნები გამოიწვიოს.ქვეყნის მთიან ზონებში შესაძლოა მეწყრულ-ღვარცოფული პროცესების ჩასახვა-გააქტიურება ... ...

არქივი

ტესტები

ტესტი _ ყველაზე, ყველაზე...

იცი თუ არა გეოგრაფია

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

ხვალ რომ საპარლამენტო არჩევნები იყოს, რომელ პარტიას მისცემდით ხმას?